Путивльская икона Божией Матери прославилась многими чудотворениями. Пресвятая Богородица Своим небесным покровительством неоднократно избавляла город Путивль от опасностей. В церковных описях Путивльская икона Божией Матери называется «явленной», но сведения о ней очень противоречивы. В разных источниках даже даты явления иконы различаются.
Исследователи полагают, что речь идет о двух схожих иконах, носивших одно название, но явленных в разное время. Кроме того, эту икону зачастую путают с Молченской иконой Божией Матери , так как на обеих иконах есть общие детали в изображении (лестница в руках Богоматери и шар в руках Богомладенца).
История: В книге Софии Снессоревой «Земная жизнь Богородицы и описание Ее чудотворных икон» сообщается, что явление Путивльской иконы Божией Матери последовало в 1238 году на болоте Молча в 20 верстах от города Путивля, а в книге «Чудотворные иконы Пресвятой Богородицы» составителя С. Алексеева датой явления образа называется 2 мая 1635 года. В документах упоминаются еще и другие даты явления образа (1235, 1600).
Один образ, хранился в Путивльском Молченском монастыре, другой, — в храме Воскресения Христова города Путивля Курской губернии. Сейчас этот город находится на территории современной Украины, в Сумской области. Воскресенская церковь имела очень сложную историю и до настоящего времени не сохранилась.
Объединяло эти два образа, называемые «Путивльская икона Божией Матери» то, что оба они связаны были с городом Путивлем (ныне Сумская епархия) и что оба были или явлены на городских воротах, или долгое время там находились, и оказали чудесную помощь городу в защите от врагов ( во время монголо — татарского нашествия и от нападения шведов ).
На обоих образах на обратной стороне были сделаны соответствующие надписи, упоминаемые в церковных описях и в «Доношении» игумена Мануила: «От создания мира в лето 7143 году от Рождества Христова 1635 г. мая во второй день в первом часу дни бысть явление Пресвятыя Богородицы Одигитрии во граде Путивле яже внутрь града у передних Никольских врат».
Путивльской иконой в настоящее время принято считать ту, что находилась в храме Воскресения. Она явила Знамение 2 мая 1635 года у Никольских ворот. Воскресенский храм был закрыт советской властью в 1935 году, все имущество изъято, следы Путивльской иконы потерялись. Воссоздавалась Путивльская икона Божией Матери по сохранившимся спискам.
Другая же икона, явленная на болоте Молча в 1405 году и хранящаяся сначала в Молченской Софрониевой пустыне, а затем с 1605 года в Путивльском Молченском монастыре, это Молченская икона Божией Матери. Она переносилась из обители на городские врата после явления на болоте Молча.
Иконография: На Путивльской иконе Божией Матери Пресвятая Богородица изображена с Предвечным Младенцем на левой руке. Богомладенец держит в левой руке шар как символ Вседержителя.
Под правой рукой Богоматери помещена лестница — символ соединения земного с небесным. Иконографический тип — Одигитрия. В иконографии изображение лестницы ( по-славянски — «лествицы» ) является символом восхождения человека к горним высотам духа.
Известна синайская икона «Лествица», где изображены подвижники веры, поднимающиеся по лестнице к небесному полукругу, в котором их встречает Спаситель.
Во времена воинствующего атеизма Путивльская икона Божией Матери, ее первообраз, был утрачен, как были утрачены многие святыни Русской Православной Церкви. Закрывались и разорялись храмы и монастыри, уничтожались или терялись архивы, поэтому сведения, дошедшие до нас, неполны и противоречивы.
Народная память, предания хранят чудеса, совершенные чрез чудотворные иконы Божией Матери . До наших дней дошли лишь иллюстрации в дореволюционных изданиях и списки Путивльской иконы Божией Матери. Один из таких списков Путивльской иконы Божией Матери, сделанный в наши годы, хранится в Спасо — Пребраженском соборе города Путивля.
Не смотря на утрату древнего образа, православный народ и в наше время почитает Путивльскую икону Божией Матери. К современному списку с чудотворной иконы, пребывающему в Путивльском Преображенском соборе, не иссякает поток верующих из дальних и ближних мест.
Молитвенная традиция: Перед иконой молятся об избавлении от телесных и душевных страданий, в любой сложной жизненной ситуации. Перед образом просят заступничества Пресвятой Богородицы за себя и за своих близких, ведь по ходатайству Пречистой Девы Марии Господь прощает людям многие прегрешения.
Путивльская икона Божией Матери, как и другие образы Пресвятой Богородицы, явленные в тяжелые времена истории для помощи, защиты и укрепления в вере грешного рода человеческого, как призыв к покаянию и напоминание соблюдения Заповедей Божиих, так как только Он — наше Спасение, да защитит нас от всяческих бед!
Празднование: 2 / 15 мая.
Тропарь Божией Матери пред чудотворною иконою Ея Путивльския. Глас 4:
Днесь светло красуется древний град Путивль, /
поминающе славное чудо Пресвятыя Богородицы: /
древле бо икона Ея /
на вратех Никольских яко звезда пресветлая возсия, /
души всех к ней притекающих дивным светом озари. /
Тем верою и любовию Владычице вопием: // спаси град Свой и люди.
Кондак Божией Матери пред чудотворною иконою Ея Путивльския. Глас 4:
Необоримая Заступнице земли Путивльския, /
от враг иноплеменных и лютых /
и Избавительнице Милостивая /
язвы смертоносныя. /
Избави рабы Твоя всяких бед и скорбей, /
верою и любовию чудотворней иконе Твоей припадающия, //
и спаси, Благая, души наша.
Акафист Пресвятей Владычице нашей Богородице в память явления чудотворныя иконы Ея, Путивльския
Кондак 1
Возбранной Воеводе и Всемилостивей Госпоже и Владычице*, преславней Заступнице града Путивльскаго* и всех христиан Упованию*, приидите вернии похвальная пения принесем*, честную икону Ея лобызающе* и умиленною душею вопиюще:
Радуйся Одигитрие Путивльская, в Царствие Небесное наша преславная Путеводительнице.
Икос 1
Архангел Гавриил послан бысть с небесе, во еже рещи Богородице Радуйся, и людие путивльстии радовахуся, явление лика Ея пресветлаго на вратех града своего зряще, ликовствоваху же вопиюще той сице:
Радуйся, корене Давидова отрасле преславная:
Радуйся, праведными Иоакимом и Анною воспитанная.
Радуйся, во храме Божием чистотою и смирением просиявшая:
Радуйся, пророческая словеса преславно исполнившая.
Радуйся, Адама и Евы тьмы адовы избавльшая:
Радуйся, светом Сына Твоего весь мир осиявшая.
Радуйся, всех верных жизни вечныя сподобляющая,
Радуйся окаянных демонов козни разрушающая.
Радуйся, путь незаблудный, еже ко спасению показующая:
Радуйся, бездны греховныя изымающая.
Радуйся Одигитрие Путивльская, в Царствие Небесное наша преславная Путеводительнице.
Кондак 2
Видяще чудеса и знамения от святых икон Твоих, Владычице, бываемыя, прославляем Тя, сих Подательницу, и Сына Твоего славословим, вопиюще Богу: Аллилуиа.
Икос 2
Разум человеческий тайну Боговоплощения постигнути не может, и уста наша славу и величие Царицы Небесныя изглаголати недоумеют; обаче сердце сокрушенно, еже Бог не уничижит, вопиет Той таковая:
Радуйся, смирения и кротости преславная Наставнице:
Радуйся, рода христианскаго первейшая Заступнице.
Радуйся, Владычице, иконы Своя нам преславно являющая:
Радуйся, чтущим я скоро помогающая.
Радуйся, Света незаходимаго Родительнице:
Радуйся, всем Тому последующих благая Путеводительнице.
Радуйся, грабителей храмов Божиих наказующая:
Радуйся, о благолепии Домов Божиих радеющих благословляющая.
Радуйся, Херувимов несравненно честнейшая:
Радуйся, Серафимов воистину славнейшая.
Радуйся, всех скорбящих неизреченная радосте:
Радуйся, благоговейных монахов и пресвитеров сладосте.
Радуйся Одигитрие Путивльская, в Царствие Небесное наша преславная Путеводительнице.
Кондак 3
Сила Божия осени древле град Путивльский, егда икона Твоя, Владычице, на вратех Никольских дивным светом просия, и множество чудес от нея источися. Тем же и ныне нас не забуди, Премилостивая, вопиющих Ти: Аллилуиа.
Икос 3
Имуще преславный образ Твой, Приснодево, град Путивльский радуется, и вся земля Русская вкупе с ним торжествует, пришествие Твое во иконе дивней славяще, убогими же языки дерзающе пети сицевая:
Радуйся, землю Русскую крепце возлюбившая:
Радуйся, храмы и обители имене Своего зде во множестве насадившая.
Радуйся, помощь во бранех воинству нашему подающая:
Радуйся, агарян конечне посрамляющая.
Радуйся, умы верных пети во славу Твою воздвизающая:
Радуйся, и несмысленная тожде творити научающая.
Радуйся, правителей нечестивых вразумляющая:
Радуйся, сирым и странным помогающая.
Радуйся, демонов силою Своею устрашающая:
Радуйся, кающихся грешников во брани духовней укрепляющая.
Радуйся, души наша ко Господу возводящая:
Радуйся, телесныя язвы наша врачующуя.
Радуйся Одигитрие Путивльская, в Царствие Небесное наша преславная Путеводительнице.
Кондак 4
Буря смущения душевнаго в верных путивлечах воздвижеся, егда татарове окаяннии, а послежде и свее, ко граду их приступиша, погубити тех тщащеся; Ты же, Владычице, чрез икону Свою, град Путивль от поганых защитила есть, воздвизая спасенных благодарне вопити: Аллилуиа.
Икос 4
Слышаша людие российстии весть о чудесех и знамениях, чрез икону Твою, Богородице, бываемыя, притекаху во град Путивль, образ честный лобызающе, и Тебе, истинней чудесем Виновнице взываша:
Радуйся, граждан путивльских от татар и свеев избавление:
Радуйся, агарян беззаконных конечное посрамление.
Радуйся, смертоносныя заразы скорое от нас отгнание:
Радуйся, благодати Божия преславное призвание.
Радуйся, оградо несокрушимая, всем спасения чающим:
Радуйся, столпе и утверждение всем право в Тя верующим.
Радуйся, отрадо чистым сердцем Сыну Твоему работающим:
Радуйся, утешение всем, о гресех своих плачущим.
Радуйся, успокоение во обителех Твоих живущим:
Радуйся, наградо, благолепие храмов Божиих любящим.
Радуйся, исцеление душевное и телесное подающая просящим:
Радуйся, воздаяние скорое, милостыню творящим.
Радуйся Одигитрие Путивльская, в Царствие Небесное наша преславная Путеводительнице.
Кондак 5
Боготечную звезду узревше волсви, достигоша Царя Славы, яко Младенца в яслех лежаща. Тем же и нас, убогих, иконам Твоим, Приснодево, припадающих, к познанию Сына Твоего направи, да спасение улучивше, воспоем: Аллилуиа.
Икос 5
Видяще лествицу в деснице Твоей, Богоневесто, тайну снизшествия Сына Твоего к нам грешным разумеем. Ты же, превыше Херувим превознесенная, и паче Серафим прославленная, возведи души наша горе, да Горняго Иерусалима достигше, взывати Ти сице начнем:
Радуйся, Лествице мысленная, Иаковом древле виденная:
Радуйся, Стамно златая, манны исполненная.
Радуйся, Иосифу праведному обрученная:
Радуйся Гавриилом Архангелом обрадованная.
Радуйся, Кадильнице благоухающая, Духа Свята исполненная:
Радуйся, Лампадо пресветлая, благодатиею Божией возжженная.
Радуйся, Трапезо, Хлеб Живота вечнаго имущая:
Радуйся, Чаше златая, Невместимаго вместившая.
Радуйся, Молитвеннице неустанная, Сына Своего о нас молящая:
Радуйся, Ходатаице пред Тем благая, прощение нам скоро подающая.
Радуйся, Звездо утренняя, во тьме греховней сияющая:
Радуйся, Луно пресветлая, Солнцу правды предшествующая.
Радуйся Одигитрие Путивльская, в Царствие Небесное наша преславная Путеводительнице.
Кондак 6
Проповедует вся земля русская заступничество Твое за род человеческий пред Сыном Твоим и Господем нашим, Владычице Небесная, ни един бо, с верою к Тебе притекаяй, тощ отыде. Тем же молимся Тебе: пробави милость Свою всем иконы Твоя чтущим, Богови же вопиющим: Аллилуиа.
Икос 6
Возсиявый древле на вратех Путивльских образ Твой, Приснодево, радости неизреченныя даже до днесь сердца наша исполняет; радость же сию никтоже николиже возьмет от нас, тем вопием со умилением сице:
Радуйся, явлением Архангела не устрашенная:
Радуйся, названием от того благодатной почтенная.
Радуйся, великия чести, во еже быти Материю Господа удостоенная:
Радуйся, от Духа Свята приосененная.
Радуйся, праведною Елисаветою благословенною в женах нареченная:
Радуйся, и младенцем Предтечею приветствованная.
Радуйся, в убозем вертепе Царя Славы Родившая:
Радуйся, от пастырей и волхвов поклонение Сыну Своему лицезревшая.
Радуйся, словами праведнаго Симеона во храме опечаленная:
Радуйся, со смирением волю Божию приемшая.
Радуйся, спасения ради Богомладенца во Египте сокрывшаяся:
Радуйся, до умертвия иродова тамо пребывшая.
Радуйся Одигитрие Путивльская, в Царствие Небесное наша преславная Путеводительнице.
Кондак 7
Хотяще достойно ублажити Тя, Приснодево, людие благочестивии пения и песни духовныя на похвалу Твою приносити тщатся. Тем же и мы, обаче и недостоинство свое разумеюще, дерзаем вопити Тебе: Аллилуиа.
Икос 7
Новыя чудесы иконою Своею явила еси нам, Владычице, егда многажды Путивль град, вкупе с селении близлежащими, во времена мора лютаго от конечнаго истребления свободила есть; людие же путивльстии, смерти избегше, благодарно возопиша Тебе сице:
Радуйся, на браце в Кане у Сына Своего чудо испросившая:
Радуйся, и ныне всем прибегающим к Тебе помогающая.
Радуйся, всеми роды доныне ублажаемая:
Радуйся верными присно превозносимся.
Радуйся, с Сыном Своим даже до смерти Его на Голгофе пребывшая:
Радуйся, сбытие проречения Симеонова тамо узревшая.
Радуйся, весь род человечь при Кресте Господнем усыновившая:
Радуйся, Начальника Жизни в Гефсимании во гроб положившая.
Радуйся, прежде всех явлением Воскресшаго Господа обрадованная:
Радуйся, вкупе со Апостолы снитием Духа Святаго почтенная.
Радуйся, на святую гору Афонскую токмо ступивши идолы сокрушившая:
Радуйся, тую в жребий Себе избравшая.
Радуйся Одигитрие Путивльская, в Царствие Небесное наша преславная Путеводительнице.
Кондак 8
Странно есть безбожником и еретиком окаянным зрети знамения милости Господней, яже чрез святыя иконы Богородицы верным неоскудно подаются; мы же, православнии, имуще Таковую Заступницу, вопием Рождшемуся от Нея: Аллилуиа.
Икос 8
Вси концы земли русския прославляют ныне Матерь Божию, Той бо воистину похвала подобает, яко Заступнице усердной рода христианского, Сей же и мы днесь любовию пения таковая принесем:
Радуйся, иконы Своя чтити благословившая:
Радуйся, веру чтущих я николиже посрамившая.
Радуйся, весть о скором Успении Своем от Гавриила приемшая:
Радуйся, к Сыну Своему душею и телом возшедшая.
Радуйся, пред Успением Своим пришествием Апостолов обрадованная:
Радуйся, собравшихся при одре Твоем утешавшая.
Радуйся, в третий час дне от мира сего отшедшая:
Радуйся, в руце Божественнаго Сына Твоего душу Свою предавшая.
Радуйся, яко тело Твое тления не познало есть:
Радуйся, яко душа Твоя в селения горняя вознеслася есть.
Радуйся, чрез тело Свое и по Успении врачевания подававшая:
Радуйся, безумие жидовина Авфония чудесне обличившая.
Радуйся Одигитрие Путивльская, в Царствие Небесное наша преславная Путеводительнице.
Кондак 9
Всяк, верою иконы Твоя, Владычице, почитаяй, просимое, еже ко спасению, от Тебе скоро приемлет. Мы же, маловернии, аще и милости Твоей грех наших ради недостойнии, дерзаем взывати Ти: Аллилуиа.
Икос 9
Ветия хитрословесныя умолкают, не может бо язык человечь всю славу Твою, Владычице поведати, разум же земнородный, грехом помраченный, всю тайну домостроительства спасения нашего, чрез Тебе бывшую, вместити не может. Обаче дерзаем взывати Ти сицевая:
Радуйся, Рождеством Своим мирови радость возвестившая:
Радуйся, и во Успении Своем никогоже опечалившая.
Радуйся, три дня и три нощи при гробе Твоем от Апостол славословимая:
Радуйся, и от Ангел даже до днесь присно хвалимая.
Радуйся, слезы Фомины чудесне осушившая:
Радуйся, всем Апостолом преславно по Успении Себе явившая.
Радуйся, во смирении глубоцем весь живот свой проводившая:
Радуйся, тому же многия научившая.
Радуйся, Пренепорочная, от чрева Твоего плоть и кровь Сыну Божию давшая:
Радуйся, теми причащатися ны призывающая.
Радуйся, превыше всех святых и праведник поставленная:
Радуйся, и превыше сил небесных превознесенная.
Радуйся Одигитрие Путивльская, в Царствие Небесное наша преславная Путеводительнице.
Кондак 10
Спасти хотяще от поганых град Путивльский, на страже земли русския стоящь, древле явила еси в нем предивный образ Свой, Обрадованная, ему же и ныне верою притекающе и любовию лобызающе, просимая получаем, вопиюще Богу: Аллилуиа.
Икос 10
Стена еси крепкая воистину, всем спасения чающим, Богородице Владычице: тем же зрим дивныя храмы и честныя обители во имя Твое, Непорочная, по всей земли Российстей воздвизаемая, идеже вернии на молитву собирающеся, присно приносят Ти пения сия:
Радуйся, в Рождестве девство сохранившая:
Радуйся, и во Успении мира не оставившая.
Радуйся, Дево, избранна яко солнце:
Радуйся, Владычице добра, яко луна.
Радуйся, чистых дев венец лучший имущая;
Радуйся, благодатных жен превосходящая.
Радуйся, у Креста Сына Твоего более всех мученик пострадавшая:
Радуйся, ублажение Свое от всех родов предзревшая.
Радуйся, во Успении Твоем славу превышшую всех преподобных стяжавшая:
Радуйся, и беззребренники цельбы Своими превозшедшая.
Радуйся, книго Слова Ипостаснаго:
Радуйся, Святая Святых большая.
Радуйся Одигитрие Путивльская, в Царствие Небесное наша преславная Путеводительнице.
Кондак 11
Пения нашего не возгнушайся, Непорочная, аще бо и убогими усты и скверным языком приносится, но яко Мати еси всем, иже христианы нарицаются, не отрини нас грешных, имуще бо печать святаго Крещения, дерзаем взывати Рождшемуся от Тебе: Аллилуиа.
Икос 11
Светоприемную свещу зрим икону Твою, Всеблаженная, во граде бо Путивле древле паче солнца чувственнаго возсия, яко истинная Одигитрия, путь ко спасению всем, онаго чающим, показующи, всех вопити воздвизающе сице:
Радуйся, яко словес, имиже достойно хвалити тя не обретаем:
Радуйся, яко Тобою Царствия Небеснаго достигнути чаем.
Радуйся, из глубины греховныя нас воздвизающая:
Радуйся, к зрению спасения сердечныя очи наша просвещающая.
Радуйся, яко под Твою милость вернии притекают:
Радуйся, яко вси в Тебе помощь обретают.
Радуйся, руно Гедеоново орошенное:
Радуйся, жезле Ааронь прозябший.
Радуйся, ковчеже Завета, Духом Святым осененная:
Радуйся, радуго многоцветная, добродетельми сияющая.
Радуйся, яко утро проницающая:
Радуйся, яко молния благодатию блистающая.
Радуйся Одигитрие Путивльская, в Царствие Небесное наша преславная Путеводительнице.
Кондак 12
Благодать людем Своим дати восхотевше, Пренепорочная, присно иконы Твоя по всему лицу земли прославляеши еси, Богородице: едину же от сих, иже Путивльская именуется, обстояще ныне, вопием Ти: Аллилуиа.
Икос 12
Поюще чудеса Твоя, Всемилостивая, проповедуем от Тебе Рождшагося, ублажаем на земле Тебе послуживших, умоляем ненавидящих имя Твое, да покаются и зловерие свое да отвергнут; знамения же, от святых икон Твоих бываемая, воздвизают всех вопити Ти таковая:
Радуйся, небесе и земли преславная Царице:
Радуйся, чистоты образе, непорочная Голубице.
Радуйся, родителей неплодных предивное прозябение:
Радуйся, безбожник и агарян великое посрамление.
Радуйся, клятву древнюю разрушившая:
Радуйся, Адама и Еву тли смертныя свободившая.
Радуйся, яко с Рождеством Твоим заря искупления восходит:
Радуйся, яко Тобою нощь греха конечне преходит.
Радуйся, Пресвятому Духу уневестившаяся:
Радуйся, чрез все время живота Своего Христу Богу нашему трудившаяся.
Радуйся, Господем яко венец рода человеча избранная:
Радуйся, преизобильно Духом Святым помазанная.
Радуйся Одигитрие Путивльская, в Царствие Небесное наша преславная Путеводительнице.
Кондак 13
О, Владычице наша,* не напрасно Одигитриею именуемая,* нынешнее наше малое молебное пение не отвергни,* иже пред иконою Путивльскою Тебе приносится!* Управи ны грехми ослепленныя* в Царство Сына Твоего, Христа Бога нашего,* идеже вкупе со всеми святыми возопием Ти:* Аллилуиа.
Сей Кондак глаголи трижды, и абие по прочтении его паки глаголи Икос и Кондак 1й
МОЛИТВА
О, Пресвятая Дево, Владычице наша Богородице! Ты еси первая наша Молитвеннице и скорая к Богу Ходатаице! Услыши ны, грешныя чада Твоя, в беззакониях погибающия, не отвратися от нас за премногия грехи наша, имиже мы на кийждо день и час Сына Твоего паки распинаем, и Тебе, Матерь Всемилостивую, аки на Голгофе паки страдати понуждаем. Осияй ны светом славы Твоея, да вся грехи наша окаянныя увидим и искоренити потщимся. Ты, Госпоже, древле град Путивль от полков поганых избавившая, и ныне нас от полчищ бесовских, иже на ны люто нападают, милостию Твоею свободи. Путеводствуй ны ко спасению, да сподобимся вкупе со всеми святыми, от века Богови благоугодившими славити и воспевати на небесех Рождшагося от Тебе, и Твое имя величати во веки веков. Аминь.
ТРОПАРЬ, глас 4
Днесь светло красуется древний град Путивль,* поминающе славное чудо Пресвятыя Богородицы:* древле бо икона Ея* на вратех Никольских яко звезда пресветлая возсия,* души всех к ней притекающих дивным светом озари. * Тем верою и любовию Владычице вопием:* спаси град Свой и люди.
Кондак, глас 4
Необоримая Заступнице земли Путивльския,* от враг иноплеменных и лютых* и Избавительнице Милостивая* язвы смертоносныя.* Избави рабы Твоя всяких бед и скорбей,* верою и любовию чудотворней иконе Твоей припадающия,* и спаси, Благая, души наша.
