Святые равноапостольные Кирилл и Мефодий — славянские первоучители, создатели старославянской азбуки и церковно-славянского языка, великие проповедники христианства, канонизированные в лике святых и католической, и православной церковью.
Несгибаемая вера двух людей во Христа и в свою подвижническую миссию во благо славянских народов — вот что было движущей силой проникновения письменности в Древнюю Русь. (Славянские языки до XII были очень схожими по звучанию.)
Равноапостольные Кирилл и Мефодий, эти имена известны всем с малых лет. Исключительный интеллект одного и стоическое мужество другого — качества двух людей, живших очень давно, но благодаря им мы сейчас пишем их письменами и пользуемся их грамматическими правилами.
Равноапостольные Кирилл и Мефодий происходили из знатной и благочестивой семьи, жившей в греческом городе Солуни (Фессалоники). В семье было семеро сыновей. Святой Мефодий был старшим из братьев, а святой Константин (в монашестве Кирилл) — самым младшим.
Все дети в семье воспитывались в вере и благочестии и получили хорошее образование. Завершив образование, Мефодий пошел по стопам отца и поступил на военную службу. Около десяти лет он был наместником в славянском княжестве Словения, где в совершенстве овладел славянским языком.
Вскоре военная служба стала тяготить Мефодия, и он принял монашество в одном из монастырей на горе Олимп (Малая Азия). Константин пошел по пути ученого, философа. Он обладал великолепной памятью, выдающимися способностями, обучался вместе с малолетним императором Михаилом у лучших учителей.
Константин в совершенстве владел несколькими языками, постиг все известные науки того времени, его очень привлекали творения Григория Богослова. Впереди у него была блестящая светская карьера, но он, отказавшись от всего, принял сан священника и стал библиотекарем в патриаршей библиотеке в храме святой Софии, а затем и вовсе удалился в монастырь.
Слуги императрицы разыскали его и вернули в Константинополь. Святой Константин стал преподавать философию в университете. Это было время восстановления почитания икон, большую роль в этом сыграла благочестивая императрица Феодора, мать юного императора Михаила.
Немалую помощь в этом благом деле оказал императрице Константин. После этого Константин был послан императором на диспут к сарацинам (мусульманам). Одержав победу, Константин удалился к своему брату Мефодию на Олимп, чтобы предаться непрестанной молитве и чтению творений святых отцов, но братьев опять призвали в Константинополь.
Равноапостольные Кирилл и Мефодий, по приказу императора, отправились к хазарам для проповеди христианства. Зима задержала их в Херсонесе Таврическом (Корсуни), где Константин Философ (это прозвыще он получил за свою ученость и стремление к знаниям) усердно изучал еврейский и самарянский языки и готовился к проповеди.
Во время своего пребывания в Херсонесе святые равноапостольные Кирилл и Мефодий обрели мощи священномученика Климента, папы Римского. По завершении диспутов братья, взяв мощи святого Климента, отплыли в Константинополь, где были приняты императором и патриархом.
За свою успешную деятельность проповедования Христианского учения, по возвращении из порученной им миссии, святой Мефодий получил игуменство в монастыре Полихрон, недалеко от горы Олимп, где он прежде подвизался, а святой Константин стал причетником храма святых апостолов в столице, Константинополе.
В 862 году Моравский князь Ростислав отправил посольство в Константинополь с просьбой прислать проповедников для наставления своего народа в христианской вере. Туда был направлен императором Константин для просвещения славян и задачей дать им богослужение на собственном языке.
Константин вызвал из Полихронской обители своего брата Мефодия. Вместе равноапостольные Кирилл и Мефодий стали составлять славянскую азбуку. Они создали две буквенные системы: глаголицу и кириллицу. Братья отобрали себе пятерых помощников: Климента, Наума, Ангилария, Савву и Лаврентия.
Примерно через год на славянский язык были переведены отрывки из Евангелий и Апостола, а также ряд богослужебных текстов. С этими текстами равноапостольные Кирилл и Мефодий отправились в Моравию, где были приняты с честью. Проповедуя, они продолжали перевод текстов Священного Писания.
Одновременно они готовили несколько одаренных юношей к пастырскому служению. Проведя три года в Моравии, равноапостольные Кирилл и Мефодий отправлись в Венецию и Рим. По пути, задержавшись на год в Паннонии (запад нынешней Венгрии), они обучили славянской грамоте князя Коцела и 50 его подданных.
В Венеции равноапостольные Кирилл и Мефодий были встречены собором враждебно настроенного латинского духовенства. Латиняне яростно возражали против перевода богослужебных текстов на другие языки. Папа Николай I вызвал братьев в Рим, чтобы разобраться во всем самому, но вскоре скончался. Новый папа Андриан принял их благосклонно.
В Риме Константин занемог, принял схиму с именем Кирилл и отошел ко Господу в возрасте 42 лет. Он был погребен с большими почестями в церкви святого Климента по правую сторону от алтаря, где от мощей святого стали совершаться чудеса. Святого Мефодия папа Андриан рукоположил в архиепископа Моравии и Паннонии, на древний престол апостола Антродина.
Непросто складывалась его жизнь и деятельность на архиерейском посту из-за неспокойной политической обстановки и распрей между князьями, на два года святого Мефодия даже отправили в ссылку, заточив в монастыре Элльвагенгене. Но правда, в конце концов, восторжествовала, и святой Мефодий возвратился в 873 году в Моравию, где с восторгом был встречен паствой.
Он очень много уделял внимания христианскому просвещению народа, а также подготовке будущих священнослужителей. Проповеди святого были глубокими, содержательными, вдохновенными, многих подвигли они обратиться в христианство. Святой Мефодий, по мнению исследователей, крестил чешского князя Боривоя и его супругу Людмилу.
Святой Мефодий перевел все книги Ветхого Завета, кроме Маккавейских, закончил перевод «Номоканона в 50 главах» (Правила святых отцов), то есть завершил работу, начатую с братом. Переводил он также святоотеческие творения (Патерик), а его ученики, хорошие скорописцы, переписывали переведенные им книги.
Святой Мефодий, простившись со своей паствой по предуведомлению Божиему, почил на руках своих учеников 6 апреля 885 года в возрасте около 60 лет, на полтора десятка лет пережив брата. Положили его в соборной церкви Велеграда в Моравии, отпевание совершалось на трех языках: греческом, славянском и латинском. Ныне место его захоронения неизвестно.
К лику святых равноапостольные Кирилл и Мефодий причисленны в древности. Русская Православная Церковь чествует память равноапостольных просветителей славян с XI века. Древнейшие службы святым, дошедшие до нашего времени, относятся к XIII веку.
Торжественное празднование памяти святых первосвятителей равноапостольных Кирилла и Мефодия было установлено в Русской Церкви в 1863 году.
Равноапостольные Кирилл и Мефодий проделали такую работу по вычленению звуков славянского языка, в силу их выдающихся лингвистических способностей, что сумели дать обозначение практически всем научно выделяемым славянским звукам. Даже современные ученые высоко оценивают уровень работы святых равноапостольных братьев. А ведь работа выполнялась почти 2000 лет назад!!! Это само по себе было чудом.
Равноапостольные Кирилл и Мефодий оставили о себе бессмертную память в веках, прожив в общей сложности всего сто лет (42 года — Кирилл и около 60 лет — Мефодий). В Москве на Славянской площади в 1992 году был открыт памятник славянским первоучителям Кириллу и Мефодию.
Молитвенная традиция: Святым равноапостольным Кириллу и Мефодию молятся о благоуспешной учебе, о сохранении мира и веры среди славянских народов, об ограждении от лжеучений и иноверия.
Память: 11 / 24 мая.
АКАФИСТ СВЯТЫМ РАВНОАПОСТОЛЬНЫМ КИРИЛЛУ И МЕФОДИЮ
Одобрен в 1885 году. Утвержден для общецерковного использования.
Тропарь, глас 4
Яко Апостолом единонра́внии и Слове́нских стран учителие, Кирилле и Мефодие богомудрии, Владыку всех моли́те вся язы́ки слове́нския утверди́ти в Православии и единомыслии, умири́ти мир и спасти ду́ши наша.
Кондак, глас 3
Священную дво́ицу просветителей наших почтим, Божественных писа́ний преложе́нием источник богопознания нам источивших, из него́же даже до днесь неоску́дно почерпа́юще, ублажаем вас, Кирилле и Мефодие, Престолу Вышняго предстоящих и те́пле моля́щихся о душа́х наших.
Кондак 1
Избра́ннии от Царя сил Господа Иисуса во апостолы язы́ком слове́нским, Мефодие и Кирилле богомудрии, пе́сньми восхваляем вас, предстателей наших; вы же, яко иму́щии дерзновение ко Господу, от всяких нас напа́стей предста́тельством вашим свободи́те, зовущих: радуйтеся, Мефодие и Кирилле, язык слове́нских апо́столи и богому́дрии учи́телие.
Икос 1
Ангелов Творец и Господь сил предуста́ви вас бы́ти просветители язы́ком слове́нским; того ради и благодать Его бе с вами, ограждающи и укрепляющи вас во вся дни живота вашего, ю́же помощницу себе иму́ще, славу Божию во градех и пустынех де́лы и словесы́ веща́ли есте́ всем. Те́мже и мы, яко о́трасль язык, верою Христовою от вас просвещенных, воспеваем вам, глаго́люще:
Радуйтеся, радости Евангельския благовести́телие.
Радуйтеся, чудоде́йственныя благодати носи́телие.
Радуйтеся, ско́рби мно́ги за имя Господне прия́вшии.
Радуйтеся, прелести мира сего отвергшии.
Радуйтеся, изде́тска Богом благослове́ннии.
Радуйтеся, венцы испове́дническими от Него украше́ннии.
Радуйтеся, яко славу человеческую презре́вше, в пусты́ни Господа искали есте́.
Радуйтеся, яко волю Его сильным мира сего со многим дерзновением благовестили есте́.
Радуйтеся, сих ради от Владыки всех в рай све́тел прия́тии.
Радуйтеся, пред Ним наши те́плии хода́таи.
Радуйтеся, яко вашими молитвами вере нашей утверждение и́мамы.
Радуйтеся, яко предстательством вашим ересе́й одоление стяжа́хом.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 2
Видев святый Кирилл, еще сый отрок, в нощи́ виде́ние, яко избра́ти ему Софию деву сестру себе, родителем сия пове́да. Ти́и же, разуме́вше зде волю Божию, во е́же бы́ти чаду их премудрости служителю, вельми́ о науче́нии и наказа́нии его пеко́шася, зря́ще же скорое его в разуме преспе́яние, поя́ху Богу: Аллилуиа.
Икос 2
Разум недоразуме́нный и естество сущих испыту́я, Кирилл в премудрости па́че све́рстник своих преспева́ше и, еще отрок сый, просла́вися, и в пала́тех царских во образ благи́й юному сыну царе́ву водворе́н бе. Но, богатство и славу земную презре́в и е́же еди́но на потребу спасения ища́, в пустыню всели́ся, да поще́ньми и молитвами безстрастия достигнет. Сих же ради и Мефодий, воевода уже сый, оты́де на гору Олимп, иде́же яко инок Господу служа́ше. Те́мже научимся и мы искушения мира презирати, наипа́че же Христу Богу угождати, угодники Его воспевающе си́це:
Радуйтеся, славою, я́же от человек, не прельстившиися.
Радуйтеся, пустынножительству кре́пце прилепившиися.
Радуйтеся, яко Господь просвещал вы есть в со́ниих и виде́ниих.
Радуйтеся, яко и мудрость человеческая посо́бствова вам во спасение.
Радуйтеся, яко слово Божие и святых отец писа́ния па́че филосо́фии возлюбили есте́.
Радуйтеся, яко Господня закона не слы́шателие забы́тливи бы́сте, но творцы́.
Радуйтеся, яко козни диавольския, на пустынножи́тели находя́щия, победили есте́.
Радуйтеся, яко сих ради даде́ся вам власть над искуше́ньми и страстьми́.
Радуйтеся, яко по́двизи ваша стяжа́ша вам венец живота.
Радуйтеся, яко и ныне подвижником и по́стником посо́бницы есте́.
Радуйтеся, всем грешным пред Богом блази́и заступницы.
Радуйтеся, душ наших от лести сатанинския защитницы.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 3
Сила молений царевых пону́ди святаго Кирилла пустыню оставити служения ради пастырска в Царегра́де, иде́же славу Божию уче́ньми и де́лы веща́ше и е́ресь иконобо́рную посрамля́ше. Те́мже и нас, о святый отче, в Православии утверди, отпа́дшия же от истинныя веры единоплеме́нники наша к единоверию возврати, да вси слове́не едиными усты́ вопию́т о просветителех своих Христу Богу: Аллилуиа.
Икос 3
Имея премудрости силу, поте́кл еси, святый Кирилле, с монахом Георгием ко ага́ряном стяза́ния ради о вере, и от святаго Григория Богослова духовно просвещаемь, премудрость тайны Святыя Троицы во мно́зех подо́биих показал еси, посрамля́я нечестивых силою словес твоих. Ти́и же, за́вистию распаля́еми, восхоте́ша зе́лием погубити тя, его́же вкушь, не претерпел еси вреда́, но здрав прибыл еси ко святому Мефодию во обитель и с ним ку́пно и́ноческия труды па́ки подъя́л еси; и просвети́ся пустыня подвигов ваших светом. Те́мже и нас предста́тельством вашим просветите, любовию поющих:
Радуйтеся, доброгла́снии славы Божия кимва́ли.
Радуйтеся, Церкве Его тве́рдии столпи́.
Радуйтеся, тайну Троицы в подо́биих пропове́давшии.
Радуйтеся, воплощение Бога Слова пред сараци́ны нетре́петно испове́давшии.
Радуйтеся, е́ллинов, и иудеев, и ва́рваров просвети́телие.
Радуйтеся, Триеди́наго Божества благовести́телие.
Радуйтеся, яко вами посрами́ся лесть иконобо́рная.
Радуйтеся, яко от вас увяда́ет нечестие ага́рянское.
Радуйтеся, яко истину Христову неве́дущии и́мут вы учители.
Радуйтеся, яко искуша́емии сомнением обретают вы в вере настави́тели.
Радуйтеся, яко прогне́вавшии Господа и́мут вас пред Ним предста́тели.
Радуйтеся, яко угождающии Ему и́мут вы покровители.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 4
Бурю различных бед и зол, на язы́ки слове́нския находящую, предстательством вашим разори́те, преподобнии, яко служений многих жребий прия́ли есте́, и во апо́стольстем бо ли́це, и в преподобных со́нме, и во учителей че́сти, и во исповедников воинстве вчини́ вас Господь, да вси слове́не вопию́т Ему о вас: Аллилуиа.
Икос 4
Слыша царь Коза́реск, яко истинная вера в стране е́ллинов исповедуется, испроси́ себе от царя Византи́йска учителей Православия. Сей же умоли́ святых Кирилла и Мефодия оставити пустыню и плы́ти По́нтом Евкси́нским к коза́ром. К ни́мже пришедше, святая братия обрати́ша сердца́ их ко Христу и спасительное Крещение препода́ша им. С те́миже и мы прославим равноапостольных братий, глаго́люще:
Радуйтеся, не убоя́вшиися сни́ти ко ва́рваром с Евангельским благовестием.
Радуйтеся, озарившии море славным своим та́мо шествием.
Радуйтеся, яко святаго апостола Кли́мента нетленныя мощи от вас обре́тены бы́ша.
Радуйтеся, яко того помощию нечестие коза́рско от вас посрами́ся.
Радуйтеся, яко свет Христов стране полу́нощней препода́ли есте́.
Радуйтеся, яко праведности вашея слава во вся концы земли́ распростре́ся.
Радуйтеся, Церкве Христовы предстательство и утверждение.
Радуйтеся, от ересе́й и расколов наше крепкое ограждение.
Радуйтеся, от ага́рян и иудей прия́вшии за Христа укорение.
Радуйтеся, от мощей мученика сниска́вшии благословение.
Радуйтеся, почитанию угодников благи́м образом жития вашего нас научившии.
Радуйтеся, и сами, яко угодницы Божии, от всех православных испове́дуемии.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 5
Боготе́чная звезда яви́ся вам святаго Кли́мента нетленное тело, восплы́в на волна́х По́нта Евкси́нскаго, на его́же дне от семи́сот лет сокрыто лежа́ше. Вам же явил е есть творя́й чудеса Господь в зна́мение трудов апостольских и скорбей исповеднических ваших; е́же разумевше, возопи́сте Богу: Аллилуиа.
Икос 5
Видевше святая братия соплеме́нныя им слове́ны истинную веру испове́дующа, слово же Божие своим им язы́ком чести́ не ве́дуща, потща́шася Божественныя книги на язык слове́нск прелага́ти, да вси людие на сро́днем им язы́це Единаго всех Господа прославят; те́мже и мы прославим Господа о святителех наших, и́мже возопии́м:
Радуйтеся, пода́телие Христова света народом иноплеме́нным.
Радуйтеся, просветителие слове́н, вам соплеме́нных.
Радуйтеся, де́лателие винограда Христова.
Радуйтеся, пастырие до́брии ста́да Иисусова.
Радуйтеся, слова Божия вернии толко́вницы.
Радуйтеся, наши блази́и и кро́тцыи учителие.
Радуйтеся, мир Христов с собою всюду пронесшии.
Радуйтеся, мир весь светом учений ваших просветившии.
Радуйтеся, и ныне прие́млющии моления нас, грешных.
Радуйтеся, и ныне посылающии утешение печальным.
Радуйтеся, всех за истину угнетенных прибежище.
Радуйтеся, Духа Святаго пречестно́е жили́ще.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 6
Проповедницы богоно́снии бывше, святая братия во стра́ны Слове́нския идо́ша просвети́ти новокреще́нныя люди Христовым учением. Ти́и же узре́вше вас, яко Ангелов светлых, спасение благовести́ти грядущих, яко пастырей добрых, душу свою за о́вцы полагающих, возопи́ша прославляющему святыя Своя Богу: Аллилуиа.
Икос 6
Возсиявшей в Мора́вии заре́ истинныя веры, испроси́ша князи Слове́нстии от царя Византийскаго во страны́ своя учители и утвердители людем. Сих же моления услышавше, святии Мефодий и Кирилл во страны́ Слове́нския подвиго́шася, пропове́дающе Евангелие Царствия Божия слове́нским народом. Еже уве́девше, возра́довашася слове́не и, отвсю́ду ко святым братиям притекающе, закону Божию поуча́хуся, Господа славяще и просветители своя хва́ляще, с ни́миже и мы вку́пе воспои́м Мефодия и Кирилла, взывающе:
Радуйтеся, апостоли наши богоглаго́ливии.
Радуйтеся, учителие наши благодатнии.
Радуйтеся, исповедницы наши, многое дерзновение иму́щии.
Радуйтеся, пустынницы наши преподобнии.
Радуйтеся, молитвенницы наши те́плии.
Радуйтеся, чудотворцы наши све́тлии.
Радуйтеся, славити Бога всеми язы́ки завещавшии.
Радуйтеся, триязы́чную е́ресь до́бльственно обличившии.
Радуйтеся, слове́ном в год скорби утешение.
Радуйтеся, во обстояниих тяжких надеждо их и заступление.
Радуйтеся, принося́щии ко Владыце всех наши покаянныя молитвы.
Радуйтеся, и сами о нас к Нему вы́ну молящиися.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 7
Хотяще изгна́ти вы из стран Слове́нских, священницы лати́нстии оклевета́ша вы пред епископом Римским. Егда́ же сей с мощми святаго Климента пришедших вас узре́ и правоверие ваше и доброе житие уве́де, а́бие посрами́ клевета́вшия на вы корыстолю́бцы, вас же именем Христовым благослови, поя Богу: Аллилуиа.
Икос 7
Дивнии апостоли яви́шася святая братия, не иму́ще покоя в труде́х своих: святый бо Кирилл от подвигов многих изнемог, скоро по пришествии в Рим живот свой сконча́; святый же Мефодий ревностию брата своего укреплен и от папы Адриана благодатию архиерейскою почте́н, к подвигом новым в Мора́вию и Панно́нию возвратися, иде́же труды множайшия понесе́; и́мже дивя́щеся, воспои́м святую братию, зовуще:
Радуйтеся, добрии слу́зи Христовы.
Радуйтеся, яко даже до смерти верни истине пребыли есте́.
Радуйтеся, Господеви, а не человеком угождавшии.
Радуйтеся, имене Его ради поношения от человек прия́вшии.
Радуйтеся, чрез все житие на ниве Господней потрудившиися.
Радуйтеся, и по смерти от паствы своея́ любовию не отлучившиися.
Радуйтеся, свет миру и соль земли́ бывшии.
Радуйтеся, яко светильник, горя́й во тьме, язы́ком светившии.
Радуйтеся, яко град верху́ горы́, от верных и неверных не утаи́выйся.
Радуйтеся, заповеди Господни сотво́ршии и иных научившии.
Радуйтеся, сего ради ве́лии во Царствии Божием нарече́ннии.
Радуйтеся, на земли́ в Церкви Господней прославленнии.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 8
Странно преставление святаго Кирилла всем яви́ся, не о жизни бо временней помышля́ше, но Господа о новопросвеще́нных им це́рквах моля́ше, да утвердит я в Православии и от триязы́чныя е́реси и прочих напа́стей и бед оградит я, святаго же Мефодия увещава́ше, глаго́ля: «Се, брате, супру́га воло́в бя́хове, едину бразду́ тя́жуща, и аз на селе́ па́даю, течение сконча́в; ты же лю́биши святую гору вельми́, не мози́ у́бо горы́ ради оставити учения язы́ков слове́нских». Те́мже, толи́цей ревности святых братий дивя́щеся, воспои́м Богу: Аллилуиа.
Икос 8
Весь пре́дан быв душею же и телом заветам брата своего, святый Мефодий не убоя́ся преще́ний княжеских, ни клеве́т от иере́ев лати́нских, ни заточения темни́чна, но вся сия, яко до́блий воин Христов, претерпева́я, не преста́ язы́ки слове́нския и паству свою до́бре пра́вити и просвещати, до́ндеже в старости опочи́ и к святому Кириллу во блаженную обитель райскую преста́вися. К ни́мже мы воспои́м те́пле:
Радуйтеся, венцем терпения на земли́ венча́ннии.
Радуйтеся, светом вечным на Небеси осия́ннии.
Радуйтеся, подвижницы, нищии духом, яко ваше есть Царствие Небесное.
Радуйтеся, пла́кавшии много, яко оби́льно уте́шистеся.
Радуйтеся, кро́тцыи, яко насле́дисте во Христе зе́мли Слове́нския.
Радуйтеся, а́лкавшии и жа́ждавшии правды, яко насы́тистеся в селениих Небесных.
Радуйтеся, ми́лостивии, яко не сами то́кмо поми́ловани есте́, но и иным милости от Бога хода́таи бы́сте.
Радуйтеся, чистии сердцем, яко днесь Бога лицем к лицу зрите́.
Радуйтеся, миротворцы человеком бывшии, яко сы́нове Божии нареко́стеся.
Радуйтеся, изгна́ннии правды ради, яко ваше есть Царствие Божие.
Радуйтеся, яко возненави́дени бы́сте от человек и гонение и клеветы́ прия́ли бы́сте Христа ради.
Радуйтеся и веселитеся, яко мзда ваша многа на Небесех.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 9
Всякия козни, на страны Слове́нския находя́щия, бо́дро разоряли есте́, преподобнии, те́мже и ныне не оставите нас, смиренных и грешных, но вся слове́ны в Православии и единомы́слии утверди́те, да вси едиными усты́ и единым сердцем вопию́т прославившему вас Богу: Аллилуиа.
Икос 9
Вити́я многовеща́нныя, яко ры́бы безгла́сны, зрим о вас, преподобнии, недоумеют бо, ка́ко и в пустыни духом вита́ли есте́, и посреде́ человек неусы́пными подвиги подвиза́стеся. Мы же, радующеся, яко таковы́е и́мамы учители и молитвенники, прославляем вас, глаго́люще:
Радуйтеся, истинныя веры исповедницы.
Радуйтеся, Царствия Божия наследницы.
Радуйтеся, е́реси иконобо́рныя обличителие.
Радуйтеся, иуде́йства посрами́телие.
Радуйтеся, триязы́чную е́ресь поправшии.
Радуйтеся, слове́ном двери Царствия Небеснаго отве́рзшии.
Радуйтеся, воини Христовы, еще́ в житии от Него славою венча́ннии.
Радуйтеся, и в славе своей дух смиренному́дрия соблюдшии.
Радуйтеся, зла́я, яко Иса́ия и Иереми́я, от единоплеме́нных за блага́я прия́вшии.
Радуйтеся, яко Даниил и Есфи́рь, за язык свой хода́тайствовавшии.
Радуйтеся, со всеми святыми немерцающим светом осиява́емии.
Радуйтеся, со всеми угодники Божии о нас, грешных, Господу молящиися.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 10
Спасти хотя новое стадо Христово от волко́в мы́сленных, святый Мефодий на одре́ смертном ученики своя вельми́ моля́ше твердо стояти во истинней вере, ниже́ ко́зней вражеских устраша́тися, но и в скорбех и напа́стех за вся благодарити Бога, поюще: Аллилуиа.
Икос 10
Стена есте́ всем о Православии трудящимся и заступление к вам с верою притекающим, Мефодие и Кирилле богомудрии, ибо Небесе и земли Творец избра́ вас быти на земли́ ловцы́ человеком, по́слежде же на Небесех к лику апостол сопричте́. Те́мже и нам умолите благодати Его да́ром податися, умиленно вопию́щим таковая:
Радуйтеся, доброде́тельми, яко виссо́ном, украшеннии.
Радуйтеся, в премудрости с Соломоном сравнившиися.
Радуйтеся, воздержанием и молитвою великим Антонию и Пахомию уподо́бльшиися.
Радуйтеся, яко Великий Василий и Иоанн Златоустый, силою слова одаре́ннии.
Радуйтеся, яко целомудрием Иосифу подо́бни бы́сте.
Радуйтеся, терпению И́овлему подражавшии.
Радуйтеся, незлобием царю и пророку Давиду соревновавшии.
Радуйтеся, ревностию по вере Илии́ уподобившиися.
Радуйтеся, яко, подобно Павлу и Иоанну Богослову, Христа Бога возлюбили есте́.
Радуйтеся, яко Даниил и трие́ отроцы, мужественно Бога прославившии.
Радуйтеся, яко Ангелом и святым Божиим сожи́тельствуете.
Радуйтеся, яко и мы, грешнии, имя ваше с верою призываем.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 11
Пение благодарное приносяще ко Господу, предста́телие нам, грешным, вас даровавшему, со умилением молим вы, святии учителие наши, не возгнуша́тися нас лености ради на́шея, ниже́ отступи́ти от нас тяжких ради беззаконий наших, но милосердие от Господа всем испроси́ти, вопию́щим Ему о вас: Аллилуиа.
Икос 11
Светоза́рную апостол слове́нских дво́ицу восхваляюще, вернии, устрани́мся своих ра́спрей и раздоров, па́че же разделений в вере, единение же духа в союзе мира блюду́ще, воспои́м святых учителей та́ко:
Радуйтеся, громогласныя трубы́ Евангельскаго благовестия.
Радуйтеся, гу́сли сладкозву́чныя проповеди спасения.
Радуйтеся, кре́пцыи правды насадителие.
Радуйтеся, непоколебимии неправды истребителие.
Радуйтеся, радости податели всем бывшии.
Радуйтеся, ско́рбей нападения отвсю́ду восприя́вшии.
Радуйтеся, мзды и воздаяний трудом своим от человек не искавшии.
Радуйтеся, о неблагодарных людех Богу молившиися.
Радуйтеся, Ангел Божиих и святых Его подвиги и доброде́тельми своими радовавшии.
Радуйтеся, радости вечныя ку́пно с ними во обителех блаженных наслаждающиися.
Радуйтеся, зве́зды, светом истины сияющия.
Радуйтеся, сами добродетелей ваших светом осия́ннии.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 12
Благодать единения и мира испроси́те нам, преподобнии, и́же мир во всем мире до конца мирска́го жития вашего благовестившии, яко да и мы, от всех расколов и искушений свобо́ждшеся, в мире воспои́м, яко други, вас возлюбившему Единому Миротворцу всех Господу: Аллилуиа.
Икос 12
Поюще ваша дивное житие на земли́ и славу, яже на Небеси, помышля́юще, смиренно молим вас, святии учителие, силу свыше православным христианом на враги невидимыя и видимыя даровати и вся народы слове́нския в единение веры призвати, да вси воспоют, верно взывающе:
Радуйтеся, Православия твердое ограждение.
Радуйтеся, неверия живое обличение.
Радуйтеся, исхожде́ние Духа Святаго от Отца то́чию, яко отдре́вле прия́хом, испове́давшии.
Радуйтеся, службу Божию совершати кому́ждо своим си язы́ком завещавшии.
Радуйтеся, праведных в праведности утверждение.
Радуйтеся, и беззаконных к закону обращение.
Радуйтеся, яко вами и мы во исполнение Церкве внидо́хом.
Радуйтеся, яко вами слово Божие на сро́днем нам язы́це дости́же.
Радуйтеся, яко молитвами вашими, а́ки забра́лом крепким, от врагов наших ограждаемся.
Радуйтеся, яко предстательством вашим вечныя жизни сподобляемся.
Радуйтеся, всем слове́ном па́стырие и отцы, и́хже ради есмы́ вси братие.
Радуйтеся, яко вас ради, братия суще по плоти, и по духу братия Христу сотвори́хомся.
Радуйтеся, Мефодие и Кирилле, язык слове́нских апо́столи и богому́дрии учи́телие.
Кондак 13
О пречуднии и предивнии язык слове́нских учителие, святии равноапостольнии Мефодие и Кирилле, нынешнее прие́мше моление наше, вся слове́ны от находящих им зол и бед свободи́те, в мире и единении соблюдите и к Царствию Небесному предстательством вашим приведите всех во умилении о вас поющих Богу: Аллилуиа.
(Этот кондак читается трижды, затем икос 1 и кондак 1)
Молитва
О преславнии язык слове́нских учителие и просветителие, святии равноапостольнии Мефодие и Кирилле! К вам, яко чада ко отцем, светом учений и писме́н ваших просвеще́ннии и в вере Христовой наста́вленнии, ныне усердно прибегаем и в сокрушении сердец наших молимся. Аще бо и завет ваших, яко чада непокори́вая, не соблюдо́хом, и о угождении Богу, я́коже учи́сте, небрего́хом, и от единомыслия и любве, ю́же слове́ном, яко братиям в вере и по плоти, добре завеща́сте, отпадо́хом, оба́че, я́коже дре́вле в житии вашем неблагодарных и недостойных не отвраща́сте тщи, но благи́ми за злая воздава́сте, та́ко и ныне грешных и недостойных чад ваших молитвы не отврати́те, но, яко ве́лие иму́ще дерзновение ко Господу, прилежно Того моли́те, да наставит и обратит нас на путь спасения, ра́спри же и раздоры, посреде́ единоверных братий возника́ющия, умири́т, отпа́дшия па́ки во единомы́слие приведет и всех нас единением духа и любве во единей Святей, Соборней и Апостольстей Церкви соединит. Ве́мы бо, ве́мы, яко много может молитва праведника ко благосердию Владыки, а́ще и о грешных людех приноси́ма бывает. Не оставите у́бо нас, унылых и недостойных чад ваших, и́хже грех ради па́ства ваша, вами собра́нная, враждою разделяема и соблазны от иноверных прельщаема, ума́лися, о́вцы же ея́ слове́сныя разсева́емы, от волко́в мы́сленных восхищаются; дадите у́бо нам молитвами вашими о Православии ревность, да ею возгреваеми, отеческая преда́ния до́бре сохраним, уставы и обычаи церковныя верно соблюдати потщи́мся, всяких лжеучений странных отбежи́м, и та́ко в житии богоуго́днем на земли́ преспева́юще, жизни райския на Небеси сподобимся, и та́мо с вами вку́пе Владыку всех в Троице Единаго Бога прославим во веки веков. Аминь.
