Святой мученик Иоанн Воин

Святой  мученик  Иоанн  Воин

Святой  мученик  Иоанн  Воин  посвятил  свою  жизнь  служению  ближним,  жил  в  святости  и  чистоте.  Он  чтится  в  русской  православной  традиции  как  великий  помощник  в  скорбях,  подающий  помощь  гонимым  и  несправедливо  обиженным.  По  молитве  мученику  свершилось  множество  чудес.

Святой  мученик  Иоанн  Воин  был  по  происхождению  славянином.  Этот  христианский  святой  считается  защитником  от  обидчиков  и  воров,  помощником  в  поиске  пропаж.  Жил  он  в  IV  веке  и  служил  в  войске  Юлиана  Отступника  (361-363  годы),  родного  племянника  Константина  Великого.

Отступником  его  прозвали  за  то,  что  он,  будучи  с  детства  христианином,  по  вступлении  на  престол  отрекся  от  христианской  веры  и  стал  ревностным  язычником.  Желая  ослабить  христианство  и  восстановить  в  Римской  империи  падавшее  язычество,  он  употреблял  против  христиан  сперва  хитрые  меры,  а  потом  перешел  к  мерам  насилия,  хотя  и  не  воздвигал  общего  гонения.  

Житие:  О  жизни  святого  мученика  до  нас  дошли  скудные  и  обрывочные  сведения.  Наряду  с  другими  воинами  святой  мученик  Иоанн  Воин  был  послан  «поддерживать  порядок»   в  городах,  где  языческое  население,  обрадовавшись  переменам,  начало  преследовать  и  убивать  христиан. 

На  деле  же  сами  солдаты  хватали  и  казнили  тех,  кто  исповедовал  христианство.  Оставаясь  внешне  как  бы  гонителем,  на  самом  деле  святой  мученик  Иоанн  Воин  оказывал  гонимым  христианам  большую  помощь.

Святой  мученик  Иоанн  Воин  освобождал  тех,  которые  были  схвачены,  других  предупреждал  о  грозящей  им  опасности,  содействовал  их  побегу.  Святой   оказывал  милосердие  не  только  христианам,  но  и  всем  бедствующим  и  требующим  помощи:  посещал  больных,  утешал  скорбящих.

Когда  Юлиан   Отступник  узнал  о  действиях  святого,  то  заключил  его  в  темницу,  где  его  долго  истязали  и  мучили,  но  сломить  так  не  смогли.  В  темнице  святой  мученик  Иоанн  Воин  находился  довольно  долго.

В  363  году  гонитель,  Юлиан  Отступник,  был  убит  на  войне  с  персами.  Святой  мученик  Иоанн  Воин  вышел  на  свободу  и  до  глубокой  старости  продолжал  вести  праведную  жизнь,  упражняясь  в  молитве  и  посте,  посещая  больных  и  утешая  скорбящих.  Так  он  украшал  свою  жизнь  и  совершенствовал  себя  в  добродетели.

Проведши  жизнь  свою  богоугодно,  святой  мученик  Иоанн  Воин  отошел  ко  Господу.  Год  кончины  мученика  точно  неизвестен.  Место  погребения  святого  Иоанна  Воина  постепенно  было  забыто.  Он  явился  одной  благочестивой  женщине  и  указал  место  своего  упокоения.  Обретенные  его  мощи  были  положены  в  церкви  святого  апостола  Иоанна  Богослова  в  Константинополе.  Господь  даровал  святым  мощам  Иоанна  Воина  благодатную  силу  исцеления.

Иконография:  Древних  икон  Иоанна  воина,  написанных  греческими  мастерами  не  сохранилось.  Русские  иконописцы  часто  обращались  к  написанию  икон  этого  почитаемого  на  Руси  святого.  Сложилась  традиция  изображать  святого  мученика  Иоанна  Воина  в  образе  византийского   военачальника — в  доспехах,  с  оружием.

 Поверх  доспехов  на  нем  обычно  накинут  алый  плащ,  символ  мученичества.  В  правой  руке  святой  держит  крест,  как  знак  своей  непоколебимой  веры.  Встречаются  и  наиболее  редкие  иконы,  на  которых  святой  мученик  Иоанн  Воин  сидит  на  коне  или  молится  на  коленях.

По  некоторым  данным  в  России  насчитывается  более  100  храмов  в  честь  святого  Иоанна  Воина.  Самый  известный  из  них  храм  Иоанна  Воина  на  Якиманке  в  Москве.

храм  Иоанна  Воина  в  Мокве
Храм Иоанна Воина в Москве

Есть  небольшая,  но  красивая  церковь  Иоанна  Воина  в  Донецке  (ДНР),  построенная  в  строгом  русском  стиле  в  виде  свечи.  Построена  она  по  инициативе  начальника  УМВД  Украины  в  Донецкой  области  генерал-лейтенанта  милиции  Малышева  В. С.  на  территории  Областного  УМВД  на  пожертвования  работников  милиции.  Храм  освящен  в  2001  году  Митрополитом  Донецким  и  Мариупольским  Иларионом.

Храм  Иоанна  Воина  в  Донецке

Молитвенная  традиция:  Иоанну  Воину  молятся  в  случае  опасности  от  грабителей  и  убийц,  о  помощи  в  поиске  пропавшей  вещи  или  человека,  просят  несправедливо  осужденные  о  помощи  в  торжестве  правосудия,  просят  помощи  гонимые  и  обиженные.

В  Русской  Церкви  святой  мученик  Иоанн  Воин  чтится  как  великий  помощник  в  скорбях  и  обстояниях.  Обворует  ли  кто,  или  есть  подозрение  на  вора,- служат  молебен  святому.  Воры  так  боялись  святого,  что  зачастую  сознавались  в  своей  вине.  В  народе  святой  мученик  Иоанн  Воин  назывался  обличителем  воров.

Обидит  ли  кто — в  этом  случае  тоже  обращались  к  святому  Иоанну  Воину  и  совершали  ему  молебны  о  защите  от  обидчиков.  В  «Сказании  о  святых»  этому  угоднику  полагалась  особая  молитва  об  обретении  украденных  вещей  и  бежавших  слуг.

В  Прологе  о  святом  читаем,  что  он  «изряднее  рабом  уходства  удерживает,  татьбы  извещает  и  уличение  яве  творит».  Молитвенно  обращаются  ко  святому  Иоанну  Воину  об  избавлении  от  ненавидящих  и  обидящих,  от  всех  врагов  видимых  и  невидимых.

Память:  30  июля  /  12  августа.

 

АКАФИСТ   СВЯТОМУ   МУЧЕНИКУ   ИОАННУ   ВОИНУ

Составитель  Иван  Павлович  Протопопов.  Одобрен  решением  Священного  Синода  от  7  /  19  сентября  1888  года  №1918.

Утвержден  для  общецерковного  использования.

Кондак 1

Избра́ннаго раба́ Ца­ря́ Не­бе́с­на­го, до́бляго Хри­сто́­ва страстоте́рпца, Иоа́н­на свя­та́­го Во́ина и чудотво́рца похва́льными пе́снь­ми вос­по­и́м, я́ко хри­сти­а́н за­сту́п­ни­ка, це­ло­му́д­рия блюсти́теля, стра́ждущих уте́­ши­те­ля. Ты же, пред­стоя́ Пре­сто́­лу Свя­ты́я Тро́ицы, мо­ли́т­ва­ми свои́ми от вся́­ких зол и на­па́с­тей охраня́й с ве́­рою и лю­бо́­вию зо­ву́­щих ти:

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Икос 1

Арха́нгели и А́нгели с лю­бо́­вию зря́ху на равноа́нгельское жи­тие́ твое́, Иоа́нне пречу́дне, ты бо, пеки́йся о Гос­по́д­них, ка́­ко уго­ди́­ти Го́сподеви, сохрани́л де́вство неврежде́нно, пос­то́м и мо­ли́т­вою умерщ­вля́я плоть свою́ день и нощь. Мы же таково́му жи­тию́ тво­ему́ ди­вя́­ще­ся, со уми­ле́­нием взы­ва́­ем ти си́­це:

Ра́­дуй­ся, чис­то­ту́ се́рд­ца сво­его́ сохрани́вый; ра́­дуй­ся, я́ко се­го́ ра́­ди Бо́­га узре́ти спо­до́­бил­ся еси́.

Ра́­дуй­ся, и́го Хрис­то́­во на ра́мо свое́ взе́мший; ра́­дуй­ся, ду́­шу свою́ Хри­ста́ ра́­ди погуби́вый, во е́же спас­ти́ ю.

Ра́­дуй­ся, А́н­ге­лов сожи́телю; ра́­дуй­ся, де́вственников по­хва­ло́.

Ра́­дуй­ся, хра­ни́­те­лю и на­ста́в­ни­че ю́ных отроко́в; ра́­дуй­ся, ско́­рый по­мо́щ­ни­че борю́щимся со страсть­ми́ и похотьми́.

Ра́­дуй­ся, за­щи́т­ни­че дев и вдо­ви́ц; ра́­дуй­ся, об­ли­че́­ние наруши́телей це­ло­му́д­рия.

Ра́­дуй­ся, роди́телей и воспита́телей на­ста́в­ни­че; ра́­дуй­ся, сиро́тствующих незри́мый води́телю.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 2

Ви́­дя свя­ты́й Иоа́нн, ег­да́ при­и́де в Ну́меры Ифа́льския, христиа́ны гони́мы, не убоя́ся преще́ний не­чес­ти́­ва­го Иулиа́на и ре­че́ им: мужа́йтеся, укрепля́йтеся в ве́­ре, да сподо́битеся вы́­ну вос­пе­ва́­ти в Не­бе́с­ных чер­то́­зех Хри­сту́ Бо́­гу: Алли­лу́иа.

Икос 2

Ра́­зум несумне́нный име́л еси́ в се­бе́, Иоа́нне достохва́льне, ег­да́ сла́­ву ми́­ра се­го́ пре­зре́в и гне́­ва ца́рскаго не устраши́вся, испове́дал се­бе́ христиа́нина бы́­ти, и се­го́ ра́­ди, я́ко злоде́й, в темни́цу всажде́н был еси́. Таково́му тво­ему́ о Хрис­те́ дерз­но­ве́­нию ди­вя́­ще­ся, гла­го́­лем:

Ра́­дуй­ся, ис­по­ве́д­ни­че Хрис­то́в преизря́дный; ра́­дуй­ся, Хри­сту́ спострада́вый.

Ра́­дуй­ся, и́дольскаго слу­же́­ния пре́­лесть обличи́вый; ра́­дуй­ся, си́­лою Крес­та́ вра­га́ по­бе­ди́­вый.

Ра́­дуй­ся, я́ко у́зы и темни́цу за Хри­ста́ прия́ти спо­до́­бил­ся еси́; ра́­дуй­ся, я́ко хлад и наготу́ за Хри­ста́ предпоче́л еси́ сла́­ве грехо́вней.

Ра́­дуй­ся, испове́дников по­хва­ло́; ра́­дуй­ся, му́­че­ни­ков ра́­до­ва­ние.

Ра́­дуй­ся, в зем­ны́х во́инех до́б­лий во́ин Ца­ря́ Не­бе́с­на­го; ра́­дуй­ся, убели́вый ри́зы своя́ в Кро́ви А́гнчей.

Ра́­дуй­ся, Це́рк­ве Хри­сто́­вы за­щи́т­ни­че; ра́­дуй­ся, всех пра­во­сла́в­ных зас­ту́п­ни­че.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 3

Си́­лою свы́­ше пре­по­я́с­ан­ный возмо́гл еси́ победи́ти дре́в­ня­го зми́я; то́южде си́­лою одаре́нный, источа́еши оби́­лие чу­де́с всем при­зы­ва́­ющим с ве́­рою и́мя твое́ и о те­бе́ бла­го­да́р­не во­пию́­щим Бо́­гу: Алли­лу́иа.

Икос 3

Име́я в се́рд­це сво­е́м тве́р­дую ве́­ру во Хри­ста́ и си́­лою тоя́ вооружи́вся, не убоя́лся еси́ гне́­ва ца­ре́­ва и сохраня́л еси́ ифа́льския лю́­ди от му­чи́­те­лей. Се­го́ ра́­ди та­ко­во́е му́жество твое́ по­хва­ля́ю­ще, блажи́м тя си́­це:

Ра́­дуй­ся, ада­ма́н­те ве́­ры Хри­сто́­вы; ра́­дуй­ся, сто́л­пе Це́рк­ве Бо́­жия.

Ра́­дуй­ся, ве́р­ных на­де́ж­до и за­ступ­ле́­ние; ра́­дуй­ся, не­ве́р­ных страх и посрамле́ние.

Ра́­дуй­ся, ве­не́ц испове́дника Хри­сто́­ва стяжа́вый; ра́­дуй­ся, ору́­жи­ем Крес­та́ вра­га́ Хри­сто́­ва низложи́вый.

Ра́­дуй­ся, Хри­ста́ па́­че ми́­ра воз­лю­би́­вый; ра́­дуй­ся, за христиа́ны ду́­шу свою́ по­ло­жи́­вый.

Ра́­дуй­ся, за́мыслы богоме́рзкаго мучи́теля разсе́явый; ра́­дуй­ся, я́ко в темни́цех су́­щих и во у́зех посеща́л еси́.

Ра́­дуй­ся, я́ко и сам за Хри­ста́ в темни́цу всажде́н был еси́; ра́­дуй­ся, я́з­вы Го́с­по­да сво­его́ на те́ле носи́вый.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 4

Бу́­рею по­мыш­ле́­ний су­мни́­тель­ных колеба́шеся бла­же́н­ный Иоа́нн, ег­да́ по́с­лан бысть в Ну́меры Ифа́льския, да му́чит та́­мо ве́­рую­щия во Хри­ста́. «А́ще у́бо, — гла­го́­ла­ше, — по повеле́нию ца­ре́­ву и́мам благове́рныя лю́­ди му́чити и убива́ти, осужде́н бу́ду от Бо́­га, а́ще же не иду́ та́­мо, в чи́не во́­ин­ства мо­его́ обря́щуся ца­рю́ проти́вен и преда́н бу́ду сме́р­ти лю́тей». Оба́­че стра́­хом Бо́­жи­им води́мый, ве́­ру Христо́ву в се́рд­це сво­е́м сохрани́л да́же до злострада́ний и уз темни́чных, вопия́ Хри­сту́: Алли­лу́иа.

Икос 4

Слы́шав не­чес­ти́­вый Иулиа́н твое́ ко христиа́ном ми­ло­се́р­дие и уве́­дев тя самаго́ христиа́нина бы́­ти, разъяри́ся на тя зло́бою и по­ве­ле́ при­вес­ти́ в Царьгра́д, я́ко злоде́я и проти́вника ца­ре́­ва. Ты же, бла­го­да́­тию Бо́­жиею укрепля́ем, стра­да́­ния пре­тер­пе́л еси́ му́жественно и от ве́­ры во Хри­ста́ ни­ка́­ко­же отступи́л еси́. Се­го́ ра́­ди ве­ли­ча́­ем тя си́­це:

Ра́­дуй­ся, ис­по­ве́д­ни­че ве́­ры во Хри­ста́ неустраши́мый; ра́­дуй­ся, во́и­не Хрис­то́в не­по­бе­ди́­мый.

Ра́­дуй­ся, я́ко со Архистрати́гами Сил Не­бе́с­ных Пре­сто́­лу Бо́­жию пред­стои́­ши; ра́­дуй­ся, ско́­рый по­мо́щ­ни­че всем за и́с­ти­ну терпя́щим.

Ра́­дуй­ся, ис­ку­ше́­ний и собла́знов от диа́вола избе́гнувый; ра́­дуй­ся, я́ко и всех при­зы­ва́ю­щих тя от ис­ку­ше́­ний избавля́еши.

Ра́­дуй­ся, за́мыслы богоме́рзкаго мучи́теля разсе́явый; ра́­дуй­ся, и нам се́­ти диа́вола избега́ти помога́ющий.

Ра́­дуй­ся, щито́м ве́­ры се­бя́ самаго́ от стрел лу­ка́­ва­го защити́вый; ра́­дуй­ся, и́м­же и нас от ис­ку­ше́­ний охраня́ющий.

Ра́­дуй­ся, хри­сти­а́н­ска­го ро́­да укра­ше́­ние; ра́­дуй­ся, Не­бе́с­ных черто́гов оби­та́­те­лю.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 5

Бо­го­те́ч­ней звез­де́ по­до́­бен был еси́, Иоа́нне, ег­да́, при­ше́д в стра­ны́ Ифа́льския, увеща́л еси́ та́­мо су́­щих хри­сти­а́н не отступа́ти от Со́лн­ца Пра́в­ды Хри­ста́ Бо́­га, но вы́­ну пе́­ти Ему́: Алли­лу́иа.

Икос 5

Ви́­дя свя­ты́й приводи́мыя пред не­го́ по повеле́нию ца­ре́­ву ве́р­ныя Хри­сту́ лю́­ди на муче́ние за ве́­ру Христо́ву, зело́ скорбе́ за них, в се́рд­це сво­е́м пеки́йся, да из­ба́­вит их от ру­ки́ мучи́телевы. Та­ко­во́е твое́ попече́ние о них по­хва­ля́ю­ще, зо­ве́м ти:

Ра́­дуй­ся, лю­бо́вь Христо́ву в се́рд­це сво­е́м име́вый; ра́­дуй­ся, я́ко то́ю согрева́ем от му­чи́­те­лей ве́р­ныя ра­бы́ Хри­сто́­вы спаса́л еси́.

Ра́­дуй­ся, веле́ния не­чес­ти́­вых пре­зре́­вый; ра́­дуй­ся, за́поведи Хри­сто́­вы сохрани́вый.

Ра́­дуй­ся, ве́р­ных ра­бо́в Хри­сто́­вых дру́­же; ра́­дуй­ся, хри­сти­а́н зас­ту́п­ни­че.

Ра́­дуй­ся, су́­щим в темни́цех и во у́зех уте́­ши­те­лю; ра́­дуй­ся, ни́­щих кор­ми́­те­лю.

Ра́­дуй­ся, стра́н­ных води́телю; ра́­дуй­ся, немощству́ющих вра­чу́.

Ра́­дуй­ся, зас­ту́п­ни­че си́­рых; ра́­дуй­ся, пла́­чу­щих уте́­ши­те­лю.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 6

Пос­то́м и мо­ли́т­вою плоть твою́ ду́хови порабо́тил еси́ и во сла́­ву Бо́­жию духо́вне по­жи́л еси́; се­го́ ра́­ди ны́­не пред­стои́­ши Пре­сто́­лу Пре­свя­ты́я Тро́ицы, вы́­ну воспева́я песнь: Алли­лу́иа.

Икос 6

Возсия́л еси́, я́ко но́вое све­ти́­ло на тве́р­ди не­бе́с­ней, все­му́ христиа́нскому ро́ду, ег­да́ Бо́­жи­им изволе́нием обре́тено бысть не­тле́н­ное те́­ло твое́, источа́ющее оби́­лие чу­де́с с ве́­рою к тво­ему́ зас­туп­ле́­нию при­те­ка́ю­щим и моли́твенно те­бе́ взыва́ющим:

Ра́­дуй­ся, Бо́­гу жи­ти­е́м тво­и́м угоди́вый; ра́­дуй­ся, се­го́ ра́­ди от Не­го́ прославле́ние прия́вый.

Ра́­дуй­ся, тщету́ и пре́­лесть ми́­ра се­го́ пре­зре́­вый; ра́­дуй­ся, мзду Не­бе́с­ную восприя́вый.

Ра́­дуй­ся, я́ко о ма́ле ве́рен яви́л­ся еси́; ра́­дуй­ся, я́ко оби́­лие бла­го­да́­ти Бо́­жией прия́ти спо­до́­бил­ся еси́.

Ра́­дуй­ся, я́ко в жи­тии́ сем бли́жняго самоотве́рженно возлюби́л еси́; ра́­дуй­ся, я́ко в ско́р­бех и на­па́с­тех су́­щим засту́пник был еси́.

Ра́­дуй­ся, ду́­шу свою́ за дру́ги полага́вый; ра́­дуй­ся, те́п­лый хо­да́­таю за нас у Ца­ря́ Не­бе́с­на­го.

Ра́­дуй­ся, от мучи́телева гне́­ва христиа́ны спаса́вый; ра́­дуй­ся, я́ко и днесь о спа­се́­нии на́­шем пече́шися.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 7

Хо­тя́­щу ти от ми́­ра се­го́ пресели́тися, смиренному́дрием побужда́ем, повеле́л еси́ не́коему челове́ку те́­ло твое́ по­ло­жи́­ти в до́­ме, иде́­же стра́ннии и ни́щии погреба́хуся. Гос­по́дь же, смире́нныя вознося́й, благоволи́ сохрани́ти о́ное нетле́нно и чудотворе́ния источа́ющее всем ко тво­ему́ зас­туп­ле­нию с ве́­рою при­те­ка́ю­щим и о те­бе́ Бо́­гу во­пию́­щим: Алли­лу́иа.

Икос 7

Но́вую по­ка­за́ ми́­лость ра­бо́м Сво­и́м Человеколю́бец Гос­по́дь, ег­да́ благоволи́ просла́вити тя и яви́­ти в те­бе́ бла­го­да́ть Свою́ чудотворя́щу. Мы же таково́му промышле́нию Бо́­жию ра́дующеся, бла­го­да́р­не во­пи­е́м:

Ра́­дуй­ся, вмес­ти́­ли­ще бла­го­да́­ти Бо́­жией; ра́­дуй­ся, со­су́­де Бо́­жий из­бра́н­ный.

Ра́­дуй­ся, чу­до­тво́р­че пре­ди́в­ный; ра́­дуй­ся, при­те­ка́ю­щим к те­бе́ с ве́­рою ско́рую по́­мощь по­да­ва́­яй.

Ра́­дуй­ся, ду­ше́в­ных и те­ле́с­ных не­ду́­гов на́­ших це­ли́­те­лю; ра́­дуй­ся, бесо́в о и́мени Христо́ве изгони́телю.

Ра́­дуй­ся, лука́вство вра­га́ че­ло­ве́­чес­ка­го обличи́телю; ра́­дуй­ся, це­ло­му́д­рия охрани́телю.

Ра́­дуй­ся, бла­го­чес­ти́­вых супру́жеств от вся́­ка­го диа́вольскаго прельще́ния незри́мая огра́до; ра́­дуй­ся, татьбы́ и граби́тельства ско́­рый обличи́телю.

Ра́­дуй­ся, соврати́вшихся на путь и́с­ти­ны наста́вителю; ра́­дуй­ся, про­ше́­ния на́­ша на по́ль­зу ис­пол­ня́­яй.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 8

Стра́н­ное и ди́в­ное яв­ле́­ние твое́ чрез со́нное виде́ние не́коей жене́ благогове́йней уве́девшей и но́­ва­го чудотво́рца и уго́дника Бо́­жия в те­бе́ позна́вшей, лю́­дие константино́польстии умили́шася и возо­пи́­ша Бо́­гу: Алли­лу́иа.

Икос 8

Весь доброде́тельми ис­по́л­нен­ный в жи́з­ни сей, по сме́р­ти же сла́­вою Бо́­жиею озаре́нный, преклоня́еши у́хо твое́ на мо­ли́т­вы чту́­щих тя, от ни́х­же слы́­ши­ши си­це­ва́я:

Ра́­дуй­ся, милосе́рдию От­ца́ Не­бе́с­на­го под­ра­жа́­те­лю; ра́­дуй­ся, а́лчущих пи­та́­те­лю.

Ра́­дуй­ся, стра́н­ных неви́димый сопу́тниче; ра́­дуй­ся, си́­рых покрови́телю.

Ра́­дуй­ся, озло­бля́е­мых уте́­ши­те­лю; ра́­дуй­ся, за и́с­ти­ну терпя́щих подкрепи́телю.

Ра́­дуй­ся, не­ду́­гую­щим осла́бу и ис­це­ле́­ние по­да­ва́­яй; ра́­дуй­ся, в бе­да́х су́­щих зас­ту́п­ни­че.

Ра́­дуй­ся, ни́щия воз­лю­би́­вый; ра́­дуй­ся, я́ко с ни́­ми и по от­ше́ст­вии от ми́­ра се­го́ те́­лом разлучи́тися не восхоте́л еси́.

Ра́­дуй­ся, я́ко в до́­ме убо́­гих погребсти́ те́­ло свое́ за­ве­ща́л еси́; ра́­дуй­ся, за смиренному́дрие твое́ вен­це́м от Бо́­га увенча́нный.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 9

Все во́инство а́н­гель­ское возра́довашеся, ви́­дя тя, во́ина Ца­ря́ Не­бе́с­на­го непреобори́ма, победи́вша ми­ро­дер­жи́­те­ля тьмы и пре́­лес­ти ве́­ка се­го́, те́м­же и воспе́ Бо́­гу: Алли­лу́иа.

Икос 9

Вити́и мно­го­ве­ща́н­нии не воз­мо́­гут по до­стоя́­нию вос­хва­ли́­ти стра­да́­ния твоя́, за Хри­ста́ претерпе́нныя, и ми­ло­се́р­дия и це­ло­му́д­рия тво­его́ по́д­ви­ги. Мы же таковы́м ди­вя́­ще­ся, в не́­мо­щи на́­шей ма́лыя сия́ хвале́ния при­но́­сим те­бе́:

Ра́­дуй­ся, Хри­ста́ всем се́рд­цем воз­лю­би́­вый; ра́­дуй­ся, во́льная стра­да́­ния за И́мя Его́ претерпе́вый.

Ра́­дуй­ся, о Бо́­зе Вседержи́теле поревнова́вый; ра́­дуй­ся, ве­не́ц му́ченический стяжа́вый.

Ра́­дуй­ся, пра́­ви­ло ве́­ры и воз­дер­жа́­ния учи́­те­лю; ра́­дуй­ся, нищету́ духо́вную прояви́вый.

Ра́­дуй­ся, смиренному́дрием тво­и́м ду́­ха гор­ды́­ни низложи́вый; ра́­дуй­ся, насле́дие Ца́рст­ва Не­бе́с­на­го стяжа́вый.

Ра́­дуй­ся, в до­му́ От­ца́ Не­бе́с­на­го оби́­тель се­бе́ сотвори́вый; ра́­дуй­ся, я́ко о спа­се́­нии на́­шем при́с­но хода́тайствуеши.

Ра́­дуй­ся, по́­мощь ско́рую про­ся́­щим по­да­ва́­яй; ра́­дуй­ся, я́ко немо́лчно мо́­ли­ши за ны Хри­ста́ Бо́­га.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 10

Спас­ти́ хо­тя́ ду́­шу свою́, презре́л еси́ веле́ния мучи́теля, и о те́ле сво­е́м неради́в, ра́­дост­но вос­при­я́л еси́ у́зы желе́зныя и темни́чную скорбь, Иоа́нне, Хрис­то́в Во́и­не, воспева́я укрепля́вшему тя Бо́­гу: Алли­лу́иа.

Икос 10

Сте­на́ еси́ и тве́р­дое при­бе́­жи­ще всем с мо­ли́т­вою к те­бе́ при­бе­га́ю­щим, чу­до­тво́р­че Иоа́нне, се­го́ ра́­ди зо­ве́м ти:

Ра́­дуй­ся, ско́­рый послу́шниче всех при­зы­ва́ю­щих тя; ра́­дуй­ся, я́ко чест­ны́я мо́­щи твоя́ благоволи́ Бог просла́вити чу­де­сы́.

Ра́­дуй­ся, я́ко и от ико́н тво­и́х по­да­е́т­ся бла­го­да́ть Бо́­жия взира́ющим на них с ве́­рою; ра́­дуй­ся, я́ко в созда́нных на прославле́ние и́ме­не тво­его́ хра́­мех незри́мо обита́еши.

Ра́­дуй­ся, я́ко ни­кто́­же та́­мо с ве́­рою моля́щийся тощ и неуслы́шан исхо́дит; ра́­дуй­ся, я́ко мо­ли́т­ва­ми тво­и́ми подкрепля́еши на́­ша мо­ле́­ния, ко Пре­сто́­лу Вседержи́теля восходя́щия.

Ра́­дуй­ся, я́ко коего́ждо про­ше́­ния предвари́ти тщи́шися; ра́­дуй­ся, я́ко на стро́потнем пу­ти́ греха́ иду́щим вразумле́ния подае́ши.

Ра́­дуй­ся, я́ко искуша́емым от диа́вола ско́рую по́­мощь явля́еши; ра́­дуй­ся, я́ко всех идти́ на путь спа­се́­ния направля́еши.

Ра́­дуй­ся, я́ко гре́ш­ныя на по­кая́­ние наставля́еши; ра́­дуй­ся, уго́д­ни­че Хрис­то́в и мо­ли́т­вен­ни­че о нас благоприя́тный.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 11

Пе́­ние похва́льное при­но́­сим те­бе́, му́­че­ни­че Хрис­то́в Иоа́нне, е́же с лю­бо́­вию при­е́м­ля, мо­ли́ Го́с­по­да из­ба­ви­ти­ся нам от бед и скор­бе́й, наипа́че же в час кон­чи́­ны на́шея тво­и́м заступле́нием предвари́, да не умре́м безпокая́нны, но спо­до́­бим­ся в Не­бе́с­ных селе́ниих с то­бо́ю воспе́ти Бо́­гу: Алли­лу́иа.

Икос 11

Свеща́ еси́ в це́рк­ви Христо́вей, горя́щи невеще́ственным све́­том бла­го­да́­ти Бо́­жией и оза­ря́ю­щи тьму не­ра­зу́­мия на́­ше­го, Иоа́нне пре­бла­же́н­не. Се­го́ ра́­ди мо́­лим ти ся: про­све­ти́ ны, омраче́нныя грехо́м, да вос­по­и́м те­бе́:

Ра́­дуй­ся, свет Бо­же́ст­вен­на­го уче́ния в се́рд­це сво­е́м носи́вый; ра́­дуй­ся, я́ко тем просвеща́ем, тьму и́дольскаго слу­же́­ния обличи́л еси́.

Ра́­дуй­ся, я́ко и нам те́м­же све́­том просвети́тися тщи́шися; ра́­дуй­ся, я́ко сла́­ву Трисия́ннаго Бо­же­ства́ ли­це́м к Ли­цу́ зри́ши.

Ра́­дуй­ся, лу­чу́ бла­го­да́­ти Бо́­жией, от Со́лн­ца Пра́в­ды возжже́нный; ра́­дуй­ся, озаря́яй тьму неве́дения на́­ше­го све́­том Хри­сто́­вых за́­по­ве­дей.

Ра́­дуй­ся, путево́дная звез­да́ всем и́щу­щим спа­се́­ния; ра́­дуй­ся, я́ко наставля́еши нас на вся́­кое де́ло благо́е.

Ра́­дуй­ся, я́ко мысль бла́гу нам на се́рд­це во благовре́мении полага́еши; ра́­дуй­ся, я́ко во́инскому зва́нию о́б­раз до́браго во́ина в се­бе́ показу́еши.

Ра́­дуй­ся, озари́вый вселе́нную све́­том доб­ро­де́­те­лей тво­и́х; ра́­дуй­ся, я́ко, ви́­дя до́б­рая де́ла твоя́, челове́цы От­ца́ Не­бе́с­на­го прославля́ют.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 12

Бла­го­да́ть дана́ те­бе́ от Бо́­га во е́же руково́дствовати ко спа­се́­нию и сохраня́ти от бед чту́­щих па́­мять твою́, се­го́ ра́­ди мо­ли́т­ва­ми тво­и́ми огради́ от вся́­ка­го зла Це́р­ковь и стра­ну́ Рос­си́й­скую, ве́р­ныя же вся в доброде́телех преуспева́ти со­тво­ри́, да вос­по­и́м вси Бо́­гу: Алли­лу́иа.

Икос 12

Пою́­ще Бо́­га, ди́в­на­го во свя­ты́х Сво­и́х, хва́­лим тя, Хри­сто́­ва испове́дника, во́ина же и чудотво́рца хвале́ньми сицевы́ми:

Ра́­дуй­ся, Це́рк­ве Бо́­жия укра­ше́­ние; ра́­дуй­ся, к во́­ин­ству Небе́сному сопричте́нный.

Ра́­дуй­ся, все­ору́­жие Бо́­жие при­е́мый; ра́­дуй­ся, тем вся ко́з­ни вра́­жия преодоле́вый.

Ра́­дуй­ся, броне́ю пра́ведности облече́нный; ра́­дуй­ся, щито́м ве́­ры осене́нный.

Ра́­дуй­ся, шлем спа­се́­ния стяжа́вый; ра́­дуй­ся, меч духо́вный, е́же есть сло́­во Бо́­жие, па́­че вся́­ка­го ору́жия воз­лю­би́­вый.

Ра́­дуй­ся, пре­по­я́с­ан­ный от Бо́­га пра́вдою и и́с­ти­ною о чре́слех сво­и́х; ра́­дуй­ся, я́ко к зва́нным на бра́чную ве́черю А́гнца сопричте́н еси́.

Ра́­дуй­ся, я́ко та́­мо воспе́ти песнь но́ву пред Пре­сто́­лом Его́ спо­до́­бил­ся еси́; ра́­дуй­ся, на Не́бе приобща́яйся ны́­не Хри­ста́ и́стее, не́­же иногда́ на зем­ли́.

Ра́­дуй­ся, Иоа́нне, свя­ты́й Во́и­не и пре­сла́в­ный чу­до­тво́р­че.

Кондак 13

О свя­ты́й уго́д­ни­че Хрис­то́в и чу­до­тво́р­че Иоа́нне Во́и­не! При­ими́ сие́ хвале́ние на́­ше и моль­бы́ те­бе́ приноси́мыя, и благоприя́тными тво­и́ми к Бо́­гу мо­ли́т­ва­ми из­ба́­ви нас от вся́­ких зол и об­стоя́­ний, бо­ле́з­ней ду­ше́в­ных и те­ле́с­ных, и от ве́ч­на­го му­че́­ния пред­ста́­тель­ством тво­и́м со­хра­ни́ и досто́йны Ца́рст­вия Не­бе́с­на­го бы́­ти умо­ли́, да спо­до́­бим­ся в Не­бе́с­ных селе́ниих вос­пе­ва́­ти Бо́­гу: Алли­лу́иа.

Этот кондак чи­та­ет­ся трижды, за­те́м 1-й икос и 1-й кондак.

Мо­ли́т­ва

О, му́­че­ни­че Хрис­то́в, Иоа́нне во́и­не! Хра́брый еси́ во бра́нех, и враго́м прогони́тель, и оби́димым засту́пник, всем правосла́вным христиа́ном. О, ве­ли́­кий зас­ту́п­ни­че и уго́д­ни­че Хрис­то́в, Иоа́нне во́инственниче! По­ми́­луй нас, гре́ш­ных и не­до­сто́й­ных, и за­сту­пи́ в бе­да́х и в ско́р­бех, и в пе­ча́­лех, и во вся́­кой злой на­па́с­ти, и от вся́­ка­го зла́­го и оби́дящаго че­ло­ве́­ка, те­бе́ бо дана́ бысть та­ко­ва́я бла­го­да́ть от Бо́­га, е́же мо­ли́­ти­ся за ны, гре́ш­ныя, в бе­да́х и на­па́с­тех зле стра́ждущия. Из­ба́­ви у́бо нас от оби́дящих и ненави́дящих, бу́­ди нам по­бо́р­ник кре́пок на вся ви́­ди­мыя и неви́димыя вра­ги́ на́­ша. О, ве­ли́­кий по­бо́р­ни­че, Иоа́нне во́и­не! Не за­бу́­ди нас, всег­да́ мо­ля́­щих­ся те­бе́, прося́щих по́­мо­щи и не­оску́д­ныя ми́­лос­ти твоея́, и спо­до́­би нас, гре́ш­ных и не­до­сто́й­ных, получи́ти от Бо́­га не­из­ре­че́н­ная бла­га́я, я́же угото́ва лю́бящим Его́. Я́ко по­до­ба́­ет Ему́ вся­кая сла́­ва, честь и по­кло­не́­ние, Отцу́ и Сы́­ну и Свя­то́­му Ду́ху, ны́­не, и при́с­но, и во ве́­ки ве­ко́в. Ами́нь.

      

Добавить комментарий

Ваш e-mail не будет опубликован. Обязательные поля помечены *