Святитель Игнатий Брянчанинов — выдающийся богослов и проповедник XIX века, епископ Русской Православной Церкви, оставивший потомкам целый кладезь святоотеческой аскетической мысли, ясно раскрывающей сущность правильного духовного пути и являющейся для современного человека незаменимым руководством в духовной жизни.
Житие: Святитель Игнатий Брянчанинов родился 5 февраля 1807 года, а умер 30 апреля 1867 года, прожив на свете всего 60 лет и оставив неизгладимую память в сердцах и умах людей. Родился святитель в семье древнейшего дворянского рода. Суждена ему была от рождения блестящая светская карьера, а его с детства влекло духовное поприще.
Уклад жизни в семье, состоящей из девяти детей, был очень строгим. Управляла всем крепкая воля отца Александра Семеновича Брянчанинова (1784-1875 годы), пережившего своего старшего сына на девять лет. Мать святого Софья Афанасьевна Брянчанинова (1786-1832 годы) была тихой благочестивой женщиной, она очень любила своего старшего сына.
Двое первых детей умерли во младенчестве. Затем наступило долгое бесплодие. В печали супруги обратились к помощи Божией, предприняв паломнические поездки по святым местам и вымолили себе наследника. Во святом крещении младенец, будущий святитель Игнатий Брянчанинов, получил имя Димитрия в честь преподобного Димитрия Прилуцкого.
Детство святителя прошло в родовом имении Брянчаниновых — селе Покровском Грязовецкого уезда Вологодской губернии. Усадьба эта сохранилась до настоящего времени и в 2000 году передана в ведение Вологодской епархии. Здесь и было положено начало духовному формированию будущего святого.
Сама безмолвная сельская жизнь располагала к уединению, сокровенному внутреннему деланию, глубокомыслию. Образованию детей уделялось должное внимание в семье. Приглашались наставники и учителя, в том числе профессора Вологодской духовной семинарии. Все дети получили блестящее образование.
С раннего детства Димитрий отличался своими незаурядными способностями. Домашнее образование он завершил в том числе с прекрасным знанием латинского и греческого языков, являясь в семье безусловным лидером. Все дети признавали нравственное превосходство и главенство Димитрия, в то время как он никогда не обнаруживал ни малейшего превозношения. Родители возлагали на него большие надежды.
Зачатки иноческого смиренномудрия проявлялись уже в раннем возрасте святителя, в его поведении и образе мыслей. По заведенному в семье порядку, когда дальнейший жизненный путь детей заранее предрешался родителями, на шестнадцатом году жизни в 1822 году Димитрий был отвезен отцом в Петербург для определение в Главное инженерное училище, готовившее офицеров инженерных войск.
Димитрий блестяще сдал экзамены и был зачислен сразу во второй класс. Первым по успеваемости он был все годы обучения, обратив на себя внимание великого князя Николая Павловича. Блистал Димитрий Брянчанинов и в светском обществе, особенно на литературных вечерах, где общался с известными поэтами и писателями того времени.
Это способствовало формированию литературных дарований святителя. Но рядом с этой внешней жизнью росла и формировалась скрытая внутренняя жизнь будущего богослова и ревнителя веры. Святитель Игнатий Брянчанинов обратился к источнику живой веры — творениям святых отцов.
Чтение, внимательное исследование творений святых отцов навсегда определило внутренний аскетический настрой святителя. Святитель Игнатий Брянчанинов согласно наставлениям отцов Церкви стал осваивать умное делание, внутреннюю молитву, чтобы в своем одиночестве взыскать помощи Единого Истинного Помощника и Благодетеля.
В училище святитель Игнатий Брянчанинов сблизился с однокурсником Михаилом Чихачевым в своих духовных стремлениях к жизни во Христе. Не найдя понимания у духовника училища, друзья обратились к инокам Валаамского монастыря, которые увидев глубину духовных потребностей друзей, направили их к монахам Невской лавры.
От них юноши получали ценные наставления и духовный опыт. Но сближение с монашеством вызвало существенное противодействие со стороны отца. В результате Димитрий Брянчанинов вынужден был лично предстать пред Петербургским митрополитом Серафимом (Глаголеским) и выразил желание стать монахом.
Видя его искреннее желание, Высокопреосвященнейший позволил ему продолжать общение с монахами Александро-Невской Лавры, что стало первым положительным поворотом на пути к духовному служению святителя. Но уход от мира дался Димитрию очень нелегко, вызвав сопротивление не только отца, но и Государя императора.
Весной 1826 года святитель Игнатий Брянчанинов заболел тяжкой грудной болезнью и был на волосок от смерти. Эта болезнь стала для него настоящим предверием монашества. Как только его здоровье несколько поправилось, он поспешил в Лавру, и здесь неожиданно совершилась судьбоносная встреча.
В это время в обитель прибыл известный старец преподобный Леонид (Наголкин), будущий старец оптинский (в схиме Лев). Именно преподобный Леонид Оптинский своим духовным влиянием произвел в душе Димитрия окончательный разрыв с миром, именно он повлек за собой юного святого к всецелому посвящению жизни богоугодному деланию души.
Святитель Игнатий Брянчанинов подал прошение об отставке. Последовал серьезный разговор с отцом, затем с братом императора Михаилом Павловичем. Не смея противиться воле императора, Димитрий Брянчанинов выехал по направлению в Динабург для прохождения службы, где он, не оправившийся еще от болезни, окончательно слег.
После этого святитель Игнатий Брянчанинов получил наконец вожделенную отставку и выехал в Александро-Свирский монастырь к старцу Леониду в начале января 1828 года. С ним и другим старцем оптинским Макарием святитель Игнатий Брянчанинов поддерживал теплое духовное общение долгие годы.
Но старцы оптинские предлагали более деятельное благочестие, тогда как святитель Игнатий Брянчанинов — сокровенное умное делание со всеми тонкими особенностями внутренней жизни. Димитрий Брянчанинов с Михаилом Чихачевым удалились в Кирилло-Новоезерский монастырь Новгородской губернии, где жил знаменитый старец архимандрит Феофан.
28 июня 1831 года епископ Стефан постриг благочестивого послушника Димитрия в монашество с именем Игнатий в честь святого Игнатия Богоносца. Вскоре он рукоположил новопостриженного в священные степени и назначил настоятелем Пельшемского Лопотова монастыря. Святитель Игнатий Брянчанинов скоро придал монастырю благолепный вид.
Весть дошла до императора Николая I, который призвал его к себе и повелел взять на себя управление Сергиевой пустынью и сделать из нее образцовую обитель. Святого Игнатия возвели в сан архимандрита, в неполных 27 лет, и перевели в новую обитель близ столицы с ее мирским светским шумом и суетой и нездоровым климатом на берегу Финского залива.
Двадцать три года провел здесь святитель Игнатий Брянчанинов, воспринимая необходимость встречать светских гостей, при его стремлении к уединению, и нездоровый климат, при его склонности к простудам, как тяжкий крест. Троице-Сергиева пустынь быстро расстраивалась. Святитель собрал здесь хор, получивший всероссийскую славу. В борьбе со скорбями, завистью, интригами святитель Игнатий Брянчанинов возрастал духовно.
27 октября 1857 года святитель Игнатий Брянчанинов был посвящен во епископа Кавказского и Черноморского. На этой кафедре, отнявшей у святого Игнатия много сил по наведению порядка, особенно проявились административные способности святителя. Но здоровье его ухудшалось. После перенесенной тяжелой болезни, оспы, он получил 5 августа 1861 года позволение императора уйти на покой.
Последние годы своей жизни святитель Игнатий Брянчанинов провел в Николо-Бабаевском монастыре, обретя наконец тихую пристань и долгожданное безмолвие, при котором мог беспрепятственно готовиться к встрече с вечностью. Здесь он завершал и пересматривал свои творения, руководил духовных чад, долго молился.
В день Светлого Христова Воскресения 16 апреля 1867 года святитель Игнатий Брянчанинов совершил последнюю в своей жизни литургию. На следующее утро, 30 апреля, в неделю жен-мироносиц, келейник нашел святителя лежащим на боку с рукой на раскрытом каноннике. Начав молитву на земле, угодник Божий продолжил ее на Небе.
К лику святых святитель Игнатий Брянчанинов был причислен Поместным Собором Русской Православной Церкви в 1988 году. Мощи святителя почивают в Свято-Введенском Толгском монастыре Ярославской епархии, известном своей чудотворной Толгской иконой Божией Матери.
Жизнь святителя стала подтверждением того духовного закона, что никакие искушения, обстоятельства времени или особенности личного положения в обществе не могут препятствовать единению духа человеческого с Духом Божиим.
Занимая в силу своего знатного происхождения высокие должности, к которым совершенно не стремился, святитель Игнатий Брянчанинов нес их как послушание, стремясь всей своей душой, по примеру древних пустынников, к уединению и безмолвию, поверяя эти мысли в беседах с Богом и в своих творениях.
Творения святителя Игнатия — это обобщение аскетического опыта предшествовавших святых отцов касательно внутреннего служения человека Богу, проверенного святителем на собственном опыте.
Память: 30 апреля / 13 мая.
По материалам книги Валерия Духанина «Жизнь святителя Игнатия (Брянчанинова).
АКАФИСТ СВЯТИТЕЛЮ ИГНАТИЮ БРЯНЧАНИНОВУ
Не утвержден для общецерковного использования.
Избра́нный Небе́снымъ Царе́мъ и отъ Него́ просла́вленный, святи́телю о́тче Игна́тіе, ны́нѣ всечестну́ю твою́ па́мять пра́зднующе, мо́лимъ тя́ усе́рдно: путево́дствуй на́съ на пути́ спасе́нія, изба́ви отъ вра́гъ ви́димыхъ и неви́димыхъ, отъ скорбе́й и болѣ́зней, съ любо́вію зову́щихъ ти́:
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Арха́нгели и а́нгели удивля́хуся житію́ твоему́, святи́телю о́тче Игна́тіе, ка́ко отъ лѣ́тъ ма́лыхъ къ Бо́гу ве́ліе раче́ніе имѣ́лъ еси́ и по за́повѣдемъ Его́ житіе́ твое́ неукло́нно проводи́лъ еси́. Дивя́щеся таково́му благоразу́мію твоему́, со умиле́ніемъ взыва́емъ ти́:
Ра́дуйся, скорбя́щихъ безча́дныхъ роди́телей твои́хъ рожде́ніемъ свои́мъ утѣ́шивый; ра́дуйся, ро́да честна́го о́трасле прекра́сная.
Ра́дуйся, а́нгела-храни́теля твоего́ непреста́нное весе́ліе; ра́дуйся, роди́телей и наста́вниковъ твои́хъ свое́ю кро́тостію и поко́рностію удиви́вый.
Ра́дуйся, отъ лѣ́тъ младе́нческихъ ко и́ноческому послуша́нію себе́ приугото́вивый; ра́дуйся, ду́шу свою́ младе́нческую къ Бо́гу устреми́вый.
Ра́дуйся, въ моли́твѣ и богомы́сліи о́троческія своя́ досу́ги проводи́вый; ра́дуйся, ме́ньшимъ бра́тіямъ и сестра́мъ твои́мъ примѣ́ръ моли́твы и послуша́нія подава́вый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Ви́дяще роди́теліе твоя́ вели́кая твоя́ дарова́нія, напра́виша тя́ въ ца́рствующій гра́дъ, да обуче́нъ бу́деши къ воспрія́тію во́инскаго зва́нія. Ты́ же, избра́нниче Бо́жій, ю́нъ сы́й лѣ́ты, ста́ръ же ра́зумомъ, вся́ сія́, я́ко тлѣ́нна и скоропреходя́ща почита́ше, къ Еди́нѣй же Красотѣ́ и Сла́дости Неизрече́ннѣй — Го́споду Іису́су Христу́ умо́мъ и се́рдцемъ устремля́лся еси́, поя́ Ему́: Аллилу́ія.
Ра́зумъ боже́ственный отъ возлю́бленнаго тобо́ю Спа́са Христа́ прія́лъ еси́, Игна́тіе досточу́дне, егда́, еще́ о́трокъ сы́й, во всѣ́хъ ви́димыхъ о́бразѣхъ мíра сего́ ру́ку Небе́снаго Творца́ и Промысли́теля проразумѣва́лъ еси́. Тѣ́мже прославля́юще тя́, вопіе́мъ ти́ си́це:
Ра́дуйся, въ ви́димыхъ явле́ніихъ приро́ды Неви́димого Бо́га созерца́вый; ра́дуйся, тишину́ и уедине́ніе лѣсно́е возлюби́вый.
Ра́дуйся, отъ лѣ́тъ о́троческихъ къ Бо́гу ве́ліе раче́ніе имѣ́вый; ра́дуйся, вся́ кра́сная и сла́дкая мíра сего́ презрѣ́вый.
Ра́дуйся, мзду́ небе́сную отъ Го́спода воспрія́вый; ра́дуйся, моли́тву Іису́сову усты́ непреста́нно твори́вый и во умѣ́ содержа́вый.
Ра́дуйся, соверше́нную любо́вь ко Го́споду показа́вый; ра́дуйся, возлю́бленнаго тобо́ю Іису́са вы́ну въ се́рдцы твое́мъ носи́вый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Си́лою Вы́шняго осѣне́нъ бы́лъ еси́, о́тче преблаже́нне, егда́ вся́, я́же въ мíрѣ се́мъ я́ко блага́я почита́ются, отве́рглъ еси́ и по за́повѣди Христа́ Спаси́теля, взе́мъ кре́стъ, невозвра́тно Ему́ послѣ́довалъ еси́, непреста́нно поя́ въ се́рдцы твое́мъ: Аллилу́ія.
Имѣ́я въ души́ свое́й пла́менное жела́ніе мíръ оста́вити и Христу́ послѣ́довати, не убоя́лся еси́ ни гнѣ́ва царе́ва, ни преще́ній оте́ческихъ и, еще́ въ мíрѣ жи́вый, и́ноческимъ житіе́мъ себе́ украси́лъ еси́. Тѣ́мже, почита́юще му́жество твое́ и любо́вь къ Сладча́йшему Го́споду Іису́су, блажи́мъ тя́ си́це:
Ра́дуйся, во мла́дости твое́й адама́нтову тве́рдость ду́ха прояви́вый; ра́дуйся, при́сно пріобще́нія святы́хъ Христо́выхъ Та́инъ, я́ко велича́йшаго сокро́вища, жела́вый.
Ра́дуйся, на небесѣ́хъ ны́нѣ Христа́ пріобща́яйся, я́коже вожделѣ́лъ еси́, еще́ сы́й на земли́; ра́дуйся, я́ко сѣ́мя Бо́жіе, всѣ́янное въ до́брую зе́млю сердца́ твоего́, оби́льными слеза́ми ороша́лъ еси́.
Ра́дуйся, я́ко посредѣ́ мірски́хъ пле́велъ, стори́чный пло́дъ добродѣ́телей Го́споду прине́слъ еси́; ра́дуйся, чистоты́ душе́вныя и тѣле́сныя усе́рдный храни́телю.
Ра́дуйся, цѣлому́дрія ди́вное украше́ніе; ра́дуйся, я́ко благолѣ́піе ли́ка твоего́ о душе́внѣй красотѣ́ твое́й свидѣ́тельствоваше.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Бу́ря помышле́ній сумни́тельныхъ не поколеба́ тя, Игна́тіе блаже́нне, егда́ гнѣ́ва царе́ва не убоя́вся, чи́нъ во́инскій оста́вилъ еси́ и, подъя́въ на себе́ и́го Христо́во и мíръ съ собла́зны его́ презрѣ́въ, въ пусты́ню всели́лся еси́ и та́мо, жела́нный поко́й души́ свое́й стяжа́въ, немо́лчно пѣ́лъ еси́ Бо́гу: Аллилу́ія.
Егда́ слы́шано бы́сть во оте́чествіи твое́мъ, я́ко ю́нъ сы́й лѣ́ты, лѣ́потою и дарова́ньми украше́нъ, сла́ву мíра сего́ и сла́дости его́ возненави́дѣвъ, въ пусты́ню удали́лся еси́, вси́ сро́дницы твои́ вельми́ удивля́хуся, а́нгели же на небеси́ возра́довашася зѣло́ и просла́виша Бо́га, восхи́тившаго тя́ отъ су́етнаго пути́ мірска́го и поста́вившаго на тѣ́сный пу́ть и́ноческій, веду́щій въ Ца́рствіе небе́сное. Мы́ же, похваля́юще святу́ю ре́вность твою́ о Го́сподѣ, зове́мъ ти́:
Ра́дуйся, зва́нію во́ина царя́ земна́го зва́ніе во́ина Царя́ Небе́снаго предпочты́й; ра́дуйся, на искуше́нія отъ мíра, пло́ти и діа́вола находя́щая крѣ́пко ополчи́выйся.
Ра́дуйся, ору́жіемъ Бо́жіимъ, кресто́мъ Христо́вымъ, вся́ ко́зни вра́жія побѣди́вый; ра́дуйся, броне́ю пра́ведности облече́нный.
Ра́дуйся, шле́мъ спасе́нія стяжа́вый; ра́дуйся, ме́чь духо́вный, е́же е́сть глаго́лъ Бо́жій, па́че вся́каго человѣ́ческаго ору́жія возлюби́вый.
Ра́дуйся, щито́мъ вѣ́ры отъ стрѣ́лъ лука́ваго себе́ огради́вый; ра́дуйся, чи́на а́нгельскаго блаже́нство неизрече́нное въ черто́зѣ небе́снѣмъ получи́вый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Боготе́чнѣй звѣздѣ́ подо́бенъ бы́лъ еси́, Игна́тіе преподо́бне, егда́ предста́лъ еси́ предъ игу́меномъ оби́тели да́льнія и ску́дныя, прося́ прія́ти тя́ въ число́ бра́тіи. Игу́менъ же, испыта́въ тя́, ничто́же вопреки́ глаго́лаше, благослови́ тя на нача́ло и́ноческаго пути́ твоего́. Ты́ же, улучи́въ ча́яній твои́хъ сбы́тіе, благода́рнѣ воспѣ́лъ еси́ во умиле́ніи благодѣ́ющему тебѣ́ Бо́гу: Аллилу́ія.
Вся́ бра́тія оби́тели удивля́шеся, зря́ще вели́кое тща́ніе твое́ во исполне́ніе послуша́ній, и́миже испытова́ше твое́ смире́ніе духо́вный оте́цъ тво́й. Мы́ же, почита́юще по́двиги и труды́ твоя́, во млады́хъ лѣ́тѣхъ во́лею Христа́ ра́ди подъя́тыя, умиле́нно вопіе́мъ ти́:
Ра́дуйся, кре́стъ сво́й на ра́мена подъя́вый и Христу́ послѣ́довавый; ра́дуйся, у́зкій и приско́рбный пу́ть житія́ мона́шескаго во́лею избра́вый.
Ра́дуйся, вспя́ть николи́же обрати́выйся; ра́дуйся, смире́ніемъ свои́мъ ду́ха горды́ни низложи́вый.
Ра́дуйся, тала́нтъ сво́й въ земли́ не сокры́вый; ра́дуйся, во сла́ву Бо́жію и на спасе́ніе ду́шъ человѣ́ческихъ его́ употреби́вый.
Ра́дуйся, богому́дрыми писа́ньми твои́ми мно́гія ду́ши, во грѣсѣ́хъ погря́зшія, оживи́вый; ра́дуйся, сла́дкій гла́съ Небе́снаго Домовлады́ки, — ра́бе благíй и вѣ́рный, вни́ди въ ра́дость Го́спода Твоего́, — услы́шавый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Смире́ніемъ, посто́мъ, наипа́че же непреста́нною моли́твою на стра́сти плотскíя крѣ́пко ополчи́лся еси́, святи́телю, до́ндеже пло́ть твою́ ду́хови порабо́тилъ еси́ и сего́ ра́ди ны́нѣ предстои́ши съ ли́ки а́нгелъ престо́лу Пресвяты́я Тро́ицы, вы́ну воспѣва́я: Аллилу́ія.
Возсія́ въ тебѣ́ оби́льно благода́ть Бо́жія, егда́ чи́нъ а́нгельскій воспрія́въ, вско́рѣ са́номъ свяще́нства почте́нъ бы́лъ еси́. Ду́хъ же тво́й, прія́тый во объя́тія Отча, тебѣ́ отве́рстая, блаже́нство неизрече́нное вкуси́. Егда́ же избра́ тя Госпо́дь во игу́мена оби́тели Пе́льшемскія, о слове́сныхъ овца́хъ твои́хъ, тебѣ́ Бо́гомъ вруче́нныхъ, де́нно и но́щно пе́клся еси, да ни еди́на отъ ни́хъ поги́бнетъ нераде́нія ра́ди твоего́. Таково́му Бо́жію о тебѣ́ промышле́нію ра́дующеся, зове́мъ ти́:
Ра́дуйся, въ прія́тіи а́нгельскаго чи́на заверше́ніе ча́яній твои́хъ узрѣ́вый; ра́дуйся, небе́сному покрови́телю своему́, священному́ченику Игна́тію Богоно́сцу, подража́вый.
Ра́дуйся, я́коже и то́й, Го́спода Іису́са Христа́ въ се́рдцы твое́мъ вы́ну носи́вый; ра́дуйся, са́нъ свяще́нства, я́ко вели́кій да́ръ Бо́жій, прія́вый.
Ра́дуйся, огню́ тезоимени́тый, огне́мъ вѣ́ры и любве́ къ Бо́гу и бли́жнимъ пламенѣ́вый; ра́дуйся, съ благоговѣ́ніемъ вели́кимъ и стра́хомъ безкро́вную же́ртву приноси́вый.
Ра́дуйся, Пренепоро́чную Ма́терь Христа́ Бо́га на́шего, я́ко чистѣ́йшую святы́ню и сокро́вище сла́вы Бо́жія, благоговѣ́йно почита́вый; ра́дуйся, хра́мъ благоукраше́нный во и́мя Ми́лостивыя Врата́рницы во оби́тели воздви́гнувый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Хотя́ человѣколю́бецъ Госпо́дь, да не сокрове́нъ бу́детъ свѣти́льникъ добродѣ́телей твои́хъ, но да свѣ́титъ всѣ́мъ, да просла́вятъ Отца́ Небе́снаго вси́ человѣ́цы, ви́дящіи тя́, изведе́ тя изъ оби́тели пусты́нныя на многотру́дная послуша́нія. Сему́ Бо́жію промышле́нію дивя́щеся, со умиле́ніемъ зове́мъ: Аллилу́ія.
Но́вѣй оби́тели преподо́бнаго Се́ргія близъ ца́рствующаго гра́да дарова́ тя Госпо́дь, я́ко предстоя́теля и до́браго па́стыря, неусы́пно о слове́снѣмъ ста́дѣ свое́мъ пеку́щагося и о благолѣ́піи оби́тели ревну́ющаго. Сего́ ра́ди и сла́вляху тя́ бра́тія твоя́, взыва́юще:
Ра́дуйся, небе́сному покрови́телю оби́тели твоея́, преподо́бному Се́ргію, игу́мену Ра́донежскому, подража́вый; ра́дуйся, ди́вными хра́мы и строе́ньми сію́ украси́вый.
Ра́дуйся, я́ко оте́цъ чадолюби́вый, ча́дъ свои́хъ по пути́ спасе́нія въ Ца́рствіе небе́сное веды́й; ра́дуйся, жа́ждавшихъ вступи́ти на пу́ть и́ноческій съ любо́вію во оби́тель пріима́вый.
Ра́дуйся, провини́вшихся и́ноковъ увѣщава́ньми свои́ми къ сле́зному раска́янію приводи́вый; ра́дуйся, я́ко па́стырь до́брый, житіе́мъ свои́мъ и нра́вомъ всѣ́мъ бра́тіямъ примѣ́ръ по́двига и́ноческаго подава́вый.
Ра́дуйся, за спасе́ніе и́хъ ду́шу свою́ положи́ти гото́вый; ра́дуйся, мона́шествующихъ сла́во и похвало́.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Стра́нникъ и пришле́цъ на земли́ бы́лъ еси́, святи́телю, я́коже про́чіи человѣ́цы. Оба́че Госпо́дь отъ лѣ́тъ младе́нческихъ избра́ тя, я́ко уго́дника Своего́, житіе́мъ бо и богодухнове́нными писа́ньми твои́ми Го́споду усе́рдно послужи́лъ еси́. Мы́ же, хвалу́ возсыла́юще ко Благодѣ́ющему тебѣ́ Бо́гу, вопіе́мъ: Аллилу́ія.
Ве́сь добродѣ́телей испо́лненный, вои́стинну бы́лъ еси́ во пло́ти а́нгелъ, святи́телю Игна́тіе, всѣ́хъ притека́вшихъ къ тебѣ́ съ любо́вію пріима́я, ско́рби и́хъ утѣша́я, на пу́ть покая́нія наставля́я, непреста́ннѣй моли́твѣ и пла́чу серде́чному науча́я. Сего́ ра́ди бога́тіи и бѣ́дніи, зна́тніи и убо́зіи лю́діе, духо́вная ча́да твоя́, взыва́ху ти́:
Ра́дуйся, но́вый Златоу́сте, заблу́дшія путе́мъ покая́нія къ Бо́гу приведы́й; ра́дуйся, писа́ньми твои́ми ду́ши и сердца́ всѣ́хъ чту́щихъ тя́ просвѣти́вый.
Ра́дуйся, за враги́ своя́ моли́тися наставля́вый; ра́дуйся, и са́мъ за враги́ твоя́ съ те́плою любо́вію моли́выйся.
Ра́дуйся, во вражду́ющихъ на на́съ ору́жіе Бо́жіе ко исправле́нію на́шему разумѣ́ти учи́вый; ра́дуйся, Езекíины сле́зы и Манассíина воздыха́нія духо́внымъ очесе́мъ ка́ющихся представля́вый.
Ра́дуйся, по́двиги и труды́ подви́жниковъ дре́внихъ въ богому́дрыхъ творе́ніихъ твои́хъ изобрази́вый; ра́дуйся, въ житіи́ твое́мъ всецѣ́ло и́мъ подража́вый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Все́ во́инство а́нгельское и святи́телей ли́къ удиви́шася, зря́ще тебе́, но́ваго уго́дника Бо́жія, вели́кими труды́ и по́двиги просія́вшаго. Мы́ же, ублажа́юще тя́, просла́вльшему тя́ Бо́гу вопіемъ: Аллилу́ія.
На но́вое многотру́дное послуша́ніе въ да́льній кра́й оте́чествія на́шего отше́лъ еси́, святи́телю Игна́тіе, егда́ же́злъ архіере́йскій отъ Предвѣ́чнаго Архіере́я, Го́спода на́шего Іису́са Христа́, вручи́ тебѣ́ архипа́стырь ца́рствующаго гра́да въ Каза́нстѣмъ собо́рѣ Цари́цы Небе́сныя. Разумѣ́юще въ се́мъ во́лю Бо́жію, да и въ чуждѣ́й странѣ́ проповѣ́стся тобо́ю Ева́нгеліе Ца́рствія Бо́жія, смире́нно зове́мъ ти́:
Ра́дуйся, въ хирото́ніи оби́льно благода́ть Боже́ственную воспрія́вый; ра́дуйся, апо́стольскаго уче́нія испо́лненный и вся́ вѣ́рныя спаси́тельными струя́ми его́ напая́яй.
Ра́дуйся, вѣ́рный дѣ́лателю виногра́да Христо́ва; ра́дуйся, цѣвнице духовная, Духа Святаго исполненная.
Ра́дуйся, архіере́евъ богодухнове́нное украше́ніе; ра́дуйся, я́ко уста́ми твои́ми провѣщава́ше возлю́бленный тобо́ю Госпо́дь.
Ра́дуйся, духо́вныхъ бра́тій и ча́дъ твои́хъ во оби́тели преподо́бнаго Се́ргія, а́ще и тѣ́ломъ оста́вивый, оба́че въ моли́твахъ свои́хъ и́хъ николи́же забы́вый; ра́дуйся, всѣ́мъ вѣ́рнымъ и невѣ́рнымъ, призыва́ющимъ тя́ на по́мощь, ми́лостивый засту́пниче.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Не́мощію тѣле́сною и по́двигами житія́ утружде́нный, во оби́тель свята́го Никола́я на рѣцѣ́ Во́лзѣ удали́лся еси́, святи́телю Игна́тіе, хотя́ ду́шу свою́ ко отше́ствію отъ мíра сего́ угото́вати, идѣ́же въ богомы́сліи и моли́твѣ уедине́ннѣй дни́ своя́ скончава́я, пѣ́лъ еси́ немо́лчно Бо́гови: Аллилу́ія.
Ско́рый помо́щникъ и утѣ́шитель бы́лъ еси́, святи́телю Игна́тіе, не то́кмо къ тебѣ́ приходя́щимъ, но и дале́че су́щимъ, писа́ньми твои́ми и́хъ утѣша́я, ду́хъ и́хъ ободря́я и вразумля́я. Сего́ ра́ди и возглаша́ютъ вси́ чту́щіи богому́драя творе́нія твоя́:
Ра́дуйся, па́стырю на́шъ до́брый; ра́дуйся, приходя́щихъ къ тебѣ́ николи́же отвраща́яйся.
Ра́дуйся, прося́щихъ твоея́ по́мощи бли́жнихъ и да́льнихъ любо́вію свое́ю объе́мляй; ра́дуйся, чту́щихъ со тща́ніемъ писа́нія твоя́ въ тѣснѣ́йшее едине́ніе съ душе́ю твое́ю пріе́мляй.
Ра́дуйся, ча́дъ свои́хъ духо́вныхъ христіа́нскому терпѣ́нію учи́вый; ра́дуйся, въ страда́ніихъ на́шихъ промышле́ніе Бо́жіе ви́дѣти наставля́яй.
Ра́дуйся, всецѣ́ло преда́тися про́мыслу Бо́жію ча́да своя́ научи́вый; ра́дуйся, соверше́нія надъ на́ми во́ли Его́, я́ко ми́лости вели́кой, проси́ти у Го́спода заповѣ́давый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Пѣ́ніе всеумиле́нное приноси́лъ еси́ Пресвятѣ́й Тро́ицѣ во вся́ дни́ земна́го житія́ твоего́, Игна́тіе всехва́льне. Ны́нѣ же, предстоя́ престо́лу Царя́ сла́вы, моли́ся о на́съ, чту́щихъ святу́ю па́мять твою́, да моли́твою и покая́ніемъ очи́стившеся, съ тобо́ю ку́пно во вѣ́ки вѣко́въ воспое́мъ Бо́гу: Аллилу́ія.
Свѣти́льникъ вели́кій святы́я Правосла́вныя Це́ркве въ житіи́ свое́мъ бы́лъ еси́, святи́телю Игна́тіе, и сего́ ра́ди дарова́ тебѣ́ Вседержи́тель Госпо́дь кончи́ну чу́дну и просла́ви тя́ на небесѣ́хъ. Про́симъ тя́, святи́телю ми́лостивый, испроси́ и на́мъ, грѣ́шнымъ, твоея́ по́мощи и предста́тельства умоля́ющимъ, кончи́ну житія́ на́шего ми́рну и безболѣ́зненну, до́брый отвѣ́тъ на стра́шнѣмъ суди́щи Христо́вѣ и Ца́рства небе́снаго наслѣ́діе, да зове́мъ ти́ ра́достно:
Ра́дуйся, пра́ведною кончи́ною пра́ведность житія́ твоего́ запечатлѣ́вый; ра́дуйся, бли́зость отше́ствія твоего́ предувѣ́дѣвый.
Ра́дуйся, со свѣти́льникомъ горя́щимъ души́ своея́ Небе́снаго Жениха́ срѣ́тивый; ра́дуйся, въ де́нь кончи́ны твоея́ съ жена́ми-мѵроно́сицами воскре́сшаго Спаси́теля узрѣ́вый.
Ра́дуйся, чту́щихъ тя́ и по сме́рти николи́же своего́ предста́тельства лиша́яй; ра́дуйся, всѣ́хъ усе́рдно тебѣ́ моля́щихся благода́тію и попече́ніемъ свои́мъ покрыва́яй.
Ра́дуйся, тве́рдо держа́тися еди́ныя и́стинныя святы́я правосла́вныя вѣ́ры ча́да своя́ учи́вый; ра́дуйся, вся́ прельще́нія ерети́ческая пріима́ти и увѣща́ніемъ и́хъ лука́вымъ внима́ти стро́го запрети́вый.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
Благода́ть даде́ся ти́ отъ Бо́га, святи́телю Христо́въ Игна́тіе, моли́тися за ны́ и путево́дствовати на́съ на пути́ спасе́нія, да покая́ніемъ очище́нніи, въ черто́гъ Спа́совъ преукраше́нный вни́демъ и та́мо съ тобо́ю и со всѣ́ми угоди́вшими Бо́гу ра́достно воспое́мъ Ему́: Аллилу́ія.
Пою́ще Бо́га, ди́внаго во святы́хъ Свои́хъ, хва́лимъ тя́, Игна́тіе блаже́нне, я́ко дру́га Христо́ва, блаже́нство ра́йское неукло́ннымъ творе́ніемъ за́повѣдей Госпо́днихъ стяжа́вшаго. Моли́ о на́съ, грѣ́шныхъ, да и мы́ о́бщницы съ тобо́ю ве́чери Госпо́дней бу́демъ, умиле́нно зову́ще ти́:
Ра́дуйся, глубоча́йшимъ смире́ніемъ твои́мъ, нището́ю духо́вною Ца́рство небе́сное обрѣты́й; ра́дуйся, добродѣ́тель сію́ во основа́ніе всѣ́хъ по́двиговъ и́ноческихъ полага́ти заповѣ́давый.
Ра́дуйся, во пла́чи о грѣсѣ́хъ свои́хъ Самѣ́мъ Го́сподомъ утѣ́шенный; ра́дуйся, за кро́тость души́ твоея́ наслѣ́діе жи́зни вѣ́чныя получи́вый.
Ра́дуйся, въ земно́мъ житіи́ пра́вды Xpисто́вы, а не бра́шна тлѣ́ннаго иска́вый, ны́нѣ же на небесѣ́хъ е́ю оби́льно насыща́яйся; ра́дуйся, за милосе́рдіе твое́ къ бли́жнимъ отъ Бо́га Щедрода́вца поми́лованный.
Ра́дуйся, за ангелоподо́бную чистоту́ се́рдца твоего́ Бо́га узрѣ́вый; ра́дуйся, вся́ клеветы́ и поноше́нія ненави́дящимъ тя́ Го́спода ра́ди проща́вый и за сіе́, я́ко миротво́рецъ, вели́каго сокро́вища — усыновле́нія Бо́гу — сподо́бивыйся.
Ра́дуйся, святи́телю Игна́тіе, покая́нія и моли́твы дѣ́лателю и учи́телю преизря́дный.
О, преди́вный уго́дниче Христо́въ, святи́телю о́тче Игна́тіе! Пріими́ сіе́ ма́лое, оба́че отъ лю́бящихъ и чту́щихъ тя́ серде́цъ, приноси́мое ти́ моле́ніе и изба́ви на́съ всемощны́мъ предста́тельствомъ отъ вся́кія ско́рби, болѣ́зни и печа́ли, согрѣ́й охладѣ́вшія ду́ши на́ша огне́мъ вѣ́ры и любве́ къ Бо́гу, да́руй на́мъ пре́жде конца́ покая́ніе, бу́ди на́мъ къ Ца́рствію небе́сному путево́ждь, да та́мо съ тобо́ю и со всѣ́ми угоди́вшими Бо́гу во вѣ́ки вѣко́въ пое́мъ Ему́: Аллилу́ія.
О, вели́кій и пречу́дный уго́дниче Христо́въ, святи́телю о́тче Игна́тіе! Ми́лостиво пріими́ моли́твы на́ша, съ любо́вію и благодаре́ніемъ тебѣ́ приноси́мыя! Услы́ши на́съ, си́рыхъ и безпо́мощныхъ, къ тебѣ́ съ вѣ́рою и любо́вію припа́дающихъ и твоего́ те́плаго предста́тельства о на́съ предъ престо́ломъ Го́спода сла́вы прося́щихъ. Вѣ́мы, я́ко мно́го мо́жетъ моли́тва пра́ведника, Влады́ку умилостивля́ющая. Ты́ отъ лѣ́тъ младе́нческихъ Го́спода пла́менно возлюби́лъ еси́ и Ему́ Еди́ному служи́ти восхотѣ́въ, вся́ кра́сная мíра сего́ ни во что́же вмѣни́лъ еси́. Ты́ отве́ргся себе́ и взе́мъ кре́стъ тво́й, Христу́ послѣ́довалъ еси́. Ты́ пу́ть у́зкій и приско́рбный житія́ и́ноческаго во́лею себѣ́ избра́лъ еси́ и на се́мъ пути́ добродѣ́тели вели́кія стяжа́лъ еси́. Ты́ писа́ньми твои́ми сердца́ человѣ́ковъ глубоча́йшаго благоговѣ́нія и поко́рности предъ Всемогу́щимъ Творце́мъ исполня́лъ еси́, грѣ́шниковъ же па́дшихъ му́дрыми словесы́ твои́ми въ созна́ніи своего́ ничто́жества и своея́ грѣхо́вности, въ покая́ніи и смире́ніи прибѣга́ти къ Бо́гу наставля́лъ еси́, ободря́я и́хъ упова́ніемъ на Его́ милосе́рдіе. Ты́ николи́же притека́вшихъ къ тебѣ́ отверга́лъ еси́, но всѣ́мъ оте́цъ чадолюби́вый и па́стырь до́брый бы́лъ еси́. И ны́нѣ не оста́ви на́съ, усе́рдно тебѣ́ моля́щихся и твоея́ по́мощи и предста́тельства прося́щихъ. Испроси́ на́мъ у человѣколюби́ваго Го́спода на́шего здра́віе душе́вное и тѣле́сное, утверди́ вѣ́ру на́шу, укрѣпи́ си́лы на́ша, изнемога́ющія во искуше́ніихъ и ско́рбехъ вѣ́ка сего́, согрѣ́й огне́мъ моли́твы охладѣ́вшая сердца́ на́ша, помози́ на́мъ, покая́ніемъ очи́стившимся, христіа́нскую кончи́ну живота́ сего́ получи́ти и въ черто́гъ Спа́совъ преукраше́нный вни́ти со всѣ́ми избра́нными, и та́мо ку́пно съ тобо́ю покланя́тися Отцу́ и Сы́ну и Свято́му Ду́ху во вѣ́ки вѣко́въ. Ами́нь.
Правосла́вія побо́рниче, покая́нія и моли́твы дѣ́лателю и учи́телю изря́дный, архіере́евъ богодухнове́нное украше́ніе, мона́шествующихъ сла́во и похвало́: писа́ніи твои́ми вся́ ны́ уцѣлому́дрилъ еси́. Цѣвни́це духо́вная, Игна́тіе богому́дре, моли́ Сло́ва Христа́ Бо́га, Его́же носи́лъ еси́ въ се́рдцѣ твое́мъ, дарова́ти на́мъ пре́жде конца́ покая́ніе.
Избра́нникъ возлю́бленъ Христо́ви яви́лся еси́, Тому́ скорбьми́ мно́гими и моли́твою непреста́нною прилѣпи́вся, благода́ть Ду́ха Свята́го стяжа́въ, учи́тель изря́денъ лю́демъ бы́лъ еси́. Помина́й на́съ, святи́телю Игна́тіе, богоно́се Россíйскій, да уче́ніи и моли́твами твои́ми покая́ніе спаси́тельное обря́щемъ и любо́вію серде́чною Христу́ усво́имся.
Аще и соверша́лъ еси́ стезю́ житія́ земна́го, святи́телю Игна́тіе, оба́че непреста́нно зрѣ́лъ еси́ зако́ны бытія́ вѣ́чнаго, сему́ поуча́я ученики́ словесы́ мно́гими, и́мже послѣ́довати и на́мъ, свя́тче, помоли́ся.
Велича́емъ тя́, святи́телю о́тче Игна́тіе, и чте́мъ святу́ю па́мять твою́, ты́ бо мо́лиши за на́съ Христа́ Бо́га на́шего.
