Священномученик Игнатий Богоносец, третий епископ Антиохийский после апостола Петра и Евода, названный святителем Иоанном Златоустом «образцом добродетелей, явившим в лице своем все достоинства епископа». Он близко общался с апостолами, непосредственно от них святой Игнатий Богоносец слышал христианское учение.
Священномученик Игнатий Богоносец, согласно преданию, был тем отроком, которого Господь взял на руки и сказал: «Если не обратитесь и не будете как дети, не войдете в Царство Небесное» (Мф. 18, 3). Богоносцем он назван потому, что, крепко любя Господа, он как бы носил Его в своем сердце. Он был учеником апостола и евангелиста Иоанна Богослова.
Священномученик Игнатий Богоносец был свидетелем распространения и развития первых христианских общин. В своих семи письмах он запечатлел для нас апостольскую эпоху. Этот «носитель Божественного духа» (Богоносец) был первым крупным христианским писателем нееврейского происхождения. Предполагают, что он был сирийцем.
Житие: Священномученик Игнатий Богоносец родился в Сирии (Римская империя) в 35 году. О его жизни и деятельности нам известно немногое. Известно, что он был «общинником Апостолов и в речах, и в том, что неизречено». Из послания святого Игнатия к смирянам видно, что он был особенно близок к апостолу Петру и сопровождал его в некоторых его апостольских путешествиях.
Незадолго до разрушения Иерусалима в 72 году скончался Евод, один 70 учеников Христовых, и его приемником на Антиохийской кафедре (в столице Сирии) стал Игнатий Богоносец, который управлял ею в течение 40 лет (67-107 гг). В особом видении священномученик Игнатий Богоносец удостоился увидеть небесное богослужение и услышать ангельское пение.
По образцу ангельского мира святой Игнатий ввел на богослужениях антифонное пение, в котором два хора чередуются и как бы перекликаются. Это пение быстро распространилось в ранней Церкви. Сведения об Игнатии содержатся в Церковной истории Евсевия Кесарийского (III, 36 г).
Согласно Евсевию, священномученик Игнатий Богоносец был сослан в Рим, где пострадал за Христа 20 декабря 107 года, в период правления императора Траяна. В 107 году император Траян во время похода против армян проходил через Антиохию. Ему донесли, что святитель Игнатий исповедует Христа, учит презирать богатство, хранить девство и не приносить жертву римским богам.
Император призвал его к себе и потребовал, чтобы он прекратил свою проповедь о Христе. Старец отказался. Тогда его в оковах повели в Рим. По пути в Рим он написал семь посланий, которые сохранились до наших дней. В своих посланиях священномученик Игнатий Богоносец просит христиан не пытаться спасти его от смерти:
«Умоляю не оказывайте мне неблаговременной любви. Оставьте меня быть пищею зверей, чтобы посредством их достигнуть Бога. Я — пшеница Божия. Пусть измелют меня зубы зверей, да сделаюсь чистым хлебом Христовым». В Риме святой Игнатий был брошен на потеху народа на растерзание зверям в Колизее.
Когда его вели на казнь, священномученик Игнатий Богоносец непрестанно повторял имя Иисуса Христа. Язычники вопросили о смысле сего, и он ответил, что устами исповедует Того, Кто запечатлен в его сердце. Язычники тогда не смогли понять, что это значит.
После казни вместе с костями сохранилось нетронутым и сердце святого. Неверные вспомнили слова священномученика и разрезали его сердце надвое, очень уж им хотелось узнать, что означает сказанное им. Золотыми письменами на внутренней стороне разрезанного сердца было запечатлено: «Иисус Христос».
Услышав о мужестве святителя, Траян прекратил гонения на христиан. Мощи святого Игнатия были перенесены в Антиохию. Впоследствии они все-таки были возвращены в Рим и положены в церкви во имя священномученика Климента, папы Римского.
В своем письме к ефесянам священномученик Игнатий Богоносец писал: «Храните веру и любовь и на деле показывайте себя христианами. Вера и любовь суть начало и конец жизни. Вера — начало, а любовь — конец, обе же в соединении суть дело Божие. Все прочее, относящееся к добродетели, от них происходит. Никто исповедующий веру не грешит, и никто стяжавший не ненавидит.»
Память: 20 декабря / 2 января.
АКАФИСТ священномученику Игнатию Богоносцу
Одобрен решением Священного Синода 9/14 июня 1893 года №1516.
Утвержден для общецерковного использования.
Кондак 1
Избранный страстотерпче и избранниче Христов, святителю Игнатие, похвальная приносим ти пения. Ты же, предстояй со ангелы у Престола Всевышняго, не престай молитися о нас, усердно вопиюших ти:
Радуйся, Богоносный Игнатие, великий и преславный страстотерпче.
Икос 1
Ангелом уподобился еси, егда Господь, прием тя на Свои пречистыя руце, постави тя посреде ученик Своих, и возложь руку Свою на твою главу, рече им: «Аще не обратитеся и будите яко дети, не внидите в Царствие Божие». Сего ради, преклоньше колена, вопием ти:
Радуйся, Богом носимый.
Радуйся, яко Бога выну в сердце своем имел еси.
Радуйся, рабе благий и верный.
Радуйся, мужу желаний.
Радуйся, яко от юности Христа всем сердцем возлюбил еси.
Радуйся, яко всецело Ему предался еси.
Радуйся, Богоносный Игнатие, великий и преславный страстотерпче.
Кондак 2
Видяще благочестное житие святаго Иоанна Богослова, учителя твоего, желанием возжелал еси вкупе с ним послужити Господу, проповедуя святое Евангелие людем, седящим во тьме и сени смертней, и научая их пети Единому истинному Богу: Аллилуиа.
Икос 2
Разумев духом, яко ангели на небеси славят Бога во Святей Троице, Творца неба и земли, друг ко другу взывающе: Свят, Свят, Свят Господь Саваоф, ты и в земной Церкви уставил еси такожде пети. Сего ради, со умилением взываем ти:
Радуйся, Церкви Божией столпе и утверждение.
Радуйся, светильниче православия.
Радуйся, яко был еси епископом Церкви, идеже первее имя христиан наречеся.
Радуйся, яко от апостолов первоверховных рукоположение прияти сподобился еси.
Радуйся, яко удостоился еси зрети святыя Ангелы, славящия Бога.
Радуйся, яко ныне и сам со Ангелы славиши Господа.
Радуйся, Богоносный Игнатие, великий и преславный страстотерпче.
Кондак 3
Сила Вышняго укрепи тя, святый Игнатие, егда представ Траяну, не убоялся еси прещения царева, но мужественно исповедал еси Христа Бога быти истинна, и нечестие языческое посрамил еси, верныя же научил еси Богу воспевати: Аллилуиа.
Икос 3
Имея благодать от Господа просвещати люди Божия, ты наставлял еси я к разуму Божественному словом, паче же житием, образ быв любовию, духом, верою, чистотою и смирением. Сего ради воспеваем ти:
Радуйся, яко имя Божие пронесл еси пред цари и языки.
Радуйся, яко добре упасл еси паству твою.
Радуйся, смирением стяжавый высокая.
Радуйся, нищетою приобретый богатая.
Радуйся, апостольских преданий хранителю.
Радуйся, Церкви Божией верный страже и мудрый строителю.
Радуйся, Богоносный Игнатие, великий и преславный страстотерпче.
Кондак 4
Бурю злобы имея в сердце своем Траян, призвав тя, с гневом вопроси: «Ты ли еси Богоносец? Почто люди моя развращаеши?» Ты же отвещал еси: «Аз есмь Богоносец, но люди твоя не развращаю, а спасаю». Кто не ублажит сие твое исповедание веры? Мы же, величающе тя, Богу воспеваем: Аллилуиа.
Икос 4
Слышавше людие вернии твое исповедание, славяху Бога, Траян же, скрежеща зубы своими, паки вопроси тя: «Почто зовешися Богоносец?» Ты же рекл еси: «Яко Бога моего в сердце своем ношу». Сего ради воспеваем тя сице:
Радуйся, верный воине Царя Небеснаго.
Радуйся, поборниче веры непобедимый.
Радуйся, пастырю добрый.
Радуйся, молитвенниче о душах наших.
Радуйся, яко Божественным Духом просвещен, свирепство мучителя пастырским дерзновением посрамил еси.
Радуйся, яко наставляя стадо Христово, многих светом Богоразумия просветил еси.
Радуйся, Богоносный Игнатие, великий и преславный страстотерпче.
Кондак 5
Вся красная мира в уметы вменяя, да Христа приобрящеши, «Кто ны разлучит от любве Божия», — вопиял еси, Игнатие, — «Сладка мне скорбь, любезны узы за Желаемаго, гонения ми сладша паче отечества, болезни — паче здравия телеснаго». Мы же, славную память твою чтуще, поем Богу: Аллилуиа.
Икос 5
Видя тя исповедника веры Христовы непобедима, осуди тя безбожный Траян на смерть: ты же, радуяся, возопил еси: «Сладка мне смерть, мне еже жити- — Христос, и еже умрети — приобретение есть: к Нему иду, Того люблю, Того получити надеюся». Сего ради ублажаем тя, святый Игнатие, сице:
Радуйся, желание имевый разрешитися и со Христом быти.
Радуйся, жертва Богу чиста.
Радуйся, подражателю Христовых страстей.
Радуйся, яко Христови сораспялся еси.
Радуйся, яко кровь за Христа излиял еси.
Радуйся, яко кровию своею святительскую одежду украсил еси.
Радуйся, Богоносный Игнатие, великий и преславный страстотерпче.
Кондак 6
Проповедник терпения, Богоносный Игнатие, явился еси, егда с радостию услышал еси осуждение свое на растерзание лютыми зверьми. Ублажая твое твердое и неустрашимое исповедание веры, и дивяшеся велией благодати, в тебе пребывающей, поем Богу ангельскую песнь: Аллилуиа.
Икос 6
Возсиял еси яко солнце, угодниче Божий, красотою души твоея, егда воины возлагаху на тя узы, ты же, яко ризу спасения и одежду веселия приял еси сие новое мучение, и на страдание в Рим, аки на брачный пир шествовал еси. Сего ради воспеваем ти:
Радуйся, Церкви Антиохийския славо.
Радуйся, Богомудрых отцев красото и удобрение.
Радуйся, цевнице Духа Святаго.
Радуйся, воине Христов непобедимый.
Радуйся, яко гордость Траянову низложил еси.
Радуйся, яко диавола посрамил еси.
Радуйся, Богоносный Игнатие, великий и преславный страстотерпче.
Кондак 7
Хотя, святителю Христов, изыти от Антиохии, прилежно молил еси Господа не оставити паствы твоея. Людие же плакаху и рыдаху, зряще тя на смерть ведома; ты же, благословляя их, воспевал еси Богу: Аллилуиа.
Икос 7
Дивный во святых Бог утеши тя, святый Игнатие, егда на пути в Рим, ведома тя десятию воинами, срете вы в Смирне святый Поликарп, муж праведный. Ты же, беседуя с ним, радовался еси о Бозе спасе твоем. Сего ради ублажаем тя:
Радуйся, яко веру во Христа сохранил еси.
Радуйся, яко надежду несумненну имел еси.
Радуйся, яко имя Христово во всей вселенней прославил еси.
Радуйся, яко уготовася тебе венец правды.
Радуйся, верный служителю Господень.
Радуйся, светильниче Божий, горяй и светяй.
Радуйся, Богоносный Игнатие, великий и преславный страстотерпче.
Кондак 8
Странно и чудно бе шествие твое в Рим на место мучения: воини яко преступника ведяху тя, людие же Божии со епископы и пресвитеры яко ангела Божия сретаху тя, и, сладостно послушая словес твоих, воспеваху Богу: Аллилуиа.
Икос 8
Желание имый разрешитися и со Христом быти, ты, шествуя в Рим на страдания, радостно воспевал еси: «Пшеница Божия есмь: да буду зубы зверей сотрен и чист хлеб Богу явлюся». Сего ради дивящеся терпению твоему и славяще Божие о тебе смотрение, воспеваем сице:
Радуйся, образе мужества и терпения.
Радуйся, непоколебимое правило веры и благочестия.
Радуйся, непобедимый исповедниче Христов.
Радуйся, яко не убоялся еси ни огня, ни меча, ниже зубов рыкающих львов.
Радуйся, яко терпением своим ангелов Божиих возвеселил еси.
Радуйся, яко мужеством своим имя христиан прославил еси.
Радуйся, Богоносный Игнатие, великий и преславный страстотерпче.
Кондак 9
Всего себя предав Богу, ты страшился еси, да не терпящии зрети твоих страданий воспретят тебе восприяти их. Сего ради писанием умолял еси: «О, возлюбленнии! Помозите ми сораспястися Христу, пострадати и умрети за него, да и царствую, и живу с Ним во веки, воспевая Богу: Аллилуиа.»
Икос 9
Вития многовещанныя не могут по достоянию воспети твоя страдания: сего ради и нам удобее любити молчание, но побеждаеми любовию твоею, от избытка сердца вопием ти:
Радуйся, яко многих ко Христу привел еси.
Радуйся, яко писаниями своими путь ко спасению уяснил еси.
Радуйся, яко жаждущия спасения напоил еси благочестия водами.
Радуйся, яко душевными очима ослепленных светом Богоразумия просветил еси.
Радуйся, яко грехом разслабленных воздвигл еси на путь спасения.
Радуйся, яко скорбящия и плачущия утешил еси.
Радуйся, Богоносный Игнатие, великий и преславный страстотерпче.
Кондак 10
Спасти хотя душу свою, ты, святый Игнатие, пламенел еси серафимскою любовию к Богу: «О, братия!», — молил еси христианы, — «желайте мне смерти: она приведет мя ко Христу: звери мне радостни, огнь — роса мне, тщуся умрети, да живу со Христом». Темже вселился еси в небесныя обители, идеже со Ангелы Богу воспеваеши: Аллилуиа.
Икос 10
Царь Небесный, Утешитель Благий, Дух истины постави тя пасти Церковь Христову, право правити слово истины, верныя люди поучати, противящияся обличати. Сего ради зовем ти:
Радуйся, учителю благочестия.
Радуйся, обличителю нечестия.
Радуйся, душу свою положивый за овцы своя.
Радуйся, стяжавый венец мученичества.
Радуйся, непрестанно в жизни моливыйся за христианы.
Радуйся, и по смерти за ны моляйся.
Радуйся, Богоносный Игнатие, великий и преславный страстотерпче.
Кондак 11
Воспевая Господа и непрестанно моляся Ему, ты, святый Игнатие, поучал еси и вверенныя тебе люди творити такожде: «Молитеся непрестанно, кротость ваша да будет известна всем. В братолюбии пребывайте, да не будут в вас распри. Подражайте за ны Распятому, веруйте в Него, Он есть живот вечный: веруяй в него, аще и умрет — оживет». Мы же, прославляя Бога, даровавшаго нам таковаго наставника, вопием Ему: Аллилуиа.
Икос 11
Яко солнце доблестно обтекл еси землю от восток до запад, и зашед незаходимо от земли ко Христу, просвещая мир своим учением. Сего ради взываем ти:
Радуйся, угодниче Христов.
Радуйся, мучениче и пастырю.
Радуйся, скорый в бедах помощниче.
Радуйся, гонимых за правду защитниче.
Радуйся, немощных врачу.
Радуйся, покров и заступление притекающих к тебе с верою.
Радуйся, Богоносный Игнатие, великий и преславный страстотерпче.
Кондак 12
Благодать велию и богатую милость приял еси от Христа Бога нашего молитися за всех, с верою призывающих тя. Темже молим тя: помози нам предстательством твоим у Господа сохранити в сердце своем веру несумненну, упование непреложно, любовь к Богу и ближнему нелицемерну, подвигом добрым подвизатися, воспевая Спасителю нашему: Аллилуиа.
Икос 12
Поюще подвиги твоя, почитаем страдания твоя, восхваляем мужество твое, ублажаем святую кончину твою, и прилежно молим тя: услыши ны, взывающия ти:
Радуйся, течение жизни славно скончавый.
Радуйся, кровию своею истину Христова учения запечатлевый.
Радуйся, получивый от Христа венец правды, уготованный всем возлюбившим явление Его.
Радуйся, во светлостех святых вселивыйся.
Радуйся, яко со Архангелы ликовствуеши.
Радуйся, яко лицезрением Божиим наслаждаешися.
Радуйся, Богоносный Игнатие, великий и преславный страстотерпче.
Кондак 13
О многострадальный и предивный мучениче, Богоносный Игнатие! Приими от нас недостойных сие малое хвалебное пение и умоли Бога, да сохранит ны и защищит Своею благодатию от всякаго зла в сей жизни, и во время кончины нашея не оставит нас, и по кончине сподобит Царствие Небесное наследовати и вечно воспевати Ему: Аллилуиа.
(Этот кондак читается трижды, затем икос 1 и кондак 1)
О великий святителю, Богоносный Игнатие! К тебе припадаем и молим тя: призри на ны, грешныя, прибегающия к твоему заступлению, и умоли Господа, да простит нам вся согрешения наша. Ты мученически душу твою за веру положил еси, даруй и нам мужество во всем подражати тебе. Ничесо в жизни не возмогло отлучити тя от любви ко Господу: ни лестная обещания, ни прещения, ни угрозы, ниже самыя муки. Ты с радостию предстал еси пред зверьми на смерть лютую, и яко Ангел возлетел еси во обители Отца нашего Небеснаго. Сего ради и молитва твоя много может пред Господем. Буди же, святый угодниче, предстателем за ны пред Спасителем нашим. Помогай всем православным христианом святыми твоими молитвами ко всемогущему Богу, да избавит ны от глада, труса, града, бездождия и смертоносных болезней, и да дарует нам здравие и спасение. Буди же нам помощник скорый во всякой скорби, наипаче же в час кончины нашея явися нам светлым защитником и ходатаем, и умоли Господа сподобитися всем нам, тебе ныне тепле молящимся, получити по христианстей кончине Небесное Царствие, идеже вси святии вкупе с тобою славят Отца и Сына и Святаго Духа. Аминь.
