Преподобный Ефрем Сирин, известный христианский богослов и поэт, один из Учителей Церкви IV века, оставивший огромное духовное наследие (до 1000 различных произведений), называл себя по смирению человеком «неученым и малосмысленным», хотя его учености удивлялся даже святитель Василий Великий.
Преподобный Ефрем Сирин был широко образованным человеком своего времени. В его произведениях заметно знакомство не только с произведениями христианских ученых, но и с «эллинской мудростью», языческой мифологией, естествознанием. Значительное место он отводил толкованию Священного Писания. Преподобный считается одним из самых авторитетных его толкователей.
Еще при жизни преподобного многие его произведения были переведены на греческий язык, они читались в церквях после Священного Писания. Его молитвы вошли в церковное употребление. Известны также стихотворения святого, которые излагали церковное учение, и были положены народом на музыкальные напевы.
Лучшую часть его богословских трудов составляют его проповеди и пророчества, особенно нравоучительные. Преподобный Ефрем Сирин был непревзойденным оратором, истинным и настоящим в христианском смысле этого слова. Главная мысль, которая проходит красной нитью через все его проповеди — это «жизнь для Бога и в Боге», как смысл человеческого существования.
Преподобный Ефрем Сирин искренно и неутешно скорбит из-за несоответствия действительной жизни христианского общества этому христианскому идеалу. Он много говорит о покаянии, о борьбе со страстями, о страданиях Спасителя и о воскресении, о кресте, о терпении, о вере, о посте, о добродетелях и пороках, о гордости, о втором пришествии Христа, о праздниках всего года.
Житие: Преподобный Ефрем Сирин родился в 306 году в Месопотамии (Римская империя) в местечке Нусайбин, располагавшемся в северо-восточной области Месопотамии. Родители его были благочестивыми земледельцами, вышедшими из очень бедных слоев населения. В отдельных источниках отец его называется языческим жрецом.
Преподобный обладал в юности довольно пылким нравом: горячностью, юношеской порывистостью, несдержанностью. Но, получив однажды серьезный урок за один свой неблаговидный поступок, он сумел осознать, что каждому человеку Бог преподает справедливое воздаяние за все неправедные дела.
Это настолько врезалось в его память, что способствовало самому искренному покаянию, переосмыслению отношения к собственной жизни и вручению себя благому Промыслу Божиему, управляющему всеми событиями в мире. Преподобный Ефрем Сирин получил от Господа особый дар сердечного сокрушения и постоянных слез. Его именуют не только «сирийским пророком» (так называли его современники), но и учителем сокрушения.
Подобно апостолам святой не имел ничего. Через некоторое время после крещения, в возрасте 20 лет, святой Ефрем Сирин бежал от городской суеты в пустыню, чтобы в тишине общаться с Господом и жить в окружении Ангелов. Он переходил с места на место и шел туда, куда вел его Святой Дух ради пользы его души и душ его братьев.
Преподобный Ефрем Сирин сочетал с подвижническими трудами непрестанное изучение Слова Божия, черпая из него для своей души умиление и мудрость. Господь дал ему дар учительства, люди стали тянуться к нему, желая услышать его наставления. Он учил всех покаянию, вере и благочестию.
Услышав молву о добродетелях Василия Великого, он отправился в Каппадокию. Прибыл туда преподобный Ефрем Сирин в день Богоявления и вошел в церковь как раз во время Божественной литургии. Там по промыслу Божиему и состоялось знакомство двух великих столпов Церкви. Святитель Василий Великий рукоположил Ефрема во диакона и отпустил на родину.
В это время Рим и Персия вели непрерывные войны. Началось безжалостное преследование христиан. Узнав в пустыне об этом, преподобный Ефрем Сирин отправился в Нусайбин, чтобы быть рядом со своими братьями по вере и наставлять их. Когда Нусайбин был все-таки сдан жестокому персидскому царю, преподобный ушел в Едессу, где провел последние годы жизни.
Преподобный Ефрем Сирин отошел ко Господу 9 июня 373 года в возрасте 67 лет, окруженный многочисленными монахами и подвижниками, пришедшими из монастырей, пустынь и пещер, чтобы почтить последние минуты жизни святого. Он оставил им трогательное завещание, исполненное смирения и сокрушения.
Тропарь Ефрему Сирину
Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, / сияя чудесы, Ефреме, отче наш, / моли Христа Бога спастися душам нашим.
Кондак, глас 2
Час при́сно прови́дя Суда́,/ рыда́л еси́ го́рько, Ефре́ме, я́ко любобезмо́лвный,/ де́лателен же был еси́ в де́лех учи́тель, преподо́бне.// Те́мже, о́тче всеми́рный, лени́выя воздвиза́еши к покая́нию.
Молитва 1-я
О, уго́дниче Христо́в, о́тче наш Ефре́ме! Принеси́ моли́тву на́шу к ми́лостивому и всеси́льному Бо́гу и испроси́ нам, раба́м Бо́жиим (имена), у бла́гости Его́ вся я́же на по́льзу душа́м и телесе́м на́шим, ве́ру пра́ву, наде́жду несумне́нну, любо́вь нелицеме́рну, кро́тость и незло́бие, во искуше́ниях му́жество, в злострада́ниях терпе́ние, во благоче́стии преспе́яние, да не во зло обрати́м дары́ Всеблага́го Бо́га. Не забу́ди, чудотво́рче святы́й, и святы́й храм (дом) сей и прихо́д наш: сохрани́ и соблюди́ их моли́твами твои́ми от вся́каго зла. Ей, свя́тче Бо́жий, сподо́би нас кончи́ну благу́ю улучи́ти и Ца́рствие Небе́сное унасле́дити, да просла́вим ди́внаго во святы́х Свои́х Бо́га, Ему́же подоба́ет вся́кая сла́ва, честь и держа́ва, во ве́ки веко́в. Ами́нь.
Молитва 2-я
О, свяще́нная главо́, преподо́бне о́тче, преблаже́нне а́вво Ефре́ме! Не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упасл еси́, и не забу́ди посеща́ти чад твои́х. Моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.
Молитва 3-я
Преподо́бне о́тче Ефре́ме! Воззри́ на на́с ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и ми́лостьми облагоде́тельствованнии, испове́дуют тя́ бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м всепомоществова́л еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
КАНОН ПРЕПОДОБНОМУ ЕФРЕМУ СИРИНУ
Пе́снь 1.
Ирмо́с: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.
Евфра́тским одожде́нием твои́х моли́тв ду́шу мою́ напо́й, изсо́хшую зно́ем страсте́й, и сло́во ми́ вдохни́, тво́й восхваля́ющу пра́здник, всеблаже́нне.
Све́т мы́сленный облиста́в, све́тлое яви́лся еси́ со́лнце светолу́чными доброде́тельми и уче́ний добро́тами, Ефре́ме, озаря́я ве́рных все́ исполне́ние.
Струя́ми сле́з пла́мень страсте́й погаси́в, бы́л еси́ сосу́д че́стен, Ефре́ме, Свята́го Ду́ха, исто́чники источа́я уче́ний, богоблаже́нне.
Богоро́дичен: Нетле́нно Сло́во во утро́бе прии́мши, родила́ еси́ избавля́ющаго от тли́, Тому́ служа́щия при́сно, Ма́ти Де́во Чи́стая, две́ре и́стинно Жи́зни.
Пе́снь 3.
Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.
Ти́ны вся́кия страстны́я себе́ очи́стив, яви́лся еси́ прия́телище доброде́телей я́ко и́стинно и сосу́д вмести́телен дарова́ний Свята́го Ду́ха.
Ника́коже сна́ очи́ма да́в, хра́м яви́лся еси́ Святы́я Тро́ицы, и прему́дрости сокро́вище, ми́р обогаща́я златоза́рными уче́нии, блаже́нне.
Познава́ет друга́го тя́ Христо́ва честна́я Це́рковь златото́чнаго Евфра́та, наводня́юща му́дрых уче́ний пото́ками и тва́рь всю́ напоя́юща.
Богоро́дичен: Во двою́ естеству́ Еди́ный от Святы́я Тро́ицы, из чи́стых Твои́х крове́й вопло́щся, боголе́пно про́йде, су́щия от Ада́ма спаса́я, Всечи́стая, благода́тию.
Седа́лен, гла́с 5
Сокро́вище прему́дрости, та́ин Христо́вых ча́шу боже́ственнаго умиле́ния, воспои́м, ве́рнии, в па́мяти его́: тезоиме́нно бо при́сно сердца́ ве́рных весели́т словесы́ боже́ственными Ефре́м, я́ко де́латель и таи́нник Госпо́дних открове́ний.
Богоро́дичен: Те́плая Предста́тельнице и непобеди́мая, упова́ние изве́стное и непосты́дное, стено́, и покро́ве, и приста́нище притека́ющих к Тебе́, Присноде́во Чи́стая, Сы́на Твоего́ и Бо́га моли́ со а́нгелы, ми́р да́ти ми́ру, и спасе́ние, и ве́лию ми́лость.
Крестобогоро́дичен: Кресто́м Сы́на Твоего́, Богоблагода́тная, и́дольская пре́лесть вся́ упраздни́ся и де́монская кре́пость попра́ся, сего́ ра́ди, ве́рнии, по до́лгу Тя́ при́сно пое́м, и благослови́м, и, Богоро́дицу вои́стинну испове́дающе, Тя́ велича́ем.
Пе́снь 4.
Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи, от смы́сла чи́ста, о Го́споде пра́зднующи.
Глаго́лов си́ла твои́х протече́ ве́сь ми́р, высокотво́рным сия́нием смире́ния слепоту́ ду́ш отгоня́щи, блаже́нне.
Непоро́чно соверши́л еси́ житие́, слеза́ми себе́ омыва́я и Судии́ все́м прише́ствие напису́я словесы́ му́дрыми, Богоявле́нне досточу́дне.
Ви́дев твоего́ Госпо́дь смире́ния пресла́вную высоту́, высокотво́рное сло́во тебе́ да́рует, и́мже ересе́й лю́тая смири́шася возноше́ния.
Укрепи́вся благода́тию Вседержи́теля, к нача́лом ополчи́лся еси́ де́монским, о́тче, и победи́л еси́, о на́с моля́ся те́пле, восхваля́ющих тя́.
Богоро́дичен: Я́ко Боже́ственный хра́м, я́ко го́ру святу́ю, я́ко исто́чник нетле́ния, я́ко избра́нну еди́ну бы́вшую Зижди́телю на́шему Бо́гу, Де́ву ублажи́м.
Пе́снь 5.
Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.
Сле́з пото́ками сласте́й до конца́, о́тче, изсуши́л еси́ пучи́ну и источе́нии твои́х уче́ний ересе́й пото́ки, блаже́нне, потопи́л еси́.
Ум тво́й манове́нием е́же к Бо́гу, о́тче, просвеща́емь, Ефре́ме, богови́ден ве́сь бы́сть, я́коже зерца́ло Боже́ственнаго Ду́ха, невеще́ственно явле́ния прие́мля.
Хра́м бы́л еси́ вмести́телен, о́тче, Тро́ицы вои́стинну и испещре́н благода́тию, и озаре́нием чи́стых доброде́телей, и уче́ний це́лостию.
Богоро́дичен: Ме́ртва мя́ показа́ во Еде́ме вкуше́ние дре́ва лука́вым наве́том зми́я, Ты́ же, Жизнода́теля Христа́ ро́ждши, оживи́ла мя́ еси́, Еди́на Богора́дованная.
Пе́снь 6.
Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли́ живо́т мо́й, Многоми́лостиве.
Не песо́к основа́ние, но ве́ру нерасте́рзну, богоно́се, положи́в, от вра́жиих вся́ческих наве́тов непрекло́нен пребы́л еси́, непобеди́мою дла́нию окормля́емь.
Язы́к тво́й, я́ко тро́сть пи́сменника скоропи́сца, вои́стинну бы́сть, повеству́ющ, ра́зум всеблагочести́в, на скрижа́лех начерта́ющь серде́чных, о́тче, зако́н Ду́ха.
Твою́ пла́вающии догма́тов тишину́, Ефре́ме богому́дре, пучи́ны треволне́ний избавля́ются душевре́дных и бу́ри ересе́й, возни́чуще, ве́рою спаса́ются.
Богоро́дичен: Вся́кия вы́шши разумева́емыя, я́ко Бо́г, и ви́димыя тва́ри, вопло́щся, про́йде из Твоего́ чре́ва, соблю́д Тя́ нетле́нну, я́коже бе́ пре́жде Рождества́, Ма́ти Де́во.
Конда́к, гла́с 2.
Ча́с при́сно прови́дя Суда́, рыда́л еси́ го́рько, Ефре́ме, я́ко любобезмо́лвный, де́лателен же бы́л еси́ в де́лех учи́тель, преподо́бне. Те́мже, о́тче всеми́рный, лени́выя воздвиза́еши к покая́нию.
И́кос:
От во́д благода́ти твоея́ иска́пи в ду́шу мою́, омыва́я ю́ от вся́кия скве́рны нечи́стыя, я́ко да от си́х очи́стится и, ревни́тельно житие́ по всему́ духо́вно про́чее ле́то сконча́вши, сла́дости боже́ственныя наслади́тся, ея́же наслади́лся еси́ и напои́л еси́ вся́, от страсте́й пали́мыя. Се́ бо словесы́ твои́ми лени́выя воздвиза́еши к покая́нию.
Пе́снь 7.
Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.
Законоположи́тель мона́шествующих изве́стнейший яви́лся еси́, прече́стне, изыма́тель же от вра́жиих вся́ческих сплете́ний. Те́мже твою́ почита́ют честну́ю и свяще́нную на земли́, блаже́нне, па́мять.
Изря́ден Ду́ха, приснопа́мятне, орга́н бы́л еси́, возглаша́ющий твои́ми всегда́ дохнове́ньми, и пе́снь спаси́тельную на́м покая́ния песнопоя́, воспева́ющим тя́.
Богоро́дичен: Па́че сло́ва Твое́ зача́тие, Богоневе́сто, Бо́га бо Сло́ва родила́ еси́, изба́вльшаго от безслове́сия вся́ челове́ки и сло́во подаю́ща вопи́ти: благослове́н еси́, Бо́же оте́ц на́ших.
Пе́снь 8.
Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.
Светоно́сен я́ко ино́е показа́лся еси́ со́лнце, уче́ний лучи́ испуща́я конце́м, тму́ несве́тлую отгна́л еси́, блаже́нне, вся́каго греха́ све́том покая́ния.
Струя́ми боже́ственных догма́тов окружа́емь, я́коже ина́я река́, из Еде́ма теку́щи, лице́ земли́ напая́я, чу́дне, и нече́стия пле́велы подавля́я.
Богоро́дичен: И́стинную Богоро́дицу испове́дающе Тя́, а́нгельски, е́же ра́дуйся, ве́рою вопие́м Ти́: еди́на бо Ра́дость на земли́ родила́ еси́, Обра́дованная, при́сно Благослове́нная.
Пе́снь 9.
Ирмо́с: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́и, Тя́ ублажа́ем.
Уязви́вся любо́вию Вседержи́теля, все́ твое́ житие́, рыда́я, сконча́л еси́, вопия́ со у́жасом, преподо́бне: осла́би во́лны Твоея́, Спа́се, благода́ти, се́ю мя́ бога́тно соблюда́я в бу́дущей жи́зни.
Сла́дко сло́во твое́, умиле́ния пода́тельно, испо́лнено просвеще́ния притека́ющим, богоно́се Ефре́ме досточу́дне, непоро́чно же житие́, все́ми украша́емо богосия́нными доброде́тельми и просвеща́емо.
Хра́м Ду́ха бы́л еси́ и река́, во́д живото́чных исполня́ема, Це́ркве основа́ние незы́блемое, утвержде́ние мона́шествующих, струя́ приснотеку́щая боже́ственнаго умиле́ния, Ефре́ме досточу́дне.
Богоро́дичен: Разуме́ти не мо́жет у́м челове́ческий е́же па́че ума́ Рождества́ Твоего́, Де́во, та́инство: Бо́г бо, всели́вся во утро́бу Твою́, ключа́ де́вства не поколеба́, я́коже ве́сть Еди́н Са́м Непостижи́мый.
Свети́лен.
Ча́ша сокрове́нных Христо́вы му́дрости сокро́вищ, Ефре́ме, твои́м умиле́нием, преподо́бне о́тче, яви́лся еси́ и уче́нии твои́ми боже́ственными ду́ши ве́рных весели́ши.
Богоро́дичен: Держа́вным Твои́м кро́вом от враго́в наве́та ны́, Чи́стая, Твоя́ рабы́, сохрани́ вся́ невреди́мы: Тя́ бо еди́ну и́мамы прибе́жище в ну́ждах.
