Пророк Илия

Пророк  Илия,  один  из  величайших  библейских  пророков  IX  века  до  нашей  эры,  первый  девственник  Ветхого  Завета,  почитается  в  Православной  церкви,  Католической  и  древних  восточных  церквях,  иудаизме  и  исламе.  Это  одна  из  ярких  фигур  в  ветхозаветной  истории,  первооткрыватель  духа  любви  Божьей.

Особым  почитанием  пользовался  у  восточных  славян.  В  христианстве  является  самым  почитаемым  ветхозаветным  святым.  С  именем  пророка  Илии  связано  великое  множество  преданий,  легенд,  народных  примет  и  традиций. 

Житие:  Пророк  Илия  родился  в  Фесвии  Галаадской  (восточная  часть  Палестины)  в  колене  Левиином  из  рода  Ааронова  за  900  лет  до  Воплощения  Бога  Слова,  Господа  Иисуса  Христа,  Сына  Божиего.  Данное  ему  имя  означает  «Крепость  Господня».  С  малых  лет  он  посвятил  себя  Единому  Богу,  поселился  в  пустыне  и  проводил  свою  жизнь  в  строжайшем  посте,  молитве  и  Богомыслии.

Его  жизнь  с  самого  рождения  была  окутана  чудесами,  свидетельствующими  всему  миру  о  его  избранности  и  великом  предназначении.  Святитель  Епифаний  Кипрский  так  описывал  рождение  святого  пророка  Божьего  Илии:  «Когда  родился  Илия,  отец  его  Совах  видел  в  видении,  что  благообразные  мужи  приветствовали  его,  пеленали  огнем  и  питали  пламенем  огненным».

Возлюбив  девственную  чистоту,  в  которой  пребывал,  как  Ангел  Божий,  непорочный  перед  Богом,  чистый  душой  и  телом,  пророк  Илия  любил  размышлять  о  Боге  в  безмолвии  в  пустынных  местах,  беседуя  с  Богом  в  теплой  к  Нему  молитве,  пылая  к  Нему,  как  серафим,  пламенной  любовью.  И  сам  Илия  был  любим  Богом,  так  как  Бог  любит  любящих  Его.

И,  вследствие  своей  равноангельской  жизни,  пророк  Илия  приобрел  к  Богу  великое  дерзновение:  все,  что  просил  Илия  у  Бога,  он  получал.  В  то  время  израильский  народ  отпал  от  веры  своих  отцов  и  поклонялся  языческим  идолам,  Ваалу  и  Астарте.  Слыша  и  видя  совершающиеся  в  развращенном  Израиле  беззакония,  пророк  Илия  все  более  и  более  исполнялся  ревностью  о  славе  Божией  и  сделал  делом  своей  жизни  обличение  ложных  богов.

При  израильском  царе  Ахаве  пророк  Илия  был  призван  на  пророческое  служение,  но  прежде  он  обличил  его  в  идолопоклонстве  и  наказал,  по  воле  Божией,  бездожием  и  голодом  на  три  года.  Всеблагий  Бог  умилосердился  и  послал  Илию  к  Ахаве  по  прошествии  этих  трех  лет,  чтобы  призвать  его  к  покаянию. 

Пророк  Илия,  став  пламенным  ревнителем  истинной  веры  и  благочестия,  многих  возвратил  в  лоно  христианской  веры.  Придя  к  царю  Ахаву,  он  предложил  ему  и  всему  народу  сложить  два  жертвенника,  заколоть  двух  быков  и  возложить  их  на  жертвенники,  но  огня  не  возжигать,  а  просить  своих  Богов,  чтобы  даровали  огонь  в  знак  принятия  жертвы.

Сколько  ни  молили  идолопоклонники  вместе  со  своими  пророками  своего  бога  Ваала  послать  огонь,  он  так  и  не  сошел.  Тогда  пророк  Илия  предложил  людям  поливать  водой  подготовленный  им  жертвенник,  а  затем  обратился  с  молитвой  к  истинному  Богу  послать  огонь,  чтобы  сердца  людей  обратились  к  Нему.

И  упал  от  Господа  с  неба  огонь  и  уничтожил  все:  дрова  и  камни,  и  тельца,  и  даже  воду.  При  виде  этого  народ  пал  лицом  на  землю,  взывая:  «Господь  есть  Бог!»  Царь  Ахав  оделся  в  рубище  и  стал  каяться,  а  жена  его  Иезевель  грозилась  убить  Илию,  и  он  снова  удалился  в  пустыню.  В  скором  времени  они  оба,  царь  и  царица,  погибли,  как  и  предсказал  пророк  Илия.

По  пути  в  пустыню  Господь  явился  пророку  Илие  и  поведал  о  гибели  всего  рода  Ахавы,  повелел  Илии  предназначить  на  Израильское  царство  достойного  мужа  Ииуя,  а  пророком  помазать  Елисея,  сына  Сафатова.  Встретив  Елисея,  пророк  Илия  исполнил  волю  Божию,  приказав  ему  идти  за  собою.  

На  трон  вступил  сын  Ахава  Охозия,  который  однажды  по  неосторожности  упал  из  окна  своего  дома  и  заболел.  Он  отправил  послов  к  Ваалу,  идолу,  спросить,  выздоровеет  ли  он  от  болезни.  По  велению  Божиему,  послы  встретили  по  пути  старца,  который  предрек  царю  скорую  смерть.  По  описанию  царь  узнал,  что  это  пророк  Илия  и  послал  за  ним  50  стражников.

Но  пророк  Илия  низвел  на  них  огонь,  который  пожег  их.  Царь  послал  еще  50  человек  с  начальником,  но  и  их  постигла  та  же  участь.  Тогда  царь  отправил  еще  50  стражников.  Их  начальник  стал  просить  Илию  пощадить  его  и  людей,  так  как  они  просто  исполняют  царскую  волю.

И  пощадил  пророк  Илия  пришедших  со  смирением  и  по  велению  Божиему  пошел  с  ними  к  царю.  И  повторил  при  нем  свое  пророчество  Илия,  обличив  в  идолопоклонстве  и  предании  истинной  веры.  И  умер  Охозия  по  слову  Божиему,  изреченному  устами  пророческими.

Когда  же  приблизилось  время,  в  которое  Господь  определил  взять  к  себе  Илию  живым  во  плоти,  Илия  и  Елисей  шли  из  города  Галгала  в  город  Вефиль.  Когда  они  шли  и  разговаривали  так,  вдруг  внезапно  явилась  колесница  и  кони  огненные,  и  пророк  Илия  в  вихре  был  взят  на  небо. 

Елисей  же  все  видел,  в  руки  его  упал  плащ  Илии,  которым  он  разделял  Иордан,  переходя  его  посуху.  Подняв  его,  Елисей  стал  наследником  благодати,  действовавшей  в  его  учителе.  Святой  же  пророк  Божий  Илия,  на  огненной  колеснице,  взятый  с  плотью  на  небо,  до  сих  пор  жив  во  плоти,  хранимый  Богом  в  селениях  райских.

Его  видели  три  святых  апостола  во  время  Преображения  Господня  на  Фаворе,  и  опять  увидят  его  обыкновенные  смертные  люди  перед  вторым  пришествием  Господа  на  землю.  Избежавший  смерти  от  меча  антихристова  и  уже  не  только  как  пророк,  но  и  как  мученик,  удостоится  в  лике  святых  большей,  чем  теперь,  чести  и  славы  от  праведного  мздовоздателя  Бога,  в  трех  Лицах  Единого,  Отца  и  Сына  и  Святого  Духа,  Которому  честь  и  слава  ныне  и  присно,  и  во  веки  веков.  Аминь.

Пророчества  Ветхого  Завета  важны  для  христиан,  по  мнению  профессора  Александра  Копировского,  «потому  что  они  указывают  на  Христа  и  исполняются  в  Нем.  Если  в  древние  времена  пророчества  относились  к  израильскому  народу,  то  после  Креста  и  Воскресения  Христова  они  стали  относиться  с  одной  стороны  ко  всем  людям,  а  с  другой — лично  к  каждому  христианину  и  его  судьбе».

Пророк  Илия  удостоился  от  Бога  не  только  непосредственного  общения,  что  для  Ветхого  Завета  было  совершенно  исключительным,  но  и  откровения  не  менее  необычайного  и  глубокого — явления  в  «веянии  тихого  ветра» — как  являются  любовь,  милость  и  мудрость.  А  затем  был  живым  восхищен  на  небо  во  плоти,  как  во  плоти  была  взята  на  небо  Пресвятая  Богородица,  но  после  Своего  Успения.

Почитание  пророка  Илии  в  народе  ныне  далеко  ушло  от  своих  библейских  и  христианских  корней.  В  нем  видят  зачастую  громовержца  Зевса  на  огненной  колеснице.  В  народном  восприятии  он  считался  покровителем  стихий.  Главными  же  уроками  Илии  является  то,  как  легко  потерять  Бога  и  как  трудно  Его  потом  обрести,  как  важны  Божьи  люди  на  земле,  как  сила  и  любовь  Божья  приходит  часто  в  веянии  того  самого  «тихого  ветра».

Во  имя  пророка  Божиего  Илии  на  Руси  построено  много  храмов.  Первый  храм  был  возведен  еще  в  IX  веке  князем  Аскольдом  в  Киеве.  Святая  равноапостольная  княгиня  Ольга  поставила  церковь  во  имя  пророка  Илии  на  севере  Руси,  в  селе  Выбуты.  Эти  храмы  появились  еще  до  Крещения  Руси.

В  Ильинских  церквях  совершались  и  совершаются  крестные  ходы  во  время  засухи.  Ильин  день  считался  границей  сезонов,  поворотом  на  зиму.  После  этого  дня  ожидался  сезон  дождей  и  было  запрещено  купаться,  чтобы  не  утонуть  и  не  заболеть.  В  этот  день  можно  было  начинать  пользоваться  плодами  нового  урожая.  Праздник  связывался  в  представлении  славян  с  брачной  темой  и  символикой  плодородия.  Начинался  сезон  свадеб  и  сбор  урожая. 

В  иконографии  имелись  не  только  единоличные  изображения  Илии,  но  и  отдельные  сцены  из  его  жития.  Для  Киевской  Руси  также  было  характерно  в  различных  иконографических  изводах  сопоставление  пророка  Илии  и  архангела  Михаила  за  то,  что  оба  имеют  власть  над  огненной  и  водной  стихиями,  а  также  почитаются  как  заступники  за  человеческий  род  на  Страшном  Суде.

Молитвенная  традиция:  Пророк  Илия  считается  небесным  покровителем,  который  управляет  погодой  и  дождем,  помогает  людям  в  разных  благих  делах  и  начинаниях.  Ему  молятся  о  помощи  в  делах,  в  работе,  в  поисках  работы,  о  хорошем  урожае  и  о  благословении  на  полевые  работы,  девушки  молятся  о  послании  хорошего  суженого,  семейные  пары  молятся  о  защите  от  ссор,  о  благополучии  в  семье.

Память:  20  июля  /  2  августа.

АКАФИСТ   ПРОРОКУ   БОЖИЕМУ    ИЛИЕ

Не  утвержден  для  общецерковного  использования.

          Кондак 1

Из­бра́н­ный Бо́­гом на обраще́ние Изра́иля от пре́­лес­ти Ваа́ловы, гро́зный обличи́телю ца­ре́й законопреступных, просия́вый пла́менною ре́вностию по Бо́­зе Вседержи́теле, свя́тостию жи́з­ни и чу­де­сы́, восхище́нный с пло́­тию твое́ю на Не­бе­са́ и предыти́ име́яй Второ́му прише́ствию Христо́ву, по­хва́ль­ная воспису́ем ти, проро́че Бо́­жий Илие́; ты же, я́ко име́яй ве́­лие дерз­но­ве́­ние ко Го́с­по­ду, от вся́­ких нас зол и об­стоя́­ний мо­ли́т­ва­ми тво­и́ми сво­бож­да́й, бла­го­че́ст­но те­бе́ во­пию́­щих:

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Икос 1

А́н­гел ре́вностию по Бо́­зе и чи́стым жи­ти­е́м тво­и́м, сый во пло́­ти, проро́че, был еси́: еще́ бо младе́нцу ти бы́в­шу оте́ц твой Сова́х ви́де све́тлыя А́н­ге­лы, бесе́дующия с то­бо́ю, огне́м тя повива́ющия и пла́менем пита́ющия, е́же прознаменова́ше пла́менную ре́в­ность твою́ по Бо́­зе, си́­лу сло­ве́с тво­и́х и жи­тие́, я́ко свет, не­по­ро́ч­ное. Се­го́ ра́­ди со удивле́нием зо­ве́м ти та­ко­ва́я:

Ра́­дуй­ся, от ве́чности предызбра́нный в служе́ние спа­се́­нию сыно́в Изра́илевых; ра́­дуй­ся, от чре́ва ма́терня предугото́ванный в провозве́стника Бо­же́ст­вен­ныя и́с­ти­ны и бла­го­че́с­тия.

Ра́­дуй­ся, пресла́вным, бы́вшим на те­бе́, ви­де́­ни­ем роди́теля тво­его́ удиви́вый; ра́­дуй­ся, де́вственную чис­то­ту́ и безмо́лвие от ю́нос­ти воз­лю­би́­вый.

Ра́­дуй­ся, суету́ ми́­ра се­го́ и вся бла́га его́ пре­зре́­вый, ду́­шу же твою́ всеце́ло Го́с­по­ду посвяти́вый; ра́­дуй­ся, све́­том пре­му́д­ро­сти от Бо́­га озаре́нный и уче́нием бла­го­че́с­тия изде́тства напое́нный.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 2

Ви́­дя не­че́с­тие и развраще́ние во Изра́или, пре­сла́в­ный проро́че, зело́ ду́­хом тво­и́м скорбе́л еси́ и ре́вностию по сла́­ве Бо­жией воспламеня́лся еси́; я́ко сы́нове Изра́илевы ме́рзким и́долом поклони́шася, от Бо́­га же И́с­тин­на­го отступи́ша, Ему́­же вся не­бе́с­ная во́­ин­ства со стра́­хом во­пи­ю́т: Алли­лу́иа.

Икос 2

Ра́­зум свой зло́ю во́­лею омрачи́в, беззако́нный царь изра́ильский Аха́в, оста́­ви И́с­тин­на­го Бо́­га Вседержи́теля и покланя́шеся ме́рзкому и́долу Ваа́лу, ку́п­но же и в ца́рстве сво­е́м умно́жи идолопоклоне́ние и не­че́с­тие. Ты же, проро́че, ис­по́л­нен сый ве́лия ре́вности по Бо́­зе, дерз­но­ве́н­но обличи́л еси́ ца­ря́, возвести́в ему́, я́ко в наказа́ние ему́ и ца́рст­ва его́ три ле́та и ме́сяц шесть не бу́дет дождь, ни роса́, и глад ве́­лий бу́дет по всей зем­ли́. Дивя́шеся у́бо толи́цей ре́вности тво­е́й по Бо́­зе и ве́­лию дерз­но­ве́­нию, с лю­бо́­вию зо­ве́м ти:

Ра́­дуй­ся, небоя́зненный про­по­ве́д­ни­че и́с­ти­ны и кре́пкий по­бо́р­ни­че бла­го­че́с­тия; ра́­дуй­ся, ре́в­ност­ный не­че́с­тия обличи́телю.

Ра́­дуй­ся, к наказа́нию нека́ющихся гре́ш­ни­ков долготерпели́ваго Бо́­га преклони́вый; ра́­дуй­ся, сло́­вом тво­и́м не́­бо заключи́вый и плодоно́сную зе́м­лю непло́дну сотвори́вый.

Ра́­дуй­ся, триле́тный глад за не­че́с­тие люди́й от Го́с­по­да испроси́вый; ра́­дуй­ся, я́ко Всевы́шний Гос­по́дь да­ро­ва́ те­бе́ в Бо́­га Аха́ву, я́ко­же дре́в­ле Моисе́а фарао́ну.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 3

Си́­лою мо­ли́т­вы твоея́, пре­ди́в­ный проро́че, вои́стину заключи́ся не́­бо и не одожди́ три ле́та и ме́сяц шесть, и бысть глад ве́­лий по всей зем­ли́: да поне́ зно́ем и гла́дом томи́ми, нечести́вии лю́­дие пока́ются и обратя́тся ко Го́с­по­ду, со уми­ле́­нием зо­ву́­ще Ему́: Алли­лу́иа.

Икос 3

Име́я ве́­лие благоволе́ние к те­бе́, проро́че, Гос­по́дь восхоте́ отлучи́ти тя от беззако́нных сыно́в Изра́иля, да не с ни́­ми те́рпиши глад и жа́жду, и по­ве­ле́ те­бе́ ити́ к пото́ку Хора́фову, иде́­же вра́нове пита́ху тя, при­но­ся́­ще хлеб и мя́со. Те́м­же при­но́­сим те­бе́ по­хва́ль­ная сия́:

Ра́­дуй­ся, пос­то́м и бде́­ни­ем вся зем­на́я и су́­ет­ная помышле́ния истреби́вый; ра́­дуй­ся, мо­ли́т­вою и богомы́слием ум твой в го́рняя впери́вый.

Ра́­дуй­ся, па­три­а́р­хов ве­ли­ча́­ние и про­ро́­ков кра­со­то́; ра́­дуй­ся, де́вственников по­хва­ло́ и пре­по­до́б­ных сла́­во.

Ра́­дуй­ся, свя­ти́­те­лей на­ста́в­ни­че и му́­че­ни­ков кре́­пос­те; ра́­дуй­ся, я́ко нече́стием и неве́рием ослепле́нных сыно́в Изра́илевых на путь и́с­ти­ны обрати́л еси́.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 4

Бу́ря ве́лия, раз­ру­ша́ю­щая го́ры, предыдя́ше, ег­да́ прибли́жашеся к те­бе́, проро́че, в Хори́ве Гос­по́дь, та́же яви́­ся трус, и не в тру́се Гос­по́дь, и по тру́се огнь, и не во огни́ Гос­по́дь, а по огни́ бысть глас хла́да то́нка, и ту яви́­ся те­бе́ Гос­по́дь, Его́­же прису́тствие ощути́в, покры́л еси́ лице́ твое́ ми́лотию, со стра́­хом и ра́­дос­тию зо­вы́й Ему́: Алли­лу́иа.

Икос 4

Слы́шав не­чес­ти́­вый царь Аха́в повеле́ние твое́, о е́же собра́ти вся коле́на Изра́илева на го́ру Карми́льскую, и при­вес­ти́ на ту сту́дныя про­ро́­ки Ваа́ловы, а́бие посла́в, собра́ вся, и сам при­и́де та́­мо. Ты же, рев­ни́­те­лю сла́­вы Бо́­жия, хо­тя́ коне́чне посрами́ти ме́рзкия и́до­лы и просла́вити И́с­тин­на­го Бо́­га, повеле́л еси́ угото́вати две же́ртве, ог­ня́ же на ты́я не возгнеща́ти, рек: «И бу́дет Бог, И́же послу́шает огне́м, Той есть Бог». То слы́­шав­ше вси лю́­дие, ре́ша: «Добр глаго́л Илии́н, да бу́дет та́­ко». Мы же, ве­ли­ча́ю­ще тя, зо­ве́м:

Ра́­дуй­ся, ве­ли́­кий посла́нниче Ца­ря́ Не­бе́с­на­го и про­воз­ве́ст­ни­че свя­ты́х ве­ле́­ний Его́; ра́­дуй­ся, ада­ма́н­те, неодоли́мый в ре́вности и не­по­ко­ле­би́­мый сто́л­пе бла­го­че́с­тия.

Ра́­дуй­ся, си́ль­ный за­щи́т­ни­че и́с­ти­ны и тве́р­дый противобо́рниче вра­го́в Бо́­жи­их; ра́­дуй­ся, не­че́с­тия искорени́телю и на­са­ди́­те­лю бла­го­че́с­тия.

Ра́­дуй­ся, пла́менный рев­ни́­те­лю Бо­же́ст­вен­ныя сла́­вы; ра́­дуй­ся, я́ко и в после́дния дни ми́­ра и́ма­ши пропове́довати И́с­тин­на­го Бо́­га и облича́ти окая́ннаго анти́христа.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 5

Боготе́чную тя звезду́ погаси́ти мня́ше беззако́нная цари́ца Иезаве́ль: испо́лнившися бо на тя я́рости за погубле́ние сту́дных ея́ про­ро́­ков, хотя́ше уби́ти тя. Ожесточи́ся бо се́рд­це ея́ и не хотя́ше ве́ровати чудесе́м тво­и́м, проро́че, и позна́ти И́с­тин­на­го Бо́­га, пою́щи Ему́: Алли­лу́иа.

Икос 5

Ви́­дев­ше вси лю́­дие Изра́илевы, по мо­ли́т­ве тво­е́й, огнь от Го́с­по­да с Не­бе­се́ сше́дый на же́ртву твою́, все­хва́ль­не проро́че, и всю ю поже́гший, дрова́ же, и ка́­мень, и персть, и во́­ду потреби́вый, па­до́­ша на ли­́ца своя́, взыва́юще: «Вои́стину Гос­по́дь Бог, Той есть Бог». И ве́роваша лю́­дие Бо́­го­ви, сту́дныя же про­ро́­ки ты закла́л еси́. Сла́­вя­ще у́бо Всеси́льнаго чудоде́ющаго Бо́­га, те­бе́, уго́д­ни­ку Его́, гла­го́­лем си́­це:

Ра́­дуй­ся, преве́лие дерз­но­ве́­ние ко Вла­ды́­це вся́ческих стяжа́вый; ра́­дуй­ся, зна́мении и чу­де­сы́ Боже́ственную И́с­ти­ну утверди́вый.

Ра́­дуй­ся, пре́­лесть де́монскую посрами́вый, и́стинную же ве́­ру просла́вивый; ра́­дуй­ся, не­ве́р­ныя и́стинным богове́дением просвети́вый.

Ра́­дуй­ся, трикра́тным лия́нием на же́ртвенник воды́ та́й­ну Пре­свя­ты́я Тро́ицы яви́­вый; ра́­дуй­ся, я́ко все ес­тес­тво́ су́­щих те­бе́ повинова́ся, огнь же и вода́ те­бе́ служа́ху.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 6

Про­по­ве́д­ник и́с­тин­на­го богове́дения и бла­го­че́с­тия яви́л­ся еси́, проро́че, не то́кмо во Изра́или, но и в стра­не́ язы́честей, по́с­лан быв от Го́с­по­да в Саре́пту Сидо́нскую к жене́ вдови́це препита́тися, па́­че же да саму́ ту препита́еши в гла́де: име́я бо ве́­лию чудотворе́ния бла­го­да́ть, умно́жил еси́ муку́ и еле́й в дому́ ея́ не­ос­ку́д­но, до́ндеже пре́йде гла́дное вре́­мя, и трикра́тным дунове́нием, по мо­ли́т­ве тво­е́й, вос­кре­си́л еси́ уме́ршаго сы́­на ея́, поя́ чудоде́ющему Бо́­гу: Алли­лу́иа.

Икос 6

Возсия́в ве́­лиею ре́вностию по Бо́­зе Вседержи́теле, зело́ скорбе́л еси́, проро́че, я́ко оста́виша заве́т Его́ сы́нове Изра́илевы, олтари́ Его́ раскопа́ша и про­ро́­ки изби́ша. Гос­по́дь же во уте­ше́­ние твое́ воз­вес­ти́ те­бе́, я́ко не весь Изра́иль от­сту­пи́ от Не­го́, но и́мать седмь ты́сящ сокрове́нных ра­бо́в Сво­и́х, и́же не преклони́ша коле́на своя́ Ваа́лу. Те́м­же, воспомина́юще ре́в­ность твою́ по Бо́­зе, по­е́м ти с благогове́нием си­це­ва́я:

Ра́­дуй­ся, ве́р­ный слу­жи́­те­лю и бли́жний дру́­же Госпо́день; ра́­дуй­ся, о́б­ра­зе и по­хва­ло́ бла­го­чес­ти́­вых па́стырей.

Ра́­дуй­ся, на­ста́в­ни­че спа­се́­ния и про­све­ще́­ние во тме седя́щих; ра́­дуй­ся, защи́тником и́с­ти­ны му́жество внуша́яй, в по́двизех же и страда́ниих за пра́вду их укрепля́яй.

Ра́­дуй­ся, я́ко серафи́мскою пла́менною лю­бо́­вию к Бо́­гу горе́л еси́; ра́­дуй­ся, я́ко и Гос­по́дь во всем послу́шаше те­бе́ и по проше́нию тво­ему́ вся творя́ше.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 7

Хо­тя́ Человеколю́бец Гос­по́дь яви́­ти ми­ло­се́р­дие Свое́ ка́ющимся гре́шником, по преше́ствии прорече́ннаго гла́днаго вре́мене, низпосла́ по мо­ли́т­ве тво­е́й, проро́че, и глаго́лом уст тво­и́х, на жа́ждущую зе́м­лю оби́льный и ми́рный дождь: сы́нове же Изра́илевы, сподо́бльшиися толи́кия ми́­лос­ти, во уми­ле́­нии се́рд­ца бла­го­да́р­ствен­но возо­пи́­ша Бо́­гу: Алли­лу́иа.

Икос 7

Но́вое не­чес­ти́­вый царь Аха́в к беззако́нием сво­и́м приложи́ злодея́ние, ег­да́ по­ве­ле́ уби́ти непови́ннаго Навуфе́я и восхи́ти виногра́д его́. Се­го́ ра́­ди, облича́я законопресту́пнаго ца­ря́, проре́кл еси́ ему́, проро́че, я́ко иде́­же умерщвле́н бысть Навуфе́й, та́­мо и его́ кровь свинии́ и пси поли́жут, и жену́ его́ Иезаве́ль снедя́т пси, и весь дом его́ истреби́тся. Ве́дуще у́бо мы сбы́вшееся стра́ш­ное сие́ прорече́ние, ужаса́емся, зо­ву́­ще:

Ра́­дуй­ся, оби́дящих и жестокосе́рдных гро́зный отмсти́телю; ра́­дуй­ся, си́­рых и напа́ствуемых кре́пкий зас­ту́п­ни­че.

Ра́­дуй­ся, не по­чи­та́ю­щих свя­ты́х пра́здников Пра­во­сла́вныя Це́рк­ве кара́телю; ра́­дуй­ся, проде́рзых ху́льников И́ме­не Бо́­жия низ­ло­жи́­те­лю.

Ра́­дуй­ся, сло́­вом обличе́ния, я́ко гро́мом, беззако́нныя поража́яй; ра́­дуй­ся, бу́дущая, я́ко нас­тоя́­щая, ве́дый и да́льняя, я́ко близ су́щая, прорица́яй.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 8

Стра́н­ное и преесте́ственное по­ка­за́ Гос­по́дь о те­бе́, проро́че, про­мыш­ле́­ние, ег­да́ по­ве­ле́ а́лчным и нечадолюби́вым вра́ном пита́ти тя в гла́де при пото́це Хора́фове, иде́­же непреста́нно пребыва́я в мо­ли́т­ве и богомы́слии, воспева́л еси́ Бо́­гу: Алли­лу́иа.

Икос 8

Весь был еси́ смире́нием ве́лиим укра́­шен, проро́че Бо́­жий, се­го́ ра́­ди с го́рдостию прише́дших к те­бе́ двух пятдесятонача́льников с во́ины, да приведу́т те­бе́ к беззако́нному ца­рю́ Охо́зии, огне́м попали́л еси́, со смире́нием же прише́дшаго к те­бе́ А́вдия, и́же пита́ше ученики́ проро́ческия, поми́ловал еси́. Се­го́ ра́­ди при­но́­сим ти похва́льныя пе́сни сия́:

Ра́­дуй­ся, го́рдых смири́телю и кара́телю, смире́нных же по­кро́­ве и зас­ту́п­ни­че; ра́­дуй­ся, мздои́мных суде́й наказа́телю, пра́во же судя́щим по­мо́щ­ни­че.

Ра́­дуй­ся, правове́рному во́­ин­ству во бра́нех спобо́рниче, не­чес­ти́­вых же су­по­ста́т низ­ло­жи́­те­лю; ра́­дуй­ся, прему́дростию, я́ко броне́ю, облече́нный и пра́вдою, я́ко щито́м, огражде́нный.

Ра́­дуй­ся, ре́вностию по Бо́­зе я́ко ме­че́м вооруже́нный и пос­то́м, я́ко крила́ми, окриле́нный; ра́­дуй­ся, ве́­рою, я́ко шле́мом спа­се́­ния, покрове́нный и лю­бо́­вию, я́ко вен­це́м пресве́тлым, вен­ча́н­ный.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 9

Вся́­кое челове́ческое ес­тес­тво́ зело́ удивля́ется, ка́­ко ты, пре­чу́д­ный проро́че, шел еси́ четы́редесять дний, ни яды́й, ни пия́й, до горы́ Хори́ва, иде́­же спо­до́­бил­ся еси́ пресла́внаго яв­ле́­ния и пресла́дкия бесе́ды Го́с­по­да Вседержи́теля, поя́ Ему́: Алли­лу́иа.

Икос 9

Ви­ти́я мно­го­ве­ща́н­ныя не­до­уме́­ют дово́льно ра­зу­ме́­ти и изъясни́ти, ка́­ко ты, великоимени́те Илие́, во пло́­ти сый челове́честей и подобостра́стен нам быв, восхи́щен еси́ с те́­лом тво­и́м на не́­бо, я́вльшейся те­бе́ колесни́це о́гненней с ко́ни о́гненными. Сла́­вя­ще у́бо просла́вльшаго тя Го́с­по­да и ди­вя́­ще­ся восхище́нию тво­ему́, бла­го­го­ве́й­но зо­ве́м ти:

Ра́­дуй­ся, пречу́дным воздержа́нием ве́тхаго че­ло­ве́­ка в се­бе́ умерт­ви́­вый; ра́­дуй­ся, огне́м Бо­же́ст­вен­ныя ре́вности вся́­кое веще́ственное помышле́ние в се­бе́ попали́вый.

Ра́­дуй­ся, преложе́нием тво­и́м на Не́­бо род челове́ческий возвесели́вый и жизнь ве́ч­ную уве́ривый; ра́­дуй­ся, че́стию и сла́­вою преесте́ственною от Бо́­га почте́нный и па́­че всех дре́в­них про­ро́­ков про­сла́в­лен­ный.

Ра́­дуй­ся, от а́нгельских лико́в в селе́ниих не­бе́с­ных ра́­дост­но сре́тенный; ра́­дуй­ся, я́ко и́мя твое́ во всем ми́­ре почита́ется, и ре́в­ность твоя́ по Бо́­зе зело́ прославля́ется.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 10

Спас­ти́ хо­тя́ Всеблаги́й Бог лю́­ди Изра́илевы от пре́­лес­ти Ваа́ловы, избра́ тя, ве­ли́­кий проро́че, во ору́дие во́ли Своея́ и облече́ тя Бо­же́­ствен­ною вла́стию и си́­лою, да обрати́ши не­ве́р­ныя, испра́виши беззако́нныя, просвети́ши омраче́нныя и научи́ши всех вопи́ти Бо́­гу: Алли­лу́иа.

Икос 10

Сте­на́ и за­ступ­ле́­ние бу́­ди нам, пресвя́те проро́че, мо́щным тво­и́м хо­да́­тай­ством утоля́я пра́ведный гнев Бо́­жий, поража́ющий нас, гре́ш­ных и непотре́бных, бездо́ждием и гла́дом, еще́ же тлетво́рными ве́тры и боле́зньми, да из­ба́вль­ше­ся от бед, бла­го­да́р­ствен­но по­е́м тя:

Ра́­дуй­ся, мо­ли́т­ва­ми тво­и́ми не́­бо заключа́яй и отверза́яй, пло­до­но́­сие зем­ли́ и непло́дие от Бо́­га посыла́яй; ра́­дуй­ся, пред­ста́­тель­ством тво­и́м пред Бо́­гом дожди́ ми́рны и ро́су животво́рную на зем­на́я прозябе́ния низводя́й.

Ра́­дуй­ся, свире́пыя во́л­ны морски́я и стра́шныя бу́ри утиша́яй и гро́мами и мо́лниями по во́ле Бо­жией управля́яй; ра́­дуй­ся, тлетво́рныя ве́тры и смер­то­но́с­ныя я́з­вы, поража́ющия че­ло­ве́­ки же и скоты́, укро­ща́­яй.

Ра́­дуй­ся, си́­рых и вдо­ви́ц пи­та́­те­лю и щедрода́тельных люди́й покрови́телю; ра́­дуй­ся, я́ко не­чес­ти́­вых ху́льников и гони́телей пра́­выя ве́­ры поража́еши и ду­хо́в зло́бы от ра­бо́в Бо́­жи­их прогоня́еши.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 11

Пе́­ние уми­ле́н­ное при­ими́ от нас, проро́че Бо́­жий Илие́, я́ко­же при­я́л еси́ про­ше́­ние Елисе́ево, ег­да́ проси́ от те­бе́, да бу́дет дух, и́же в те­бе́, сугу́б в нем, и ег­да́, восхища́яся на Не́­бо, низпусти́л еси́ ему́ ми́лоть твою́, ю́же он взем, раздели́, я́ко­же и ты пре́ж­де, Иорда́нския во́ды, и бысть насле́дник де́йствовавшия в те­бе́ Бо́­жия бла­го­да́­ти: си́­це и нас по­кры́й ми́лотию твоея́ ми́­лос­ти от вся́­ких бед и об­стоя́­ний, да со благодаре́нием зо­ве́м Бо́­гу: Алли­лу́иа.

Икос 11

Светоза́рное све­ти́­ло во Изра́или, все­хва́ль­не проро́че, был еси́, сия́я равноа́нгельным жи­ти­е́м тво­и́м и му́дростию, еще́ же необы́чною ре́вностию по Бо́­зе и чу­де­сы́ пресла́вными, просвеща́я лю́­ди и́стинным богове́дением и разгоня́я мрак идолослуже́ния. Те́м­же воспису́ем ти по­хва́ль­ная, пою́­ще:

Ра́­дуй­ся, лучеза́рная звез­до́, сия́­ни­ем сво­и́м озари́вшая всю вселе́нную; ра́­дуй­ся, светоно́сная свеще́, непреста́нно горя́щая и во тме седя́щих про­све­ща́ю­щая.

Ра́­дуй­ся, ду́­хом пре­му́д­ро­сти и ра́­зу­ма озаре́нный, ду́­хом сове́та и кре́­пос­ти ис­по́л­нен­ный; ра́­дуй­ся, ду́­хом ве́­де­ния и бла­го­че́с­тия про­све­ще́н­ный и ду́­хом стра́ха Бо́­жия напое́нный.

Ра́­дуй­ся, высо́кими доброде́тельми и пресла́вными чу­де­сы́ пре­ук­ра­ше́н­ный; ра́­дуй­ся, я́ко суды́ Бо́­жия на зем­ли́ исполня́л еси́, про­ро́­ки же и цари́ пома́зывал еси́.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 12

Бла­го­да́ть ве́лия дана́ ти бысть от Бо́­га, прехва́льне проро́че, я́ко в земне́й жи́з­ни тво­е́й проро́чествовал и соверша́л еси́ ди́в­ная чу­де­са́, та́же преесте́ственно восхи́щен был еси́ с пло́­тию твое́ю на не́­бо: по восхище́нии же тво­е́м ди́в­но предста́л еси́ на Фаво́ре Преобрази́вшемуся Го́с­по­ду и с ним бесе́довал еси́, и додне́сь не престае́ши чудоде́йствовати и источа́ти ми́­лос­ти и изцеле́ния усе́рд­но по­чи­та́ю­щим тя, Бо́­гу же ве́р­но во­пию́­щим: Алли­лу́иа.

Икос 12

Пою́­ще твою́ пла́менную ре́в­ность по Бо́­зе и равноа́нгельное жи­тие́, ди́в­ная же твоя́ и пре­сла́в­ная чу­де­са́ и преве́лие благоволе́ние к те­бе́ Го́с­по­да, вос­хва­ля́­ем тя, великоимени́те проро́че Илие́; оба́­че не могу́ще досто́йно изо­бра­зи́ти ве­ли́­чие и сла́­ву твою́, со уми­ле́­нием зо­ве́м ти си­це­ва́я:

Ра́­дуй­ся, ковче́же Бо­же́ст­вен­ныя сла́­вы и всечестны́й хра́­ме Пре­свя­ты́я Тро́ицы; ра́­дуй­ся, све­ти́ль­ни­че не­ве­че́р­ний церкве́й и бла­го­во́н­ный цве́­те рая́ Бо­же́ст­вен­на­го.

Ра́­дуй­ся, бла­го­чес­ти́­вых пусты́нников руководи́телю, де́вственников же на­ста́в­ни­че и укреп­ле́­ние; ра́­дуй­ся, я́ко гре́ш­ни­ков к по­кая­нию возбужда́еши и все­му́ ро́ду христиа́нскому жизнь ве́ч­ную хода́тайствуеши.

Ра́­дуй­ся, я́ко во све́т­лос­тех свя­ты́х не­из­ре́чен­ныя сла́­вы на­слаж­да́е­ши­ся и непреста́нно Го́с­по­да славосло́виши; ра́­дуй­ся, я́ко в конце́ време́н ве́лия зна́­ме­ния и чу­де­са́ и́ма­ши соверши́ти на утвер­жде́­ние люди́й во и́стинней ве́­ре и на об­ли­че́­ние анти́христа.

Ра́­дуй­ся, Илие́, ве­ли́­кий проро́че, Втора́го прише́ствия Хри­сто́­ва сла́в­ный предте́че.

Кондак 13

О пре­ди́в­ный и пре­сла́в­ный проро́че Бо́­жий Илие́, преве́лий рев­ни́­те­лю по Бо́­зе, дожди́ и бездо́жие, пло­до­но́­сие на зе́м­лю и непло́дие от Бо́­га посыла́яй! Услы́­ши сие́ ма́­лое, бла­го­го­ве́й­но при­но­си́­мое те­бе́ на́­ми мо­ле́­ние и тво­и́м те́п­лым ко Го́с­по­ду пред­ста́­тель­ством со­хра­ни́ нас от бездо́ждия, гла́­да и смертоно́сных бо­ле́з­ней, по­да́ждь же нам благорастворе́ние возду́ха и пло­до­но́­сие, и дух пра́­выя ве́­ры и бла­го­че́с­тия, да из­ба́вль­ше­ся от ве́ч­ных мук, спо­до́­бим­ся ра́йскаго бла­же́н­ства, пою́­ще Бо́­гу: Алли­лу́иа.

Этот кондак чи­та­ет­ся трижды, за­те́м 1­й икос «А́н­гел ре́вностию…» и 1­й кондак «Из­бра́н­ный Бо́­гом…».

Мо­ли́т­ва

О прехва́льный и пре­чу́д­ный проро́че Бо́­жий Илие́, просия́вый на зем­ли́ равноа́нгельным жи­ти­е́м тво­и́м, пла́меннейшею ре́вностию по Го́с­по­де Бо́­зе Вседержи́теле, еще́ же зна́мении и чу­де­сы́ пресла́вными, та́же, по кра́йнему благоволе́нию к те­бе́ Бо́­жию, преесте́ственно восхище́нный на о́гненней колесни́це с пло́­тию твое́ю на Не́­бо, сподо́бивыйся бе­се́­до­ва­ти с Преобрази́вшимся на Фаво́ре Спаси́телем ми́­ра и ны́­не в ра́йс­ких селе́ниих вы́­ну пре­бы­ва́яй и пред­сто­я́й Пре­сто́­лу Не­бе́с­на­го Ца­ря́! Услы́­ши нас, гре́ш­ных и непотре́бных, в час сей пред­стоя́­щих пред свя­тою твое́ю ико́­ною и усе́рд­но при­бе­га́ю­щих к хо­да́­тай­ству тво­ему́. Мо­ли́ о нас Человеколю́бца Бо́­га, да по­да́ст нам дух по­кая́­ния и со­кру­ше́­ния о гре­се́х на́­ших и всеси́льною Свое́ю бла­го­да́­тию да помо́жет нам оста́вити пу­ти́ не­че́с­тия, приспева́ти же во вся́ком де́ле бла́зе, да укрепи́т нас в борьбе́ со страсть­ми́ и похотьми́ на́шими; да всади́т в се́рд­це на́­ше дух сми­ре́­ния и кро́­тос­ти, дух братолю́бия и незло́бия, дух терпе́ния и це­ло­му́д­рия, дух ре́вности к Сла́­ве Бо­жией и спа­се́­нию бли́жних. Упраздни́ мо­ли́т­ва­ми тво­и́ми, проро́че, злы́я обы́чаи ми́­ра, па́­че же поги́бельный и тлетво́рный дух ве́­ка се­го́, заража́ющий христиа́нский род неуваже́нием к Боже́ственней Правосла́вней ве́­ре, к уста́вом Свя­ты́я Це́рк­ве и к за́поведем Госпо́дним, непочте́нием к роди́телем и влас­те́м предержа́щим и низверга́ющий лю­де́й в бе́зд­ну не­че́с­тия, развраще́ния и по­ги́­бе­ли. От­вра­ти́ от нас, пречу́дне проро́че, пред­ста́­тель­ством тво­и́м пра́ведный гнев Бо́­жий и из­ба́­ви вся гра́­ды и ве́­си от бездо́ждия и гла́­да, от стра́шных бурь и землетрясе́ний, от смертоно́сных язв и бо­ле́з­ней, от на­ше́ст­вия вра­го́в и меж­до­усо́б­ныя бра́­ни. Ис­про­си́, проро́че Бо́­жий, от Го́с­по­да па́с­ты­рем на́­шим свя­ту́ю ре́в­ность по Бо́­зе, серде́чное попече́ние о спа­се́­нии пасо́мых, му́дрость в уче́нии и управле́нии, бла­го­че́с­тие и кре́­пость во искуше́ниих, судия́м ис­про­си́ нелицеприя́тие и безкоры́стие, правоту́ и сострада́ние к оби́димым, всем нача́льствующим попече́ние о подчине́нных, ми́­лость и правосу́дие, подчине́нным же поко́рность и послуша́ние ко влас­те́м и усе́рдное ис­пол­не́­ние сво­и́х обя́занностей; да, та́­ко в ми́­ре и бла­го­че́с­тии пожи́вше в сем ве­це, спо­до́­бим­ся прича́стия ве́ч­ных благ в Ца́рст­вии Го́с­по­да и Спа́­са на́­ше­го Иису́­са Хри­ста́, Ему́­же по­до­ба́­ет честь и по­кло­не́­ние со Без­на­ча́ль­ным Его́ От­це́м и Пре­свя­тым Ду́­хом, во ве́­ки ве­ко́в. Ами́нь.

Мо­ли́т­ва во вре́­мя бездо́ждия.

О ве­ли́­кий и пре­сла́в­ный проро́че Бо́­жий Илие́, ре́вности ра́­ди твоея́ по сла́­ве Го́с­по­да Бо́­га Вседержи́теля не терпе́вый зре́­ти идолослуже́ния и не­че́с­тия сыно́в Изра́илевых, облича́вый законопресту́пнаго ца­ря́ Аха́ва и в наказа́ние тех триле́тний глад на зе́м­лю Изра́илеву мо­ли́т­вою твое́ю от Го́с­по­да испроси́вый, да, отве́ргше ме́рзкия и́до­лы и отсту́пльше от непра́вд и беззако́ний, обратя́тся ко Еди́­но­му И́стинному Бо́­гу и ис­пол­не́­нию свя­ты́х Его́ за́­по­ве­дей, вдо­ви́­цу Саре́птскую в гла́де пречу́дно препита́вый и сы́­на ея́ уме́рша мо­ли́т­вою твое́ю воскреси́вый, по проше́ствии же пронарече́ннаго вре́мене гла́­да, со́бранный на го́ру Карми́льскую наро́д изра́ильский в богоотсту́пстве и нече́стии укори́вый, та́же огнь мо­ли́т­вою на же́ртву твою́ с не­бе­се́ испроси́вый и чу́дом сим Изра́иля ко Го́с­по­ду обрати́вый, сту́дныя же про­ро́­ки Ваа́ловы посрами́вый и умерт­ви́­вый, по сих же мо­ли́т­вою па́­ки не́­бо разреши́вый и оби́льный дождь на зе́м­лю испроси́вый и лю́­ди Изра́илевы возвесели́вый! К те­бе́, пре­ди́в­ный уго́д­ни­че Бо́­жий, усе́рд­но при­бе­га́­ем, гре́ш­нии и смире́ннии, томи́ми бездо́ждием и зно́ем: ис­по­ве́­ду­ем, я́ко недосто́йни ес­мы ми́­лос­ти и благодея́ний Бо́­жи­их, досто́йни же па́­че лю́­тых преще́ний гне­ва Его́, ско́р­би же и ну́ж­ды и вся́­ких зол и бо­ле́з­ней. Не бо ходи́хом в стра́се Бо́жии и в путе́х за́­по­ве­дей Его́, но в по́хотех развраще́нных сер­де́ц на́­ших и вся́кий вид греха́ безчи́сленно сотвори́хом; без­за­ко́­ния на́­ша превзыдо́ша гла­ву́ на́­шу, и не́смы досто́йни яви́тися пред лице́ Бо́­жие и зре́­ти на не́­бо. Ис­по­ве́­ду­ем, я́ко и мы, я́ко­же дре́вний Изра́иль, отступи́хом от Го́с­по­да Бо́­га на́­ше­го, а́ще не ве́­рою, то беззако́ньми на́шими, и а́ще не покланя́емся Ваа́лу и други́м ме́рзким и́долом, то раболе́пствуем стра­сте́м и по́хотем на́­шим, служа́ще и́долу чревоуго́дия и сластолю́бия, и́долу корыстолю́бия и честолю́бия, и́долу го́рдости и тщесла́вия, и вслед хо́дим богопроти́вным иноплеме́нным обы́чаем и поги́бельному ду́ху вре́мене. Ис­по­ве́­ду­ем, я́ко се­го́ ра́­ди заключи́ся не́­бо и сотвори́ся а́ки ме́дяно, я́ко заключи́ся се́рд­це на́­ше от ми­ло­се́р­дия и и́с­тин­ныя люб­ве́ ко бли́жнему; се­го́ ра́­ди отверде́ земля́ и соде́лася безпло́дна, я́ко не при­но́­сим Го́с­по­ду на́­ше­му пло­до́в до́б­рых дел; се­го́ ра́­ди несть дождя́ и ро́сы, я́ко не и́ма­мы слез умиле́ния и животво́рной ро́сы Богомы́слия; се­го́ ра́­ди увяде́ всяк злак и трава́ се́льная, я́ко и́зсше в нас вся́­кое благо́е чу́вство; се­го́ ра́­ди омрачи́ся возду́х, я́ко ум наш омрачи́ся сту́дными помышле́ньми и се́рд­це на́­ше оскверни́ся беззако́нными похоте́ньми. Ис­по­ве́­ду­ем, я́ко и те­бе́, проро́че Бо́­жий, проси́ти мы недосто́йни ес­мы. Ты бо, подобостра́стен быв нам че­ло­ве́к, А́н­ге­лом в жи­тии тво­е́м упо­до́­бил­ся еси́ и, а́ки безпло́тный, на не́­бо восхи́щен еси́, мы же сту́дными по́мыслы и дея́ньми на́шими безслове́сным ското́м уподо́бихомся и ду́­шу на́­шу я́ко плоть сотвори́хом. Ты пос­то́м и бде́­ни­ем удиви́л еси́ А́н­ге­лов и че­ло­ве́­ков, мы же, предаю́щеся невоздержа́нию и сластолю́бию, ското́м несмы́сленным уподобля́емся. Ты презе́льною ре́вностию о сла́­ве Бо­жией вы́­ну горе́л еси́, мы же небреже́м о сла́­ве на́­ше­го Творца́ и Го́с­по­да и стыди́мся испове́дывати достопокланя́емое И́мя Его́. Ты не­че́с­тие и злы́я обы́чаи искореня́л еси́, мы же ра́бствуем ду́ху ве́­ка се­го́, поставля́юще богопроти́вныя обы́чаи ми́­ра па́­че за́­по­ве­дей Бо́­жи­их и уста́вов Свя­ты́я Це́рк­ве. И кий грех и непра́вду не сотвори́хом мы, окая́ннии? Истощи́хом беззако́ньми на́шими дол­го­тер­пе́­ние Бо́­жие. Те́м­же правосу́дный Гос­по́дь прогне́вася на нас и во гне́ве Сво­е́м наказа́ нас. Оба́­че ве́­ду­ще ве́­лие дерз­но­ве́­ние твое́ пред Го́с­по­дем и наде́ющеся на лю­бо́вь твою́ к ро́ду челове́ческому, дерза́ем моли́ти тя, прехва́льне проро́че: ми́лостив бу́­ди к нам, недосто́йным и непотре́бным. Умо­ли́ Великодарови́таго и Всеще́драго Бо́­га, да не до кон­ца́ прогне́вается на ны и не погуби́т нас со беззако́ньми на́шими, но да низ­по́с­лет на жа́ждущую и изсо́хшую зе́м­лю дождь оби́льный и ми́рный, да да́­ру­ет ей пло­до­но́­сие и благорастворе́ние возду́ха. Преклони́ де́йственным тво­и́м хо­да́­тай­ством на ми́­лость Ца­ря́ Не­бе́с­на­го, а́ще не ра́­ди нас, гре́ш­ных и скве́рных, но ра́­ди избра́нных ра­бо́в Его́, не преклони́вших коле́на своя́ пред Ваа́лом ми́­ра се­го́, ра́­ди незло́бивых и несмы́сленных младе́нцев, ра́­ди безслове́сных ското́в и птиц не­бе́с­ных, стра́ждущих за на́­ша без­за­ко́­ния и истаева́ющих от гла́­да, зно́я и жа́жды. Ис­про­си́ нам тво­и́ми благоприя́тными мо­ли́т­ва­ми от Го́с­по­да дух по­кая́­ния и серде́чнаго умиле́ния, дух кро́­тос­ти и воз­дер­жа́­ния, дух люб­ве́ и терпе́ния, дух стра́ха Бо́­жия и бла­го­че́с­тия, да та́­ко, возврати́вшеся от стезе́й не­че́с­тия на пра́вый путь доброде́тели, хо́дим во све́­те за́­по­ве­дей Бо́­жи­их и дости́гнем обетова́нных нам бла­ги́х, бла­го­во­ле́­ни­ем Безнача́льнаго Бо́­га От­ца́, человеколю́бием Единоро́днаго Сы́­на Его́ и бла­го­да́­тию Всесвята́го Ду́­ха, ны́­не, и при́с­но, и во ве́­ки ве­ко́в. Ами́нь.