Преподобная Мария Египетская — святая, почитаемая правослаными и католиками, как образец глубокого раскаяния после многих лет порочной жизни, острого и безусловного осознания своей греховности, сердечного и искреннего покаяния, и указания всем нам пути в Царствие Божие.
Преподобная Мария Египетская родилась в Египте в 344 году от Рождества Христова. О ее родителях ничего неизвестно. Но скорее всего семья ее была бедной и «неблагополучной», как сейчас это принято называть, потому что Мария в 12 лет покинула родительский дом и увлеклась порочной жизнью.
Так она прожила 17 лет, пока Господь не привел ее к покаянию. Случилось так, что однажды преподобная Мария Египетская примкнула к группе паломников, которые направлялись на Святую землю на праздник Воздвижения Животворящего Креста Господнего. На корабле она продолжала заниматься привычным делом, не осознавая его порочности.
По прибытии в Иерусалим паломники направились в храм Воскресения Господнего. Мария пошла за ними, но у входа в храм ее остановила невидимая сила, они никак не могла переступить порог, как ни пыталась. Люди мимо нее шли широкой толпой, а ее что-то не пускало.
И тут вдруг она осознала, что ей мешает войти под своды храма. На нее как озарение свыше нашло. С ужасом и стыдом она поняла, что Господь не пускает ее в храм Божий за ее страшные грехи перед Богом и перед людьми, за ее недостоинство, скверность, греховность, нечистоту. И она со слезами раскаяния стала просить Господа простить ее, из сердца ее истогся такой вопль отчаяния, что она была услышана.
Преподобная Мария Египетская воззвала к Пресвятой Богородице заступиться за нее, испросить ей прощение, обещая изменить свою жизнь. И она почувствовала облегчение и как бы просветление в душе, смогла беспрепятственно войти в храм и пасть на колени пред Гробом Господним.
Долго лежала она там, проливая слезы. Из храма преподобная Мария Египетская выщла совсем другим человеком. Она удалилась в суровую и безлюдную Иорданскую пустыню, ведомая Пресвятой Богородицей. Почти полстолетия провела она там в посте и молитве, в полном уединении и безмолвии, достигнув глубокой старости
Однажды Господь привел в ту пустыню монаха, старца Зосиму из Иорданского монастыря. В монастыре был обычай расходиться Великим постом поодиночке по пустыне. В первое воскресенье Великого поста после совершения игуменом Божественной литургии, причастившись, все собирались в церкви.
Сотворив молитву, иноки просили друг у друга прощения, так как не знали, вернутся ли они назад из этого трудного и опасного пути, и расходились по пустыне. С той поры этот обычай сохранился в Православной Церкви, воскресенье перед началом Великого поста называется Прощеным воскресеньем.
Старец Зосима шел по пустыне 20 дней, все дальше и дальше уходя от мира. Никого не встретил он на своем пути, и вдруг он заметил мелькнувшую тень совершенно обнаженного человека с продубленной от зноя кожей. Старец стал просить подвижника не удаляться от него и тогда узнал, что это женщина, преподобная Мария Египетская.
Он дал ей свой плащ, чтобы прикрыть наготу, и они долго беседовали. Причем преподобная называла старца по имени, видя его впервые, и многое о нем знала. Авва понял, что она достигла высокого духовного уровня. А когда святая подвижница, по просьбе старца, стала молиться за него, он увидел, как она поднялась над землей.
Старец Зосима попросил ее рассказать ему о своей жизни. Со смущением и стыдом она поведала свою историю. Господу было угодно, чтобы о ее подвигах и пути к покаянию узнали в миру. Суровыми подвигами искоренила в себе преподобная Мария Египетская все греховные помысла и соделала сердце храмом Духа Святого.
Очень просила она старца молиться за нее грешную и прийти через год причастить ее на берег реки Иордан. Довольно долго ждал старец появления святой, думая о том, как же она без челна переплявет реку. Она же, перекрестив реку, прошла по ней, как по суху, причастилась и так же вернулась назад.
На другой год старец Зосима, прийдя на то же место у засохшего ручья не застал ее живой. При помощи льва, вырывшего лапами яму для погребения святой, авва похоронил преподобную и рассказал в обители всю ее историю. Эта история сразу не была записана, а передавалась устно.
Так преподобная Мария Египетская из закоренелой грешници с помощью Божией превратилась в величайшую святую, оставив в истории яркий пример покаяния. Дивен Бог во святых Своих. Отошла ко Господу преподобная Мария Египетская в 521 году.
Молитвенная традиция: К ней обращаются для искоренения блудных помыслов, в борьбе с плотской страстью. Она считается покровительницей кающихся женщин.
Память: 1 / 14 апреля и в пятое воскресенье Великого поста.
АКАФИСТ ПРЕПОДОБНОЙ МАРИИ ЕГИПЕТСКОЙ
В тебе, мати, известно спасеся еже по образу; приимши бо крест, последовала еси Христу, и деющи учила еси презирати убо плоть, преходит бо, прилежати же о души вещи безсмертней, темже и со Ангелы срадуется, преподобная Марие, дух твой.
Блудами первее преисполнена всяческими, Христова невеста днесь покаянием явися, ангельское жительство подражающи, демоны Креста оружием погубляет. Сего ради Царствия невеста явилася еси, Марие преславная.
Избранной от Господа во образ спасения всем грешным и отчаянным, из глубины греха востекшей на высоту безстрастия, похвальная пения приносим ти, мати преподобная; ты же, яко имея дерзновение к щедрому Богу, молитвами твоими настави на стезю покаяния любовию тебе зовущих: Радуйся, чудо милосердия Божия, Марие равноангельная.
Ангела во плоти узрев тя в пустыни Иорданстей великий Зосима, на воздусе стоящую и о мире молящуюся, со удивлением и ужасом одержим весь трепетом быв, рыдая, вопияше тебе таковая:
Радуйся, благодати и света исполненная.
Радуйся, прозрения даром украшенная.
Радуйся, в молитвах твоих к Богу на воздусе возносящаяся.
Радуйся, пустынное сокровище, от мира утаенное.
Радуйся, безплотных сожительнице.
Радуйся, Духа Святаго селение.
Радуйся, чудо милосердия Божия, Марие равноангельная.
Видяще старца, благоговейнаго ужаса исполнена, тихим гласом рекла еси тому, преподобная: «Не бойся, авво Зосима, несмь дух, но земля, прах, и пепел, и всячески плоть, ничтоже духовное когда помыслившая и ни единыя добродетели имущая. Жена есмь грешница, недостойная взирати на небо, и со страхом грешными усты зову Богу: Аллилуиа.»
Разумети ища дивную тайну, в тебе сокровенную, старец паде пред ногама твоима, глаголя: «Заклинаю тя именем Господа нашего Иисуса Христа, Егоже ради наготу носиши сию, не скрый от мене жития твоего, да величия Божия яве сотвориши.» С нимже и мы дерзаем ублажити тя сице:
Радуйся, смирения светлая высото.
Радуйся, дарований духовных богатство неисчерпаемое.
Радуйся, любве ради Божия тело свое умертвившая.
Радуйся, в пустыни непроходней едина с единым Богом пребывшая.
Радуйся, райскою красотою сияющая.
Радуйся, безстрастия светом озаренная.
Радуйся, чудо милосердия Божия, Марие равноангельная.
«Силою Вышняго укрепляема, исповем ти, человече Божий, грехи и беззакония моя,» — отвещала еси Зосиме, — «стыжуся, отче, прости мя, но понеже тело мое наго видел еси, обнажу ти и дела моя, обаче молю тя первее: не бежи от мене, не терпя слышати безместная, яже аз содеях, но милосердствуя о мне, молися за мя, блудную, и Богу, невозгнушавшуся мною, зови: Аллилуиа.»
«Имея милосердие неизреченное, с мытари и грешники Вечерявый, Той и мне, в глубину погибели падшей, простре руку Свою божественную: егда бо возжелах аз внити в храм Господень, силая некая возбрани ми вход, сердца же моего коснувыйся свет разума показа ми тину дел моих. И начат плакатися о гресех, в перси биющи и горько рыдающи». Мы же, покаянию твоему веселящеся, пение приносим ти сицевое:
Радуйся, яко нощи прешедшей возсиявает ти заря спасения.
Радуйся, яко глас Христов призывает овча заблуждшее от дебрей греха.
Радуйся, яко слезными токи омываеши вся твоя скверны.
Радуйся, яко слезами твоими очищаеши одеяние души твоея.
Радуйся, яко Отец щедрот объятия Своея любве тебе отверзает.
Радуйся, яко Ведый твоя тайная, рукописания грехов твоих раздирает.
Радуйся, чудо милосердия Божия, Марие равноангельная.
Бурею скорбных помыслов одержима, узрела еси, Марие, во угле притвора церковнаго икону Пречистыя Богоматери и, стеня, воззвала еси к Ней: «Повели, о Владычице, да и мне, недостойней, отверзутся божественныя входы, и буди Ты ми Споручница, яко егда узрю Крест Сына Твоего, мира и яже в мире отвергуся и изыду, аможе Ты повелиши мне, зовущи Богу: Аллилуиа.»
Слышавше глас издалеча глаголющ: «Аще Иордан прейдеши — добре покой обрящеши», — на колена падши пред Приснодевою, рекла еси: «О Владычице! Не гнушается девственная чистота Твоя моея недостойныя молитвы! Буди ми спасения Учительница, руководствующая на путь покаяния!» Тем убо Ангели Божии, написующе исповедание твое, возглашаху ти в той час сицевая:
Радуйся, от тьмы греха к чистому свету покаяния преходящая.
Радуйся, неистовство страстей и любовь плотскую отринувшая.
Радуйся, вся узы и сети врага растерзавшая.
Радуйся, тяжкое бремя студныя работы диавола во благое и легкое иго Христово пременившая.
Радуйся, от смерти греховныя к вечному животу возстающая.
Радуйся, от врат погибели к вратам рая восходящая.
Радуйся, чудо милосердия Божия, Мария равноангельная.
Богосветлыми лучами благодати просвещает тя Пресвятая Дева: Та бо Споручница грешных к Богу сущи, отверзает тебе двери милосердия Божия и врата храма святаго, воньже вшедши, со многими слезами поклонилася еси Живоносному Древу, имже мир спасен бысть, и распеншемуся Господу, Кровь Свою за твое избавление излиявшему, благодарственно воспела еси: Аллилуиа.
Видев тайны Божия и како готов есть Господь приимати кающихся, воззвала еси, всехвальная Мария, всем сердцем: «Владычице Богородице! Не остави мене!» — и устремилася еси в пустыню об он пол Иордана. Мы же, почитая бегство твое, сретаем тя пении сими:
Радуйся, яко всепрощающею любовию Спаса уранися сердце твое.
Радуйся, яко сокровище благодати, тобою приятое, потщалася еси сокрыти в пустыни.
Радуйся, яко мира греховныя сладости скоротечно и невозвратно отбегла еси.
Радуйся, яко бегством твоим демоны огнем попалила еси.
Радуйся, яко тем бегством небеса возрадовала еси.
Радуйся, чудо милосердия Божия, Марие равноангельная.
Проповедуеши всем падшим и отчаянным, всечестная, Божие человеколюбие и силу покаяния, како грешную душу омывает, очищает, светлит и возводит горе и веселие творит Ангелом Божиим, с нимиже и мы бренными усты зовем: Аллилуиа.
Возсия мирови от пустыни Иорданския свет великих подвигов твоих, Марие приснославная, многая бо лета аки адамант тверд и столп непоколебим пребыла еси, яко со зверьми лютыми, с похотьми твоими борющеся и оружием Креста отражая разжженныя стрелы лукаваго. Сего ради дивящеся пачеестественному терпению твоему, любовию зовем ти:
Радуйся, яко злострадания и труд в пустыни четыредесять осмь лет понесла еси.
Радуйся, яко солнечнаго зноя опаление, наготу и мраз нощный претерпела еси.
Радуйся, яко гладом и жаждою истаявала еси.
Радуйся, яко всякое пожелание плоти конечно умертвила еси.
Радуйся, яко в борьбе со грехом, в тебе живущим, до крове подвизалася еси.
Радуйся, чудо милосердия Божия, Марие равноангельная.
Хотя препятие сотворити твоему светлому к небеси шествию, всеблаженная, исконный враг рода человеческаго не преставаше влагати ти помыслы нечистыя, огнь греховный во удесех твоих разжигая и предлагая тебе на память прежняя жития твоего. Ты же, многострадальная, повергалася еси на землю, слезами обливаяся и призывая в помощь Приснодеву, и не воставала еси от земли день и нощь, дондеже сладкий Свет осияваше тя, воздвизая благодарственно пети Богу: Аллилуиа.
Новый человек, по образу Божию созданный, явилася еси, преподобная, умертвив бо всеконечно ветхаго человека, во Христа облеклася еси, всечудная. «Седмьнадесять лет безчисленныя беды претерпех», — Зосиме рекла еси, — «оттолеже и до днесь сила Божия грешную мою душу и тело смиренное соблюде». Приими убо и от нас, недостойных, похвалы сицевыя:
Радуйся, яко умертвила еси страстей взыграния.
Радуйся, яко самое естество победила еси.
Радуйся, яко всякий грех от души и плоти твоея потребила еси.
Радуйся, яко в сердце и умерщвленных удесех твоих носиши Иисуса, тобою любимаго.
Радуйся, яко облеклася еси во одежду веселия духовнаго.
Радуйся, яко вошла еси в вечный покой Сына Божия.
Радуйся, чудо милосердия Божия, Мария равноангельная.
Странное и преславное изменение твое, преподобная, видяще, демонов темныя полки горько рыдаху, вся же Силы Небесныя радостию играюще, песнь Христу воспеваху, прославляюще Божие милосердие, грехами людскими непреодоленное, велиим гласом зовуще: Аллилуиа.
Вся была еси в Бозе, Марие всебогатая, егда Зосима, обходя пустыню, видети тя сподобися. «Заклинаю тя, отче, Спасителем Богом, да никомуже речеши, яже слышал еси от мене, дондеже Бог от земли возмет мя», — вещала еси тому, — «ныне с миром отыдиши, в посте же грядущаго лета причасти мя Святых Христовых Таин на брезе Иорданстем». То рекши, аки горлица пустыннолюбивая и неудержимая, от очию старца скрылася еси. Той же, поклонився до земли, целова место, идеже стоясте стопы ног твоих, зовый таковая:
Радуйся, яко обнажившися студа греховнаго, паче снега убелилася еси.
Радуйся, яко паче лучей солнечных просветилася еси.
Радуйся, яко вся грехи твоя забвенны и прощенны суть у Бога.
Радуйся, яко часть твоя со святыми.
Радуйся, яко мзда твоя многа на небесех.
Радуйся, яко первее блудница, днесь невеста Христова сотворилася еси.
Радуйся, чудо милосердия Божия, Марие равноангельная.
«Всяк помысл и ум ужасают болезни твоя, всехвальная, како труд пустыни, любве ради Божией, претерпела еси», — взываше превеликий во отцех Зосима, рыдая — «О мати духовная! Ты Богу приблизилася еси! Хотел бых, аще бы мощно было, во след тебе ходити и зрети честное лице твое и купно с тобою немолчно пети: Аллилуиа.»
Витийство земнородных не довлеет достойно похвалили твоя подвиги, всечестная. Кто же доволен изрещи слезныя токи, яже пролияла еси в молитвах к Богу? Кто болезни твоя изочтет, кто исповесть всенощныя бдения, борения и тесноту жития твоего? Пустыню всю чудесы просветивши, яко солнце просияла еси, всечудная! Тем убо молим тя: озари лучами света твоего наша сердца и испроси оставление грехов всем вопиющим тебе таковая:
Радуйся, помраченный образ Божий в светлости велицей в себе возобразившая.
Радуйся, небесными ароматы благоухающая.
Радуйся, звездами чудес украшенная.
Радуйся, лучами добродетелей сияющая.
Радуйся, величия Божия всем концем земли благовествующая.
Радуйся, небо и землю к пению славы Господа твоего призывающая.
Радуйся, чудо милосердия Божия, Марие равноангельная.
Спасителя Бога Животворящее Тело и Кровь вземше, в день Таинственныя Христовы Вечери авва Зосима, по завещанию твоему, в вечер зело поздень изыде на брег Иордана, неуклонно в пустыню, лунным светом осияваемую, зря, и моляшеся к Богу, глаголя: «Покажи ми, Господи, сокровище Твое, еже в пустыни сокрыл еси! Покажи ми ангела во плоти, да не отиду тощь, нося моя грехи на обличение, но да, радуяся, зову Тебе: Аллилуиа».
Стену непроходну мысляше старец быти Иордан реку, между ним и тобою, преподобная: обаче ты, став на одной стране реки, знамением крестным Иордан знаменала еси и купно с тем знамением взошла еси на воду. Зосима же, видев идущу тя к себе верху воды, ужасеся и радостию вопияше тебе:
Радуйся, горняго рая Божия обитательнице.
Радуйся, яко тварь повинуется велению твоему.
Радуйся, яко волны стелятся под честныя нозе твои.
Радуйся, яко Иордан тебе служит, луна и звезды небесныя дивятся святыни твоей.
Радуйся, силы Божией дивное проявление.
Радуйся, храм одушевленный Бога Живаго.
Радуйся, чудо милосердия Божия, Марие равноангельная.
«Пение подобаше приносити Всемогущему Богу, авво», — по воде шествующе рекла еси тому: «что твориши священник сый, како дерзаеши кланятися мне, убозей, сам носяй страшныя Тайны Христа Бога? Емуже верою и любовию, прах и земля, покланяющися, со страхом зову: Аллилуиа.»
Светом небесным блистаяся, причастилася еси Божественных Таин и, радости премирныя исполнися, на небо руце воздевши, рекла еси: «Ныне отпущаеши рабу Твою, Владыко!» Обращся же к старцу, вещала еси: «Прости, авво Зосимо! В грядущее же лето узриши мя паки в пустыни, якоже хощет Господь. Моли Его о мне, отче мой, моли, поминая всегда мое окаянство». И паки Иордан знаменавши, прешла еси верху воды. Старец же, не смея надолзе держати тя, стеня и рыдая, взываше вслед тебе таковая:
Радуйся, мертвость Иисуса в теле носящая.
Радуйся, воскресения Его славою сияющая.
Радуйся, благодатию, яко ризою света, облеченная.
Радуйся, яко Ангели Божии дивятся чистоте твоей.
Радуйся, яко силы адския ужасаются и трепещут от славы твоея.
Радуйся, светозарная обитель Всесвятыя Троицы.
Радуйся, чудо милосердия Божия, Марие равноангельная.
Благодатию Божественною окрыляема, во един час долготу пустыни прешла еси и в нощь спасительныя Христовыя страсти, по причащении Божественныя Тайныя Вечери, сном святым уснула еси, о мире моляся, дух твой Господу предала еси, Емуже со Ангелы в неисповедимой радости зовеши ныне: Аллилуиа.
Поюще надгробное пение, богомудрый Зосима нозе твои честныя слезами омываше и, много молився, покры тело твое землею, наго сущее и ничтоже имеющее, точию ветхую мантию, юже исперва тебе даде. Темже радостию и страхом многим одержим, величию Божию дивяся, стояше, зовый к тебе таковая:
Радуйся, яко чадо света сущи, прешла еси к Свету невечернему.
Радуйся, яко дух твой с веселием прияша селения святых.
Радуйся, яко тело твое упокоися в могиле, юже лев от пустыни тебе ископа.
Радуйся, яко тобою показа мне Господь: колико отстою от меры совершенства.
Радуйся, о всем мире к Богу ходатаице.
Радуйся, постников высото, преподобных славо, страдальцев красото.
Радуйся, чудо милосердия Божия, Марие равноангельная.
О, преподобная мати, богоблаженная Марие! Приими от нас ныне приносимое тебе моление и, Свету неприступному предстоя, молися всещедрому Богу, да милостив быв, ниспослет светозарную благодать покаяния всем заблуждшым чадом Небеснаго Отца и, от греха к отеческому дому востекших, в райских селениих сподобит вкупе с тобою во веки благодарственно пети Ему: Аллилуиа.
(Этот кондак читается трижды, затем икос 1 и кондак 1)
О, равноангельная и всесветлая Марие преподобная, убелившая ризу души своея в Крови Агнчей и зрящая ныне на небеси невечерний свет Царствия Небеснаго! Помяни мя, грешнаго и убогаго раба твоего, в богоприятных твоих к Богу молитвах и защити мя от ловления врага, веси бо его козни и лютую в сем житии на ны брань. Даруй ми слезы покаяния, омывающия душевную мою скверну, испроси ми оставление грехов и жития исправление, избави мя от злых моих обычаев, лености и нерадения, научи мя постоянству и крепости в борьбе с моими греховными навыками, и помози напечатлети в сердце моем и уме пресветлый образ тобою любимаго Христа, уязви мою душу Его всепрощающею любовию, да не оскорблю милосердие Его новыми грехами. Умоли о мне и милостивую Споручницу твою, Пречистую Деву Богородицу, да и мне, недостойному, дарует всесильную Свою помощь и наставит на стезю спасения. Во исходе же от сего мира, о, мати преподобная, сподоби мя причащения Святых Божественных Таин; в страшный час смерти помози, на воздушных мытарствах заступи и предстательством твоим отверзи ми двери Небеснаго Царствия, идеже по трудех и подвизех ныне водворяешися, зря и прославляя Пресладкаго Искупителя твоего, пришедшаго в мир грешныя спасти и Божественною Своею Кровию омывающаго нас от всякаго греха, Емуже слава, честь и поклонение со Безначальным Его Отцем и Пресвятым и Животворящим Духом в безконечныя веки. Аминь.
