Святые Захария и Елисавета

Святые  Захария  и  Елисавета

Святые  Захария  и  Елисавета,  родители  Пророка  и  Крестителя  Иоанна  Предтечи,  происходили  из  священнического  рода.  Святой  Захария  принадлежал  к  роду  Аарона,  он  служил  священником  в  Иерусалимском  храме.  Святая  Елисавета  была  сестрой  святой  Анны,  матери  Девы  Марии.  Любопытно,  что  Евангелие  от  Луки  начинается  с  рассказа  именно  об  этой  паре.

Святые  Захария  и  Елисавета  вели  очень  благочестивую  жизнь,  оба  были  праведны  перед  Богом,  строго  соблюдая  все  Заповеди  Закона  Божиего.  Но,  достигнув  преклонного  возраста,  они  были  бездетны.  Немало  горя  и  скорбей  перенесли  они,  немало  пролили    слез,  так  как  бездетность  у  евреев  считалась  наказанием  за  грехи.

И  вот  однажды,  когда  Захарии  выпала  очередь  выходить  в  храм  для  каждения  во  время  богослужения,  пред  ним  предстал  Архангел  Гавриил  и  оповестил  его  о  скором  рождении  у  него  сына.  Причем  Архангел  Гавриил  наказал  до  поры  до  времени  никому  не  рассказывать  об  этом.

Святой  Захария  усомнился  в  сказанном,  за  что  тотчас  был  наказан  немотой  до  появления  сына  на  свет.  Архангел  сообщил  также,  что  ребенок  еще  во  чреве  матери  исполнится  Духа  Святого.  Вскоре  после  этого  святая  Елисавета  зачала.  Будучи  целомудренной,  она  долго  скрывала  это,  стыдясь  своей  старости.

Когда  к  святой  Елисавете  пришла  ее  двоюродная  сестра  Пресвятая  Мария,  три  месяца  уже  носившая  во  чреве  Великого  Младенца,  Елисавета,  озаренная  Святым  Духом,  первая  из  людей  воскликнула:  «Благословена  ты  в  женах  и  благословен  плод  чрева  Твоего!»,  и  вопрошала:  «Откуда  это  мне,  что  пришла  Матерь  Господа  моего  ко  мне?»

Пресвятая  Богородица  три  месяца  прожила  в  доме  Захарии  и  Елисаветы,  затем  вернулась  домой.  Вскоре  настало  время  родин.  Святая  Елисавета  родила  сына.  Соседи  и  родственники  были  рады,  что  возвеличил  Господь  милость  Свою  над  нею.  На  восьмой  день  пришли  к  ним  совершать  обряд  обрезания  и  озаботились  наречением  младенца.

Родственники  хотели  назвать  ребенка  Захарией  в  честь  отца,  но  тот,  зная  какое  имя  по  промыслу  Божиему  ему  определено,  отрицательно  покачал  головой  и  написал  «Иоанн».  Праведная  Елисавета  назвала  до  этого,  наперекор  родственникам,  это  же  имя,  хотя  в  роду  у  них  Иоаннов  не  было.

Супруги,  святые  Захария  и  Елисавета,  прожившие  бездетными  до  глубокой  старости,  в  своем  горе  не  утратили  любви,  взаимопонимания  и  глубокой  духовной  близости,  продемонстрировав  при  наречении  долгожданного  сына  полное  единомыслие.  И  тут  Господь  «разомкнул»  уста  Захарии,  и  к  нему  вернулся  дар  речи.  Вот  тогда  и  услышали  все  рассказ  о  чуде  рождения  этого  ребенка.

Два  чуда  свершилось  по  воле  Божией:  неплодная  женщина  пожилого  возраста  родила  сына  за  шесть  месяцев  рождения  Мессии,  и  Дева  Мария  зачала  Господа  Иисуса  Христа  снизошедшим  на  нее  Святым  Духом  и  родила  непорочно  Богомладенца.

Иоанн,  называемый  потому  Предтечей,  что  рожден  был  раньше  и  должен  был  предуготовлять  пришествие  Мессии,  благовествовать  о  нем,  подготовить  народ  к  восприятию  его  учения.  Праведные  родители,  святые  Захария  и  Елисавета,  недолго  радовались  своему  первенцу.  Спустя  шесть  месяцев  в  Вифлееме  родился  Иисус  Христос.

Царь  Ирод,  узнав  об  этом,  испугался,  что  потеряет  свой  престол,  и  повелел  истребить  всех  младенцев  мужского  рода  в  возрасте  до  двух  лет.  Дева  Мария,  извещенная  Архангелом  Гавриилом,  с  праведным  Иосифом  и  Предвечным  Младенцем  бежала  в  Египет.  Святая  Елисавета,  спасая  Иоанна,  убежала  в  пустыню  около  Мертвого  моря.

Там  она  спряталась  в  пещере  в  горе,  которая  сама  расступилась  перед  ней.  Захария  же  остался  при  храме,  продолжая  исполнять  свои  обязанности.  Царь  Ирод,  ища  Иоанна,  послал  воинов  в  храм  выведать  от  Захарии  местонахождение  его  сына  и  жены.  Захария  категорически  отказался  сообщать  им  это.

Тогда  воины  убили  его  между  храмом  и  жертвенником.  Согласно  преданию,  кровь  святого  затвердела  сразу  на  мраморном  полу  и  долго  напоминала  богомольцам  о  злодействе  Ирода.  Святая  Елисавета  прожила  совсем  недолго  после  этого.  Пророк  и  Креститель  Господень  Иоанн  очень  рано  осиротел.

Он  жил  в  пустыне  вскармливаемый  ангелами  до  30  лет,  до  дня  своего  явления  израильтянам  проповедником  покаяния,  когда  был  призван  Господом  на  свое  служение.  По  милости  Божией  он  избежал  смерти  среди  тысяч  убитых  младенцев  и  в  суровой  пустыне  готовился  исполнить  свое  предназначение.

Святые  Захария  и  Елисавета,  праведные  и  благочестивые,  также  исполнили  свою  миссию,  произведя  на  свет  Богом  данного  младенца.  Жизнь  их  закончилась  трагически,  как  у  многих  праведников.  Они  обрели  мученический  венец,  перед  тем,  как  предстать  пред  престолом  Божием.

Память:  5  /  18  сентября.

Молитвенная  традиция:  Святым  Захарии  и  Елисавете  молятся  при  желании  иметь  ребенка,  о  приобретении  праведной  жизни,  о  семейном  благополучии  и  взаимопонимании.

 

АКАФИСТ  СВЯТЫМ  ПРАВЕДНЫМ  ЗАХАРИИ  И  ЕЛИСАВЕТЕ

 

    Кондак 1

Избраннии от рода Ааронова, рождшии Иоанна богохвальнаго, Предтечею и Крестителем Господним предуготованным быти, святии и праведнии Захарие и Елисавето! Яко имущии дерзновение ко Господу, предстательством вашим от всяких нас бед свободите, взывающих вам: Радуйтеся, святии и праведнии Захарие и Елисавето, добрый плод для людей возрастившии.

Икос 1

Ангели земнии и человецы небеснии воистину явистеся, святии Захарие и Елисавето, от юности вашея всеми добродетельми украшении и непорочно житие свое вкупе пожившии, ему же чудящеся, зовем вам гласы хвалебными сице: Радуйтеся, рода Аронова славное прозябение. Радуйтеся, благочестивых родителей светлое украшение. Радуйтеся, душевныя и телесныя чистоты рачителие. Радуйтеся, заповедей Божиих ревностнии хранителие. Радуйтеся, супрузи праведнии, Богом предъизбраннии. Радуйтеся, на трапезу небесную Господом призваннии. Радуйтеся, святии и праведнии Захарие и Елисавето, добрый плод для людей возрастившии.

Кондак 2

Видев Отец Небесный с высоты славы Своея, яко житие ваше, святии и праведнии Захарие и Елисавето, благочестиво и свято бысть, благослови от отрасли вашея святыя произрасти честному и славному плоду – Иоанну, во еже быти ему пророком, Предтечею и Крестителем Сыну Своему возлюбленному Иисусу Христу, Ему же хвалу воздаем: Аллилуиа.

Икос 2

Разумом Божественным свыше направленный Архангел Гавриил предсташе тебе, иерее Захарие, вшедшему покадити во святилище и служащему по чину чреды своея. Зрящи же вестника небеснаго, одесную алтаря кадильнаго стоящаго, страх велий объяше тя, обаче посланник Божий рече ти: «Не бойся, Захарие». Мы же, милостию Божиею к семейству твоему умиленные, вопием: Радуйтеся, целомудреннаго жития крепкое охранение. Радуйтеся, грехов и страстей непреложное одоление. Радуйтеся, благодатию Божиею щедро осененнии. Радуйтеся, зрящие на небе тайны сокровенныя. Радуйтеся, яко ангели бесплотнии, на земли пожившии. Радуйтеся, чистоту телесную в житии своем сохранившии. Радуйтеся, святии и праведнии Захарие и Елисавето, добрый плод для людей возрастившии.

Кондак 3

Сила неизреченная милосердия Божия на вас, святии, открыся, ибо видя праведность хождения вашего пред лицем Божиим, посла вам Господь велие утешение в старости, да поете Ему верно: Аллилуиа.

Икос 3

Имеяй повеление от Господа утешити тя, святе Захарие, возвести ти ангел Божий, яко молитва твоя благоприятна есть Богу и внимая ей, милость ти дарует Бог: благословляше бо супружницу твою Елисавету, узы неплодства ея разрешая, да родит сына, соименнаго благодати Иоанна. Тем же приимите от нас песнь сию: Радуйтеся, житием своим Богу угодившии. Радуйтеся, свято пред Ним неизменно ходившии. Радуйтеся, яко в молитвах своих ко Творцу возвышалися есте. Радуйтеся, яко словом Господним всегда утешалися есте. Радуйтеся, вся надежды своя на Творца возлагавшии. Радуйтеся, в своих добрых делах утомления не знавшии. Радуйтеся, святии и праведнии Захарие и Елисавето, добрый плод для людей возрастившии.

Кондак 4

Бурею мирскаго жития не одоленный, сын ваш, святии Захарие и Елисавето, велик пред Господем будет, не токмо телом, но и духом, рече Ангел Господень, ибо своим рождеством той принесет в мир велию радость, яко мнози возрадуются рождению его, восхваляя Творца: Аллилуиа.

Икос 4

Слышаще дивныя глаголы о сыне своем, яко той велиим пророком и постником наречется, и еще от чрева матери своея исполнится Духа Свята и мнози от сыновей Израильских его ради обратятся ко истинному Богу, ибо надлежит ему быти Предтечею Христовым в духе и силе пророка Илии и приуготовити народы ко принятию Спасителя, зело поражен и удивлен бысть Захария, не решаяся реченному Ангелом веровати. Мы же, словесам ангельским внимая, вопием вам сице: Радуйтеся, стяжавшии милость Творца превеликую. Радуйтеся, языкам принесшии радость великую. Радуйтеся, седины свои славою покрывшии. Радуйтеся, наград на небе себя не лишившии. Радуйтеся, милосердному Господу во всем уподоблявшиеся. Радуйтеся, Триединому Богу всегда поклонявшиеся. Радуйтеся, святии и праведнии Захарие и Елисавето, добрый плод для людей возрастившии.

Кондак 5

Бога точию бояйся, рече ангел Господень Захарии: Аз есмь Гавриил, предстояй пред Богом и посланный благовестити тебе все сие, обаче за то, что ты не уверовал еси словесам моим, будеши немым и не промолвиши ни единаго слова дондеже всему реченному мною надлежит исполнитися по воле великаго Бога, Коему славу пою: Аллилуиа.

Икос 5

Видевше людие бывшии в церкви Господней, умедлившу Захария во алтари, зело дивляхуся сему, изшедшу же ему к ним и не могущу глаголати, но токмо помавающу, разумеша вси, яко бысть ему видение во алтари. Мы же, прославляя дивнаго в чудесех Своих Господа, глаголем вам сице: Радуйтеся, яко сила Божия на вас совершися. Радуйтеся, яко воля Божия непреложно на вас сотворися. Радуйтеся, яко милость Творца с преизбытком на вас излияся. Радуйтеся, яко радость велия вам щедро Творцем даровася. Радуйтеся, яко вы возвеличены быша дланию святою. Радуйтеся, яко вы всем пример подаете собою. Радуйтеся, святии и праведнии Захарие и Елисавето, добрый плод для людей возрастившии.

Кондак 6

Словес Господних, ангелом возвещенных, сбытие видяще, возрадовася зело Елисавета, ибо зачне сына своего и таяшеся месяц пять, глаголющи: яко тако сотвори мне Господь во дни, в няже призре отъяти поношение мое в человецех, да пою Ему хвалу: Аллилуиа.

Икос 6

Возсия обильно благодать Божия в Елисавете святей, егда исполнися Духа Свята и возопи гласом велиим Деве Марии: «Благословенна Ты в женах и благословен плод чрева Твоего! И откуду мне сие, яко прииде Мати Господа моего ко мне!». Чадо же ее взыграся во чреве радощами пришествию Матери Божией. Да и на нас сниде благодать Святаго Духа, вопиющих радощами сице: Радуйтеся, Духом Святым позлащеннии. Радуйтеся, благодатию щедро Творцем осененнии. Радуйтеся, чадо великое свято зачавшии. Радуйтеся, радость отцовства и материнства от Бога познавшии. Радуйтеся, Матери Божией сродницы всечестнии. Радуйтеся, воплотившагося Сына Божия раби преблагии. Радуйтеся, святии и праведнии Захарие и Елисавето, добрый плод для людей возрастившии.

Кондак 7

Хотящу людем возвестити от ангела пронареченное имя сына своего Иоанна, святе Захарие, по рождестве его написа е и абие отверзошася язык и уста твоя, и глаголаше паки, благословя Бога и поя Ему: Аллилуиа.

Икос 7

Новую подаяй благодать тебе Господь, праведне Захарие, Духом Святым насыти тя, воеже пророчествовати ти, глаголя: «Благословен Господь Бог Израилев, яко посети и сотвори избавление людем Своим и воздвиже рог спасения нам, в дому Давида отрока Своего, якоже глагола усты святых сущих от века пророк Его и ты, отроча, пророк Вышняго наречешися, предъидеши бо пред лицем Господним, уготовати пути Его». Мы же, пророчеству твоему внимая, чрез вас, праведницы Божии, восхваляем Господа, воспевая вам похвалы сии: Радуйтеся, отроча святое в мир родившии. Радуйтеся, рождеством сим радость миру возвестившии. Радуйтеся, восхвалившии Бога безмерно. Радуйтеся, служившии Господу верно. Радуйтеся, вся Законы Его исполнявшии. Радуйтеся, себя в чистоте сохранявшии. Радуйтеся, святии и праведнии Захарие и Елисавето, добрый плод для людей возрастившии.

Кондак 8

Странное чудо бысть окрест живущим людем, егда слышаху о преславнем и чуднем рождестве чада вашего, святии и праведнии Захарие и Елисавето, и со удивлением глаголаху в себе: «Что убо отроча сие будет?». Мы же, преславному рождеству Предтечи и Крестителя Господня радующеся, Господу взываем: Аллилуиа.

Икос 8

Весь был еси смущением велиим исполнен, пророче Божий Захарие, зря Пресвятую Деву Марию с Богомладенцем ко храму пришедшую и на месте нечистых жен пред дверьми храма ставшую, очищения законнаго просити хотящую. Ведуще бо Ю во Святая Святых тобою, по внушению Божию, введенную и тамо воспитанную и духом уразумев, яко сия Матерь есть Дева Чистая и по рождестве, постави Ю сего ради на месте девиц, идеже женам имущим мужа стояти не подобаше. Мы же, восхваляя с тобою Деву Чистую, с любовию и умилением вопием: Радуйтеся, Матери Божией славу воздавшии. Радуйтеся, купно со всеми Ея восхвалявшии. Радуйтеся, Бога пришествие в мир ожидавшии. Радуйтеся, чистою молитвою Творца ублажавшии. Радуйтеся, Ликом Младенца Христа услажденнии. Радуйтеся, в Царствие Божие Ним возведеннии. Радуйтеся, святии и праведнии Захарие и Елисавето, добрый плод для людей возрастившии.

Кондак 9

Вси Ангели и святых лики радовахуся радостию велиею, егда ты, святе Захарие, на руце свои праведнии, умилися сердцем и со страхом Божиим, приял еси Богомладенца, и яко Творцу и Богу, возвал еси Ему: Аллилуиа.

Икос 9

Витийство человеческое не довлеет к достойному прославлению дивнаго жития вашего, святии и праведнии Захарие и Елисавето, несть бо возможно исповести и исчести вся моления и пощения ваша, вся слезы и воздыхания ваша яже к Богу. Приимите от нас, любовию к вам подвизаемых, малыя похвалы сия: Радуйтеся, Духа Святаго сосуди от века избраннии. Радуйтеся, руце своя простираху к Творцу в уповании. Радуйтеся, Пресвятыя Троицы угодницы вернии. Радуйтеся, к Богу дорогу нашедшии в тернии. Радуйтеся, трудами своими спасение стяжавшии. Радуйтеся, на Господа токмо во всем уповавшии. Радуйтеся, святии и праведнии Захарие и Елисавето, добрый плод для людей возрастившии.

Кондак 10

Спасения чаду своему хотяще, поят мати чадо свое и бежаху с ним в горы от злочестиваго детоубийцы Ирода, той бо посла в Вифлеем воинов, да избиют вся младенцы, приказа умертвити и чадо ваше, блаженнии Захарие и Елисавето. Мы же, Господу, хранящему избранныя Своя от руки нечестиваго, с любовию глаголем: Аллилуиа.

Икос 10

Стеною заступления от настигавших убийц бысть тебе Господь, праведная Елисавето, егда по молению твоему: «Гора Божия, приими мать с сыном!», повеле горе каменней тотчас расступитися и заключити тебе с чадом в себе. Спасению вашему со слезами радуяся, вопием вам сице: Радуйтеся, Господом на всех путях хранимии. Радуйтеся, рукою Божиею по жизни сей водимии. Радуйтеся, любовь к Творцу в себе носившии. Радуйтеся, нетленный плод в раю вкусившии. Радуйтеся, за правду Божию пострадавшии. Радуйтеся, быти с Богом возжелавшии. Радуйтеся, святии и праведнии Захарие и Елисавето, добрый плод для людей возрастившии.

Кондак 11

Пение молебное Господу Богу приносил еси, святый и праведный Захарие, егда воини зверонравнаго Ирода приидоша к тебе с повелением отдати им сына твоего. Ты же отвечал еси им: «Аз служу ныне Господу Богу Израилеву и не вем идеже есть сын мой!», укрепляющему тебя Богу вопияй: Аллилуиа.

Икос 11

Света небеснаго исполнися храм Господень, праведне Захарие, егда вопрошающим тя воином рекл еси: «Тело мое убиете, душу же мою восприимет Господь!» Бывшу же тебе убиту между церковию и алтарем, якоже повеле Ирод, пролиявшаяся кровь твоя святая сгустися на мраморе и отверде во свидетельство и вечное осуждение Иродово. Мы же, мученическую кончину твою прославляя, воспеваем гласами хвалебными: Радуйтеся, души Творцу посвятившии. Радуйтеся, в святости их сохранившии. Радуйтеся, славою небесною от Бога венчаннии. Радуйтеся, в радость Господа своего войти призваннии. Радуйтеся, яко пищу нетленную ныне вкушаете. Радуйтеся, яко Бога за нас присно вы умоляете.

Кондак 12

Божественная благодать явися на тебе, праведная Елисавето, и неизреченное чудо дивно открыся, егда бо в горе, укрывшей тя со чадом, Божиим повелением устроися пещера, открыся источник водный и над пещерою финикс произрасте, подавая плоды своя во изобилии. Таковому благоволению Божиему радуяся, ты пела еси Ему с чадом своим: Аллилуиа.

Икос 12

Поюще радостную песнь хвалы и благодарения Господу, по истечении сорока дний по убиении праведнаго Захарии, душу свою предаде Творцу своему святая Елисавета и с супругом своим на небеси соединися. Прославляя праведное житие ваше, святии Захарие и Елисавето, усердно молим вас услышати хвалебное пение наше: Радуйтеся, яко в вере святей вы есте утверждение. Радуйтеся, яко наше от бед вы есте ограждение. Радуйтеся, яко нас от скорбей присно вы защищаете. Радуйтеся, яко страсти телесныя в нас укрощаете. Радуйтеся, благочестивым супругом вы есте покровителие мудрии. Радуйтеся, чадом нашим вы есте воспитателие добрии. Радуйтеся, святии и праведнии Захарие и Елисавето, добрый плод для людей возрастившии.

Кондак 13

О, святии и праведнии Захарие и Елисавето! Молим вас со усердием и любовию: испросите нам у Господа нашего в жизни сей в вере и добродетелех утверждение, от скорбей и напастей избавление, прегрешений наших прощение, да сподобимся и мы Царствие Небесное наследовати и вечно воспевати Богу: Аллилуиа. Аллилуиа. Аллилуиа.

Сей кондак читается трижды. Затем икос 1 и кондак 1.

Молитва

О велиции Христовы праведницы, святии Захарие и Елисавето! К вам прибегаем и вам молимся с великим упованием: принесите за нас грешных святыя молитвы ваша ко Господу да пошлет вся благопотребная душам и телесем нашим, веру праву, любовь нелицемерну, в добрых делех преуспеяние, душам и телесем здравие и вечное спасение. Не презрите молитв наших, со умилением вам возносимых, но будите нам предстателие ко Господу да сподобимся помощию вашею спасение вечное получити, Царствие Небесное унаследовати и вкупе с вами и всеми святыми славословити неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

 

 

 

 

Добавить комментарий

Ваш e-mail не будет опубликован. Обязательные поля помечены *