Черниговская Гефсиманская икона Богородицы является списком с прославленной Ильинской Черниговской иконы Божией Матери, которая находилась в Троицком Ильинском монастыре близ Чернигова, на Болдиной горе, где в XI веке некоторое время подвизался Антоний Печерский.
С древнерусским городом Черниговом связано несколько чудотворных образов Пречистой: Чернигово-Елецкая, Чернигово-Ильинская и Черниговская Гефсиманская икона Богородицы. Первообраз был обретен в 1069 году основателем русского иночества преподобным Антонием Печерским в ветвях ели, за что и стал прозываться Елецкой иконой.
В 1658 году инок Черниговского Ильинского монастыря Геннадий написал новый образ Черниговской иконы, принадлежащий к типу Одигитрия и прославившийся позднее многими чудесами, о двух из них повествуется на окладе образа. Празднование этому изводу Черниговской иконы, пребывающему в Троицком соборе Троице-Ильинского монастыря в Чернигове, совершается трижды в год: в Троицын день, 16 апреля и в день Ильи-пророка.
В 1658 году список с этой иконы был взят в Московский Кремль в патриарший собор Двенадцати Апостолов.
История образа: Черниговкая Гефсиманская икона Богородицы находится в пещерной церкви Гефсиманского скита близ Троице-Сергиевой Лавры. Эта святая икона является вкладом в пещерный храм Архистратига Михаила девицы Александры Григорьевой Филипповой.
Проживая после смерти отца некоторое время в Хотьковском монастыре у священника Иоанна Алексеева, Александра часто молилась перед стоявшей у него Ильинской Черниговской иконой Божией Матери. Священник получил эту икону в благословение от монаха Троице-Сергиевой Лавры.
По истечении трех месяцев, когда настало время уезжать, Александра, сильно привязавшаяся к иконе, стала просить благословение священника снять с образа копию. Отец Иоанн пообещал отдать ей икону, когда ее семья обустоится на новом месте.
В сентябре 1826 года Филиппова приехала в Хотьковский монастырь и получила обещанную ей икону. Она привезла ее в Москву, заказала иконописцу поновление иконы, украсила ее серебряной позолоченной короной с драгоценными камнями и бриллиантовым фермуаром, полученным ею от императрицы Александры Федоровны.
В 1842 году девица Филиппова, по совету наместника Троицкой лавры, передала в дар Черниговскую Гефсиманскую икону Богородицы в Гефсиманский скит, после чего она и стала прозываться Гефсиманской.
Чудеса от Ильинской Черниговской иконы начали происходить с 1662 года. Описанию этих чудес святитель Димитрий Ростовский посвятил книгу «Руно орошенное».
Эту книгу святитель закончил словами: «Конец книги, но не чудес Пресвятой Богородицы, ибо кто может их исчислить». Благодатная сила Черниговской иконы Богородицы проявилась и в ее списках, которых множество.
До 1922 года Черниговская Гефсиманская икона Богородицы находилась в Гефсиманском скиту, защищая и поддерживая православных. После закрытия скита во время атеистического мракобесия икону удалось спасти.
Святыня, Черниговская Гефсиманская икона Богородицы, хранилась в храме преподобного Сергия Радонежского в Рогожской слободе до 1938 года. Затем, в рамках борьбы с религией, и этот храм был закрыт. Чудотворная икона была утеряна, и судьба ее до сих пор неизвестна.
Но в скиту замечательным иконописцем Германом (Гомзиным) было сделано несколько известных списков. Три из них сохранились в Троице-Сергиевой Лавре. Один из списков был возвращен и находится сейчас в Гефсиманском скиту.
Черниговская Гефсиманская икона Богородицы входит в число наиболее почитаемых и любимых образов Пресвятой Богородицы. Божия Матерь считается покровительницей и заступницей России. В болезнях, печалях православным остается уповать только на помощь Божию.
Чудотворная Черниговская Гефсиманская икона Богородицы долгие годы утешала и поддерживала людей. По молитвам перед образом многие получили исцеление, разрешили свои проблемы. Святыню почитали бедные и богатые, паломники стекались в скит со всех концов страны. Утеря образа отозвалась в сердцах верующих болью. Православные молятся, чтобы Пресвятая Богородица явила милость и помогла вернуть дивный образ.
Чудотворения: От Черниговской Гефсиманской иконы Богородицы при переезде в Москву стали происходить исцеления и целый ряд чудес. Измученные духовными страданиями и телесными болезнями люди с верой притекали к чудотворному образу, и милость Божия не оставляла их.
Знаменательно, что первое чудо от этой иконы было засвидетельствовано в день церковного Новолетия — 1 сентября 1869 года, когда от полного расслабления, продолжавшегося более 9 лет, исцелилась 28-летняя крестьянка Тульской губернии Фекла Андрианова. Прожив в гостинице при пещерах, а потом в лавре до празднования преставления преподобного Сергия, Фекла совершенно выздоровела.
Святитель Иннокентий, митрополит Московский (1797-1879 гг), узнал о чуде от своей дочери, казначеи Борисовской пустыни, монахини Поликсении. На празднике преподобного Сергия он сам встретился с Феклой и расспрашивал ее обо всех обстоятельствах исцеления. Святитель Иннокентий благословил совершить молебное пение перед прославившейся иконой, и сам молился со слезами.
К началу ХХ века было засвидетельствовано более ста чудотворений. Черни говская Гефсиманская икона Богородицы пользовалась глубокой любовью многих старцев Троице-Сергиевой Лавры. В Лавре существуют чтимые списки святой иконы, сделанные ее старцами.
В книге Е. Поселянина «Богоматерь. Описание Ее земной жизни и чудотворных икон» описывается много случаев исцеления от различных болезней по молитвам перед чудотворной иконой. Случаи эти тщательно исследовались, после чего началось повсеместное прославление Черниговской Гефсиманской иконы Богородицы.
Иконография: Иконографический тип — Одигитрия. Черниговская Гефсиманская икона Богородицы писана на холсте. Как уже говорилось ранее, она является точным списком с Ильинской Черниговской иконы.
По размерам она больше подлинника. В длину она имеет 11 / 3 аршина, а в ширину 1 аршин 5 вершков. Предвечный Младенец восседает на левой руке Богоматери, правой рукой Он благословляет, в левой держит свиток.
По толкованию современного богослова о. Александра Мумрикова, на этой иконе Очи Приснодевы, обращенные к Отцу, обращают к Нему же и человеческий разум, и тем самым «здесь, у Палаты Духа Святого, дышит Живоначальная Троица во всей своей полноте». И Пречистая и Младенец, восседающий на Ее левой руке, — в царских венцах.
В Гефсимании на Святой земле окончился земной путь Пресвятой Богородицы, это место Ее славного Успения, слывущего второй Пасхой. Этот праздник установлен современниками Пречистой, самими апостолами, и продолжается девять дней, с 15 по 23 августа по христианскому летоисчеслению.
Успенских храмов в православном мире неисчеслимое множество; Гефсиманий же на русской земле, в силу особой святости этого понятия, было очень немного. Престольным праздником в них считается не самый день Успения Богородицы, а день Ее Вознесения на Небо, отмечающийся 17 августа.
Только в этот день на территорию Гефсиманского скита допускались женщины. Нижняя же подземная церковь была посвящена Гефсиманскому молению Спасителя, и ее храмовым праздником была вся Страстная Седмица. Сама же чудотворная Черниговская Гефсиманская икона Богородицы пребывала в храме во имя Михаила Архангела.
Молитвенная традиция: Перед Черниговской Гефсиманской иконой Богородицы молятся об исцелении от беснования, при болезнях глаз, расслаблении, об исцелении страдающих помрачением ума, при параличе.
Празднование: 1 / 14 сентября.
Тропарь Пресвятой Богородице пред Черниговской Гефсиманской иконой
глас 5
Пречи́стая Влады́чице Богоро́дице,/ упова́ние всех христиа́н,/ поне́же ина́го упова́ния не и́мамы, ра́зве Тебе́,/ Всенепоро́чная Влады́чице моя́, Госпоже́ Богоро́дице,/ Ма́ти Христа́ Бо́га моего́,/ те́мже поми́луй, и изба́ви мя от всех зол мои́х,/ и умоли́ ми́лостиваго Сы́на Твоего́ и Бо́га моего́,/ да поми́лует окая́нную ду́шу мою́/ и да изба́вит мя от ве́чныя му́ки// и сподо́бит мя Ца́рствия Своего́.
Перевод: Пречистая Владычица Богородица, надежда всех христиан, поскольку иной надежды не имеем, кроме Тебя, Всенепорочная Владычица моя, Госпожа Богородица, Матерь Христа Бога моего, потому помилуй и избавь меня от всех бедствий моих, и умоли милостивого Сына Твоего и Бога моего, да помилует несчастную душу мою и да избавит меня от вечных мук и удостоит Царствия Своего.
О, Пресвята́я Де́во, Ма́ти Христа́ Бо́га на́шего, Цари́це Небеси́ и земли́! Вонми́ многоболе́зненному воздыха́нию душ на́ших, при́зри с высоты́ святы́я Твоея́ на нас, с ве́рою и любо́вию покланя́ющихся пречи́стому о́бразу Твоему́: се бо, грехми́ погружа́еми и скорбми́ обурева́еми, взира́юще на Твой о́браз, я́ко живу́щей Ти с на́ми, прино́сим смире́нная моле́ния на́ша, не и́мамы бо ины́я по́мощи, ни ина́го предста́тельства и утеше́ния, то́кмо Тебе́, о, Ма́ти всех скорбя́щих и обремене́нных. Помози́ нам, немощны́м, утоли́ ско́рбь на́шу, наста́ви на путь пра́вый нас, заблу́дших, уврачу́й боле́зненная сердца́ на́ша и спаси́ безнаде́жныя. Да́руй нам про́чее вре́мя живота́ на́шего в ми́ре и покая́нии проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Предста́тельница, да всегда́ пое́м, велича́ем и сла́вим Тя, я́ко Благу́ю Засту́пницу ро́да христиа́нскаго, со все́ми угоди́вшими Бо́гу. Ами́нь.
Богослужения
Русской Православной Церкви
16 апреля 2016 года (журнал № 15)
Ме́сяца сентября́ в 1-й день
Новоле́тие церко́вное и пра́зднование Пресвяте́й Богоро́дице,
ра́ди ико́ны Ея́, имену́емыя Черни́говская Гефсима́нская
На вели́цей вече́рни
На Го́споди, воззва́х: стихи́ры Богоро́дице, глас 2.
Подо́бен: Егда́ от Дре́ва:
Всех скорбя́щих Ра́досте,/ и оби́димых Предста́тельнице,/ и убо́гих Пита́тельнице,/ стра́нных же Утеше́ние, и Же́зле слепы́х,/ немощны́х Посеще́ние,/ тружда́ющихся Покро́ве и Засту́пнице,/ и си́рых Помо́щнице,/ Ма́ти Бо́га Вы́шняго, Ты еси́ Пречи́стая:/ потщи́ся, мо́лимся, спасти́ся рабо́м Твои́м. Два́жды.
Всем Предста́тельницу Тя челове́ком,/ всем Прибе́жище вели́кое,/ все́м Засту́пницу Тя показа́, Влады́чице, христиа́ном,/ И́же из Тебе́ в на́ше смеше́ние облече́ся/ и распя́тие и смерть нас ра́ди подъя́т./ Того́ у́бо моли́ непреста́нно/ всем очище́ние низпосла́ти прегреше́ний, Богоневе́стная. Два́жды.
Ина́го прибе́жища, Чи́стая,/ ко Творцу́ и Влады́це не и́мамы,/ ра́зве Тебе́, Богоневе́сто,/ да не оста́виши нас те́плым Твои́м предста́тельством,/ ниже́ отри́неши любо́вию притека́ющия честно́му о́бразу Твоему́ поклони́тися,/ от него́же исто́чники ми́лости Твоея́ нам источи́,/ потре́бное нам во вся дни жития́ на́шего подаю́щи.
Сла́ва, глас 6:
И́же со Ду́хом Святы́м соедине́н,/ Безнача́льне Сло́ве и Сы́не,/ всех ви́димых и неви́димых Соде́телю и Зижди́телю,/ и вене́ц ле́та благослови́,/ сохраня́я в ми́ре правосла́вных мно́жества,/ моли́твами Богоро́дицы, и всех святы́х Твои́х.
И ны́не, глас 2:
О, вели́каго та́инства!/ Ви́дя чудеса́, пропове́даю Божество́,/ Емману́ил у́бо естества́ две́ри отве́рзе, я́ко Человеколю́бец,/ де́вства же затво́ры не разве́рзе, я́ко Бог,/ но та́ко из ложе́сн про́йде, я́коже слу́хом вни́де,/ та́ко роди́ся, я́коже и зача́тся,/ безстра́стно вни́де и неизрече́нно изы́де,/ по глаго́лющему проро́ку:/ та дверь затворе́на бу́дет, и никто́же про́йдет сквозе́ ея́,/ то́кмо Еди́н Госпо́дь Бог Изра́илев,/ име́яй ве́лию ми́лость.
Та́же вход. Проки́мен дне. И чте́ния Богоро́дичная.
На стихо́вне стихи́ры и сла́вник новоле́тия.
И ны́не, глас 6:
Преложе́ние скорбя́щих,/ Премене́ние боля́щих еси́, Богоро́дице Всепе́тая,/ спаси́ град и лю́ди,/ бори́мых умире́ние, обурева́емых тишина́,/ Еди́на Предста́тельнице ве́рных.
Тропа́рь инди́кта и Богоро́дице, глас 5:
Похвала́ми венча́ем, Влады́чице Богоро́дице,/ венцено́сный Черни́говский о́браз Твой,/ от него́же явле́нием чу́да/ в Гефсима́нии земли́ Ра́донежския/ благослови́ Госпо́дь вене́ц ле́та бла́гости Своея́./ И ны́не приле́жно мо́лимся Ти, Всецари́це:/ венча́й благослове́ньми пою́щия Тя.
На у́трени
По 1-м стихосло́вии седа́лен, глас 2:
Притеце́м к ти́хому приста́нищу/ и Засту́пнице ро́да на́шего, Де́ве Мари́и,/ поклони́мся честно́му Ея́ о́бразу, уми́льно зову́ще:/ при́зри, Благосе́рдая Ма́ти, на лю́тыя ско́рби, нас обдержа́щия,/ и исцели́ боле́зни душ на́ших.
По 2-м стихосло́вии седа́лен, глас 3:
Притека́юще к многоцеле́бному о́бразу Твоему́, Де́во Богоро́дице,/ ве́мы Тя христиа́н Предста́тельницу,/ к Сы́ну бо Твоему́ и Бо́гу на́шему при́сно моле́бнеи ру́це Твои́ о нас простира́еши, Всенепоро́чная,/ и спаса́еши от бед ве́рою и любо́вию Богоро́дицу Тя почита́ющих.
По полиеле́и седа́лен, глас 5:
Стра́ждущая жена́, тя́жким неду́гом обдержи́ма,/ к Твоему́ пречи́стому о́бразу прите́кши, Богома́ти,/ сле́зную моли́тву смире́нно сотвори́,/ врачевство́ цельбоно́сное прося́щи пода́ти,/ и во упова́нии свое́м не посра́мленна оты́де,/ ве́рных Исто́чник исцеле́ний созыва́ющи просла́вити:/ прииди́те и ви́дите, я́же сотвори́ ми Госпо́дь,/ предста́тельством Пречи́стыя Своея́ Ма́тере.
По 50-м псалме́ стихи́ра, глас 6: Не и́мамы ины́я по́мощи:
Кано́н Богоро́дице, глас 2.
Песнь 1
Ирмо́с: Гряди́те лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.
Покрови́тельница оби́тели Гефсима́нския Ты еси́, Богороди́тельнице,/ помози́ нам просла́вити Тя/ и разреше́ние прегреше́ний пода́ждь благоче́стно поклоня́ющимся о́бразу Твоему́.
Я́коже на одре́ боле́зни лежа́щия жены́ моле́ния послу́шала еси́, Влады́чице,/ та́ко и на́ше смире́нное воздыха́ние не отри́ни,/ но, Сама́ заступи́вши, зла́го обстоя́ния изба́ви рабы́ Твоя́.
Пове́дает оби́тель Гефсима́нская, я́же от о́браза Твоего́ бы́вшая чудеса́,/ той бо исто́чник соде́лася, исцеле́ния струи́ оби́льно излива́ющий,/ ве́рою призыва́ющим и́мя Твое́, Богома́ти.
О, Всепе́тая Ма́ти, стра́ждущая жена́ рече́,/ да́руй ми исцеле́ние, да, восста́вши, поклоню́ся о́бразу Твоему́ свято́му./ Ты же, прикло́ньшися к ея́ моле́нию,/ проси́мая подала́ еси́, Пречи́стая.
Катава́сия: Кре́ст начерта́в, Моисе́й:
Песнь 3
Ирмо́с: Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́/ в сердца́ нас, пою́щих Тя.
Тя похвалу́, ве́рнии, стяжа́хом,/ прибе́жище и утвержде́ние и ра́дование, и душа́м спасе́ние,/ наде́жду же и сте́ну, покро́в и заступле́ние, Богоблагода́тная Влады́чице.
Не усыпа́ет о нас в моли́твах Пречи́стая Ма́терь Спа́сова/ и явля́ет чу́дное Свое́ милосе́рдие всем, ве́рою притека́ющим/ и любо́вию свято́му Ея́ о́бразу покланя́ющимся.
Приклони́ся к мольба́м рабо́в Твои́х, Влады́чице,/ и не закосни́ изба́вити нас от бед и скорбе́й, я́же обдержа́т нас,/ ви́димых и неви́димых враго́в отжени́,/ да не зле поги́бнем, окая́ннии.
Ми́лостивым и кро́тким Твои́м о́ком, Богороди́тельнице,/ при́зри на нас, недосто́йных,/ и от напа́сти обстоя́щия свободи́,/ призыва́ющих Тя на по́мощь, Всепречи́стая.
Седа́лен, глас 4:
Твоего́ милосе́рдия дарова́ния воспомина́юще, Влады́чице,/ и Твой чудотво́рный о́браз благогове́йно лобыза́юще,/ я́ко посреде́ нас пребыва́ющую Тя помышля́ем и ве́рою Тебе́ вопие́м:/ Твоего́ Сы́на и Го́спода моли́,/ да научи́т нас за́поведи Его́ всегда́ твори́ти,/ злы́я же искуше́ния побежда́ти,/ и Тебе́, Предста́тельницу на́шу, досто́йно пе́ти и сла́вити во ве́ки.
Песнь 4
Ирмо́с: Услы́шах, Го́споди, глас Твой, его́же рекл еси́,/ глас вопию́щаго в пусты́ни,/ я́ко возгреме́л еси́ над вода́ми мно́гими,/ Твоему́ свиде́тельствуяй Сы́ну,/ весь быв соше́дшаго Ду́ха, возопи́:/ Ты еси́ Христо́с, Бо́жия Му́дрость и Си́ла.
Влады́чице Пречи́стая, ели́ка про́сим днесь от Тебе́ прия́ти,/ сия́ от чудотво́рныя Твоея́ ико́ны нам пода́ждь,/ немощно́е на́ше произволе́ние утверди́/ и Небе́сных благ жела́ние в сердца́ на́ша всели́.
Спасе́ния Тя наде́жду, моли́тву неусы́пну, заступле́ние тве́рдо и́мамы:/ умилосе́рдися и виждь на́шу нестерпи́мую печа́ль, боле́зни и ско́рби/ и ми́лостивно посети́, Ма́ти Бо́жия,/ осла́бу ско́рую подаю́щи.
В ско́рбех Тя Засту́пницу стяжа́хом, Влады́чице,/ те́мже и ны́не помози́ нам, лю́те обурева́емым,/ ру́ку по́мощи простира́ющи, Чи́стая:/ бу́ди ми́лостива боле́знем на́шим, Ма́ти Бо́жия,/ исцеле́ние ско́рое подаю́щи.
Смири́, Влады́чице, вы́ю враго́в вознесе́нную,/ сове́ты тех и сердца́ злонра́вная укроти́,/ кре́пость же пода́ждь призыва́ющим Тя, Ма́ти Бо́жия,/ побе́ду ско́рую подаю́щи.
Песнь 5
Ирмо́с: Хода́тай Бо́гу и челове́ком был еси́, Христе́ Бо́же,/ Тобо́ю бо, Влады́ко, к Светонача́льнику Отцу́ Твоему́/ от но́щи неве́дения/ приведе́ние и́мамы.
Мно́зи ле́ты тя́жким неду́гом свя́занная жена́, здра́вие Тобо́ю улучи́вши,/ созыва́ет ве́рныя просла́вити чу́дная дела́ Твоя́, Богоро́дице, зову́щи:/ ра́дуйся, Исто́чниче дарова́ний, Богоблагода́тная Де́во.
Неизсле́димую бе́здну Твоея́ ми́лости рассла́бленная жена́ позна́вши,/ пред свято́ю Твое́ю ико́ною усе́рдную моли́тву Тебе́ принесе́/ и, а́бие исцеле́ние от неду́га своего́ прие́мши,/ здра́ва в дом свой возврати́ся, Тя воспева́ющи.
Свяще́нная ико́на Твоя́/ друга́я Силоа́мская купе́ль показа́ся, Влады́чице,/ очища́ющая и исцеля́ющая боле́зни душ и теле́с,/ ве́рою приходя́щих к ней/ и Тя любо́вию велича́ющих.
Присту́пим, ве́рнии, с любо́вию к чудотво́рному о́бразу Присноде́вы/ и благогове́йне ему́ поклони́мся,/ се бо в нем чуде́с си́лу Всеблага́я Влады́чица явля́ет и вся спаса́ет,/ с ве́рою несумне́нною почита́ющих пречи́стаго ли́ка Ея́ подо́бие.
Песнь 6
Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.
Изба́ви нас от напа́стей и бед, Богоневе́сто,/ Тя бо Хода́таицу устро́и Бог во спасе́ние на́ше и заступле́ние./ Сего́ ра́ди исхода́тайствуй нам, недосто́йным,/ от печа́ли грехо́вныя избавле́ние.
Пое́м Тя и покланя́емся Ти, Богома́ти Де́во,/ ве́рою и любо́вию пропове́дающе мно́гая и пресла́вная чудеса́,/ от ико́ны Твоея́ чудотво́рныя явле́нныя./ Те́мже от вся́ких нас бед изба́ви.
О, благоутро́бия Твоего́, Де́во Чи́стая!/ Свобожда́еши бо безме́рныя печа́ли и напа́сти в ну́ждех и обстоя́ниих Тя призыва́ющих./ Те́мже и ны́не, Благослове́нная, Засту́пница нам бу́ди.
Ве́дущи не́мощи на́ша, Богороди́тельнице,/ уврачу́й духо́вныя неду́ги на́ша,/ да славосло́вим Сы́на Твоего́ и Бо́га на́шего,/ я́ко Врача́ вся́ческих.
Конда́к, глас 8:
Притеце́м, ве́рнии, к многоцеле́бному о́бразу Засту́пницы на́шея, Богоро́дицы Мари́и,/ и, припа́дающе к нему́ с любо́вию, си́це рцем:/ о, Всепе́тая Ма́ти, при́зри Твои́м благосе́рдием на ны, недосто́йныя,/ и яви́ нам Твоя́ ми́лости и щедро́ты:/ в боле́знех исцеле́ние, в ско́рбех утеше́ние, в беда́х заступле́ние/ и вся ны спаси́, на Тя упова́ющия, да зове́м Ти:/ ра́дуйся, Де́во, христиа́н заступле́ние.
И́кос:
Я́ко дар прия́ла еси́, Ма́ти Бо́жия, всех христиа́н неду́ги исцеля́ти,/ от бед избавля́ти, от плене́ния спаса́ти и от враго́в заступа́ти;/ не пре́зри и нас, Всеми́лостивая Госпоже́, Богоро́дице, Тебе́ вопию́щих:/ Ра́дуйся, А́нгелов удивле́ние; ра́дуйся, ми́ра утеше́ние. Ра́дуйся, христиа́н ра́дование; ра́дуйся, мона́хов утвержде́ние. Ра́дуйся, подвиза́ющихся укрепле́ние; ра́дуйся, Ра́досте скорбя́щих. Ра́дуйся, боля́щих исцеле́ние; ра́дуйся, заблу́ждших вразумле́ние. Ра́дуйся, Утоли́тельнице печа́лей; Ра́дуйся, Де́во, христиа́н засту́пнице.
Песнь 7
Ирмо́с: Да пресла́вное Рождество́ Твое́, Христе́, е́же от Де́вы,/ прообрази́ши я́ве,/ неопали́мы в пещи́ о́троки сохрани́л еси́,/ пе́сньми пою́щия Тебе́:/ отце́в Бо́же, благослове́н еси́.
Яви́ ско́рое Твое́ заступле́ние, Влады́чице,/ мо́жеши бо, я́ко Ма́ти Бо́жия./ Те́мже призыва́ем Тя серде́чне, со слеза́ми припа́дающе/ и наде́жду на Тя несумне́нную возлага́юще.
Наде́жда блага́я и Засту́пница ве́рных Ты еси́, Влады́чице:/ сего́ ра́ди мо́лимся Тебе́ дарова́ти ми́лости бога́тыя всем,/ упова́ющим на Тя и зову́щим:/ благослове́на, Я́же Бо́га пло́тию ро́ждшая.
Я́же еди́но упова́ние и по́мощь ве́рных, Богороди́тельнице,/ потщи́ся помощи́ рабо́м Твои́м, обурева́емым скорбьми́ и во гресе́х су́щим,/ любо́вию же к Тебе́ прибега́ющим.
О, ди́вное чу́до!/ Разсла́бленная бо жена́,/ лобыза́ющи цельбоно́сную ико́ну Твою́, Ма́ти Бо́жия,/ ско́ро кре́пость теле́сную ощути́ и благода́рно возопи́:/ благослове́на Ты еси́, Пречи́стая.
Песнь 8
Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га,/ по́йте дела́, я́ко Го́спода,/ и превозноси́те во вся ве́ки.
Прибе́жище на́ше и ми́ру ра́дование, Богороди́тельнице,/ умилосе́рдися и ско́ро благода́ть Твою́ пода́ждь нам, ско́рбным,/ и заступи́, Блага́я, рабы́ Твоя́.
Тя от всея́ души́ нело́жно призыва́ющих, Богоро́дице,/ во вся́кой ско́рби и в боле́знех разли́чных,/ беда́х и обстоя́ниих лю́тых спе́шно услы́ши,/ сих избавля́ющи при́сно моли́твами Твои́ми.
Безсме́ртия зарю́ и исто́чник спасе́ния ве́мы Тя, Богоро́дице,/ я́ко ро́ждшую Отца́ Безсме́ртнаго Сло́во,/ от сме́рти избавля́ющее вся,/ превознося́щия Его́ во ве́ки.
Спаси́ от зол и скорбе́й рабы́ Твоя́, Богоро́дице,/ и мир Бо́жий, превы́шший вся́каго ми́ра земна́го,/ пода́ждь рабо́м Твои́м, Тя воспева́ющим.
Песнь 9
Ирмо́с: Недоуме́ет всяк язы́к благохвали́ти по достоя́нию,/ изумева́ет же ум и преми́рный пе́ти Тя, Богоро́дице:/ оба́че, Блага́я су́щи, ве́ру приими́,/ и́бо любо́вь ве́си боже́ственную на́шу,/ Ты бо христиа́н еси́ Предста́тельница, Тя велича́ем.
В моли́твах неусыпа́ющую Богоро́дицу Чи́стую призове́м вси, взыва́юще:/ изба́ви от лю́тыя сме́рти и огня́ гее́нскаго рабы́ Твоя́,/ Ты бо христиа́н еси́ Предста́тельница, Тя велича́ем.
Отча́явшихся кре́пкое прибе́жище,/ обурева́емых ти́хое приста́нище Ты еси́, Богоро́дице./ Те́мже и мы притека́ем к Тебе́, взыва́юще:/ спаси́ нас, усе́рдно Тя велича́ющих.
Не преста́й, Чи́стая, моля́щи от Тебе́ ро́ждшагося Бо́га/ о всех, с ве́рою притека́ющих к Тебе́/ и прося́щих избавле́ния,/ Ты бо христиа́н еси́ Предста́тельница, Тя велича́ем.
Дар от Бо́га прия́ла еси́, я́ко Ма́ти Бо́жия,/ неду́ги исцеля́ти и от бед избавля́ти,/ о гресе́х умоля́ти и от плене́ния спаса́ти./ Не пре́зри и нас, Госпоже́ Преми́лостивая,/ Ты бо христиа́н еси́ Предста́тельница, Тя велича́ем.
Свети́лен инди́кта.
Сла́ва, и ны́не, Богоро́дицы:
Днесь ве́рнии, соше́дшеся,/ поклоне́ние досто́йное Твоему́, Пречи́стая, о́бразу прино́сят,/ покро́ва и заступле́ния Твоего́ прося́ще и зову́ще:/ принеси́ о нас Сы́ну Твоему́ и Бо́гу на́шему те́плое Твое́ моле́ние.
На хвали́тех стихи́ры самогла́сны инди́кта.
Та́же стихи́ры Богоро́дицы, глас 1.
Подо́бен: О, ди́вное чу́до:
О, ди́вное чу́до!/ Исто́чник исцеле́ний,/ честны́й о́браз Твой ве́рным показа́ся, Влады́чице,/ неду́гующим телесе́м врачевство́ источа́я,/ и боле́зни душе́вныя утоля́я,/ сего́ ра́ди вси земноро́днии,/ благогове́йне лобыза́юще ли́ка Твоего́ изображе́ние,/ из глубины́ души́ прино́сят Ти похва́льное пе́ние, взыва́юще:/ ра́дуйся, Благода́тная,/ Тобо́ю бо Госпо́дь/ подае́т с ве́рою притека́ющим ми́лость и исцеле́ние.
О, ди́вное чу́до!/ Ве́рным показа́лася еси́, Пречи́стая, украше́ние:/ проро́ком исполне́ние,/ апо́столом сла́ва,/ му́чеником удобре́ние,/ де́вствующим похвала́/ и всему́ ми́ру преди́вный Покро́в./ Покры́й, Влады́чице, ми́лостию Твое́ю/ ве́рою покланя́ющихся о́бразу Твоему́ честно́му/ и с любо́вию пред ним Тебе́ вопию́щих:/ Обра́дованная, ра́дуйся, с Тобо́ю Госпо́дь,/ подая́й ми́ру Тобо́ю ве́лию ми́лость.
О, Премилосе́рдная Влады́чице!/ Ди́вно Твое́ о нас ко Го́споду предста́тельство,/ день бо и нощь Престо́лу Сы́на Твоего́ предстои́ши,/ моле́бне ру́це за ны к Нему́ простира́ющи/ и ми́лости исто́чник отве́рзти прося́щи,/ похва́льное пе́ние из глубины́ души́ Ти принося́щим:/ ра́дуйся, Благода́тная,/ Тебе́ бо ра́ди Госпо́дь/ пра́ведный гнев на ми́лость прелага́ет.
Сла́ва, инди́кта. И ны́не, глас 8:
Влады́чице, приими́ моли́твы раб Твои́х/ и изба́ви нас от вся́кия ну́жды и печа́ли.
Та́же славосло́вие вели́кое и отпу́ст
На Литурги́и
Проки́мен инди́кта, глас 3: Ве́лий Госпо́дь наш, и ве́лия кре́пость Его́,/ и ра́зума Его́ несть числа́. Стих: Хвали́те Го́спода, я́ко благ псало́м. И Богоро́дицы проки́мен, глас 3: Вели́чит душа́ моя́ Го́спода и возра́довася дух Мой о Бо́зе, Спа́се Мое́м:
Апо́стол к Тимофе́ю, зача́ло 282. И Богоро́дицы, к Филипписи́ем, зача́ло 240.
Аллилу́иа, глас 4: Тебе́ подоба́ет песнь, Бо́же, в Сио́не. Стих: Благослови́ши вене́ц ле́та бла́гости Твоея́, Го́споди. И Богоро́дицы: Слы́ши, Дщи, и ви́ждь и приклони́ у́хо Твое́.
Ева́нгелие от Луки́, зача́ло 13. И Богоро́дицы: Луки́, зача́ло 54.
Прича́стен инди́кта: Благослови́ши вене́ц ле́та бла́гости Твоея́, Го́споди. И Богоро́дицы: Ча́шу спасе́ния прииму́ и И́мя Госпо́дне призову́.
