Блаженный Павел Таганрогский, названный святым праведным Иоанном Кронштадским «столпом от земли до неба», один из известных подвижников благочестия девятнадцатого столетия, почитаемый на юге России старец, прославлен в лике святых 20 июня 1999 года.
К сонму святых угодников Божиих, подвижников XIX века, таких как преподобный Серафим Саровский, преподобные Оптинские старцы, святитель Феофан Затворник и многие другие святые добавился еще один ревнитель Православия — блаженный Павел Таганрогский.
Житие: Блаженный Павел Таганрогский, в миру Павел Павлович Стожков, был родом из дворян Черниговской губернии. Родился блаженный старец 8 / 21 ноября 1792 года. При святом крещении был наречен Павлом в честь святого Павла Исповедника. Родители будущего старца были богатыми, имели в собственности 800 крестьян, но благочестивыми и глубоко религиозными.
Брат святого Иван Павлович Стожков был штабс-капитаном и образованным человеком. Родители хотели и младшего сына обучить наукам, но он с малых лет выбрал себе другую стезю — путь ко Христу и со Христом. Душа его стремилась к горнему, пела молитвой, ему хотелось путешествовать по святым местам, поклоняться святыням, предаваться посту, покаянию и молитве в поисках спасения.
Блаженный Павел Таганрогский в 16 лет тайно покинул родительский дом для хождения по святым местам. Год он путешествовал так, потом вернулся к родителям. Отец сурово наказал его за своеволие, но наследство в конце концов между братьями поделил. Став самостоятельным, Павел сделал то, о чем давно мечтал.
Блаженный Павел Таганрогский отпустил крестьян на волю, продал доставшиеся ему по наследству имущество и скотину, раздал ради Христа бедным и целый год опять странствовал по монастырям, оставляя везде щедрые дары. Посетил он Соловецкий монастырь, Киево-Печерсвкую Лавру, Почаевскую Лавру.
В 30-35 лет блаженный Павел Таганрогский поселился у Азовского моря в городе Таганроге, который стал его новой родиной, и по которому он и стал впоследствии именоваться. Здесь старец жил на разных квартирах. 20 лет он прожил у Елены Никитичны Баевой, в последней квартире у Ефима Смирнова жил до своей кончины.
Очень любил блаженный Павел Таганрогский Успенский собор города. Часто вносил туда пожертвования, а, когда он достраивался, то старец сам носил кирпичи на второй этаж, будучи уже в преклонных летах. Торговцы старались зазвать преподобного в свои лавки, так как после его визита торговля шла бойко, но он не все приглашения принимал.
Был блаженный Павел Таганрогский высок, крепок, силен и красив лицом, по характеру добрый и милостивый, но строгий и требовательный. Неукоснительно соблюдал пост, ел очень мало, спал на деревянной скамье без подушки, порою по нескольку минут, постоянно пребывал в непрестанной Иисусовой молитве, приучал и послушников к молитвенному бдению.
Бывшая при нем в послушницах Мария Величко, стала его приемницей и управляла осиротевшей общиной после смерти старца более 60 лет, подражая подвигам старца, свято хранила память о нем. Она посвятила свою жизнь его почитанию и прославлению, претерпела гонения за веру христианскую. Мария оставила много воспоминаний и свидетельств о старце, его подвигах и чудесах.
Блаженный Павел Таганрогский стал для многих светильником, показывающим путь к истинной христианской жизни. Силой благодати Божией в нем открылись дары прозорливости, исцелений и чудотворений. В книге «От земли до неба. Чудеса и житие блаженного старца Павла Таганрогского» собраны воспоминания современников старца, знавших его при жизни, и свидетельства о его помощи.
Блаженный Павел Таганрогский скончался 10 / 23 марта 1879 года. Незадолго до его смерти, старца посетил святой праведный Иоанн Кронштадский, который приветствовал блаженного словами: «Здравствуй, столпе от земли до неба…», на что старец ответил: «Здравствуй и ты, солнце от запада на восток…» Канонизирован Русской Православной Церковью через 120 лет.
Место для могилки старца подарил ему один из его почитателей подрядчик кирпичного завода Никанор Иванович. Другой благодетель Иван Никитич Ионикин построил на этом месте часовенку, украшенную внутри иконами. В 1912 году часовня сгорела от пожара, а в 1914 году на том же месте была построена каменная часовня, разрушенная в годы революционного лихолетья.
В середине 90-х годов часовня была восстановлена. Много чудес происходило и происходит и доныне по молитвам блаженному старцу у его иконы, на могилке, в домике, где он жил в последние годы. Мне посчастливилось побывать во всех этих святых местах. Благодать, радость, умиротворение остается потом в душе на долгие годы.
20 июня 1999 года в Таганроге состоялось прославление блаженного старца при огромном стечении народа. Мощи его были обретены раньше, 4 июня, и перенесены в кладбищенскую церковь Всех Святых, где покоились в алтаре. И вот 20 июня состоялось их торжественное перенесение в Свято-Никольский храм, где они почивают и доныне.
Перенесение мощей блаженного старца ознаменовалось несколькими чудесами. Над Свято-Никольским храмом в момент внесения святых мощей образовался при ясном небе светящийся круг вокруг солнца, стоящего в зените, в виде радуги. Так Господь проявил Свое благоволение к прославлению Своего угодника. Потом из облаков над храмом образовался крест.
Молитвенная традиция: Блаженному старцу Павлу Таганрогскому молятся об избавлении от болезней душевных и телесных, об исцелении от беснования, слепоты, о приобретении смирения и упрочения в вере.
Память: 8 / 21 ноября (день Ангела), 10 / 23 марта (день кончины), 7 / 20 июня (день канонизации).
Тропарь, глас 4:
Отечества Небеснаго взыскуя,/ дом родителей твоих оставил еси./ Тленное богатство мира презрев,/ обогатился от Господа многими чудесы и знаменьми. Воздержанием, труды и молитвою насладился еси, образ жития благочестиваго являя./ Темже и ныне с верою приходящим к тебе/ во всяцех напастех помогаеши./ Блаженне отче Павле,/ моли Христа Бога спастися душам нашим.
Кондак, глас 8:
От Небеснаго Врача дар исцелений приим,/ разрешаеши болезни наши телесныя и душевныя./ Божественныя благодати столпе от земли до Неба явился еси,/ о блаженне Павле, моли Христа Бога спасти град и люди, тебе почитающия.
Величание:
Ублажаем тя,/ святый блаженный отче Павле,/ и чтим святую память твою,/ ты бо молиши за нас Христа Бога нашего.
Молитва:
О великий угодниче Божий и чудотворче, святый блаженный Павле! Ты, на высоту добродетелей возшед, яко пресветлая звезда житием твоим возсиял еси, и странническое жительство избрав, мира сего красная ни во чтоже вменил еси. Темже Всеправедный Судия многими чудесы тя прослави. Душу же твою святую в небесные обители всели, идеже любви Божией наслаждаяся, и наши нужды зриши, прошения слышиши. Буди нам в недузех целитель, по морю плавающим кормчий и утопающим благонадежное избавление. Молимся тебе, Павле блаженне: испроси всем, во всякой нужде сущим и ко твоему заступлению прибегающим, всякий дар коемуждо благопотребен: веры и любве преспеяние, благочестия умножение, мира утверждение, больным исцеление, печальным утешение, бедствующим помощь, обиженным защищение. И сподоби ны угодниче Божий молитвами твоими благочестно житие земное скончати, Небесное Царствие и жизнь вечную унаследити, со всеми святыми, в бесконечныя веки веков, Аминь.
АКАФИСТ святому блаженному Павлу Таганрогскому
Общее для всех канонов и акафистов начало:
Боже, милостив буди мне грешному (поклон)
Боже, очисти грехи моя и помилуй мя (поклон)
Создавый мя, Господи, помилуй мя (поклон)
Без числа согреших, Господи, прости мя (поклон)
Владычице моя, Пресвятая Богородице, спаси мя грешного (поклон)
Ангеле Хранителю мой святый, от всякаго зла сохрани мя (поклон)
Святый Блаженный Отче Павле, моли Бога о мне (поклон)
Моливами святых отец наших, Господи Иисусе Христе, Боже наш, помилуй мя. Аминь
Слава Тебе, Боже наш, слава Тебе
Царю Небесный по Отче наш, Господи помилуй (12)
Слава и ныне, Приидите поклонимся. Псалом 50, Символ Веры.
Кондак 1
Избранный угодниче Христов, Егоже ради юродство на себе восприявый и тако в миру поживый, мира суетныя оковы отвергнувый, святый блаженный старче Павле, похвальное приносим ти пение, яко множество чад духовных молитвами и делами благочествия на тесный путь спасения наставил еси, ты же, яко имеяй дерзновение ко Господу, моли избавитися нам всякие язвы душевныя и телесныя, любовию зовущим ти:
Радуйся, старче Павле блаженный, Таганрогский чудотворче!
Икос 1
Ангелом на земли уподобитися возжелавый, от юности своея богатства и красоты мира сего отвративыйся, отче блаженный, милостыни ради имение родительское расточивый, истинное сокровище на небесех стяжал еси. Мы же, таковому твоему благоразумию дивящеся, с радостию глаголем ти сицевая:
Радуйся, корени благороднаго отрасле пречестная,
Радуйся, сонаследниче Царствия Небеснаго.
Радуйся, класе обильный, из земли кролевецкия прозябший,
Радуйся, светильниче веры, в граде Таганроге просиявший.
Радуйся, нищелюбия и милосердия ревнителю,
Радуйся, любостяжания и сквернаго прибытка обличителю.
Радуйся, крине целомудрия благоуханная,
Радуйся, молитво ко Творцу непрестанная.
Радуйся, старче Павле блаженный, Таганрогский чудотворче!
Кондак 2
Видя тягу таковую к богоугодному житию, родитель твой, промыслу Божию вняв, все попечение о тебе на Господа возложив, отпусти тя на путь странничества, благословляя. Ты же, любовию Божией движимый, устремил еси стопы своя по святым местам, заповеди блаженств евангельских ревностно исполняя, верно служил еси Богу, выну взывая: Аллилуия!
Икос 2
Разумом ко Единому всея твари Творцу непрестанно возносяся, Царствия Божия присно взыскуя, Павле блаженне, оставил еси дом отчий, пришед в пределы придонския, желая в тяжцем повизе юродства Христу поработати, во мнимое безумие облеклся еси. Мы же, грешнии, сия ведуще, толикое твое рвение по Бозе ублажающе, взываем ти:
Радуйся, измлада страх Божий в себе носивый,
Радуйся, велие усердие к службе церковней проявивый.
Радуйся, сладкая грозде винограда духовнаго,
Радуйся, отгнателю всякаго помысла греховнаго.
Радуйся, дворянския чины и звания ни во что же вменивый,
Радуйся, странническое житие возлюбивый.
Радуйся, суетнаго богатства мира сего отвративыйся,
Радуйся, старче Павле блаженный, Таганрогский чудотворче!
Кондак 3
Силою благодатною свыше укрепляемый, дни и нощи, в трезвении и молитве провождаше, святче Божий, на всяк час не давал еси сна очима своима якоже и ангелы изумлени бяху мышцею благочествия твоего, воспевая Богу: Аллилуия!
Икос 3
Имея себе любезною материю Церковь Православную, Павле блаженне, яко заботливое чадо, заповеди Божии опасно исполнял еси, Святых Таинств почасту приобщался еси, и тако, в добродетели от силы в силу возрастая, воистину соделался еси причастник славы Божией, Емуже с лики угодников ныне предстоиши. Мы же, таковаго богоугоднаго жития твоего не могуще премолчати, со умилением глаголем ти тако:
Радуйся, дар прозорливости от Христа Бога восприявый,
Радуйся, благодатию Духа Святаго ликом просиявый.
Радуйся, персте, волю Божию нам, в неведении сущим, указующий,
Радуйся, бальзаме, наши язвы душевныя изрядно врачующий.
Радуйся, просвещающая сумрак светолучная зарнице,
Радуйся, веселящая сердце сладкозвучная цевнице.
Радуйся, правило поста и покаяния непреклонное,
Радуйся, кадило молитвы к Богу благовонное.
Радуйся, старче Павле блаженный, Таганрогский чудотворче!
Кондак 4
Буря и трус велий быста в море, якоже и кораблю заливатися волнами, тогда страх и ужас нападе на поклонников иерусалимских, плавающих люте, имже гибель предстояще вскоре в пучине, аще бы не крепкое упование их на благодатную помощь твою, блаженне Павле. Ты же, яко скорый заступник, нимало не закоснев, в светлозрачных одеждах явился еси, и абие воды морския укротил еси именем Иисусовым, Емуже взывати научил еси спасенных тобою: Аллилуия!
Икос 4
Слышаще о безприкладных подвизех твоих, вси страждущии и обидимии притекаху к тебе, угодниче Христов, утешения чающе, понеже воистину светлым чертогом царским показася им тесная и убогая келия твоя, всем приют дающая воспевающим ти тако:
Радуйся, стенания на веселие преложение,
Радуйся, материнских слез осушение.
Радуйся, в житейских делех поможение,
Радуйся, блуднаго разжения угашение.
Радуйся, жар дневной терпящим орошение,
Радуйся, всем скорбящим в горе утешение.
Радуйся, сущим в болезнех и обстояниях скорое поможение,
Радуйся, града Таганрога похвало и украшение.
Радуйся, старче Павле блаженный, Таганрогский чудотворче!
Кондак 5
Боголюбивая душа твоя возмутишеся зело, егда вражии корабли, Керчь разориша, в понт Азовский вторгшася, и гибелью жителям Таганрога угрожаша. Тогда ты, блаженный старче, за отечество наше земное крепко болезнуя, о даровании победы воинству русскому на супостаты усердно молился еси, сограждан своих стойко подвизатися за веру, царя и отечество призывая, да тии зряще во бранех несумненную помощь Божию оружию русскому, с благодарностию дерзновенно вопиют Небесному Царю славы: Аллилуия!
Икос 5
Видяще тя соборный протоиерей, молящегося посреде храма, в ризы ангельския облаченна, и чудяхуся, како на тебе, дивный старче, исполнился еси глагол Христов: «добрый рабе, благий и верный, о мале был еси верен, над многим поставлю тя». Сего ради приими убо от нас недостойных похвалы сицевыя:
Радуйся, обличителю нечестия беззлобный,
Радуйся, девственниче ангелоподобный.
Радуйся, терпения крепкий адаманте,
Радуйся, неискусобрачия драгий бриллианте.
Радуйся, недужным и немощным посещение,
Радуйся, язв душевных елеем радования умащение.
Радуйся, священников благоговейных изумление,
Радуйся, ангелов небесных удивление.
Радуйся, старче Павле блаженный, Таганрогский чудотворче!
Кондак 6
Проповедником нестяжания тленных сокровищ мира сего явился еси, Павле блаженне, яко не точию мнози от простых, но и богатии и именитии, требующе твоих наставлений, в послушание тебе вдаяху себя совершенно. Ты же, по торжищам иногда ходя и тайныя помышления торжников ведая, человеческия пороки изобличал еси, преждереченное Давидом царем глаголюще: «богатство аще течет, не прилагайте сердца». Темже и мы, о словесех псалмопевца тобою наущаемии, выну зовем Богу: Аллилуия!
Икос 6
Возсиял еси, яко маяк светолучный, путь ко спасению указующий и к небесному пристанищу верно приводящий всех блуждающих во тме по морю житейскому. Мы же, ведая, яко по словеси Господню ты воистину явился еси ловцом человеков, старче благий, благодарственное пение приносим ти:
Радуйся, волнения морския укрощающий,
Радуйся, мрежи рыбарские наполняющий.
Радуйся, ветрам и стихиям повелевающий,
Радуйся, бури страстей угашающий.
Радуйся, луче, мрак греховный просвещающий,
Радуйся, кормчий, к благоотишному брегу суда направляющий.
Радуйся, яко утопающих от бездны избавляеши,
Радуйся, яко человеков прилежно уловляеши.
Радуйся, старче Павле блаженный, Таганрогский чудотворче!
Кондак 7
Хотяй юноша Николай поучитися от тебе в беседе духовной, и поведал еси ти, како по твоим, старче, молитвам, отверзостася ему очи духовнии, егда приспе время службе церковной, и абие, воззрев очима, увидел еси ангелов небесных во святем алтаре чинно поряду служащих, иереи же недостойнии, аки путами некими связани быша, и той ужасеся таковаго страшнаго видения и зело смущен бысть. Но твоими, Павле, словесы наставляемь, познал еси, яко ни козни диавольския, ни слабости пастырей и паствы не возмогут поколебати Святую Церковь Православную, яже имать быти до скончания мира, Богу же, чрез тебе Его вразумившему, воспел еси: Аллилуия!
Икос 7
Новое солнце земли русския незакатное, праведный пастырь и чудотворец Кронштадтский Иоанн, ведая твое богоугодное житие, не могущее, якоже свеща на свещнике, от мира утаитися, нарече тя, отче блаженне, столпом, утвержденным от земли до неба. Мы же, в добродетели убозии и в молитве немощнии, толикую твою благоуветливость к худости нашей зряще, воистину тя столпом и опорою имамы, выну к заступлению твоему прибегая, сицевое пение приносим ти:
Радуйся, яко троическому поклонению нас наставляеши,
Радуйся, яко души верных благодатию питаеши.
Радуйся, яко трудников боголюбивых щедро угощаеши,
Радуйся, яко лихоимцев, корыстию одержимых тщи отпускаеши.
Радуйся, темных суеверий и предрассудков искоренителю,
Радуйся, безбожных и нечестивых уст заградителю.
Радуйся, обновлению покаянием пламенный проповедниче,
Радуйся, доброму Пастырю Кронштадтскому собеседниче.
Радуйся, старче Павле блаженный, Таганрогский чудотворче!
Кондак 8
Странник и пришелец был еси на земли, небеснаго града присно взыскуя, яковых же скитальцев призре щедродательная десница твоя, обаче провидя все стези из прозорливым оком, молитвы за сущих в пути и далече возносил еси к Богу, и Той на всяко время промышляше о них. Темже и мы, прославляюще тя, прославльшему тя Богу вопием: Аллилуия!
Икос 8
Всем был еси вся, Павле блаженне, словом спасения дальних и ближних непрестанно назидая; немощи и болезни претруднаго телеси своего безропотно неся, достигл еси маститыя старости, и се приближися время твоего к Богу отшествия, обаче неутомимаго попечения о душах человеческих ради простре Господь срок живота твоего и пробави еще лет пятьнадесять. Ты же, любовию всех объемля, чад своих духовных не хотяще осиротити, потщился еси оставити по себе блаженную старицу Марию, присную свою келейницу и ученицу. Ведуще тя тако о спасении всех печалящася, со умилением взываем ти:
Радуйся, Царствие Небесное нищетою духа стяжавший,
Радуйся, яко утешен бысть, прежде же плакавший и рыдавший.
Радуйся, наследниче, кротостию землю новую наследивый,
Радуйся, правдолюбче, алчбою и жаждою правды ся насытивый.
Радуйся, милостиве, яко от Бога помилован еси,
Радуйся, боговидче, яко чистым сердцем Бога узрел еси.
Радуйся, сыном Божиим нарецыйся, миротворче известный,
Радуйся, гнанный правды ради, яко таковых есть Царство Небесное.
Радуйся, Христа ради поношение сновивый, ныне же ублажаемый от всех,
Радуйся, блаженне, и веселися, яко мзда твоя многа на небесех.
Радуйся, старче Павле блаженный, Таганрогский чудотворче!
Кондак 9
Вся силы телесныя оставиша странницу Гликерию и жизнь ея угасла еси, душа же, от земных уз разрешившися, в чертозех небесных пребывала еси, со удивлением созерцая тамо тебе, старче святый, в будущей блаженной жизни во славе велией веселящася. Дщерь же ея Лукия тело к погребению уготованное слезами орошала еси, егда умершая по твоим, Павле, молитвам ко Христу, абие оживе и воста здрава. Мы же, о чудеси сем дивящеся, како по твоем глаголу сень смертная расточается и надгробное рыдание на радование прелагается, благодарственно вопием жизнодавцу всех Богу: Аллилуия!
Икос 9
Витийство буесловов суемудренных, завистию исконнаго врага спасения одержимых, во уметы вменил еси, Павле блаженне, яко единаго Христа приобрел еси себе заступника и оправдителя; мы же, поминающе кротость твою и незлобие, веры исполненное, ублажаем тя, глаголюще тако:
Радуйся, злато, добле прошедшее горнило смирения,
Радуйся, сребро, жаром клевет восприявшее очищение.
Радуйся, воду поношения усердно испивший,
Радуйся, врагов своих тепле возлюбивший.
Радуйся, в укорениях — благословение,
Радуйся, в гонениях — терпение.
Радуйся, в похулениях утешение,
Радуйся, в злословиях — радование.
Радуйся, старче Павле блаженный, Таганрогский чудотворче!
Кондак 10
Немощию телесною и подвигами жития утружденный, хотя душу свою ко отшествию от мира сего уготовати, призвал еси духовника своего иеромонаха Дамиана и, воззревши нань, предрекл еси ему величие и славу, понеже не сущая ко сущая провидел еси ты по дару Духа Святаго, Павле блаженне; он же, реченное тобою в сердце своем слагая, непщеваше разумети о словесех твоих. Девятому убо надесять лету минувшу, восшедшу же ему на служение патриаршее во святом граде Иерусалиме, во исполнение пророческаго гласа твоего, и той, вельми возрадовася о исполнении таковаго славнаго назнаменования, благодарственная возопил есть Богу: Аллилуия!
Икос 10
Стены каменнии не возмогоху укрыти острожников, в узилищах вчиненных, от твоей, милостивный старче, любове и попечения. Мы же, удивляяся таковому твоему рачению о сущих в тесноте и лишениях, сретаем тя приветствии сими:
Радуйся, в законопреступных душах страх Божий пробудивый,
Радуйся, стражей темничных милосердию к падшим научивый.
Радуйся, о угнетенных слезный печальниче,
Радуйся, о плененных теплый молитвенниче.
Радуйся, манно, ухлебляяй алчущих,
Радуйся, источниче, напояваяй жаждущих.
Радуйся, узников к раскаянию во гресех студных обращаяй,
Радуйся, непостыдныя кончины и погребения усопших сподобляяй.
Радуйся, старче Павле блаженный, Таганрогский чудотворче!
Кондак 11
Лепо есть пети тихое преселение твое от земных к небесным, старче святый, яко не точию в житии, но и во успении своем дивными знаменами просиял еси. Прилучи же ся в туюжде нощь протоиерею Василию видети душу твою светлыми ангелы на небо влекому, и абие, от сна возбнув, исполнися страха и трепета, народи же таганрогстии, славное отшествие твое и чудеса ту бывающия слышаще, и не могущи проторгнутися ко гробу твоему, на погост несомому, многаго скопления людскаго ради, овии на забрала и на кровы полатныя возлезаху, овии далече наперед забегаху и на высокия древеса лепяхуся, да всяко возмогут оттуду на гроб твой взирати, овии же в перси себя ударяху, сиротство свое оплакивая; и рыдания прерываху умиленную песнь их к Богу: Аллилуия!
Икос 11
Светоприемною свещею в нощи безбожия возсияла есть нам убогая могилка твоя, старче блаженный, егда земля наша, юже видел еси ты благу и цветущу, сотворишеся вся запустенна и кровьми святых напоенна; Церковь Русская сетующа и буйными мятежы и распрями раздираема, храмы Божии разрушенны и оскверненны; и егда плачь наш паче вифлеемскаго плача превзошел еси: тамо бо токмо едини младенцы побиваемы бываху, зде же ни старии, ни малии, ни богатии, ни убозии не пощадени бысть; и тогда ты, Павле досточудне, скорое заступление подавал еси всем ко гробу твоему притекающим и в молитвах тя призывающим, слышащи от всех таковая:
Радуйся, яко иудеом соблазн, безбожным же безумие гроб твой явися,
Радуйся, яко чудесы и щедротами твоими мир озарися.
Радуйся, яко новых мучеников кровию могила твоя окропися.
Радуйся, яко с телесы тех вкупе новая слава в ню вселися.
Радуйся, яко до концев земли русския слава твоя достиже,
Радуйся, яко благодатным поможением не закосняеши николиже.
Радуйся, пред образом Божиим лампадо неугасимая,
Радуйся, яко всем неоскудно подаеши просимое.
Радуйся, старче Павле блаженный, Таганрогский чудотворче!
Кондак 12
Божественная благодать явися на тебе, Павле блаженне, и неизреченное чудо дивно показася, егда бо принесение святых мощей твоих совершашеся. Тогда вси людие с трепетом узреша, како светило солнечное красуяся, к высоте небесней возшедши, взыграше, кругами радужными аки венцем неким окруженно, лучами радостно испущающе и всюду светящеся, показуя сим чудом, како прославляет Бог любящия Его. Да вси, зряще сие, ко святей раце твоей усердно притекающе и исцеление в недузех приемлюще, с благодарностию воспевают хвалебную песнь тобою благотворящему всем Небесному Царю Славы: Аллилуия!
Икос 12
Поюще дивныя подвиги твоя, земный ангеле и небесный человече, воистину недоумением колеблемы есмы, кими гласы ублажити тя, или кими глаголы похвалити тя, Павле досточудне, исповеднику Павлу тезоимените, яко целому сонму угодников преславнейших уподобился еси. Се бо язык связуется, гортань премолкает и крепость наша изнемогает, како изрещи доброты твоя, понеже чудеса твоя умножишася паче звезд небесных. Мы же недостойнии, со всяческим усердием почтити тя мняще малыми словесы сицевыми, обаче и много именитство стяжал еси, яко многими благодатьми обогатился еси, тако нарещи тя дерзаем:
Радуйся, новый Еноше, добрым житием Господеви угодивший,
Радуйся, Ное, убогое жилище свое ковчегом спасения учинивший.
Радуйся, Аврааме, гостеприимством ко ближним Святей Троице послуживший,
Радуйся, прекрасный Иосифе, целомудрием не земной, но небесный венец получивший.
Радуйся, Лазарю, на лоне праотечнем достойно возлегший,
Радуйся, премудре, вкупе с мудрыми девами в чертог брачный восшедший.
Радуйся, новый Николае, яко стихии укрощаеши и обуреваемыя соблюдаеши,
Радуйся, Пантелеимоне, яко струпы душевныя и телесныя исцеляеши.
Радуйся, милостивый Спиридоне, яко не оскудевает щедродательная десница твоя,
Радуйся, странноприимниче Сампсоне, яко не запустевает убогая келия твоя.
Радуйся добрый самарянине, яко милосердие к убогим проявляеши,
Радуйся, Авелю тайновидче, яко пророчествы своими судьбы предваряеши.
Радуйся, преподобне, яко честна пред Господем смерть преподобных его,
Радуйся, чудотворче, яко преизобилуют чудеса от гроба твоего.
Радуйся, старче Павле блаженный, Таганрогский чудотворче!
Кондак 13
О предивный угодниче Христов и преславный чудотворче, святый блаженный старче Павле! Приими сие малое моление наше, в похвалу тебе ныне приносимое, и призри милостивно с высоты небесныя славы твоея на нас недостойных, к раце цельбоносных мощей твоих со умилением припадающих и от недугов душевных и телесных исцеления чающих, и не остави нас попечением твоим до конца, якоже обещался еси, но испроси у Владыки и Спаса нашего спасения душам нашим, да сподобимся с тобою и со всеми святыми вечно в радости блаженней воспевати Богу: Аллилуия, Аллилуия, Аллилуия.
Этот конда читается трижды, затем икос 1 и кондак 1
Моливы святому блаженному Павлу Таганрогскому
Молитва первая
О великий угодниче Божий и чудотворче, святый блаженный Павле! Ты, на высоту добродетелей восшед, яко пресветлая звезда житием твоим возсиял еси, и странническое жительство избрав, мира сего красная ни во чтоже вменил еси. Темже Всеправедный Судия многими чудесы тя прослави. Душу же твою святую в небесныя обители всели, идеже любве Божией наслаждаяся, и наши нужды зриши, прошения слышиши. Буди нам в недузех целитель, по морю плавающим кормчий и утопающим благонадежное избавление. Молим тя, Павле блаженне: испроси всем, во всякой нужде сущим и ко твоему заступлению прибегающим, всякий дар коемуждо благопотребен: веры и любве преспеяние, благочестия умножение, мира утверждение, больным исцеление, печальным утешение, бедствующим помощь, обидимым защищение. И сподобы ны, угодниче Божий, молитвами твоими благочестно житие земное скончати, Небесное Царствие и живот вечный унаследити, со святыми, в безконечныя веки веков. Аминь.
Молитва вторая
О преблаженне угодниче Христов Павле, южных пределов страны нашея пред Господем заступниче! Ты еще во плоти сый, красная мира сего Христа ради ни во чтоже вменил еси, и на путь спасения люди словесы и деяньми наставлял еси. Был бо всем приходящим к тебе скорый помощник и молитвенник. И ныне в вышних Святей Троице предстоя, имаши сугубое дерзновение ко Владыце, освяти бо тя Господь Вышний яко Своего угодника. Блажен есть воистину град и место, на немже положено бысть честное тело твое. Сего ради молимся тебе: буди и нам помощник и заступник, избавляй нас от враг видимых и невидимых, такожде и всех, не токмо зде во граде Таганроге, но и всюду призывающим имя твое святое. Призри, преблаженне Павле, на нас многогрешных, ныне творящих память твою, и милостив буди нам с верою притекающим к многоцелебным мощем твоим, яко да спасени будем твоими молитвами, и непрестанно славим Пресвятую Троицу, Отца и Сына и Святаго Духа, ныне и присно и во веки веков. Аминь.
Общее для всех канонов и акафистов окончание:
Достойно есть. Слава и ныне. Господи, помилуй (трижды).
Молитвами святых отец наших, Господи Иисусе Христе Боже наш, помилуй нас. Аминь
Боже, очисти мя грешнаго и помилуй мя (поклон).
Создавый мя, Господи, помилуй мя (поклон).
Тропарь, глас 8
Вышния красоты желая, нижния сласти телесныя далече от себе отгнал еси и в келии убозей пребывающи, ангельское житие препровождал еси, старче Павле блаженне, моли Христа Бога спастися душам нашим.
Тропарь, глас 5
От юности, премудре, прилежно подвизався, от Бога наставляемь, отечество свое оставль и в пределы таганрогския пришед, в келии убозей вселися, буйством юродства посрами премудрость мира сего, о чадех же твоих духовных непрестанно болезнуя, и благочестию тех усердно наставляя, жития твоего целомудрием со ангельскими лики совокупися, богомудре старче Павле, с нимиже Христа Бога моли спастися душам нашим.
Кондак, глас 8
Похвальные ныне принесем глаголы взбранному и крепкому столпу Христову, иже от Христа дар чудес приял еси, ты же святче Божий, имея дерзновение ко Пресвятей Троице, моли избавитися от бед чадом твоим, да зовем ти,
Радуйся блаженне старче Павле.
Кондак, глас 6
Иже во юродстве Христа ради усердно подвизався, в сединах доблих детскую простоту и кротость явив, клеветы человек беззаконных претерпел еси, и постническим житием и бдением небесная дарования приял еси, блаженне Павле, молитвами твоими не остави чад твоих, якоже обещался еси.
На обретение мощей святаго блаженнаго Павла
Тропарь, глас 3
Яко сокровище пребогатое, от мног лет сокровенны честныя мощи твоя обретошася, чудеса источающия, страче Павле блаженне, от нихже исцеления приемлюще, радостно Христа прославляем, глаголюще: слава Тебе Богу нашему, прославляющему святые Своя.
Тропарь, глас 8
Днесь всякая душа верных веселится, почитающи обретение честных мощей твоих, старче блаженне: яко слепыя просвещаеши, немым уста отверзаеши и печальныя утешаеши, приял бо еси от Христа Бога благодать исцелений, темже вопием ти: молися о душах наших.
Тропарь, глас 4
Отечества небеснаго взыскуя, дом родителей твоих оставил еси. Тленное богатство мира презрев, обогатился от Господа многими чудесы и знаменьми. Воздержанием, труды и молитвою насладился еси, образ жития благочестиваго являя. Темже и ныне с верою приходящим к тебе во всяцех напастех помогаеши. Блаженне отче Павле, моли Христа Бога спастися душам нашим.
Кондак, глас 3
Возсия, Господи, граду Твоему Таганрогу, яко светозарное солнце угодник Твой Павел, радостно вселенную озаряя своими чудесы, и приходящих с верою ко гробу его святому: тако молитвами Пречистыя Владычицы нашея Богородицы от бед всех нас избави и грехов оставление подаждь, яко мы, людие Твои, Господи, и град наш и страна вельми тобою хвалится, и спасется молитвами блаженнаго старца Павла.
Кондак, глас 3
Днесь светло ликует град Таганрог, яко множество скорбящих обретают утешение, на твоя молитвы надеющеся, Павле всеблаженне, ты бо еси граду сему похвала и утверждение.
Кондак, глас 4
Днесь град Таганрог веселится, созывая вся верныя светло праздновати память твою, святый блаженный старче Павле, и мы ныне, духовно ликовствующе, радостно славим тя и молим: предстоя престолу Святыя Троицы, не забуди нас недостойных, якоже обещался еси, и молися всем нам спастися.
Кондак, глас 4
В заповедях бодрствовал еси владычних, нищим расточивый твое богатство, блаженне, безумием мнимым безумие мира обличивши, темже наследуеши божественное наслаждение.
Кондак, глас 8
От Небеснаго Врача дар исцелений приим, разрешаеши болезни наши телесныя и душевныя. Божественныя благодати столпе от земли до неба явился еси, о блаженне Павле, моли Христа Бога спасти град и люди, тебе почитающия.
Величание
Ублажаем тя, святый блаженный отче Павле, и чтим святую память твою, ты бо молиши за нас Христа Бога нашего.
Акафист печатается по изданию «Благая Весть», Таганрогского благочиния, Ростовской на Дону Епархии РПЦ.
