Праведный Иоанн Русский

Праведный  Иоанн  Русский

Праведный  Иоанн  Русский  прославился в  XVII  —  XVIII  веке  своим  благочестием,  смирением,  твердой  и  непоколебимой  верой  в  Бога,  находясь  при  этом  в  турецкой  неволе.  Дар  чудотворений  он  снискал  от  Господа  только  благодаря  своей  искренней  детской  вере  и  глубокой  убежденности  в  силу  молитвы,  в  то,  что  Бог  слышит  и  исполняет  просимое  во  благо.

Житие:  Праведный  Иоанн  Русский  родился  в  казацкой  семье  около  1690  года  на  землях  Войска  Запорожского  в  Русском  царстве.  Будучи  рекрутом  в  армии  Петра I,  принимал  участие  в  русско-турецкой  войне  1710-1713  годов.  Предположительно  под  Азовом,  во  время  Прутского  похода,  он  был  взят  в  плен  союзниками  турок — татарами.

После  пленения  праведный  Иоанн  Русский  был  переправлен  в  Константинополь  и  продан  в  рабство  начальнику  турецкой  кавалерии  по  имени  Ага,  так  во  всяком  случае  он  именуется  в  житии  святого  Иоанна.  Ага  привез  Иоанна  к  себе  на  родину  в  Малую  Азию,  Каппадокию,  в  селение  Ургюп  (Прокопион).  Его  настойчиво  заставляли  принять  ислам,  мучали  и  издевались  над  ним,  называя  его  «гяуром»  (неверным).

Но  праведный  Иоанн  Русский  остался  верен  христианству,  со  смирением  сносил  все  издевательства,  жестокие  побои,  насмешки,  унижения,  утверждая,  что  лучше  умереть,  чем  впасть  в  грех  вероотступничества.  При  этом  он  трудился  добросовестно,  выполняя  свои  обязанности  с  любовью  и  усердием,  кротко  перенося  все  превратности,  чем  вызывал  насмешки  других  рабов.  

Это  снискало  некоторое  уважение  турок,  и  со  временем  они  стали  меньше  обижать  его,  а  хозяин  даже  предложил  ему  однажды  перейти  в  отдельное  помещение  и  жить  свободным.  От  такого  заманчивого  предложения  праведный  Иоанн  Русский  отказался  наотрез,  сказав,  что  раз  Господь  попустил  ему  жить  на  чужбине  и  в  рабстве,  значит  это  полезно  для  его  спасения.  Так  и  продолжал  праведник  жить  в  конюшне,  ухаживая  за  лошадьми.

Ночами  он  молился.  Ел  праведный  Иоанн  Русский  очень  мало,  строго  соблюдая  пост.  Часто  тайно  по  ночам  ходил  святой  Иоанн  в  пещерную  церковь  святого  великомученика  Георгия,  расположенную  на  вершине  горы  напротив  дома  хозяина.  Там  на  паперти  коленопреклоненно  читал  он  молитвы  всенощного  бдения  и  каждую  субботу  причащался  Святых  Христовых  Таин.

Хозяин  святого  Иоанна  вскоре  разбогател  и  стал  самым  влиятельным  человеком  Прокопиона.  Он  понимал,  благодаря  чьим  молитвам  это  произошло,  и  часто  рассказывал  об  этом  согражданам.  А  один  случай  еще  более  укрепил  его  в  этом  мнении.  Однажды  Ага  уехал  в  паломничество  в  Мекку.  Жена  его,  подавая  на  стол  его  любимый  плов,  посетовала,  что  хозяина  нет  дома.

Праведный  Иоанн  Русский,  услышав  это,  попросил  дать  ему  блюдо  с  пловом,  обещая,  что  отправит  его  хозяину.  Все  посмеялись  над  ним,  но  плов  ему  хозяйка  дала,  решив,  что  он  хитрит  и  сам  хочет  им  полакомиться.  Праведник  долго  и  усердно  молился,  по  детски  веря,  что  Господь  исполнит  его  просьбу.  Каково  же  было  удивление  домочадцев,  когда  хозяин  по  приезду  привез  блюдо  и  рассказал  дивную  историю  о  появлении  этого  блюда  с  пловом  в  Мекке.

Весть  о  чуде  распространилась  по  всему  селу  и  окрестностям.  Праведная  жизнь  святого  Иоанна,  его  трудолюбие  и  кротость  умилили  турков  и  они  стали  называть  его  «Вели» — «Святой».  Праведный  Иоанн  Русский  продолжал  трудиться  днем  на  хозяина,  а  ночью  усердными  молитвам  во  славу  Божию.  И  вот  настало  ему  время  отойти  в  мир  иной. 

Праведный  Иоанн  Русский  заболел  и  лежал  в  конюшне  в  предчувствии  смерти.  Ему  очень  хотелось  приобщиться  Святых  Таин,  и  он  попросил  позвать  православного  священника.  Священник  пришел  и  принес  ему  Святые  дары  в  яблоке,  опасаясь  гнева  турок.  Причастившись,  праведный  Иоанн  Русский  тот  же  час  предал  свою  душу  в  руки  любимого  им  всем  сердцем  Господа.  Произошло  это  27  мая  1730  года.

Когда  хозяину  сообщили,  что  его  раб  Иоанн  умер,  он  позвал  священников  и  попросил  похоронить  праведника  со  всеми  почестями  по  вере  его.  На  погребение  собрались  все  христиане,  жившие  в  Прокопионе.  Тело  святого  несли  со  слезами  благоговения,  в  окружении  свечей  и  кадильниц,  до  храма  святого  Георгия,  где  его  и  упокоили.

Очень  скоро  местные  жители  стали  почитать  праведного  Иоанна  русского  как  святого,  так  как  многие  чудеса  совершались  на  его  могиле:  парализованные  начинали  ходить,  бесноватые  успокаивались,  слепые  прозревали,  болящие  исцелялись.  Когда  три  года  спустя  его  мощи  были  вскрыты,  после  видения  священнику,  то  оказались  они  нетленными  и  благоуханными.  Это  благоухание  сохраняется  вплоть  до  наших  дней.

Праведный  Иоанн  Русский   

Мощи  святого  были  положены  в  специально  изготовленную  раку.  К  ним  стали  стекаться  паломники  со  всего  мира.  Причем  не  только  православные,  но  и  мусульмане,  католики,  протестанты — все,  притекавшие  к  святыне  с  верой  и  молитвой  получали  исцеление.

Следующее  событие  произошло  в  1832  году,  когда  войско  турецкого  султана  Махмуда  II,  подавляя  восстание  Ибрахима-паши  вошло  в  Прокопион.  Солдаты  начали  грабеж,  который  не  миновал  и  храма  святого  Георгия.  Мощи  святого  Иоанна  были  вынесены  во  двор  и  брошены  в  костер,  но  пламя  не  тронуло  святыню.  Варвары  еще  раз  попытались  их  поджечь.

И  тут  пред  ними  предстал  святой  праведный  Иоанн  Русский  и  грозно  стал  им  пенять  за  дерзость.  Турки  так  перепугались,  что  в  панике  кинулись  бежать,  не  взяв  даже  награбленное.  На  другой  день  верующие,  придя  к  храму,  обнаружили  мощи  святого  среди  обгоревших  углей  совершенно  невредимым.  Они  покрылись  копотью,  но  остались  такими  же  благоуханными.  Их  снова  поместили  в  раку.

В  1845  году  в  Прокопионе  выстроили  новый  каменный  храм  святого  Василия  Великого,  куда с  великими  почестями,  после  отслуженного  молебна  перенесли  мощи  праведного  Иоанна  Русского.  В  1898  году  был  построен  храм  в  честь  праведного  Иоанна  Русского  в  Прокопионе,  в  котором  пребывали  святые  мощи  его  до  1924  года. 

Правая  рука  святого  была  отделена  от  мощей  и  передана  русскому  монастырю  святого  великомученика  и  целителя  Пантелеймона  на  Афоне  в  благодарность  за  помощь  при  строительстве  храма  святого  Иоанна. 

Праведный  Иоанн  Русский

В  1924  году  христиане  Прокопиона  переехали  на  остров  Эвбея  в  село  Ахмет-Ага,  переименованное  в  Неопрокопион,  куда  были  перевезены  и  святые  мощи  праведного  Иоанна  и  помещены  в  храме  святых  Константина  и  Елены.  В  1951  году  был  построен  храм  в  честь  праведного  Иоанна  Русского,  где  ныне  рака  с  мощами  пребывает,  привлекая  множество  паломников.

Рака  с  мощами  Иоанна  Русского 

Святой  праведный  Иоанн  Русский  почитается  в  Греции  не  менее,  чем  в  России  святитель  Николай  Чудотворец  и  преподобный  Серафим  Саросвкий.  Имя  святого  праведного  Иоанна  Русского,  канонизированного  Константинопольской  Церковью,  внесено  в  Месяцеслов  Русской  Православной  Церковью  в  1962  году.

Молитвенная  традиция:  Святому  Иоанну  молятся  об  исцелении  тяжких  болезней  душевных  и  телесных,  при  параличе,  слепоте,  онкологии,  бесновании  и  во  всех  трудных  жизненных  обстоятельствах,  о  помощи  и  защите  в  пути.

Память:  27  мая  /  9  июня.

  

Тропарь,  глас 4

Ко Иоанну, вернии, ныне притецем, сущии в бедах и напастех, и припадем, благочестно зовуще из глубины души: праведне, помози нам, твоим молитвенником, потщися и избави належащия нужды, не презри молитвы скорбныя притекающих ко крову твоему, святе.

Кондак, глас 4

Евангельския любве служителя, правды Божия ревнителя, чистоты душевныя и телесныя хранителя, веру Христову исповедавша в страданиих, праведнаго Иоанна ублажаем и почитаем днесь, и житием его назидающеся, поем: радуйся, молитвенниче наш, от Бога прославленный.

МОЛИТВА   1

О, великий угодниче Божий, святый праведный Иоанне Русский, просиявый в земли Асии равноангельным житием твоим, ревностию о Господе и подвигами во исповедании веры Христовы, града Прокопиона Новаго и всея Еллады пресветлое украшение, богохранимей стране и Русской, лю́дем ея и во всем мире живущым православным христианом помоще и крепкое заступление! Благодарим Господа, дивнаго во святых Своих, в вере истинней непоколебимо тя утвердившаго, в стоянии за исповедание ея укрепившаго и доброе скончание подвига многотруднаго даровавшаго, последи же многая и великая чудеса нам явившаго чрез многоцелебную раку мощей твоих. Ныне, предстоя Небесному Царю́, испроси у Него избавити вся грады и веси страны Русския и земли Елладския от глада, труса, огня, смертоносных болезней, от нашествий иноплеменных и междоусобной брани, исходатайствуй христолюбивому воинству нашему во бранех с врагами Отечества нашего победу и одоление. Помози всем путешествующим, болящим, в заточении сущим, скорби и гонения за святую веру Православную терпящим. Соедини всех православных людей любовию ко Христу Богу нашему и Церкви Его Святей, даруй нам дух любве и мира к братскому единению всех верных. Умоли Господа, да подаст нам дух покаяния и сокрушения о гресех наших и всесильною Своею благодатию да поможет и укрепит в борьбе со страстьми и похотьми, да дарует нам дух смирения и кротости, дух братолю́бия и незлобия, дух ревности по Бозе о спасении ближних.

Помяни и нас, грешных, молящихся тебе: страждущих и болящих исцели, скорбящих утеши, бедствующым скорую помощь подаждь, всем же чтущым и лю́бящым тя испроси христианскую кончину живота, безболезненну, непостыдну, мирну и добрый ответ на Страшнем Судищи Христове. Буди нам помощник и покровитель во спасение, да твоими молитвами сподобимся в нынешнем и будущем веце прославляти в Троице поклоняемаго Бога, Отца, и Сына, и Святаго Духа ныне и присно, и во веки веков. Аминь.

МОЛИТВА   2

О, всеблаженный исповедниче Христов и великий чудотворче Иоанне, Еввии сокровище, Греческия страны похвало и людей Русских сродниче!
Ты в пленении агарянстем лю́тая мучения за Христа претерпел еси, благочестием же своим, подвиги и чудесы верныя премного укрепил еси, неверныя же умягчил еси и просветил еси, по кончине же безчисленными чудесы и исцеленьми просияваеши. Вемы, угодниче Божий, яко велие дерзновение имаши ко Господу, нам же, бедствующым, состраждеши тако тепле, яко не терпиши и зрети ны в лю́тых недузех или тяжких скорбех сущих, и сего ради и непризываемый скоро притекаеши, телеса и души врачуя, бесы изгоняя, заблуждшия обращая, наипаче же от младенец всякую болезнь и горесть отгоняя.

Се бо и ныне греси мнози отяготиша ны и изнуряющими скорбьми души наша сотрошася, силы же телесныя оскудеша, и како унынию и тягостней печали противостати возможем, аще не ты сам, святче Божий, востанеши по нас и противу врагов наших благодатне ополчишися! Испроси же, благоприятными твоими ко Господу молитвами, совершенное исцеление телесными недуги страждущим, всем же спасительное терпение и благодарение; скорби, бесовския наветы и искушения отврати; вся же, елика попустит Господь, научи во очищение понести благоразумне; нас же, во тьме неведения и забвения заповедей Божиих сущих, просвети, выну неуклонне творити волю Божию настави, бесплодия духовнаго разреши, очищение, освящение и просвещение душам нашим даруй; да с тобою вкупе прославим Всеблагаго Бога и Пречистую Богородицу во веки веков. Аминь.

АКАФИСТ    ПРАВЕДНОМУ   ИОАННУ   РУССКОМУ

Одобрен  15  июля  2016  года  Священным  Синодом  (журнал  №71).

Утвержден  для  общецерковного  использования.

Тропарь, глас 4:
От земли пленения твоего/ воззвавый тя к Небесным селением, / Господь соблюдает невредимо и цельбоносно тело твое,/ праведне Иоанне,/ ты бо, в России ятый и во Асию проданный, посреде агарянскаго злочестия благочестно пожил еси во мнозе терпении / и, сеяв зде слезами,/ жнеши тамо неизглаголанною радостию.// Темже моли Христа Бога спастися душам нашим.

Кондак, глас 8:
В честней памяти твоей, святе,/ веселится о тебе Россия,/ во благочестии тя воспитавшая,/ и целебным мощем твоим радуется Асия,/ идеже, узкий путь прошед страдальческаго плена и постнических подвигов,/ сосуд честен явился еси Божия благодати,/ еяже проси и нам, чтителем твоим, да зовем ти:// Радуйся, Иоанне, благодати тезоимените.

Кондак 1
Избраннаго исповедника Христова и чудотворца предивнаго, поборника святыя веры православныя, Русскою землею рожденнаго и в земли Еллады возсиявшаго, святаго праведнаго Иоанна похвальными песньми почтим; ты же, угодниче Божий, яко предстояй пред престолом Царя Славы, от всяких нас бед свободи, с любовию и благодарением зовущих ти: Радуйся, страдальче праведный Иоанне, терпению и кротости нас научаяй.

Икос 1
Ангелов Творец и всея твари Создатель избра тя, праведне Иоанне, во еже народы Святой Руси и Еллады духовно соединити, и яви тя Церкви Своей Святей великаго чудотворца, имущаго к Нему дерзновение молитися о исцелении недугов душевных и телесных, о избавлении от всяких бед и скорбей. Темже мы, сынове русские, благоговейне приклоняем пред тобою колена сердец наших и умиленно глаголем:
Радуйся, земный Ангеле и человече небесный;
радуйся, благодати тезоименитый.
Радуйся, кротости и послушания образе;
радуйся, молитвы благоуханное кадило.
Радуйся, терпением злобу мира сего победивый;
радуйся, венцем исповедническим от Господа украшенный.
Радуйся, земли Асии подвиги своими озаривый;
радуйся, чудесы твоими землю Еллады наполнивый.
Радуйся, Русская звездо зéмли вся просвещаяй;
радуйся, Отечество земное молитвами твоими не оставляяй.
Радуйся, Христа ради на земли пострадавый;
радуйся, с Ним на Небесех воцаривыйся.
Радуйся, страдальче праведный Иоанне, терпению и кротости нас научаяй.

Кондак 2
Видя Христос Господь благое намерение сердца твоего, Иоанне блаженне, предначерта ти тернистый и многотрудный путь спасения: егда был еси с воинством царя Петра, плениша тя агаряне и в раба продаша в землю Асии во град Прокопион, идеже ты пребыл еси непоколебим в вере православней и жизнь твою́ посвятил еси Богу, непрестанно усты и сердцем воспевая Ему: Аллилуиа.

Икос 2
Разум богопросвeщенный и веру несумненную имел еси, святче Божий, егда гнева агарян не устрашився, исповеда себе христианина быти и радостно восприял еси биения, узы железныя, огнем жжение и многи муки нестерпимыя. Темже вси, таковому твоему дерзновению и мужеству дивящеся, глаголем:
Радуйся, во страсе Божии добре воспитанный;
радуйся, закону Господню верно наученный.
Радуйся, от ю́ности твоея всего себе Богу предавый;
радуйся, в молитве утешение духовное обретавый.
Радуйся, злобы агарян не устрашивыйся;
радуйся, муки нестерпимыя победно претерпевый.
Радуйся, за Господа распятаго огнем от мучителей опаленный;
радуйся, Христовым страстем в телеси твоем приобщивыйся.
Радуйся, терпение крепкое во страданиих явивый;
радуйся, от веры Православныя не отступивый.
Радуйся, Христа единаго всем сердцем возлюбивый;
радуйся, воине Христов непобедимый.
Радуйся, страдальче праведный Иоанне, терпению и кротости нас научаяй.

Кондак 3
Силою Вышняго укрепляемь, со дерзновением проповедал еси Единаго Истиннаго Бога пред мучители твоими. Злочестивый господин твой, надеяся уловити тя и к вере своей привлещи, тело твое начат истязати. Ты же, страстотерпче Христов, жестокая биения от него претерпевая, укрепляющему тя Богу из глубины сердца воспевал еси: Аллилуиа.

Икос 3
Имея в души своей пламенное желание последовати Агнцу Божию, пострадавшему спасения нашего ради, праведне Иоанне, не убоялся еси мучений и молился еси за враги твоя и мучители, и от веры во Христа никакоже отступил еси, вопия Ему: «Ничтоже мя разлучит от любве Твоея, Христе Боже». Сего ради величаем тя сице:
Радуйся, веры Христовы адаманте о несокрушимый;
радуйся, о мире сем молитвенниче усердный.
Радуйся, даже до крове за Христа пострадавый;
радуйся, в мужестве непоколебимем пребывый.
Радуйся, в мучениих благодатию свыше укрепленный;
радуйся, свирепство мучителей победивый.
Радуйся, страстем Христовым подражателю;
радуйся, врагов Церкве посрамителю.
Радуйся, веру, надежду и любовь к Богу до конца сохранивый;
радуйся, подвигом твоим христиан Прокопиона возвеселивый.
Радуйся, в сердце твоем образ Христа носивый;
радуйся, страданьми за Него Царство Небесное наследивый.
Радуйся, страдальче праведный Иоанне, терпению и кротости нас научаяй.

Кондак 4
Буря лю́тых мук и страстей мира сего не потопи корабля души твоея, праведне Иоанне, ты бо в телеснем пленении благодушие и кротость, незлобие и смирение явил еси, и якоже Ангел на земли пожил еси, в трудех, посте и молитве подвизаяся, кесарю кесарево, а Божие Богови отдавая по слову Господа, нощию же без сна пребывая, о прощении своих согрешений, наипаче же о творящих ти обиды и озлобления моляся, с любовию поя Богу: Аллилуиа.

Икос 4
Слышавше и видевше дивное твое житие, о, смирение и премногую добродетель, гонители твои удивишася и прославляху тебе яко человека праведна. Егда же лю́тый господин твой узре в дому своем молитв твоих ради изобилие во всем и даде тебе ослабу, ты, огнем любве ко Господу окриляемь, умножил еси труды подвижническия, на всяку нощь течением слез помост притвора церковнаго в молитве орошая. Помози убо и нам подражати тебе, укрепи нас, от мглы страстей избави и даруй мужество духовное всем прибегающим ко предстательству твоему и вопию́щим тебе таковая:
Радуйся, уничижением твоим убогому Лазарю уподобивыйся;
радуйся, терпением твоим с многострадальным Иовом сравнивыйся.
Радуйся, смирением Христу усердно подражавый;
радуйся, подвигом твоим Ангелов удививый;
Радуйся, трудниче прилежный, земному господину верно послуживый;
радуйся, кротостию и благостию своею сердце его умягчивый.
Радуйся, за творивших ти обиды молитвы возносивый;
радуйся, злобу их на милость преложивый.
Радуйся, на паперти церковней нощи в молитвах проводивый;
радуйся, ао среди мрака зловерия благочестием просиявый.
Радуйся, яко за ненавидящих и обидящих нас молитися подвизаеши.
радуйся, яко любве и милосердия ко всем лю́дем исполняеши;
Радуйся, страдальче праведный Иоанне, терпению и кротости нас научаяй.

Кондак 5
Боготечная звезда, от Святой Руси возсиявшая, явился еси, блаженне Иоанне, блистая чистотою Ангельскою и лучами добродетелей твоих земли Асии и Еллады озарив. Егда же ты болен бе и, день своея кончины от Бога ведая, восхотел еси причаститися Святых Христовых Таин, иерей, Богом вразумленный, принесе тебе Святыя Дары во яблоце, ихже прием, праведную душу твою́ в руце Божии предал еси и, светильник нося, полн елея добрых дел, вшел еси в Царствие Небесное, во еже непрестанно со всеми святыми воспевати всех святых Святейшему Слову: Аллилуиа.

Икос 5
Видевше лю́дие града Прокопиона богоугодное житие твое и блаженную кончину, со слезами и благоговением погребоша тело твое во храме святаго великомученика Георгия. По кончине же твоей мнози недужнии, не токмо православнии, но и латиняне, и агаряне получаху исцеления у гроба твоего, благодарение Богу приносяще. Сего ради тебе, яко теплому молитвеннику о всех страждущих, взываем тако:
Радуйся, сердце твое покаянными слезами омывый;
радуйся, плачем и молитвами к смерти себе приуготовивый.
Радуйся, яко всех обидящих тя простил еси;
радуйся, яко незлобием Христовым духа злобы победил еси.
Радуйся, в чистоте душу и тело сохранивый;
радуйся, кончину свою́ предуведевый.
Радуйся, праведно жизнь земную скончавый;
радуйся, возлюбившему тя Господу душу предавый.
Радуйся, яко венцем безсмертия от Господа венчался еси;
радуйся, яко вечней радости по смерти приобщился еси.
Радуйся, яко церковь великомученика Георгия прият честное тело твое;
радуйся, яко во обителех Небесных водворися святая душа твоя.
Радуйся, страдальче праведный Иоанне, терпению и кротости нас научаяй.

Кондак 6
Проповедник чудес и славы Божия явися клирик некий града Прокопиона, егда узре в соннем видении блаженнаго Иоанна, повелевающаго открыти гроб, в немже обретаются нетленныя мощи его. Темже вернии молитвенно возопиша ко Господу, да явит Он лю́дем мощи Своего избранника, зовуще со благодарением Ему: Аллилуиа.

Икос 6
Возсиял еси, яко новое светило всему христианскому роду, праведне Иоанне, егда Божиим изволением обретено бысть нетленное и благоуханное тело твое, источающее обилие чудес всем с верою к твоему заступлению прибегающим. Темже уврачуй и возвесели нас, верою и любовию тебе взывающих:
Радуйся, на земли, яко безплотен, поживый;
радуйся, праведниче Божий, в чудесех просиявый.
Радуйся, иерею церкве святаго Георгия явивыйся;
радуйся, святыя мощи твоя тому открыти повелевый.
Радуйся, яко Христос с Небесе на святыя мощи твоя знамением указа;
радуйся, яко столп огненный над ними Господь чудно яви.
Радуйся, яко нетлением тело твое Господь прославляет;
радуйся, яко благоуханием от него Той верных возвеселяет.
Радуйся, яко мощей твоих демони трепещут;
радуйся, сосуде Божественныя благодати.
Радуйся, яко во Царствии Небеснем со святыми пребываеши;
радуйся, яко и нас, грешных, на земли не оставляеши.
Радуйся, страдальче праведный Иоанне, терпению и кротости нас научаяй.

Кондак 7
Хотящим врагом град твой разорити и мощи твоя огню́ предати, явися страшное и преславное чудо: воини увидеша тя, Иоанне, стояща посреде огня и оставити град грозно им повелевающа. Тии же, о видении ужасошася и вон бежаша и никоегоже зла сотвориша. Вернии же лю́дие паки обретоша мощи твоя, к нимже и мы припадающе, вопием Богу победную песнь: Аллилуиа.

Икос 7
Новаго тя чудотворца и молитвенника во времена последняя дарова нам Человеколю́бец Господь, егда вера оскуде, любы охладе, надежда поколебася. Темже молим тя, праведне Иоанне, не остави нас, грешных и слабых, в годину испытаний, укрепи молитвами твоими всех лю́бящих тя и вопию́щих ти таковая:
Радуйся, верных надеждо и заступление;
радуйся, неверных страх и посрамление.
Радуйся, яко подвиги твоими град Прокопион освятил еси;
радуйся, яко молитвами твоими землю Еллады облагоухал еси.
Радуйся, свет Христов в сердце твоем носивый;
радуйся, тьму жизни нашея светом оным озаряяй.
Радуйся, о лю́дех страны Греческия молитвенниче неусыпный;
радуйся, помощниче лю́дем Русским Богодарованный.
Радуйся, градом и храмом от разорения защищение;
радуйся, православных христиан скорое прибежище.
Радуйся, яко ныне со всеми святыми престолу Божию предстоиши;
радуйся, яко неизреченную славу Господню созерцаеши.
Радуйся, страдальче праведный Иоанне, терпению и кротости нас научаяй.

Кондак 8
Странник и пришлец был еси в стране пленения твоего, угодниче Божий, взыскуяй Горняго Иерусалима, и тако буее мирским людем, премудрое же о Христе житие пожив, добродетельми многими к Богу приблизился еси, научая всех верных искати единаго на потребуее. Сего ради Сам Господь, видя смирение твое, возвеличи тя благодатию Своею, Егоже восхваляюще, поем Ангельскую песнь: Аллилуиа.

Икос 8
Весь был еси любве Божественныя исполнен, блаженне, светом благодати Божия сияя пред человеки, и святыя мощи твоя источник есть исцелений, сокровище чудес, небесных аромат вместилище. Сего ради, дерзновение велие ко Господу имея, молишися за христианы, во всем мире живущия, и верою тя на помощь призывающим пособствуеши. Не остави убо и нас благодатною твоею помощию и заступлением, да благодарно тебе зовем:
Радуйся, даром любве к Богу и ближним исполненный;
радуйся, верою чудодейственною озаренный;
Радуйся, в молитвах и бдениих предивный наш учителю;
радуйся, всех приходящих к тебе скорый утешителю.
Радуйся, росу исцелений верным источаяй;
радуйся, недуги лю́тыя прогоняяй;
Радуйся, милости сокровище неистощимое.
радуйся, православных пристанище тихое.
Радуйся, в сониих и видениих страждущих посещаяй;
радуйся, в бедах и напастех помощь им подаваяй.
Радуйся, странниче, во Отечество Небесное вшедый;
радуйся, во всем мире христианстем прославленный.
Радуйся, страдальче праведный Иоанне, терпению и кротости нас научаяй.

Кондак 9
Всякое естество человеческое удивися, видевше чудеса преславная, от мощей праведнаго Иоанна истекающая, мнози убо восхотеша части их во иныя места и грады отделити, обаче всем хотящим взяти их ты, угодниче Божий, возбранял еси. Егда же святогорцы русскаго монастыря моляхуся, да часть мощей твоих даруется им, благоволил еси еже принести им в Вертоград Богоматере десную руку твою́ в благословение и утешение. И бысть велие торжество: вси иноцы обители Пантелеимоновы, колена приклоньше, сретоша десную руку твою́, от града Прокопиона принесенную, воспевающе Богу благодарственную песнь: Аллилуиа.

Икос 9
Ветии многовещаннии не возмогут изрещи силу любве православных еллинов, иже изгнани бывше от Прокопиона неверными, изнесоша многоцелебныя мощи твоя, праведне Иоанне, на остров Еввию, идеже воздвигоша велий благолепный храм во имя твое, в немже и положиша оя их. Темже и мы, молящеся во храме сем и предстояще пред ракою твоею, чудесы благоухающею, прилежно молим тя: услыши нас, твоего предстательства просящих и благоговейне вопию́щих:
Радуйся, верных и неверных в бедах утешителю;
радуйся, храму, во имя твое созданному, Божественный покрове;
Радуйся, страну Греческую и лю́ди ея возлюбивый;
радуйся, яко мощами твоими во Елладу приити изволивый
Радуйся, града Неопрокопиона святый покровителю.
радуйся, всей стране Гречестей незаходимое светило;
Радуйся, мощами твоими Гору Афонскую посетивый;
радуйся, нетленною десницею обитель Пантелеимонову благословивый.
Радуйся, яко братии Афонскаго вертограда в подвизех скоро помогаеши;
радуйся, яко и Отечество твое, Русь Святую, не оставляеши.
Радуйся, яко имя твое по всей вселенней призывается.
радуйся, яко вера христианская тобою прославляется.
Радуйся, страдальче праведный Иоанне, терпению и кротости нас научаяй.

Кондак 10
Спасение в бедах и напастех восхотев дати Господь верным чадом Своим, яви нам тя, угодниче Божий, приял бо еси благодать целити недуги всем притекающим к тебе с молитвою: кровоточивии бо и прокаженнии прикосновением к раце мощей твоих очищаются, глусии слышат, разслабленнии здрави бывают, слепии прозревают. Мы же, поминающе скорое заступление твое, благодарным гласом восхваляем Бога, пою́ще Ему песнь: Аллилуиа.

Икос 10
Стена еси стране Гречестей и народу ея благочестивому, праведне Иоанне, и необоримый заступник всем призывающым имя твое, зане тако благоволи Сам Господь быти тебе защитнику христиан не токмо земли Еллады, но всех лю́бящих и чтущих тя людей православных. Темже Елладския Церкве лю́дие, Афонских отец собори, Руси Святыя вернии и во всякой стране чтущии Бога восхваляют тя сице:
Радуйся, стражу земли Еллады, нечестивыя отгоняяй;
радуйся, всех благочестивых людей ея от бед избавляяй.
Радуйся, яко всем христианом благодатную помощь подаеши;
радуйся, яко целебныя дары повсю́ду точиши.
Радуйся, от Господа власть на духи нечистыя приемый;
радуйся, силою Божиею их изгоняяй.
Радуйся, оставленным врачами предивное поможение;
радуйся, от смертоносных язв многим свобождение.
Радуйся, болящих младенцев благонадежный врачевателю;
радуйся, скорбящих их родителей благий утешителю.
Радуйся, проповедниче покаяния и ходатаю о нашем спасении;
радуйся, учителю смиренномудрия и долготерпения.
Радуйся, страдальче праведный Иоанне, терпению и кротости нас научаяй.

Кондак 11
Пение всеумиленное приносим Христу Богу, прославльшему тя, праведне Иоанне, яко дарова нам великаго заступника, утешителя и молитвенника о спасении православных христиан, по всему лицу земли обитающих. Темже славим тя, просяще твоего предстательства пред Господем о стране нашей Русской, да избавимся от нашествий иноплеменных и междоусобной брани, и возможем в мире и тишине воспевати Христу Богу песнь: Аллилуиа.

Икос 11
Светозарный светильник Божия благодати явился еси, праведне Иоанне, духовным сиянием подвигов твоих и чудес просветивый земли Асии и Еллады. Ты бо, Русскою землею рожденный, повсю́ду источаеши чудес множество и молишися о всех лю́бящих и чтущих тя. Темже убо моли Христа Бога Отечеству твоему и всей стране Гречестей непоколебимым и безмятежным быти, от навет вражиих и от агарянскаго нашествия их огради, воинству православному победы на враги даруй, да к тебе, яко крепкому о нас молитвеннику, взываем сице:
Радуйся, Церкве Вселенския преславное украшение;
радуйся, о лю́дех православных пред Богом предстателю.
Радуйся, Ангеле земли нашея, во стране Гречестей просиявый;
радуйся, и во Отечестве своем благоговейне почитаемый.
Радуйся, во дни бед и испытаний чтущым тя защитниче;
радуйся, о лю́бящих тя теплый молитвенниче.
Радуйся, светильниче, омраченныя души просвещаяй;
радуйся, лампадо златая, елеем милости исполненная.
Радуйся, радости духовныя чтущим тя подателю;
радуйся, спасительное всем христианом прибежище.
Радуйся, ко очищению от страстей путеводителю;
радуйся, у престола Божия о нас, недостойных, ходатаю.
Радуйся, страдальче праведный Иоанне, терпению и кротости нас научаяй.

Кондак 12
Благодать Духа Святаго, живущая в тебе, блаженне, дивно показася в чудесех и исцелениих от нетленных твоих честных мощей, ихже любовию лобызающе, славим о тебе Христа Бога, дивнаго во святых Своих. Сего ради не забуди и нас, усердно призывающих тя во времена тяжких бед и напастей, от нихже молитвами твоими избави и не престани ходатайствовати пред Богом о даровании всем нам душевнаго спасения и телеснаго здравия, со благоговением пою́щим Ему: Аллилуиа.

Икос 12
Пою́ще подвиги многоболезненнаго жития твоего, почитаем страдания, хвалим долготерпение, славим кротость и смирение, ублажаем святую твою́ кончину и чтим тя, яко небеснаго предстателя нашего, ты бо от бед и скорбей избавляеши, недуги врачуеши, печали утоляеши всех почитающих тя. Благодарим и величаем прославившаго тя Господа, даровавшаго нам дивнаго молитвенника и чудотворца, Егоже умоли спастися всем пою́щим ти таковая:
Радуйся, Царя Небеснаго добропобедный воине;
радуйся, великий Христов угодниче.
Радуйся, яко плачем и скорбьми утешения вечнаго сподобился еси;
радуйся, яко кротостию своею и смирением землю праведных наследовал еси.
Радуйся, чистотою и целомудрием от Бога украшенный;
радуйся, цветом неувядаемым на Небеси почтенный.
Радуйся, Ангельских Воинств собеседниче;
радуйся, ликом преподобных и праведных совсельниче.
Радуйся, милостивое заступление Божия Матере к нам приклоняяй;
радуйся, со всеми святыми Престолу Божию ныне предстояй.
Радуйся, всех святых земли Русския сонаследниче;
радуйся, нас освещаяй любве светильниче.
Радуйся, страдальче праведный Иоанне, терпению и кротости нас научаяй.

Кондак 13
О, пречудный и преславный чудотворче, святый праведный Иоанне, земли Русския благодатное рождение, подвижников Еллады похвало и украшение. Приими от лю́бящих тя малое сие моление и принеси е ко Христу Богу нашему, да сохранит нас от враг видимых и невидимых, от недуга и глада, от всякия скорби и внезапныя смерти, и сподобит вкупе с тобою во Царствии Небеснем непрестанно пети Ему: Аллилуиа.

С  сайта  храма  праведного  Иоанна  Русского  в  Москве  (Кунцево)

  

Добавить комментарий

Ваш e-mail не будет опубликован. Обязательные поля помечены *