Икона «Покров Пресвятой Богородицы» — это одна из самых почитаемых и любимых икон на Руси. Она выражает безграничную любовь Божией Матери к грешному роду человеческому, которого Она берет под Свою защиту и покровительство.
История образа: Икона «Покров Пресвятой Богородицы» появилась после чуда, случившегося в Константинополе в Х веке. Столица Византийской империи была в осаде у сарацин и, казалось, была обречена на уничтожение воинами ислама. Горожане возносили молитвы Господу о спасении во Влахернском храме.
В этом храме хранилась риза и головной покров Богородицы, а также Влахернская икона Божией Матери. Юродивый Андрей и преподобный Епифаний во время ночного богослужения увидели в храме Пресвятую Богородицу в сопровождении святых Иоанна Предтечи и Иоанна Богослова. Невидимая людям, Она молилась Господу перед престолом, обливаясь слезами.
После молитвы Царица Небесная сняла с Себя покрывало и раскинула его над головами верующих. Омофор сиял, переливаясь, как огонь. После Ее ухода омофор стал невидимым, оставив после себя ощущение Божией благодати.
Андрей и Епифаний сообщили о своем видении прихожанам, и это вселило в них надежду о защите от врага. Вскоре начался сильный вихрь, разметавший суда сарацин. В страхе от этого непонятно откуда взявшегося урагана, сарацины сняли осаду и в панике отплыли в уцелевших судах от Константинополя.
Событие, случившееся в 910 году в Константинополе, стало церковным праздником. Русская Православная Церковь отмечает праздник Покрова Пресвятой Богородицы 14 октября, начиная с XII века, и в это же время начинают появляться первые храмы и монастыри в честь Покрова Пресвятой Богородицы.
Икона «Покров Пресвятой Богородицы» изображает обыкновенно амвон Влахернского храма. Около амвона молящийся народ, а среди него блаженный Андрей в рубище указывает Епифанию на стоящую в облаках Владычицу, окруженную святыми и ангелами. Царица Небесная держит на широко распростертых руках Свой омофор.
Икона «Покров Пресвятой Богородицы» как и сам праздник Покрова издавна пользуются на Руси большой любовью. Почитание иконы и самого праздника выразилось в количестве Покровских церквей и монастырей в России и нашло свое отражение даже в топонимике. В честь Покрова названо много населенных пунктов, улиц, площадей, районов.
Всемирно известный по своим архитектурным достоинствам храм Покрова на Нерли был построен в 1165 году князем Андреем Боголюбским. Согласно традиционной точке зрения, именно он около 1164 года и ввел в календарь Русской церкви так полюбившийся народу праздник Покрова Божией Матери. Это был первый известный из летописей храм в честь Покрова.
С этим праздником связано множество народных примет ( «Пришел Покров — не нагреешь дом без дров», «Какова погода на Покров — такова и зима» и множество других ), которые более всего говорят о народности праздника. По этому празднику определяют холодная или теплая будет зима, когда снег укроет землю, найдется ли суженый для девушки.
Иконография праздника Покрова Пресвятой Богородицы разрабатывается именно на Руси и окончательно складывается к XIII веку. Существует два иконографических типа изображения праздника — один новгородской иконописной традиции, а второй — ростово — суздальской.
На новгородских иконах в центре композиции, внутри храма, помещена Матерь Божия. Руки Богородицы воздеты в молении ( в иконографии такое положение рук называется жестом адорации ).
Покров над Ее головой держат ангелы. Над покровом — Спаситель, благословляющий всех собравшихся в храме. В нижней части иконы изображены закрытые Царские врата. Справа от врат — Андрей, Христа ради юродивый, который указывает на чудесное явление Епифанию.
Слева — святой Иоанн Предтеча и апостолы. На некоторых иконах новгородской школы изображают святителей и архангелов. Их фигуры помещают обычно слева и справа от Богородицы, над апостолами и блаженным Андреем.
Икона «Покров Пресвятой Богородицы» в ростово — суздальской традиции, которую затем переняла и московская, изображает Богородицу на фоне храма с покровом, который Она держит в руках. Слева и справа от Нее — ангелы и святые, блаженный Андрей с Епифанием, сзади молящийся народ.
Характерная деталь: на переднем плане, ниже Богородицы изображен святой Роман Сладкопевец — автор песнопений, посвященных прославлению Богоматери. Почему святой, земная жизнь которого проходила в шестом веке, представлен на иконе «Покров Пресвятой Богородицы», изображающей события века десятого?
Во-первых, икона — не живописное полотно, иллюстрирующее с исторической и этнографической точностью конкретное событие. Икона передает при помощи особого изобразительного языка духовную суть события.
Роман Сладкопевец потому и явлен на иконе «Покров Пресвятой Богородицы», что он своим творчеством во многом открыл православным христианам истинное понимание роли Пресвятой Богородицы в многотрудном деле спасения всего человечества.
Во — вторых, икона, и в частности, икона «Покров Пресвятой Богородицы», отвергает привычное представление о времени и пространстве. «Бог же не есть Бог мертвых, но живых, ибо у Него все живы» ( Лк. 20, 38 ). Поэтому на иконе все разновременные события могут происходить одновременно.
Следуя этому принципу, икона «Покров Пресвятой Богородицы» являет нам еще одно чудо, совершенное Матерью Божией — чудо обретения голоса Романом, которое произошло, по преданию, в Софийском храме в присутствии патриарха и императора. Их фигуры также появляются на иконах ростово — суздальской школы.
Таким образом, в поздней иконографии Покрова соединены два события, которые произошли по милости Божией и по ходатайству Пресвятой Богородицы — спасение верующих от врагов христианства и дарование голоса будущему творцу духовных песнопений.
Списки иконы: Икона «Покров Пресвятой Богородицы», так полюбившаяся русскому народу, распространилась по Руси во множестве списков, многие из которых сами прославились чудотворениями. Вот некоторые из чтимых икон «Покров Пресвятой Богородицы» в России:
В Москве: В Покровском соборе Василия Блаженного; в церкви Воскресения, что в Барашах, и в церкви Покрова в Красном селе.
В Харькове, в Христорождественской церкви, за рекой Лопанью, прославившаяся помощью жителям во время холеры.
В Минской губернии: в городе Новогрудке, в Николаевском соборе, и в селе Жукове.
В Ярославской губернии, в трех верстах от Углича, на другом берегу Волги, в Покровском Паисиевом монастыре (затоплен водами Угличского водохранилища ).
В Вологодской губернии, в Дионисиево-Глушицком монастыре, написанная самим основателем обители преподобным Дионисием Глушицким, жившим в начале пятнадцатого века.
В Покровском Добром монастыре, близ города Лихвина Калужской епархии также есть чтимый образ Покрова Богоматери.
Самая же известная из икон есть икона «Покров Пресвятой Богородицы» Псково — Покровская, которая прославлена была в 1581 году во время нашествия на город Псков полчищ польского короля Стефана Батория. Город тогда был спасен только благодаря заступничеству Пресвятой Богородицы и милостью Божией.
Молитвенная традиция: К образу обращаются с молитвой воины перед решающей битвой. Слава русского оружия зиждется на покровительстве Божией Матери. Люди, потерявшие надежду на выздоровление, просят об исцелении и укреплении; матери обращаются с просьбой взять под защиту их детей. Искренность и глубокая вера помогут молитвам дойти до Пречистой Девы.
Благодатный омофор укроет изнуренного болезнями человека, если он сам или его близкие будут горячо молиться Пресвятой Богородице пред Ее иконой Покрова. От злых козней, наговоров и сплетен завистников и недоброжелателей спасет обращение к святому образу.
Пред иконой молятся также о поправлении материального положения и жилищных условий, об избавлении от уныния и грусти, девушки молятся об обретении суженого, обретении любви и второй половинки.
Празднование: 1 / 14 октября.
АКАФИСТ ПОКРОВУ ПРЕСВЯТОЙ БОГОРОДИЦЫ
Кондак 1
Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.
Икос 1
Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.
Кондак 2
Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.
Икос 2
Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.
Кондак 3
Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.
Икос 3
Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.
Кондак 4
Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.
Икос 4
Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.
Кондак 5
Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.
Икос 5
Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.
Кондак 6
Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.
Икос 6
Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.
Кондак 7
Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.
Икос 7
Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.
Кондак 8
Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.
Икос 8
Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.
Кондак 9
Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.
Икос 9
Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.
Кондак 10
Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.
Икос 10
“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.
Кондак 11
Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.
Икос 11
Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.
Кондак 12
Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.
Икос 12
Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.
Кондак 13
О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.
(Этот кондак читается трижды, затем икос 1 и кондак 1)
Молитвы Покрову Пресвятой Богородицы
Молитва первая
О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
Молитва вторая
Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.
Тропарь Покрову Пресвятой Богородицы
Тропарь, глас 4
Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.
Величание
Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.
