Преподобный Агапит Печерский, врач безмездный, обладавший даром благодатного врачевания, один из первых насельников, инок Киево-Печерской Лавры, постриженик и ученик преподобного Антония Печерского жил в XI веке. Молитвой и отварами трав исцелял занемогших иноков и окрестных жителей, причем всех лечил бескорыстно и никогда не брал плату за лечение ни в каком виде.
Житие: Родился преподобный Агапит Печерский в Киеве. Согласно Киево-Печерского патерика, принял постриг еще при жизни преподобного Антония, стало быть не позднее 1073 года. Пришел преподобный Агапит Печерский в Печерскую обитель в поисках душевного исцеления через пострижение в святой иноческий чин, прослышав о чудесах, творимых преподобным Антонием.
После пострижения святой подвижник предался монашеским подвигам, в посте и молитве умерщвляя свою плоть и получил вскоре от Господа дар исцеления других, который он тщательно скрывал, подавая всем страждущим отвар из трав, который готовил для себя в пищу.
В это время в Киеве жил врач-армянин, способный по внешнему виду больного узнать болезнь и точный день его кончины. Однажды к преподобному пришел страдалец, которому этот врач предсказал скорую смерть. Преподобный Агапит Печерский дал болящему вкусить пищи с монастырской трапезы, помолился и обреченный выздоровел.
Это вызвало жгучую зависть и ненависть врача, он даже попытался отравить преподобного, но яд на святого не подействовал. Вскоре после этого в Чернигове заболел князь Владимир Всеволодович Мономах, которого врач-армянин долгое время пользовал. Будущий великий князь Киевский находился уже на смертном одре и отправил ходока к Печерскому игумену с просьбой прислать к нему инока Агапита.
Преподобный Агапит Печерский, с момента своего пострижения, никогда не покидал стены монастыря. Он помолился о князе и передал ему отвар трав. Ко всеобщему удивлению и радости благоверный князь выздоровел. Желая увидеть своего исцелителя, князь прибыл в обитель с намерением щедро одарить врачевателя. Но преподобный Агапит Печерский скрылся, не желая брать дары.
Так повторилось несколько раз, и тогда князь понял, что преподобный Агапит Печерский истинный раб Божий, ожидающий награды только от Него одного. Князь не осмелился более перечить воле святого, он сделал богатые пожертвования на монастырь и роздал немало неимущим. Так в богоугодных подвигах протекала жизнь преподобного.
И вот однажды преподобный Агапит Печерский заболел сам. Узнав о его болезни врач-армянин пришел к одру больного и предсказал, что он умрет через три дня. При этом он дал обет стать православным монахом, если ошибется в предсказании. Святой ответил, что Господь открыл ему, что призовет его через три месяца.
Прожив еще три месяца после болезни, преподобный Агапит Печерский мирно преставился примерно в 1095 году. Врач-армянин покаялся и постригся в монахи. Мощи святого покоятся в пещерном Введенском храме Киево-Печерской Лавры. Традиционное иконописное изображение святого — с пучком трав в одной руке и с сосудом снадобья — в другой.
Ко времени составления Киево-Печеркого патерика в первой трети XIII преподобный Агапит Печерский был канонизирован, как местночтимый святой. После разрешения Святейшего Синода во второй половине XVIII века включать в общецерковные месяцесловы имена некоторых киевских святых началось общецерковное его почитание, но в современном Типиконе Русской Православной Церкви память преподобного Агапита Печерского не отмечена.
Во многих городах Украины и России есть храмы в честь преподобного Агапита Печерского. Преподобный Агапит Печерский исцелял всех приходящих к нему, не зависимо от звания и должности, рода и знатности. Исцеляет и теперь во имя Отца и Сына и Святого Духа — Живоначальной Троицы, чтобы возвратить каждого заблудшего в дом Отчий.
В городе Донецке есть храм в честь преподобного Агапита Печерского на территории областной клинической больницы имени Калинина. Это небольшой больничный храм, но в нем есть икона преподобного с частицей его мощей.
Молитвенная традиция: Преподобному Агапиту Печерскому молятся об исцелении болезней телесных и душевных, даже тяжелых болезней, не поддающихся излечению медицинскими средствами. Ему молятся в период восстановления после травм, при болезнях глаз и зрения, при онкологических заболеваниях, при неизвестных, недиагностируемых заболеаниях.
Память: 1 / 14 июня; 28 сентября / 11 октября (Собор преподобных отцов Киево-Печерских, в Ближних пещерах почивающих), воскресенье второй недели Великого поста -переходящее празднование — Собор всех преподобных Киево-Печерских.
Тропарь, глас 5
Богоноснаго Антония ревнуя смиренномудрию, / аки некиим врачеством зелием снедным / исцелял еси болящия, преподобие Агапите, / тем и врача неверна уверив, / наставил еси на путь спасения. / Уврачуй и наша болезни / и молися Господеви о воспевающих тя.
Кондак, глас 6
Врач сый изряден, чудне,/ являя несумненную твою веру,/ обличая же армениново неверие/ и приводя его к благочестию,/ себе, близ смерти бывшу,/ испросил еси от Бога продолжение живота/ и, сим чудом того уверив,/ привел еси Христови,/ Емуже в веселии предстоя,/ молися о нас, преподобне.
МОЛИТВЫ
МОЛИТВА 1-ая
Преподобне отче Агапите! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих.
Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь.
Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.
МОЛИТВА 2-ая
О всеблаженне Агапите, земный Ангеле и небесный человече! Припадаем к тебе с верою и любовию и молим ти ся прилежно: яви нам смиренным и грешным святое свое заступление; се бо грех ради наших не имамы свободны чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам от благости Его благопотребная дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым — от недугов исцеление, под бременем скорбей и напастей неудобоносимых падающих и жития своего отчаявшихся твоими молитвами получити скорое облегчение и избавление. Не забуди, блаженне отче, и обитель сию святую, присно тя чтущую, но соблюди ю и всех живущих и подвизающихся в ней и на поклонение в ню приходящих невредимыми от искушений диавольских и всякаго зла. Егда же приспеет наше от временнаго сего жития отшествие, и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога Отца и Сына и Святаго Духа и твое вкупе с преподобными Антонием и Феодосием отеческое зaступление во веки веков. Аминь.
МОЛИТВА 3-я
О преподобне и Богоносне отче наш Агапите!
Слуго Божий преизряднейший, чудотворче и врачу всемилостивый, всем с верою и любовию тя призывающым скорый помощниче и теплый заступниче. Яко светильник пресветлый, ты просиял еси житием добродетельным в горах Киевских на пажити Богоматери: темже припадающе к раце многоцелебных мощей твоих, со страхом покланяемся и любовию лобызаем, из глубины сердца к тебе взываем: помози нам, угодниче Божий, помяни нас пред Господем и испроси нам от него оставление согрешений наших вольных и невольных, в недузех страждующим скорое исцеление подаждь, путешествующим заступление, скорбящим утешение, бедствующим помощь и избавление и вся потребная ко спасению.
Яко да твоими, отче, святыми молитвами получивше благодать и милость от всемилостиваго Спаса и Господа нашего Иисуса Христа, возвеличим и прославим препетое имя Его, Емуже со Отцем и Святым Духом слава и держава во веки. Аминь.
АКАФИСТ ПРЕПОДОБНОМУ АГАПИТУ ПЕЧЕРСКОМУ, ВРАЧУ БЕЗМЕЗДНОМУ
Не утвержден для общецерковного использования.
Кондак 1
Избранный учениче великаго учителя преподобнаго и богоноснаго отца нашего Антония, и дивный подражателю жития его святаго, святче отче Агапите, песньми восхвалим тя с любовию, заступника нашего; ты же, яко имеяй дерзновение ко Господу, молися выну о спасении нас, грешных, от всяких бед избавляя зовущих ти:
Радуйся, Агапите, душевных и телесных недугов скорый целителю.
Икос 1
Ангелов любезную чистоту от юности твоея возлюбив, блаженне Агапите, к добродетелей подвижнику, преподобному Антонию, притекл еси и, от него во иночество облеченный, подражатель ревностный подвигов его был еси; темже славим тя воззвании сими:
Радуйся, богоноснаго Антония добродетелей и даров наследниче. Радуйся, на высоту совершенства духовнаго возшедый. Радуйся, молитвенниче усердный. Радуйся, дар врачевания и чудотворения от Господа получивый. Радуйся, из глубины души часто ко Господу воздыхавый. Радуйся, воздыханьми чистоту душевную стяжавый.
Радуйся, Агапите, душевных и телесных недугов скорый целителю.
Кондак 2
Видев всевидец Господь благое души твоея изволение, блаженне Агапите, еже поработати Ему безленостно, внуши преподобному Антонию благословити тя на жестокое и острое в пещернем затворе житие. Ты же благословение святое с верою прием, в пещере покой вечный обрел еси, единому Богу работая, в пениих, бдениих и пощениих немолчно воспевая Ему: Аллилуия.
Икос 2
Разумев преподобный Антоний Божие о тебе смотрение и твое душеспасительное намерение, изобильно насыти тя духовною сладостию и в добродетелях укрепити, сего ради вопием тебе таковая:
Радуйся, преподобнаго Антония нравы подражавый. Радуйся, того житию усердно поревновавый. Радуйся, сыновью любовь к нему стяжавый. Радуйся, и от него зело возлюбленный. Радуйся, самовидче его подвигов. Радуйся, во врачевании недугов ему споспешествовавый.
Радуйся, Агапите, душевных и телесных недугов скорый целителю.
Кондак 3
Силою Божиею укрепляем, святе Агапите, великия иноческия труды подъял еси во славу имене Его святаго, спасая и врачуя всех, с верою и надеждою к тебе притекающих и неленостно возносящих песнь Пресвятей Троице: Аллилуия.
Икос 3
Имея помысел чист и непорочну совесть и памятуя рекшаго: «Болен бех и посетисте Мене; понеже сотвористе единому от сих братий Моих меньших – Мне сотвористе», – недугующих иноков посещал еси и, якоже родители чада своя, утешал еси, отраду своим попечением подая, молитвою же со одра болезни воздвизая. Сего ради приими от нас богохваления таковая:
Радуйся, в добродетелех благоискусный подвижниче. Радуйся, во Христе всю братию монашескую возлюбивый. Радуйся, недужных иноков утешителю. Радуйся, смиренный их служителю. Радуйся, во временней жизни трудниче неусыпный. Радуйся, покой вечный обретший.
Радуйся, Агапите, душевных и телесных недугов скорый целителю.
Кондак 4
Бурю многомятежнаго житейскаго моря безбедно прешел еси, блаженне, и в пристань безстрастия достигл еси, окормляем заповедями Христа Бога, яже быша светильник ногама твоима и свет стезям твоим. Темже ныне в горних обителех водворяешися, сладце поя Триединому Богу: Аллилуия.
Икос 4
Слышавше мысли о благоугоднем житии твоем, блаженне Aгапите, прихождаху к тебе: ови послушати поучений твоих, ови исцеление от различных недугов прияти, ихже ты, любовию приемля, руководствовал еси ко спасению, отгоняя всяк недуг и всяку немощь. Сего ради мы прибегаем к тебе, великому помощнику и целителю, славяще тя сице:
Радуйся, безмолвия любителю, обитель подвиги своими украсивый. Радуйся, воине Христов, полки невидимых врагов победивый. Радуйся, болезнующих грехами врачу благоискусный. Радуйся, спасения многих душ человеческих виновниче. Радуйся, ближняя твоя искренне возлюбивый. Радуйся, спасению их душевному и исцелению телесному усердно послуживый.
Радуйся, Агапите, душевных и телесных недугов скорый целителю.
Кондак 5
Боготечное светило быв, угодник Божий, всех к Солнцу правды, Христу, путеводил еси образом жития твоего святаго, иже все бысть служение Богу и ближним твоим. Нищия и убогия милостиво питал еси, темже блаженство милостивых унаследовал еси и со святыми поеши вечно хвалебную песнь: Аллилуия.
Икос 5
Видим тя, блаженне отче Агапите, достигша в меру мужа совершенна о Христе и преисполненна дарований Божественных в Евангелии Христове обетованных верным учеником Бога Слова. Темже, чудящеся твоим подвигом, поем ти хвалебно:
Радуйся, во глубине сердца бисер драгий, Господа Иисуса Христа, обретый. Радуйся, имя Его Божественное во устех и в сердце своем выну имевый. Радуйся, на земле алкавый и жаждавый. Радуйся, нетленныя ныне пищи на небеси насыщаяйся. Радуйся, нищету хранивый и нищия препитавый. Радуйся, иго Христово благое и легкое с любовию носивый.
Радуйся, Агапите, душевных и телесных недугов скорый целителю.
Кондак 6
Проповедник Евангелия быв житием твоим, отче блаженне, плоть твою постом и молитвою поработил еси духу, и во славу Божию пожил еси; даром благодати, данным ти, армянина злочестиваго, завистию и гневом палимаго, не токмо посрамил еси, но и к свету истины Христовой привел еси, поучая за все благодарити и славословити Господа, поя Ему: Аллилуия.
Икос 6
Возсияв в пещере святыя обители Киево-Печерския, яко богоносное светило, блаженный Агапите, светом добродетелей твоих и врачеваний, умилил еси души и сердца человеков, зловернаго же врача и завистника безумие обличил еси. Тем убо, яко святому и блаженному угоднику Божию, умильно зовем ти:
Радуйся, искусство нечестиваго армянина посрамивый. Радуйся, недугующаго, близ смерти бывшаго, от одра болезни воздвигнувый. Радуйся, осужденнаго на смерть и напоеннаго смертным ядом, чудесно исцеливый. Радуйся, от смерти того избавивый. Радуйся, яко и сам ядом смертным, в питии твоем тайно растворенным, невридим по словеси Господню пребывый. Радуйся, злобу и коварство врагов своих уничиживый.
Радуйся, Агапите, душевных и телесных недугов скорый целителю.
Кондак 7
Хотение единое имел еси, блаженне отче, еже Богу угождати и спасению душевному и здравию телесному ближних твоих благочестно служити, темже келлия твоя пещерная врачебница бысть всякому человеку, нищему и богатому, князю и убогому, ты бо, всем вся быти желавый, врачевал еси, не взирая на лица, всех наставляя вкупе сердцем и усты немолчно возглашати Богу: Аллилуия.
Икос 7
Новаго чудотворца великаго познав тя, славный князь Владимир Мономах, на одре болезни возлежа и при кончине сый, слезно молил еси, блаженне, приити и исцелити его, но ты, монашеский обет соблюдая, во еже николиже стен обители оставляти, посла еси ему зелие от трапезы своея, от негоже вкусив, князь воста здрав. Таковой силе твоего чудотворения и нелицеприятию твоему дивящеся, вопием ти хвалебно:
Радуйся, крине пещернаго прозябения. Радуйся, мира Христова благоухание. Радуйся, не скрывый талант врачевания, тебе Домовладыкою врученный. Радуйся, ради сильных мира сего обета иноческаго не нарушивый. Радуйся, славы ради высшего звания славу человеческую ни во чтоже вменивый. Радуйся, великаго князя Владимира Мономаха с одра смертнаго былием, тобою благословенным, и молитвою подъял еси.
Радуйся, Агапите, душевных и телесных недугов скорый целителю.
Кондак 8
Странника и пришельца в мире сем помышлял еси себе быти, Агапите блаженне, темже о богатстве земнем отнюд нерадил еси. Всякое попечение о стяжании суетном имети возбраняя, приходящих к тебе разделяти достояние свое с нищей братией и в их лице Самому Христу служити поучал еси, немолчно воспевая хвалебную песнь: Аллилуия.
Икос 8
Весь в Бозе быв, отче блаженне, угождати Ему присно всех поучал еси, умоляя ничтоже предпочитати паче любве Христовы. Памятуя же реченное Христом: «Не собирайте себе сокровища, идеже моль и ржа истребляют, но собирайте себе сокровища на небеси», – не пожелал еси ради благ временных лишитися благ вечных, отвергая дары, тебе князем приносимыя и советуя раздати я нищей братии и убогим. Таковое твое нестяжание восхваляя, зовем ти сице:
Радуйся, нищету паче богатства возлюбивый. Радуйся, мзду за свое врачевание отвергавый и раздати ю нищим и убогим повелевавый. радуйся, и последния укрухи хлеба твоего с неимущими деливый. Радуйся, блаженство нищих унаследовавый. Радуйся, любовь к Богу любовию к ближним своим свидетельствовавый. Радуйся, похвалами молитвенными до днесь в обители Киево-Печерской зело почитаемый.
Радуйся, Агапите, душевных и телесных недугов скорый целителю.
Кондак 9
Всем приходившим в обитель молитв и врачевания ради, блаженне отче, дивно бысть видети тебе, нищетно в келлии твоей пребывающаго, ты же всех равною любовию принимал еси и коемуждо слово душеспасительное или исцеление подавал еси, научая всех пети виновнику всех благих Богу: Аллилуия.
Икос 9
Витии многовещаннии не возмогут достойно воспети подвиги твоя, блаженне Агапите, мы же дивящеся сим, дерзаем венчати тебе, аще и недостойнии, похвалами таковыми:
Радуйся, на скрижалех сердца твоею закон Христов написавый. Радуйся, от глубины сердечныя, добрая и душевноспасительная наставления человеком износивый. Радуйся, пещерный гражданине. Радуйся, грады и веси наполнивый славою твоих чудотворений. Радуйся, Богом возлюбленный и ближними твоими благословляемый. Радуйся, образ совершенства о Христе в себе явивый.
Радуйся, Aгапите, душевных и телесных недугов скорый целителю.
Кондак 10
Спасения надежу стяжал еси при исходе твоем, блаженне отче Агапите, и, яко пшеница зрелая во время жатвы, кончиною благою преселился еси в день, тебе Господом предуказанный, во обители горния, прияти мзду от руки праведнаго Мздовоздаятеля Христа, Иже вчини душу твою со духи святых, немолчно возглашающих пред престолом славы Его победную песнь: Аллилуия.
Икос 10
Царя небеснаго Христа благий раб и верный был еси, отче Агапите, темже по неложному Его глаголу: «Идеже есмь Аз, ту и слуга Мой будет», – мы чтуще тя, не сумнимся сердцем, яко ты со Христом во обителех блаженства вечнаго водворяешися и радости нетленныя наслаждаешися, яко истинный Того угодник; от нас же слышиши благохваления сия:
Радуйся, предсказания нечестиваго армянина о твоей смерти посрамивый. Радуйся, о дне твоей блаженныя твоея кончины от Господа возвещенный. Радуйся, душу твою в руце Господа радостно предавый. Радуйся, откровенным лицем славу Трисиянного Божества узревый. Радуйся, телом смертным в пещере погребенный. Радуйся, душею безсмертною к Сиону горнему воспаривый.
Радуйся, Агапите, душевных и телесных недугов скорый целителю.
Кондак 11
Пение Богу и Пресвятей Богородице приносиши, блаженне отче наш Агапите, и об обители нашей святей и подвивающихся в ней, и о всех, с любовию к тебе притекающих, присно ходатайствуеши, прося мира свыше и благопоспешения всем, возносящим достодолжная похвалы Триединому Богу, воспевая Ему: Аллилуия.
Икос 11
Светильника тя добрых дел, блаженне отче, исповедуем быти и прославляем прославльшаго тя Господа, Иже чудесы многими мощи твоя знаменова: струй бо исцелений благодатных источаются от них недужным и подвизают верныя вопити тебе:
Радуйся, земный Ангеле и небесный человечe. Радуйся, безмезднаго врачевания источниче. Радуйся, мира многоцелебнаго преисполненный фиале. Радуйся, от раки твоея святыя исцеления обильно пoдаваяй. Радуйся, скорбящих утешителю. Радуйся, унывающих ободрителю.
Радуйся, Агапите, душевных и телесных недугов скорый целителю.
Кондак 12
Благодать Господню испроси нам, отче Агапите, почитающим с любовию святую память твою и усердно притекающим к честней раце мощей твоих, от неяже чудесныя исцеления подаеши недужным. Темже тебе, чудотворения даром от Бога прославленному, прилежно молимся: исцели наша недуги душевныя и телесныя и помози нам предстательством твоим спасение вечное получити, да вкупе тобою воспоем дивному во святых Своих Богу: Аллилуия.
Икос 12
Поюще подвиги твоя, блаженне отче, ублажаем равноангельское житие твое, дивимся чудотворением твоим, молитвенно почитаем святую память твою, и припадающе к раце мощей твоих, умильно взываем:
Радуйся, Пресвятыя Богородицы достойный служителю. Радуйся, пещерожителей славо и похвало. Радуйся, святыя обители твоея, вкупе с Антонием и Феодосием, присное охранение. Радуйся, подвизающихся в ней благонадежное заступление. Радуйся, приходящих в ню на поклонение благий предстателю. Радуйся, почитающих память твою небесный покровителю.
Радуйся, Агапите, душевных и телесных недугов скорый целителю.
Кондак 13
О преблаженне отче Агапите! Ты горе на небеси, мы же долу на земли, удаленнии от тебе не толико местом, колико греховною нечистотою нашею, обаче дерзаем приносити тебе сие малое похвальное пение, еже милостивно прием, моли Господа и Владыку нашего избавити нас погибели вечныя и сподобити блаженства святых, вопиющих Ему хвалебную песнь: Аллилуия.
(Этот кондак читается трижды, затем икос 1 и кондак 1)
