Икона Божией Матери «Троеручица» — это широко почитаемый и прославленный образ в Православии. Удивительная и трогательная история иконы «Троеручица» связана с именем преподобного Иоанна Дамаскина и описана в его житии.
История образа: Преподобный был пламенным защитником православия и почитания святых икон. Когда на Византийский престол в 716 году вступил император — иконоборец Лев Исавр, он в своем рвении решил оклеветать Иоанна Дамаскина, служившего у Дамасского халифа в качестве первого министра, и труды которого оказывали сильнейшее воздействие на духовную жизнь христиан, и обвинил его в написании враждебных писем против Дамаска и самого халифа.
Халиф, поверив доносу клеветников, повелел отсечь своему министру кисть правой руки, писавшей эти письма, и повесить ее на площади на страх другим. Святой Иоанн жестоко страдал от боли, но еще больше от незаслуженно нанесенной ему обиды.
Вечером того же дня преподобный через друзей упросил халифа отдать ему отсеченную руку. Получив руку, Иоанн затворился в своей келии и пал пред иконой Богоматери. Приложив отсеченную кисть на прежнее место, он стал слезно молиться Матери Божией, прося вернуть ему возможность трудиться на пользу верных.
Богородица вняла его мольбам, явившись ему во сне и напомнив об обещании. Наутро Иоанн проснулся исцеленным. По преданию, всю радость от своего исцеления и от посещения Пресвятой Девы святой Иоанн Дамаскин излил в песнопении «О Тебе радуется, Благодатная, всякая тварь». Эта песнь является задостойником в литургии святого Василия Великого и входит в богослужение до сих пор.
Иконография: Иконографический тип — Одигитрия. Это поясное изображение Пресвятой Богородицы с Богомладенцем на правой руке. В нижней части иконы Матери Божией «Троеручица», под правой Ее рукой изображена человеческая кисть, составляющая часть серебряного оклада.
Иоанн Дамаскин принял монашеский постриг в лавре преподобного Саввы Освященного, куда и передал чудотворную икону. По одним источникам он сделал из серебра кисть руки и прикрепил ее к иконе, по другим сам дописал на ней третью руку. Поэтому образ и стал именоваться «икона Божией Матери «Троеручица».
Изображение как бы приложенной к образу кисти руки считается более правильным, нежели изображение третьей руки Богородицы. В те далекие времена существовал обычай в знак благодарности за исцеление приносить в дар чудотворной иконе вылитые из драгоценных металлов скульптурные изображения исцеленных органов.
Иконография образа «Троеручица» имеет и другие особенности. Пресвятая Богородица сидит на иконе совершенно прямо, ее глава лишь слегка наклонена к Младенцу Христу, Который, сидя на правой руке Богоматери, внимательно смотрит на Мать, но не приникает к Ней. Они точно ведут безмолвную беседу о будущих страданиях Сына Божия.
Первообраз, Хиландарская икона Божией Матери «Троеручица» достаточно большая, 94 х 67 сантиметров. Считается, что в древности икона была так называемой «выносной», то есть предназначенной для крестных ходов. Такие иконы часто имели изображения на обеих сторонах. Не исключение и эта святыня. На ее обороте изображение святителя Николая Мирликийского.
Живопись обоих изображений находится в хорошем состоянии. Приблизительно в конце XIX века на изображении Богоматери появился серебряный оклад. Открытым осталось только личное письмо. Почти во всех публикациях икона воспроизводится в окладе.
Икона Божией Матери «Троеручица» из Свято — Троицкого Ионинского монастыря города Киева.
Местонахождение образа: В ХIII веке чудотворная икона была передана святителю Савве Сербскому. Во время османского нашествия на Сербию, христиане, желая сохранить святыню, поручили ее попечению Самой Матери Божией.
Они, согласно монастырского предания, возложили икону на осла, который без погонщика пришел на Афон и остановился у Хиландарского монастыря. Здесь икона Божией Матери «Троеручица» пребывает до настоящего времени. Считается, что это та самая икона, у которой молился Иоанн Дамаскин.
Иноки, приняв икону, поместили ее в соборном храме. Во время разногласий при выборе настоятеля Пресвятая Богородица благоволила Сама принять настоятельство, и Ее святая икона заняла игуменское место. С тех пор в Хиландарской обители избирается только наместник, а иноки, по монастырскому обычаю, получают от святой иконы благословение на послушания.
Икона Божией Матери «Троеручица» находится на восточной стороне ближайшего к алтарю юго-западного столба Хиландарского собора, посвященного празднику Введения во храм Пресвятой Богородицы. Она помещена на месте игуменского трона под богато украшенным резным балдахином XIV века. Рядом находится трон игумена монастыря.
Списки иконы: C Афона список иконы Матери Божией «Троеручица» принесен был в Москву в 1661 году, 28 июня. Патриарх Никон поставил икону Божией Матери «Троеручица» в Воскресенском монастыре, именуемом Новым Иерусалимом.
Такой же список иконы находится еще в Белобережской пустыни Орловской епархии. Сюда принесен он в 1661 году основателем обители иеромонахом Симеоном. Жители окрестных селений очень чтут сию икону.
В Москве, в церкви Покрова на Голиках, икона Божией Матери «Троеручица» почитается чудотворной. Есть почитаемый список иконы в Свято — Даниловом монастыре, в храме Успения Пресвятой Богородицы в Гончарах (Болгарское подворье). С заступничеством Пресвятой Богородицы связывают то, что храм в Гончарах даже во времена самых лютых гонений на церковь остался цел и никогда не закрывался, даже сохранил все свои колокола.
Икона Божией Матери «Троеручица» (чудотворный список) является одной из главных святынь Троянского монастыря в Болгарии. Есть икона Божией Матери «Троеручица», очень почитаемая местными жителями, в Спасо-Преображенском соборе города Чернигова.
Молитвенная традиция: Перед иконой молятся об исцелении болезней и увечья рук, в душевном неспокойствии, от пожара, о даровании детей и здоровья.
Празднование: 28 июня / 11 июля и 12 / 25 июля.
Акафист Пресвятой Богородице в честь иконы Ея «Троеручица»
Тропарь, глас 4
Днесь всемирная радость возсия нам велия: даровася святей Горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих в прославление Святыя Троицы, созываеши бо верных и молящихся Тебе о сем познати, яко двема Сына и Господа держиши, третию же яви на прибежище и покров чтущим Тя, от всяких напастей и бед избавляти, да вси, притекающии к Тебе, верою приемлют неоскудно от всех зол свобождение, от врагов защищение, сего ради и мы вкупе со Афоном вопием: радуйся, Благодатная, Господь с Тобою.
Кондак, глас 8
Днесь веселое наста ныне Твое торжество, Богомати Пречистая, вси вернии исполнишася радости и веселия, яко сподобльшеся изрядно воспети предивное явление честнаго образа Твоего и рождшагося из Тебе Младенца, истинна же Бога, Егоже двема рукама объемлеши, и третиею от напастей и бед нас изымаеши и избавляеши от всех зол и обстояний.
Кондак 1
Взбранной Воеводе, Богообрадованной Приснодеве Богородице, посетившей Гору Афонскую явлением чудотворныя иконы Своея и многия милости Ею дарующей роду христианскому, похвальное возглашаем ныне пение; Ты же, о Богомати, яко имущая державу непобедимую и матернее о нас попечение, предвари на помощь к нам и от всяких бед избави зовущих Ти: Радуйся, Помощнице наша, Троеручною иконою Твоею нам помогающая.
Икос 1
Ангел земный и человек Небесный преподобный Иоанн Дамаскин от любве теплыя к Тебе, Богомати Владычице, икону Твою святую соорудити потщася и сию в келлии своей благоговейно поставив, пред нею сице Тебе в молитвах усердных глаголаше:
Радуйся, радость вечную — Спасителя миру рождшая.
Радуйся, всегубительнаго ада силу Рождеством Твоим поправшая.
Радуйся, пророческих глаголов исполнение принесшая.
Радуйся, Адама и Евы преступление загладившая.
Радуйся, Единаго от Троицы на руку Твоею нетрудно носившая.
Радуйся, Огнь Божества неопально во чреве Твоем вместившая.
Радуйся, Помощнице наша, Троеручною иконою Твоею нам помогающая.
Кондак 2
Видя преподобный Иоанн Дамаскин десницу свою, много писавшую в защиту чести и поклонения святых икон, по навету царя иконоборца немилостиво отсеченную, испроси ю от невернаго мучителя и, приложив к усеченному ея составу, пред честною иконою Твоею, Пречистая Дево, слезно моляшеся Ти, о еже исцелитися ей. Ты же, Всеблагая и Всемощная рода нашего Заступнице, молитву его скоро услышала еси и, во сне представ ему, исцеление усеченной руце его даровала еси, да благодарственно поет Богу: Аллилуиа.
Икос 2
Разум человеческий не может постигнути силу исцелений благодатных, иконою Твоею, о Богомати, чудесно являемых, не может изъяснити и чудо велие, како отсеченная десница преподобнаго во едину нощь цела и здрава обретеся, на нейже токмо червленный знак бывшия язвы оставлен бысть Врачебницею Благою, слышащею от нас сия похвалы:
Радуйся, скоро являющаяся Утешительнице скорбящих душ.
Радуйся, радостотворная Посетительнице болезнующих сердец.
Радуйся, безнадежных страдальцев надеждою исцеления ободряющая.
Радуйся, врачами оставленных болезнующих на Свои руце приемлющая.
Радуйся, усеченную десницу Божия избранника целу и здраву вышеестественно соделавшая.
Радуйся, яко ничтоже невозможно Тебе, Милосердая Предстательнице, нам всегда заступление показующая.
Радуйся, Помощнице наша, Троеручною иконою Твоею нам помогающая.
Кондак 3
Силу десницы Всевышняго в исцелении усеченныя десницы своея познав богоглаголивый Иоанн, песньми красными воспе Тя, Владычице Всеблагая, и подобие усеченныя руки своея приложи к целебному Твоему образу ради памяти всегдашния о великом чудеси. Тем ныне видима есть и именуется сия святая икона Твоя «Троеручица», тремя руками, на ней написанными, проявляющая таинство Святыя Троицы, чудесы же, от нея бывающими, всех приводящая хвалебно взывати ко Господу: Аллилуиа.
Икос 3
Имеяй велию ревность по Бозе, духоносный песнописец Святыя Церкве и Божественный славитель ея, сладкий преподобный Иоанн, хвалебными пении до конца жизни своея прославляше Твою к нему дивную милость, Богородительнице, в память же бывшаго чудесе плат, имже усеченная рука его обвернута бе, на главе своей ношаше, икону же Твою многоцелебную, яко наследие богатое, Святей Лавре преподобнаго Саввы Освященнаго по себе остави, да вси вернии зовут к изображенней на ней Целительнице душ и телес сице:
Радуйся, от врагов святыя Православныя веры крепкая Поборнице.
Радуйся, проповедников Евангельскаго учения Покровительнице.
Радуйся, благочестивых христиан защито и похвало.
Радуйся, боголюбивых иноков утешение.
Радуйся, ведущим брань противу мира, плоти и диавола добрая Споспешнице.
Радуйся, ревнующим о целомудрии и чистоте изрядная Пособнице.
Радуйся, Помощнице наша, Троеручною иконою Твоею нам помогающая.
Кондак 4
Буря недоумения смущает ми ум, како возмогу недостойными усты воспети славу Твою, Пречистая Дево, юже во иконе Твоей святей явила еси, даровавши ю нам в помощь и защиту от враг видимых и невидимых. Темже, величая неисчетныя милости Твоя к роду христианскому, исповедую чудеса Твоя и смиренномудренно пою Вседержителю: Аллилуиа.
Икос 4
Слышавше иноцы святыя Лавры Саввы Освященнаго о великих добродетелех пришедшаго в Лавру на поклонение первосвятителя сербскаго Саввы, по внушению Твоему, Богомати, дароваша ему на благословение святую икону Твою «Троеручицу», юже он со благоговением, яко дар многоценен, в страну Сербскую принесе, поучая паству свою звати Тебе:
Радуйся, от востока и до запада силу всемогущества Христова иконою Твоею возвещающая.
Радуйся, болезни душевныя и телесныя иконою Твоею скоро врачующая.
Радуйся, Сербстей стране икону Твою в залог благоволения даровавшая.
Радуйся, чудесы Твоими Православие в ней крепко утвердившая.
Радуйся, Симеона Мироточиваго область благодатно посетившая.
Радуйся, Саввы первопрестольнаго паству матерним Покровом Твоим приосенившая.
Радуйся, Помощнице наша, Троеручною иконою Твоею нам помогающая.
Кондак 5
Боготечней звезде подобна явися икона Твоя, Богородительнице, по воли Твоей святей на осля поставленная и отпущенная из Сербии: осляти никимже водиму, принесеся им на Гору Афонскую ко вратом обители Хилендарския, юже яко дар небесный восприимше иноцы, поставиша в алтари соборныя церкве обители, зовуще во умилении глубоцем благих Подателю Богу: Аллилуиа.
Икос 5
Видевше иноцы хилендарстии Твое к ним благоволение, Преблагословенная Дево, в чудеснем пришествии к ним святыя иконы Твоея «Троеручицы» явленное, с радостию и любовию ей покланяхуся, целующе и песненно возглашающе Ти благохваления сицевая:
Радуйся, Путеводительнице подвижников благочестия к Горнему Сиону.
Радуйся, пустыннолюбивых иноков приводящая к Небесному Иерусалиму.
Радуйся, безсловесное осля воли Твоей святей чудесно покорившая.
Радуйся, на осли икону Твою благодатную от Сербии на Афон дивно принесшая.
Радуйся, пустыню Афона благоуханием святыни исполнившая.
Радуйся, Хилендарскую обитель благоволением Твоим облагодатствовавшая.
Радуйся, Помощнице наша, Троеручною иконою Твоею нам помогающая.
Кондак 6
Проповедует обитель Хилендарская на Афоне богатство милостей и щедрот Твоих, Богородице Дево, и светло красуется, имущи святую икону Твою «Троеручицу» во игумена себе, ибо таковая бысть воля Твоя, еже пребывати иконе Твоей тамо на игуменстем месте во храме Божием и в душах братии, от Тебе единыя благословение на всякое послушание приемлющей и хвалебно зовущей тако благоволившему о них Творцу: Аллилуиа.
Икос 6
Возвестила еси волю Твою, Богомати, иноком хилендарским, разногласием во избрании игумена смущенным, чудесно поставивши святую икону Твою на игуменстем месте во храме Божием и открывши единому от них в видении, яко Сама Ты хощеши пребывати настоятельствующею в обители их иконою Твоею честною, и да прочее не избирают себе игумена. Они же во умилении душ и сердец, обрадованнии, возопиша к Тебе:
Радуйся, иноков благоподвизающихся известная и Всемощная Покровительнице.
Радуйся, к Сыну Твоему и Богу теплая о них Предстательнице.
Радуйся, жезл игуменский в Хилендарстей обители невидимо приемшая.
Радуйся, обитель сию доселе целу и благоустроену сохраняющая.
Радуйся, страхом и благоговением сердца братии, благословение от иконы Твоея приемлющих, исполняющая.
Радуйся, неблагоговейныя и дерзостныя грозно наказующая.
Радуйся, Помощнице наша, Троеручною иконою Твоею нам помогающая.
Кондак 7
Хотя соделати не токмо Афон, но и вся иныя страны православныя причастными благодати великих чудес, иконою Твоею Троеручною изливаемых и бываемых, Пречистая Владычице, тую во всех градех, весех, церквах и обителех иноческих распространила и дивными чудесы прославила еси. Темже вся верная чада святую икону Твою «Троеручицу» любовию чествуют и на ней вкупе с Тобою изображенному Христу усердно зовут: Аллилуиа.
Икос 7
Дивно являеши, Преблагословенная Дево, милости верным людем и святою иконою Твоею «Троеручицею» преславная чудеса содеваеши силою благодати Христовы: слепыя просвещаеши, разслабленныя укрепляеши, недужныя врачуеши и всем прибегающим к целебному Твоему образу скорую помощь Твою присно являеши, подвизающи звати к Тебе:
Радуйся, Святую Гору Афонскую в жребий Себе избравшая.
Радуйся, и вся страны православныя покровом милости Твоея осенившая.
Радуйся, Хилендарския обители Настоятельнице неизменная.
Радуйся, многих мест и пустынь сокровище исцелений неоскудное.
Радуйся, на Афоне, в России, Сербии и иных странах иконою Твоею преславно чудодействующая.
Радуйся, любящия и чтущия Тя от всяких бед избавляющая.
Радуйся, Помощнице наша, Троеручною иконою Твоею нам помогающая.
Кондак 8
Странно есть видети иноки хилендарския, к иконе Твоей яко к игумену приходящия и от нея благословения на послушания своя приемлющия. Но, о Всеблагая, якоже приемлеши их милостивно и благословляеши, тако и нас, недостойных, не лиши матерняго Твоего милосердия и попечения, приими благоутробно молитвы наша пред святою иконою Твоею возносимыя, осени нас благословением Твоим благодатным, избави от всяких бед и скорбей и научи богоугодно пети Триединому Богу: Аллилуиа.
Икос 8
Весь мир преисполнен, яко звездами богосветлыми, чудотворными иконами Твоими, Богородице Дево, в нихже яко денница лучезарная, икона Твоя «Троеручица» предивными чудесы благодатно сияет и согревает хладныя сердца наша знаменьми Твоего к нам милостиваго призрения. Сего ради чествуем пречистаго лика Твоего святое изображение и Тебе пред ним вопием:
Радуйся, Богообрадованная и Пренепорочная Приснодево.
Радуйся, едина Чистая и Благословенная в женах.
Радуйся, нетленная и неискусобрачная Агнца и Пастыря Мати.
Радуйся, прекрасная и светоносная палато святых Святейшаго Слова.
Радуйся, крине белоснежный и благовонный девства и чистоты.
Радуйся, Царице и Владычице Небесе и земли.
Радуйся, Помощнице наша, Троеручною иконою Твоею нам помогающая.
Кондак 9
Всяк возраст верных благопользуется Твоим матерним попечением, Всеблагая Владычице: младенцы милосердно окормляеши, отроки невидимо руководствуеши, мужи во благочестии утверждаеши, старцы в немощех укрепляеши, всем же вся благая и душеполезная даруеши всесильным ходатайством Твоим у Престола Пресвятыя Троицы, Ейже благодарно поем: Аллилуиа.
Икос 9
Ветии человечестии не могут достойно восхвалити Тя, Богородице, честнейшую Херувим и славнейшую Серафим, рождшую Единаго от Троицы Христа Жизнодавца. Мы же, любовию к Тебе воодушевленнии, смиренномудренно дерзаем приносити Тебе песни таковыя:
Радуйся, державная Заступнице рода христианскаго.
Радуйся, Благосердая Мати всех скорбящих и обремененных.
Радуйся, кротким сиянием Твоим мрак грехов и страстей наших разгоняющая.
Радуйся, на стези покаяния нас премудро наставляющая.
Радуйся, в грозный час смерти всем нам крепкая Защитнице.
Радуйся, добраго ответа нам пред Судиею Праведным усердная Ходатаице.
Радуйся, Помощнице наша, Троеручною иконою Твоею нам помогающая.
Кондак 10
Спасения залог даровася нам святая и всечестная икона Твоя, Богородительнице Дево, ибо, якоже древле прорекла еси Божественному евангелисту Луце, с нею и доныне сила Твоя благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит, да зовем прославльшему имя Твое во вселенней Царю Небесе и земли: Аллилуиа.
Икос 10
Стена еси девам и ликом иноческим, Богоневестная Дево, всем усердно к Тебе прибегающим, икону же Твою святую благоговейно чествующим, ибо сию дарова нам благих Податель Господь в помощь и врачевство недугом душевным и телесным и сим внушает пети Тебе:
Радуйся, добрая Младопитательнице дев и безматерних сирот.
Радуйся, иноков и инокинь благоскорбящих Предводительнице к наградам Небесным.
Радуйся, в узах и темнице седящих посещающая утешением благодатным.
Радуйся, благословение домов и супружеств благочестивых.
Радуйся, юных Наставнице целомудрия и воздержания.
Радуйся, старцев приводящая к благому житию и мирней кончине.
Радуйся, Помощнице наша, Троеручною иконою Твоею нам помогающая.
Кондак 11
Пение молебное наше, Тебе пред пречистым образом Твоим с верою и любовию возносимое, милостивно услыши, Госпоже Всемилостивая, и сохрани нас от тлетворных учений неверия и суеверия, имиже наветуется в нас святоотеческая Православная вера, избави нас от лукавых совращений, сохрани нас и Отечество наше от всяких крамол и от всяких нестроений и злых развращений, врагами веры и Отечества нашего воздвизаемых, и сподоби в любви и единомыслии со всеми верными чадами Святыя Христовы Церкве богоприятно пети Создателю нашему: Аллилуиа.
Икос 11
Светоприемлемая свеща икона Твоя святая, Богородице Дево, мир весь сиянием чудес просвещает, сердца же наша любовию воспламеняет к Тебе, Пречистей и Преблагословенней Матери Сладчайшаго Господа нашего Иисуса Христа, даровавшаго нам Тебе в покров и защиту противу полчищ сатанинских, иже боятся и трепещут самаго имене Твоего, ведающе силу Твою, юже величаем и Тебе зовем:
Радуйся, враги наша видимыя и невидимыя премудро запинающая.
Радуйся, хулителей святыя Православныя веры невидимо карающая.
Радуйся, духов злобы от нас державно отгоняющая.
Радуйся, преобладети им над нами не попускающая.
Радуйся, любовию к Богу и ближним нас воодушевляющая.
Радуйся, вся благая прошения наша скоро исполняющая.
Радуйся, Помощнице наша, Троеручною иконою Твоею нам помогающая.
Кондак 12
Благодать свыше даровася святей иконе Твоей «Троеручице», Владычице Преблагая: скорбящия утешати, болящия исцеляти, слепыя просвещати, разслабленныя укрепляти, верныя во благочестии утверждати, неверныя к познанию истины приводити, знаменьми и чудесы от нея бываемыми, яже воистину превосходят разумение человеческое и токмо верою постигаются, приводяще верныя души к немолчному славословию Творца, богокрасною песнию: Аллилуиа.
Икос 12
Поем чудеса Твоя, Благодатная Богородительнице, не таим щедрот Твоих, исповедуем благодеяния Твоя, прославляем неисчетную милость Твою к роду христианскому, юже ведят вси концы земли, ибо от востока до запада хвально имя Твое святое, благословляемое от всех родов и в молитвах призываемое во всех странах. Тебе убо, сице прославленней и превознесенней Сыном Твоим и Богом, и мы хвалебно вопием:
Радуйся, тихое пристанище плавающих в пучине житейскаго моря.
Радуйся, треволнение страстей умиротворяющая Своим сердобольным участием.
Радуйся, во уныние и отчаяние впадших подъемлющая надеждою спасения.
Радуйся, сомнениями в вере колеблющихся вразумляющая знаменьми и чудесы.
Радуйся, в обителех иноческих подвизающимся богоугодно Подательнице блаженнаго упокоения.
Радуйся, и в мире благочестно живущия не лишающая Твоего заступления.
Радуйся, Помощнице наша, Троеручною иконою Твоею нам помогающая.
Кондак 13
О Всепетая Мати Сладчайшаго Искупителя нашего Господа Иисуса Христа! Вонми гласу молебному, Тебе пред святою иконою Твоею нами смиренно возносимому, и матернею молитвою Твоею к рождшемуся от Тебе святых Святейшему Слову от всякия избави напасти и вечныя муки всех имя Твое молитвенно призывающих и о Тебе благодарно зовущих Богу: Аллилуиа.
(Этот кондак читается трижды, затем икос 1 и кондак 1)
Молитва
О Пресвятая и Преблагословенная Дево Богородице Марие! Припадаем и покланяемся Ти пред святою иконою Твоею, воспоминая преславное чудо Твое исцелением усеченныя десницы преподобнаго Иоанна Дамаскина от иконы сея явленное, егоже знамение доныне видимо есть на ней во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и якоже блаженнаго Иоанна, в скорби и болезни к Тебе возопившаго, услышала еси, тако и нас не презри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы и несть помогающаго, ниже заступающаго, аще не Ты умилосердишися о нас, Владычице. Ей, молим Ти ся: вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем Суде Сына Твоего и Бога нашего, Егоже умоли за нас матернею молитвою Твоею, да не осудит нас по беззаконием нашим, но да помилует нас по велицей и неизреченней милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего Господа Иисуса Христа, Емуже подобает слава и держава, честь и поклонение, купно со Отцем и Святым Духом всегда, ныне и присно, и во веки веков. Аминь.
