Икона Помощница в родах, В родах Помощница, Помощь в родах, Поможение в родах, Помогательница женам чады рождати — вот столько названий имеет эта чудотворная икона, причем возможны еще другие варианты названий местночтимых икон Пресвятой Богородицы такого типа.
История образа: История иконы сокрыта во тьме веков. Неизвестно, когда и где она была явлена, неизвестно местонахождение первообраза. Известны три варианта иконы Божией Матери «Помощница в родах. В старинном варианте Пресвятая Богородица изображена в рост с воздетыми в молитве руками и с Предвечным младенцем на лоне. Этот образ напоминает несколько икону «Знамение«.
Существует еще вариант, который мы видим на первом изображении, и самый распространенный в настоящее время, на котором Пресвятая Богородица изображена с непокрытой головой и распущенными волосами. Руки Ее сложены на груди, или соеденены (персты левой руки до половины прикрывают персты правой), или разъеденены (более распространенный вариант).
И третий вариант — это почитаемый образ «Слово плоть бысть» или Албазинская икона Божией Матери. Названием иконы служат слова из Евангелия от Иоанна (Ин. 1:14) «И Слово стало плотью» («Слово плоть бысть»), так как Словом называют Господа Иисуса Христа. На этой иконе Пресвятая Богородица с покрытой головой держит руки ниже Богомладенца без одеяний.
Самая древняя из известных на сегодняшний день икон датируется XVIII веком. Она обретена была в 2005 году в Хабаровске. Принесена она была в Христорождественский храм города Хабаровска расколотой и настолько потемневшей, что образ Пресвятой Богородицы был едва различим. Некоторое время икона хранилась в ризной.
В 2005 году икона, называемая «В родах помощница», была передана для реставрации прихожанке храма Галине Галямовой, которая вернулась в Хабаровск после окончания Тобольской иконописной школы. Женщина, ожидавшая своего первенца, начала реставрационные работы. Сняв с иконы налет времени, она к своей радости и удивлению обнаружила надпись на иконе: «В родах помощница».
Существует список древней иконы, называемой «Помогательница женам чады рождати», в храме Живоначальной Троицы на Пятницком кладбище Москвы. Он находится справа в центральном приделе храма, и очень почитается прихожанами. Именно эта икона Помощница в родах описана в книге Е. Н. Поселянина «Богоматерь. Описание Ее земной жизни и чудотворных икон»
Известна также икона Помощница в родах, находящаяся в городе Серпухове. Она называется там «Помощь в родах». Обретена эта икона была в 1993 году. Настоятель храма Николы Белого причащал на дому старушку во время Великого поста. Старушка попросила внучку достать с чердака икону Божией Матери и отдать священнику для храма.
Образ с потемневшей ризой, весь в паутине и многолетней пыли был вручен священнику. В храме икону привели в надлежащий вид, и она засияла не только красками, но и благодеяниями, исходившими от образа по молитвам к Пресвятой Богородице. Зафиксированы случаи исцеления от бесплодия, помощи даже в очень трудных родах. Находится икона Помощница в родах в Никольском храме Серпухова.
Иконография: Иконографический тип — Иммакулата (Пречистая). При всех различиях перечисленных вариантов образа обязательно соблюдение следующих особенностей: верхняя одежда Богоматери красного цвета (может быть разного оттенка), изображение Спасителя во чреве является обязательным элементом. Он перстами Своими, еще будучи Младенцем, благословляет род человеческий.
Молитвенная традиция: С незапамятных времен в минуты жестоких страданий при рождении детей женщины прибегают к помощи Пресвятой Богородицы, прошедшей также путь чадорождения. Перед иконой Помощница в родах молятся роженицы для ниспослания им благополучных родов, молятся о зачатии, об исцелении от бесплодия.
Празднование: 26 декабря / 8 января (вместе с Барловской иконой Божией Матери «Блаженное чрево«) и 20 сентября / 3 октября.
АКАФИСТ ИКОНЕ БОЖИЕЙ МАТЕРИ «ПОМОЩНИЦА В РОДАХ»
Тропарь, глас 4
Ангелов лицы благоговейно Тебе служат и вся Небесныя Силы немолчными гласы Тя ублажают, Богородице Дево; темже усердно молим Тя: да пребудет Божественная благодать на честней иконе Твоей, и светозарный луч славы чудес Твоих да нисходит от нея на всех с верою Тебе молящихся, Тя бо Едину Помощницу и Предстательницу имамы.
Кондак, глас 4
Предстательство христиан непостыдное, ходатайство ко Творцу непреложное, не презри грешных молений гласы, но предвари яко Благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.
Кондак 1
Избранней от всех родов Предстательнице рода христианскаго, благодарственная пения приносим Ти, Богородице, о даровании чудныя иконы Твоея. Ты же, яко скорая и всемилостивая верных Заступнице, не остави нас в скорбех, да зовем Ти: Радуйся, Благодатная, Помощнице в родах, на помощь к нам ускоряющая.
Икос 1
Ангел предстатель послан бысть рещи Богородице: «Радуйся», егда Бог Слово воплощашеся во утробе Ея; и мы, грешнии, дивящеся явлению чудныя Ея иконы с верою и надеждою вопием:
Радуйся, Дево, христиан похвало.
Радуйся, яко Тя блажат вси роди.
Радуйся, скорби земныя со смирением претерпевшая.
Радуйся, материнскую любовь нам являющая.
Радуйся, болезни рождения в радость претворяющая.
Радуйся, Твоею любовию нас на Небеса возводящая.
Радуйся, чудным рождением Твоим праведных родителей Своих возвеселившая.
Радуйся, сим весь мир радости исполнившая.
Радуйся, Благодатная, Помощнице в родах, на помощь к нам ускоряющая.
Кондак 2
Видящи, Всенепорочная, во славе Сына Своего пребывающая, яко скорби и уныния в сердцах людей умножишася, благоволила еси явити икону Твою, чудесы ю прославляющи, да, покрываеми Твоею любовию, с надеждою вопием Богу: Аллилуиа.
Икос 2
Жизнодателя рождшая, Пресвятая Богородице, благодатное попечение о женах, родити имущих, прияла еси, да познаем, что есть воля Божия о нас благая и совершенная. Мы же, дивящеся свыше данному нам благодатному укреплению, со слезами радости вопием Ти:
Радуйся, вразумлением Твоим от грехов нас отвращающая.
Радуйся, славою чудес Твоих верных разум озаряющая.
Радуйся, сердца наша любовию Твоею умягчающая.
Радуйся, молитвами Твоими милосердие Сына Твоего к нам приклоняющая.
Радуйся, скорби наша утоляющая.
Радуйся, жен христианских в родах не оставляющая.
Радуйся, и в духовнем рождении всех благословляющая.
Радуйся, светом Сына Твоего всех просвещающая.
Радуйся, Благодатная, Помощнице в родах, на помощь к нам ускоряющая.
Кондак 3
Силу сугубыя благодати явила еси, Владычице, чудотворному образу Твоему «Помощница в родах» именуемому, да вси, чада родити имущии, под осенение Твоея иконы с молитвою прибегают, Богу же вопиют: Аллилуиа.
Икос 3
Имуще Тя, Заступнице усердная рода христианскаго, яко Матерь о чадех Своих пекущуюся, с верою и любовию к Тебе притекаем и молитвы наша пред иконою Твоею возносяще, вопием Ти сице:
Радуйся, явлением образа Твоего мглу лютых обстояний отгоняющая.
Радуйся, православныя люди иконою Твоею утешающая.
Радуйся, болезни родити имущих облегчающая.
Радуйся, любовь Твою всегда нам источающая.
Радуйся, в скорбех нас не оставляющая.
Радуйся, любящим Сына Твоего молитвенное попечение дарующая.
Радуйся, на путь спасения наставляющая.
Радуйся, злыя страсти наша укрощающая.
Радуйся, Благодатная, Помощнице в родах, на помощь к нам ускоряющая.
Кондак 4
Бури житейския избегающи, в тихое пристанище под осенение Твоея иконы вернии притекают, наипаче же жены, родити чада имущия, мольбы своя пред тою возносят, Богу же, вся во благо устрояющему, зовут: Аллилуиа.
Икос 4
Слышавше православнии людие о чудесех, от иконы Твоея «Помощница в родах» бываемых, возрадовашеся зело и, всю надежду на Тя возлагающе, вопияху таковая:
Радуйся, семейства благочестивыя благословляющая.
Радуйся, миром и любовию сия ограждающая.
Радуйся, чад наших назирающая.
Радуйся, благодатным Твоим покровом младенцев осеняющая.
Радуйся, юность светом истины просвещающая.
Радуйся, ум наш в горняя возносящая.
Радуйся, целомудрия Наставнице.
Радуйся, чистоты Хранительнице.
Радуйся, Благодатная, Помощнице в родах, на помощь к нам ускоряющая.
Кондак 5
Боготечная звезда явися икона Твоя, Богомати Пречистая, сущих в болезнех и скорбех радостию осиявающи, заблуждающих же на путь делания заповедей Сына Твоего и Бога наставляющи, Емуже благодарне вопием: Аллилуиа.
Икос 5
Видевше токи чудес, от святыя иконы Твоея «Помощница в родах» источаемыя, вси вернии людие стекахуся к ней на поклонение. Ты же, Мати Божия, всем дары милости Твоея неоскудно подаеши от чудотворнаго Твоего образа, подвизая вопити Тебе сице:
Радуйся, Мати милосердия и щедрот.
Радуйся, Безплотнаго воплотившая.
Радуйся, Бога с человеки соединившая.
Радуйся, верных Господеви сочетавшая.
Радуйся, несумненною надеждою сердца наша исполняющая.
Радуйся, хладность душевную благодатию согревающая.
Радуйся, добродетелей стяжание.
Радуйся, Божие к немощным благоволение.
Радуйся, Благодатная, Помощнице в родах, на помощь к нам ускоряющая.
Кондак 6
Проповедающе чудеса Твоя, Богородительнице, от иконы Твоея «Помощница в родах» бываемая, молим Тя, Пречистая: помози женам чревоносящим благополучно родити чада своя, подвизающи воспевати Богу: Аллилуиа.
Икос 6
Возсия, Пречистая Богородице, чудная икона Твоя «Помощница в родах» родителем на утешение и всем нам на помощь и спасение. Сего ради, взирая на ню, мольбы своя Тебе приносим, благодарно зовуще:
Радуйся, от внезапныя смерти всех избавляющая.
Радуйся, мрачных духов далече от нас отгоняющая.
Радуйся, отступления наша любовию Твоею покрывающая.
Радуйся, к долготерпению в скорбех и недузех нас призывающая.
Радуйся, истинно молитися нас научающая.
Радуйся, вся благая прошения наша исполняющая.
Радуйся, благодарственныя дары не отвергающая.
Радуйся, сердца благочестивых людей возвеселяющая.
Радуйся, Благодатная, Помощнице в родах, на помощь к нам ускоряющая.
Кондак 7
Хотяй всем человеком спастися, Премилосердный Господь усынови нас Матери Своей: да будет печальным Утешительницею, болящим Целительницею, заблуждшим Наставницею, да всех из глубины греховныя изведет, вопиющих: Аллилуиа.
Икос 7
Дивна показал еси дела Твоя в Пречистей Матери Твоей, Господи, и дивну даровал еси нам Ея икону, да вси взирающии на сию, песненно превозносят Честнейшую Херувим и Славнейшую Серафим пении сими:
Радуйся, неприступнаго Божества селение.
Радуйся, Ангельское непрестанное удивление.
Радуйся, Божия милости и любве исполнение.
Радуйся, Подательнице спасительнаго в родах вспоможения.
Радуйся, правды святыя Попечительнице.
Радуйся, наша пред Сыном Твоим Споручнице.
Радуйся, неизменная наша Надеждо.
Радуйся, тихое и доброе пристанище.
Радуйся, Благодатная, Помощнице в родах, на помощь к нам ускоряющая.
Кондак 8
Странно и сумнительно неверующим слышати, како образ Твой, Богомати Пречистая, токи благодати источает. Мы же, о всех благодеяниих Твоих, от иконы Твоея бываемых, добре ведуще, благодарно вопием Богу: Аллилуиа.
Икос 8
Все упование свое жены, родити чада имущия, на Тя, Владычице, возлагают: приклонися к немощем человеческим, кто бо нас от рова погибели изведет, аще не Ты, о Богомати; сего ради пред Твоим пречистым образом вопием Ти тако:
Радуйся, отчаянных Надеждо.
Радуйся, скорбящих Утешение.
Радуйся, обуреваемых пристанище.
Радуйся, болящих исцеление.
Радуйся, немощных подкрепление.
Радуйся, унывающих ободрение.
Радуйся, вдов заступление.
Радуйся, сирых призрение.
Радуйся, Благодатная, Помощнице в родах, на помощь к нам ускоряющая.
Кондак 9
Всякаго естества Ангельскаго превышшая явилася еси, Пресвятая Дево: Бога бо зачала еси плотию, Невместимаго всеми вместила еси во утробе Твоей; темже, яко Матерь Божию величающе Тя, вопием о Тебе Создателю нашему: Аллилуиа.
Икос 9
Ветии человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Тебе, Заступнице нашей. Обаче, неисчетная чудеса, иконою Твоею являемая, видевше, радующеся, вопием Ти:
Радуйся, благочестия Наставнице.
Радуйся, в добрых делех Помощнице.
Радуйся, добрыя обеты приемлющая.
Радуйся, благим намерениям способствующая.
Радуйся, злыя начинания разрушающая.
Радуйся, вражия козни расторгающая.
Радуйся, всему благому вход отверзающая.
Радуйся, чадородие благословляющая.
Радуйся, Благодатная, Помощнице в родах, на помощь к нам ускоряющая.
Кондак 10
Спасти хотящи многия жены, чада раждающия, от обдержащих их болезней и напастей, чудную икону Твою, Богомати, даровала еси, еяже ради козни диавольския разрушаются, смертоносныя болезни отступают, недуги ослабевают, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси и прибежище, Богомати, людем страждущим и всем, усердно к Тебе прибегающим: сего ради от лет древних вси скорбящии и обремененнии, всю надежду на Тя возлагающе, к помощи Твоей притекают, пред честною иконою вопиюще Тебе сице:
Радуйся, прославляющих Тя от бед избавляющая.
Радуйся, не чтущих Тя посрамляющая.
Радуйся, чудесы Твоими всех просвещающая.
Радуйся, моления наша во благо исполняющая.
Радуйся, яко невидимых врагов от нас отгоняеши.
Радуйся, яко от видимых врагов нас избавляеши.
Радуйся, ищущих Твоего предстательства спасающая.
Радуйся, матери и чада сугубою любовию Твоею покрывающая.
Радуйся, Благодатная, Помощнице в родах, на помощь к нам ускоряющая.
Кондак 11
Пение всеумиленное приими от нас, Небесная Царице, и молитву, приносимую Тебе, услыши: к Тебе бо в напастех и скорбех прибегаем и пред Тобою в бедах наших слезы проливаем и молим: помози нам, и приими сию жертву Твоих рабов, зовущих: Аллилуиа.
Икос 11
Светоприемная свеща истиннаго Света сущим нам на земли явльшися, Богородительнице, души просвещаеши чтущих Твоея иконы явление, в вере наставляеши, и младенцев во утробах матерей охраняеши, и молишися о всех поющих Ти сицевая:
Радуйся, ненадеющихся несумненною надеждою возвеселяющая.
Радуйся, свеще, у Престола Божия присно горящая.
Радуйся, лампадо, елеем Божественным светящая.
Радуйся, вход в Царство Небесное нам, грешным, отверзающая.
Радуйся, свете лучезарный, пути жизни нам указующий.
Радуйся, храме одушевленный, всех нас освящающий.
Радуйся, любовию Твоею всех объемлющая.
Радуйся, покровом Твоим всех покрывающая.
Радуйся, Благодатная, Помощнице в родах, на помощь к нам ускоряющая.
Кондак 12
Благодать Божия, присущая святей иконе Твоей «Помощница в родах» именуемей, Богомати Владычице, влечет к ней всех, помощи Твоея просящих, и не тщи отходят они от сего источника многообразных Твоих милостей и щедрот, но вся для душ и телес благопотребная неоскудно получают, аще по Бозе все упование на Тя возложат, поюще: Аллилуиа.
Икос 12
Поюще Твоя чудеса, бывшая в древняя и настоящая времена, хвалим Тя, Богородице, яко твердую Предстательницу нашу: веруем бо, яко испросиши у Сына Твоего благая вечная и временная всем с любовию вопиющим Тебе сице:
Радуйся, скорбящих Радосте.
Радуйся, погибших Взыскание.
Радуйся, Всеблагая Скоропослушнице.
Радуйся, грешных Споручнице.
Радуйся, Неопалимая Купино.
Радуйся, Нерушимая Стено.
Радуйся, Живоносный Источниче.
Радуйся, Цвете Неувядаемый.
Радуйся, Благодатная, Помощнице в родах, на помощь к нам ускоряющая.
Кондак 13
О Всепетая Мати, рождшая всех святых Святейшее Слово, Помощнице в родах, нынешнее наше приемши приношение, от всякия избави напасти всех и будущия изми муки о Тебе вопиющих: Аллилуиа.
(Этот кондак читается трижды, затем икос 1 и кондак 1)
Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе во чреве носящую Сына Твоего и Бога нашего, Господа Иисуса Христа: аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему, и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердную Заступницу и верную Надежду рода нашего, во веки веков. Аминь.
