Преподобный Паисий Святогорец

 

Преподобный  Паисий  Святогорец 

Преподобный  Паисий  Святогорец,  афонский  старец,  величайший  подвижник,  наш  современник,  прославленный  в  лике  святых — преподобных  13  января  2015  года,  родился  в  селении  Фарасы  в  Каппадокии  25  июля  1924  году,  а  в  1950  году  стал  монахом.

Мирское  имя — Арсениос  Эзнепидис.  Отец  Арсения,  Продромос  Эзнепидис,  занимался  крестьянской  деятельностью  и  ремеслом.  Мать  Евлогия,  женщина  очень  благочестивая,  принадлежала  к  роду  Франгопулосов  и  состояла  в  родстве  с  ныне  прославленным  святым  Арсением  Каппадокийским. 

В  честь  этого  святого  и  был  крещен  будущий  старец.  С  детства  Арсений  мечтал  стать  монахом,  приучал  себя  к  молитвенному  деланию,  учился  смиренномудрию  и  воздержанию.  Научившись  грамоте,  Арсений  часто  читал  Священное  Писание  и  Жития  святых.  При  пострижении  в  монашество  он  принял  имя  Аверкий,  а  при  пострижении  в  мантию  ( схиму )  получил  имя  Паисий  в  честь  Паисия  II,  Митрополита  Кесарийского.  

Имя  старца  Паисия  известно  всем  православным.  Его  духовные  поучения  и  наставления,  простые  и  незамысловатые  по  форме,  но  глубокие  по  содержанию,  расходились  повсеместно  в  устной  и  письменной  форме  еще  при  жизни  старца.

Большая  часть  его  жизни  связана  со  Святой  горой  Афон.  Там  он  вел  скромный,  аскетический  образ  жизни.  Большую  часть  дня  будущий  старец,  преподобный  Паисий  Святогорец  проводил  в  молитвах  и  чтении  духовной  литературы  и,  несмотря  на  противопоказания  врачей,  занимался  физическим  трудом.

Будучи  богословом  опыта,  преподобный  Паисий  Святогорец  не  имел  мирской  образованности.  Он  закончил  начальную  школу,  а  его  профессией  в  миру  было  столярничество.  При  письме  старец  делал  орфографические  ошибки,  в  разговоре  не  отличался  риторским  искусством.

Но…  его  писания  поразительны,  его  слова — это  выражение  опыта.  Можно  сказать,  что  его  устами  говорил  Бог.  Преподобный  Паисий  Святогорец — один  из  самых  уважаемых  греческих  старцев  и  духовных  лидеров  греческого  народа  ХХ  века — снискал  почитание  во  всем  православном  мире.

Преподобный  Паисий  Святогорец

Очень  скоро  стало  понятно,  что  преподобный  Паисий  Святогорец  наделен  Господом  великими  дарами — прозорливостью,  даром  исцелять  духовным  словом  страждущих,  удивительной  кротостью  и  смирением.  Одним  из  наиболее  ярких  проявлений  монашеских  добродетелей  старца  Паисия  было  его  крайнее  нестяжание.

Тысячи  людей  со  всего  мира  потянулись  в  его  коливу  ( келью ),  и  старец  был  готов  принять  каждого,  днем  и  ночью.  Преподобный  Паисий  Святогорец  внимательно  выслушивал  человека  и  старался  дать  ему  полезный  совет.

Преподобный  Паисий  Святогорец — великий  учитель  Православия.  Сказанное  им  становилось  широко  известным  и  убеждало  людей.  Он  был  человеком  Божиим  и  духовно  помог  тысячам  людей:  клирикам,  монахам  и  мирянам.  Сам  старец  часто  и  тяжело  болел,  зачастую  отказываясь  от  госпитализации  и  продолжая  вести  аскетический  образ  жизни,  невзирая  на  изнурявшие  его  болезни.

Преподобный  Паисий  Святогорец  отошел  ко  Господу  12  июля  1994  года  в  возраста  69  лет  и  был  похоронен  в  монастыре  Иоанна  Богослова  в  Суроти  около  Салоник,  за  алтарем  монастырского  храма  преподобного  Арсения  Каппадокийского.  С  тех  пор  каждый  год  с  11  по  12  июля  там  проводится  всенощное  бдение  с  участием  тысяч  верующих. 

После  себя  преподобный  Паисий  Святогорец  оставил  духовное  завещание.  Собеседники  старца  (люди,  которым  посчастливилось  общаться  с  преподобным )  перенесли  устные  рассказы  и  поучения  на  бумагу,  и  они  были  изданы  в  виде  замечательных  книг.

Слова  (так  называется  серия  книг  старца,  см.  Православные  книги  в  каталоге )  преподобного  Паисия  Святогорца — это  сокровищница  духовной  мудрости,  спасение  для  души  человека  с  помощью  опыта  великого  подвижника.

Слова  преподобного Паисия Святогорца

Многие  поучения  старца  особенно  интересны  для  христиан,  живущих  в  миру,  потому  что  они  обновляют  и  формируют  в  душах  аскетический  характер  Православия,  который  в  наши  дни  исчез  из  жизни,  где  уже  господствует  мирской  дух.

Много  раз  преподобный  Паисий  Святогорец  говорил  о  том,  что  люди  сами  не  хотят,  чтобы  им  помогли,  не  желают  очистить  свою  душу  от  грехов,  а  ищут  только  того,  чтобы  батюшка  или  старец  каким-то  чудом  решили  их  проблемы.

«Человек  Христов,  когда  живет  со  Христом,  везде  чувствует  себя  в  Раю.  Бог  Благ.  Он — Любовь.  Причиняя  кому-то  несчастье,  мы  огорчаем  Христа.

Радость,  которую  чувствует  человек,  когда  принимает  помощь,  есть  радость  человеческая,  в  то  время  радость,  которую  чувствует  сам  дающий  человек,  есть  радость  Божественная.  Кто  из  чистой  любви  труждается  ради  своего  ближнего,  тому  само  утомление  приносит  отдых.

Чтобы  услышать  Божественную  весть  Слова  Божия,  чтобы  измениться,  нужно  и  самому  настроить  свой  приемник  на  ту  же  частоту,  на  которой  передает  Христос  через  Свое  Святое  Евангелие,  и  с  благоговением  исполнять  Его  Божественные  заповеди».  Преподобный  Паисий  Святогорец.

Однажды  старец  удостоился  видения  Пресвятой  Богородицы  в  углу  своей  келии.  Позднее  он  записал  там  число  и  время  видения  и  трепетно  относился  к  этому  месту,  старался  не  ступать  там,  чтобы  не  осквернять  его  своим  недостоинством.

Старец  говорил:  «Кто очень почитает Божию Матерь, лишь слышит Её имя — тут же преображается. Или, если увидит его написанным где-то, благоговейно целует, а сердце при этом радостно трепещет. Может всю службу простоять, постоянно повторяя имя Пресвятой Богородицы. А когда прикладывается к иконе Божией Матери, то имеет такое чувство, что прикладывается не к иконе, а будто перед ним Сама Богородица, и от любви к Ней в изнеможении падает долу.»

Преподобный  Паисий  Святогорец,  обладавший  даром  прозорливости,  оставил  много  пророчеств.
Пророчества  преподобного  Паисия  Святогорца

Память  преподобного  Паисия  Святогорца  празднуется  Церковью  29  июня  /  12  июля. 

Тропарь  преподобному  Паисию  Святогорцу

Глас 5. Подо́бен: Собезнача́льное Сло́во:

Боже́ственныя любве́ о́гнь прие́мый, / превосходя­́щим по́двигом вда́лся еси́ весь Бо́гови, / и уте­ше́­ние мно́гим лю́дем был еси́, / словесы́ боже́­ственными наказу́яй, / моли́твами чудотворя́й, / Паи́сие Богоно́се, / и ны́не мо́лишися непреста́нно // о всем ми́ре, преподо́бне.

Кондак преподобному Паисию Святогорцу

Глас 8. Подо́бен: Взбра́нной:

А́нгельски на земли́ пожи́вый, / любо́вию просия́л еси́, преподо́бне Паи́сие, / мона́хов вели́кое утвержде́ние, / ве́рных к житию́ свято́му вождь, / вселе́нныя же утеше́ние сладча́йшее показа́лся еси, / сего́ ра́ди зове́м ти: // ра́дуйся, о́тче всеми́рный.

АКАФИСТ   ПРЕПОДОБНОМУ   ПАИСИЮ    СВЯТОГОРЦУ

Конда́к 1.

Избрáннаго Панагýды подви́жника/ и аромáтницу благоухáнную, Каппадоки́йское прозябéние и предстáтеля неусы́пнаго, да воспои́м соглáсно. Áнгельскому бо житию́ подражáя, Тро́ице Святéй благоугоди́, те́м и зовéм:/ ра́дуйся, преподóбне Паи́сие,// ди́вный наро́да Бóжия утéшителю.

И́кос 1.

А́нгел показáлся еси́ во удéле Богорóдицы избрáннем, и на́м ходáтай теплéйший пред Бо́гом, Паи́сие о́тче, тéмже тáко тя́ воспевáем:

Ра́дуйся, Каппадоки́и добровóнное ми́ро,

ра́дуйся, вы́шняго жи́тельства о́браз яви́вый,

ра́дуйся, Аси́и Мáлыя процветéние,

ра́дуйся, святáго Арсéния похвалéние,

ра́дуйся, в фарасиóтех приснопевáемый,

ра́дуйся, инокýющих прáвило,

ра́дуйся, вéлие Элла́ды и ве́ры храни́ло,

ра́дуйся, Каппадоки́йскаго ро́да свети́ло,

ра́дуйся, Византи́и божéственная óтрасле,

ра́дуйся, добрóто Афо́на и óрле,

ра́дуйся, земны́й áнгеле, вéстниче на земли́,

ра́дуйся, человéче небéсный, пребывáяй на Небеси́.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 2.

Ви́дяще, я́ко от руки́ свящéннаго Арсéния в Фарáсе Каппадоки́йстей, роди́тельнице святы́х, Креще́ние прия́л еси́, и я́ко сегó моли́тва многоплóдну тя́ óтрасль Мáлыя Аси́и и Эллáды яви́, тя́ прославля́ем по достоя́нию, Бóгови плéщуще: Аллилу́ия.

И́кос 2.

Разумéя и познавáя страдáния из отéчествия произгнáнных, стрáнствуя и печáля о до́ма роди́тельскаго разорéнии, в вéре укрепи́лся еси́ и богоразýмия прия́л еси́ све́т от благодáти Бо́жия, Паи́сие свя́те. Сего́ рáди и мы́, взирáюще на чудеса́ твоя́, восклицáем ти́ таковáя:

Ра́дуйся, Иисýсовых благослове́ний стяжáтелю,

ра́дуйся, удéла Богомáтерняго божéственный светодáтелю,

ра́дуйся, ве́трило многомýдрых благодея́ний,

ра́дуйся, аромáтнице Вы́шняго даровáний,

ра́дуйся, Бо́жия Ду́ха блажéннейшее сия́ние,

ра́дуйся, добродéтелей несказáнное благоухáние,

ра́дуйся, Афóнская лéторасле прекрáсная,

ра́дуйся, áки купе́ль Силоáмская, врачýяй вся́кия стрáсти,

ра́дуйся, Пресвяты́я служи́телю преблажéнный,

ра́дуйся, Святы́я Го́ры вождю́ и кли́че побéдный,

ра́дуйся, поста́ и моли́твы дéлателю неусыпáемый,

ра́дуйся, застýпниче стрáждущих и опечáленных.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 3.

Си́лою Вы́шняго укрепля́емых мýчеников чтя́ жития́ и разумéя, ты́ душе́ю блажéнною к непрестáнному славослóвию Всетворцá восходи́л еси́. Мы́ же сиé воспоминáюще, вопиéм: Аллилу́ия.

И́кос 3.

«А́з е́смь Воскресéние и Живóт. Вéруяй в Мя́ не ýмрет во вéки». Си́и словесá от Небе́снаго Жениха́ услы́шав и испóлнь сы́й све́та божéственна, невéрия прéлесть низвéргл еси́. Сегó ра́ди благодáрственно вопиéм ти́ тáко:

Ра́дуйся, во óтрочестве безбóжия се́ти препрéвый,

ра́дуйся, я́ве Христа́ узрéвый,

ра́дуйся, оби́тели Стомиóнския устрои́телю,

ра́дуйся, Кони́тских еретикóв победи́телю,

ра́дуйся, ми́лостыни потóче неисчерпáемый,

ра́дуйся, нéбесным сия́нием укрепля́емый,

ра́дуйся, Синáйския горы́ подви́жниче,

ра́дуйся, оби́тели великомýченицы Екатери́ны моли́твенниче,

ра́дуйся, мýдростию дéве се́й подражáтелю,

ра́дуйся, святы́м Галактиóну и Еписти́мии соседáтелю,

ра́дуйся, сáде, прозябы́й от горы́ Моисéевы кáмене,

ра́дуйся, моли́твы áнгельския на земли́ воспевáние.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 4.

Рачéние боже́ственное к Богомáтери, чистéйший óтче, понéже имéя, Сию́ Предстáтельницу неусы́пную и Храни́тельницу стяжá. Сегó ра́ди и мы́, даровáний твои́х желáюще приобщи́тися, о тебе́ поéм: Аллилу́ия.

И́кос 4.

Слы́шаша и́мя твое́ земни́и концы́, Паи́сие свя́тче, ты́ бо, я́ко сóлнце блистáяй во времена́ послéдняя и Правослáвие утверждáяй и́менем Го́спода Иису́са Христа́, показáлся еси́. Мы́ же, единомы́сленне памятýюще боже́ственная уче́ния твоя́, приношáем ти́ речéния таковáя:

Ра́дуйся, люби́мче изря́днейший Пресвяты́я,

ра́дуйся, ны́ ущедря́яй Ма́тере Бо́жия кри́не,

ра́дуйся, сомоли́твенниче Херуви́мом,

ра́дуйся, единонрáвниче Серафи́мом,

ра́дуйся, укреплéние Правослáвия,

ра́дуйся, ýтваре преизбрáнная,

ра́дуйся, чернори́зцев огрáдо и отéчествия хранéние,

ра́дуйся, Кóницы óтрасле, Стомиóна же заступлéние,

ра́дуйся, я́ко лозá Богома́тере, благоврéменный пло́д принося́й,

ра́дуйся, вертогрáде покая́ния благоухáяй,

ра́дуйся, бесéдуяй Бóжиими словесы́,

ра́дуйся, умащéние я́звам грéшничим.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 5.

Богоприя́тну любóвь я́ко стяжáвый, жéртву ся́ брáтиям возложи́ и благословéнием Пречи́стыя оделя́ше все́х. Таковáго ся́ отвержéния рáди ны́не со А́нгелы Христá прославля́еши, мы́ же, в па́мять твою́ призывáемии, вопие́м: Аллилу́ия.

И́кос 5.

Ви́девше тя́ ду́шу за бли́жняго полагáюща, блажéнне Паи́сие, к тебе́ прибегáем: ми́лостив бýди на́м и, Влады́це Христу́ предстоя́, Тогó умоли́, да отженéт у́м помрачáющую грехо́вную тьму́ от молéбными пéсньми хвáлящих тя́ сицевы́ми:

Ра́дуйся, Панагýды дóблественный ратобóрче,

ра́дуйся, Богорóдицы песнослóвче,

ра́дуйся, путевóдная заблýждшим звездó,

ра́дуйся, Афóнская зовýщая к Бо́гу трубó,

ра́дуйся, утешéние плáчущих,

ра́дуйся, помóщниче стрáждущих,

ра́дуйся, печáльных божéственное укреплéние,

ра́дуйся, не оставля́яй и́ноков попечéнием,

ра́дуйся, у Ми́лостивыя за ны́ предстáтелю,

ра́дуйся, недýжных безмéзднейший врачевáтелю,

ра́дуйся, подвизáющихся направля́яй,

ра́дуйся, изря́дне Врата́рницу Богоро́дицу восхваля́яй.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 6.

Проповéдник богонóсен еси́ и сто́лп ве́ры, дáры Ду́ха Свята́го на́м испрошáяй, тéм и мы́ тебе́ рáди, ста́рче преди́вный, немóлчно пое́м: Аллилу́ия.

И́кос 6.

Возсия́в я́ко лампа́да неугаси́мая све́том Трисо́лнечнаго Божества́, покая́ния наста́вник яви́ся, Паи́сие свя́те. Мы́ же, твои́ми предстáтельствы свы́шнее утешéние и благодáти познáние приéмлющии, хвáлим тя́, вопию́ще:

Ра́дуйся, ковчéже себе́ отвержéния и воздержáния,

ра́дуйся, Утéшителя благодáть на на́с изливáяй,

ра́дуйся, Со́лнца-Христа́ маловéрным провозвести́вый,

ра́дуйся, ми́лостию Человеколю́бца все́х удовли́вый,

ра́дуйся, о ми́ре моли́твою вы́ну благоухáяй,

ра́дуйся, я́ко вино́ сла́дкое, дýши рáдостию исполня́яй,

ра́дуйся, Богомáтере слáвие избрáнный,

ра́дуйся, приношáяй слéзы Христý я́ко ши́пок доброухáнный,

ра́дуйся, Фовéры предстáтельство и могýчее возглашéние,

ра́дуйся, откровéния громоглáсное возвещéние,

ра́дуйся, Та́йней Ве́чери чи́стою душéю приобщáвыйся,

ра́дуйся, помыслóв исповéданию прилежáвый.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 7.

Хотя́щу тебé Спа́су послéдовати, мýченическаго жития́ ревни́тель показáлся еси́, душéю несквéрною же и те́лом, и любóвию божéственною ко Христу́. Сего́ ра́ди тя́ величáем, всесоглáсно пою́ще Бóгови: Аллилу́ия.

И́кос 7.

Нóвое одолéние на неви́димыя и ви́димыя враги́ показáвый, егóже моли́твою и любóвию стяжá, и всеорýжие смирéния взе́м, истреби́л еси́ бесóвския кóвы и тщáния, Бóгови же благодáрственная возопи́. Те́м и мы́ принóсим ти́ сицевáя:

Ра́дуйся, све́та божéственное храни́лище,

ра́дуйся, благоутрóбия Христо́ва вмести́лище,

ра́дуйся, псалти́ри Дави́довы пéние,

ра́дуйся, свята́го Арсéния умолéние,

ра́дуйся, грéшников исправля́яй и ободря́яй,

ра́дуйся, ми́лование у Богоро́дицы испрошáяй,

ра́дуйся, главó подви́жников венценóсная,

ра́дуйся, сéне стрáждущим росонóсная,

ра́дуйся, водó живи́тельная претыкáющимся,

ра́дуйся, мóсте, в жи́знь изводя́й утопáющих,

ра́дуйся, стóлпе гре́шником пáдшим и укреплéние,

ра́дуйся, разслáбленным ти́хий óдре и упокоéние.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 8.

Стрáнен бы́в в ми́ре, Паи́сие, Го́спода возлюби́в и стра́сти твоя́ укроти́в Бо́жиею благодáтию, ны́не же я́ко зарни́ца облиставáеши о тебé вопию́щих немóлчное: Аллилу́ия.

И́кос 8.

Вся́к, к тебе́ притекáяй, николи́же, óтче Паи́сие, неутéшен оты́де. Но прося́й благодáти даровáние приимáше. Сегó рáди и мы́ воспевáем ти́ сицевáя:

Ра́дуйся, лученóсная омрачéнным звездó,

ра́дуйся, кáющихся настáвниче и главó,

ра́дуйся, афóнския брáтии тяготы́ взéмляй,

ра́дуйся, Всесвяты́я сáда цвéте преукрашéнный,

ра́дуйся, о благосты́ни Христóве сладковещáние,

ра́дуйся, моли́твы небéсныя мироухáние,

ра́дуйся, ми́рови Месси́ю провозвещáяй,

ра́дуйся, пе́снь архáнгелову ко Пресвяте́й воспевáяй,

ра́дуйся, надéждою, ми́лостию и любóвию пламенéяй,

ра́дуйся, во врáжией брáни божéственное омовéние,

ра́дуйся, прия́вый даровáние прорóческое,

ра́дуйся, благоутрóбием Отцу́ Небéсному подóбниче.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 9.

Вся́кому естествý проповéдал еси́ слóво, апóстолом уподобля́яся, рачéнием же и любóвию к бли́жним просия́л еси́ я́ко сóлнце на земли́, прославля́я Святу́ю Тро́ицу: Аллилу́ия.

И́кос 9.

Сле́з потóки от души́ мироточá, сéрдцем о человéцех, стрáждущих душе́ю и тéлом, боля́ше. Сегó рáди ны́не и мы́ от ду́ш на́ших песнопéния ти́ возсылáем, в смирéнии вопию́ще прилéжно:

Ра́дуйся, Евáнгелия служи́телю неутоми́мый,

ра́дуйся, свéщниче Трисóлнечнаго Божествá неугаси́мый,

ра́дуйся, я́ко пóстничества ристáлище соверши́вый,

ра́дуйся, я́ко смирéнием крáйним ины́х предвари́вый,

ра́дуйся, во Афóне вéры сия́ние,

ра́дуйся, Всесвяты́я слáдкое воспевáние,

ра́дуйся, учи́телю слáвный дея́ния же и зрéния,

ра́дуйся, я́ко велемýдре пости́же божéственное видéние,

ра́дуйся, Пречи́стыя вертогрáда неусыпáемый дéлателю,

ра́дуйся, святы́м Лукиллиáну, Пантелеи́мону и Евфи́мии собесéдателю,

ра́дуйся, я́ко гла́с Богоотрокови́цы слýхом услы́шал еси́,

ра́дуйся, я́ко Ту́ я́ве, áки на Иерусали́мстей икóне, узрéл еси́.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 10.

Вели́чествие со Эллáдою Каппадоки́и и те́плый засту́пник еси́, Паи́сие свя́те. Добродéтелей бо лéствицу богоугóдно соверши́, к Тро́ице Святе́й непрестáнно поя́: Аллилу́ия.

И́кос 10.

Стена́ еси́ ве́рным, о́тче Паи́сие, áнгельское бо житие́ возлюби́в, пóдвиги свои́ми Святе́й Трóице неустáннаго предстоя́ния скóро дости́же. Сегó рáди пéния благодáрственная возсылáюще из глубины́ сердéц и ду́ш нáших, смирéнно взывáем:

Ра́дуйся, от Афо́на богоявлéнно ми́ру сия́яй,

ра́дуйся, краснопéснивый глáсе, Сло́во провозвещáяй,

ра́дуйся, многочáдне, ми́луяй человéческая болéния,

ра́дуйся, ослеплéнным стезéй исправлéние,

ра́дуйся, Неневéстней Невéсте рáдование принося́й,

ра́дуйся, к Цáрству Небéсному пу́ть удовля́яй,

ра́дуйся, кади́лу Ду́ха Бо́жия соимéнне,

ра́дуйся, я́ко и зра́к тво́й на́м подаéт утешéние,

ра́дуйся, я́ко в ми́ра концéх вещáнием предвари́вый,

ра́дуйся, зми́я главý моли́твою сокрýшивый,

ра́дуйся, молéния и́менем Иисýсовым и среди́ ми́ра дéлателю неустáнный,

ра́дуйся, к Бо́жией Мáтери стяжáвый любóвь несказáнну.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 11.

Пéние Зижди́телю и Приснодéве к борéнием я́же в нощи́ и во дни́ соплетáше смирéнно, те́м ся́ Бóжия Ду́ха сосýд показýя. Мы́ же, Тро́ице Святе́й припáдающе, тебе́ ра́ди поéм и вопиéм: Аллилу́ия.

И́кос 11.

Све́т и мироухáние благочéстия, и любвé, и самоотвержéния неисчéтнаго, и исцелéний тóчит святáя па́мять твоя́, преподóбне. Сегó рáди потщáхомся вси́ молéбными гла́сы тебе́ возопи́ти:

Ра́дуйся, я́ко вся́кому указýяй пу́ть на небесá,

ра́дуйся, я́ко рáдости все́х исполня́ют медотóчная твоя́ словесá,

ра́дуйся, изоби́льная от Афо́на рекó искипáющая,

ра́дуйся, звездó от Святы́я Го́ры, вéрным пу́ть озаря́ющая,

ра́дуйся, при́сное за ны́ у Богоотрокови́цы ходáтайство,

ра́дуйся, áнгельскому житию́ прилежáщим предстáтельство,

ра́дуйся, добродéтелей плодонóснейшая лозó,

ра́дуйся, о ми́ре к Престо́лу достигáющая слезó,

ра́дуйся, но́вый апóстоле, к ве́ре Христо́ве вся́ призывáяй,

ра́дуйся, Правослáвия глáсе, мнóзи возсозидáяй,

ра́дуйся, дре́во всеплóдное, Ма́терию Небéсною напоя́емое,

ра́дуйся, элли́нов знáмя, в подсóлнечней распростирáемое.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 12.

Благодáти Бо́жия истóк тя́ познáхом, о́тче, по успéнии твое́м, в нéмже ли́цы áнгельстии весéлия исполня́хуся. Те́м и мы́, ходáтая о спасéнии на́шем улучи́ти сподóбльшиися, рáдуемся, взывáюще: Аллилу́ия.

И́кос 12.

Пою́ще бе́здну чуде́с твои́х и терпели́вныя твоя́ пóдвиги, свя́те, от серде́ц ти́ сплетáем áнгельская песнопéния, пáмять твою́ почитáем благоговéйно и вопиéм таковáя:

Ра́дуйся, надéжды отéчествию забвéнному вéстниче,

ра́дуйся, о свобожде́нии Святы́я Софи́и и гра́да Вели́каго проповéдниче,

ра́дуйся, Царьгра́д во уповáние нóвое ди́вно предуказáвый,

ра́дуйся, ходáтаю удéла слáвнаго от стра́н свои́х произгнáнным,

ра́дуйся, не тóкмо единоплемéнных путеводя́й, но и от ины́х язы́к приходя́щих,

ра́дуйся, я́ко сынóв Росси́йския Цéркве зелó любя́, благоувéтливо приимáше,

ра́дуйся, пленéнных óтчин прореки́й обновлéние,

ра́дуйся, ми́ру блистáние, вéры немóлчное возглашéние,

ра́дуйся, я́ко знáмения времéн разумéвый,

ра́дуйся, Откровéния Иоáннова таи́нниче богодухновéнный,

ра́дуйся, я́ко апо́стол, явлéй обетовáния,

ра́дуйся, избавлéния Аси́и Мáлыя уповáние.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 13.

Опреподóбне о́тче Паи́сие, новоцвéте благоухáнный, изрáстший во временá послéдняя, умоли́ Христа́ Бо́га спасти́ся душáм о тебе́ воспевáющих: Аллилу́ия.

Этот конда́к читается трижды, затем и́кос 1-й и конда́к 1-й.

И́кос 1.

А́нгел показáлся еси́ во удéле Богорóдицы избрáннем, и на́м ходáтай теплéйший пред Бо́гом, Паи́сие о́тче, тéмже тáко тя́ воспевáем:

Ра́дуйся, Каппадоки́и добровóнное ми́ро,

ра́дуйся, вы́шняго жи́тельства о́браз яви́вый,

ра́дуйся, Аси́и Мáлыя процветéние,

ра́дуйся, святáго Арсéния похвалéние,

ра́дуйся, в фарасиóтех приснопевáемый,

ра́дуйся, инокýющих прáвило,

ра́дуйся, вéлие Элла́ды и ве́ры храни́ло,

ра́дуйся, Каппадоки́йскаго ро́да свети́ло,

ра́дуйся, Византи́и божéственная óтрасле,

ра́дуйся, добрóто Афо́на и óрле,

ра́дуйся, земны́й áнгеле, вéстниче на земли́,

ра́дуйся, человéче небéсный, пребывáяй на Небеси́.

Ра́дуйся, преподо́бне Паи́сие, ди́вный наро́да Бóжия утéшителю.

Конда́к 1.

Избрáннаго Панагýды подви́жника/ и аромáтницу благоухáнную, Каппадоки́йское прозябéние и предстáтеля неусы́пнаго, да воспои́м соглáсно. Áнгельскому бо житию́ подражáя, Тро́ице Святéй благоугоди́, те́м и зовéм:/ ра́дуйся, преподóбне Паи́сие,// ди́вный наро́да Бóжия утéшителю.

Моли́тва

Освяты́й преподóбный и богоно́сный о́тче на́ш Паи́сие, возлю́бленный на́ш покрови́телю и богому́дрый наста́вниче, ле́ствицею доброде́телей от земли́ в Небе́сное Ца́рство восшéдый и благода́ть прия́вый во е́же хода́тайствовати о на́с пред Престо́лом Всеми́лостиваго Го́спода на́шего. Мо́лим тя́ отврати́ти ны́ от пути́ грехо́внаго и научи́ти ны́ Го́сподеви соверше́нны плоды́ покая́ния и обновлéния во Христе́ ду́ш на́ших приноси́ти.

Ты́, святы́й о́тче, во дни́ жития́ земна́го мно́зи тя́жки боле́зни и неду́ги неисцéльныя уврачева́вый и души́ грехми́ и скорбми́ стра́ждущих исцели́вый, ны́не предстоя́ Бо́гу, Того́ милосе́рдие к на́м приклони́, да твоего́ предста́тельства ра́ди любо́вию чту́щих святу́ю па́мять твою́ исцели́т, да́рует кре́пость во искуше́ниих, му́жество в борьбе́ с ду́хом зло́бы, и́щущим вéчней поги́бели на́шей, да да́рует на́м проще́ние все́х на́ших грехо́в, и́хже от ю́ности на́шея да́же до настоя́щаго дне́ по́мыслом, сло́вом и де́лом соверши́хом, да научи́т ны́, я́же на́м подоба́ет твори́ти, я́ко да вы́ну Ему́ и бли́жним с любо́вию и смире́нием послу́жим.

Е́й, о́тче святы́й, наста́ви на́с, во о́браз жития́ твоего́, и́же любве́ и милосе́рдия испо́лнено бы́сть, у́з грехо́внаго жи́тельства разреши́вшеся, к Небе́сным Чертогам взы́ти, идéже да восхва́лим Всемилосéрдаго Триипоста́снаго Го́спода на́шего во ве́ки веко́в. Ами́нь.