Упоминается икона Божией Матери «Взыскание погибших» впервые в VI веке, во время правления императора Юстиниана. В настоящее время икона очень известна и почитаема, прославилась многими чудотворениями.
История образа: Горячая молитва перед этим образом помогла свершившему многие прегрешения иноку в малоазийском городе Адане прийти к покаянию и избавиться от вечной погибели, а впоследствии даже быть прославленным в лике святых под именем Феофил.
Однажды, несправедливо обвиненный, он возроптал на Бога, но потом одумался и, запершись в храме, начал молиться перед образом Пресвятой Богородицы. Раскаяние его было настолько глубоким и искренним, горе таким отчаянным, молитва настолько горячей, что она была услышана, и он получил прощение своих грехов.
Чудотворная икона сия называлась «Взыскание погибших».
В России икона Божией Матери «Взыскание погибших» прославилась в середине XVII века, когда спасла, по молитве к ней, калужского крестьянина из села Бор Федота Обухова, который возвращался из Болхова Орловской губернии в Бор в праздник Крещения Господнего и сбился с пути в зимнюю вьюгу.
Замерзая в поле, он отдал себя на волю Божию, взывая к Пресвятой Богородице. Благочестивый крестьянин дал обет заказать список с иконы Божией Матери «Взыскание погибших», находившейся в Болховском храме в честь великомученика Георгия Победоносца.
Полузамерзшего, лошадь привезла его сама в соседнее село и остановилась под окнами одного из домов. Хозяин того дома вышел и увидел в санях замерзшего и покрытого снегом Федота. Как и кто его привез — осталось тайной, но страдалец был спасен.
Федот, с твердою верой, что Она, Многомилостивая, спасла его от погибели, заказал живописцу написать икону Божией Матери «Взыскание погибших» и пожертвовал ее в храм. Она известна как Борская икона Божией Матери «Взыскание погибших» и прославилась благодатными знамениями и чудесами.
Существует много списков этой иконы, известна также икона Божией Матери «Взыскание погибших» в Москве в храме Рождества Христова в Палашах. На этой иконе Пресвятая Богородица изображена с непокрытой головой, вопреки канонам.
Широко известна также икона Божией Матери «Взыскание погибших», которая была написана по благословению блаженной старицы Матроны Московской, и с которой Матронушка не расставалась всю свою жизнь, икона находится напротив раки с мощами старицы в Покровском ставропигиальном женском монастыре в Москве.
Одно из значений славянского глагола «взыскати» — заботиться, проявлять попечение о ком-либо. «Взыскание погибших» — это забота Бога о людях, которые находятся на пороге духовной и телесной гибели.
Прославилась в Москве также икона Божией Матери «Взыскание погибших», ныне находящаяся в храме в честь Воскресения Словущего на Успенском Вражке (м. «Охотный ряд»; Брюсов переулок 15/2). Некий благочестивый человек был по молитве пред этой иконой Пресвятой Богородицы спасен Ею от глубокой нищеты и отчаяния.
Впоследствии он передал образ в свою приходскую церковь. В 1812 году французы разграбили храм, а икона была найдена разрубленной на три части. При обретении образа совершилось множество чудесных знамений и исцелений. Также храм в честь этой иконы находится в надвратной колокольне по адресу: Софийская набережная, 32.
Иконография: Икона Божией Матери «Взыскание погибших» представляет поясное изображение Богородицы. Богоматерь, чуть наклонив голову, поддерживает сплетенными руками Младенца Иисуса. Он прижимается к Ее щеке и держится рукой за шею Богоматери.
Пресвятая Богородица склонилась к Богомладенцу, утешая Его скорбь. Это пик материнской любви. По любви к нам и по молитве Своей Пречистой Матери Господь спасает нас даже тогда, когда кажется, что уже невозможно спастись. Ведь нет родительской любви сильнее, чем любовь нашего Небесного Отца.
Богомладенец изображен стоящим на колене Божией Матери. Шагающее движение обнаженных до колен ног Богомладенца символизирует Боговоплощение, соединение Небесного и земного. Этим подчеркивается попечение Бога о мире, погружение Бога в мир для спасения грешников, которое происходит и по предстательству Пресвятой Богородицы.
Молитвенная традиция: Перед иконой Божией Матери «Взыскание погибших» молятся о благословении брака, об освобождении от пороков, об исцелении болезней глаз и слепоты, от зубной боли и лихорадки, от недуга пьянства; о вразумлении отпавших от веры и о возвращении заблудших в церковь. Матери обращаются с ходатайством о погибающих детях, об их здравии и благополучии.
Празднование: 5 / 18 февраля.
Акафист Пресвятой Богородице в честь иконы Ее «Взыскание погибших»
Тропарь, глас 7
Радуйся, Благодатная Богородице Дево, во объятиях Своих Предвечнаго Младенца и Бога носившая. Проси Его дати миру умирение и душам нашим спасение. Сын бо Тебе, Богомати, вещает, яко вся прошения Твоя во благое исполнит. Сего ради и мы припадающе, молим Тя и надеющиися на Тя, да не погибнем, имя Твое именуем: Ты бо еси, Владычице, Взыскание погибших.
Кондак, глас 6
Не имамы иныя помощи, не имамы иныя надежды, разве Тебе, Пречистая Дево, Ты нам помози, на Тебя надеемся и Тобою хвалимся: Твои бы есмы раби, да не постыдимся.
Кондак 1
Избранное и дивное избавление нам даровася — Твой образ честный, Владычице, яко избавльшеся от погибели вечныя теплою к Тебе пред ним молитвою, благодарственное пение приносим Ти, раби Твои, со умилением зовуще: Радуйся, Благодатная Богородице Дево, всех погибающих спасающая.
Икос 1
Ангели и Небесныя Силы хвалят Тя, Богомати, яко скорую христиан Заступницу, Ты бо обрадовала еси у образа Твоего Тебе возглашающих сице:
Радуйся, яко Тобою вся вселенная светлыя радости исполняется.
Радуйся, яко Твоим предстательством скорби разрушаются.
Радуйся, погибающим нечаянное спасение.
Радуйся, уповающим на Тя милующая Матерь и покров.
Радуйся, уныние падших на радость прелагающая.
Радуйся, яко Тобою даруется исправление греховныя жизни нашея.
Радуйся, Благодатная Богородице Дево, всех погибающих спасающая.
Кондак 2
Вся Небесныя Силы дивятся, видящи Тя непреложную молитвенницу за христианы к Сыну Твоему. И мы, грешнии, осияваеми образа Твоего боголепным сиянием, от негоже даруется нам скорое поможение, недоумея славити Тя по достоянию, зовем: Аллилуиа.
Икос 2
Разум подаждь нам, погибающим в скорби нашей, Заступнице усердная, Ты бо объемлеши покровом милости Твоея во всякой нужде зовущих со умилением таковая:
Радуйся, в недоуменный час печали помыслы полезныя нам низпосылающая.
Радуйся, обуреваемых страстьми и болезнующих сердцем благодатно врачующая.
Радуйся, скорое преодоление греховных навыков.
Радуйся, прибегающих к Тебе от страсти пиянства избавляющая.
Радуйся, грешников к благодатней жизни возставляющая.
Радуйся, во всяких бедах наших скорая Утешительнице.
Радуйся, Благодатная Богородице Дево, всех погибающих спасающая.
Кондак 3
Сила Господа Иисуса Христа осени Тя, Владычице, ко взысканию всех погибающих в бедах и скорбех и Твоея помощи просящих: Тебе бо дадеся благодать всякия облежащия ны беды прогоняти, да, спасаемии Тобою, вопием Богу: Аллилуиа.
Икос 3
Имея к роду человеческому велию милость, Богоневесто, покрываеши покровом Твоея благости всех почитающих Тя и молящихся Ти о заступлении. Темже простри руку помощи и нам, вопиющим со умилением таковая:
Радуйся, поношения и клеветы отъемлющая.
Радуйся, неправедныя советы разрушающая.
Радуйся, от неправеднаго осуждения спасающая.
Радуйся, от уз и темниц избавляющая.
Радуйся, из изгнания возвращающая.
Радуйся, всем просящим у Тебе милости помогающая.
Радуйся, Благодатная Богородице Дево, всех погибающих спасающая.
Кондак 4
Буря бед и печалей житейских обдержит ны, Небесная Царице, мы же, надеяся на Твое предстательство, покланяемся чудотворней иконе Твоей, веруем бо, яко взыщеши нас погибающих и зовущих: Аллилуиа.
Икос 4
Слыша Господь Твоя о нас ходатайства, Богородительнице, исполняет Твоя прошения. Сего ради и мы, грешнии, в скорбех наших погибающии, взирая на Твою святую икону, дерзаем глаголати сицевая:
Радуйся, неплодных родителей всерадостное разрешение.
Радуйся, матерей скорбящих утешение.
Радуйся, сиротствующих незримое воспитание.
Радуйся, в грехи и нечистоту впадших исправление.
Радуйся, открывающая мудрость учения недоумевающим.
Радуйся, светлое Солнце, согревающее нас лучами милостей и щедрот.
Радуйся, Благодатная Богородице Дево, всех погибающих спасающая.
Кондак 5
Боготечней звезде подобну явила еси икону Твою святую, Богородице, в скорбнем мире жития сего заблуждшим, еюже осени и нас, в греховней тьме сущих, да вопием Спасителю нашему: Аллилуиа.
Икос 5
Видяще Твоя теплыя к Богу моления о всех страждущих и многоразлично недужных, ублажаем Тя, благословенная Целительнице наша, радостная приносяще Тебе похвалы сия:
Радуйся, врачами оставленных на Свое попечение приемлющая.
Радуйся, исцеляющая неисцельныя болезни телес наших.
Радуйся, от помрачения душевнаго скоро свобождающая.
Радуйся, озлобленная сердца покаянием и слезами врачующая.
Радуйся, скорби временныя ко исправлению нам посылающая.
Радуйся, из глубины греховныя нас извлачающая.
Радуйся, Благодатная Богородице Дево, всех погибающих спасающая.
Кондак 6
Восхваляют и славят Тя, Богородице Дево, пророцы, апостоли и вси святии, имже подражающе и мы, грешнии, предстоя святей Твоей иконе, вопием о Тебе Богу: Аллилуиа.
Икос 6
Возсияла еси милостивно благостынею к нам, Богородице, от невечерняго света Сына Твоего и Бога, Того бо лучами согреваеши всех труждающихся и обремененных, зовущих Тебе таковая:
Радуйся, Домостроительнице всеблагая, житие наше добре устрояющая.
Радуйся, благословение добрых житейский начинаний.
Радуйся, добрая девам Наставнице.
Радуйся, невест благая Украсительнице.
Радуйся, Подательнице мира душевнаго.
Радуйся, Ходатаице нам вечныя радости.
Радуйся, Благодатная Богородице Дево, всех погибающих спасающая.
Кондак 7
Хотящи явити токи чудес от святыя иконы Твоея «Взыскание погибших», повелела еси, Владычице, молебная пения пред тою совершати и получившим исцеление – проповедати милости, ради тоя иконы явленныя. Темже и мы не таим Твоих благодеяний, благодарно поюще: Аллилуиа.
Икос 7
Дивную и спасительную благодать показа нам Господь в явлении чудотворнаго образа Твоего, Богородице, сего ради, сподобльшеся неисчетных Твоих благодеяний, благоговейно лобызаем оный, благодарно взывающе Ти таковая:
Радуйся, изгибших чудесное обретение.
Радуйся, от хлада и мраза погибающих дивное спасение.
Радуйся, по молитвам матерей чада их охраняющая.
Радуйся, семейныя распри и раздоры утоляющая.
Радуйся, пострадавшим за истину скорое оправдание.
Радуйся, Предстательнице к Богу, мир от бед избавляющая.
Радуйся, Благодатная Богородице Дево, всех погибающих спасающая.
Кондак 8
Странники и пришельцы, дальнии и ближнии притекают в храм Твой, Пречистая Дево, и слезно молят Тя, Владычице: умилосердися о всех грешных и заблуждших, да не погибнем зле, но, спасеннии Тобою, возопиим Творцу всяческих: Аллилуиа.
Икос 8
Всех падших благодатно возставляющи, Заступнице всеблагая, исполни ныне прошение и нас, погибающих и возносящих смиренная моления наша, вопиющих Ти сицевая:
Радуйся, Радосте наша, образом Твоим нас утешающая.
Радуйся, не гнушающаяся всеми презренных и отверженных.
Радуйся, Отрадо всех правды ради гонимых.
Радуйся, Заступнице обидимых.
Радуйся, обидящих скорое вразумление.
Радуйся, всех грешных с Богом примирение.
Радуйся, Благодатная Богородице Дево, всех погибающих спасающая.
Кондак 9
Всеми Небесными Силами прославляемая, являеши, Небесная Заступнице, матернее милосердие всем притекающим к Твоему заступлению. Тако и нам, просящим ныне Твоея помощи, буди Радостию и Утешением, да благодарно вопием Богу: Аллилуиа.
Икос 9
Вития многовещанныя недоумевают о многообразных чудесех Твоих, Богородице, яже от святыя иконы Твоея совершаются. Мы же, сему дивящеся, глаголем Тебе сице:
Радуйся, многоразличных дарований просящим Подательнице.
Радуйся, сирых, вдовиц и убогих Питательнице.
Радуйся, немощныя старости подкрепление.
Радуйся, едина Надежда отчаянным.
Радуйся, молитвеннице теплая всех скорбящих и обремененных.
Радуйся, тихое пристанище бурями житейскаго моря утомленных.
Радуйся, Благодатная Богородице Дево, всех погибающих спасающая.
Кондак 10
Спасительное взыскание в погибели сущим присно даруеши, Богородице Дево, и наставляеши на путь спасения всех умиленно с сокрушенным сердцем поющих Создателю нашему: Аллилуиа.
Икос 10
Стенание и вопль наш, погибающих, услыши, о милующая Мати Господа нашего, да от бед и напастей Тобою избавляеми, вопием Ти благодарственная сия:
Радуйся, смирение в души наша вселяющая.
Радуйся, волны страстей греховных в сердцах наших утишающая.
Радуйся, о всех падших матерния слезы проливающая.
Радуйся, во святом житии верныя утверждающая.
Радуйся, благую христианскую кончину им подающая.
Радуйся, врата райская отверзающая.
Радуйся, Благодатная Богородице Дево, всех погибающих спасающая.
Кондак 11
Пение всеумиленное приносяще Ти, просим Тебе, Дево Богородице: не презри гласа рабов Твоих, к Тебе бо в погибели и скорби прибегаем и пред Тобою в бедах наших слезы проливаем, поюще: Аллилуиа.
Икос 11
Светоподательную свещу сущим во тьме греха и уныния зрим Святую Деву: освещаеши бо всю вселенную лучами чудес Твоих, имиже озаряеми, благодарная приносим Ти глаголы:
Радуйся, крепкое утверждение Православныя веры.
Радуйся, отечества нашего надежное заступление.
Радуйся, благочестивых правителей его помоще.
Радуйся, святителей и пастырей укрепление.
Радуйся, от междоусобий миром и любовию нас ограждающая.
Радуйся, от враг видимых и невидимых нас защищающая.
Радуйся, Благодатная Богородице Дево, всех погибающих спасающая.
Кондак 12
Благодать Божественную испроси нам у Сына Твоего и Бога, простри нам руку помощи, взыщи нас погибающих и приими в вечныя кровы, Богородительнице, да радующеся, поем Богу, Тобою нас спасающему: Аллилуиа.
Икос 12
Поюще Твоя чудеса, от иконы Твоея «Взыскание погибших» бываемая, веруем, яко даруеши радость и нам, сердцем и усты Тебе приносящим таковая:
Радуйся, христиан непостыдное упование.
Радуйся, верных спасительное прибежище.
Радуйся, ненадежных надеяние.
Радуйся, от всех бед скорое избавление.
Радуйся, отрадо в день смерти.
Радуйся, едина надеждо и по смерти.
Радуйся, Благодатная Богородице Дево, всех погибающих спасающая.
Кондак 13
О Всепетая Мати, вечную Радость миру Рождшая! Нынешнее приемши моление, избави нас от всякия нужды и печали, яви нам скорую Твою помощь и подаждь отчаянным отраду, страждующим — исцеление, падшим — возстание, погибшим — взыскание, да благодарно вопием Богу: Аллилуиа.
(Этот кондак читается трижды, затем икос 1 и кондак 1)
Молитва
О Пресвятая и Преблагословенная Дево, Владычице Богородице! Призри милостивым Твоим оком на нас, предстоящих пред святою иконою Твоею и со умилением молящихся Тебе, воздвигни нас из глубины греховныя, просвети ум наш, омраченный страстьми и уврачуй язвы душ и телес наших. Не имамы бо иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея, и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая Помощница и Заступница всем притекающим к Тебе и крепкое прибежище грешников кающихся. Подаждь убо нам, Преблагая и Всенепорочная Дево, христианский конец живота нашего мирен и непостыден, и сподоби нас Твоим ходатайством вселитися в обителех Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно, и во веки веков. Аминь.
