Икона Богородицы «Сладкое лобзание» ( Гликофилуса ) прославилась в VIII веке, во времена иконоборчества. Является она очень почитаемой святыней афонского монастыря Филофей, в соборе которого образ пребывает на левом клиросе.
История иконы: У одной благочестивой женщины по имени Виктория, жены некоего Симеона Патрикия, жительницы Константинополя, была икона Божией Матери, которой та очень дорожила и хранила образ у себя в комнате с опасностью для жизни.
В период иконоборчества, во время правления Византийского императора-иконоборца Феофила ( 829-842 годы ), все православные иконы уничтожались, а хранившие их преследовались. Муж, опасаясь серьезных последствий, стал требовать от Виктории, чтобы она сожгла икону.
Виктория же предпочла пустить ее в море на волю Божию. Долгие годы икона плавала по морям, пока не оказалась возле берегов Святой афонской горы. Спустя какое-то время икона Богородицы «Сладкое лобзание» была выброшена на берег перед Филофеевским монастырем. Игумен и братия торжественно внесли ее в соборный храм.
На том месте, где был обнаружен образ Богородицы, забил целебный источник, названный «Агиасмою». Долгое плавание никак не сказалось на святом образе, икона Богородицы «Сладкое лобзание» осталась целой и совершенно невредимой. С того времени в первый понедельник по Пасхе из монастыря на место явления иконы Богородицы «Сладкое лобзание» совершается крестный ход.
На Афоне в монастыре Филофей хранится множество преданий о помощи Пречистой по молитвам перед иконой Богородицы «Сладкое лобзание». Согласно преданию, написана икона Богородицы «Сладкое лобзание» евангелистом Лукой, образ входит в число 70 икон, написанных апостолом .
Чудотворения: В 1801 году один сребролюбивый паломник похитил златницы, привешенные перед иконой. Сев на корабль, он не смог далеко уехать от монастыря, так как, несмотря на попутный ветер, корабль остановился на месте, пока златницы не были возвращены обители.
В 1830 году был вразумлен один сомневающийся богомолец, упорно твердивший, что чудес не бывает. Упав с верхнего этажа, он тихо опустился на землю после того, как, подвергнутый опасности, воскликнул: «Пресвятая Богородица, помоги!»
В книге старца Паисия Святогорца рассказывается о случае во время немецкой оккупации, когда в монастыре был на исходе хлеб и прочие припасы, и отцы решили прекратить принимать посетителей и раздавать хлеб, как обычно. Один благочестивый старец отец Савва, узнав об этом опечалился и стал упрашивать совет старцев, не делать этого, потому что они этим опечалят Христа и монастырь лишится благословения.
К старцу прислушались и продолжили раздавать хлеб, хотя муки осталось совсем мало. Братия роптала и упрекала старца, но его вера и надежда на Гликофилусу была непоколебима. Он знал, что Бог, как Благий Отец позаботится о них. Так и случилось. Когда был доеден последний хлеб, по молитвам перед иконой Богородицы «Сладкое лобзание» к монастырской пристани причалил корабль с хлебом. Иноки не успели даже проголодаться.
Монахи, видя очевидный Промысел Божией Матери, Которая как добрая Мать позаботилась о Своих детях, прославили Бога. Конечно, больше всех славил Бога и благодарил Божию Матерь отец Савва, всегда воссылавший Ей благодарения самой своей святой жизнью.
Иконография: Иконографический тип — Умиление. Икона Богородицы «Сладкое лобзание» имеет отличительную черту — соприкосновение рук Богоматери и Младенца. Наименование свое икона получила потому, что Богоматерь изображена на ней лобзающей Младенца Христа.
Одной рукой Богомладенец обнимает Богоматерь, в другой держит свиток. Он нежно и доверчиво прижимается щекой к щеке Матери, а Она лобзает Свое Дитя. По традиции на Пресвятой Богородице красный мафорий с тремя звездами.
Печальный взгляд Божией Матери, предвидящей судьбу Сына, выражает безмерную любовь и нежность. Прижимая к себе Младенца Христа, Она как бы пытается защитить Его, зная, что Ему предстоит спасти человечество, принеся в жертву свою жизнь. На оригинальном образе с обратной стороны изображено Распятие.
Помимо характерной особенности иконографического типа Умиление — прикосновения ликов, что означает соединение небесного и земного, Божественного и человеческого — вложенная ладонь Превечного Младенца символизирует Боговоплощение, а ниспадающая сандалия отображает такое богословское понятие как «кенозис» — умаление Бога, нисхождение Его в плоть.
Икона Богородицы «Сладкое лобзание» ( Гликофилуса ), списки с чудотворного образа, существуют в отличных друг от друга вариантах. Богоматерь на одних списках держит Богомладенца на правой руке, на других на левой, положение рук Младенца Иисуса также различаются.
Два списка чудотворной иконы находятся в храмах Московской области — в Дыдылдинской Ильинской церкви и церкви Рождества Пресвятой Богородицы Щелковского района. Как и оригинальный образ, они обладают чудодейственной силой, исцеляя смертельно больных людей.
В Валаамском монастыре находится чудотворная икона Богородицы «Сладкое лобзание» («Сладко лобзающая»), принадлежавшая святому преподобному Антипе Валаамскому при его земной жизни. Образ прославлен многими благодатными знамениями, история его полна неожиданными поворотами. Можно прочитать историю на официальном сайте обители https://valaam.ru/publishing/111421/
Молитвенная традиция: Перед иконой Богородицы «Сладкое лобзание» молятся о помощи в различных духовных и житейских нуждах, за детей. Икона Богородицы «Сладкое лобзание» обладает чудодейственной силой, спасающей людей ог горя и бед, помогает очистить душу от всего плохого, избавляет от страхов, тяжести греха. При взгляде на образ приходит уверенность в будущем.
Особое покровительство икона Богородицы «Сладкое лобзание» оказывает бездетным семейным парам, молящимся о даровании здорового, крепкого потомства. По молитвам к образу Богородицы родителям удается вернуть сбившихся с истинного пути детей к праведной жизни.
Празднование: понедельник Светлой седмицы.
МОЛИТВА
Приими, Всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния, и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно и во веки веков. Аминь. Источник https://pravoslavy.ru/ikony/sladkoe-lobzanie
Тропарь Пресвятой Богородице пред иконой Ея «Сладкое лобзание»
глас 7
Одержа́щей е́реси,/ о честне́й ико́не Твое́й, Де́во,/ я́ве промышля́еши:/ мореше́ствием Твое́й оби́тели/ я́ко дар досто́ин приноша́еши./ Сию́ же мы Сладколю́бящую пра́ве нарица́юще,// Тя ублажа́ем.
Перевод: По причине овладевшей (Империей) ереси, о благоговейно чтимой иконе Твоей, Дево, явственно имеешь промысл: морским путешествием к Твоей обители приносишь (икону) как достойный дар. Мы же эту икону по праву называя «Сладкое лобзание» Тебя прославляем.
Кондак Пресвятой Богородице пред иконой Ея «Сладкое лобзание»
глас 8
И́же в хр́аме и оби́тели Твое́й приходя́щия Ти/ и богоуго́дно спаси́тельная гоня́щия/ и почита́ющия Твой святы́й о́браз,/ сим да́руй, Де́во, Твоя́ ми́лости,/ от вся́ких избавля́ши сих скорбе́й, Тебе́ вопию́щия:// ра́дуйся, Еди́на Богоневе́стная.
Перевод: Всем в храмы и обители Твои приходящим, совершающим богоугодные приношения и почитающим Твой святой образ, даруй, Дево, Твои милости, от всяких избавляй скорбей, к Тебе взывающих: радуйся, Единственная уневестившаяся Богу.
АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ ЕЯ «СЛАДКОЕ ЛОБЗАНИЕ»
Кондак 1
Избранной от всех родов Пречистей Деве Владычице, источающей неоскудныя милости всему миру и сугубо стране нашей Российстей; похвальная восписуем о Ея чудесах, явлениях и чудотворных иконах. Ты же, Обрадованная, не отрини наших песнопений, но приими их и подаждь радость нам, зовущим ти:
Радуйся, Пречистая Дево, всемирная Славо и Радосте!
Икос 1
Архистратиг Михаил и вся небесныя силы песнословят Тя, Владычице, Честнейшую Херувим и Славнейшую без сравнения Серафим, сущую Богородицу; и мы грешнии на земли, подобяся сим бесплотным силам, и радуяся первым глаголом радости, принесенным Тебе Архангелом Гавриилом и праведною Елисаветою, купно с ними из глубины сердца нашего вопием Ти:
Радуйся, Благодатная.
Радуйся, яко Господь с Тобою.
Радуйся, Благословенная в женах.
Радуйся, обретшая благодать у Бога.
Радуйся, яко Дух Святый найде на Тя, и сила Вышняго осени Тя.
Радуйся, заченшая во чреве, рождшая Сына и нарекшая имя Ему Иисус.
Радуйся, яко рожденное Тобою Свято есть и наречеся Сын Божий.
Радуйся, яко благословен Плод чрева Твоего.
Радуйся, Мати Господа нашего.
Радуйся веровавшая, еже совершитися глаголенным ти от Господа,
Радуйся, яко возрадовася при сих приветствиях дух Твой о Бозе Спасе Твоем.
Радуйся, Пречистая Дево, все мирная Славо и Радосте!
Кондак 2
Разум человеческий не может постигнути, како Сам Господь вселися в девственную утробу Твою и како Ты пребыла еси Девою и по рождестве Сына Твоего, преклонялся пред велиею тайной воплощения Бога Слова, радостно вопием Тебе, заимодавшей Ему плоть Твою, питавшей Его млеком и носившей Его руками Своими, Ангельскую песнь: аллилуиа.
Икос 2
Во вся дни жития Твоего на земли от сретения Тобою во храме праведного Симеона, прорекшаго Ти, яко оружие пройдет душу Твою. Всякая в мире сама радость вся печали бысть причастна, до утра перваго дне по субботе, егда, Ты паки услышала глас Ангела, рекшаго тебе: «Радуйся, Благодатная, Твой Сын воскресе тридневен от гроба». И мы с ним радостным гласом приносим Ти хваления наша:
Радуйся, Прородительнице вечнаго Царя,
Радуйся, израстившая нам плод живота.
Радуйся, верная раба Господня,
Радуйся, яко блажат Тя вси роди.
Радуйся всех нас при кресте Сына Твоего усыновившая.
Радуйся, всегда матернюю любовь к нам являющая.
Радуйся, веры христиан вожделенная Помощнице.
Радуйся, яко за всех молиши Сына Твоего Христа Бога нашего.
Радуйся, Присноблаженная и Пренеорочная,
Радуйся, во славе небесной одесную Бога пребывающая.
Радуйся, чистотою сияющая паче солнца,
Радуйся, Пречистая Дево, всемирная Славо и Радосте.
Кондак 3
Како многообразно Ти, Пречистая Владычице, укрепляла еси род человеческий в вере в Бога и Сына Твоего? Колико даровала еси Ты нам чудотворящих икон твоих? Коль множицею ты являлась и вьявь и в сонниих подвижником благочестия? Кто может исчислити вся чудеса твоя? Кий глагол может ести тебе достойную похвалу? Кто не ублажит тебя, Пресвятая Дево? Кии уста умолчат, егда о тебе радуется, Благодатная, всякая тварь, Ангельский собор и человеческий род! Не умолчим и мы никогда, Богородице, силы Твоя глаголати недостойнии, и вопием о Тебе Богу: аллилуиа.
Икос 3
Святии Игнатий Богоносец и Дионисий Ареопагит, взирающе на Тя, Пречистая Владычице, не обретоша словес описати Твой сияющий лик, и Твою божественную благодать и силу, и паства не сокрушашеся, яко не вси возмогоша зрети Тя, Небесная Дево. Ты же от любви к верующим в Сына твоего повелела еси Святому Апостолу и евангелисту Луце изображити образ Твой честный с Богомладенцем и Сыном Твоим, да вси языцы и колена земная, взирая нань, имут во вся веки возноситеся мыслию к Самой Тебе, преблагословенная Владычице: и мы грешнии, преклоняюще колена пред сим образом, взываем Ти, Всепетая:
Радуйся, рекшая к сему первописанному образу: «С ним благодать Моя и сила пребудет».
Радуйся, даровавшая его стране нашей Российстей во град святый Владимир.
Радуйся, яко днесь сим образом светло красуется славнейший град Москва.
Радуйся сию иконою благодать и милость нас сугубо дарующая.
Радуйся, чудотворно изобразившая Лик Свой во храме Твоем во граде Лидде.
Радуйся, Апостолов и всех верных сим чудом обрадовавшая.
Радуйся, поклоняющимся Тебе пред сим образом чудеса источившая.
Радуйся, научившая Апостолов взывати к Тебе: «Пресвятая Богородице, помогай нам!»
Радуйся, посетившая при жизни Твоей на земле Святую гору Афонскую и избравшая сие место в удел Свой.
Радуйся, пославшая равноапостольную Нину просвятити жребий Твой земной, страну Иверскую.
Радуйся, светлое пророческое сбытие и Апостолов похвало.
Радуйся, Пречистая Дево, всемирная Славо и Радосте!
Кондак 4
Егда враг рода человеческаго возведе на христиан гонения и предаде телеса верующих на мучения и смерть, коль краты являлася еси ты укрепительнице их в сем подвиге, наставницею в вере Христовой, подательницею им силы и премудрости. И ныне сии Святии мученицы, претерпевшия велия мучения, Христовы невесты: Екатерины, Варваро и иныя, сопутствуют Тебе в Твоих посещениих избранников Божиих Аллилуиах на земли, и вопиют о Тебе Богу песнь: аллилуиа.
Икос 4
Благоверный и равноапостольный князь Владимир, приведый ко Христу людей земли Российской, по крещении Своем сооруди первый храм во граде Киеве в честь Пречистаго Рождества Твоего, Владычице мира, и даяще десятину стяжаний Своих на украшение Его. И от тех дней до ныне Ты, Преблагословенная, изливавши неустанно сугубую благодать над страною нашею и даруеши ей велия милости Твоя. И яко особый дар Твоего благоволения и Твоего избрания града Киева в удел Себе, чудесно даровала еси ему чудотворный образ «Успения» Твоего и повелела еси соорудити Тебе храм во обители Святых Антония и Феодосия. Кто изочтет множество людей, кои преклоняху со слезами колена своя пред Пречистым образом сим? Кий град и кая весь не ведет о сих многочудесных образех и обители? Кто повесть вся чудеса, у сего образа явленныя? Не таим Твоих благодеяний, Пречистая, и мы, со умилением взываем Ти:
Радуйся, Обрадованная, во успении Твоем нас не оставляющая.
Радуйся, восприемлемая от земли дланьми Сына Твоего.
Радуйся, ко превышним возшедшая, наслаждаешися славы Его.
Радуйся, уверившая чрез Апостола Фому о Твоем с плотию на небеса восхождении.
Радуйся, престоле Господень огнезрачный, вознесенный от земли в Царствие небесное.
Радуйся, в видении показавшая образ великий Церкви Киево-Печерския,
Радуйся, Сама давшая мощи Святых мучеников и злато для созидания ея.
Радуйся, вручившая и Святую икону «Успения» Твоего Своими руками Святым здателям.
Радуйся, чудеса показавшая на место храма Твоего с огнем небесным очистившая место сие.
Радуйся, ангелоподобное пение иноков похвалы пред Твоею чудотворною иконою «Успения» приемлющая.
Радуйся, скорбь всех притекающих к Тебе в радость претворяющая.
Радуйся, пречистая Дево, всемирная Славо и Радосте!
Кондак 5
Видяще, Всенепорочная, с высоты небеснаго жилища Своего, идеже с Сыном Твоим во славе пребывавши, скорбь рабов Твоих во граде Казани, яко гневнаго ради Божия посещения вера Христова поругана бысть агарянским зловерием, благоволила еси явити икону Свою чудесы к прославляющи, да утверждаемы знаменьми Твоя благодати христолюбивые люди верно вопиют Тебе: Радуйся, Заступнице усердная рода христианского, и Творцу всех Богу: аллилуиа.
Икос 5
Хотящи явити токи чудес всем скорбящим, печальным, обидимым и заблудшим, даровала еси, Всемилостивая Владычице, сугубую благодать Твоим чудотворным иконам, именуемые: «Всех скорбящих Радосте», «Утоли моя печали» и «Взыскание погибших». Все море слез пред ними пролито в скорбех и печалех сущими? Какая душа не притекала к Тебе в житии своем, припадающе к сим иконам твоим? Чьи скорби Ты не претворила еси на радость? Кому из погибающих, но молящихся Тебе, Ты не простерла еси руку помощи? Благодарим Ты, Всепетая, за вся милости, грешному роду человеческому дарованные, и всею душею вопием Ти умильно:
Радуйся, благодатная Богородице Дево, всех скорбящих радосте!
Радуйся, Мати милосердия!
Радуйся, скорая Помощнице сущим в бедах и напастех.
Радуйся, Радосте наша, избави нас от всякаго зла в утоляющая наша печали!
Радуйся, Твоим представительством временная наша скорби разрушающая.
Радуйся, явлением икон сих знамения благодати в Церкви являющая.
Радуйся, сими яко столпом огненным, мрак греха отгоняющая.
Радуйся, прославившая икону Твою, именуемую «В скорбех и печалях утешение».
Радуйся, восхваляемая в обителей на Афоне и в земли нашей пред образом Твоим «Отрадо и Утешение»!
Радуйся, Пречистая Дево, всемирная Славо и Радосте!
Кондак 6
Всем верным утешительно есть взирати на икону Твою, изреченную Тобою «Скоропослушнице», поклонятися Тебе пред Нею, не токмо во обители Дохиарстей, но и во многих градех и весех страны нашея, взывая Ти: Радуйся, всеблагая Скоропослушнице, прошения наша во благо исполняющая, и поя со умилением сердечным Сыну Твоему, Христу Богу нашему: аллилуиа.
Икос 6
Сила Вышняго осеняет с верою и благоговением прибегающих к Твоему Всечестному Покрову, Пречистая Владычице, и от лет древних до ныне Ты покрываеши Своим омофором весь род христианский, и наипаче страну нашу Российскую, и многия обители в ней созданныя. И люди православныя, взирающе на Твою икону, на ней же Ты со Архангелы, Ангелы, Предтечею, Богословом и всех Святых ликом ходатайствуеши о нас пред Господом, преклонше колена и главу Своя, взывают Ти умильно:
Радуйся, Радосте наша, покрывающая нас от всякаго зла честным твоим омофором.
Радуйся, святых обителей Христовых Покров и спасение.
Радуйся, Святых храмов и алта рей первейшее украшение.
Радуйся, благословение домов и семейств благочестивых.
Радуйся, верных пастырей Церкви бодрость и вразумление.
Радуйся, богобоязненных иноков и инокинь наставнице.
Радуйся, явных подвижников благочестия явное укрепление.
Радуйся, тайных среди мира рабов Божиих тайное вразумление.
Радуйся, и нас обнаженных добрых дел не оставляющая Своим Покровом и благодатию.
Радуйся, крепкая заступнице сущих в плену и изгнании.
Радуйся, неусыпающая попечительнице во узах и темницех седящих.
Радуйся, Пречистая Дево, всемирная Славо и Радосте!
Кондак 7
Видяще рыбарие над пучиною вод носимую невидимою силою и светом подобно солнцу сияющую Твою, Богомати, Тихвинскую икону, возопиша ко Господу: «Яви нам сей Божественный дар; не скрый сокровища, имже надеяхомся душевную нищету нашу обогатити: отри слезы и рыдания наша»… и получив желаемое, вси возопиша Тебе, Пречистая: »
Радуйся, Владычице, милоситвая о нас пред Богом Заступнице», Сыну же Твоему и Богу поя песнь Ангельскую: аллилуиа.
Икос 7
Кий верный, посетив град Москву, не поклонится, Госпоже Богородице, пред Пречистыми иконами Твоими «Иверския» и «Боголюбивыя»? Кто не умилится, видя в полунощи множество людей, коленопреклоненно сретающих Твою «Иверскую» икону? Кто изочтет день и ночь лобызающих во дни празднества Твой «Боголюбивый» образ? Не отступи от нас во вся дни нашея жизни, Мати Всемилостивая, и услыши наше пение Тебе приносимое:
Радуйся, Благая Заступнице, двери райския нам отверзающая.
Радуйся яко вси благоговейныя люди Московстии пред пречистым Твоим «Иверским» образом.
Радуйся, яко день и ночь Твоя икона сия приносится в дома скорбящих и болящих.
Радуйся, яко чудодействовавшая сим образом еще на пути Его с Афонския горы в землю Российскую.
Радуйся, повелевшая благочестивому Мануилу дати выкуп неверным, возбранявшим шествие Святыя иконы в страну Русскую.
Радуйся, яко после же сугубо ему сей выкуп отдавшая.
Радуйся, яко и многия списки и с иконы сея прославившая великими чудесы.
Радуйся, Боголюбивая Царице Богородице, надеждо и прибежище наше!
Радуйся, явившаяся князю Андрею, рекшия волю Твою и на месте явления Твоего повелевшая соорудити обитель иноческую во имя Рождества Твоего.
Радуйся, изображенная на иконе Твоей, еже во граде Москве, с первосвятители Московскими, блаженными, преподобными и мученицами.
Радуйся, прославившая чудесы Своими «Боголюбивыя» иконы во градех Угличе, Туле и иных.
Радуйся, Пречистая Дево, всемирная Славо и Радосте!
Кондак 8
Возсия нам, яко пресветлая заря, чудотворная икона Твоя «Нечаянный Радости», пред Нею же людие во гресех, бедах, скорбех и озлоблениих суще, многажды с верою в молитве колена преклоняют, взывая: »
Радуйся, нечаянную радость верным дарующая, и получившая милость Твоя, вопиют о Тебе Богу: аллилуиа.
Икос 8
Благовестник Твой Архангел Гавриил по Божию повелению дивным явлением научи нас на земли восхваляем Тя такожде, яко же Ангели воспевают Тя на небеси, даровав песнь сию: Достойно есть яко воистину блажити Тя Богородицу, Присноблаженную и Пренепорочную, и Матерь Бога нашего. И мы от дней тех, взывая Тебе выну, Всепетая, сию, Ангелом принесенную, песнь, взываем Ти такожде:
Радуйся, христианом помощнице и милосердая о грешных предстательнице.
Радуйся, превысшая всех сил Небесных…
Радуйся, даровавшая Святей горе Афонстей, чрез многия иконы Твоя, чудотворения, благословения и вразумления.
Радуйся, пророчество святаго Саввы освященнаго через икону Твою «Млекопитательница» исполнившая.
Радуйся, моления иноков Афонских пред образом Твоим «Предвозвестительница» и изобилие елея для храма Своего давшая.
Радуйся, игуменство в Хилендарском Монастыре иконою Твоею «Троеручица» приявшая.
Радуйся, восхваляемая пред образами Твоими «Вразумившая экклесиарха» и «Герондиса», еже есть старица.
Радуйся, именуемая «Акафистная», рекшая от иконы Твоея старцу, чтущему Ти акафист: «Радуйся и ты, старче Божий».
Радуйся, икону Свою «Одигитрия» чудесно преносившая двакраты из обители Ватопедской во обитель Ксенофскую.
Радуйся, дивная чудеса явившая на Афоне от иконы «Закланная» и «Ктиторская».
Радуйся, дщерь царя Плакидию воспитавшая, яко жену, от посещения обителей Афонских и милостиво ей сей грех оставльшая.
Радуйся, Пречистая Дево, всемирная Славо и Радосте!
Кондак 9
Во дни Светлыя Пасхи, егда Церковь радостно поет о Воскресении Христовом, воспоминаем мы, Пречистая, и о Твоих чудесех, ихже ради написашася иконы Твоя «Живоносный Источник» и «Прозрение очес» и чудесно сохранися от рук иконоборца Твой образ «Сладкое лобзание», и благодаряще Воскресителя душ и телес наших, поем Ему радостно песнь: аллилуиа.
Икос 9
Витии многовещаннии не возмогут при всей любви к Тебе, Владычице, достойно наименовать Ти, Пречистая, и от избытка сердца именуют иконы Твоя многими радостными имени, каковыя приими и от нас ныне:
Радуйся, «Цвете Неувядаемый», и «Благодатное Небо».
Радуйся, «Блаженное чрево» и «Звездо Пресветлая».
Радуйся, «Радосте ангелов» и «Три радосте».
Радуйся, милостивая и «Милующая».
Радуйся, «Недремлющее око» и «Подательнице ума».
Радуйся, «Призри на смирение» и «Ключу разумения».
Радуйся, «Умягчение злых сердец» и «Спасительница утопающих».
Радуйся, «Непорочная Дево» и «Помоще в родах».
Радуйся, «Споручнице грешных» и «Целительнице».
Радуйся, «Слово плоть бысть» и «Прежде рождества и по рождестве Дево».
Радуйся, «Всеблаженная» и «Седмистрельная».
Радуйся, Пречистая Дево, всемирная Славо и Радостей
Кондак 10
Проповедит Новград преславное заступление Твое, Пречистая Владычице, како во дни нашествия врагов сильных и вооруженных, от Твоея святыя иконы «Знамения», помощь Твою благодатную людем Твоим явила еси, враждебные полки со страхом вспять обративши, град же Твой цел и невредим от них сохраньше; да вси вопиют благодаряше Тебе: Радуйся, владычице, знамение милости Твоея нам являющая, и Спасителю Богу поя: аллилуиа.
Икос 10
Силою Всевышняго действующи, Владычице Преблагая, силу естества огненнаго укрощавши Святою иконою Твоею «Неопалимая купина» и многия чудеса содеваеши Ю во Вселенней. Такожде исчести не может разум человеческий всех благодеяний Твоих источаемых от чудотворных икон Твоих, иже пребывают на Почаевской горе, в Ченстохове, в веси Ахтырки, от именуемых «Феодоровская», «Толгская» и иных, ихже не леть есть воспомянути. Не таим Твоих благодеяний, Всеблагословенная, и в радости сердечной вопием Тебе сицевыя хвалы:
Радуйся, Благодатная Купино неопалимая, огненнаго запаления нас избавляющая,
Радуйся, Похвало Почаевская, надеждо наша и утешение.
Радуйся, Мати Божия, Предстательнице и Заступнице наша усердная, даровавшая нам икону «Обнорскую».
Радуйся, Софие, еже есть Премудрость Божия, создавшая Себе храмы во градех: Киеве, Новеграде и иных.
Радуйся, чудотворно окончившая писание иконы Твоея «Знамение» в Серафимо-Понетаевской обители.
Радуйся, во Святую Киево-Братскую обитель в чудотворней иконе Своей «Киево-Братской» пришедшая и до сих пор в ней пребывающая.
Радуйся, обитель инокинь собравшая окрест Твоея чудотворныя иконы, яже в «Козелщанах».
Радуйся, даровавшая утешение градем Одессе и Херсону, икону Твою «Касперовскую».
Радуйся, освятившая град Вильну образом Твоим «Острабрамская». Пред ним же всяк благочестивый преклоняет колена своя.
Радуйся, «Нерушимая стено» и «Спорительнице хлебов».
Радуйся, «Взыграние» и «Плачущая».
Радуйся, Пречистая Дево, всемирная Слава и Радосте!
Кондак 11
Благочестивые пастырие и людие всякую седьмицу восхваляют Тя, Пречистая, яко «Одигитрию» — Путеводительницу; и несть кому исчислити Твоя иконы сии по всем странам христианским Тебе, Пречистая, сооруженныя. Наипаче других восхваляет Ти благодарный град Смоленск, его же спасла еси от ига татарскаго, давши дивное повеление гласом Твоим воину Меркурию сразиться со врагом; да всяк язык взывает Тебе: «Радуйся, Всеблагая Одигитрие, всемирное чудо и слышание, и поет Сыну Твоему хвалебную песнь: аллилуиа.
Икос 11
Кий глас изобразит радость избранников Божиих, егда Ты по любве Своей к ним являл ася еси им на земли, укрепляя, утешая и наставляя. В ти часы небо соединяшеся с землею, и свет, паче солнечнаго, осияваше убогая келии преподобных. И мы грешнии, воспоминая сие и причащаяся духовной сей небесной радости угодников Божиих, во смирении вопием Ти:
Радуйся, повелевшая Богослову, преподати учение о Святей Троице Светителю Григорию Неокессарийскому.
Радуйся, наставившая в Гефсимании преподобнаго Досифея на пост и молитву, и призвавшая его во иночество.
Радуйся, спасшая ученика преподобнаго Павла Препростаго от адских мучений, двакраты явившися преподобному и научивши Его молитве об усопших.
Радуйся, обрадовавшая Коему Маюмскаго, рекши ему, коль приятна Тебе составленная им песнь: Честнейшую Херувим и славнейшую без сравнения Серафим.
Радуйся, со апостолы Петром и Иоанном яве посветившая преподобнаго Сергия Радонежскаго и ученика Его Михея.
Радуйся, многажды являвшаяся преподобному и Богоносному Серафиму Саровскому и давшая ему повеление об устройстве Твоего последняго жребия на земли Серафимо-Дивееской обители.
Радуйся, в день Благовещения посетившая его со Апостолом Иоанном и Предтечею, и двенадесятью девами-мученицами, и возвестившая ему о скором преселении его в небесныя обители.
Радуйся, благословившая при сем и смиренную монахиню Дивеевскую Евпраксию.
Радуйся, в дивных сониях являвшаяся святителю Кириллу Александрийскому, Петру Афонскому, Роману Сладкопевцу и многим иным святителем и преподобным.
Радуйся, сладким Твоим гласом, исходящим от Святыя иконы Твоея Едесския, введшая во храм Алексия человека Божия.
Радуйся, таковым гласом наставившая на путь покаяния преподобную Марию Египетскую.
Радуйся, Пречистая Дево, всемирная Славо и Радосте!
Кондак 12
Благодать сугубую источавши ти, Пречистая, от иконы Твоея «Умиление» во обители Серафимо-Дивеевской пребывающей; пред Нею же избранник Божий и Твой, предстатель Божий и Твой предстатель за землю Русскую, преподобный Серафим денно и нощно молящеся Тебе, именуя Тя «Радостию всех радостей» и поя Тебе в пустыннем затворе Своем песнь: «Всемирную славу от человек прозябшую». С ним же купно и мы восхваляем Тя, Пречистая Владычице, сими же словами, и приносим Богу Ангельское пение: аллилуиа.
Икос 12
Поюще Твоя неисчетныя милости, чудеса и явления, всему миру дарованныя Тобою, припадающе к Тебе во умилении сердца вашего, благодарим Тя, Пречистая Владычице, хвалим Тя, поем и превозносим имя Твое, и молим Тя, не отвержи и впредь от нас лица Твоего, заступи, защити и спаси всех нас во гресех погибающих: умири нашу жизнь, настави заблуждающихся на путь правый, воспитай в духе благочестия чад наших, укрепи наших пастырей, соблюди нас в чистой вере, да уста наша выну восхваляют Тя. Высшую небес и чистшую светлостей солнечных, таковыми гласы:
Радуйся, Невесто неневестная и Царица Цариц.
Радуйся, Небесный Кивоте и носило Слова Божия.
Радуйся, горлице Богогласная и голубице кроткая и тихая.
Радуйся, неизмеримое глубине и неизреченная тайна.
Радуйся, несведомое чудо и источнице святыни.
Радуйся, девствующих чистото и матерей тихое веселие.
Радуйся, младенцев охранительнице и вдов защито.
Радуйся, болящих здравие и пленных избавление.
Радуйся, труждающихся благое покоище и ненадеющихся надеяние.
Радуйся, Едина наша надежда в жизни по отшествии нашем от земли.
Радуйся, на мытарствах нас защищающая и на страшном суде Христовом наша Заступнице.
Радуйся, Пречистая Дево, всемирная Славо и Радосте!
Кондак 13
О, Пречистая Дево, Владычице небеси и земли! Приими от всея души нашея возносимое Тебе сие хвалебное пение и сподоби нас грешных в вечных селениих зрети Тя, нашу всемирную Славу и Радость всех радостей, поя Тебе и о Тебе Богу песнь великую, в Вышних трегубо песнословимую: аллилуиа.
(Этот кондак читается трижды, затем икос 1 и кондак 1).
