Игоревская икона Божией Матери принадлежала святому благоверному киевскому князю Игорю Ольговичу Черниговскому, в святом крещении Гавриилу ( скончался в 1147 году, день памяти 19 сентября ). Перед ней он молился последние часы своей жизни, ожидая расправы.
Игоревская икона Божией Матери была келейной иконой святого благоверного князя, поэтому-то она и стала прозываться Игоревской. День празднования иконы совпадает с днем памяти перенесения мощей князя-страстотерпца из Киева в Спасо-Преображенский собор города Чернигова.
Игоревская икона Божией Матери находилась в Успенском соборе Киево-Печерской Лавры, в приделе апостола Иоанна Богослова, до начала ХХ века. Позднее была перемещена в алтарь в приделе первомученика Стефана. В настоящее время местонахождение иконы неизвестно. Игоревская икона Божией Матери исчезла во время оккупации Киева в 1941 году.
Иконография: Иконографический тип — Елеуса, Умиление. Это уменьшенный оплечный извод, который восходит к древней традиции. Икона древнего греческого письма. Размер иконы — около 40 х 31 см. Игоревская икона Божией Матери была украшена серебряной золоченой орнаментированной ризой. На ней был выгравирован текст об истории образа.
Изображение Богоматери — огрудное, а Богомладенца — полуфигурное. Это один из редких изводов иконографического типа Умиление. На Игоревской иконе Божией Матери упразднены все лишние детали, поэтому все внимание предстоящего перед иконой сконцентрировано на Ликах.
Богомладенец прильнул к Матери и одной рукой обнимает Ее за шею. Выражение Его лика не по годам серьезно, а лик Богоматери полон трагизма. Игоревская икона Божией Матери никого не оставляет равнодушным, производя очень глубокое впечатление.
В изводе Игоревской иконы Божией Матери повторены основные особенности Владимирской иконы. Это наклон головы Пресвятой Богородицы, поза Богомладенца, положение Его правой протянутой руки, находящейся у плеча Богоматери, характерный силует изображения.
Но, в отличие от Владимирской иконы, взгляд Богоматери на Игоревской иконе не устемлен на предстоящего, а выражает Ее молитвенно-созерцательное состояние. Левой руки Предвечного Младенца, которой он обнимает Богоматерь, не видно. По технике письма есть некоторое сходство еще с Иверской Афонской иконой (охрение).
История образа: По смерти своего брата Всеволода, который своей гордыней возбудил ненависть к себе и своим родственникам со стороны киевлян, Игорь унаследовал киевский престол.
Благоверный князь Игорь, вовлеченный против своей воли в самый центр междоусобной брани, попытался остановить междоусобицу, которая длилась долгие годы, ослабляя государство, что было на руку внешним врагам. Но не преуспел в этом. В этот период Русь подвергалась нашествиям монголо-татар, шведов, литовцев и иже с ними, которые пользовались распрями между князьями и междоусобицами.
Киевляне, не любившие род Ольговичей, предложили захватить престол внуку Владимира Мономаха Изяславу. Благоверный князь стал невинной жертвой ненависти киевлян к его старшему брату. Князь Игорь потерпел поражение, несколько дней скрывался на болотах. Затем его схватили и посадили в поруб, холодный бревенчатый сруб без окон и дверей. Там он опасно заболел.
Князя заключили в Киевский Феодоровский монастырь, где он был пострижен в монахи с именем Гавриил. Князь предался иноческим подвигам, долго и усердно молился Пресвятой Богородице пред Ее иконой, названной впоследствии Игоревской, за всю Русь, за прекращение междоусобиц и братоубийственных войн.
Волей Божией новопостриженный Гавриил выздоровел, принял схиму с именем Игнатий и продолжал свои молитвенные подвиги. Киевляне, решив отомстить всем Ольговичам, жестоко расправились со схимником. Они ворвались в храм, где святой Игорь молился пред иконой Божией Матери во время Божественной литургии. Князя выволокли из храма, зверски убили его и подвергли тело его надруганию.
В 1150 году на киевский престол вступил Юрий Долгорукий, а его союзник, черниговский князь Святослав Ольгович, родной брат Игоря, перенес мощи святого страстотерпца в Спасо-Преображенский собор в Чернигове.
Игоревская икона Божией Матери после мученической кончины благоверного князя, по имени которого названа, почитается чудотворной. С нее было сделано множество списков. Самые ранние из известных списков, две иконы второй половины XVI века, находятся в государственной Третьяковской галерее.
Обе эти Игоревские иконы Божией Матери выполнены в Москве во времена митрополита Макария ( 1542 — 1563 года ), когда в его мастерских создавались точные копии древних чудотворных икон. В лицевом «Житии преподобного Сергия Радонежского» и в композиции «Явления Богоматери преподобному Сергию» в качестве келейного образа преподобного устойчиво повторяется Игоревская икона Божией Матери.
Самая известная и почитаемая в настоящее время Игоревская икона Божией Матери ( список с первообраза ) находится в Успенском соборе Москвы.
Молитвенная традиция: Перед Игоревской иконой Божией Матери молятся в отчаянии, унынии, опасности, гонениях и скорби, об избавлении от душевных и телесных страданий, о мире в стране, об избавлении от нашествия иноплеменных, когда кому-то из близких угрожает беда, о примирении враждующих.
Празднование: Празднование Игоревской иконе Божией Матери совпадает с празднованием перенесения мощей святого князя Игоря — 5 / 18 июня.
Акафист Пресвятой Богородице в честь иконы Ее ИГОРЕВСКОЙ
Тропaрь, глас 4
К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози на ны милосердовавши, потщися, погибaем от множества прегрешений, не отврати Твоя рабы тщи, Тя бо и едину надежду имамы.
Кондaк, глас 6
Не имамы иныя помощи, не имамы иныя надежды, разве Тебе, Владычице, Ты нам помози: на Тебе надеемся и Тобою хвaлимся, Твои бо есмы раби, да не постыдимся.
Кондак 1
Избранней Превечным Царем, Небесе и земли Царице, рода христианскаго всесильней Заступнице похвальная восписуем Ти раби Твои, Богородице; Ты же, яко имущая державу непобедимую и милосердие неизреченное, от всяких нас бед свободи и от обидящих защити, да зовем Ти: Радуйся, Всемилостивая Владычице, страждущих и обидимых Заступнице.
Икос 1
Ангелов и человеков Творец и Создатель, видя сострадание Твое и милосердие к падшему человечеству, дарова Тя миру яко благую Защитницу всех обидимых и страждущих, да вси, познавше Твое всемощное заступление, зовут таковая:
Радуйся, Мати Света невечерняго.
Радуйся, раю сладости Небесныя.
Радуйся, море милосердия неистощимое, вся скорби наша омывающее.
Радуйся, источниче милости безконечныя, духовную жажду утоляющий.
Радуйся, недугов душевных и телесных благодатная Целительнице.
Радуйся, печальных милосердная Утешительнице.
Радуйся, в скорби вопиющих скорая Услышительнице.
Радуйся, гонимых правды ради милостивая Защитительнице.
Радуйся, Всемилостивая Владычице, страждущих и обидимых Заступнице.
Кондак 2
Видяще святую икону Твою, Пресвятая Дево, от лет древних чудесы Божественными прославленную, со благоговением ей покланяемся и славословим преблагословенное имя Твое, взывая Богу: Аллилуиа.
Икос 2
Разуму нашему просвещение свыше исходатайствуй, Пресвятая Богородице, якоже верному рабу Твоему страстотерпцу князю Игорю, да и мы, в скорбных обстояниях пребывающии, помощи Твоея просяще, тому в терпении подражаем, зовуще таковая:
Радуйся, Попечительнице неусыпающая спасения ищущих.
Радуйся, Воительнице крепкая на вся враги видимыя и невидимыя.
Радуйся, покрове ширший облака, в напастех нас покрывающий.
Радуйся, щите несокрушимый, от стрел вражиих сохраняющий.
Радуйся, броне неодолимая, во всех бедах нас защищающая.
Радуйся, мечу неотразимый, вся поползновения врагов наших посецающий.
Радуйся, страстотерпца князя Игоря всерадостное утешение.
Радуйся, всех верных непостыдное упование.
Радуйся, Всемилостивая Владычице, страждущих и обидимых Заступнице.
Кондак 3
Сила Вышняго дадеся Тебе, Мати Дево, быти всех христиан Защитницею и Покровительницею, да вси под кров Твой прибегающии, великия и богатыя милости от Тебе восприявше, выну поют: Аллилуиа.
Икос 3
Имуще икону Твою, Пречистая, яко залог Твоего к нам благоволения, в бедах и напастех к Тебе прибегаем, вопиюще во умилении таковая:
Радуйся, в скорбех и печалех Утешительнице.
Радуйся, нечаянныя радости Подательнице.
Радуйся, исполненная сострадания ко всем страждущим.
Радуйся, прибежище надежды и утешения лишенным.
Радуйся, печалей и болезней утоление.
Радуйся, всех скорбящих радование.
Радуйся, не отвергающая моления самых падших и отверженных.
Радуйся, утешающая убогих и всеми оставленных.
Радуйся, Всемилостивая Владычице, страждущих и обидимых Заступнице.
Кондак 4
Бурю внутрь имея помышлений сумнительных и злобных, нечестивии мятежницы, распаляющеся злобою, ввергоша славнаго князя Игоря в поруб, тщащеся отеческаго наследия его лишити; он же вся с кротостию претерпевая, пред иконою Владычицы Неба и земли скорбь свою изливающе, вопияше Сыну Ея: Аллилуиа.
Икос 4
Слышавше, како благоверный князь Игорь на всяк день пред иконою Твоею, Владычице, моляся, скорби многоразличныя и смерть мученическую безропотно претерпев, Царствия Небеснаго сподобися, вси вернии вседушно к заступлению Твоему притекают, жизнь свою Твоему водительству вверяя, со умилением зовуще:
Радуйся, Мати Милосердия, сострадания исполненная.
Радуйся, Стено несокрушимая, врагами веры православныя неодоленная.
Радуйся, о всех лишенных утешения усердная Ходатаице.
Радуйся, невинно страждущих всемилостивая Покровительнице.
Радуйся, всех с верою к Тебе притекающих скоро от бед избавляющая.
Радуйся, житие наше во благо устрояющая.
Радуйся, иконою Твоею источники чудес велиих нам являющая.
Радуйся, тьму лютых обстояний от почитающих ю отгоняющая.
Радуйся, Всемилостивая Владычице, страждущих и обидимых Заступнице.
Кондак 5
Боготечней звезде подобна явися икона Твоя, Богородице, пред неюже князь Игорь моляся, утешение от Тебе в скорбех своих обреташе. Мы же, подражая ему, все упование на Тя возложивше, к Тебе припадем, вопиюще Богу: Алиллуиа.
Икос 5
Видяще преславная чудеса, от иконы Твоея Игоревския бываемая, вси скорбящии и узами тяжких житейских обстояний обремененнии к Твоему заступлению прибегают, о Всемилостивая Владычице, и, в печалех утешение, в болезнех исцеление и скорбей на радость преложение от Тебе приемля, со умилением вопиют таковая:
Радуйся, знаменьми непостижимыми молящихся Ти ободряющая.
Радуйся, матерними щедротами прибегающих к Тебе посещающая.
Радуйся, ключу воды живыя, сострадания исполненный.
Радуйся, милосердия источниче, жаждущим утешение изливающий.
Радуйся, во всяком обстоянии надежное прибежище.
Радуйся, в скорбех пребывающим неисчерпаемое милости сокровище.
Радуйся, страждущих правды ради отрадо.
Радуйся, обидимых и угнетенных Заступнице.
Радуйся, Всемилостивая Владычице, страждущих и обидимых Заступнице.
Кондак 6
Проповедницы благостыни Твоея явишася вси притекающии к цельбоносней иконе Твоей, Владычице, не отринула бо еси никогоже, в теплей молитве руце свои к ней простирающих, да познавше милость Твою, благодарственно возопиют Богу: Аллилуиа.
Икос 6
Возсия неизреченная благодать от дивнаго образа Твоего, Пречистая, к немуже вси в скорбех, печалех и болезнех обретающиися прибегают, сих же избавльшеся, вопиют Тебе таковая:
Радуйся, во смирении нести крест свой нас научающая.
Радуйся, в терпении скорбей твердо укрепляющая.
Радуйся, от погибели и отчаяния спасающая.
Радуйся, безчисленныя щедроты всем подающая.
Радуйся, в стяжании Царствия Христова смысл жизни полагающая.
Радуйся, ищущим пути Христова стези спасения указующая.
Радуйся, шествующих скорбным путем, ведущим в Царствие Небесное, укрепляющая.
Радуйся, неправедно гонимых и обидимых защищающая.
Радуйся, Всемилостивая Владычице, страждущих и обидимых Заступнице.
Кондак 7
Хотя Всемилостивый Господь явити Свою Божественную любовь к нам, недостойным, дарова нам Твою, Богомати, икону, да видящии чудеса, от нея бываемая, вси людие с верою и умилением взывают: Аллилуиа.
Икос 7
Новая сокровищница Божественныя благодати явися нам икона Твоя, Пресвятая Дево, пред неюже святый князь Игорь, смертнаго своего часа ожидая, предстоя со слезами, тако моляшеся: «Господи, призри на немощь мою, да, уповая на Тя, претерплю вся; благодарю Тя, яко смирил мя еси; изми мя от мира сего мятежнаго и мрачнаго в Твой свет». Мы же, дивяся неизреченному милосердию Божию, невинным страдальцам Тобою являемому, воспеваем сице:
Радуйся, обидимых усердная Заступнице.
Радуйся, во всех скорбех милостивая Сострадательнице.
Радуйся, от вечныя погибели верных избавляющая.
Радуйся, праведный гнев Божий Твоим молением скоро утоляющая.
Радуйся, утешение и скорую помощь милостиво подающая.
Радуйся, надежду имущих на Тя никогдаже посрамляющая.
Радуйся, теплая о нас пред Богом Молитвеннице.
Радуйся, о всех помощи у Тебе просящих неусыпающая пред Ним Ходатаице.
Радуйся, Всемилостивая Владычице, страждущих и обидимых Заступнице.
Кондак 8
Странно есть неверующим видети, како вси обидимыя и правды ради гонимыя к заступлению Богоматери прибегая, в скорбех и печалех утешение и от всех злых обстояний избавление Ея всесильным ходатайством обретают, вопиюще Богу: Аллилуиа.
Икос 8
Вся в вышних прибываеши, Владычице, но и нас, нижних, никакоже отступаеши, яко Сама на земли скорби многия претерпела еси; сего ради всем страждущим помогаеши и печалей на радость преложение нам даруеши, поющим:
Радуйся, всех немощных и страждущих Покровительнице.
Радуйся, Истины Христовы ищущих Наставнице.
Радуйся, подвизающихся за правду добрая Воительнице.
Радуйся, творящих беззаконие грозная Обличительнице.
Радуйся, живоносный источниче, истины взыскующих напояющий.
Радуйся, кладезю прохладный, жажду правды утоляющий.
Радуйся, книго, тайны Царствия Божия верным открывающая.
Радуйся, лествице, в горния обители нас возводящая.
Радуйся, Всемилостивая Владычице, страждущих и обидимых Заступнице.
Кондак 9
Всякаго естества ангельскаго превышши еси, Богородице Дево, честнейшая Херувим и славнейшая без сравнения Серафим, предстоящи бо пред Престолом Сына Твоего на Небеси, выну молишися о всех вопиющих Ему: Аллилуиа.
Икос 9
Ветия многовещанныя суетнаго и жестокосерднаго века сего, яко рыбы безгласныя, зрим о Тебе, Богородице, недоумеют бо, како по достоинству похвалити вся чудеса Твоя, явленныя роду нашему от святыя иконы Твоея. Мы же, к чудотворному Твоему образу припадающе и все упование на Тя возложивше, верно вопием:
Радуйся, любве Божия к человеком проявление.
Радуйся, гонимых правды ради защищение.
Радуйся, невинных страдальцев укрепление.
Радуйся, обидящих и беззакония творящих наказание.
Радуйся, кающихся грешников прощение.
Радуйся, грехов их очищение.
Радуйся, к Небесней правде обращение.
Радуйся, к Истине, Иже есть Христос, верных приведение.
Радуйся, Всемилостивая Владычице, страждущих и обидимых Заступнице.
Кондак 10
Спасительное прибежище в скорбех и напастех Ты еси, Пресвятая Дево; темже испроси у Сына Твоего и Бога нашего милости нам, грешным, со умилением поющим Ему: Аллилуиа.
Икос 10
Стена еси нерушимая обидимым и правды ради гонимым, Богородице Дево, и всем к заступлению Твоему прибегающим, ибо Небесе и земли Творец устрои Тя, Пречистая, вселься во утробе Твоей, и вся приглашати Тебе научи:
Радуйся, Мати Бога Вышняго.
Радуйся, Благословенная в женах.
Радуйся, к Небесным сокровищам ум наш возводящая.
Радуйся, страдальцев благодатным утешением венчающая.
Радуйся, разслабленным скорое возставление подающая.
Радуйся, от смертнаго губительства нас спасающая.
Радуйся, земнаго устроения лишенных Небеснаго чертога Созидательнице.
Радуйся, в Царствие Небесное верная нам Путеводительнице.
Радуйся, Всемилостивая Владычице, страждущих и обидимых Заступнице.
Кондак 11
Пение всеумиленное приими от нас, Небесная Царице, и молитву, приносимую Тебе, скоро услыши: к Тебе бо в бедах и напастех прибегаем и со слезами молим: утоли наша печали и приими молитвы раб Твоих, о Тебе вопиющих: Аллилуиа.
Икос 11
Светоприемную свещу во мраце скорбнаго жития нашего зрим честную икону Твою, Богородице Дево, пред неюже благоверный князь Игорь на всяк день усердно моляшеся, яко наследие славное, сию нам остави, звании почитающим Тя сими:
Радуйся, во всякой скорби видети волю Божию, вся ко благу устрояющую, научающая.
Радуйся, ко спасению нас вразумляющая и направляющая.
Радуйся, скорби наша ко благу обращающая.
Радуйся, смысл жизни разумом Христовым просвещающая.
Радуйся, плачущих надеждою утешающая.
Радуйся, раны греховныя врачующая.
Радуйся, поношения Христа ради терпящих в Царствие Небесное управляющая.
Радуйся, скорбями, яко бисером многоценным, чертог Небесный верным украшающая.
Радуйся, Всемилостивая Владычице, страждущих и обидимых Заступнице.
Кондак 12
Благодать Божественную испроси нам у Сына Твоего и Бога, о Всеблагая, простри нам руку помощи, отжени от нас всякаго врага и супостата, умири нашу жизнь, покрый нас любовию Твоею и сподоби в жизни сей и в Царствии Небеснем воспевати Творцу и Создателю нашему: Аллилуиа.
Икос 12
Поюще Твоя неизреченныя милости к падшему и в скорбех погибающему роду человеческому являемыя, хвалим Тя вси, яко одушевленный храм, Богородице, во Твоей бо вселився утробе вся содержаяй рукою Господь всю Тя освяти и прослави, научая вопити Тебе всех:
Радуйся, нечаянное всех благ исполнение.
Радуйся, благодати явление.
Радуйся, милосердие Божие разумети нас научающая.
Радуйся, к делом милосердия и нас возбуждающая.
Радуйся, млеком Своим питавшая Питателя вселенныя.
Радуйся, рукою Своею носившая Носящаго вся.
Радуйся, во обстоянии пребывающих моления приемлющая.
Радуйся, от всякия скорби и печали всех избавляющая.
Радуйся, Всемилостивая Владычице, страждущих и обидимых Заступнице.
Кондак 13
О Всепетая Мати, рождшая всех святых Святейшее Слово! Нынешнее наше приими приношение и от всякия скорби нас избави, от всех бед и печалей спаси, от обидящих защити и всех благ исполни, о Тебе вопиющих Богу: Аллилуиа.
(Этот кондак читается трижды, затем икос 1 и кондак 1)
Молитва
К кому воззову, Владычице, к кому прибегну в печали моей? К кому принесу слезы и воздыхания моя, аще не к Тебе, Царице Небесе и земли? Кто исторгнет мя от тины грехов и беззаконий, аще не Ты, о Мати Живота, Заступнице и Прибежище рода человеческаго? Услыши стенание мое, утеши мя и помилуй в горести моей, защити в бедах и напастех, избави от озлоблений и скорбей, недугов и болезней и от враг видимых и невидимых; умири вражду стужающих мне, да избавлен буду от клеветы и злобы человеческия; такожде от своея ми плоти гнусных обычаев свободи мя. Укрый мя под сению милости Твоея, да обрящу покой и радость и от грехов очищение. Твоему матернему заступлению себе вручаю: буди мне Мати и надежда, покров, и помощь, и заступление, радость и утешение, и скорая во всем Помощница. О чудная Владычице! Всяк, притекаяй к Тебе, без Твоея всесильныя помощи не отходит. Сего ради и аз, недостойный, к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения, Небесное же Царствие получити сподоблюся и Тебе во умилении сердца реку: Радуйся, Мати Божия, Предстательница и Заступница наша усердная, во веки веков. Аминь.
