Преподобный Кирилл Белоезерский

Преподобный  Кирилл  Белоезерский  (в  миру  Косма)  родился  в  Москве  у  благочестивых  родителей  из  обедневших  дворян.  В  юные  годы  он  остался  сиротой  и  жил  у  своего  родственника,  боярина  Тимофея  Васильевича  Вельяминова,  окольничего  при  дворе  великого  князя  Димитрия  Донского  (1363-1389).  Семья  Веляминова  приняла  Косму  с  любовью  и  очень  не  хотела  с  ним  расставаться,  но  светская  жизнь  тяготила  юношу.

По  просьбе  преподобного  Стефана  Махрищского  († 1406; память 14 июля)  боярин,  после  долгих  уговоров,  отпустил  Косму  в  Симонов  монастырь,  где  он  и  принял  постриг  от  святого  Феодора  († 1394, память 28 ноября)  с  именем  Кирилл.  Архимандрит  Феодор,  настоятель  монастыря,  был  племянником  и  постриженником  преподобного  Сергия  Радонежского. 

Иноческие  послушания  преподобный  Кирилл  Белоезерский  исполнял  под  руководством  строгого  подвижника,  старца  Михаила,  впоследствии  епископа  Смоленского.  Старец  научил  его  непрестанной  Иисусовой  молитве,  борьбе  со  страстями  и  искушениями,  духовной  брани.  Ночью  старец  читал  Псалтирь,  а  преподобный  Кирилл  Белоезерский  клал  поклоны,  но  по  первому  удару  колокола  шел  к  утрени. 

Преподобный  Кирилл  Белоезерский  не  раз  просил  у  старца  дозволения  вкушать  пищу  через  2-3  дня,  но  опытный  наставник  не  разрешил  этого,  а  благословил  есть  каждый  день  с  братией,  только  не  до  сытости.  Послушание  преподобный  Кирилл  Белоезерский  нес  в  хлебопекарне:  он  носил  воду,  колол  дрова,  раздавал  хлеб. 

Когда  преподобный  Сергий  Радонежский  приходил  в  Симоновскую  обитель,  то  прежде  прочих  посещал  и  долгие  часы  с  любовью  беседовал  с  преподобным  Кириллом.  Великий  прозорливец  провидел  в  нем  истинного  своего  преемника  по  духу  и  продолжателя  его  заветов.

Из  хлебопекарни  преподобного  Кирилла  перевели  в  поварню,  и  святой  говорил  себе,  смотря  на  пылающий  огонь:  «Смотри,  Кирилл,  не  попасть  бы  тебе  в  вечный  огонь».  Девять  лет  трудился  в  поварне  преподобный  Кирилл  Белоезерский  и  стяжал  дар  умиленных  покаянных  слез,  такое  умиление,  что  не  мог  без  слез  вкушать  хлеб,  благодаря  Господа.

Избегая  славы  человеческой,  преподобный  временами  стал  юродствовать  ради  привлечения  на  себя  поношений  и  приобретения  смирения.  В  наказание  за  нарушение  благочиния  настоятель  назначил  ему  в  пищу  на  40  дней  хлеб  и  воду;  преподобный  Кирилл  Белоезерский  с  радостью  понес  это  наказание.  Но  как  ни  таил  святой  свою  духовность , опытные  старцы  понимали  его  и  против  воли  заставили  принять  сан  иеромонаха.

В  свободное  от  служения  время  преподобный  Кирилл  Белоезерский  ставил  себя  на  чреду  послушника  и  занимался  тяжелыми  работами.  Когда  святой  Феодор  был  посвящен  в  архиепископа  Ростовского,  братия  в  1390  году  избрала  преподобного  Кирилла  архимандритом  обители.  Но  святого  не  привлекали  ни  слава,  ни  почести,  его  тяготили  труды  по  управлению  обителью,  по  душе  ему  была  уединенная  молитва.

Преподобный  ушел  на  покой  и  затворился  в  Старом  Симонове,  где  располагалось  монастырское  кладбище.  Здесь  его  однажды  посетила  Пресвятая  Богородица.  Во  время  ночной  молитвы  он  увидел  прекрасную  страну,  а  от  его  келейной  иконы  «Одигитрия»  он  услышал  чудный  голос:  «Кирилл,  изыди  отсюда  и  иди  на  Белоозеро.  Там  твое  место».

Как  раз  накануне  из  Белозерского  края  вернулся  духовный  друг  Кирилла,  постриженный  вместе  с  ним  старец  Ферапонт.  Поделившись  с  ним  ночным  видением,  преподобный  Кирилл  Белоезерский,  стал  расспрашивать  о  Белозерском  крае,  и  они  уговорились  вместе  отправиться  туда,  в  дикую  красоту  безмолвных  и  глухих  лесов,  для  молитвенного  уединения.

В  тот  же  день  оба  сподвижника  покинули  Симонов  монастырь  и  отправились  на  север.  Прибыв  на  Белоозеро,  преподобный  Кирилл  у  подножия  горы  Мауры  на  берегу  реки  Шексны  узнал  место,  указанное  ему  Царицей  Небесной  в  ночном  видении.  Преподобный  Кирилл,  получивший  с  той  поры  прозывание  Белоезерский,  понял,  что  Матерь  Божия  привела  его  на  предызбранное  Ею  место.

Старцы  ископали  землянки  и  некоторое  время  подвизались  вместе.  Затем  решили  расстаться  для  подвигов  уединения  и  полного  безмолвия.  Старец  Ферапонт  поселился  в  15  верстах  оттуда  на  перешейке,  соединяющем  два  озера.  Изредка  они  посещали  друг  друга  для  духовных  бесед.  Преподобный  Кирилл  Белоезерский  руководил  своим  сподвижником.

Сама  Пресвятая  Богородица  хранила  Своего  избранника  и  от  наветов  вражиих,  и  от  злых  людей  и  от  опасностей  пустыннической  жизни.  Не  раз  Она  буквально  выводила  его  из  пожара,  из-под  дерева,  рухнувшего  на  то  место,  где  он  только  что  лежал.  Слух  о  том,  куда  пропал  бывший  настоятель  Симонова  монастыря,  дошел  до  братии.

К  Белоозеру  потянулись  желающие  спасаться  вместе  с  преподобными.  Это  были  братия  из  монастыря,  а  также  отдельные  миряне.  Вокруг  землянки  преподобного  Кирилла  стали  селиться  иноки.  Так  был  заложен  знаменитый  Кирилло-Белозерский  монастырь  с  общежительным  уставом,  ставшим  на  несколько  веков  образцом  пустынничества.

Посвящена  была  обитель  Успению  Пресвятой  Богородицы.  Устав  был  очень  строг.  В  основе  общежития  лежали  молчание  и  уединенность.  Строгое  молчание  соблюдалось  в  церкви,  трапезной,  на  послушаниях.  Без  особой  нужды  в  келии  друг  к  другу  не  ходили,  да  и  то  по  благословению.  Выходы  из  обители  запрещались.  Раз  в  году  один  монах  ездил  в  мир  закупать  все  необходимое.

Преподобный  Кирилл  Белоезерский  управлял  обителью  с  любовью  и  смирением.  Обладая  даром  прозорливости  и  чудотворений,  он  смягчил  многие  сердца,  привел  к  покаянию  многих  непокорных  и  злобствующих,  сделал  друзьями  и  почитателями  многих  враждебно  настроенных  к  себе.  Он  исцелял  болезни  душевные  и  телесные  как  при  жизни,  так  и  после  своей  кончины.

Последние  дни  своей  жизни  преподобный  Кирилл  Белоезерский  провел  в  своей  келии  в  полном  молчании.  Ноги  уже  отказывались  ему  служить,  на  богослужение  в  храм  братия  носила  его  на  руках.  Но  служения  Божественной  литургии  он  не  оставлял,  и  в  последний  раз  совершил  ее  в  день  Святой  Пятидесятницы.

Преподобный  Кирилл  Белоезерский  отошел  ко  Господу  на  следующий  день,  9  июня  1427  года,  в  Духов  день,  девяноста  лет  от  роду,  приняв  Святые  Таины  Христовы  в  момент  отшествия  души  от  тела.  Общерусское  почитание  святого  началось  не  позднее  1447-1448  годов.

Мощи  преподобного  Кирилла  Белоезерского  почивают  под  спудом  в  главном  действующем  храме  Кирилло-Белозерского  монастыря,  носящем  имя  своего  основателя.  На  том  месте  у  подножия  горы  Мауре,  где  преподобный  узнал  место,  предызбранное  Царицей  Небесной,  стоит  поклонный  Крест,  на  месте  первого  поселения  преподобного  сделаны  каменные  сени,  в  которых  находится  землянка,  рубленная  святым  Кириллом.  

Память:  9  /  22  июня.

 

АКАФИСТ  преподобному  Кириллу  Белоезерскому

Одобрен  решением  Священного  Синода  4  июня  1882  года  № 885.

Утвержден  для  общецерковного  использования.

 

Кондак 1

Избранный от Царя сил Господа Иисуса, воине духовный и чудотворче предивный, преподобне Отче наш Кирилле, восхваляем Тя любовию в песнех духовных, святаго заступника нашего, ты же, яко имеяй благосердие многое, преклонися милостивне к нам воспевающим тя, и предстательством твоим ко Господу, от всяких бед свободи зовущих ти радостно: Радуйся, Кирилле, великий Чудотворче!

Икос 1

Ангел земный и человек небесный воистинну был еси, Отче преподобне, от утра жизни твоея до глубокаго вечера смертнаго, неленостно работавый Господеви в преподобии и святыни, нам же оставивый в пример подражания житие твое равноангельное, емуже чудящеся, и чудесы твоими просвещаеми зовем Ти гласы хвалебными сице:

радуйся, родителей благочестивых плод боголюбезный;

радуйся, первопрестольного града Москвы прозябение святое.

Радуйся, сиротствовавый в юности твоея;

радуйся, в сиротстве твоем Бога любовию усердною взыскавый.

Радуйся, в сыновство Божие свыше сопричтенный;

радуйся, вся богатства мира сего Христа ради презревый.

Радуйся, радости и утехи земные ни во что же вменивый.

Радуйся, едино тщание имевый, еже единому Богу благоугождати.

Радуйся, чтением писаний божественных душу твою напитавый;

радуйся, слезами молитвенными сердце твое уплодоносивый.

Радуйся, чистоту душевную и телесную непорочно сохранивый.

Радуйся, постом и воздержанием страсти юношеские обуздавый.

Радуйся, Кирилле, великий Чудотворче!

Кондак 2

Видев сродник твой, именитый болярин Самодержца Российскаго, благонравие души твоея, Отче преблаженне, возлюби тя и постави строителем дома своего, да печешися о потребах его, ты же молвами житейскими обуреваемый, зело болезновал еси душею твоею и тепле молился еси ко Господу, да сподобит тя вне мира и его сует, в безмолвии Ему служити и невозбранно воспевати ангельскую песнь: Аллилуиа.

Икос 2

Разумом богопросвещенным позна благоплодие души твоея преподобный Стефан, игумен обители, иже на Махре, егда прииде во град Москву и познася с тобою, Святче Божий, емуже ты со слезами желание сердца твоего исповедал еси, яко хощеши инок быти, и от него обручение ангельскаго образа восприял еси. Поминая убо таковую ревность твою к подвигом духовным, ублажаем тя, яко избранника Божия, и умиленно глаголем:

радуйся, кроткий и незлобивый последователю Христов;

радуйся, заповеди Евангельские самым делом совершивый.

Радуйся, самоотвержение дивное по глаголу Господа твоего явивый;

радуйся, знатность рода и почести мирские, Христа ради оставивый.

Радуйся, вместо риз златотканных, рубища иноческая возлюбивый;

радуйся, крест Христов со усердием на рамо твое восприявый.

Радуйся, в души твоей добродетели высокия насадивый;

радуйся, всякое пристрастие суетное в себе искоренивый.

Радуйся, противу мира, плоти и диавола крепко вооруживыйся;

радуйся, силою Божиею победивый вся их прилоги.

Радуйся, бывый сосуд непорочен Божия благодати;

радуйся, соделавыйся страшен и неприступен врагом невидимым.

Радуйся, Кирилле, великий Чудотворче!

Кондак 3

Силою Божией укрепленный, не убоялся еси, преподобне, гневавшагося на тя сродника твоего, иночествовати тебе возбранявшаго, но от руки священнаго Феодора, архимандрита Симонова монастыря, совершенное пострижение во ангельский образ восприял еси, и в стенах обители его тихое пристанище спасения себе обрел еси, труды к трудом прилагая, и в молитвах деннонощных сладце воспевая спасителю Богу: Аллилуиа.

Икос З

Имея послушание от настоятеля, еже трудитися в хлебне и поварне, Отче досточудне, не дал еси сна очима твоима, ни веждом дремания, но неленостно трудился еси, днем дрова секий, огнь возжигаяй, хлебы и пищу братии приготовляяй, нощию же в молитвах, псалмопениих и коленопреклонениих бодренно пребываяй, был еси добрый делатель Царствия Небеснаго, по степенем добродетелей восходивый к совершенству духовному. Темже восхваляем тя сице:

радуйся, иноче Богоугодный, иночествовавый нелицемерно от искренния души;

радуйся, послушниче совершенный, слово веления самим делом предварявый.

Радуйся, слезный искателю блаженства вечнаго;

радуйся, молитвенный воздеятелю рук преподобных горе ко Господу.

Радуйся, огнем пещным в хлебне и поварне, огнь мучения вечнаго себе напоминавый;

радуйся, послушанием поваренным умиления глубину стяжавый.

Радуйся, хлеб той слезами любве ко Господу орошавый;

радуйся, питие твое плачем покаянным растворявый.

Радуйся, прежде всех обретавыйся в храме на службах Божественных;

радуйся, возлюбивый приметатися к дому Бога твоего.

Радуйся, поста суровством умертвивый плоть твою, да не возобладает она духом;

радуйся, чрез два и три дня пищу скудную вкушавый.

Радуйся, Кирилле, великий Чудотворче!

Кондак 4

Буря страстей и тяжелоносныя искушений волны, аще и приразишася к тебе в новоначалии иноческом, угодниче Божий, обаче не возмогоша поколебати крепость произволения твоего, еже единому благоугождати Богу. Темже молитвою, постом и послушанием истинным вся стрелы вражия, на тя испущенный, недейственны сотворил еси и сподобился еси еще во плоти, в безстрастии глубоцем, возносити Творцу Серафимскую песнь: Аллилуиа.

Икос 4

Слышав о добродетельном житии твоем, великий Сергий Радонежский, возлюби тя зело, Отче Кирилле. И егда прихождаше от пустыни своея в обитель Симонову, прежде всех посещаше тя, суща в подвигах иноческаго послушания, предпочитая тя юнаго старцем многолетним, и тем во удивление приводя всю братию, от егоже уст святых много словес душеполезных слышал еси, и слагая их в сердце твоем, был еси добрый ученик великаго учителя, воистину достойный благохвалений таковых;

Радуйся, богоноснаго Сергия избранный друже и собеседниче;

радуйся, любовь велию о Господе к нему стяжавый, и от него зело возлюбленный.

Радуйся, во смирении твоем высокая дарования духовная получивый;

радуйся, уничиженно трудивыйся в подвигах послушания и тако Сергиева посещения сподобленный.

Радуйся, при послушаниях твоих никогдаже возроптавый;

радуйся, суд Божий и муки вечныя приснопамятовавый.

Радуйся, почестей суетных и славы человеческия избегавый;

радуйся, юродство Христа ради на ся восприявый от всех уничижен будеши.

Радуйся, от настоятеля наказуемый, безчестие в почесть себе вменивый;

Радуйся, худыя и многошвенныя ризы носивый.

Радуйся, зимним хладом тело твое угнетавый;

радуйся, покой телесный возненавидевый.

Радуйся, Кирилле, великий Чудотворче!

Кондак 5

Боготечное светило быв, на свещнице священства поставился еси волею настоятеля твоего, Отче Кирилле, и яко непорочный олтаря Господня служитель, со страхом и благоговением жертву безкровную приносил еси Богу, иже содела тя тайнозрителем многих великих чудес, в таинстве евхаристии сокрытых и являемых священнослужителем достойным, к нимже и ты сопричтен был еси, зовый от любве теплыя пострадавшему за нас Христу: Аллилуиа.

Икос 5

Видевше тя братия в обители Симоновския, богоносна и равноангельна житием, Кирилле богоблаженне, избраша тя, аще и нехотяща, во Архимандрита обители своея, ты же жезл настоятельский прием, не превознеслся еси толикаго сана высотою, но сугубо во смирении преуспевал еси и был еси образ преподобия словесному твоему стаду, словом и житием поучая твоя ученики, иже и взываху к тебе:

радуйся, боговещанный учителю благочестия и чистоты;

радуйся, умиления преисполненный проповедниче покаяния.

Радуйся, егоже словеса быша во спасение многим;

радуйся, егоже увещания умягчиша окаменелая во гресех сердца.

Радуйся, не словом токмо, но и всем житием, поучавый духовная твоя чада;

радуйся, чесому учил еси, та и сам творил еси неленостно.

Радуйся, князей богомудрый советниче;

радуйся, сильных мира сего нелицеприятный обличителю.

Радуйся, нищих и убогих любвеобильный кормителю;

радуйся, егоже любовь к меньшим о Христе братиям никогдаже оскуде.

Радуйся, егоже благодеяниями насладишася мнози;

радуйся, в немже прославляшеся на земли Отец Небесный.

Радуйся, Кирилле, великий Чудотворче!

Кондак 6

Проповедник смирения истиннаго явился еси, Отче, егда, стужив си славою и молвою настоятельства в Симонове, оставил еси настоятельство и удалился еси в безмолвие келейное, да един единому Богу возможеши работати невозбранно, обаче и в безмолвии не остави тя враг спасения человеческаго, вооружив на тя наставшаго по тебе настоятеля, егоже гневу место уступая, преселился еси на старое Симонове, и тамо уединенно пребывая, немолчно воспевал еси песнь Богу: Аллилуиа.

Икос 6

Возсия тебе свет небесный, егда в вечер глубокий молился еси, преподобне, в келии твоей пред иконою Богоматери, прося Ю даровати тебе место удобное к безмолвному житию, и се абие услышал еси глас от иконы Ея Святыя, сице глаголющ: «Кирилле, изыди отсюду и иди на Белоезеро: тамо бо уготовах ти место, на немже возможеши спастися», и с гласом вкупе, луча светозарная от полунощныя страны осия и указа место, свыше предъизбранное для твоего вселения, егоже радостно созерцал еси оконцем твоея келии. Тебе убо сице обрадованному, и мы радостно восклицаем:

радуйся, великий угодниче Божий, еще на земли созерцавый свет небесный;

радуйся, избранный слуго Матери Господни, возглаголавшей к тебе от иконы Своея Святыя.

Радуйся, благоволением Владычицы мира облагодатствованный;

радуйся, прошения твоего исполнения от Нея приемый.

Радуйся, яко молитва твоя услышана бысть заступницею рода христианскаго;

радуйся, яко нощь просветися тебе сиянием Божественныя славы.

Радуйся, яко далече отстоящее место, близь показася тебе судьбами Божиими дивными;

радуйся, яко свыше даровася тебе место покоя духовнаго.

Радуйся, радости и утешения о сем преисполненный;

радуйся, слезы теплыя благодарения и хваления пред Богом изливавый.

Радуйся, молитв благовонное кадило;

радуйся, псалмопения органе изящный.

Радуйся, Кирилле, великий Чудотворче!

Кондак 7

Дивное видение и глас от иконы Богоматере бывший, поведал еси, преподобне Отче, спостнику твоему и другу, преподобному Ферапонту , и с ним вкупе оставил еси град отечествия твоего, и потекл еси в пустыню непроходимую на Белоезеро, ища Богом указаннаго ти места, еже обрет, зело возрадовался еси, и на нем в пещере вселился еси, во освящение же месту, честный Крест, своима рукама соорудив, тамо поставил еси, зовый распеншемуся на кресте и поправшему силу адову, Царю славы Христу: Аллилуиа.

Икос 7

Новым подвигом духовным вдал еси себе, богоблаженне Отче, в пустыни уединенно пребывая в молитвах, пощениих и трудех непрестанных, иже видя Всевидец Господь, собра к тебе паству иноков пустыннолюбивых, иже хотяху жити с тобою, и назидатися от тебе во спасение: и тако устроил еси обитель святую, яко крин в пустыни процветшую духовно, в нейже до днесь прославляется имя твое сими достодолжными похвалы:

радуйся, преподобне, святостию и чистотою светло украшенный;

радуйся, богоносне, дарами Божественными свыше одаренный.

Радуйся, пастырю добрый тобою собраннаго стада словесных овец;

радуйся, строителю богомудрый общижития иноческаго.

Радуйся, пустыню непроходимую в вертоград духовный трудами твоими претворивый;

радуйся, вся страхования и привидения вражия молитвами твоими посрамивый.

Радуйся, несомненною надеждою на Бога обитель твою созидавый;

радуйся, слезами молитвенными основание ея оросивый.

Радуйся, нищий духом, но многи богатящий;

радуйся, рукою Всевышняго державно охраняемый.

Радуйся, от напрасныя смерти дивно избавленный;

радуйся, от запаления огненнаго невидимо защищенный.

Радуйся, Кирилле, великий Чудотворче!

Кондак 8

Странное видение бысть разбойником, обитель твою ограбити умыслившим, Святче Божий, иже пришедше к ней нощию, видеша ратных людей множество, на страже вокруг обители стоящих, и ограбити ю непопускающих, егдаже уведеша, яко никоторыя стражи не бысть во обители тоя нощи, познаша Божию тя защищающую силу, и с раскаянием притекше к тебе, исповедаху видение чудесное, о немже радуяся, воспел еси со ученики твоими, спасающему тя Богу, благодарственную песнь: Аллилуиа.

Икос 8

Весь в Боге быв, упование крепкое на Бога возложил еси, Отче преподобне, яко силен есть препитати тя со ученики твоими, в пустынном месте пребывающими. Темже подаяния просити ни к комуже посылал еси, веруя несомненно, яко вся к житию потребная от руки Божия получиши: и по вере твоей и молитве, от боголюбцев вся сия и без прошения твоего получал еси, удивляя чада твоя силою веры творящие чудеса, и подвизая звати тебе:

радуйся, безмолвия рачителю, молву суетную возненавидевый;

радуйся, богомыслия высото, попечении житейскими недосягаемая.

Радуйся, воздержания в пищи и питии правило известное;

радуйся, нетрезвеннаго пития во обители твоей имети возбранивый.

Радуйся, законоположения святых Отец неизменно сохранивый;

радуйся, к подвигом высоким ученики твоя руководивый.

Радуйся, достигни в меру совершенства о Христе;

радуйся, приявый власть на духи нечистая.

Радуйся, чудотворения даром обогащенный;

радуйся, силою божественною преисполненный.

Радуйся, прозорливость благодатную проявивый;

радуйся, помощь целебную немздоприимно подававый.

Радуйся, Кирилле, великий Чудотворче!

Кондак 9

Вси иноцы обители твоея, Преподобне Отче, яко Ангела Божия тя почитаху, ибо воистинну ангелоподобнии нравы являл еси им в житии твоем святом, иже все бысть посвящено богоугождению непрестанному. Темже дивныя чудеса творити дарова тебе Бог: недужныя исцелял еси, бесноватая от мучения диавольскаго свобождал еси, будущая прорицал еси, еще же и самих мертвецов воскрешал еси молитвою твоею, во еже пети о тебе ближним и дальним, хвалебную песнь верховному чудес творцу Богу: Аллилуиа.

Икос 9

Витийство человеческое не может изрещи величие чудес твоих, угодниче Божий, Отче Кирилле, имиже житие твое земное, яко цветами благовонными, духовно благоукрасися, облагоухая души верных сладостию преподобия и святыни, и приводя их к славословию Бога, сице прославльшаго тя своего избранника, нам же внушающаго взывати к тебе:

радуйся, болящих добрый целебниче;

радуйся, разслабленных благосердый укрепителю.

Радуйся, слепым зрение многажды даровавый.

Радуйся, бесноватых от насилия диавольскаго освободивый.

Радуйся, болярина Романа от одра смертнаго здрава возставивый;

радуйся, умершаго инока Далмата на покаяние воскресивый.

Радуйся, оскудевшее во обители твоей вино для Литургии святыя чудесно умноживый;

радуйся, во время глада опустевшую житницу хлебом наполнивый.

Радуйся, оным хлебом гладныя люди милостивно препитавый;

радуйся, яко хлеб той, тобою раздаваемый, в житнице не оскудеваше, но паче умножашеся.

Радуйся, Кирилле, великий Чудотворче!

Кондак 10

Спасение вечное унаследовал еси, угодниче Божий, и кончину праведную, яко венец подвигом твоим, получил еси, неболезненно и мирно прешед от земных к обителям небесным, идеже святая твоя душа, воздаяние прия от руки Вседержителя Бога, и со Ангельскими воинствы предстоит престолу Его Божественному, воспевая немолчную Ему песнь: Аллилуиа.

Икос 10

Царя Небеснаго рабе благий и верный, данный тебе талант не сокрывый, но трудолюбно его усугубивый, и многу куплю духовную им сотворивый, Отче Кирилле, помози и нам, земным и перстным, подражати житию твоему святому, и стяжати при исходе нашем благую надежду спасения, да поем тебе умиленными гласы:

радуйся, Святче Божий, свято и непорочно скончавый жизнь земную;

радуйся, Избранниче Христов, безболезненно и мирно предавый дух твой в руце Божии.

Радуйся, яко смерть твоя честна пред Господем, и успение со Святыми;

радуйся, яко память твоя с похвалами почитается во Святей Церкви.

Радуйся, яко преселився в небесныя обители, и земных не оставляеши;

радуйся, яко от горних высот благосердием твоим к земнородным проникаеши.

Радуйся, чудотворец бывый при жизни, таковым же явивыйся и по смерти;

радуйся, обитель твою и по скончании твоем сохранивый.

Радуйся, чада твоя духовная и по смерти твоей не забывый.

Радуйся, во утешение им целебныя мощы твоя оставивый.

Радуйся, чтущим тя скорый предстателю.

Радуйся, усердный всех прибегающих к тебе заступниче.

Радуйся, Кирилле, великий Чудотворче!

Кондак 11

Пение молебное приносится верными у раки святых мощей твоих, Кирилле богоносне, иже аще и в недрах земных почивают, обаче лучи многих чудес испущают, озаряя души и сердца ищущих с верою твоего заступления, егоже сподоби и нас, смиренных, сия песненныя хвалы тебе возносящих, и Богу благодарно зовущих: Аллилуиа.

Икос 11

Светозарный светильник Божия благодати, озаряяй полунощную страну Российскаго Царства, явился еси, преподобне и досточудне Отче Кирилле, духовным сиянием твоих подвигов и чудес просветивый пустыню, и в ней обитель иноком устроивый, идеже постников лики тихое пристанище спасения обретают, и тя, первоначальника своего, любовию величающе, песненно тебе вопиют:

радуйся, великоименитый и многославный в чудесах подвижниче;

радуйся, ангелонравный человече.

Радуйся, отечества твоего благодатное утешение;

радуйся, обители твоея присное радование.

Радуйся, мощами твоими преславно в ней чудодействуя;

радуйся, молитвы и прошения наша во благо исполняяй.

Радуйся, смирение при жизни и по смерти возлюбивый;

радуйся, смиренно мощам твоим в недрах земных почивати восхотевый.

Радуйся, яко рака твоя честная врачебница явися недугом человеческим;

радуйся, яко от нея всяк с верою приходяй дары целебный приемлет.

Радуйся, реко чудес приснотекущая;

радуйся, источниче исцелений иикогдаже оскудевающий.

Радуйся, Кирилле, великий Чудотворче!

Кондак 12

Благодати Божия светлое жилище быв при жизни, Угодниче Божий, и по смерти твоей благодати причастну соделал еси раку мощей твоих, чудесы преславными уверяя нас, яко велик еси пред Господем, и яко много может молитва твоя пред благостию Его. Яви убо и нам, недостойным, щедроты твоя молитвенныя, и предстательством твоим теплым окорми нас ко пристанищу спасения, да поем на земли живых, присно живыми и мертвыми обладающему Владыце Богу: Аллилуиа.

Икос 12

Поюще многая и преславная чудеса твоя, преподобне Отче Кирилле, смиренно просим тя, небеснаго заступника нашего: в час грозный смертный, егда убогая душа наша к исходу своему приближится, покажи нам многомощное твое заступление, и избави нас предстательством твоим от власти сил темных, обыкших преграждати душе человечестей восход в горния обители, ихже достигнути сподоби нас молитвами твоими, да зовем тебе благодарными гласы:

радуйся, пресвятый единосущные Троицы усердный служителю;

радуйся, Пресвятыя Владычицы Богородицы достойный избранниче.

Радуйся, Ангельских сил светлый собеседниче;

радуйся, Предтечи Господня пустыннолюбивый подражателю.

Радуйся, Пророков Божиих прозорливый подобниче;

радуйся, Апостолов Христовых единонравный последователю.

Радуйся, мучеником добропобедным сравнивыйся в подвизех терпением.

Радуйся, Святителем богомудрым соревновавый душеспасительным учением.

Радуйся, сияющая звездо в лице Преподобных;

радуйся, блаженный сожителю Праведных и всех Святых.

Радуйся, о немже радуются и Бога хвалят человецы;

радуйся, егоже трепещут темные адския силы.

Радуйся, Кирилле, великий Чудотворче!

Кондак 13

О, великий угодниче Божий и Чудотворче, преподобне Отче Кирилле! Ты горе на небеси, мы долу на земли, удаленнии от тебе не толико местом, колико грехами нашими: обаче дерзаем приносити тебе сие малое похвальное пение, еже милостивно приемши, умоли милосердаго Творца, помиловати нас и избавити геенны огненныя и мучений адских, да сподобимся вкупе с тобою, в Царствии Небеснем, пети Ему вечно радостную песнь: Аллилуиа. (Этот кондак читается трижды).

Затем

Икос 1

Ангел земный и человек небесный воистинну был еси, Отче преподобне, от утра жизни твоея до глубокаго вечера смертнаго, неленостно работавый Господеви в преподобии и святыни, нам же оставивый в пример подражания житие твое равноангельное, емуже чудящеся, и чудесы твоими просвещаеми зовем Ти гласы хвалебными сице:

радуйся, родителей благочестивых плод боголюбезный;

радуйся, первопрестольного града Москвы прозябение святое.

Радуйся, сиротствовавый в юности твоея;

радуйся, в сиротстве твоем Бога любовию усердною взыскавый.

Радуйся, в сыновство Божие свыше сопричтенный;

радуйся, вся богатства мира сего Христа ради презревый.

Радуйся, радости и утехи земные ни во что же вменивый.

Радуйся, едино тщание имевый, еже единому Богу благоугождати.

Радуйся, чтением писаний божественных душу твою напитавый;

радуйся, слезами молитвенными сердце твое уплодоносивый.

Радуйся, чистоту душевную и телесную непорочно сохранивый.

Радуйся, постом и воздержанием страсти юношеские обуздавый.

Радуйся, Кирилле, великий Чудотворче!

Кондак 1

Избранный от Царя сил Господа Иисуса, воине духовный и чудотворче предивный, преподобне Отче наш Кирилле, восхваляем Тя любовию в песнех духовных, святаго заступника нашего, ты же, яко имеяй благосердие многое, преклонися милостивне к нам воспевающим тя, и предстательством твоим ко Господу, от всяких бед свободи зовущих ти радостно: Радуйся, Кирилле, великий Чудотворче!