Святые Гурий, Самон, Авив почитаются Небесными покровителями семьи, помогающими сохранить до самой смерти мирное и доброе супружество. Были святые священниками и приняли мученический венец за веру, за Христа Спасителя, а уже после своей смерти чудесным образом помогли одной несчастной жене против козней ее нечестивого мужа.
Святые Гурий, Самон, Авив были злодейски замучены и казнены в разное время, но в один день, и похоронены они были рядом. На месте их захоронения был сооружен храм в честь трех святых. Так и повелось по церковной традиции объединенное почитание всех трех святых: Гурия, Самона, Авива.
Во время правления Диоклетиана и Максимиана близ города Едессы жили два священника, очень добродетельные и благочестивые, Гурий и Самон. Они всей душой стремились к Единому Богу, усердно служа Ему день и ночь. И не только сами неуклонно работали Господу, но и наставляли к тому других, причем очень успешно.
Узнав об этом, бывший тогда в Едессе представитель римских царей воевода Антонин приказал немедленно арестовать их , и всех, кто последовал их учению, и доставить во дворец. Антонин пытался склонить христиан к отречению от Христа и заставить принести жертву языческим идолам.
Но ни один из них не захотел быть отступником от Господа своего. Тогда Антонин отпустил всех прочих и стал истязаниями принуждать к отступничеству самих наставников, Гурия и Самона. К ним были применены жесточайшие пытки, от упоминания о которых мороз по коже идет и сердце стынет, но они не сдались.
Святые Гурий и Самон избрали смерть за Христа, пренебрегши жизнью в суетном мире, дабы попасть в Царствие Небесное. На рассвете 15 ноября 322 года от Рождества Христова исповедники, преклонив свои святые головы под меч, были обезглавлены. Благочестивые верующие, узнав о кончине святых мучеников, похоронили святые мощи их с честью.
По прошествии значительного числа лет нечестивый царь Ликиний, отделившись от Константина Великого, воздвиг в Никомидии гонение на христиан. Таким поступком он нарушил договор, который заключил с ним Константин, не делать никаких притеснений христианам.
Ликиний, вероломно нарушив договор, множество христиан предал смерти различными способами. В это время в Едессе жил диакон по имени Авив, который учил людей святой вере и убеждал быть мужественными в исповедании Христа. Своею проповедью святой Авив неверующих обращал ко Христу, а верующих увещевал жить богоугодно.
Его приказано было отыскать для предания на мучения. Святой мог скрыться и избежать мук, но не сделал этого, а добровольно отдался в руки разыскивавших его воинов. Святой Авив открыто исповедал веру во Христа Спасителя, после долгих и жестоких пыток он был брошен в костер.
Его мать с другими верующими нашла тело своего святого сына неповрежденным от огня и погребла его при гробе прежде пострадавших святых мучеников Гурия и Самона. В этом месте от мощей мучеников стали совершаться чудеса, об одном из которых необходимо рассказать более подробно.
В городе Едессе проживала некая целомудренная вдова София с красавицей дочерью, Евфимией. Во время войны с гуннами в Едессе стояли греческие войска, долгое время защищавшие город от врагов. У вдовы на постое находился один воин, по происхождению готф.
Увидев дочь вдовы Евфимию, он страстно возжелал ее и стал уговаривать мать отдать ее ему в жены, хотя на родине у него была жена и дети. Обманом и клятвопреступлением он добился своего и повез затем беременную молодую жену в свою далекую страну, а там сделал ее рабыней своей жены.
Жена же, заподозрив неладное, разгорелась к рабыне лютой ненавистью. Когда у рабыни родился сын, точная копия отца-готфа, жена готфа отравила дитя. Несчастная мать, возвратившись с работы, увидела мертвого сына. Отерев шерстью ротик младенца, она сохранила ее.
Вскоре, прислуживая за столом, она обмакнула шерсть в питье своей хозяйки и выжала в чашу. Это питие Евфимия подала своей госпоже. Та, ничего не зная, испила эту чашу и внезапно умерла, попав в яму, которую сама же выкопала. Ее похоронили, а потом родственники стали вспоминать о рабыне, подозревая ее виновной в смерти своей госпожи.
Евфимию живою поместили в гроб хозяйки и закопали. И вот тогда взмолилась слезно несчастная страдалица к святым Гурию, Самону, Авиву, прося их защиты и заступничества. И святые Гурий, Самон, Авив пришли на помощь, явившись ей в дивном свете, ободрили и утешили ее. Евфимия заснула, ощущая чудное благоухание, а очнулась уже подле своего дома.
Евфимия исполнилась несказанной радости и веселия, обнимая с любовью гробницу святых мучеников, со слезами воздавала благодарение Богу и святым Его за оказанную ей милость. Вероломный готф был наказан смертью за свое злодеяние, а София с дочерью проводила богоугодно дальнейшие дни своей жизни. Всем рассказывали они о милостиво явленной им силе Божией.
Молитвенная традиция: Святым Гурию, Самону, Авиву молятся о счастии в браке, о помощи в поиске суженого, молятся во время семейных неурядиц, о любви и взаимопонимании между супругами, о прекращении вражды и раздоров в семье.
Память: 15 / 28 ноября.
АКАФИСТ СВЯТЫМ ГУРИЮ САМОНУ АВИВУ
Не утвержден для общецерковного использования.
Тропарь, глас 5
Чудеса святых Твоих мученик стену необориму нам даровавый, Христе Боже, тех молитвами советы языков разори, Церковь святую укрепи, яко Един Благ и Человеколюбец.
Кондак, глас 2
С высоты, мудрии, благодать приемше, сущим во искушениих предстоите, всехвальнии. Темже отроковицу, святии, от смерти горькия избависте, вы бо воистину есте Едесу слава и миру радость.
Кондак 1
Избраннии чудотворцы Христовы и святыя веры исповедницы, Гурие, Самоне и Авиве добронравнии, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих: Радуйтеся, Гурие, Самоне и Авиве, страстотерпцы Христовы и обидимых покровителие.
Икос 1
Ангелы во плоти Троице Святей равночисленнии, любовию к Богу горяще, идолы попрасте, веру Христову укреписте, Троицу Святую прослависте; темже убо похваляюще подвиги ваша, глаголем вам сице:
Радуйтеся, светильники благочестия.
Радуйтеся, обличители нечестия.
Радуйтеся, утверждения веры Христовой.
Радуйтеся, столпы Церкви Божия.
Радуйтеся, верных надеждо и заступление.
Радуйтеся, неверных страх и посрамление.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 2
Видя нечестие людей града Едеса, святии Гурий и Самон в пустыню удалишися, бегая князя мира сего и соблазнов и усердно служаще Богу, день и ночь воспеваху: Аллилуиа.
Икос 2
Разум премудр имея, святии мученицы, выну трудишася во славу Божию, языческое нечестие обличая, ищущия истины на путь правый наставляя и мнози неверныя к Богу Истинному привлекоша; сего ради глаголем вам сице:
Радуйтеся, насадителие истиннаго богопочитания.
Радуйтеся, искоренителие демонскаго служения.
Радуйтеся, тьмы нечестия обличителие.
Радуйтеся, идольския прелести низложителие.
Радуйтеся, исповедницы Христовы изряднии.
Радуйтеся, cвeтилa веры православныя.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 3
Силою свыше осененнии святии мученицы, гонителей святыя веры не устрашишася, веления нечестиваго Антониана небрегоша и веру Христову велегласно прославиша, темже и в темницу ввержени пояху Богу: Аллилуиа.
Икос 3
Имея веру во Христа адаманта твердейшую и силою тоя вооружившиися, мужественно претерпели есте, святии мученицы, темничныя узы и самую смерть; сего ради похваляюще таковое мужество, ублажаем вас сице:
Радуйтеся, истинныя веры исповедницы.
Радуйтеся, Царствия Божия наследницы.
Радуйтеся, мучеников похвало.
Радуйтеся, страстотерпцев славо.
Радуйтеся, святыя Церкви утверждение.
Радуйтеся, всего рода христианскаго украшения.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 4
Бурею помышлений сумнительных одержимый, нечестивый царь Ликиний воздвиже жестокое гонение на христианы; ты же, страстотерпче Авиве, того не убояся, с твердою верою взывал еси Христу Богу: Аллилуиа.
Икос 4
Слышав царь Ликиний твоя подвиги, досточудный Авиве, и твое твердое веры исповедание, разъярися на тя злобою, повеле предати тя смерти лютей, яко противника царева; ты же уведев о сем, добровольно потекл еси на мучение и с радостию претерпел еси огненное сожжение; сего ради, дивящеся великому мужеству твоему, величаем тя сице:
Радуйся, поборниче веры во Христа неустрашимый.
Радуйся, воине Христов непобедимый.
Радуйся, повешенный на древе за Pacпpoстepшагo руце Свои на древе Крестнем.
Радуйся, строганный когтьми железными.
Радуйся, утешение подаваяй скорбящим.
Радуйся, скорый помощниче всем за истину терпящим.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 5
Боготечным звездам на тверди небесней подобнии были есте, святии мученицы, лучами жития своею тьму языческаго нечестия просвещающии и многих на путь истины наставляющии. Темже благоговейно чтуще память вашу, благодарно поем Богу: Аллилуиа.
Икос 5
Видеша людие града Едеса многая чудеса, бываемыя от раки святых мучеников Гурия, Самона и Авива, зело радовахуся и Господа всем сердцем прославляху; мы же чтуще святую память вашу, святии мученицы, умильно взываем:
Радуйтеся, неправедно гонимых заступницы.
Радуйтеся, верных рабов Христовых друзи.
Радуйтеся, сущих во узах и темницах хранителие.
Радуйтеся, гонителей и обидящих вразумителие.
Радуйтеся, плачущих утешителие.
Радуйтеся, от наглыя и лютыя смерти избавителие.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 6
С высоты, мудрии, благодать приемше, за сущих во искушении предстоите, всехвальнии, темже отроковицу, святии, от смерти горькия избависте: вы бо воистинну есте граду Едесу слава и миру радость; сего ради воспеваем ко Господу: Аллилуиа.
Икос 6
Вражия работы избави нас, Иисусе Жизнодавце, Твоих страдалец мольбами умоляемь, яко да непорабощенну стяжав от страстей душу и тело, восхваляем тех скорейшую помощь, якоже во гробе затворенную мужем и сию, скоро предваривше, от смерти избавиша; темже взываем вам сице:
Радуйтеся, невинную жену от лютыя смерти спасшии.
Радуйтеся, дивным спасением ея зверства мучителя победившии.
Радуйтеся, злаго мужа жестокое деяние обличившии.
Радуйтеся, и того веровати в силу Бога христианскаго научившии.
Радуйтеся, подателие милости тоя требующим.
Радуйтеся, стражи неусыпнии почитающих память вашу.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 7
Хотяй Человеколюбец Господь явити милость Свою людем Своим, сохрани телеса ваша нетленны, чудеса точащии, от нихже вси вернии токи исцелений получают, зовуще Богу: Аллилуиа.
Икос 7
Новых заступников и дивных чудотворцев ведуще, людие из града Едеса святой храм в память вашу создаша, в немже и мощи ваша положиша, да вси страждущии помощь от них почерпают; мы же такожде тверду надежду на вас имуще, взываем вам сице:
Радуйтеся, душевных и телесных недугов наших целителие.
Радуйтеся, бесов о имени Господни изгонителие.
Радуйтеся, Евангельския истины благовестителие.
Радуйтеся, Божественныя благодати носителие.
Радуйтеся, скорби многи за имя Господне приявшии.
Радуйтеся, дивно во святых Его просиявшии.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 8
Странно и страшно неверным слышати, каковы дивныя дела от святых мощей ваших совершаются: недузи врачуются, страсти исцеляются; мы же, тверду надежду на вас имуще, Богу о вас тако благодеющему с верою взываем: Аллилуиа.
Икос 8
Всеми добродетельми исполненнии, за нихже и славою Божиею почтеннии, внимаете, святии мученицы, молитвам верных, чтущих святую память вашу, от нихже слышисте сицевая:
Радуйтеся, нищии духом, яко ваше есть Царствие Небесное.
Радуйтеся, плачущии, яко утешистеся.
Радуйтеся, кротции, яко наследовасте землю.
Радуйтеся, алкавшии и жаждавшии правды, яко насытишася.
Радуйтеся, милостивии, яко стяжали есте помилование.
Радуйтеся, чистии сердцем, яко уже Бога узресте.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 9
Всякия напасти, находящия на град Едес, разоряли есте, святии мученицы, темже и ныне не оставите нас, смиренных и грешных, но вся люди страны нашея в Православии и единомыслии утвердите, да вси едиными усты и единым сердцем воскликнем прославившему вас Господу: Аллилуиа.
Икос 9
Витии многовещаннии, яко рыбы безгласнии зрим о вас, святии мученицы: недоумеют бо, како в пустыни духом витали есте и посреде человек неусыпными подвиги подвизастеся. Мы же радующеся, яко таковы имамы учители и молитвенники, прославляем вас, глаголюще:
Радуйтеся, кимвалы Слова Божия.
Радуйтеся, теплии о нас пред Богом ходатаи.
Радуйтеся, иудеев и еллинов просветителие.
Радуйтеся, Тридневнаго Божества благовестителие.
Радуйтеся, кротости и воздержания учителие.
Радуйтеся, лжи и татьбы обличителие.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 10
Спасти хотя люди града Едеса от мысленнаго волка, твердо увещали есте тех стояти во истинней вере, ниже козней вражиих устрашатися, но и в скорбех и напастех за вся благодарити Бога, поюще Ему: Аллилуиа.
Икос 10
Стена тверда и надежное прибежище есте, святии мученицы, всем к вам прибегающим и скорыя помощи требующим, сего ради во умилении сердца нашего взываем:
Радуйтеся, всех скорбящих радование.
Радуйтеся, всех угнетенных и порабощенных прибежище и освобождение.
Радуйтеся, вдов и сирот заступление.
Радуйтеся, от ересей и расколов ограждение.
Радуйтеся, яко вси нечестивии житию вашему удивляются.
Радуйтеся, яко вси благочестивии о имени вашем веселятся.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 11
Пение благодарственное приносяще ко Господу о вас, теплии заступницы наши, молим вас присно не отступати от нас, грех наших ради, но милосердие от Господа всем испросите, вопиющим Ему: Аллилуиа.
Икос 11
Светозарную троицу святых мучеников восхваляюще, вернии, устранимся распрей и раздоров в жизни сей, убежим несогласий и разделений в православней вере и, храняще единение духа в союзе мира, из глубины души воскликнем тако:
Радуйтеся, громогласныя трубы Евангельскаго благовестия.
Радуйтеся, сладкозвучныя гусли проповеди спасения.
Радуйтеся, крепции правды рачителие.
Радуйтеся, непоколебимии неправды истребителие.
Радуйтеся, благочестивым семействам мира и блага подателие.
Радуйтеся, жестоким и неверным супругом строгие наказатели.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 12
Благодать, данную вам от Бога, ведуще, память вашу празднуем, святии мученицы, с усердным молением к вашему честному образу притекающее и вашею твердою помощию, яко необоримою стеною, ограждающееся; сего ради восхваляем вас, страстотерпцы Христовы, и усердно зовем Богу: Аллилуиа.
Икос 12
Поюще ваше дивное житие и мученическую кончину, молим вас, страстотерпцы Христовы Гурие, Самоне и Авиве: будете нам во всем благие помощницы, благословите нас миром и любовию, подайте нам твердую веру, чистоту жизни и страх Божий, да вси душевный покой имуще, в радости воскликнем:
Радуйтеся, яко имена ваша и между неверными прославляются.
Радуйтеся, покой и отрадо скорбящим.
Радуйтеся, страх и удивление обидящим.
Радуйтеся, невинную жену от лютыя смерти спасшии.
Радуйтеся, злаго мужа ея достойно покаравшии.
Радуйтеся, Гурие, Самоне и Авиве, страстотерпцы Христовы и обидимых покровителие.
Кондак 13
О святии страстотерпцы Христовы Гурие, Самоне и Авиве, приимите сие наше хвалебное пение и, услышав усердное желание наше, избавите нас теплым своим к Богу предстательством от всякаго зла, от вражды и несогласий и всяких лютых бед и болезней, да с любовию вас чтуще, выну зовем Ему: Аллилуиа.
(Этот кондак читается трижды, затем икос 1 и кондак 1).
О преславнии мученицы Гурие, Самоне и Авиве! К вам, яко скорым помощникам и теплым молитвенникам, мы, немощнии и недостойнии, прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любви и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь.
