Икона Божией Матери «Неопалимая Купина» необычайно почитаема на Руси. Святая церковь поет о Деве Марии: «Якоже купина не сгораше опаляема, тако Дева родила еси » и «Радуйся , Купино Неопалимая «.
Этими словами церковь восхваляет превечное девство Пресвятой Богородицы. Пречистая, носившая во чреве Своем Бога, сравнивается с несгораемым кустом — «купиной», в пламени которого Бог явился Моисею на горе Синай. Куст купины стал одним их ветхозаветных прообразов Богоматери.
Икона Божией Матери «Неопалимая Купина» — образ поистине космического звучания. Он подытоживает православное представление о Богородице-Церкви-Софии во всей красоте Ее вневременного и вселенского значения.
Согласно книге Ветхого Завета «Исход», еще во время нахождения израильского народа в египетском плену, Моисей, пасший овец, пришел к горе Божией Хорив, называемой теперь Синай или гора Моисея. Здесь Моисей увидел куст купины, горящий и несгорающий, и услышал глас Божий. Бог дал пророку 10 заповедей и предсказал рождение Христа.
На Синайском полуострове, у подножия горы Синай стоит самый красивый в мире монастырь Святой Екатерины, основанный в IV веке. Со времени своего основания он никогда не закрывался. Вот уже полтора тысячелетия горит эта свеча Православия, горит и не сгорает. Там до сих пор произрастает куст этого удивительного растения. А тысячи паломников находят увековеченные в камне кристаллические изображения веток этого куста.
По преданию, это и есть тот самый куст, в пламени которого Бог явился Моисею. Это особая разновидность терновника семейства рутовых, русское название ясенец, которое обладает необычными биологическими свойствами.
Его листья и ствол усеяны железками, выделяющими эфирные масла. Если в тихую погоду поднести к веточке куста спичку, то огонь будто побежит по ней, не нанося ей вреда. Это единственный куст такого рода на всем полуострове.
Иконография: Икона Божией Матери «Неопалимая Купина» относится к числу самых сложных по иконографии и своему символическому толкованию. Образ известен с ранних веков христианства.
Неопалимая купина (дословно несгораемый куст) изображалась изначально в виде горящего куста с заключенным в нем образом Богоматери (обычно иконографического типа Знамения или Оранты) и коленопреклоненным перед ним пророком Моисеем. Этот образ схож с иконой «Явления Богородицы на Почаевской горе в 1240 году», одной из особо почитаемых святынь Почаевской Лавры.
Позднее сложился довольно сложный символико — аллегорический образ, и в XVII веке появилась символическая композиция с образом Богоматери и Богомладенца, окруженных небесными сферами и двумя перекрещивающимися прямоугольниками, образующими восьмиконечную звезду.
Звезда, на фоне которой изображены Богоматерь и Богомладенец, составлена из двух острых четырехугольников с вогнутыми краями, один из которых окрашен в красный цвет — образ пламени, другой, напоминая зелень таинственного куста — в зеленый.
Все пространство иконной доски заполнено воспевающими Богоматерь небесными силами и ангелами стихий. В этом заключалась вторая тема образа: служение ангелов Богоматери и поклонение небесных сил чудесному рождению Бога от Девы. Эта тема нашла свое отражение во многих богослужебных текстах.
В углах иконы четыре символа Евангелистов, а также Архангелы с теми символами, какие предписывает им церковное предание, — Михаил с жезлом, Рафаил с сосудом алавастром, Уриил с огненным мечом, Селафиил с кадилом, Варахиил с виноградной гроздью и Гавриил с веткой благовестия.
В руках Пречистой Девы изображается еще иногда лествица, касающаяся плеча Богоматери, знамение того, что Она возвела человечество от земли до Неба.
История образа: Самая древняя в России икона Божией Матери Неопалимая Купина была принесена палестинскими иноками в 1390 году в Москву. Согласно преданию, она написана на камне той скалы, где Моисей видел чудный куст.
Эта чудотворная икона Божией Матери «Неопалимая Купина» была помещена в алтаре Благовещенского собора Московского Кремля. Икону обносили во время пожара по его границе с молебным пением. В Греции ей молятся для защиты от грозовых молний.
Другой известный чудотворный образ хранился в московской церкви в честь иконы «Неопалимая Купина» в Хамовниках. Эта церковь была разрушена в 1930 году. От нее осталось лишь напоминание в названии Неопалимовского переулка.
О происхождении этой иконы Божией Матери «Неопалимая Купина» нет письменного предания, но существует устное, перешедшее от родственников строителя храма, посвященного означенной иконе в Москве.
Чудотворения: По этому преданию, стремянный конюх царя Феодора Алексеевича Димитрий Колошин, человек богатый, особенно уважал икону Богоматери «Неопалимую Купину», стоявшую в святых сенях при царской Грановитой палате. Каждый раз, приходя во дворец и покидая его, он усердно молился перед иконой Божией Матери.
Однажды, подпав невинно гневу царя и не надеясь оправдаться перед ним, Колошин еще с большим усердием начал молиться перед образом Пресвятой Богородицы, прося защитить его. Царю Феодору Алексеевичу во сне явилась Богоматерь и объявила конюшего невинным.
Царь, исследовав дело, признал его невиновность и вернул ему прежнее свое расположение. В благодарность своей Избавительнице Колошин выпросил у царя икону Божией Матери «Неопалимая Купина» и выстроил во имя ее храм. Это событие относится к 1680 году.
Чудотворная икона Божией Матери «Неопалимая Купина» пользовалась большим почитанием особенно среди крестьянского населения, так как с ней связано много случаев спасения от пожаров, которые были нередки на Руси среди деревянных построек.
Вообще жившие в этом приходе замечали, что в нем бывали очень редко пожары, да и те очень незначительны. Это приписывали особому покровительству Богоматери. Но, к сожалению, после разрушения храма чудотворная икона Божией Матери «Неопалимая Купина» исчезла.
Еще об одном случае повествует народная молва. Когда в 1812 году Москва была занята французами, повсеместно происходил грабеж и разорение. Жертвами грабежа зачастую становились храмы с имевшимися в них богато украшенными иконами и прочими ценностями. Один польский солдат снял серебряную ризу с драгоценными камнями с иконы Божией Матери «Неопалимая Купина».
Однако спустя короткое время он принес ее протоиерею Новодевичьего монастыря, отцу Введенскому, и просил возвратить ее в ту церковь, где она была похищена. К этому он прибавил, что с того времени, как он снял ее, его мучила сильная тоска.
Эту ризу по выходе из Москвы французов протоиерей возвратил в Неопалимовскую церковь. После с прибавлением серебра она была переделана в ту, которая находилась на этой иконе до исчезновения.
В новое время в 1822 году прославилась икона Божией Матери «Неопалимая Купина» в городе Славянске Харьковской епархии Украины. В тот год в городе начали происходить опустошительные пожары, люди были в отчаянии. И вот одной благочестивой старушке Бельницкой было явлено во сне, что пожары прекратятся после написания иконы «Неопалимая Купина» и молитв перед образом.
Икона Божией Матери «Неопалимая Купина» была тотчас написана лучшими иконописцами. Перед образом была отслужена Божественная литургия, а после совершен молебен с акафистом. В тот же день случился новый пожар и была задержана поджигательница — полоумная девица Мавра.
После этого пожары прекратились, а благодарные жители Славянска устроили для иконы дорогой киот с надписью: «В память 1822 года за спасение города от пожара». С тех пор почитание образа Пресвятой Богородицы в Воскресенском храме Славянска укрепилось в этом краю и далеко за его пределами.
Молитвенная традиция: Икона Божией Матери «Неопалимая Купина» почитается как заступнца при пожарах. Перед иконой молятся об избавлении от пожара и поражения молнией, от лютых бед, об исцелении недугов.
12 сентября 2008 года Президент Украины подписал указ об установлении нового профессионального праздника — День спасателя, который отмечается именно в день празднования иконы Божией Матери «Неопалимая Купина».
Празднование: 4 / 17 сентября .
АКАФИСТ ПРЕСВЯТОЙ БОГОРОДИЦЕ В ЧЕСТЬ ИКОНЫ ЕЯ «НЕОПАЛИМАЯ КУПИНА»
Тропарь, глас 4
Иже во огни купины неопалимыя, древле Моисеем виденныя, тайну воплощения Своего от Неискусобрачныя Девы Марии Прообразовавый, Той и ныне, яко чудес Творец и всея твари Создатель, икону Ея святую чудесы многими прослави, даровав ю верным во исцеление недугом и в защищение от огненнаго запаления. Сего ради вопием Преблагословенней: Надеждо христиан, от лютых бед, огня и грома избави на Тя уповающия и спаси души наша яко Милосерда.
Кондак, глас 8
Предочистим чувствия душ и телес наших, да видим таинство Божественное, образно явленное древле великому во пророцех Моисею купиною, горевшею огнем и не сгаравшею, в нейже Твоего безсеменнаго Рождества, Богородице, предвозвещение исповедуем и, благоговейно покланяющеся Тебе и рождшемуся от Тебе Спасу нашему, со страхом вопием: радуйся, Владычице, покрове, и прибежище, и спасение душ наших.
Кондак 1
Взбранной Воеводе, Пречистей и Богообрадованней Деве Богородице, огнезрачныя иконы Своея явлением обрадовавшей Церковь Христову и ею от огненнаго запаления защищающей верныя, похвальное возглашаем пение; Ты же, о Богомати, Купина Неопалимая нами именуемая, яко имущая державу непобедимую и милосердие многое, ускори на помощь к нам, требующим Твоего заступления, и от всяких бед свободи зовущих Ти: Радуйся, Благодатная, Купино Неопалимая, огненнаго запаления нас избавляющая.
Икос 1
Ангелов Царице и всея твари Владычице Госпоже Богородице, от Ангельских ликов горе приемлющая хвалебное пение, сподоби и нас, земных и перстных, возносити к Тебе гласы хвалы благодарения за премногую милость Твою к роду человеческому. И аще недостойны есмы пети Тя по достоянию, обаче Ты, яко Благая, не возгнушайся наших недовлеющих похвал, и яко Сын Твой две лепте вдовицы милостивно прият, тако любоблагоутробно услыши нас, со умилением Тебе вопиющих:
Радуйся, Огнь Божества во чреве Твоем неопально носившая.
Радуйся, Спасителя падшему человечеству рождшая.
Радуйся, силу адову пречистым рождеством Твоим упразднившая.
Радуйся, Адама и Еву древняго проклятия свободившая.
Радуйся, вочеловечению Единаго от Троицы непорочно послужившая.
Радуйся, Творца Небесе и земли безсеменно воплотившая.
Радуйся, Благодатная, Купино Неопалимая, огненнаго запаления нас избавляющая.
Кондак 2
Видя Моисей на Синаи купину, огнем горевшую и не сгаравшую, ужасеся, и се бысть глас к нему Божественный от купины: «Иззуй сапоги от ног твоих: место бо, на немже ты стоиши, земля свята есть». Сего послушая, и мы, смиреннии, таинство воплощения Бога Слова от Пречистыя Девы, чудом неопалимыя купины прообразованное, исповедуем, и со страхом покланяемся месту явления Божия, зовуще Зиждителю всяческих: Аллилуиа.
Икос 2
Разум человеческий не может постигнути таинство смотрения Божия, от сложения мира искупление падшаго человечества предопределившаго в Совете Предвечном Триипостаснаго Божества, обаче Духом Святым вдохновеннии святии Божии пророцы, издалече предзряще чудо чудес, яко Творец рабий зрак восприимет, спасти хотя дело рук Своих от погибели вечныя, возвещаху прообразы и пророчествы неложными, имущее совершитися искупление рода человеча обетованным Искупителем, Емуже Ты, Всечистая, плоть взаимодавши, сподобилася еси быти Материю Господа Твоего, внушающаго нам вопити к Тебе:
Радуйся, огнезрачная палато на Херувимах Седящаго.
Радуйся, светоносная ложнице Серафимы Повелевающаго.
Радуйся, одре Царя Великаго верху горы небесныя.
Радуйся, престоле одушевленный Обладающаго горними и дольними.
Радуйся, киоте освященный Божества, Святая святых больший.
Радуйся, стамно всезлатая, в нейже манна спасительная уготовася, Плоть и Кровь Божественнаго Агнца.
Радуйся, Благодатная, Купино Неопалимая, огненнаго запаления нас избавляющая.
Кондак 3
Силою Всевышняго действуя, Владычице Преблагая, силу естества огненнаго укрощаеши святою иконою Твоею и многа чудеса ею содеваеши во вселенней. Темже род христианский ублажает Тя гласы хвалебными и в бедах внезапных, наипаче же во время огненнаго запаления, к Тебе молитвенно притекает, приемля помощь от Тебе благовременну. Сего ради благодарственно вопием прославльшему Тя Царю Славы Христу: Аллилуиа.
Икос 3
Имея любовь велию к людям искупленным честною Кровию Сына Твоего и Бога, Богомати Пречистая, прияла еси от Него власть строити и покрывати род христианский: Ты бо грешником еси Споручница покаяния их пред Творцем, ненадежным надежда спасения, бедствующим помощь скорая, погибшим взыскание державное и всему миру покров. Тебе, милосердой и благолюбивой Заступнице нашей, за любовь любовию воздающе, смиренномудренно глаголем:
Радуйся, радосте всемирная, еюже слезы отъемлются от очес страждущих и скорбящих.
Радуйся, прибежище благоотишное, в немже спасаются обуреваемии бурею страстей житейскаго моря.
Радуйся, Утолительнице всемогущая праведно движимаго на нас гнева Божия.
Радуйся, пламень огня угашающая росою молитв Твоих у Престола Вседержителя.
Радуйся, от грома и молнии соблюдающая предстательством Твоим небесным.
Радуйся, помощь Твою святую благовременно подающая всякой душе, верно Тебе молящейся.
Радуйся, Благодатная, Купино Неопалимая, огненнаго запаления нас избавляющая.
Кондак 4
Буря огненная егда найдет на нас внезапно и пламень грады и веси наша обымет, тогда, Госпоже Всемилостивая, ускори на помощь к нам, безпомощным, и иконою Твоею честною защити и избави нас от огненнаго наказания, егоже сотворихомся достойни грех ради наших: Тебе бо, грешнии, имамы Заступницу непостыдную, на Тя упование наше возлагаем и, прославляюще силу молитв Твоих, Рождшемуся от Тебе зовем: Аллилуиа.
Икос 4
Слышим и видим чудеса велия от иконы Твоея бываемая, Царице наша Всеблагая, юже даровала еси нам во утешение и защиту в несчастиях: се бо и всепоядающий огнь изнемогает в силе своей пред силою благодатною Твоего пречистаго образа, якоже многажды видехом и испытахом, Неопалимою Купиною Тя именуя в изображении сего Твоего образа и пред ним Тебе воспевающе гласы хвалебными сице:
Радуйся, Молитвеннице неусыпающая ко Христу Богу, на милость к нам Его преклоняющая.
Радуйся, кару Божию за беззакония наша от глав наших отводящая.
Радуйся, ризою Твоею честною от всяких несчастий нас сохраняющая.
Радуйся, матерним покровом щедрот Твоих жилища наша от огня и грома соблюдающая.
Радуйся, Всемилостивая Услышательнице гласов наших молебных в скорби и обстоянии.
Радуйся, державная Скоропомощнице наша во дни тяжких испытаний.
Радуйся, Благодатная, Купино Неопалимая, огненнаго запаления нас избавляющая.
Кондак 5
Боготечная звезда, икона Твоя всечестная, Богородице Дево, во всем мире чудес множеством благодатно сияет и просвещает души и сердца человеческия к познанию велия Твоего милосердия, имже род христианский покрываеши и заступаеши, яко Мати благосердная. О сем радующиеся, благодарим Христа Бога, Тебе, Матерь Свою по плоти, и нам в Матерь по духу даровавшаго, и зовем Ему во умилении глубоцем: Аллилуиа.
Икос 5
Видим икону Твою, Владычице, яко воистину купину неопалимую, во огни несгарающую, и присутствием своим жилища человеческия в пламени несгораемыми соделовающую:Тебе бо дадеся благодать свыше, силу естества во чреве Твоем неопально вместившей, сея же благодати и пречистый образ Твой причастен показася, темже от верных Неопалимою Купиною наименовася, егоже мы чествуем благолепно, и Тебе хвалебно вопием:
Радуйся, свеще неугасимая, в молитвах за нас у Престола Господня присногорящая.
Радуйся, огнем любве Божия и наша хладная сердца воспламеняющая.
Радуйся, сению молитв Твоих зной страстей наших прохлаждающая.
Радуйся, в час скорби и недоумения помыслы душеполезныя нам низпосылающая.
Радуйся, во время безпомощия нашего, егда бедствуем и не имамы помогающаго, на помощь к нам ускоряющая.
Радуйся, в годину несчастий внезапных державною рукою Твоею от погибели нас исхищающая.
Радуйся, Благодатная, Купино Неопалимая, огненнаго запаления нас избавляющая.
Кондак 6
Проповедует Церковь Христова чудеса Твоя, Богородительнице, яже песка морскаго и звезд небесных множае суть: от востока бо и до запада хвально имя Твое чудесы и несть града или страны, идеже не совершися Тобою действо силы Божия во избавление и спасение, просвещение и исцеление людей христоименитых, наипаче же чрез иконы Твоя святыя обыкла еси чудотворити, изливающи от них струи милости и щедрот бедствующему и болящему человечеству. Сего ради славословим Тя гласы песний духовных и вопием Сыну Твоему и Богу нашему: Аллилуиа.
Икос 6
Возсияла еси в светолитии божественныя славы, Дево Богоотроковице, Младенца Предвечнаго Господа Иисуса Христа на руку Твоею держащи, и ликом Сил Ангельских окружаема, якоже Тя видим на иконе изображенную, Моисейскую Неопалимую Купину таинственно пронареченную, от неяже дары благодатныя верным даруеши, от огня и грома спасаеши, недужныя врачуеши, скорбящия утешаеши, и всем вся благая и душеполезная низпосылаеши, во еже пети Тебе гласы немолчными сице:
Радуйся, о Нейже радуется и торжествует Ангельский собор и человеческий род.
Радуйся, Еяже слава превосходит похвалы земныя и небесныя.
Радуйся, от горних высот всю вселенную матернею любовию Твоею назирающая.
Радуйся, юдоль земную многоскорбную благодеянии Твоими посещающая.
Радуйся, неисчетною благостынею Твоею не оставляющая презренныя и отверженныя.
Радуйся, сердоболием Твоим от рова погибельнаго исхищающая безнадежных.
Радуйся, Благодатная, Купино Неопалимая, огненнаго запаления нас избавляющая.
Кондак 7
Хотя Господь явити любовь Свою к людям, искупленным Его Кровию, дарова нам в покров и защиту Матерь Свою Пренепорочную и Сию сотвори прибежище благоотишное всякой души христианстей, скорбящей и озлобленней, помощи и милости требующей. Ведуще убо о таковом милосердом служении Твоем роду человеческому, Владычице Всеблагая, к Тебе очи наша в скорбех возводим и руце молебно простираем, утешения от Тебе единыя просяще, да спасеши нас предстательством Твоим от скорбей временных и вечных и сподобиши на земли живых в радости святых пети Богу: Аллилуиа.
Икос 7
Дивно прославила еси чудесы икону Твою святую, Купиною Неопалимою именуемую, Богородительнице Дево, еюже грады и веси от запаления огненнаго и молниеноснаго грома соблюдаеши и домы верных благословляеши, в нихже чествуется благоговейно пречистаго лика Твоего подобие. Сего ради, яко дар многоценен, образ Твой благодатный радостно приемлем, достодолжным поклонением почитаем и Тя по долгу ублажаем благохвалении сими:
Радуйся, алавастре врачевания, на всяк недуг врачевство содержащий.
Радуйся, мироположнице благоухания Христова, облагоухавшая падшее человечество.
Радуйся, узы греховныя разрешающая кающимся грешником.
Радуйся, пленницы страстей сокрушающая подвизающимся о чистоте.
Радуйся, дев Младопитательнице и матерей тихое веселие.
Радуйся, вдов Заступнице и сирот благосердое призрение.
Радуйся, Благодатная, Купино Неопалимая, огненнаго запаления нас избавляющая.
Кондак 8
Странно есть видети, яко икона Твоя, Владычице, на дске написанная и, по естеству своему, огненному действу подверженная, силу пачеестественную являет и присутствием своим силу огня укрощает. Познавая в сем силу Божию и Твоих молитв действо, величаем возвеличившаго Тя Зиждителя всяческих Бога, во отраду и утешение нам даровавшаго образ Твой чудотворный и им спасающаго нас от огненнаго запаления, да присно зовем Ему благодарственно и хвалебно: Аллилуиа.
Икос 8
Весь мир христианский славит имя Твое, Преблагословенная Марие Богородице, и всякому верному сладостно и утешительно есть взирати на пречистаго лика Твоего подобие, имже обыкла еси являти многая и преславная чудеса. Се и мы, смиреннии, Твою святую икону видяще, боголепно ей покланяемся и с любовию ю лобызаем, чающе от нея помощи и заступления Твоего державнаго, наипаче во время безпомощия нашего, егда, грех ради наших, огненное запаление на ны найдет внезапно, да спасаеми Тобою от погибельнаго пламени, благодарными усты Тебе вопием:
Радуйся, нерукотворенная скиние Бога Слова, Херувимы превышающая и Серафимы превосходящая святынею и чистотою.
Радуйся, облаче легкий Солнца Правды, имже Небесный к земным прииде, да на небо с Собою нас возведет.
Радуйся, райския двери отверзшая падшему человечеству рождеством Твоим святым.
Радуйся, небо и землю во едино совокупльшая пети Тебе и Рождшемуся от Тебе немолчныя хвалы.
Радуйся, Божественный источниче, воду жизни источивший, от неяже пиющии ктому не умирают.
Радуйся, Грозд спасения возрастившая благословенная лозо, вино безсмертия искапающий человеком.
Радуйся, Благодатная, Купино Неопалимая, огненнаго запаления нас избавляющая.
Кондак 9
Всяку похвалу превосходит слава Твоя, Преблагословенная и Препрославленная Матерь Господа нашего: недоумевают бо и умы безплотнии пети Тя по достоянию, тем паче нам земным и перстным сие неудобно есть, но любовию к Тебе побеждаеми, дерзаем приносити Тебе посильное пение хвалы и благодарения за премногую милость Твою к роду человеческому, егоже возлюбила еси и емуже благотворити не престаеши, подвизая всяк возраст верных взывати рождшемуся от Тебе Спасу Христу: Аллилуиа.
Икос 9
Ветии человеческия изнемогают постигнути велию тайну Твоего Приснодевства, Богородительнице, юже утаи Господь от премудрых века сего и верою откры смиренным и благоговейным, пытливаго испытания чуждым, от нихже православно и несумненно до рождества, и в рождестве, и по рождестве Дева проповедуешися. Приими убо, о Мати и Дево, и наше о сем исповедание вседушевное и укрепи нас последовати Тебе житием непорочным и сердечною чистотою, да возможем благоугодно воспевати к Тебе песни сицевыя:
Радуйся, крине белоснежный девства и чистоты, неувядаемо цветущий горе.
Радуйся, к девству и чистоте невидимо руководствующая живущих доле.
Радуйся, материнство и девство в Себе чудно сочетавшая.
Радуйся, во обою непорочно и свято Себе соблюдшая.
Радуйся, иноческих ликов Предводительнице в девстве богоугоднем.
Радуйся, девственных полков Начальнице в чистоте души и тела.
Радуйся, Благодатная, Купино Неопалимая, огненнаго запаления нас избавляющая.
Кондак 10
Спасение человеческое устрояя Един от Троицы воплотитися от Тебе изволи, Богоневесто Владычице, естество человеческое прославив седением одесную Отца на Престоле Божества, яко Сын Единородный, Тойже и Сын Твой по плоти бысть, и Тебе с Собою прослави славою превышшею всякия славы, еяже добротою осеняема, не забываеши милостивно род человеческий, но молитвенно предстательствуеши пред Творцем, в Троице Единем, о всех верно поющих Ему славословия песнь: Аллилуиа.
Икос 10
Стена еси девственным ликом и иноческим соборам, Богородице Дево, и всем усердно к Тебе в молитвах притекающим, икону же Твою святую благоговейно чествующим: Тебе бо единей даровася от Господа благодать всемирнаго заступления и верных в девстве и чистоте утверждения. Темже непорочнаго жития рачителие под матерний покров Твой от бури страстей прибегают и благоотишие душевное находят, согласно Тебе взывающе:
Радуйся, иноков и инокинь благочестивых изрядная Покровительнице и теплая к Богу о них Ходатаице.
Радуйся, тайных среди мира рабов Божиих всегдашняя Помощнице и в подвизех духовных Руководительнице.
Радуйся, юных Наставнице целомудрия и воздержания.
Радуйся, старцев благоговейных упокоение и отрадо.
Радуйся, домы и семейства христианския осеняющая благим Твоим покровом.
Радуйся, всяк возраст верных сподобляющая Твоего благосерднаго попечения.
Радуйся, Благодатная, Купино Неопалимая, огненнаго запаления нас избавляющая.
Кондак 11
Пение хвалебное приносит Тебе немолчно Святая Христова Церковь, Всепетая Владычице, возвещающи милости Твоя и чудеса, имиже обогатися вся вселенная. Воистину, кто бо, якоже Ты, скоропослушлив есть к молитвенным прошениям нашим? Но и самыя прошения обыкла еси предваряти, милующи и ущедряющи требующих помощи Твоея святыя, еяже не лиши и нас, смиренных, в час сей поющих во славу имени Твоего и вопиющих Богу: Аллилуиа.
Икос 11
Светозарная Твоя икона, Богомати Пречистая, просвещает потемненныя грехами души наша сиянием Божественных чудес, в нихже познаем Божия всемогущества силу и Твое милосердие неисчетное, присно готовое способствовати нам в покаянии и обращении от злых дел на путь спасения. Молим убо Тя, Всеблагая: не остави нас заблуждати в дебрех грехов и страстей, но приведи к тихому пристанищу благочестнаго и богоугоднаго жития, да возможем достойно приносити Тебе сия песненныя дары:
Радуйся, враги наша невидимыя запинающая бодренною Твоею молитвою.
Радуйся, не попускающая обладати им над нами насилием смертнаго сего телесе.
Радуйся, яко бесы имени Твоего святаго боятся и трепещут.
Радуйся, яко икона Твоя честная всяку силу диаволю присутствием своим прогонит.
Радуйся, подвижников благочестия укрепляющая в бранех духовных со врагами спасения человеческаго.
Радуйся, в час кончины помогающая любовь и веру к Тебе имущим.
Радуйся, Благодатная, Купино Неопалимая, огненнаго запаления нас избавляющая.
Кондак 12
Благодати Божия причастну исповедуем Твою святую икону, Богоблагодатная Дево, и светло торжествуем праздник ея явления: во образе со неопалимыя купины сия явльшися, тожде и действо показует своими чудесы, от огненнаго пламени сохраняющи и соблюдающи жилища наша своим присутствием. Сию убо, яко щит и забрало имуще, Тебе, Помощницу нашу державную, хвалами песненными ублажаем и рождшемуся от Тебе Спасителю нашему вопием: Аллилуиа.
Икос 12
Поем Тя, Богородительнице, едину надежду и упование наше, проповедуем милости Твоя и не таим чудес Твоих, прославляем неисчетную благость Твою к роду христианскому, благословляем имя Твое святое, еже воистинну миро излиянное есть любящим Тя, благоуханием духовным исполняющее благочестивыя души. Облагоухай убо и нас, Владычице, смердящих страстьми греховными, и сподоби чистым сердцем и нескверными усты взывати к Тебе:
Радуйся, миро источающая сладостное и душеспасительное, имже умащаются сердца боголюбивая.
Радуйся, недуги душевныя и телесныя врачующая единым прикосновением к иконе Твоей святей.
Радуйся, Водительнице Благая, на путь богоугождения и спасения направляющая кающихся грешников.
Радуйся, лествицею добродетелей возводящая подвижников Христовых ко вратам Царствия Небеснаго.
Радуйся, смиренных и терпеливых страдальцев венчающая утешением благодатным.
Радуйся, изгнанных и гонимых безвинно услаждающая предвкушением блаженства райскаго.
Радуйся, Благодатная, Купино Неопалимая, огненнаго запаления нас избавляющая.
Кондак 13
О Всепетая Мати, рождшая всех святых Святейшее Слово и Неопалимою Купиною от нас, недостойных, именуемая! Вонми гласу молений и пений наших, пред святою иконою Твоею усердно Тебе возносимому, и теплою молитвою Твоею ко Господу огня временнаго и вечнаго избави нас, хвалящих имя Твое и прославляющих чудеса Твоя, Сыну же Твоему и Богу нашему вопиющих: Аллилуиа.
(Этот кондак читается трижды, затем икос 1 и кондак 1).
Молитва
О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред святою и пречестною иконою Твоею, еюже дивная и преславная чудеса содеваеши, от огненнаго запаления и молниеноснаго грома жилища наша спасаеши, недужныя исцеляеши и всякое благое прошение наше во благо исполняеши. Смиренно молим Тя, всесильная рода нашего Заступнице: сподоби ны, немощныя и грешныя, Твоего матерняго заступления и благопопечения. Спаси и сохрани, Владычице, под кровом милости Твоея Церковь Святую, град сей, всю страну нашу православную, и вся ны, припадающия к Тебе с верою и любовию и со умиленными слезами Твоего заступления просящия. Ей, Госпоже Всемилостивая! Умилосердися на нас, обуреваемых грехми многими и не имущих дерзновения ко Христу Господу просити Его о помиловании и прощении, но Тебе предлагаем к Нему на умоление, Матерь Его по плоти: Ты же, Всеблагая, простри к Нему богоприимнии руце Твои и предстательствуй за нас пред Его благостию, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его. В час же грознаго посещения Божия, аще огнем возгорятся домы наша, или молниеносным громом устрашаеми будем, яви нам милостивное Твое заступление и державное вспоможение, да спасаеми всесильными Твоими ко Господу молитвами, временнаго наказания Божия зде избегнем, вечное же блаженство райское тамо унаследуем и со всеми святыми воспоем пречестное и великолепое имя покланяемыя Троицы, Отца и Сына и Святаго Духа, и Твое велие к нам милосердие, во веки веков. Аминь.
