Равноапостольная Мария Магдалина


Равноапостольная  Мария  Магдалина

Равноапостольная  Мария  Магдалина — христианская  святая,  одна  из  жен  мироносиц,  первая  из  людей  удостоена  была  увидеть  воскресшего  Иисуса  Христа,  верная  Его  последовательница  и  исповедница,  с  ней  связана  легенда  о  появлении  традиции  красных  пасхальных  яиц.

Житие:  Святая  мироносица  равноапостольная  Мария  Магдалина  родилась  в  городе  Магдале  на  берегу  Геннисаретского  озера,  в  северной  части  Святой  Земли.  Живописная  местность,  изобилующая  рыбой  и  плодами,  порождала  людей  пылких,  непосредственных  и  самоотверженных,  чем  они  отличались  от  других  палестинцев.

Эти  качества  были  присущи  и  Марии  Магдалине.  С  юности  она  страдала  беснованием,  вела  порочную  жизнь.  Благодаря  промыслу  Божему  и  Его  милости  равноапостольная  Мария  Магдалина  встретила  на  своем  пути  Иисуса  Христа,  который  посетил  с  проповедью  город  Магдалу.  Господь  умилосердился  над  ней  и  изгнал  из  нее  семь  бесов.

Получив  телесное  и  душевное  исцеление,  раноапостольная  Мария  Магдалина  прониклась  такой  благодарностью  ко  Господу,  любовью  и  верой  в  его  учение,  что  стала  самоотверженно  служить  ему.  Она  следовала  за  ним  повсюду.  Когда  при  взятии  Спасителя  на  суд  к  Пилату  поколебалась  вера  учеников  и  они  бежали,  равноапостольная  Мария  Магдалина  осталась  верна  Ему  не  только  в  дни  Его  славы,  но  и  в  момент  Его  крайнего  уничижения  и  поругания.

Она  не  оставила  Господа  и  стояла  вместе  с  Его  возлюбленным  учеником  апостолом  Иоанном  и  с  Его  Пречистой  Матерью  у  Креста.  Равноапостольная  Мария  Магдалина  сопровождала  тело  любимого  Учителя  при  перенесении  его  ко  гробу-склепу  в  саду  праведного  Иосифа  Аримафейского.  Там  она  умастила  тело  Спасителя  драгоценным  миром  и  ароматами.  За  это  получила  наименование  мироносицы.

Равноапостольная  Мария  Магдалина

Погребение  тела  Спасителя  совершалось  поспешно,  так  как  через  несколько  часов  в  ту  пятницу  вечером  должен  был  начаться  иудейский  праздник  Пасхи  (в  субботу).  На  следующий  день  после  Пасхи,  то  есть  в  воскресенье,  рано  утром,  когда  еще  даже  не  рассвело,  равноапостольная  Мария  Магдалина  пошла  ко  гробу  Спасителя,  чтобы  докончить  обряд  погребения.

Зная,  что  склеп  с  гробом  Иисуса  Христа  был  завален  огромным  камнем  и  подле  поставлена  стража,  чтобы  никто  не  мог  проникнуть  туда,  равноапостольная  Мария  Магдалина  по  дороге  недоумевала,  как  она  отвалит  тяжелый  камень.  Придя  на  место,  она  увидела,  что  камень  уже  отвален.  Тогда  Мария  поспешно  возвратилась  и  рассказала  об  этом  апостолам  Петру  и  Иоанну.

Апостолы,  опережая  друг  друга,  прибежали  ко  гробу.  И  нашли  там  только  погребальные  пелены.  Озадаченные,  они  вернулись  назад.  Мария,  отставшая  по  пути  от  апостолов,  тоже  вошла  внутрь  склепа  и,  не  найдя  здесь  никого  и  ничего,  кроме  пустого  гроба  и  пелен,  начала  плакать.  Тут  она  увидела  двух  Ангелов  в образе  юношей  в  белых  одеждах.

Один  из  них  спросил  ее:  «Женщина,  что  ты  плачешь,  кого  ищешь?»  На  что  Мария  ответила:  «Взяли  Господа  моего,  и  не  знаю,  где  положили  Его».  Сказав  это  она  оглянулась  и  увидела  Самого  Иисуса  Христа,  но  не  узнала  Его.  Думая,  что  это  садовник,  она  сказала  ему:  «Господин!  Если  ты  взял  Его,  скажи  мне,  где  ты  положил  Его».  Господь  сказал  ей:  «Мария!»  Она  узнала  Его  голос  и  с  радостью  увидела,  что  это  воскресший  Спаситель.

В  этот  же  день  равноапостольная  Мария  Магдалина  удостоилась  снова  увидеть  воскресшего  Спасителя,  когда  она  в  третий  раз  пришла  ко  гробу  с  прочими  женами-мироносицами.  Мария  рассказала  об  этом  апостолам,  но  они  не  поверили  ей.  После  Вознесения  Господня  равноапостольная  Мария  Магдалина  удостоилась  вместе  с  другими  апостолами  благодати  Святого  Духа  в  день  Пятидесятницы.

Равноапостольная  Мария  Магдалина

 

Ревностное  служение  Господу  Иисусу  Христу  святая  мироносица  равноапостольная  Мария  Магдалина  не  оставила  и  после  вознесения  Спасителя.  Она,  как  свидетельница  жизни  и  чудес  Спасителя,  обошла  много  стран  с  христианской  проповедью.  Многих  обратила  она  в  христианство,  рассказывая  о  том,  что  она  лично  видела.

Согласно  преданию,  пришла  однажды  равноапостольная  Мария  Магдалина  во  дворец  к  императору  Тиверию  во  время  проповеди  в  Риме.  На  аудиенции  она  рассказала  о  Господе  Иисусе  Христе,  о  Его  учении  и  воскресении  из  мертвых.  Император  усомнился  в  чуде  воскресения  и  попросил  у  Марии  доказательств. 

Тогда  она  взяла  лежавшее  на  столе  вареное  яйцо  и  сказала,  подавая  его  императору:  «Христос  воскрес!»  При  этих  словах  белое  яйцо  в  руках  императора  стало  красным.  Эта  традиция,  авторство  которой  с  той  поры  приписывается  равноапостольной  Марии  Магдалине,  так  и  прижилась.  Верующие  приветствуют  друг  друга  возгласом  «Христос  воскрес!»,  в  ответ  слышат  «Воистину  воскрес!»  и  дарят  друг  другу  крашенные  яйца.

После  Рима  равноапостольная  Мария  Магдалина  отправилась  в  Ефес  и  там  помогала  в  проповеди  апостолу  Иоанну  Богослову.  Об  обстоятельствах  ее  смерти  ничего  не  известно.  При  императоре  Льве  (886-912  годы)  ее  нетленные  мощи  были  перенесены  в  Константинополь.  Во  время  крестовых  походов  они  были  увезены  в  Рим.

Папа  Гонорий  II  (1216-1227  годы)  упокоил  мощи  святой  Марии  Магдалины  под  алтарем  святого  Иоанна  Латеранского  в  Латеране,  одном  из  самых  древних  храмов  в  Риме.  Папа  Гонорий  III  (1216-1227  годы)  освятил  этот  храм  в  честь  святой  равноапостольной  Марии  Магдалины. 

Церковь равноапостольной  Марии  Магдалины  в  Гефсимании
Церковь во имя Марии Магдалины в Гефсимании

Часть  мощей  святой  находится  в  Проваже  во  Франции  под  Марселем,  где  также  храм  освящен  во  имя  святой  Магдалины.  Части  святых  мощей  Марии  Магдалины  хранятся  в  Иерусалиме,  на  Афоне.  Паломники  со  всех  стран  едут,  чтобы  поклониться  святым  мощам  равноапостольной  мироносицы,  верной  и  самоотверженной  последовательницы  Господа  Иисуса  Христа.  В  Новом  Завете  имя  Марии  Магдалины  встречается  13  раз.

Храм  Марии  Магдалины  в  Авдеевке
Храм Марии Магдалины в Авдеевке (Донецкая епархия)

Молитвенная  традиция:  Святой  Марии  Магдалине,  женщине,  призванной  Самим  Господом  от  тьмы  к  свету,  от  власти  сатаны  к  Богу,  молятся  о  милости  и  прощении  при  грехопадении;  женщины  молятся  в  раскаянии  за  совершенный  аборт;  об  избавлении  от  пагубных  привязанностей  и  искушений:  алкоголизма,  наркомании,  распущнности;  просят  защитить  от  «дурного  глаза»,  порчи,  проклятий;  ее  почитают  как  покровительницу  аптекарей  и  парикмахеров.     

Память:  4  августа  /  22  июля  и  в  неделю  святых  жен-мироносиц,  в  третью  неделю  по  Пасхе.

 

АКАФИСТ  святой  равноапостольной  Марии  Магдалине

 

Тропарь, глас 1

Христу, нас ради от Девы рождшемуся, честная Магдалино Марие, последовала еси, Того оправдания и законы хранящи. Темже днесь всесвятую твою память празднующе, грехов разрешение молитвами твоими приемлем.

 

Кондак, глас 3

Предстоящи, преславная, у Креста Спасова со иными многими, и Матери Господни состраждущи, и слезы точащи, сие в похвалу приношаше, глаголющи: что сие есть странное чудо? Содержай всю тварь пострадати изволи. Слава державе Твоей.

 

Кондак 1

Уготованная Господом к равноапостольному служению, святая Марие Магдалино, возлюбленному ти Христу последовала еси; темже песньми с любовию восхваляем тя: ты же, яко имущая дерзновение велие ко Господу, от всяких нас бед молитвами твоими избави, да с радостию выну зовем ти: Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Икос 1

Ангелов Творец и Господь сил, предуведевый благое произволение твое, святая мироносице, от града Магдалы избра тя, свободив от диавольския сети; ты же по сих верная служительница Господеви явилася еси, ревнующи о прославлении Его житием и служением. Мы же, чудящеся таковому о тебе Божию смотрению, во умилении сердец зовем ти:

Радуйся, от Сына Божия из тьмы диавольския в чудный свет Его призванная.

Радуйся, Того благодатию телом и духом до конца чиста пребывшая.

Радуйся, с чистотою сердца и нищету духовную до конца сохранившая.

Радуйся, первее всех воскресшаго Христа узрети сподобившаяся.

Радуйся, силу вражию добре победившая.

Радуйся, крепкою верою и теплою любовию ко Христу Богу просиявшая.

Радуйся, всем сердцем Спаса Христа возлюбившая.

Радуйся, верно Тому даже до смерти послужившая.

Радуйся, душею твоею благодатно обновившаяся.

Радуйся, проповедь Евангелия в сокровище сердца своего вместившая.

Радуйся, проповедь Воскресения Апостолом возвестившая.

Радуйся, ангельскою беседою почтенная.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 2

Видящи святая Мария себе от седми лютых бесов избавлену, всем сердцем Победителю ада Христу Богу прилепися, вся люди научающи не усты токмо, но и всем житием Богу служити, вопиющи Тому: Аллилуиа.

 

Икос 2

Разум человеческий недоумевает, помышляя, из каковыя беды на высоту ангелоподобнаго жития благодатию Христовою возшла еси, достохвальная Марие Магдалино. Темже и мы, добрую тя предстательницу имуще, молимся тебе тепле: избави и нас от бездны греховныя, да любовию вопием ти таковая:

Радуйся, лютаго демонскаго рабства избегшая.

Радуйся, лесть лукавых бесов яве обличившая.

Радуйся, в напасти вражией ко Христу Богу прибегати всех научившая.

Радуйся, никомуже отчаяватися в велицей греховней скорби побуждающая.

Радуйся, ко святости всем грешником путь показавшая.

Радуйся, всемощную силу благодати Христовы познавшая.

Радуйся, достойнаго Богу благодарения добрая наставнице.

Радуйся, истиннаго богохваления верная учительнице.

Радуйся, в житии твоем правый путь земнаго течения нам показавшая.

Радуйся, всем грешником пред Богом благая заступнице.

Радуйся, душ наших от лести сатанинския защитнице.

Радуйся, во всякой скорби теплая ко Христу наша ходатаице.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 3

Силою божественныя благодати, купно же и своим благим произволением, безпечально оставила еси дом отца твоего, якоже древле Авраам, и радостно последовала еси Христу Богу: темже молим тя, ученице Христова, славная Марие, молитвами твоими и наша сердца просвети любовию к Богу, да и ныне и присно взываем Тому: Аллилуиа.

 

Икос 3

Имущи богодарованную ти премудрости силу, мужески отвергла еси, Марие Магдалино, красная сего мира и, яко ученица добрая, премногим милосердием обнищавшему за ны Слову истинно послужила еси. Сего ради и мы со умилением вопием ти:

Радуйся, добрая Христова ученице.

Радуйся, истинныя любве к Богу наставнице.

Радуйся, суету мира сего добре познавшая.

Радуйся, мужески его радости отвергшая.

Радуйся, красная мира сего ни во чтоже вменившая.

Радуйся, чину иноческому добрый путь жития предпоказавшая.

Радуйся, всех ко Христу Богу путеводствующая.

Радуйся, для дел милосердия из дому земнаго изшедшая.

Радуйся, Христово милосердие зде и на небеси обретшая.

Радуйся, яко тем блаженства вечнаго достигшая.

Радуйся, мудрая агнице, от злых волков к доброму пастырю Христу прибегшая.

Радуйся, во двор словесных овец Его вшедшая.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 4

Буря бесовския ярости превеликою силою устремися на храм души твоея, святая Марие, но того поколебати до конца не возможе: обрела бо еси спасение на твердем веры Христовы камени, на немже ты, мудрая жено, недвижимо стоящи, учиши всех Всеблагому Богу воспевати песнь: Аллилуиа.

 

Икос 4

Слышаще, богомудрая Марие, яко в последовании Христу обрела еси истинное веселие сердца, правду, мир и радость о Дусе Святе, тщимся и мы явитися в лице причастник сего Царства Божия. Тебе же, яко причастнице того сущей и путь нам к нему показавшей, рцем вси таковая:

Радуйся, небесную Иисусову сладость возлюбившая.

Радуйся, жизнь истинную во Христе обретшая.

Радуйся, тояжде образ и нам верно показавшая.

Радуйся, в радости небесней ныне присно живущая.

Радуйся, райския снеди непрестанно вкушающая.

Радуйся, огнь любве к Богу в сердце твоем возжегшая.

Радуйся, Христом Богом, яко раба Ему верная, возлюбленная.

Радуйся, прилежная о нас к Богу молитвеннице.

Радуйся, в бедах наших помощнице.

Радуйся, наша благая и кроткая учительнице.

Радуйся, Духа Святаго пречестное жилище.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 5

Боготечная звезда, спутствующи Христу, славная Марие, посреде мироносиц явилася еси. С нимиже ныне выну предстоящи Святей Троице, и нас молитвами твоими к священному тех лику совокупи, путь темный жития нашего светом твоим озаряющи, да радостно возопием Богу: Аллилуиа.

 

Икос 5

Видящи, святая Марие, Христа Бога на Кресте висяща, дивное мужество показала еси: мнози бо от ученик Учителя своего оставиша; ты же, непрестанными Божественными ученьми Того душу и мысль разжегши, немощь естества женскаго превозмогла еси и тако причастилася еси спасительней Христовой страсти. Сего ради мы, сицевое твое доблественное мужество зряще, вопием ти:

Радуйся, мудрых жен красото и удобрение.

Радуйся, христиан всех доброе радование.

Радуйся, Христу Богу, на Кресте висящу, сострадавшая.

Радуйся, непоколебимей любви к Тому нам путь показавшая.

Радуйся, сицевою любовию в предстательстве о нас к Богу дерзновение велие обретшая.

Радуйся, женам доброто и похваление.

Радуйся, христианом крепкое прибежище.

Радуйся, паче сильных мужей крепчайшая.

Радуйся, мудрецов мира сего мудрейшая.

Радуйся, яко тебе тайная премудрости Своея Бог явил есть.

Радуйся, яко тебе истинному богословию Сам Бог Слово научил есть.

Радуйся, Христа Бога паче жизни своей возлюбившая.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 6

Благодатию Твоею немощная врачуеши и некрепкия сосуды тверды соделоваеши, Христе Царю: мироносицы бо жены у Креста Твоего мужески предстоят и благодать крестную всем небоязненно возвещают; лицы же мудрых жен, ликам Ангельским уподобитися тщащеся, бодренно выну взывают Троице Святей: Аллилуиа.

 

Икос 6

Взыскующи озаритися светом истиннаго богоразумия, егда Бога на Кресте висяща видела еси, глаголала еси слезящи, дивная Марие: «Како Жизнь смерть вольную ныне приемлет?» Мы же, славное просвещение твое благодатию Святаго Духа ведуще, вопием ти сицевая:

Радуйся, Христа распята от глубины души оплакавшая.

Радуйся, веселие вечное в селениих Небесных обретшая.

Радуйся, нам образ добраго плача показавшая.

Радуйся, яко ты еси наше непрестанное радование.

Радуйся, всех скорбящих утешение неложное.

Радуйся, яко Христу, Его ради, на земли спострадала еси.

Радуйся, яко с Ним о Нем на Небеси прославляешися.

Радуйся, всех врагов наших крепкая победительнице.

Радуйся, во всех скорбех наших скорая помощнице.

Радуйся, яко всем христианом воспоминание твое пресладко.

Радуйся, яко всей Церкви Христовой имя твое пречестно.

Радуйся, истинная лозо винограда Христова.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 7

Хотящи уразумети Креста всепобедительную силу, до конца Христовой страсти предстояла еси у Креста Спасова со иными женами, преславная Марие, Матери же Господни болезненно состраждущи, тако недоуменно вопияла еси: «Что сие есть странное чудо? Содержай всю тварь пострадати изволи.» Мы же на Живоносный Крест волею Вознесшемуся любовию вопием: Аллилуиа.

 

Икос 7

Дивная жена явилася еси, блаженная Марие, любовию твоею ко Христу Богу: тую бо горестными изъявляя рыданьми, ко Снятому со Креста припадающи, слезами пречистыя язвы Его омыла еси. Еще же благообразному Иосифу и правдолюбивому Никодиму последующи, ко гробу Спасову со иными святыми женами текла еси, ово плачущи, ово плачущую неутешно Матерь Его Пренепорочную, Ейже душу лютое оружие пройде, утешающи. Мы же, таковую твою доблесть ведуще, смиренно взываем ти:

Радуйся, пречистыя язвы Христовы слезами омывшая.

Радуйся, Матери Того Пренепорочней яве сострадавшая.

Радуйся, Христа даже до гроба не оставившая.

Радуйся, во гроб полагавшуюся Жизнь недоуменно зревшая.

Радуйся, слезам покаяния наша добрая учительнице.

Радуйся, теми слезами греховныя скверны омывати нас наставляющая.

Радуйся, теми же сердце наше окамененное умягчати побуждающая.

Радуйся, образ истинной мудрости нам показавшая.

Радуйся, памятовати выну страсти Христовы нас научающая.

Радуйся, славная Марие, купно с Пренепорочною Девою Мариею, наша верная ходатаице.

Радуйся, добрая слуго Христова.

Радуйся, Господеви, а не человеком угождавшая.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 8

Странно, богомудрая Марие, явися тебе погребение всем жизнь подающаго Жизнодавца: Того любовию уязвляема, еще сущей тьме, ко гробу Его принесла еси миро и слезныя пролила еси ароматы. Темже и пребываеши ныне во благовонных рая селениих, со Ангельскими лики взывающи выну Богу: Аллилуиа.

 

Икос 8

Весь сладость, весь радость, весь жизнь тебе бысть Иисус, святая Марие: Того ради, видевши камень взят от гроба, Сего же не обретши, рыдающи текла еси к живому веры камени Симону и другому, егоже любляше Иисус, ученику, болезненно глаголющи има: «Взяша Господа от гроба, и не вем, где положиша Его.» Ныне же ты, свободившися от скорби тоя, со Христом вечно радуешися на небеси. Мы же на земли в таковую радость молитвами твоими внити чающе, со умилением вопием ти тако:

Радуйся, сиянием любве твоея ко Христу тьму ночную победившая.

Радуйся, нощному бдению в молитве нас научившая.

Радуйся, светом вечным на Небеси осиянная.

Радуйся, и нищетою духовною Царство Небесное купившая.

Радуйся, яко по скорби о страстех Христовых обрела еси обильное утешение.

Радуйся, жено кроткая, наследнице земли Небеснаго рая.

Радуйся, алкавшая и жаждавшая правды Христовы, яко ты ныне насыщаешися трапезы небесныя.

Радуйся, милостивая, милость Владыки обретшая и о нашем помиловании Того усердно просящая.

Радуйся, ты бо ныне, яко чистая сердцем, Бога лицем к лицу зриши.

Радуйся, яко сподобилася еси первее всех видети Воскресение Христа, вечнаго Мира.

Радуйся, изгнанная правды ради Христовы, яко твое есть Царство Божие.

Радуйся, приобретшая вечное веселие и мзду многу на Небесех.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 9

Всяк чин Ангельский удивися великой тайне славнаго Воскресения Твоего, Христе Царю, ад же притрепетен бысть, видев, яко снизшел еси в преисподняя земли и сокрушил еси вереи вечныя, содержащия связанныя, Христе. Мы же радости жен мироносиц сорадующеся, с веселием вопием: Аллилуиа.

 

Икос 9

 

Ветий многовещанных языки не довлеют достойно изрещи великую скорбь твою, славная Марие, егда стояла еси вне гроба плачущи. Кто бо возможет рещи болезнь души твоея, егда не обрела еси во гробе паче жизни своея возлюбленнаго ти Господа? Прискорбное сердце твое не возможе внимати утешению Ангелов светлых. Сицевую скорбь твою со умилением воспоминающе, воспеваем ти таковая:

Радуйся, видети Христа Иисуса в пещеру проникшая.

Радуйся, ныне Того на Престоле Славы седяща зрящая.

Радуйся, светлых небожителей еще сущи на земли узревшая.

Радуйся, от тех глас радости Воскресения Христова приимшая.

Радуйся, яко ты с ними ныне присно радуешися.

Радуйся, любовию миро Христу принесшая.

Радуйся, во благоухающую мира Христова воню сладце притекшая.

Радуйся, отвергшая радостей мира греховнаго горечь.

Радуйся, возлюбившая небесную Иисусову сладость.

Радуйся, добрая леторасле сада Иисусова.

Радуйся, благоплодная лозо вертограда Божия.

Радуйся, преукрашенный храм Духа Всесвятаго явльшаяся.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 10

Спасти хотя мир, аще и во гроб снизшел еси, Безсмертне, но адову разрушил еси силу и воскресл еси, яко Победитель, Христе Боже, женам мироносицам вещавый: «Радуйтеся». С нимиже и мы ныне песнь радости приносим ти: Аллилуиа.

 

Икос 10

Стены каменныя твердее бысть любовь Твоя к возлюбльшему тя Христу, мироносице славная Магдалино Марие: темже едина видела еси прежде инех Живота нашего, из гроба возставша; вертоградаря же Того непщевала еси быти и вопияла еси Тому, забывши естества немощь: «Аще Ты еси взял Его, повеждь ми, где еси положил Его, и аз возьму Его», но сладостный Того глас показа ти Учителя, нас же глашати научи тебе сице:

Радуйся, истиннаго Вертоградаря воскресша первее инех узревшая.

Радуйся, в вертограде Небеснем водворившаяся.

Радуйся, гроздием Божия благодати ныне непрестанно питающаяся.

Радуйся, вином райских радостей веселящаяся.

Радуйся, яко твоя любовь к Богу естество победила есть.

Радуйся, яко тая и нас ревности Божией научила есть.

Радуйся, из уст Христовых вещание Воскресения первее приимшая.

Радуйся, Апостолом глаголы радости первее возвестившая.

Радуйся, вечную радость на Небеси обретшая.

Радуйся, яко ты и нас к той радости тобою зовеши.

Радуйся, яко о сем о нас к Богу непрестанно ходатайствуеши.

Радуйся, яко Тому молитвы о нас тепле приносиши.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 11

Ни едино же слово довлеет воспети по достоянию божественную радость Воскресения Христова, юже со иными женами, славная Марие, Апостолом возвести в сей нареченный и святый день, праздников праздник и торжество из торжеств. Темже, пред величием неизреченных щедрот Твоих, Христе Царю, на нас бывших, преклоняющеся, со смирением и любовию зовем Ти: Аллилуиа.

 

Икос 11

Светозарная звезда греховному миру явилася еси, Магдалино Марие, егда по славнем Спасове вознесении, грады и веси преходящи и слово Евангелия всюду возвещающи, многи подклонила еси под благое иго Христово. Достигши же даже до древняго Рима, мужески Тиверию кесарю предстала еси и тому образом краснаго яйца и мудрыми словесы живоносную силу Христа уяснила еси, лукаваго же Пилата и безбожнаго архиерея обличила еси, да по беззаконным делом своим достойная приимут. Таковому подвигу апостольства твоего дивящеся, радостно вопием ти сице:

Радуйся, Христова учения славная благовестительнице.

Радуйся, языческия тьмы светозарная прогонительнице.

Радуйся, греховныя узы многих человек разрешившая.

Радуйся, Христовей мудрости всех научившая.

Радуйся, многия люди из тьмы неведения в чудный Христа свет приведшая.

Радуйся, образ твердаго стояния за правду Христову нам показавшая.

Радуйся, спасение душ грешников паче своея жизни возлюбившая.

Радуйся, заповеди Христовы добре уразумевшая.

Радуйся, тем верно последовавшая.

Радуйся, тьму языческую дерзновенно обличившая.

Радуйся, гнева кесарева не убоявшаяся.

Радуйся, злобу и коварство врагов Христовых тому показавшая.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 12

Благодати от Бога изобильно исполненная, множество душ ко Христу привела еси, славная Марие: по сем же пришла еси во Ефес, идеже апостольски любовию со Апостолом любве спасению человек послуживши, блаженным успением ко Господу преставилася еси, Емуже ныне с многочисленными небесными певцы непрестанно поеши: Аллилуиа.

 

Икос 12

Поюще твое достохвальное житие на земли и славу, яже на Небеси, радостно славим, поем и величаем дивнаго во святых Своих Царя Небеснаго: зане не токмо сама ты, святая Марие, Того благодатию, в селениих праведных ныне ликуеши, но и нас веселиши на земли, оставивши нам многоценное миро мощей твоих, яже мудрый Лев царь, из Ефеса в Константинград пренести повеле. Тыя и мы, яко источающия благодать неоскудную всем любовию притекающим, верою и любовию мысленно лобызающе, умильно воспеваем ти таковая:

Радуйся, на земли любовию ко Христу горевшая.

Радуйся, на Небеси в райския обители Того вселившаяся.

Радуйся, верным твердое заступление.

Радуйся, благовонное миро, Церковь благоухающее.

Радуйся, кадильнице златая, фимиам молитвы о нас к Богу непрестанно приносящая.

Радуйся, источник исцелений неоскудный.

Радуйся, сокровище Божией благодати неиждиваемое.

Радуйся, Ангельских ликов верная соучастнице.

Радуйся, Небесных чертогов славная жительнице.

Радуйся, яко мзда твоя многа есть на Небесех.

Радуйся, яко радость твоя вечна есть во обителех святых.

Радуйся, яко ты и нам прияти радость, благодать же и славу непрестанно ходатайствуеши.

Радуйся, святая равноапостольная Марие Магдалино, паче всех благ Сладчайшаго Господа Иисуса возлюбившая.

 

Кондак 13

О пречудное и предивное жен украшение, всем же христианом похвала и радование, Апостолом равная явльшаяся, мироносице славная Магдалино Марие! Нынешнее наше моление приемши, от всяких нас бед и скорбей душевных и телесных и от враг видимых и невидимых, на нас находящих, избави и к Царствию Небесному ходатайством твоим направи всех, со умилением и любовию поющих о тебе Богу: Аллилуиа.

 

(Этот кондак читается трижды, затем икос 1 и кондак 1)

 

Молитва

О святая мироносице и всехвальная равноапостольная Христова ученице Магдалино Марие! К тебе, яко верней и мощней о нас к Богу ходатаице, грешнии и недостойнии ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, но благодатию Христовою явно тех свободилася еси; и нас молитвами твоими от сети бесовския избави, да непрестанно во всем житии нашем делом, словом, мыслию и тайными помышлениями сердец наших верно послужим Единому Святому Владыце Богу, якоже Тому обещалися есмы. Ты паче всех благ земных Сладчайшаго Господа Иисуса возлюбила еси и Тому чрез все житие добре последовала еси, Божественными учении Его и благодатию не токмо свою душу питающи, но и множество людей от тьмы языческия ко Христа чудному свету приводящи; то ведуще просим тя: испроси нам у Христа Бога благодать просвещающую и освящающую, да, ею осеняеми, преуспеваем в вере и благочестии, в подвизех любве и самоотвержения, да неленостно тщимся служити ближним в их нуждах духовных и телесных, памятующе пример твоего человеколюбия. Ты, святая Марие, бодренно благодатию Божиею протекла еси житие на земли и мирно отошла еси во обители Небесныя, моли Христа Спаса, да молитвами твоими сподобит нас непреткновенно совершити странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на Небеси сподобимся и тамо с тобою и всеми святыми вкупе выну восхвалим Троицу Нераздельную, воспоим Едино Божество, Отца и Сына и Духа Всесвятаго во веки веков. Аминь.

 

     

  

 

Добавить комментарий

Ваш e-mail не будет опубликован. Обязательные поля помечены *