Святой равноапостольный князь Владимир — эпохальная личность в истории Российского государства и Русской Православной Церкви. Эпоха святого великого князя Владимира была ключевым периодом для государственного становления православной Руси. Крещение Руси от православной Византии было важнейшим шагом ее государственного самоопределения.
Немногие имена на скрижалях истории могут сравниться по значению с именем святого равноапостольного Владимира, крестителя Руси, на века вперед предопределившего духовные судьбы Русской Церкви и русского православного народа. Крещение Руси, произошедшее в 988 году, имело место быть только благодаря воле великого князя Владимира.
Именно поэтому историки называют Владимира Великим, Церковь чтит его святым равноапостольным, а народ дал ему имя князь Владимир Красное Солнышко.
Житие: Равноапостольный князь Владимир был внуком святой равноапостольной княгини Ольги (+969 год; память 11 / 24 июля), сыном Святослава (+972 год). Согласно легенде, матерью его была Малуша (+1001 год), дочь Малка Любечанина, которого историки отождествляют с Малом, князем древлянским. После гибели святого князя Игоря княгиня Ольга овдовела, и ее пытались сватать за древлянского князя Мала.
Приводя в покорность восставших древлян и овладев их городами, княгиня Ольга повелела казнить князя Мала, а детей его Добрыню и Малушу взяла с собой. Добрыня вырос храбрым, умелым воином, обладал государственным умом, был впоследствии наставником и помощником Владимиру в делах военных и государственных.
Малуша стала христианкой, хотя и сохранила в себе таинственный сумрак языческих древлянских лесов, пленив тем самым сурового воина Святослава, который вопреки воли матери, княгини Ольги, сделал ее своей женой. Разгневанная мезальянсом, Ольга отправила Малушу в весь неподалеку от Выбут, где и родился около 960 года мальчик, названный русским языческим именем Володимир — владеющий миром.
В 970 году Святослав, отправляясь в поход, из которого ему не суждено было вернуться, поделил Русскую землю между тремя сыновьями. В Киеве княжил Ярополк, в Овруче, центре древлянской земли, — Олег, в Новгороде — Владимир. После гибели двух братьев Владимир стал единодержавным Великим князем, взял себе в жены жену Ярополка, гречанку, от которой родился Святополк Окаянный, убийца святых Бориса и Глеба.
Равноапостольный князь Владимир «пас свою землю правдою, мужеством и разумом», как добрый и рачительный хозяин, при необходимости расширял и оборонял ее пределы силой оружия. Страстный, сильный, любящий войны и походы, безудержный в пирах и забавах, Владимир был сыном своего отца Святослава — язычником не столько по убеждению, сколько по образу жизни.
Но равноапостольный князь Владимир был не только сыном своего отца, но и внуком своей бабки — святой равноапостольной Ольги. Многое унаследовал он и от нее. С языческой необузданностью страстей в нем сочеталась и определенная душевная глубина, мудрость, сердечная доброта, а это видимые причины того, почему его сердце оказалось способным воспринять Бога. Да и молитвы святой Ольги за Русь сделали свое дело.
К христианству Владимир пришел в зрелом возрасте. Равноапостольный князь Владимир был достаточно просвещенным человеком своего времени. В его душе уже зрели зерна, посеянные святой Ольгой, но он не стал делать выбор впопыхах, а как мудрый властитель изучал вопрос.
К нему приезжали представители разных религий, он подолгу с ними беседовал. Греки также прислали в Киев своего философа, который поведал Владимиру о творении мира и о грехопадении, о жизни народов ветхозаветных времен, кратко изложил евангельскую историю до Сошествия Святого Духа на апостолов в день Пятидесятницы.
Выслушав всех, равноапостольный князь Владимир после совета со своими старшинами и боярами отправил десять мужей, «добрых и смышленных», в разные концы, чтобы на месте испытать каждую веру. Князь Владимир, призванный Промыслом Божиим быть крестителем Руси, был уже готов принять православную веру от греков, и подготавливал народ к крещению путем частых бесед о вере, испытания вер и посольств в другие страны.
Вернувшись из Греции, посланники сказали: «Не знали, на небе или на земле мы, ибо нет на земле такого зрелища и красоты такой, и не знаем, как рассказать об этом, знаем только, что пребывает там Бог с людьми, и служба их лучше, чем во всех других странах. не можем мы забыть красоты той, ибо каждый человек, если вкусит сладкого, не возьмет потом горького, так и мы не можем уже пребывать в язычестве».
Так было принято историческое государственное решение о крещении Руси. Через образы православного богослужения Русь увидела Христа во славе и духовном веселии пребывания с людьми. Этим пленилась Русь, так восприняла она дух и смысл Христовой веры, в таком православном обличии эта вера оказалась удивительно близкой русской душе.
В 986 году войско Византии было разгромлено болгарами, равноапостольный князь Владимир решил оказать помощь грекам, но взамен потребовал руки сестры императора царевны Анны. Те не спешили с выполнением обещания, русское войско взяло приступом Херсонес и подошло к Константинополю. Угроза подействовала.
И послали царевну Анну морем в корабле со архиереем (митрополитом) Михаилом, со священниками, и клиром, и многими святыми мощами и другими святынями. Но в Херсонесе ожидала ее невеселая новость. Ее жених князь Владимир «по Божьему устроению» разболелся глазами и не видел ничего.
И сказала царевна князю Владимиру, чтобы он крестился поскорей («если не крестишься, то не избежишь недуга своего»). Какова сила веры царевны! Как только ступил равноапостольный князь Владимир во святую купель, так спала с его глаз слепота, и он прозрел. Таким путем суждено было Великому князю узнать истинного Бога. Слепота физическая была символом слепоты духовной.
Увидев чудо, крестилась и вся дружина его. По возвращении в Киев равноапостольный князь Владимир собрал двенадцать своих сыновей и, подготовив их к принятию святой веры Христовой, крестил в источнике, навсегда получившем название Крещатик. Одновременно крестился и весь его дом. Затем князь повелел везде сокрушать идолов.
После этого последовало оглашение киевлян евангельской проповедью, и был назначен день всеобщего крещения (1 августа 988 года). В память священного события — обновления Руси водою и Духом — установился в Русской Церкви обычай ежегодного крестного хода «на воду» 1 августа, соединившийся впоследствии с праздником Происхождения Честных Древ Животворящего Креста Господня, общим с Греческой Церковью.
Позднее к этому празднику присоединилось русское церковное празднество Всемилостивому Спасу и Пресвятой Богородицы, установленное в 1164 году святым Андреем Боголюбским. В этом соединении праздников нашло точное выражение русское богословское сознание, для которого неразрывны крещение и крест.
Много храмов было воздвигнуто на Руси во время правления великого князя Владимира: храм святого Василия Великого, каменный храм Успения Пресвятой Богородицы (Десятинный), храм Софии Премудрости Божией в Киеве и во многих других городах.
В храмах, устрояемых по велению князя Владимира, богослужение совершалось по православному чинопоследованию на понятном народу родном славянском языке, по тем книгам, которые еще за столетие до того были переведены с греческого на славянский святыми равноапостольными братьями Кириллом и Мефодием, первоучителями Словенскими.
Благодаря этому храмы Божии становились всенародными училищами веры, а вера Христова мирно и сравнительно быстро распространилась по всей Руси. Но для утверждения веры нужны были ученые люди, поэтому равноапостольный князь Владимир начал повсеместно устраивать школы и училища, и к концу Х века на Руси уже были свои епископы и священники, возрос уровень грамотности.
Эпоха святого Владимира была ключевым периодом для государственного становления Православной Руси. Святой равноапостольный князь Владимир твердой рукой сдерживал на рубежах врагов, строил города, крепости, объединял славянские земли, оформил государственную границу державы. Русь достигла при нем небывалого расцвета, стала влиятельным государством в мире.
У самого же князя Владимира после принятия крещения явилась разительная перемена его собственной жизни, его духовно-нравственного состояния. Из страстного гордого язычника он переродился в целомудренного, кроткого, необычайно милосердного и доброго человека — его милостыня бедным не знала меры.
Последние годы жизни святого князя Владимира были неспокойны. В Киеве зрел заговор, во главе которого стоял Святополк Окаянный, старшие сыновья проявляли непокорность. Силы Великого князя были на исходе. В приготовлениях к последнему своему походу равноапостольный князь Владимир тяжело заболел и предал дух Господу в селе Спас-Берестове 15 июля 1015 года.
Святой равноапостольный князь Владимир правил Русским государством 37 лет (978-1015 годы), из них 28 лет прожил во святом крещении. Святополк, рвавшийся к власти, хотел скрыть на время смерть отца, но патриотически настроенные бояре тайно перевезли тело почившего государя в Киев.
Святые мощи были положены в мраморной раке, поставленной в Климентском приделе Десятинного Успенского храма рядом с такой же ракой царицы Анны. Во время монголо-татарского нашествия честные останки святого князя Владимира были погребены под развалинами Десятинного храма.
Много раз предпринимались попытки обретения мощей. Много сделал в этом отношении святитель Петр Могила. В Успенском соборе Киево-Печерской Лавры хранится честная глава святого князя Владимира, есть частицы и в других городах России, но принадлежность их крестителю Руси вводится некоторыми учеными под сомнение.
Празднование святому равноапостольному князю Владимиру было установлено святым Александром Невским (память 23 ноября / 6 декабря) после того, как 15 мая 1240 года помощью и заступлением святого Владимира, им была одержана знаменитая Невская победа над шведскими крестоносцами. Но церковное почитание князя Владимира началось на Руси значительно ранее.
Молитвенная традиция: Князю Владимиру молятся о спасении нашей страны, о справедливом ее управлении, о том, чтобы народ обращался к вере.
Память: 15 / 28 июля.
АКАФИСТ СВЯТОМУ РАВНОАПОСТОЛЬНОМУ КНЯЗЮ ВЛАДИМИРУ
Автор — священник Симеон Соловьев. Утвержден решением Священного Синода от 15 / 27 февраля 1878 года № 256
Утвержден для общецерковного использования.
Тропарь, глас 4
Уподобился еси купцу, ищущему добраго бисера, славнодержавный Владимире, на высоте стола сидя матере градов, богоспасаемаго Киева, испытуя же и посылая к Царскому граду уведети православную веру, обрел еси безценный бисер – Христа, избравшаго тя, яко втораго Павла, и оттрясшаго слепоту во святей купели, душевную вкупе и телесную. Темже празднуем твое успение, людие твои суще, моли спастися душам нашим.
Кондак, глас 8
Подобствовав великому апостолу Павлу, в сединах, всеславне Владимире, вся, яко младенческая мудрования, яже о идолех тщания, оставль, яко муж совершенный, украсился еси Божественнаго Крещения багряницею, и ныне, Спасу Христу в веселии предстоя, моли спастися душам нашим.
Кондак 1
Избранного светильника, тьму идолослужения в державе нашей разгнавшаго и светом Божественныя веры ю просветившаго, восхваляем тя, святый равноапостольный княже Владимире; ты же, яко выну со дерзновением предстояй Царю царствующих, не престай моляся о достоянии твоем и твоими молитвами сохраняй нас от всяких бед и зол, да со умилением благодарственно зовем ти: Радуйся, Владимире, державы нашея просветителю.
Икос 1
Ангелом и человеком Творец, времена и лета во Своей власти положивый и судьбы государств и народов устрояяй, егда благоизволи призвати род наш от тьмы идолослужения ко свету истины и правды вечныя, постави тя, благоверный княже, благовестителя и совершителя сея всеблагия воли Своея. Темже, благодаряще Творца и Спаса нашего, славословим тя, яко великаго избранника Божия нашего ради спасения, с веселием зовуще:
Радуйся, равноапостоле, ко просвещению народа нашего Премудрым Промыслом предъизбранный.
Радуйся, от Первозваннаго апостола на горах Киевских прореченный.
Радуйся, преславный сосуде Божественныя благодати, державе твоей дарованный.
Радуйся, пречудный кореню, из негоже на земли нашей произрасте велие древо правоверия.
Радуйся, яко тобою имя Господне во всех пределех страны твоея прославляется.
Радуйся, яко и твое преславное имя от всех родов с любовию воспевается.
Радуйся, Владимире, державы нашея просветителю.
Кондак 2
Видя суету бездушных идолов и прелесть диявола, еюже уловляет темныя люди в сети беззакония, купно же слыша святых первомученик киевских за Христа Феодора и юнаго Иоанна, глаголющих безбожным мучителем: «Бози ваши не суть бози, но древо, еже днесь пребывает – утро сгнило есть. Един же есть Бог Истинный, Иже сотвори Небо и землю»; тогда возгорелся еси сердцем, во еже взыскати и уведети Сего Единаго Истиннаго Бога, Емуже покланяется всяко колено Небесных, земных и преисподних, немолчно воспевая: Аллилуиа.
Икос 2
Разум всевышний приосени тя, егда предсташа ти проповедницы разновернии, и потщался еси, да не уловлен будеши в сети лжеучения, но да обрящеши веру истинную и спасительную. Темже ублажаем тя:
Радуйся, премудрый просветителю народа твоего.
Радуйся, разум богопросвещенный стяжавый.
Радуйся, яко ухищрения и суесловия лжеучителей посрамил еси.
Радуйся, яко глаголы Жизни Вечныя в словесех Мудреца Истиннаго мудре уразумел еси.
Радуйся, лучу Божественнаго света посреде тьмы лжеверия.
Радуйся, стено нерушимая посреде бури страстей языческих.
Радуйся, Владимире, державы нашея прocветитeлю.
Кондак 3
Силою свыше умудрен, послал еси мужи избранныя во страны иныя, да видят и испытают, како инии народи служат Богу и како веру свою от дел своих показуют; тии же вся добре испытавше, достигоша Царьграда, идеже видяще благолепное совершение Божественнаго священнодействия, мнеша себе не на земли, но на Небеси стояти, и со умилением сердца воздаша хвалу Господеви, зовуще: Аллилуиа.
Икос 3
Имуще в сердцах своих твердое уверение, яко вера греко-восточная воистинну есть православная и яко священнодействия ея паче всех иных велелепна, послании тобою мужие, возвратившеся во отечествие свое, исповедаша сия пред лицем твоим и пред старейшины твоими, рекоша же: «Никтоже вкусив сладкаго, восхощет горькаго; тако и мы не можем паки остати зде и служити кумиром». Яковое извещение прием, возгорелся еси ревностию по вере истинней. Сего ради величаем тя:
Радуйся, гласу Божественныя благодати прилежно внимавый.
Радуйся, водительству Святаго Духа ycеpдно последствовавый.
Радуйся, яко советники твоя умудрил еси.
Радуйся, яко вся люди твоя советы твоими ко истинней вере привел еси.
Радуйся, яко со тщанием поискал еси добраго бисера — Христа.
Радуйся, пчело трудолюбивая, мудре взыскавшая цветы, в нихже сладкий мед истины и спасения.
Радуйся, Владимире, державы нашея просветителю.
Кондак 4
Бурею сумнений и недоумений не поколебался еси, повнегда уведети тебе веру истинную, православную, но абие восхотел еси прияти святое Крещение со всею державою твоею, да купно с нею, яко отец со чады своими, достойно воспоеши Богу: Аллилуиа.
Икос 4
Слышавше боляре и старейшины яже о вере истинней, помянуша праматерь твою святую княгиню Ольгу, яже прият святое Крещение в Цареграде, и рекоша: «Аще не бы блага бысть вера сия, не бы прияла ю сия мудрейшая в женах». Темже и мы, присно поминающе премудрую Ольгу, благодарственно зовем ти:
Радуйся, яко соблюл еси Божественное семя, еже всея в сердце твое блаженная праматерь твоя.
Радуйся, яко святым заветам тоя последовал еси.
Радуйся, яко провидел еси в ней зарю спасения народа твоего.
Радуйся, солнце, возшедшее по заре той.
Радуйся, свете, старейшины твоя просветивый.
Радуйся, вся люди твоя ко Христу приведый.
Радуйся, Владимире, державы нашея просветителю.
Кондак 5
Боготканную одежду святаго Крещения восхотев получити, помыслил еси, откуду и како имети имаши толик сонм пастырей и учителей, да просветят вся люди твоя с тобою, и како пояти себе жену, в вере святей испытанну, дому твоему благую строительницу, чадом твоим матерь во Христе, советницу же всем во благочестии, и о сем всем поревновав, дух твой приведе тя ко стране Гречестей, идеже вернии от лет древних благочестно воспевают Богу: Аллилуиа.
Икос 5
Видевше царие гречестии всю страну твою во тьме идолослужения коснящу, небрегоша тя, яко кумиром служаща, обаче побеждени бывше от тебе и уведевше крепкое произволение твое прияти святое Крещение и вся люди твоя ко Христу привести, исполнишася радости и вдаша ти сестру свою Анну на брак, пастыри же и учители – народу твоему. Темже и мы, присно радующеся святому сему союзу твоему, воспеваем тя:
Радуйся, яко посетил есть тя Восток свыше.
Радуйся, яко звезда Всевышняго приведе тя к Востоку, идеже Премудрость созда себе дом и утверди столпов седмь, седмь Соборов Вселенских, иже утвердиша веру Христову по вселенней.
Радуйся, яко сия есть вера апостольская, сия вера вселенную всю утверди.
Радуйся, яко от чистаго источника чистое учение Христово приял еси.
Радуйся, дому твоего и чад твоих добрый рачителю.
Радуйся, всего народа твоего премудрый наставниче.
Радуйся, Владимире, державы нашея просветителю.
Кондак 6
Пастырие и учители, ихже приял еси, прехвальне княже, от царей греческих, яко да напаяют всю страну твою ученьми Божественными, со тщанием течаху на делание свое, благодарственно поюще призвавшему народ твой ко спасению Господу Богу: Аллилуиа.
Икос 6
Возсия пречудне чувственный свет в помраченною недугом слепоты очию твоею, в душе твоей свету благодати возсиявшу, егда, просветився Божественным Крещением, изшел еси от святыя купели, еже ощутив, радостно воскликнул еси: «Ныне познах Бога Истиннаго». Темже ублажаем тя:
Радуйся, светильниче, огнем Божественныя благодати во тьме язычества возжженный.
Радуйся, благовестителю света Христова, омраченная очеса и сердца народа твоего отверзаяй.
Радуйся, яко умною очию твоею провидел еси Божие смотрение о державе твоей.
Радуйся, яко до конца потщался еси, да и вси людие твои просветятся в нем.
Радуйся, богосветлая главо князей киевских.
Радуйся, славнейшее украшение и похвало Церкве Христовы.
Радуйся, Владимире, державы нашея просветителю.
Кондак 7
Хотя просветити Божественным Крещением народ твой, первее повелел еси креститися сыновом и вельможам твоим, да вси людие, последующе стопам их, со благим произволением приступят ко святому Крещению, благочестно зовуще Богу: Аллилуиа.
Икос 7
Ново творение во Христе яви тя, по святем Крещении, образ жития твоего: ревнитель бо первее быв идолослужения, последи выну по вере Христовой ревновал еси: возлюбил же еси кротость и милосердие, воздержание и целомудрие и все житие по заповедем Господним. Чудящеся убо благому пременению сему, благочестно зовем ти:
Радуйся, яко росою Святаго Духа пламень страстей в себе угасил еси.
Радуйся, яко огнем Божественныя благодати вся помышления и вся чувствия твоя согрел еси.
Радуйся, селения Господня, церкви святыя, паче всех селений земных возлюбивый.
Радуйся, Божественныя службы и Христова учения паче всех деяний и учений взыскавый.
Радуйся, образ новаго жития всем людем твоим в себе показавый.
Радуйся, сирых и убогих благий кормителю и попечителю.
Радуйся, Владимире, державы нашея просветителю.
Кондак 8
Странное бе, купно же и радостотворное видение, егда тмочисленный сонм мужей и жен, юношей и дев, таже незлобивых младенец с радостию течаху к реце Днепру, якоже ко Иордану, идеже крещахуся во имя Отца и Сына и Святаго Духа, иереом на брезе возносящим тайнодейственныя молитвы и воспевающим Господу песнь: Аллилуиа.
Икос 8
Весь был еси объят неизреченною радостию, достоблаженне княже, зря крещаемыя люди твоя, и во умилении сердца, воздав хвалу Спасителю Богу, усердно молил еси Его, да призрит на новопросвещенныя люди Своя, да утвердит их в вере и благочестии и да прославит имя Свое в державе твоей. Воспоминающе убо преславное и прерадостное сих сбытие, приносим ти благодарственныя и похвальныя песни сия:
Радуйся, виновниче спасения безчисленных душ в земли нашей.
Радуйся, неоскудеваемый источниче благословений и милостей Божиих к народу твоему.
Радуйся, благий вертоградарю, сад Божественныя веры в державе твоей насадивый.
Радуйся, поточе сладости, напоивый водою благочестия люди твоя.
Радуйся, яко Божественную веру прославил еси, прелесть же идольскую посрамил еси.
Радуйся, яко Царь царей дарова тебе мудрость Соломонову, кротость Давидову, ревность Илиину, правоверие апостольское.
Радуйся, Владимире, державы нашея просветителю.
Кондак 9
Все естество Ангелов, хранителей рода человеческаго, прослави тя, благоверный княже, егда повелел еси отцем и матерем вдаяти дети своя в учение книжное, да разумеют, яже веруют, и да познают, како житие свое добре по вере провождати. Темже и ныне призри на учащияся Божественным Писанием, и на отцев и матерей их, пастырей же и учителей, споспешествующих им во учении, благослови, укрепи и настави я во трудех их, да возрастают в вере истинней и в добром житии, поюще Богу: Аллилуиа.
Икос 9
Ветии многовещанныя не могут достойно изобразити величие благодеяний, дарованных тобою, княже, земли твоей: водворив бо в ней Божественную веру, избавил еси ю от мрака языческаго и вечныя погибели, открыл еси ей путь ко истинному просвещению, ко спасению и земному благоденствию. Сего ради со благодарением благочестно зовем ти:
Радуйся, могущества и славы державы нашея основателю.
Радуйся, истиннаго просвещения и благочестия в ней насадителю.
Радуйся, в народе твоем языческих суеверий и злых обычаев искоренителю.
Радуйся, идольских требищ и кумиров потребителю.
Радуйся, святых храмов создателю.
Радуйся, равноапостольному царю Константину равночестный подобниче.
Радуйся, Владимире, державы нашея просветителю.
Кондак 10
Спасти хотя от вечныя погибели державу твою, в бездне идолослужения гибнувшую, подъял еси велия труды и попечения, обходя грады и веси земли твоея и посылая повсюду пастыри духовныя, во еже Божественною верою и святым Крещением люди твоя просветити и научити их Единому Истинному Богу пети: Аллилуиа.
Икос 10
Стена твердая был еси земли твоей во вся дни живота твоего противу врагов тоя и виновник благоденствия и славы ея; буди и ныне защитник необоримый от враг видимых и невидимых и помощник в нуждех и скорбех нам, с любовию вопиющим тебе:
Радуйся, благопопечительнейший пастырю народа твоего.
Радуйся, благосострадательнейший отче сирых и страждущих.
Радуйся, готовый споспешниче ищущих вечнаго спасения и истиннаго просвещения.
Радуйся, слава и радование страны нашея.
Радуйся, присный помощниче в многотруднем деле народоправления.
Радуйся, мощный споборниче в брани воинства нашего и вождей его.
Радуйся, Владимире, державы нашея просветителю.
Кондак 11
Пение умиленное приими от нас, угодниче Божий, сокруши твоими молитвами вся враги наша, насади православную веру среди язык страны нашея, неведущих Истиннаго Бога, искорени в ней вся ереси и расколы, да вси едиными усты и единым сердцем славят Бога, поюще Ему: Аллилуиа.
Икос 11
Светозарное светило, просвещающее сиянием своим страну нашу, ты еси, достохвальне княже Владимире, разгоняя мрак идолослужения и показуя путь к истинному просвещению и Небесному блаженству. Сего ради, прославляюще тя, глаголем:
Радуйся, звездо, просвещенная от незаходимаго Солнца Правды.
Радуйся, путеводителю, правую стезю к вечному спасению нам открывый.
Радуйся, мощный споспешниче и укрепление проповедников Православныя веры.
Радуйся, присный покровителю благих наставников юношества и всех благотрудящихся на пользу общую.
Радуйся, скорый помощниче всем к помощи твоей прибегающим.
Радуйся, яко всем усердно тя чтущим благотворныя советы подаеши.
Радуйся, Владимире, державы нашея просветителю.
Кондак 12
Благодать Пресвятаго Духа испроси нам, преблагий пастырю наш, от Всещедраго Бога и Спаса нашего, вразумляющую и укрепляющую нас в деле спасения, да не безплодна будет в нас насажденная тобою святая вера, но да уклоняющеся от путей нечестия и заблуждений, ходим во свете заповедей Божиих и достигнем вечнаго блаженства, воспевающе Богу: Аллилуиа.
Икос 12
Поюще твоя премногая и преславная благодеяния, явленная державе нашей в просвещении тоя светом Божественныя веры, купно же велия твоя труды и подвиги, во благоустроение ея подъятыя, усердно благодарим и восхваляем тя, с любовию зовуще:
Радуйся, богоизбранне и богопрославленне княже земли нашея.
Радуйся, несокрушимое ограждение ея, покрове и защищение.
Радуйся, райское древо, произрастившее две пречудныя отрясли – святых страстотерпцев Бориса и Глеба.
Радуйся, первостоятелю святых Церкви нашея.
Радуйся, апостолов сопрестольниче и сликовствователю.
Радуйся, яко на землю нашу выну призираеши и благ временных и вечных ей у Бога ходатайствуеши.
Радуйся, Владимире, державы нашея просветителю.
Кондак 13
О прехвальный и предивный равноапостоле, великий княже Владимире! Приими милостивно от нас благодарение сие о всех, яже тобою воздаде Господь нам, отцем и праотцем нашим и всей державе нашей, начен от дне Крещения даже до сего часа, и моли Всеблагаго Бога пробавити милость Свою на ны и на роды родов наших, утвердити ны в правоверии и благочестии, хранити же от всех бед и зол, да сподобимся с тобою, якоже чада со отцем, во веки воспевати Богу: Аллилуиа.
(Этот кондак читается трижды, затем икос 1 и кондак 1)
Молитва
О великий угодниче Божий, богоизбранный и богопрославленный, равноапостольный княже Владимире! Ты отринул еси зловерие и нечестие языческое, уверовал еси во Единаго Истиннаго Триипостаснаго Бога и, восприяв святое Крещение, просветил еси светом Божественныя веры и благочестия всю страну нашу. Славяще убо и благодаряще Премилосердаго Творца и Спасителя нашего, славим, благодарим и тя, просветителю наш и отче, яко тобою познахом спасительную веру Христову и крестихомся во имя Пресвятыя и Пребожественныя Троицы. Сею убо верою избавихомся от праведнаго осуждения Божия, вечнаго рабства диаволя и адова мучительства, сею же верою восприяхом благодать всыновления Богу и надежду наследования Небеснаго блаженства. Ты еси первый вождь наш к Начальнику и Совершителю нашего вечнаго спасения Господу Иисусу Христу, ты еси теплый молитвенник и ходатай о стране нашей и о всех людех. Не может язык наш изобразити величие и высоту благодеяний, тобою излиянных на землю нашу, отцев и праотцев наших и на нас, недостойных. О всеблагий отче и просветителю наш! Призри на немощи наша и умоли Премилосердаго Царя Небеснаго, да не прогневается на ны зело и не погубит нас со беззаконьми нашими, но да помилует и спасет нас, по милости Своей; да всадит в сердца наша спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и заблуждений, тщатися же во стезях спасения и истины, неуклоннаго исполнения заповедей Божиих и уставов Святыя Церкве. Моли, благосерде, Человеколюбца Господа, да пробавит нам великую милость Свою, да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и от всякаго зла, да подаст нам благорастворение воздуха и плодоносие земли, да даст пастырем ревность о спасении пасомых, всем же людем споспешение, о еже усердно службы своя исправляти, любовь между собою и единомыслие имети, на благо же отечества и Святыя Церкве верне подвизатися; да возсияет свет спасительныя веры в стране нашей во всех концех ея, да упразднятся вся ереси и расколы, да тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.
