Пророк и Креститель Иоанн Предтеча — самый чтимый святой после Девы Марии. Его родители, святые Захария и Елисавета, происходили из священнического рода. Будучи праведными и благочестивыми, они, дожив в любви и согласии до преклонных лет, не имели детей, что очень порицалось у иудеев.
Святой Захария происходил из рода Аарона, а праведная Елисавета из рода Давида, она была сестрой святой Анны, матери Девы Марии. Таким образом, Пророк и Креститель Иоанн Предтеча приходился родственником Иисусу Христу по материнской линии, да и родились они с разницей в шесть месяцев.
Царь Ирод, узнав о рождении Мессии, повелел уничтожить всех младенцев мужского пола в возрасте до двух лет в страхе за свой трон. Как известно, Пресвятая Богородица с праведным Иосифом, предупрежденные Архангелом Гавриилом бежали в Египет.
Праведная Елисавета, спасая сына, убежала в пустыню около Мертвого моря. Здесь она с младенцем скрывалась в пещере, но недолго. После того, как Ирод расправился со святым Захарией, который был убит в храме, Елисавета вскоре умерла, оставив сына сиротой.
Так и жил Пророк и Креститель Иоанн Предтеча в пустыне, питаемый Ангелами, в посте и молитве готовя себя к великому служению. Когда подрос, он носил грубую одежду, питался диким медом и акридами (род саранчи). Достигнув тридцатилетнего возраста, Пророк и Креститель Иоанн Предтеча был призван Господом к проповеди еврейскому народу.
Он должен был подготовить народ к принятию ожидаемого Мессии (Иисуса Христа). Иоанн Предтеча явился на берег Иордана перед праздником очищения, когда народ в большом количестве собирался сюда для религиозных омовений. Для иудеев Иордан был священной рекой.
Иоанн стал проповедовать покаяние и крещение во оставление грехов. Пророк и Креститель Иоанн Предтеча призывал людей очиститься сначала нравственно, духовно, то есть раскаяться в своих грехах, а потом уже принимать внешнее очищение (омовение) и таким образом подготовить себя к принятию Евангелия.
При этом Иоанн говорил: «идет за мною сильнейший меня… Я крестил вас водою, а Он будет крестить вас Духом Святым» (Мк. 1, 7-8). Бог открыл ему заранее его предназначение, будущее знаменательное событие, что он будет делателем крещения Господа Иисуса Христа.
Крещение, совершаемое Иоанном Предтечей, не было еще благодатным Таинством Христианской Церкви, но оно приготовляло к принятию будущего крещения водой и Святым Духом. И наконец, когда ожидание Мессии достигло высшей точки, на Иордан к Иоанну Предтече пришел креститься Сам Спаситель мира.
Крещение Господне сопровождалось чудесными явлениями, знаменующими Богоявление. С небес сошел в виде голубя Святой Дух и раздался голос Бога Отца: «Сей есть Сын Мой возлюбленный…«. Зная о том, что так будет, Пророк и Креститель Иоанн Предтеча все же был в смущении: «Мне надобно креститься от Тебя и Ты ли приходишь ко мне?«
На что Иисус Христос ответил: «Оставь теперь: ибо так надлежит нам исполнить всякую правду» (Мф. 3, 14-15). Иисус Христос Своим примером показал, как нужно исполнять волю Божию. И Иоанн Предтеча крестил безгрешного Спасителя, который Сам Своим омовением освятил воды Иордана.
Пророк и Креститель Иоанн Предтеча говорил: «Вот Агнец Божий, который берет на Себя грехи мира». Услышав это, двое из учеников Иоанна Предтечи присоединились к Иисусу Христу. Это были апостолы Иоанн Богослов и Андрей Первозванный. Крещением Господа Иисуса Христа Иоанн Предтеча завершил и запечатлел свое пророческое служение.
Он продолжал еще проповедовать и пророчествовать, обличая пороки не только простых людей, но и сильных мира сего, предуготовляя себя к мученическому венцу.
Сын Ирода Великого, Ирод Антипа, оставив свою законную жену, дочь аравийского царя Арефы, сожительствовал с Иродиадой. Пророк и Креститель Иоанн Предтеча постоянно и безбоязненно обличал его в этом грехе. Царь, по настоятельной просьбе Иродиады, посадил его в темницу.
Но Иродиада на этом не успокоилась. Дочь нечестивой Иродиады, Саломия, однажды угодившая своим танцем царю, попросила у него в знак благодарности за танец, по наущению своей матери, голову Иоанна Предтечи на блюде. Царь, давший перед этим обещание выполнить любую ее просьбу, вынужден был сдержать свое слово.
Иоанну отсекли голову и принесли ее на блюде, положив к ногам Саломии. Есть икона «Усекновение главы Иоанна Предтечи». Иродиада, надругавшись над святой главой пророка, бросила ее в грязное место. Это злодеяние не осталось безнаказанным.
Царь Ирод получил возмездие. Сначала, в 38 году после Рождества Христова, его войска были разбиты царем Арефой, отцом брошенной Иродом жены, а в следующем году римский император Калигула сослал его в заточение. Об Иродиаде история замалчивает, как о недостойной внимания.
Ученики Иоанна Предтечи похоронили его тело в самарянском городе Севастии. Евангелист Лука, согласно преданию, проповедуя в Антиохии перенес туда святую правую руку Пророка и Крестителя Господнего, затем она была перенесена в Халкедон, откуда была перевезена в Константинополь, потом попала в Петербург в церковь Нерукотворного Спаса.
Святая глава Иоанна Предтечи была найдена благочестивой Иоанной и погребена в сосуде на Елеонской горе. В царствование Константина Великого двум инокам, приходившим поклониться Гробу Господнему, явился Пророк и Креститель Иоанн Предтеча и сообщил, где находится его глава.
С этого времени христиане празднуют первое обретение главы Иоанна Предтечи.
Память: В честь Пророка и Крестителя Иоанна Предтечи установлены следующие праздники:
- 23 сентября / 6 октября — Зачатие Иоанна Предтечи
- 24 июня / 7 июля — Рождество Иоанна Предтечи
- 29 августа / 11 сентября — Усекновение главы Иоанна Предтечи
- 7 / 20 января — Собор Иоанна Крестителя после праздника Крещения
- 24 февраля / 9 (8) марта — первое и второе обретение его главы
- 25 мая / 7 июня — третье обретение главы
- 12 / 25 октября — перенесение правой руки Иоанна Предтечи с Мальты в Гатчину
Молитвенная традиция: Пророк и Креститель Иоанн Предтеча является покровителем всех христиан, поэтому к нему обращаются с молитвой о помощи в главном — найти дорогу к Богу, укрепиться в вере, помочь исправить свою жизнь. Просят его и об облегчении головных болей, об исцелении болезней телесных и душевных.
АКАФИСТ ПРОРОКУ И КРЕСТИТЕЛЮ ИОАННУ ПРЕДТЕЧЕ
Составлен иеромонахом Иеронимом. Одобрен решением Священного Синода в 1872 году.
Утвержден для общецерковного использования.
Тропарь, глас 2
Память праведнаго с похвалами, тебе же довлеет свидетельство Господне, Предтече: показал бо ся еси воистину и пророков честнейший, яко и в струях крестити сподобился еси Проповеданнаго. Темже за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.
Кондак, глас 5
Предтечево славное усекновение смотрение бысть некое Божественное, да и сущим во аде Спасово проповесть пришествие. Да рыдает убо Иродия, беззаконное убийство испросивши: не закон бо Божий, ни живый век возлюби, но притворный, привременный.
Кондак 1
Избранный от лет древних быти Предтечею и Крестителем Спасителя мира Христа Бога, Иоанне Богохвальне, прославляя прославльшаго тя Господа, похвальная восписуем ти, яко большему всех рожденных женами, во плоти Ангелу, покаяния проповеднику. Ты же, яко имеяй велие дерзновение ко Господу, от всяких бед свобождай и к покаянию воздвизай нас, любовию тебе зовущих: Радуйся, великий Иоанне Пророче, Предтече и Крестителю Господень.
Икос 1
Архангел Гавриил, предстояй пред Богом, послан бысть ко иерею Захарии, егда он, служа по чину чреды своея, вниде покадити в церковь Господню, и, представ одесную олтаря кадильнаго, благовествоваше о твоем рождестве, великий Иоанне, возвещая Захарии радость и веселие и яко мнози о рождестве твоем возрадуются. Сего ради и мы дивному о тебе Божию благоволению чудящеся и радующеся, со благоговением в похвалу тебе вопием:
Радуйся, Совета Божия неизреченнаго таинниче.
Радуйся, дивнаго смотрения Его исполнение.
Радуйся, прежде лет многих пророчеством Исаии проявленный.
Радуйся, вестниче пред лицем Господним древле прореченный.
Радуйся, предназначенный быти великим Пророком Вышняго.
Радуйся, по обетованию Ангела рожденный.
Радуйся, еще во чреве матери твоея Духа Святаго исполненный.
Радуйся, прежде рождества твоего на великое служение извещенный.
Радуйся, неплодства родителей разрешение.
Радуйся, иерея Божия радость и веселие.
Радуйся, дщери Аароновы прозябение.
Радуйся, плод молитвы богодарованный.
Радуйся, великий Иоанне Пророче, Предтече и Крестителю Господень.
Кондак 2
Видя Захария явльшагося ему Ангела, смутися, и страх нападе нань, и не верова словесем благовестия его о рождестве твоем; егда же за неверие немотою связан бысть, удивляшеся преславному чудеси, всем сердцем вопия Богу: Аллилуиа.
Икос 2
Разум неуразумеваемый разумети ищуще людие, ждуще Захарию, и чудяхуся умедлившу ему в церкви; изшедшу же ему и не могущу глаголати к ним, но токмо помавающу, разумеша вси, яко видение виде в церкви. Мы же, прославляя дивнаго Творца чудес Бога, вопием тебе таковая:
Радуйся, благий виновниче безгласия отча.
Радуйся, слез матере твоея пременение на радость.
Радуйся, тоя поношения в людех отъятие.
Радуйся, великое рождшим тя утешение.
Радуйся, яко в шестый месяц о зачатии твоем Пресвятая Дева Мария в Назарете от Ангела известися.
Радуйся, яко о рождестве твоем мнози возвеселишася.
Радуйся, яко имя благодатное от Ангела нареченное получивый.
Радуйся, яко именем твоим немотствование отца твоего Захарии разрешися.
Радуйся, яко имя Божие о тебе отцем твоим благословися.
Радуйся, яко о чуднем рождестве твоем страх и удивление в окрест живущих явися.
Радуйся, яко по всей стране Иудейстей о дивном рождестве твоем возвестися.
Радуйся, яко тобою спасение многим в мире сем явися.
Радуйся, великий Иоанне Пророче, Предтече и Крестителю Господень.
Кондак 3
Сила Вышняго разреши неплодство заматоревшия во днех своих праведныя Елисаветы: зачат бо тя, славный Предтече Господень, и таяшеся месяц пять, глаголющи: «Яко тако мне сотвори Господь во дни, в няже призре отъяти поношение мое в человецех». Егда же прия имущую во чреве Христа, исполнися Духа Свята и возопи гласом велиим: «Откуду мне сие, яко прииде Мати Господа моего ко мне?», с Неюже радующися, взываше Богу: Аллилуиа.
Икос3
Имея предъити пред Господом духом и силою Илииною, еще из чрева матере твоея исполнился еси Духа Святаго, отнюдуже и Пророк дивный показался еси, егда во утробе матере твоея сый, взыгрался еси радощами пришествию Матери Господни: Бога бо познал еси носима в ложеснах Благодатныя, и Того матерним гласом проповедал еси: подобаше бо Божественных вещей преславным быти началом. Сему убо благоговейно удивляющеся, с радостию тебе вопием:
Радуйся, еще во утробе матерней предпославшаго тя Господа чудным веселием предъявивый.
Радуйся, яко тебе ради и матери твоей Елисавете воплощение Христово открыся.
Радуйся, яко и та исполнися Духа Свята.
Радуйся, яко и она предивна пророчица явися.
Радуйся, яко от нея Пресвятая Дева Мария Блаженною в женах наречеся.
Радуйся, яко тою Она и Материю Господа наименовася.
Радуйся, яко и безсеменный Плод Тоя благословенным пронаречеся.
Радуйся, Премудрости Божественныя предъявление.
Радуйся, святаго супружества благословение.
Радуйся, неплодных ложесн дивное прозябение.
Радуйся, рождением твоим удививый люди.
Радуйся, светлый Слова гласе.
Радуйся, великий Иоанне Пророче, Предтече и Крестителю Господень.
Кондак 4
Бурею сомнения смущенный, иерей Захария не можаше, по словеси ангельскому, проглаголати. Егда же по рождестве твоем, Предтече Господень, написа благодатное имя твое, абие отверзошася уста и язык его, и глаголаше, благословя Бога, и пророчества глаголя: «Благословен Господь Бог Израилев, яко посети и сотвори избавление людем Своим. И ты, отроча, Пророк Вышняго наречешися, поя Тому: Аллилуиа».
Икос 4
Слыша окрест живущии людие о преславном и чудном рождестве твоем, со удивлением глаголаху в себе: «Что убо отроча сие будет?» Мы же тя, преславный Предтече Господень, яко больша всех рожденных женами, достойно чтуще, ублажаем сице:
Радуйся, от зачатия твоего благодатных явлений исполненный.
Радуйся, в рождестве твоем Богом прославленный.
Радуйся, во младенчестве твоем от отца твоего Пророком Вышняго нареченный.
Радуйся, во отрочестве твоем Духом Святым просвещенный и укрепленный.
Радуйся, Бога воплотившагося сродник по плоти бывый.
Радуйся, от Бога высокое звание Предтечи и Крестителя приемый.
Радуйся, заре, свет новый миру возвестившая.
Радуйся, звездо, путь, ведущий ко Христу, осветившая.
Радуйся, деннице Солнца незаходимаго.
Радуйся, светильниче Света неугасаемаго.
Радуйся, путь грядущему Христу уготовляяй.
Радуйся, Ангела и человека в себе являяй.
Радуйся, великий Иоанне Пророче, Предтече и Крестителю Господень.
Кондак 5
Богопротивное веление беззаконнаго детоубийцы Ирода изгна тя из дому отча в непроходную пустыню, носима материю, Предтече Господень, идеже и пребывал еси до дне явления твоего ко Израилю, ядый акриды и мед дивий, и Богу вопия: Аллилуиа.
Икос 5
Видяще дивное Божие о тебе промышление, Иоанне богохвальне, яко от младенческих пелен постническаго жития любитель показался еси, отнюдуже волею Вышняго послан был еси проповедати людем грядущее во Христе спасение. Сего ради со удивлением и любовию тебе взываем:
Радуйся, яко еще младенец сый, царя Ирода устрашил еси.
Радуйся, от напраснаго убийства того десницею Вышняго сохраненный.
Радуйся, пустыни шипок благовонный.
Радуйся, высотою подвигов твоих всех удививый.
Радуйся, праваго пути верный указателю.
Радуйся, чистоты и целомудрия предивный хранителю.
Радуйся, евангельскаго самоотвержения образе совершенный.
Радуйся, монашествующих покрове и утверждение.
Радуйся, богословствующих умов просвещение.
Радуйся, грешным милосердия Божия двери отверзаяй.
Радуйся, кающимся грешником от Господа прощение подаваяй.
Радуйся, плоды достойны покаяния творити помогаяй.
Радуйся, великий Иоанне Пророче, Предтече и Крестителю Господень.
Кондак 6
Проповедник славный ты, Божественный Предтече, показался еси в пустыне Иорданстей во дни явления Христа Бога миру: Сего бо, Грядущаго к тебе, показал еси людем, глаголя: «Се Агнец Божий, вземляй грехи мира!», Егоже мы верою познавше, поем Ему: Аллилуиа.
Икос 6
Возсиял еси свет истины, Иоанне богопросвещенне, всем являяй славы Отчия сияние, явльшееся плотски нас ради. Вопиял бо еси в пустыни людем: «Покайтеся, приближи бо ся Царствие Небесное; сотворите плоды достойны покаяния. Се бо грядет по мне, Иже крестит вы водою и Духом». Сего ради похвальная тебе вопием:
Радуйся, пришествия Мессии возвестителю.
Радуйся, путей Господних уготователю.
Радуйся, ветхия и новыя благодати ходатаю.
Радуйся, пророков пределе и начало апостолов.
Радуйся, гласе Слова благознаменитый.
Радуйся, покаяния проповедниче велегласный.
Радуйся, многих сынов Израилевых ко Господу обративый.
Радуйся, люди совершенны Господеви уготовавый.
Радуйся, фарисеев и саддукеев дерзновенно обличивый.
Радуйся, плоды достойны покаяния творити научивый.
Радуйся, просвещения духовнаго указателю.
Радуйся, ищущим предстательства твоего неусыпный заступниче.
Радуйся, великий Иоанне Пророче, Предтече и Крестителю Господень.
Кондак 7
Хотящу от тебе креститися Господу Иисусу, Иоанне богоблаженне, глаголал еси: «Аз требую Тобою креститися», обаче повинуяся, рекшу Тому: «Остави ныне», воздвигл еси десницу твою на главу Его и, крестив не требующаго очищения, вопиял еси: Аллилуиа.
Икос 7
Новую подая благодать креститися изволивый от тебе Господь, сподоби тя Духа пришествие видети и глас Отеческий с Небесе, свидетельствующий Его Сыновство, слышати. Отнюдуже в Триех Лицех Единому Богу покланятися нас научил еси, Егоже бренными прославляюще устнами, в похвалу сия тебе приносим:
Радуйся, Троическаго Богоявления первый проповедниче.
Радуйся, в Триех Лицех Единаго Бога истинный поклониче.
Радуйся, Духа Святаго в виде голубине яснозрителю.
Радуйся, снисхождения Его от Отца на Сына свидетелю.
Радуйся, гласа с Небесе от Бога Отца слышателю.
Радуйся, явления любве Отчи к Сыну созерцателю.
Радуйся, Сына Божия избранный Крестителю.
Радуйся, воли Его святыя исполнителю.
Радуйся, славнаго служения спасению рода человеческаго ревностный рачителю.
Радуйся, великаго Таинства Крещения первый совершителю.
Радуйся, Божественныя радости вестниче.
Радуйся, Новаго Завета первый учителю.
Радуйся, великий Иоанне Пророче, Предтече и Крестителю Господень.
Кондак 8
Странное и неизреченное смирение воплотившагося Бога Слова видев, богоблаженне Крестителю, Божественную Свою главу тебе приклонивша и рабское крещение приемша, ты и сам весь исполнился еси великаго смирения. Испроси убо боголюбезную добродетель сию и нам, одержимым гордостию, яко да от сердца смиренна вопием Богу: Аллилуиа.
Икос 8
Весь благодатных дарований исполненный, течение временныя жизни скончавая, Иоанне богознамените, всех поучал еси исполнением Закона и покаянием благоугождати Господеви. Сего ради благодарственное хваление тебе, великому учителю истины, воспеваем:
Радуйся, Закона и оправданий Господних насадителю.
Радуйся, Иродова беззакония обличителю.
Радуйся, о исправлении того рачителю.
Радуйся, правды ради темничное заключение и узы претерпевый.
Радуйся, за истину во главу усеченный.
Радуйся, яко тело твое от учеников твоих честне погребеся.
Радуйся, яко Божиим смотрением глава твоя нетленна соблюдеся.
Радуйся, яко та на утешение, освящение и цельбы христианом дадеся.
Радуйся, яко и деснице твоей, крестившей Господа, вернии благочестне покланяются.
Радуйся, яко от тебе многая чудеса теми доныне совершаются.
Радуйся, яко тобою вернии от страстей безчестия избавляются.
Радуйся, яко тобою грешнии к покаянию воздвизаются.
Радуйся, великий Иоанне Пророче, Предтече и Крестителю Господень.
Кондак 9
Все естество ангельское удивися высоте служения твоего, и Церковь благоговейно прославляет тя, яко друга Христа Бога, предшедшаго пред Ним духом и силою Илииною. Ревнуя бо по истине, дерзновенно обличал еси фарисеев и беззаконнаго Ирода, от негоже и мученическую кончину приял еси. Покланяющеся убо честней главе твоей, молимся ти: избави нас от страстей безчестия, да чистым сердцем и усты поем: Аллилуиа.
Икос 9
Витийство всякое земнородных не довлеет достойно восхвалити тя, Иоанне богохвальне: тебе бо уста Христовы похвалиша, высша пророков и больша всех рожденных женами тя наименоваша. Отнюдуже достойную похвалу принести тебе недоумевающе, вопием ти сицевая:
Радуйся, Церкве Христовы великая славо.
Радуйся, Ангелов предивное чудо.
Радуйся, праотцев радость и прославление.
Радуйся, пророков высокая похвало.
Радуйся, апостолов богосветлый венче.
Радуйся, святителей велелепая красото.
Радуйся, мучеников в новой благодати начало.
Радуйся, преподобных совершение.
Радуйся, праведных удобрение.
Радуйся, девственников и постников основание.
Радуйся, всех христиан великое утешение.
Радуйся, яко от всех христианских родов имя твое прославляется.
Радуйся, великий Иоанне Пророче, Предтече и Крестителю Господень.
Кондак 10
Спасти мир пришедшаго во плоти Христа Бога благовестил еси и сущим во аде: якоже бо денница, предходящая солнцу, осветил еси во тьме и сени смертней седящих. Отнюдуже вскоре Господем изведен был еси со всеми от века праведными, поя Ему, яко Избавителю и Победителю смерти: Аллилуиа.
Икос 10
Стена еси и прибежище спасительное всем молитвенно к тебе притекающим, божественный Иоанне; сего ради песньми похвальными ублажаем тя сице:
Радуйся, мощный заступниче наш и верный от бед хранителю.
Радуйся, злостраждущих от духов злобы скорый помощниче и избавителю.
Радуйся, неплодствующим благословение от Бога низпосылаяй.
Радуйся, притекающих к тебе с верою от треволнения страстей избавляяй.
Радуйся, во вражде сущих скоро умиротворяяй.
Радуйся, во всякой нужде и печали усердно притекающим к тебе скорую помощь подаваяй.
Радуйся, благотекущих от самообольщения и прелести изъимаяй.
Радуйся, вручающим себе твоему ходатайству в час смертный помогаяй.
Радуйся, любящих тя от воздушных мытарств предстательством своим свобождаяй.
Радуйся, почитающих славную память твою вечныя жизни молитвами своими сподобляяй.
Радуйся, нищих, вдовиц и сирот заступление.
Радуйся, по Бозе и Богородице христианом прибежище и упование.
Радуйся, великий Иоанне Пророче, Предтече и Крестителю Господень.
Кондак 11
Пение всякое не довлеет по достоянию доблестей твоих восхвалити тя, Крестителю Господень, но мы, любовию понуждени, дерзаем воспевати величия твоя, еже милостивно приими от нас, первостоятелю у Престола Пресвятыя Троицы, и моли свободитися нам от всякия скверны греховныя, да чистым сердцем и устнами поем Богу: Аллилуиа.
Икос 11
Светильника Света неприступнаго и всесветлых благодатных дарований всего исполнена тя, Иоанне богопросвещенне, ведуще, радостно приносим ти таковая:
Радуйся, самовидче озарившаго тя свыше Божественнаго Света.
Радуйся, светом добродетелей твоих прославивый Бога.
Радуйся, Пресвятыя Троицы велелепую славу явивый.
Радуйся, правый и дивный путь к Небеси показавый.
Радуйся, и сущим во аде Бога явльшагося во плоти благовестителю.
Радуйся, душ праведных, от века в преисподней держимых, возвеселителю.
Радуйся, Владыки Христа Бога друже искренний.
Радуйся, явивый миру Свет истинный.
Радуйся, светозарное света евангельскаго сияние.
Радуйся, рода христианскаго прославление.
Радуйся, Совета Божия исполнение.
Радуйся, яко от восток солнца даже до запад хвально имя твое.
Радуйся, великий Иоанне Пророче, Предтече и Крестителю Господень.
Кондак 12
Благодати тезоименитый, Крестителю Господень, и тою обогатився, победоносец преславный показался еси: победил бо еси враги и всякую злобу и великое служение твое мученическим подвигом запечатлел еси. Ныне же, предстоя Престолу Царя царствующих, моли Его даровати верным победы на враги и во всем благопоспешение, в добродетелех же благодатное укрепление, поющим Ему: Аллилуиа.
Икос 12
Поюще Бога, дивно в тебе прославившагося, хвалим тя, богоблаженне Крестителю, яко искренняго друга Христова, прославляем великия подвиги твоя, ублажаем мученическую кончину твою и сицевая радостно вопием ти:
Радуйся, вселенский апостоле и Новаго Завета первомучениче.
Радуйся, явлением Христа на земли открывшагося Царствия Небеснаго первый проповедниче.
Радуйся, языков Божественное призвание предвозвестивый.
Радуйся, безвестная и тайная премудрости Божия миру явивый.
Радуйся, божественными деянии плодоносен паче иных явивыйся.
Радуйся, яко светом дел твоих прославися Отец Небесный.
Радуйся, яко в памяти твоей Церковь Христову веселиши неизреченно.
Радуйся, яко ныне вечнаго наслаждаешися веселия изобильно.
Радуйся, божественными лучами Трисолнечнаго Света осияваемый.
Радуйся, яко со безплотными Трисвятую песнь Богу немолчно вопиеши.
Радуйся, яко ныне, зерцалом разрешшимся, несредственне зриши Святую Троицу.
Радуйся, великий Иоанне Пророче, Предтече и Крестителю Господень.
Кондак 13
О великий и преславный Предтече и Крестителю Господень Иоанне, приими от нас ныне приносимое тебе моление и твоими богоприятными к Богу молитвами избави нас от всякаго зла, и вечныя изми муки, и наследниками Царствия Небеснаго соделай, да во веки поем Богу: Аллилуиа.
(Этот кондак читается трижды, затем икос 1 и кондак 1).
Молитва
Крестителю Христов, проповедниче покаяния, кающагося не презри мене, но, совокупляяся с вои Небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю: пригвожден бо есть ум мой земным вещем. Что сотворю? Не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия, Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый мучениче, постников и пустынников наставниче, чистоты учителю и ближний друже Христов! Тя молю, к тебе прибегаю: не отрини мене от твоего заступления, но возстави мя низверженнаго многими грехи; обнови душу мою покаянием, яко вторым крещением, понеже обоего начальник еси: крещением омываяй прародительский грех, покаянием же очищаяй коегождо дело скверно. Очисти мя, грехами оскверненнаго, и понуди внити, аможе ничтоже скверно входит — в Царствие Небесное. Аминь.
