Корчемная икона Божией Матери «Знамение» пребывает в настоящее время в алтаре Успенского собора на престоле в Свято-Иоанно-Богословском монастыре Рязанской епархии. Чтимый список иконы находится в Николо-Ямском храме города Рязани.
История образа: Существует интересная легенда об этой иконе, объясняющая ее название «Корчемная». Жила в городе Рязани некая вдова, и была она одержима недугом пьянства. Продав все, что у нее было, на утоление своей ненасытной жажды, она решила продать и имевшуюся у нее икону Божией Матери «Знамение«.
Придя в Красную корчемницу (питейное заведение), вдова отдала образ корчемнику и попросила взамен вина. Будучи очень благочестивым человеком, корчмарь не посмел отказаться от иконы. Он поставил ее в Красный угол, где совершал ежедневные молитвы. Икона ему как-то сразу полюбилась.
Проспавшись вдова опамятовалась и отправилась в корчму выкупать образ. Корчемник отдал икону, хотя и с большим сожалением. На следующее утро он увидел отданную икону на прежнем месте. Он возблагодарил Господа за такую милость. Вдова же, обнаружив пропажу, пришла в корчму разбираться.
Корчмарь подвел ее к образу и со слезами благоговения сказал: «Вот Она, Царица Небесная! Сама спроси Ее, как Она здесь оказалась.» Образ остался в корчме, за что и стал прозываться Корчемная икона Божией Матери. Вдова вернулась домой в слезах, но с той поры исцелилась от пьянства молитвами Пресвятой Богородицы.
В народе Корчемную икону прозвали «явленной корчемной», она пребывала в корчме до ее закрытия в 1850 году и неизменно пользовалась глубоким почитанием. Потом ее перенесли в Рязанскую церковь святого Симеона Столпника, где Корчемная икона Божией Матери пребывала до революции.
Много чудес произошло по молитвам у чудотворного образа. Во время холеры 1848 года после крестного хода с Корчемной иконой Божией Матери «Знамение», эпидемия прекратилась. В 1851 году была составлена рукописная повесть о чудесах, совершенных Корчемной иконой.
В том же году после молебна чудотворной иконе прекратилась засуха, грозившая голодом всей округе. В годы революционного лихолетья и с началом кампании по изъятию церковных ценностей, один верующий человек спрятал Корчемную икону Божией Матери.
В 1961 году Корчемная икона Божией Матери была передана в Борисо-Глебский храм, а в 90-ые годы чудотворный образ перенесли в Свято-Иоанно-Богословский монастырь, открывшийся в селе Пощупово, в нем Корчемная икона Божией Матери пребывает и поныне.
10 декабря 2000 года в Рязанском во имя Святой Троицы монастыре был освящен надвратный храм во имя Корчемной иконы Божией Матери. По пятницам в Троицком монастыре совершается молебен с каноном о страждущих винопитием и наркоманией. Корчемная икона Божией Матери снискала большую народную любовь и почитание.
Иконография: Иконографический тип — Знамение, Оранта (Молящаяся), вариант «Великой Панагии«. По размеру Корчемная икона Божией Матери небольшая 28,9 х 38,9 см. В основе иконографии лежит пророчество о воплощении Спасителя: «…Сам Господь даст вам знамение: се, Дева во чреве приимет и родит Сына, и нарекут имя Ему: Еммануил» (Ис 7. 14))
Воздетые в молении руки Богоматери символизируют моление всей Церкви своему Небесному Предстоятелю — Христу. В иконографии Пресвятая Богородица является символом Церкви, так как именно в Ее образе выражено главное предназначение Церкви: спасение всех христиан. Изображение Богомладенца на фоне груди Богоматери отображает идею Боговоплощения.
Наименование связано с чудотворной иконой «Знамение», через которую в 1169 году Великому Новгороду было явлено заступничество Пресвятой Богородицы. С конца XV века название «Знамение Пречистыя» встречается в новгородских источниках по отношению к этой иконе и ее повторениям, то есть становится наименованием иконографического типа, другое название которого «Богоматерь Воплощение».
Другое наименование изображения Богоматери с Младенцем перед грудью — Платитера («Ширшая небес»). Этот эпитет связан с литургией святителя Василия Великого, на которой поется стих о том, что чрево Богородицы пространнее небес. На Руси этот иконографический тип получил широкое распространение: Абалацкая, «Знамение» Курская Коренная, Мирожская, Новгородская, Серафимо-Понетаевская, Царскосельская и др.
Корчемная икона Божией Матери со временем стала совсем ветхой, годы испытаний не пощадили святой образ. Он раскололся, причем трещина прошла по самому лику Пресвятой Богородицы. Икону решено было отдать на реставрацию Андрею Ивановичу Шибаеву, талантливому иконописцу, получившему благословение от самого праведного Иоанна Кронштадского.
Но оказалось, что он ослеп, да и возраст у него был преклонный, около 90 лет, так что надеяться на его выздоровление не приходилось. И вот случилось чудо. Получив икону на реставрацию, проведя подле нее некоторое время в посте и молитве, художник исцелился. Он не только восстановил первообраз, но и сделал с него копию. Реставрированная Корчемная икона Божией Матери вернулась в обитель.
Молитвенная традиция: Перед Корчемной иконой Божией Матери «Знамение» молятся о прекращении бедствий, о защите от нападения врагов, от пожаров, о защите от воров и преступников и о возвращении утраченного, об избавлении от чумы, об умирении враждующих и избавлении от междоусобной брани.
По просьбам благочестивых рязанцев Корчемная икона Божией Матери «Знамение» часто приносилась в давние времена в дома для служения молебнов. Перед ней купцы испрашивали благословение накануне городских ярмарок, новобрачные — помощь и покровительство в предстоящей семейной жизни.
Празднование: 27 ноября / 10 декабря.
Тропарь Пресвятой Богородице пред Корчемной иконой Божией Матери «Знамение»
глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Перевод: Как нерушимую крепость и источник чудес, обретя Тебя, рабы Твои, Богородица Пречистая, врагов ополчения повергаем. Потому и молимся Тебе: мир городу Твоему даруй и душам нашим великую милость.
Кондак Пресвятой Богородице пред Корчемной иконой Божией Матери «Знамение»
глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.
Перевод: Почитаемого образа Твоего явление празднуем, люди Твои, Богородительница, им же Ты даровала удивительную победу над противниками городу Твоему. Поэтому с верой взываем к Тебе: «Радуйся, Дева, слава и честь христианская».
О, Пресвята́я Влады́чице Богоро́дице, Небе́снаго Царя́ Ма́ти, Богоизбра́нная Отрокови́це! Ненаде́жных наде́яние, больны́х исцеле́ние, си́рым предста́тельнице, скорбя́щим утеше́ние и ра́дость, оби́димым покрови́тельнице и всем в беда́х и напа́стях су́щим ско́рое поможе́ние и заступле́ние! Помози́, о Ма́ти Бо́жия, и нам гре́шным в ско́рби на́шей, возвесели́ ра́достию сердца́ люде́й Твои́х; упра́ви в ми́ре и тишине́ жизнь на́шу и не да́ждь во отча́яние впа́сти. Ты бо Еди́на еси́ па́че всех святы́х и па́че всех Го́рних умо́в Предста́тельница на́ша к Бо́гу, я́ко Всеблага́го Царя́ Блага́я Ма́ти. Те́мже мы, гре́шнии, на Пречи́стый Твой о́браз Зна́мения взира́юще, умиле́нно преклоня́ем коле́на и, благогове́йно лобыза́юще, мо́лим Тя, Благосе́рдая Ма́ти: не отри́ни смире́ннаго моле́ния на́шего и яви́ нам зна́мение ми́лости Твоея́: никто́же бо, к Тебе́ прибега́я со упова́нием, исхо́дит от Тебе́ посра́млен, но про́сит благода́ти и прие́млет дар к поле́зному проше́нию, прославля́я Сы́на Твоего́ и Бо́га, и Тебе́ с Ним, во ве́ки веко́в. Ами́нь.
АКАФИСТ ПРЕСВЯТОЙ БОГОРОДИЦЕ ПРЕД КОРЧЕМНОЙ ИКОНОЙ БОЖИЕЙ МАТЕРИ «ЗНАМЕНИЕ»
Кондак 1
Взбранной Воеводе Победительная, Царице Небесе и земли, похвальная песнопения приносим Ти, Богородительнице, Ты же, яко имущая державу непобедимую, от всяких зол сохрани нас и град наш, да зовем Ти:
Радуйся, Благодатная, Господь о Тобою, Ты же с нами, чудным образом милость Божию знаменающая.
Икос 1
Архангели и Ангели и все воинство сил безплотных немолчно славословят и служат Ти, главы своя преклоняя: мы же грешнии недоумеем, откуда начнем восхваляти Тя по достоянию, обаче дерзая на благосердие Твое, приносим Ти похвалы сия:
Радуйся, Рождеством Твоим мир горний с дольним возсоединившая;
Радуйся, младая Отроковице, по ступенем храма никимже держимая возшедшая.
Радуйся, по обетованию родителей Твоих в храме Иерусалимстем воспитанная;
Радуйся, Духом Святым введенная во Святая Святых.
Радуйся, в храме Господни молитве и Богомыслию наученная;
Радуйся, тамо пищу из рук Архангельстих принимавшая.
Радуйся, яко житие Твое при храме прообразом жития иноческаго явися;
Радуйся, всех скорбящих скорое утешение.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 2
Видевши, Пресвятая Дево, немощи человеческаго естества, простре руку помощи вдовице некоей, пагубною страстию одержимей, яже вдаде благословенную икону свою «Знамения» в корчемницу вина ради, вся убо расточи имения своя. Не по мнозех же днех, в себе пришедши, собравши пенязи на выкуп, принесе икону в дом свой; наутрие же не нашедши Ю в доме своем, тече паки в корчемницу и обрет икону свою, чудесно перенесенную, паде пред Нею, поя Богу: Аллилуиа.
Икос 2
Разумевающи чудесное пренесение иконы Твоея, Пречистая Дево, невидимыма рукама в корчемнице поставленныя, вдовица отягчена сущи стыдом и жалостию, нача прилежно молитися со слезами: «Владычице, не лиши мя Покрова Твоего и милости!» Сице и мы хвалу Тебе приносим:
Радуйся, чудесно тайне воплощения Сына Божия послужившая;
Радуйся, первее Его повившая и во яслех безсловесных овец положившая.
Радуйся, первее поклонение Сыну Твоему и Богу совершившая;
Радуйся, млеком питавшая Питателя алчущих хлеба вечнаго.
Радуйся, водою напоившая Подателя воды живыя, текущия в жизнь вечную;
Радуйся, одеждою покрывавшая одевающаго небо облаки.
Радуйся, иноков и инокинь Боголюбивых сладкая Отрадо;
Радуйся, болящих и убогих совершенная цельбо.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 3
Силою Твоей многомощной молитвы обрати на путь покаяния и нас, имущих слабую волю удобопреклонную греху, яко паче жены тоя согрешаем ежечасно пред Сыном Твоим и Богом. Не тщимся воспрянути от сна греховнаго, и не разумеваем, како жизнь наша преходит, яко день вчерашний, иже мимо иде, но яви нам милосердие Твое, еже с надеждой вопити Тебе: Аллилуиа.
Икос 3
Имущи милосердие неоскудеваемое, Ты, Благая Мати, простираеши руце Свои на умоление за всех скорбящих и недугующих и самым отчаянным помощь подаеши, яко непрестанно молиши Сына Твоего Возлюбленнаго не токмо простити нас, но и даровати нам обитель в Царствии славы, якоже Сам речет: «В дому Отца Моего обители многи суть». Да прославим Тя, богатую в милости:
Радуйся, кладезю неисчерпаемый дивнаго милосердия Твоего к миру скорбному;
Радуйся, хитон нешвенный Сыну Твоему исткавшая, о нем же воини у Креста Его меташа жребий.
Радуйся, двери милосердия Твоего нам отверзающая;
Радуйся, во объятия Своя приявшая Объемлющаго весь мир.
Радуйся, на руку Сына Твоего вознесенная к Великому Престолу;
Радуйся, в уверение о близком Успении Твоем рая вравие с неба Архангелом принесенное, дивному Иоанну показавшая.
Радуйся, Вселюбивая Мати наша, любовию Своею нас, труждающихся и обремененых, покрывающая;
Радуйся, обетованием Святаго Духа купно с Апостолы обрадованная.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 4
Недоумеет ум наш, како прославити чудо милости Твоея ко вдовице, юже обратила еси к покаянию и даде ей непрестанно память имети о гресе своем. О, Мати Милосердия, помози и нам имети память о гресех наших и николиже забывати о часе смертнем, о часе, иже не минует ни едино создание на земли живущее. Како предстанем Сыну Твоему, како отвещаем Судии Праведнейшему? Аще не обратимся к покаянию и предстательством Твоим умолим Бога, поюще песнь: Аллилуиа.
Икос 4
Слышавше о дивном пренесении иконы и о чудесах, от Нея бываемых, вси жители града Рязани начаша от того часа поклонение творити честному образу Твоему и «Знамение» Корчемныя нарицати, якоже не возгнушалася еси в корчемнице явитися, лепту приношаху на удержание пред Нею лампады неугасимыя. Моли, Пресвятая Дево, Предвечнаго Бога, да не угаснет в сердцах наших огнь любве Божественныя, да с любовию восхвалим Тя:
Радуйся, восхождением Своим по ступенем храма Иерусалимскаго научающая нас добродетельми, яко лествицею, восходити к совершенству;
Радуйся, яко Ангели удивишася вхождению Твоему во Святая Святых.
Радуйся, яко у Креста Сына Твоего чашу страданий до конца испившая;
Радуйся, семикратными глаголы Сына Твоего со Креста, аки семью стрелами в сердце пронзенная.
Радуйся, матерем чадородящим скорое вспоможение;
Радуйся, явлением Святыя иконы Твоея град Рязань благословившая и всех нас возвеселившая.
Радуйся, отчаянных и безнадежных к тихой и безмятежной жизни приводящая;
Радуйся, плачущих матерей великое утешение, яко и Сама у Креста Сына Твоего: «Увы Мне, Свете Мой», рыдавшая.
Радуйся, Благодатная, Господь с Тобою, Ты же с нами чудным образом милость Божию знаменающая.
Кондак 5
Богоразумный глас от иконы Твоея бываемый обратил есть на путь правый человека некоего, емуже прилучися быти во граде нашем, и прежде всех дел поклонение сотворшу Пречистому образу «Знамения»; явися бо ему в сонном видении образ сей, и кроткий глас Твой вещаше от Него: «Се Аз приидох к тебе, понеже посетил Мя еси и обратился еси от скверны», и обеща вспоможение в устроении дел его. О, Царице многомилостивая, дай и нам не познати гнева Твоего за безчестие наше, но услышати всепрощающий глас Твой, Богу же воспети: Аллилуиа.
Икос 5
Узрев сие дивное Твое промышление о грешнице, человек той хотяй встати на путь нечестия, воспрянув от дремания, абие же тече к пресвитеру церкви Преподобнаго Симеона и моляще его, да сотворит благодарственное молебное пение в храмине, идеже бысть ему явление Твое, многажды повергаяся ниц, моляше всех пети: «О, Всепетая Мати!» Мы же ни единою токмо, но многочастне получая помощь Твою, благодаряще хвалу приносим:
Радуйся, от пути нечестия внезапно верных отводящая;
Радуйся, скорби и радости земной жизни с Сыном Твоим разделившая.
Радуйся, Архангельское благовестие со смирением принявшая и нас тем смирению научающая;
Радуйся, Слово Божие во храме возлюбившая и исполнившая, яко таковии Сыном Твоим блаженнейшыя нарицаются.
Радуйся, иноков Богомудрых ко спасению незримая руководительнице;
Радуйся, веры православныя надежная оградо и утверждение.
Радуйся, всех отринутых и уничиженных правое возведение;
Радуйся, корень девства и цвете чистоты.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 6
Проповедует вся вселенная чудныя милости от икон Твоих чудотворных являемыя, воспоминаем и мы, како дивно спасла сей град Рязань от всегубительныя болезни, егда людие страхом внезапныя смерти одержимии притекоша с верою и надеждою к иконе Твоей, с пением обносяще Ю окрест домов своих. И оправдана бысть вера их в милосердный Покров Твой, ибо ни единому бысть умерети от болезни тоя из домов тех, да в радости сердца воспеша людие Богу Спасителю: Аллилуиа.
Икос 6
Возсия благодать от цельбоносныя иконы Твоея «Знамение», пред Нею же и мы преклоняем колена и сердца наша, и со слезами благодарим, како избавила еси толико людей от наглыя смерти. Избави нас, Пречудная Владычице, от смерти без покаяния и умоли Спасителя, да в час кончины нашея не лишит нас причащения Пречистых Своих Тайн Тела и Крове. Ей, Мати Божия, умоли! Да с верою и любовию во уповании зовем Ти:
Радуйся, Мати Света незримаго;
Радуйся, тайных подвижников поры и благочестия, среди мира живущих, непрестанная Помощнице.
Радуйся, Сама им благословение на молитву и подвиги подающая;
Радуйся, к трудолюбию и милосердию верных рабов Твоих направляющая.
Радуйся, в сониих и видениих избранныя Своя посещающая;
Радуйся, заповедей Господних первая Исполнительнице.
Радуйся, всем любящим и чтущим Тя жизни вечныя сподобляющая;
Радуйся, безпомощных сирот и вдовиц присная Охранительнице.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 7
Хотя явити дивное милосердие от иконы Твоея, Ты, Милостивая, егда в годину пагубныя болезни велий бысть зной воздуха, яко и земля изсохше и былие возгореся от палящаго солнца, возгореся огнь велий в бору близ града Рязани. Ты же, по молитве человека некоего, умом и сердцем пред иконою Твоею «Знамение» стояти мнящася, чудесно угасила огнь велий и землю одождила еси преизобильно. Прославляюще Бога, дивную песнь воспеваем Ему: Аллилуиа.
Икос 7
Дивно Ты угасила еси пламень горящий, близ града нашего. О, Пречистая Дево! Единая нам надеждо и утешение! Молим Тя: угаси пламень страстей наших, помози нам стяжати блаженное безстрастие, зане создани есмы по образу Божию и малым чим умалени от Ангел, но в забвении предаемся безпечности и страстем нашим. Тебе же с любовию хвалу поем:
Радуйся, одесную Сына у Престола Его стоящая;
Радуйся, песнь Ангелов: «Слава в вышних Богу» первее услышавшая.
Радуйся, ублажаемая от всех родов по реченному Тобою;
Радуйся, яко душа Твоя величит Господа.
Радуйся, воспоминающи страдания Сына Своего много дней жизни Своей на Голгофе провождавшая;
Радуйся, Чаше многоценная, до края исполненная Божественныя благодати.
Радуйся, от помышлений суетных ум наш очищающая;
Радуйся, кающихся грешников молитвы Сама к Богу приносящая.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 8
Странно бысть чудо Твое, егда человек некий, имея нозе свои одержиме лютым недугом, видом багряне и в язвах сущи, никиими же врачи спасен бысть, пришел к иконе Твоей, моля Скорую Помощницу в скорбех, и получив совершенное исцеление, паде ниц благодаряще. Исцели, Целительнице Благая, и наши душевныя и телесныя немощи, нас поющих немолчно песнь Богу: Аллилуиа.
Икос 8
Вся возможна Тебе суть, Пречистая, яко Ты еси Мати Единаго от Святыя Троицы, покрый нас Покровом милости Твоея, умоли о нас Сына Твоего, да продлено будет время жизни нашея на покаяние, да остающиися дни до кончины нашея поживем в чистоте, целомудрии и творении дел милосердия, яко да услышим сладкий глас Его, призывающий благословенных наследовати Царствие Божие, Тебе же со умилением зовем:
Радуйся, хладныя души к познанию истины путьми неисследимыми приводящая;
Радуйся, величием, яко венцем, увенчанная от Святыя Троицы.
Радуйся, Премилостивая, с высоты славы Твоея земнородных не презирающая:
Радуйся, заповедей Божиих искусни делателе нас являющая.
Радуйся, в час кончины нашея духов тьма далече от нас отгоняющая;
Радуйся, чистоту веры Христовы, яко драгую жемчужину, сохраняти Церкви нашей помогающая.
Радуйся, мрачныя души человеческия Светом Божественныя благодати внезапно озаряющая;
Радуйся, всем, близ потопления сущим, якорь спасения подающая.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 9
Все упование наше возложим на Тя, Преблагословенная Богородице, молим Тя: простри Свои Пречистеи руце на умоление к Сыну Твоему и Богу нашему; буди Споручница нам, грешным, окажи нам милость, зде на земли живущим; наипаче же тамо, в стране дальней, идеже несть печаль, ни воздыхание, но Ангельские лики поют непрестанно Божественную песнь: Аллилуиа.
Икос 9
Ветии многоглаголивыя умолкоша, такожде и силы горния преклониша главы своя пред Славою Твоею, яко Ты еси Царица небесе и земли, обаче с высоты славы Ты и земных не оставляеши, якоже и жену некую, скорбь о умершей дщери своей имущу и от лютыя болезни ног страдавшу, егда бо жена сия повеле нести ея в часовню к Пречудней иконе Твоей и зде по слезней молитве получивши совершенное здравие телесное и покой душевный, прослави Тя, Милостивую Целительницу. Темже и мы похваляем Тя сице:
Радуйся, Славу Божию непрестанно зрящая;
Радуйся, в горнем Всесвятлем Иерусалиме сонмом Ангелов окружаемая.
Радуйся, неизмеримая Глубине любве Божественныя;
Радуйся, до окончания земной жизни Своея посещавшая святый Гроб Сына Твоего и тем научающая нас память имети о могилах присных нам.
Радуйся, с Сыном на Голгофе спострадавшая, по реченному старцем Симеоном: «Тебе же Самой оружие пройдет душу».
Радуйся, в мори житейстем бедствие терпящим руку простирающая, якоже Сын Твой Петрови.
Радуйся, яко Тя вся тварь Божественными песньми величает;
Радуйся, кротких и нищих духом скорое услышание.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 10
Спасти хотя человечество от вечныя смерти, Господь наш Иисус Христос, воплотившийся от Пренепорочныя Девы Марии, даде нам Матерь Свою в покров и защищение, усыновив Ей с Креста весь род человеческий. Ты же, яко мост крепкий, приводяй нас от земли на небо, с любовию помогаеши всем прибегающим к Тебе, никто же бо отходит от Тебе не услышан, аще просит полезное и Богу поет: Аллилуиа.
Икос 10
Стено необоримая всем людем, искупленным Пречистою Кровию Сына Твоего, Ты еси, Чистая, Едина наша надеждо, Едино прибежище. Кто слезы наши отрет? Кто даст мир смущенней душе нашей, аще не Ты, Единая всем нам Мати? Да с любовию хвалу Тебе воспеваем:
Радуйся, лучезарная заре веры Христовы;
Радуйся, от Херувим и Серафим немолчмо воспеваемая.
Радуйся, в доме Апостола Иоанна в смирении и кротости пожившая;
Радуйся, за посещение Голгофы и святаго Гроба по воскресении Сына Своего от иудей гонимая.
Радуйся, яко Благаго Царя Благая Мати нарицаешися;
Радуйся, слезы скорбных отирающая рукою милосердною.
Радуйся, яко о Тебе радуется Ангельский собор и человеческий род;
Радуйся, Святыя иконы Своя в залог любве Своея вечныя на земли нам оставившая.
Радуйся, и во граде нашем икону Свою явившая.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 11
Пение хвалебное приносим Ти, Пречистая Дево, и молим Тя: исцели неисцельныя наша болезни душевныя и телесныя, помози нам возстати из тины греховныя, научи нас исполняти вся заповеди Господни, да имамы дерзновение в молитвах наших, и Ты, Милостивая Заступнице наша, приклони ухо Твое к мольбам нашим, да якоже благонравнии раби Твои Божественному Сыну Твоему воспоем: Аллилуиа.
Икос 11
Светозарная икона Твоя «Знамение», издревле преносима бысть из часовни в храм, в понедельник Светлыя седмицы, яко же первое воспоется пред иконою Твоею Ангельское приветствие: «Чистая Дево, Радуйся! Твой Сын воскресе тредневен от гроба!» И сим убо священнодействием начинася молебное пение в приходских домех. Темже и мы, воспоминая сие, радостно славим Тя: Радуйся и красуйся, Чистая, о востании Рождества Твоего;
Радуйся, Пресвятая Мати, яко воскресе Сын Твой, да наша души совоскресит с Собою.
Радуйся, яко по святому преданию Ты, Пресвятая, Учительница была еси отроку Сыну Твоему;
Радуйся, яко странно бе учение сие Сына Всеведущаго и Вездесущаго.
Радуйся, Лазаря четверодневнаго, епископа острова Кипра, посещением Своим обрадовавшая;
Радуйся, попечением и молитвами Твоими земную Церковь умножившая.
Радуйся, изнемогающих от искушений духа и плоти нас десницею Своею избавляющая;
Радуйся, в смирении и терпении живущим путь в Царствие небесное указующая и двери рая отверзающая.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 12
Благодать восхотев даровати пастве Своей от цельбоносныя иконы Твоея «Знамение», Боголюбивейший святитель града Рязани Гавриил, в смирении и кротости житие свое провождаше, яко и повествуется о нем, повеле изнести с честью икону Твою из корчемницы и соорудив часовню каменную при храме Преподобнаго Симеона Столпника, в поклонении всех мимоходящих постави Ю, да прославляют Тя вси, Пречудная Царице, и Сыну Твоему поют: Аллилуиа.
Икос 12
Поюще Твоя милости и чудеса, даже до ныне являемый верным рабом Твоим, поклоняемся предивному образу Твоему, явленному во граде Рязани, яко Тебе Самой, и молим Тя со слезами: научи нас, что сотворим, да угодны будем Тебе и Богу. Мы, не имущии не токмо дел, но и словес благих, чим воздадим Тебе за вся благодеяния Твоя? Но надеясь на милость Твою, славим Тя со умилением:
Радуйся, в страданиих за Христа мучеников укрепляющая и дух преподобных возвеселяющая;
Радуйся, святому праведному Иосифу в послушании послужившая.
Радуйся, богатая милостию, в доме Обручника труды и обстояния ради святаго семейства Своего понесшая;
Радуйся, странным рождеством Сына Твоего пред всеми матерьми возвеличенная.
Радуйся, небесе с землею примирение;
Радуйся, Всесветлая Звездо, сиянием Всечистыя души Твоея мир скорбный озаряющая.
Радуйся, Царице небесе и земли, в безконечныя веки царствующая;
Радуйся, всем нам Мати Вселюбимая и Всемилостивая.
Радуйся, Благодатная, Господь с Тобою, Ты же с нами, чудным образом милость Божию знаменающая.
Кондак 13
О, Пресвятая Владычице, Дево Богородице, Мати Господа нашего! К Тебе припадаем и молим Тя: помилуй и спаси нас, недостойных Твоего милосердия. Услыши нас, Пречистая, не ввери нас человеческому предстательству, но Сама помилуй нас к жизни сей, и в будущем веце соделай нас наследниками Небеснаго Царствия; яви нам Знамение милости Твоея, да прославим безмерное милосердие Твое и Богу воспоем Херувимскую песнь: Аллилуиа.
(Этот кондак читается трижды, затем икос 1 и кондак 1)
Молитва Пресвятой Богородице перед Ея иконой, именуемой «Знамение» Корчемная
О, Пресвятая Владычице Богородице, Небеснаго Царя Мати, Богоизбранная Отроковице! Ненадежных надеяние, больных исцеление, сирым предстательнице, скорбящим утешение и радость, обидимым покровительнице и всем в бедах и напастях сущим скорое поможение и заступление! Помози, о Мати Божия, и нам грешным в скорби нашей, возвесели радостию сердца людей Твоих; управи в мире и тишине жизнь нашу и не даждь во отчаяние впасти. Ты бо Едина еси паче всех святых и паче всех Горних умов Предстательница наша к Богу, яко Всеблагаго Царя Благая Мати. Темже мы, грешнии, на Пречистый Твой образ «Знамения» взирающе, умиленно преклоняем колена и, благоговейно лобызающе, молим Тя, Благосердая Мати: не отрини смиреннаго моления нашего и яви нам знамение милости Твоея: никтоже бо, к Тебе прибегая со упованием, исходит от Тебе посрамлен, но просит благодати и приемлет дар к полезному прошению, прославляя Сына Твоего и Бога, и Тебе с Ним, во веки веков. Аминь.
