Кроме Акафистной иконы Божией Матери , именуемой Хиландарской, так как она находится в сербском Хиландарском монастыре на Афоне, известна еще Акафистная — Зографская икона Божией Матери, которую иначе называют Предвозвестительницей (Антифонитрия).
История образа: Акафистная — Зографская икона Божией Матери прославилась следующей интересной историей. Римские папы всячески старались подчинить своей власти православный Восток. Некоторые из греческих императоров усердно помогали им в этом.
Латинянам очень хотелось, чтобы Святая Афонская гора, которая считалась оплотом Православия Греческой Церкви, раньше других подчинилась их папе. Явившись в обителях Святой горы, они начали всякими путями склонять иноков к подчинению. Были случаи увлечения, но большая часть иноков с твердостью обличали ревнителей папы в святотатственном присвоении им себе прав наместничества Христова.
И Сам Господь и Его Пресвятая Матерь помогали инокам в борьбе с неправославием. Так, силой Божией, для вразумления, Ксиропотамская обитель, принявшая западных гостей с честью и раболепством, сотряслась и задавила многих латинян и иноков во время литургии.
Близ Зографского монастыря подвизался в уединении некий старец. Однажды, когда он пел акафист Пресвятой Богородице пред Ее иконой , вдруг услышал голос от иконы: «Радуйся и ты, старец Божий!»
Святой старец затрепетал от страха. «Не бойся,- продолжал голос от иконы,- но иди скорее в монастырь и объяви игумену и братии, что враги Сына Моего и Мои уже близко. Кто слаб в духе терпения, тот пусть скроется, пока пройдет искушение; но желающие страдальческих венцов пускай остаются.»
Старец тотчас поспешил в монастырь. Едва он вошел туда, как икона, от которой он слышал голос, уже явилась впереди него. Инок взял ее и с нею явился к игумену. Тогда чувствовавшие себя слабыми из братии скрылись в горы, а 26 иноков, в том числе настоятель и сам старец, остались в монастыре и заперлись в башне.
Латиняне скоро явились и сначала словами стали убеждать отпереть монастырские ворота и признать папу главой всей Церкви и обещали за это всякие милости и много золота.
«У нас глава Церкви — Христос,- отвечали иноки с башни,- и мы все скорее умрем, чем дозволим осквернить святость этого места.» — «Так умирайте же!» — с яростью воскликнули латиняне и, обложив башню хворостом, зажгли. Монахи, благословляя Бога, предали Ему свой дух.
Это было 10 октября 1276 года. Акафистная — Зографская икона Божией Матери находилась при страдальцах и найдена была под пеплом совершенно невредимой. После этого чудесного случая ее и стали называть Акафистной — Зографской иконой Божией Матери или иначе Предвозвестительницей.
Акафистной она прозывается потому, что голос, услышанный старцем, прозвучал от иконы, перед которой он пел акафист Пресвятой Богородице; Зографской — по названию монастыря, где этот случай произошел, а «Предвозвестительницей» потому, что Пресвятая Богородица предупредила братию о том, что произойдет вскоре, чтобы они были готовы встретить свой мученический конец.
Случай этот описан в книге «Сердец наших утешение. 320 чудотворных икон Пресвятой Богородицы», составитель священник Иоанн Бухарев.
Иконография: Иконографический тип — Одигитрия. Пресвятая Богородица держит Богомладенца на левой руке, правой указуя на Него как на путь спасения. Предвечный Младенец благословляет правой рукой, в левой держит свиток. Акафистная — Зографская икона Божией Матери небольшого размера: 36 х 28 см.
Акафистная — Зографская икона Божией Матери известна у иноков как «Хэрово» по возгласу акафиста «радуйся!» (по гречески «xaipe»). Также именуется местность, где было откровение старцу. Особенностью почитания иконы в монастыре является возможность замены причастна литургии чтением Акафиста.
В память избавления обители от пожара 28 июля 1873 года установлено совершение бденной службы в честь Пресвятой Богородицы ради Ее иконы с крестным ходом вокруг монастыря. В настоящее время Акафистная — Зографская икона Божией Матери находится в иконостасе храма Успения Богородицы, слева от царских врат.
По мнению современных болгарских ученых она может быть датирована не ранее XVIII века. Акафистная — Зографская икона Божией Матери покрыта серебряной ризой с изображением композиции 10 праздников. Оклад (1846 год) пожертвован петербургским купцом С. М. Комаровым (в иночестве Серафимом).
Предвозвестительницей именуют также Констамонитскую икону Божией Матери из Констамонитской обители на Афоне, по молитвам екклесиарха обители Агафона (в схиме Захария) 1 августа, в канун престольного праздника обители святого первомученика Стефана, наполнившей оскудевшие кладовые монастыря запасами.
Молитвенная традиция: Перед иконой молятся об укреплении в вере.
Празднование Акафистной — Зографской иконы Божией Матери (Предвозвестительницы ) 10 / 23 октября.
АКАФИСТ ИКОНЕ БОЖИЕЙ МАТЕРИ АКАФИСТНАЯ
Не утвержден для общецерковного использования.
Кондак 1
Избранней Предвечным Царем во спасение роду христианскому Небесе и земли Царице, яко нашей несумненной Предстательнице и всемощной Заступнице, с любовию и умилением сие акафистное пение приносим: Радуйся, Пресвятая Богородице, радость духовную нам без конца подающая.
Икос 1
Ангелу небесному житием своим уподобившемуся, некоему старцу, в затворе на святей горе Афонстей житие свое проводящему и пред иконою Божией Матери каждодневно акафистное пение со словами «Радуйся» возносящему, бысть иногда глас, от иконы тоя исходящий: «Радуйся и ты, старец Божий!». Сему дивному гласу внимая, и мы со благочестивым старцем Владычице Небесней воспеваем: Радуйся, от сотворения мира Богом в Невесты Себе предназначенная. Радуйся, в храме святом Его в чистоте неземной воспитанная. Радуйся, Спасительницею мира еще от пророков предсказанная. Радуйся, Материю Божиею стать удостоившаяся. Радуйся, рождеством Преславнаго Сына Своего нам радость избавления от вечной смерти принесшая. Радуйся, быть Материю всему роду христианскому Сыном Своим предуготованная. Радуйся, Пресвятая Богородице, радость духовную нам без конца подающая.
Кондак 2
Видя Пресвятая Богородица, яко ужасом велиим старец объят бысть, кротким гласом глагола ему: Не убойся, обаче во обитель свою потекши, объяви братии и игумену о вразех, иже близко суть. Аще кто слаб бе в дусе терпения, да скрывается, дондеже пройдет искушение, обаче ищущие страдальческих венцев да остаются и, приим от Господа награду, воспоют Ему на небе: Аллилуиа.
Икос 2
Разумом своим невозможе постигнути старец, яко икона Пресвятыя Богородицы, пред нею же он акафист в келии читаше, неведомою силою к вратам обители перенесена бысть. Падше пред образом с благоговейною молитвою, старец таже с пречистым образом на руках ко игумену явися, воспевая Деве Чистой: Радуйся, от нашествия вражия чада Своя защищающая. Радуйся, милость Свою им неустанно подающая. Радуйся, от погибели вечной души наша отводящая. Радуйся, беды великия рукою крепкою предотвращающая. Радуйся, о спасении нашем постоянно пекущаяся. Радуйся, к горнему царствию души праведные возводящая. Радуйся, Пресвятая Богородице, радость духовную нам без конца подающая.
Кондак 3
Силою свыше укрепленные и к Твоему всемилостивому заступлению с верою притекшии, непреоборимая Защитнице наша, двадцать шесть сильных духом иноков, в числе коих бе и сам настоятель, пребываху в обители. Старец, ему же небесное откровение бысть, такожде пребываше купно с ними, бе бо для оных утешителем в предстоящем искушении, неустанно вопиющим к Богу: Аллилуиа.
Икос 3
Имущи намерение обратити в католичество православныя христианы, врази во обитель приидоша и к башне, в ней же мужественныя иноцы пребываху, приступивши, лестными увещаниями склонити их ко отречению от православия потщахуся. Увещавая их признати папу главою вселенския церкви, латиняне за сие поборником православия всякия милости обещаху. Обаче вернии сыны своея православныя церкви непреклонными оставахуся и пред иконою Матери Божией тако моляхуся: Радуйся, от латинян наша несумненная Защито. Радуйся, в вере православной наше необоримое Укрепление. Радуйся, от ересей и лжеучений наше крепкое Ограждение. Радуйся, в тяжких бедах наше сладостное Утешение. Радуйся, в Царствие Божие наша мудрая Руководительнице. Радуйся, пред Господом наша милостивая Заступнице. Радуйся, Пресвятая Богородице, радость духовную нам без конца подающая.
Кондак 4
Бурею ненависти к вере православной одержимии, православия врази башню хврастием и древом обложиша и, не медля, запалиша ю. В пламенней молитве Господу благодарение воздавши, якоже сподоби я прияти мученичестии светлыя венцы, иноцы пояху Богу: Аллилуиа.
Икос 4
Слышавше милость Твою, Богородице, чрез чудотворную икону Твою явленную, ею же Ты предварила еси старца о бедствии, вернии зело обрадовани быша, яко икона Твоя таже бысть обретена невредимою под развалинами обители. Мы же, таковей велией милости Твоея дивяшеся, вопием Ти: Радуйся, яко паки на радость людем в иконе Своей явилася еси. Радуйся, яко тою иконою чудеса велии источила еси. Радуйся, Тобою бо мы в добродетелех укрепляемся. Радуйся, Твоим бо заступлением мы перед неверными похваляемся. Радуйся, Тебя бо мы пред всем миром величаем. Радуйся, на Тебя бо мы всецело уповаем. Радуйся, Пресвятая Богородице, радость духовную нам без конца подающая.
Кондак 5
Боготечней звезде подобна явися икона Твоя, Приснодево Марие, во утешение и укрепление братии Зографския обители, пред нею же лампада теплится неугасимо. Иноцы за Литургиею акафистное пение пред нею возглашают, по сему она наименована «Акафистная» бысть. И познавши силу, в ней явленную Тобою, песнь благодарения возносят Богу: Аллилуиа.
Икос 5
Проявив велию любовь к людям, Ты, яко нежная и заботливая Мати, явила еси еще одну Свою икону именуемую «Хилендарская», яже бысть в Афонстей Хилендарстей обители, идеже пребывают Твои иконы «Млекопитательница» и «Попская». За таковое Твое попечение о людех Своих, восхваляем Тя: Радуйся, Путеводительнице подвижников благочестивых к Горнему Царствию. Радуйся, иноков пустыннолюбивых приводящая к Небесному Иерусалиму. Радуйся, гору Афонскую благоуханием исполнившая. Радуйся, на обители Хилендарстей Твое благоволением явившая. Радуйся, душевныя и телесныя болезни иконою Твоею скоро врачующая. Радуйся, в залог милости Твоея икону Твою даровавшая. Радуйся, Пресвятая Богородице, радость духовную нам без конца подающая.
Кондак 6
Проповедует Церковь Христова чудеса Твоя, Богородице, наипаче бо чрез иконы Твоя изливаеши струи милостей и щедрот всем бедствующим и требующим помощи Твоея. Сего ради, славословяще Тя, Сыну Твоему и Богу нашему вопием: Аллилуиа.
Икос 6
Возсия нам икона Твоя, Приснодево, чудом новым от нея истекшим, егда возгореся по нерадению экклесиарха иконостас, иже бысть в соборнем храме и в нем же бяше чудотворная икона Твоя. И аще иконостас едва не испепелися весь, обаче святый образ Твой, Богомати, не пострада от огня, пребывая невредимым к утешению верующих, поющих Ти: Радуйся, икону Твою честную несгораему в огни соделавшая. Радуйся, силою Божественною силу огненную погубившая. Радуйся, иконы Твоя чудотворныя, яко звезды в земле Афонстей умножившая. Радуйся, весь мир иконами Своими освятившая. Радуйся, мира излиянием от икон Твоих милосердие Твое к нам показующая. Радуйся, благодатию и славою чудес предивно сияющая. Радуйся, Пресвятая Богородице, радость духовную нам без конца подающая.
Кондак 7
Хотя Человеколюбец Христос явити любовь Свою к людем, Честною Его Кровию искупленным, дарова Тебе, Матерь Свою, роду христианскому в покров и защищение. Не лиши и нас Твоего теплаго заступления, славящих пречестное имя Твое и поклоняющихся чудотворному образу Твоему, Сыну Твоему зовущих: Аллилуиа.
Икос 7
Новое и предивное чудо яви Акафистная икона Твоя, Пресвятая Богородице, бысть бо от нея откровение святому Савве Сербскому о сокровище, иже бе близ святыя обители его. Сие сокровище нашедши, обитель старец благоустрояше, славя чудную Помощницу свою: Радуйся, в нуждах наших скоро помогающая. Радуйся, на благоустроение обителей средства щедро посылающая. Радуйся, обители святыя попечением Твоим не оставляющая. Радуйся, недостающее в них присно восполняющая. Радуйся, на молитву верных паки призывающая. Радуйся, подвизатися в благочестии им неустанно помогающая. Радуйся, Пресвятая Богородице, радость духовную нам без конца подающая.
Кондак 8
Странное чудо зрим о Тебе, Богомати, Ты бо от чудотворныя иконы Твоея скорую помощь верным подаеши. За сие иноцы Хилендарския обители, величая икону Твою Акафистную еще и Скоропослушницею, Господу благодарение возносят: Аллилуиа.
Икос 8
Весь мир любовию Твоею объемлеши, Приснодево, в иконе Твоей приснопоклоняемей всю поднебесную обтекающи. Ты бо, якоже и Сын Твой, не хощеши смерти грешника, но еже обратитися и живу ему быти. За таковое милосердие Твое взываем Тебе сице: Радуйся, временно наказующая и вечно милующая. Радуйся, истинному покаянию нас научающая. Радуйся, в земном уделе нас не оставляющая. Радуйся, в обителях небесных нас радостно встречающая. Радуйся, спасительною истиною нас вразумляющая. Радуйся, от погибельнаго пути нас сохраняющая. Радуйся, Пресвятая Богородице, радость духовную нам без конца подающая.
Кондак 9
Всяких милостей и щедрот Подательницу, немолчно Тя хвалят сердца наша, Пресвятая Богородице. Ты же буди нам Ходатаицею к Сыну Твоему в день Страшнаго Суда, воспомянув тогда грешных моления и сподобив пети Богу: Аллилуиа.
Икос 9
Ветии многовещаннии не возмогут достойно воспети Твой сладостный лик, ниже изъяснити силу чудес Твоих на всякую пользу человеком являемую, мы же похвальная воспеваем Тебе сице: Радуйся, Божией воли нам тайны открывающая. Радуйся, Его праведный гнев милостивно умягчающая. Радуйся, лучами чудес Своих нас просвещающая. Радуйся, вдов и сирот покровом Своим покрывающая. Радуйся, пресветлая Божественная красото. Радуйся, богомудрых премудрая доброто. Радуйся, Пресвятая Богородице, радость духовную нам без конца подающая.
Кондак 10
Спасения ищуще, к Твоему милостивому заступлению прибегаем, Милосердная Мати, и чудотворныя иконы Твоя со благоговением и верою чествуем. Темже, воспоминая неисчетная чудотворения Твоя, вопием Всемогущему Богу: Аллилуиа.
Икос 10
Стено необоримая всем людем Ты еси, Пресвятая Дево. Ты бо слезы наша отираеши, мир смущенным душам нашим подавая. Ты бо не оставляеши нас в годины лихих испытаний, силы душевныя и телесныя благодатию Своею нам подкрепляя. Сего ради услыши нас, зовущих Ти: Радуйся, на земли нас не оставляющая. Радуйся, руку помощи всем призывающим Тя простирающая. Радуйся, Тебе Материю Божиею именующим непрестанно помогающая. Радуйся, в бедах на нас находящих ны укрепляющая. Радуйся, яко вся возможна Тебе нам показующая. Радуйся, путь ко спасению нам указующая. Радуйся, Пресвятая Богородице, радость духовную нам без конца подающая.
Кондак 11
Пение всеумиленное пред иконами Твоими приносим Ти раби Твои, Богородице. Не презри нас, Госпоже Всемилостивая, но благопослушлива буди к нам, с верою и благоговением Твоему Божественному образу поклоняющимся и Сына Твоего восхваляющим богокрасною песнию: Аллилуиа.
Икос 11
Светлыми лучами чудес Твоих, Богородице Дево, души наша светло просвещаеши, от тьмы погибельныя их исхищая. Мы же с любовию чтуще Тя, яко Матерь Сына Божия и рода христианскаго, вопием Ти: Радуйся, яко Господь с Тобою и Тобою с нами. Радуйся, яко покров Твой Святый простираеши над нами. Радуйся, яко Неопалимая Купина нетленною пребываеши. Радуйся, яко Живоносный Источник жажду вечныя правды в людех утоляеши. Радуйся, яко Цвет Неувядаемый души наша благоуханием исполняющая. Радуйся, яко Стена Нерушимая от бурь житейских нас защищающая. Радуйся, Пресвятая Богородице, радость духовную нам без конца подающая.
Кондак 12
Благодать Божественную явно в чудотворных иконах Твоих пребывающую не отними от нас, Пресвятая Дево, за грехи и беззакония наша. Не остави нас Своим чудным заступлением и на Страшнем Суде Сына Твоего прощение у Господа нам исходатайствуй, да во славе неизреченней узрим Христа Бога нашего и воспоем Ему: Аллилуиа.
Икос 12
Поюще песни хвалы и благодарения Тебе, Дево Всепетая, восхваляем Тя вси, яко твердую Предстательницу за нас, грешных, и покланяемся Тебе с любовию, о нас молящейся пред Господем, веруем бо и уповаем, яко испросиши нам у Него спасение и жизнь вечную, вопиющим Ти сице: Радуйся, Бога и человека соединившая. Радуйся, спасение человеческое устроившая. Радуйся, цветами добродетелей верных украшающая. Радуйся, ризою Своею с материнскою любовию их покрывающая. Радуйся, от домашния брани и вражды единокровныя миром ограждающая. Радуйся, во благих намерениях нам присно помогающая. Радуйся, Пресвятая Богородице, радость духовную нам без конца подающая.
Кондак 13
О Всепетая Мати, Небесная Царице и Владычице, Дево Богородице, милостивно приняв сие акафистное пение, избави нас от всякия напасти, болезни и внезапныя смерти, и яко старцу Божию некогда «Радуйся!» возгласила еси, тако и нам возгласи: «Радуйтеся и вы, чада Божии!», вопиющим Сыну Твоему и Богу нашему: Аллилуиа. Аллилуиа. Аллилуиа.
Сей кондак читается трижды. Затем икос 1 и кондак 1.
Молитва
О Пречудная и Превысшая всех тварей Царице и Богородице, Небеснаго Царя Христа Бога нашего Мати, припадаем и поклоняемся Тебе пред святою и пречестною иконою Твоею, еюже дивныя и преславныя чудеса содеваеши! Смиренно молим Тя, всесильная рода нашего Заступнице, услыши нас и удиви на нас пребогатыя милости Твоя, и прошения наша, приносимая Тебе, яко благая Скоропослушница, исполни. Благодатию Твоею души наша освяти и не отнимай от нас покрова Своего, под ним же присно пребывая, яко Стеной Нерушимой защищени пребудем от всех бед и напастей, от всякаго врага и супостата, от всех злых козней вражиих на нас присно находящих. Благоуханием непорочной души Своея наполни души наша, да возвеселятся сердца наша, ибо несть никто в мире сем милее и прекраснее Тебе, Дево Пресвятая! Ты еси наше Богатство, Ты еси наше Сокровище, Ты еси наше Упование и наша Защито! К Тебе Единей в печалех наших притекаем и у Тебе Единей утешение получити чаем. О Всепетая Дево Богородице, не престай молитися о нас, недостойных рабех Твоих, славящих Тя и почитающих, и надежду на Тебе имущих, ныне и присно, и во веки веков. Аминь.
