Державная икона Божией Матери явила себя русскому православному народу 2 / 15 марта 1917 года в селе Коломенском под Москвой, в день отречения Царя — Мученика Николая Второго от престола.
Крестьянке Евдокии Андриановой из слободы Перервы Бронницкого уезда несколько раз было сновидение, в котором таинственный голос говорил, что в селе Коломенском есть большая черная (древняя, старая) икона, ее надо сделать красной (обновить, восстановить), и пусть все молятся перед святым образом.
Настоятель церкви Вознесения в Коломне священник Николай Лихачев, по просьбе Андриановой, занялся поисками иконы . Но ничего похожего в храме не нашли. Продолжили поиски в церковном подвале. Там-то и нашли большую темную, почерневшую от времени икону.
Когда икону отмыли от пыли, перед всеми предстало изображение Божией Матери как Царицы Небесной, в красной царской порфире, с короной на голове, скипетром и державой в руках. На коленях Пресвятой Богородицы сидел благословляющий Богомладенец. Андрианова сразу узнала в этой иконе виденную ею во сне, а священник тут же отслужил молебен.
В донесении Синоду об этом событии митрополит Тихон писал: «По сведениям, данным членом Комиссии от Церковно-Археологического отдела при Московском Обществе Любителей Духовного Просвещения — протоиереем Страховым: икона (Державная икона Божией Матери) не древняя, приблизительно конца XVIII века (не старше).
По форме (Державная икона Божией Матери) вверху овальная, иконостасная, средняя, из третьего почса (пророческая). По образу написания икона принадлежит к типу Цареградских икон Богоматери.» Вскоре после обретения Державная икона Божией Матери была обновлена в мастерских Московского Алексеевского монастыря.
Всю Россию облетело известие о том, что под Москвой произошло чудесное явление новой иконы. В Коломенское толпами стекались богомольцы. Чтобы дать всем желающим возможность поклониться образу, его стали возить по окрестным храмам, фабрикам и заводам, оставляя в Вознесенской церкви только на воскресные и праздничные дни.
Известно, что икона побывала и в Марфо — Мариинской обители в Замоскворечье, где ее торжественно встречала настоятельница — будущая преподобномученица великая княгиня Елизавета Федоровна с сестрами.
Державная икона Божией Матери скоро появилась почти в каждом храме, списки образа распространились повсеместно по России. Были подготовлены служба и акафист, в составлении которых принимал участие патриарх Тихон.
Царственный вид Пресвятой Богородицы, скипетр и держава подчеркивают, что Владычица приняла на Себя опеку и окормление верных чад Российской церкви. Многие православные толкователи (митрополит Макарий, Михаил Димитрук, Сергей Фомин) придерживались мнения о символическом значении Державной иконы.
Символизм состоит в том, что гибель монархии и последующие политические события посланы русскому народу как наказание за множественные грехи, как призыв к покаянию. 4 ноября 2015 года патриарх Кирилл в своей речи в день празднования Казанской иконы Божией Матери и Дня народного единства сказал, что Державная икона Божией Матери — это как Божий знак: ушел царь, но Сама Богородица возглавила страну, и Покров Божией Матери не снимается с нашего Отечества.
После обретения Державной иконы Божией Матери сложилась легенда, что Богоматерь взяла на Себя Верховную Царскую власть над Россией и над народом. На почитателей этой иконы , молившихся перед списками с нее, начались в годы революционного лихолетья гонения, а сами иконы были изъяты из всех церквей.
Впоследствии было установлено, что Державная икона Божией Матери до 1812 года принадлежала Вознесенскому женскому монастырю в Москве. В год нашествия Наполеона на Москву она была спрятана в селе Коломенском и оставалась там в течение 105 лет, пока не явила себя в начало русского лихолетья ХХ века.
В советское время подлинник иконы хранился в Государственном историческом музее, а в начале 1990 -х годов Державная икона Божией Матери была перевезена в Коломенское и помещена в храме Казанской иконы Божией Матери. Державная икона Божией Матери является главной святыней монархистов России.
После объединения Русской православной церкви и Русской православной церкви заграницей в августе 2007 года Державная икона Божией Матери была провезена по русским приходам Европы, Австралии, Америки.
В 2003 и 2014 годах Державная икона Божией Матери и Порт-Артурская икона привозились в португальский город Фатиму, где в 1917 году произошли знаковые для русской монархии Фатимские явления Девы Марии.
Иконография: Иконографический тип — Панахранта («Всенепорочная, Пречистая», Всемилостивая, Всецарица). Это один из иконографических типов изображения Пресвятой Богородицы, близкий к типу Одигитрия. Этому типу икон характерно изображение Божией Матери, восседающей на престоле с Младенцем Христом на коленях.
Трон символизирет царственное величие Божией Матери, а скипетр и держава в руках подчеркивают верховную власть Царицы Небесной. На Руси почиталась икона этого иконографического типа Печерская-Свенская с предстоящими святыми Феодосием и Антонием.
Явленная икона написана на выщербленной доске масляными красками, которые поблекли от времени. Очевидно, во время написания масло было наложено на древесину без грунта. Специалисты считают, что икона нуждается в реставрации.
Молитвенная традиция: Перед иконой молятся о правде, сердечной радости, нелицемерной любви друг к другу, о мире в стране, о спасении и сохранении России, о покровительстве трона и государства, об избавлении от иноплеменных и о даровании исцелений телесных и душевных.
Празднование: 2 / 15 марта.
А К А Ф И С Т иконе Божией Матери ДЕРЖАВНАЯ
Кондак 1
Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения пpинocим Ти, Владычице, о явлении нам чудныя иконы Твоей Державныя. Ты же, яко Всемилостивая Заступница всех с вepою к Тебе притекающих, от всяких нас бед свободи, да зовем Ти: Радуйся, Мати Божия Державная, Заступнице усердная рода христианскаго.
Икос 1
Ангелом радость приимшая, благоволила еси, Владычице, возвестити старице благочестивей радость о явлении иконы Твоея честныя Державныя, юже и обретше по указанию Твоему, яко знамение милости Божией к нам, грешным, благодарственно вопием Ти сице:
Радуйся, воли Господней тайны нам открывающая.
Радуйся, гнев Его праведный, на ны движимый, умягчающая.
Радуйся, нечестивых зловерия обличение.
Радуйся, гордыни их низложение.
Радуйся, почитания святых икон освящение.
Радуйся, тихое пристанище спасения душ наших.
Радуйся, Всемилостивая Заступнице наша у Престола Святыя Троицы.
Радуйся, от бед и скорбей наше избавление.
Радуйся, Церкве Православныя утверждение.
Радуйся, звездо невечерняго света, нас озаряющая.
Радуйся, Матерь Света, всех просвещающая.
Радуйся, Мати Божия Державная, Заступнице усердная рода христианскаго.
Кондак 2
Видящи, Всенепорочная, с высоты небеснаго жилища Своего, идеже с Сыном Твоим во славе пребываеши, скорбь верных рабов Твоих, яко гневнаго ради Божия посещения вера Христова поругаема бывает нечестивым зловерием, благоволила еси явити нам икону Твою Державную, да вси христолюбивии людие усердно молятся пред нею, верно вопиюще Богу: Аллилуиа.
Икос 2
Разуму нашему просвещение свыше исходатайствуй, Пресвятая Богородице, да познаем, что есть воля Божия благая, угодная и совершенная, и сердце направи, еже со усердием творити ю, Тебе же, Всемилостивая Заступнице, непрестанными гласы восхваляти:
Радуйся, явлением честныя иконы Твоея тьму лютых обстояний от нас отгоняющая.
Радуйся, лучами чудес всех просвещающая.
Радуйся, душевными и телесными очесы ослепших прозрение.
Радуйся, омраченных смыслов просвещение.
Радуйся, всех христиан вожделенная Помощнице.
Радуйся, всех уповающих на Тя непостыдная надеждо.
Радуйся, вдов и сирот надежный покрове.
Радуйся, алчущих Питательнице.
Радуйся, духовных сокровищ Подательнице.
Радуйся, богомудрых премудрая доброто.
Радуйся, пресветлая Божественная красото.
Радуйся, обоняние Христова благоухания.
Радуйся, Мати Божия Державная, Заступнице усердная рода христианскаго.
Кондак 3
Силу Божественныя благодати даруй нам, Пресвятая Богородице, во еже неуклонно и непреткновенно ходити нам спасительным путем Христовых заповедей, сердцем же и усты непрестанно воспевати Всемогущему Богу: Аллилуиа.
Икос 3
Имуще Тя, Богоизбранная Заступнице рода христианскаго, яко зарю светлую, просвещающую душ наших темноту и разгоняющую мрак сердечнаго неведения нашего, припадаем к честней иконе Твоей Державней и со умилением вопием Ти сице:
Радуйся, сохраняти и спасати всех призывающих Тя обещавшая.
Радуйся, прославляющих Тя прославляющая.
Радуйся, к Сыну Твоему и Богу нашему молитвы верных приносящая.
Радуйся, благодать Твою иконам Твоим честным даровавшая.
Радуйся, всю вселенную лучами Твоея благодати озарившая.
Рaдуйся, премудрости Божией Приятелище.
Радуйся, Божественныя благодати Подательнице.
Радуйся, яко Тобою от вечныя смерти свобождаемся.
Радуйся, яко Тобою безконечныя жизни сподобляемся.
Радуйся, честнейшая Херувим и славнейшая Серафим.
Радуйся, Матерь Света и Царице Небесная.
Радуйся, Владычице, Всемилостивая за нас пред Богом Заступнице.
Радуйся, Мати Божия Державная, Заступнице усердная рода христианскаго.
Кондак 4
Буря житейскаго моря сокрушает духовный корабль наш волнами мирских попечений и мир убогих душ наших мятется; и где обрящем тихое пристанище спасения? Токмо на Тя возлагаем надежду, Владычице: имущи бо державу непобедимую, от всяких бед, глада, скорбей и болезней избави нас, верно вопиющих Богу: Аллилуиа.
Икос 4
Слышавше православнии людие повеление Твое, Владычице, молитися пред образом Твоим Державным, со умилением сердечным прибегают к Твоему всесильному заступлению у Престола Всемогущаго Бога и благоговейно вопиют Ти сице:
Радуйся, горняго мира украшение.
Радуйся, дольняго мира заступление.
Радуйся, Дщи Благословенная Отца Небеснаго.
Радуйся, Родительнице Неискусомужная Сына Предвечнаго.
Радуйся, демонския полки побеждающая.
Радуйся, враги спасения человеческаго посрамляющая.
Радуйся, яко волею Твоею сокрушаются еретическия главы.
Радуйся, яко вернии Тобою сподобляются славы.
Радуйся, телес наших безмездная Целительнице.
Радуйся, душ наших к Царствию горнему Путеводительнице.
Радуйся, яко сотвори Тебе величие Сильный.
Радуйся, яко призре на смирение Твое Господь.
Радуйся, Мати Божия Державная, Заступнице усердная рода христианскаго.
Кондак 5
Боготечная звезда явися нам, Владычице, честная Твоя икона Державная, страну Русскую всю обтекающя и лучами чудес Твоих осиявающая всех блуждающих по морю страстнаго жития, мрак печалей и мглу всяческих недуг и скорбей прогоняющая и наставляющая на путь спасения с верою к Тебе притекающих и вопиющих Богу: Аллилуиа.
Икос 5
В дни лютых скорбей и злых обстояний явила еси нам, Владычице, велию милость обретением честныя иконы Твоея Державныя, да вси с верою молящиися пред нею приимут здравие и душ спасение. Сего ради и мы, прославляя Твое милосердие неизреченное, усердно вопием Ти сице:
Радуйся, светило незаходимое, светом истиннаго богопознания нас просвещающее.
Радуйся, Вратарнице, двери райския верным отверзающая.
Радуйся, многотекущая реко Божественныя благодати.
Радуйся, неистощимый источниче святыни.
Радуйся, ко благочестию наша Наставнице.
Радуйся, душ наших освящение.
Радуйся, кающихся грешников с Богом примирение.
Радуйся, добрые обеты приемлющая.
Радуйся, благим намерением способствующая.
Радуйся, злыя начинания разрушающая.
Радуйся, вражия козни расторгающая.
Радуйся, скорая человеком Помощнице.
Радуйся, Мати Божия Державная, Заступнице усердная рода христианскаго.
Кондак 6
Воспеваем Твое милосердие досточудное и многое к нам снисхождение, Пресвятая Богородице, не престаеши бо молитися о нас, грешных, Сыну Твоему и Богу нашему, еже отвратити гнев Его праведный, на ны движимый, и помиловати всех верно вопиющих Богу: Аллилуиа.
Икос 6
Возсиявает в души наша, омраченныя скорбию и унынием от множества согрешений, свет благодатнаго утешения, и сердце наше исполняется веселия и радости, егда непрестанными Твоими, Владычице, вразумлениями возбуждаеши нас вопити к Щедрому Богу, да милостив будет и простит нам прегрешения наша. Не премолчи убо, Владычице, наставляющи и вразумляющи нас, зовущих Ти сице:
Радуйся, в скорбех и болезнех долготерпению нас научающая.
Радуйся, вся помышления наша к распятому за грехи мира Спасителю устремляющая.
Радуйся, страдания Его и крестную смерть в памяти нашей обновляющая.
Радуйся, правосудием Божиим к ожесточенным и нераскаянным нас устрашающая.
Радуйся, ожиданием будущих небесных благ нас услаждающая.
Радуйся, к наследству нетленному и вечному приводящая.
Радуйся, наследниками Царствия Божия нас сотворяющая.
Радуйся, трапезо святая, Хлебом Жизни нас питающая.
Радуйся, маслино благоплодная, елеем милости сердца умягчающая.
Радуйся, яко молитвою пред иконоюТвоею приемлем душевное утешение.
Радуйся, яко сердцам нашим даруеши благодатное сокрушение.
Радуйся, яко благостынею Своею угашаеши в нас огнь нечестия.
Радуйся, Мати Божия Державная, Заступнице усердная рода христианскаго.
Кондак 7
Хотяй всем человеком спастися и в разум познания истины приити, Премилосердный Господь и Создатель наш посла во дни гневнаго посещения Своего Ангела пресветла в новоявленнем образе Твоем Державнем, да вси с верою молящиися пред ним, приимут помощь и заступление Твое всесильное и радостно вопиют Всемогущему Богу: Аллилуиа.
Икос 7
Новую показа милость всех Творец и Владыка наш Господь, егда положи в гневе Своем наказати род человеческий огнем, мечем, гладом и болезньми, сотвори сие наказание для многих человеков ко вразумлению во спасение душ. Сего ради и мы, Владычице, припадающе к пречистому образу Твоему Державному, усердно молим Тя: не даждь нам погибнути до конца, но милосердия двери отверзи нам, вопиющим Ти сице:
Радуйся, неприступнаго Божества селение.
Радуйся, ангельское непрестающее удивление.
Радуйся, рабов Божиих тайное вразумление.
Радуйся, Заступнице всех сущих в скорбех и болезнех.
Радуйся, благодатное безстрастие ищущим его подающая.
Радуйся, всех в чистоте целомудрия живущих зело любящая.
Радуйся, пристанище небурное подвижников благочестия.
Радуйся, гневом Божиим вразумляющая сынов нечестия.
Радуйся, безмолвствующих сладкая Собеседнице.
Радуйся, отшельников Христа ради крепкое упование.
Радуйся, постников Божественное радование.
Радуйся, пустынножителей тихое веселие.
Радуйся, Мати Божия Державная, Заступнице усердная рода христианскаго.
Кондак 8
Страннии и пришельцы есмы на земли сей: житие бо наше суетно и маловременно есть. Мы же смерти безвестное во ум никогдаже приемлем, ни помышляем о Страшнем Судищи Христове, в немже имамы Праведному Судии предстати и дати ответ о всяком же деле и слове. Темже молим Тя, Владычице: возбуди нас скоро от сна греховнаго, да сподобимся Твоим ходатайством получити беззакониям нашим прощение и во гласе радования воспевати Христу Богу: Аллилуиа.
Икос 8
Вся бывши горе, к небесным взята еси и земных не оставляеши, Пресвятая Богородице, священным Твоим предстательством: имаши бо дерзновение к Сыну Твоему и Богу нашему. Темже утверди, Владычице, в мире глубоце страну нашу православную и вся полезная даруй рабом Твоим, да, величающе, воспеваем Ти тако:
Радуйся, умным очесем нашим горький и страшный час смертный представляющая.
Радуйся, на кийждо день, аки уже на последний жития нашего, взирати нас поучающая.
Радуйся, любити мир и яже в мире нам воспрещающая.
Радуйся, пристрастие к тленному богатству из сердца нашего искореняющая.
Радуйся, вся блага земная быти привременна и скоропреходяща нам показующая.
Радуйся, славы человечи, аки тени преходящия, искати нам возбраняющая.
Радуйся, яко сладчайшее имя Господа Иисуса Христа усты непрестанно произносити и в уме держати нас побуждаеши.
Радуйся, яко от празднословия, многоглаголания, паче же от кощунства нас удержаваеши.
Радуйся, яко воздержанию в пищи и питии приобучити нас печешися.
Радуйся, яко Твое за нас ходатайство сильно есть пред Богом, еже не вверженным нам быти во тьму кромешнюю.
Радуйся, яко присно внушаеши нам омывати грехи своя слезами покаяния, да избавимся геенны адския.
Радуйся, яко побуждаеши нас день и нощь молитися, да не послани будем со демоны мучитися.
Радуйся, Мати Божия Державная, Заступнице усердная рода христианскаго.
Кондак 9
Всякое естество ангельское удивися делу Твоего милосердия, Господи, яко даровал еси нам толико твердую и теплую Заступницу роду христианскому во дни гневнаго Своего посещения, нам невидимо сопребывающу, слышащу же Тебе поющих: Аллилуиа.
Икос 9
Ветии многовещаннии, непросвещеннии светом истиннаго богопознания, поклонишася златому тельцу. По слову же Апостола, всяк любостяжатель есть идолослужитель. Сего ради Божие гневное посещение всему миру зряще, и мы, грешнии, смиренно молим Тя, Владычице: умилостиви Создателя, да потщится гнев Свой праведный преложити на милость и помиловати нас, вопиющих Ти сице:
Радуйся, яко Твоея помощи и заступления никогдаже нас лишаеши.
Радуйся, яко ум наш, омраченный небрежением, светлым Твоим покровом озаряеши.
Радуйся, яко Тобою от страстей телесных избавляемся.
Радуйся, яко Тобою сладостей духовных исполняемся.
Радуйся, твердое Православия укрепление.
Радуйся, честное Пресвятыя Троицы носило и похваление.
Радуйся, и во временней жизни полезная нам подающая.
Радуйся, душевныя раны наша елеем спасительным умащающая.
Радуйся, яко из рова беззаконий наших рукою Твоея помощи нас исхищаеши.
Радуйся, яко греховный сон душевныя нашея лености оттрясаеши.
Радуйся, душевное умиление и сердечное сокрушение в нас раждающая.
Радуйся, яко твориши всем спастися, в державный покров Твой прибегающим.
Радуйся, Мати Божия Державная, Заступнице усердная рода христианскаго.
Кондак 10
Спасти хотя многия люди от обдержащих их скорбей и болезней и веру их утвердити во всесильное заступление Твое, Владычице, даровала еси нам изображение честныя иконы Твоея Державныя, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси, Богородице Дево, стране нашей явилася еси честными иконами, изливая чудеса во бранех и осеняющи благодатною помощию Твоею христолюбивых воинов: под державным бо покровом Твоея благости Русская страна созидашеся и врата адова не одолеша Православныя Церкве Христовы. Сего ради припадающе к честней иконе Твоей Державней, радостно вопием Ти сице:
Радуйся, Русския страны покрове и утверждение.
Радуйся, от нашествия иноплеменных избавление.
Радуйся, сущих в пленении свобождение.
Радуйся, от глада и болезней наше спасение.
Радуйся, саде земли обетования.
Радуйся, цвете Божественнаго саждения.
Радуйся, лозо добродетельная винограда Христова.
Радуйся, древо чудоточное рая Иисусова.
Радуйся, жилище и дом Христа Бога нашего.
Радуйся, вместилище неизреченныя Его славы.
Радуйся, Владычице, Всемилостивая Подательнице щедрот.
Радуйся, яко много может молитва Твоя пред Сыном Твоим и Богом нашим.
Радуйся, Мати Божия Державная, Заступнице усердная рода христианскаго.
Кондак 11
Пение хвалебное и благодарственное пpинocим Ти, Владычице: под державным бо покровом Твоея благости пребываем в непостыдней надежде всесильнаго заступления Твоего за нас, грешных, и все упование наше на Тя возложивше, радостно вопием Богу: Аллилуиа.
Икос 11
Светильницы наша угасоша, елея же благих дел не имамы, во еже возжещи благодать Духа Святаго. И где обрящемся, окаяннии, сном греховным отягченнии, егда постигнет нас внезапу в полунощи час кончины нашея? Но да не услышим и мы, якоже юродивыя девы, грознаго гласа Жениха: не вем вас! Помози нам, Владычице, наполнити сосуды душ наших елеем благих дел, паче же милосердия и смирения, да благодарственно воспоем Ти сице:
Радуйся, яко воспоминанием грядущаго грознаго суда Божия от грехов нас отрешаеши.
Радуйся, яко души наши, аки невесту, ко сретению прекраснаго Жениха Христа предуготовляти нас поучаеши.
Радуйся, яко возбуждаеши нас на всяк день и час приносити Христу Богу молитвы, прошения и благодарения.
Радуйся, яко с мудрыми девами, душами праведных, внити в брачный чертог Сына Твоего и Бога нашего помогаеши.
Радуйся, яко в ризу непорочности и чистоты облещися нам способствуеши.
Радуйся, яко стати нам на Страшнем Суде Христове одесную Его ходатайствуеши.
Радуйся, яко благоутробие Божие о причастии нас к лику избранных умоляеши.
Радуйся, яко ум наш, омраченный небрежением, светом Своим озаряеши.
Радуйся, яко голубину простоту и агнчу кротость стяжати нам преискренне желаеши.
Радуйся, яко самоотвержению и отречению от злыя нашея воли приобучити нас тщишися.
Радуйся, яко младенческое незлобие даровати нам способствуеши.
Радуйся, яко хладное сердце наше молитвами воспламеняти нам помогаеши.
Радуйся, Мати Божия Державная, Заступнице усердная рода христианскаго.
Кондак 12
Благодать прияла еси, Владычице, от Всемогущаго Господа Бога миловати благочестивых чад Церкве Христовы и вразумляти нечестивых сынов ея. Сего ради, притекающе под державный покров Твоея благости, усердно молим Тя, Владычице: избави нас от ухищрений духов злобы, разслабляющих нашу душу и тело леностию и нерадением, и возбуди нас от сна греховнаго, да благодарственно вопием Богу: Аллилуиа.
Икос 12
Поюще Твоя чудеса, бывшая в древняя и настоящая времена, хвалим Тя, Владычице, яко живоносный источник благодати и неистощимую чудес реку: бездну бо милости и щедрот даровала еси роду христианскому явлением честных икон Твоих. Сего ради и мы, припадающе к честней иконе Твоей Державней, со умилением вопием Ти сице:
Радуйся, Церкве небесныя и земныя украшение.
Радуйся, девства честный покрове и ограждение.
Радуйся, светлое пророческое сбытие.
Радуйся, всехвальных Апостолов восхваление.
Радуйся, честная похвало иереев благоговейных.
Радуйся, молние, неверных устрашающая.
Радуйся, славою чудес Твоих верных смыслы озаряющая.
Радуйся, печаль и скорбь нашу в радость претворяющая.
Радуйся, яко молиши Сына Твоего и Бога нашего всем нам спастися.
Радуйся, яко твориши милости всем, в державный Твой покров притекающим.
Радуйся, Заступнице всех сущих в скорбех и болезнех.
Радуйся, всем с верою Тебе молящимся полезное дарующая.
Радуйся, Мати Божия Державная, Заступнице усердная рода христианскаго.
Кондак 13
О Всепетая Мати, Державная Владычице! Приими ныне сие малое моление наше и, величия ради благости Твоея и неизреченных щедрот Твоих, не помяни множества грехов наших, но исполни во благих прошения наша: даруй нам вся потребная к животу и благочестию, избави нас от глада, болезней и печали, и Царствия Небеснаго наследники всех сотвори, верно вопиющих Богу: Аллилуиа.
(Этот кондак читается трижды, затем икос 1 кондак 1)
Тропарь, глас 4
Ангелов лицы благоговейно Тебе служат, и вся Небесныя силы немолчными гласы Тя ублажают, Богородице Дево; усердно молим Тя, Владычице: да пребудет Божественная благодать на честней иконе Твоей Державней, и светозарный луч славы чудес Твоих да нисходит от нея на всех, с верою Тебе молящихся и вопиющих Богу: аллилуиа.
Кондак, глас 4
Взбранней Воеводе, Заступнице нашей Державней, песни благодарственныя приносим о даровании нам иконы Ея святыя, еюже ограждаеми, ничесоже устрашимся, не от человек бо спасение наше, но Преблагословенныя Владычицы милосердием. Темже днесь радуемся и празднуем светло, яко прииде Державная на стражу земли Своея.
Молитва
О мира Заступнице, Матерь Всепетая! Со страхом, верою и любовию припадающе пред иконою Твоею Державною, усердно молим Тя: не отврати лица Твоего от прибегающих к Тебе. Умоли, Милосердная Матерь Света, Сына Твоего и Бога нашего, Сладчайшаго Господа Иисуса Христа, да сохранит в мире страну нашу, да утвердит державу нашу в благоденствии и избавит нас от междоусобныя брани, да укрепит Святую Церковь нашу Православную, и непозыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево; Ты еси всесильная христиан Заступница пред Богом, праведный гнев Его умягчающая. Избави всех с верою Тебе молящихся от падений греховных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших, да вси, благодарственне воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое имя в Троице славимаго Бога: Отца, Сына и Святаго Духа. Аминь
