Преподобный Иов Почаевский

Преподобный  Иов  Почаевский

Преподобный  Иов  Почаевский,  игумен  Свято-Успенской  Почаевской  Лавры,  управлявший  ею  50  лет,  святой,  прославленный  Русской  Православной  Церковью  в  лике  преподобных ,  известный  своей  подвижнической  жизнью, занимался  активной  просветительской  деятельностью,  создал  Почаевскую  типографию. 

При  его  игуменстве  монастырь  значительно  расстроился  и  расширился.  Преподобный  Иов  Почаевский  воздвиг  Свято-Троицкий  собор  и  шесть  меньших  церквей,  ввел  общежительный  устав  одновременно  с  суровой  подвижнической  жизнью,  боролся  с  католичеством  и  униатством,  защищая  Православие,  отстаивая  его  чистоту.

Преподобный  Иов  Почаевский  ввел  в  обители  древний  Студитский  устав,  устояя  жизнь  в  ней  по  примеру  Свято-Успенской  Киево-Печерской  Лавры.  До  него  почаевские  пустынники  могли  и  не  иметь  особого  игумена,  подчиняясь  каким-либо  духовным  старцам  так,  как  это  было  заведено  у  пустынножителей  на  Афоне. 

Авторитет  Почаевского  игумена  был  очень  высок  в  Речи  Посполитой.  Твердость  характера  в  нем  сочеталась  с  братолюбием,  смирением  и  с  совершенным  беззлобием.  Был  преподобный  Иов  Почаевский  миролюбив  и  до  того  немногословен,  что  зачастую  только  и  можно  было  услышать  от  него:  «Господи  Иисусе  Христе,  помилуй  мя  грешного».

Преподобный  Иов  Почаевский  был  непрестанным  делателем  молитвы  Иисусовой,  доводящей  подвижника  благодатиею  Божией  до  высочайшего  духовного  совершенства.  По  свидетельству  Досифея,  ученика  преподобного,  он  видел,  как  однажды  во  время  молитвы  преподобного  облистал  свет  благодати  Божией,  сиявший  во  всей  церкви  в  течении  двух  часов  непрерывно. 

Житие:  Преподобный  Иов  Почаевский,  в  миру  Иван  Иванович  Железо,  родился  в  1550  году  в  Галиции,  на  Покутье,  крае,  лежащем  между  Карпатскими  горами  и  Днестром,  близ  города  Коломыи.  В  святом  крещении  получил  имя  Иоанн.  В  десять  лет  он  поступил  в  Угорицкий  монастырь,  а  в  12  лет  был  пострижен  в  монашество  с  именем  Иова.

Преподобный  Иов  Почаевский  с  самого  раннего  возраста  стремился  к  жизни  уединенной  и  благочестивой.  Он  настолько  преуспевал  в  иноческих  подвигах,  что  был  удостоен  столь  раннего  пострижения  в  мантию.  По  достижении  совершеннолетия  (30  лет)  был  возведен  в  священнический  сан  и  вскоре  принял  Великую  схиму  с  именем  Иоанн,  хотя,  не  смотря  на  это,  был  прославлен  с  именем  Иов.

Годы  жизни  преподобного  пришлись  на  тяжелые  для  Православия  времена,  жесткие  притеснения  со  стороны  католиков  и  униатов.  После  Люблинской  унии,  воссоединения  Польши  и  Литвы,  признания  православными  епископами,  под  давлением  польского  правительства,  власти  Папы,  истинные  исповедники  Православия  терпели  различные  гонения  и  притеснения.

Некоторые  уходили  в  степь,  образовывая  казацкое  войско,  некоторые  теснились  вокруг  вельмож,  оставшихся  преданными  Православию.  Самым  видным  из  них  был  князь  Константин  Осторожский,  основавший  в  своем  городе  Духовную  академию  и  типографию.  С  этим  выдающимся  деятелем  и  свела  судьба  преподобного  Иова  Почаевского.

Преподобный  Иов  Почаевский

Слава  о  редких  добродетелях  Угорицкого подвижника  очень  скоро  разнеслась  по  всей  Галиции.  Дошла  она  и  до  князя  Константина  Константиновича  Острожского.  По  просьбе  князя  преподобный  Иов  Почаевский  был  переведен  в  находившийся  в  его  владениях  Дубенский  монастырь  в  городе  Дубно  на  Волыни,  где  стал  настоятелем. 

Преподобный  Иов  Почаевский  много  писал  в  защиту  теснимого  Православия,  защищая  его  прежде  всего  словом,  устным  и  письменным.  Особое  значение  он  придавал  распространению  книг  среди  православного  населения.  Издание  славянской  Острожской  Библии,  этого  величайшего  памятника  просвещения  XVI  века,  наверняка  не  обошлось  без  совета  и  благословения  преподобного.

Набожный  князь  очень  часто  и  подолгу  любил  уединяться  для  молитвы  в  Дубенском  монастыре.  После  двадцати  лет  игуменства  мирская  слава  стала  тяготить  преподобного,  душа  его  стремилась  к  уединению  и  молитве.  Строгий  к  самому  себе,  с  ранних  лет  стяжавший  дух  кротости  и  смирения,  преподобный  Иов  Почаевский  в  поисках  уединения  удалился  в  начале  XVII  века    на  Почаевскую  гору.

Святой  поселился  в  пещере  неподалеку  от  Успенской  обители,  известной  своей  чудотворной  Почаевской  иконой  Божией  Матери.  Но  и  здесь  он  не  долго  пробыл  в  уединении.  Братия  полюбила  святого  отшельника  и  избрала  его  игуменом.  Им  преподобный  Иов  Почаевский  оставался  до  конца  своих  дней,  прожив  на  свете  чуть  более  100  лет.  Память  о  нем  благоговейно  и  бережно  хранится  в  Свято-Успенской  Почаевской  Лавре  уже  не  одно  столетие.

Преподобный  Иов  Почаевский

Преподобный  Иов  Почаевский  отошел  ко  Господу   28  октября  /  10  ноября  1651  года.  Нетленные  мощи  святого  были  обретены  в  1659  году  после  трехкратного  его  явления  митрополиту  Киевскому  Дионисию.  Вскоре  после  этого  видения  митрополиту  в  обитель  приехала  на  богомолье  Ева  Домашевская.  Ночью  она  увидела,  что  в  Троицкой  церкви  сияет  свет  и  услышала  пение,  она  отправила  туда  служанку,  чтобы  узнать,  какое богослужение совершается.

Служанка,  девица  Анна,  подойдя  к  храму,  к  своему  ужасу  увидела,  что  церковные  двери  открыты,  а  посреди  церкви,  между  двумя  ангелами,  молится  в  необычайно  светлом  одеянии  преподобный  Иов  Почаевский.  Обратившись  к  девице,  он  приказал  ей  позвать  игумена  Досифея,  в  это  время  безнадежно  больного,  и  дал  ей  для  него  плат,  омоченный  в  миро.  Больной,  получив  этот  плат,  помазался  им  и  получил  исцеление.

Митрополит  Дионисий,  приехав  в  обитель,  повелел  вскрыть  могилу  старца.  Мощи  преподобного,  пролежавшие  под  землей  семь  лет  и  девять  месяцев  выглядели  так,  словно  только  что  были  погребены  и  источали  дивное  благоухание.  Они  были  помещены  в  раке  в  Свято-Троицком  соборе.

В  1721  гду  Почаевским  монастырем  завладели  униаты.  Почаевскую  икону  Божией  Матери  они  чтили,  а  к  мощам  преподобного  доступ  верующим  закрыли.  В  1831  году,  когда  униаты  были  воссоединены  с  Православной  Церковью,  мощи  преподобного  Иова  были  вновь  торжественно  открыты,  а  Почаевский  монастырь  объявлен  Лаврой.

Память:  28  октября  /  10  ноября  (преставление),  6  /  19  мая  (тезоименитство — день  памяти  праведного  Иова  Многострадального),  28  августа  /  10  сентября  (обретение  мощей).

 

АКАФИСТ   преподобному  Иову  Почаевскому

Составлен  протоиереем  Андреем  Хойнацким.  Одобрен  Священным  Синодом  27  июля  /  14  августа  1883  года  № 1372.

Утвержден  для  общецерковного  использования.

Конда́к 1.

Избра́нный от Го́спода, благи́й ра́бе и ве́рный, уго́дниче Христо́в, преподо́бне о́тче на́ш И́ове, твои́м заступле́нием и предста́тельством огражда́еми, похва́льная воспису́ем ти́, пове́дающе благи́я по́двиги и чудеса́ твоя́, и благода́рственная возсыла́ем моле́ния просла́вльшему тя́ Го́споду и Царю́ сла́вы. Ты́ же, я́ко име́яй дерзнове́ние ко Го́споду и Пречи́стей Его́ Ма́тери, Присноде́ве Богоро́дице, от вся́ких на́с бе́д свободи́, зову́щих ти́:

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

И́кос 1.

А́нгела земна́го нра́вом и челове́ка небе́снаго житие́м соде́ла тя́ Влады́ка а́нгелов и всея́ ви́димыя и неви́димыя тва́ри; те́мже просла́вив тя́, я́ко сообра́зна я́вльшася предуве́дению Его́, благоволи́л е́сть и на́м яви́ти сла́вное житие́ и пренебе́сное прославле́ние твое́, да воспева́ем ти́ си́це:

Ра́дуйся, от утро́бы ма́терния избра́нный на по́двиг служе́ния Царю́ Небе́сному;

Ра́дуйся, и́менем Иоа́нна, благода́ти тезоимени́таго, и́мже по рожде́нии нарече́н бы́л еси́, я́ко печа́тию благода́ти запечатле́нный.

Ра́дуйся, я́ко прия́л еси́ и́мя Крести́теля Госпо́дня, ему́же пустыннолю́бным житие́м до́бре поревнова́л еси́;

Ра́дуйся, я́ко измла́да услы́шал еси́ вну́тренний гла́с призва́вшаго тя́ Го́спода.

Ра́дуйся, я́ко десятоле́тен сы́й, сему́ гла́су охо́тно после́дуя, уклони́лся еси́ от о́чию люби́мых ти́ роди́телей и во оби́тели Уго́рницкой всели́лся еси́;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 2.

Ви́дяще и́ноцы Уго́рницкии доброде́тельное житие́ твое́ и благи́я нра́вы, уго́дниче Бо́жий, по двою́ ле́тех кро́ткаго и трудолю́бнаго послуша́ния твоего́ во оби́тели свое́й, возложи́ша на тя́ а́нгельский чи́н, и, я́коже предобразу́я многотру́дныя по́двиги твоя́, я́же Христа́ ра́ди подъя́ти име́л еси́, И́овом тя́ нареко́ша, воспева́я Бо́гу: Аллилу́ия.

И́кос 2.

Ра́зум свы́ше ле́т подава́я тебе́, Бо́г ра́зумов умудри́ тя́ в ве́дении си́х, я́же ко спасе́нию, я́ко преуспева́ти тебе́ в пути́ Госпо́дни и благопоспеши́ти па́че все́х, су́щих во оби́тели. Те́мже и на сте́пень свяще́нства, а́ще и по мно́зем отрица́нии твое́м, а́бие во урече́нный во́зраст подведе́н бы́л еси́. Си́х ра́ди приими́ от на́с хвале́бная пе́ния сия́:

Ра́дуйся, све́том ра́зума Боже́ственнаго от ю́ности твоея́ осия́нный;

Ра́дуйся, во све́те лица́ Бо́жия тму́ неве́дения и плотски́х мудрова́ний во все́м житии́ твое́м от себе́ отгна́вый.

Ра́дуйся, розго́ плодоно́сная, де́лы богоуго́дными приви́тая к и́стинной ле́торасли вертогра́да Госпо́дня;

Ра́дуйся, кри́не, прозя́бший благоче́стие от росы́ Ду́ха Свята́го.

Ра́дуйся, кла́се, пло́д духо́вной ве́ры, наде́жды и любве́ боже́ственныя стори́цею прине́сший;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 3.

Си́ла Вы́шняго, е́юже облече́н бы́л еси́ во уго́дное благода́ти Боже́ственныя ору́дие, толи́кий пла́мень ре́вности Бо́жия возжже́ в се́рдце твое́м, я́ко неусы́пнаго ра́ди хвале́ния Го́спода и вели́кий а́нгельский о́браз по рукоположе́ни вско́ре восприя́ти изво́лил еси́, и́менем Иоа́нна во схимона́сех па́ки нарече́нный, я́ко испо́лнь сугу́быя благода́ти Бо́жия и навы́кнувый пе́ти непреста́нно серафи́мскую пе́снь: Аллилу́ия.

И́кос 3.

Иму́щи дарова́ния многоразли́чная от Го́спода, вои́стину не возмо́гл еси́ утаи́тися от совреме́нник твои́х, от ни́хже мно́зи нача́ша приходи́ти к тебе́ по́льзы ра́ди душе́вныя; благочести́вый же Остро́жский кня́зь Константи́н испроси́ тя́ во оби́тель свою́ Кре́стную на о́строве Ду́бенстем, иде́же и во игу́мена вско́ре поста́влен бы́л еси́, науча́я все́х зва́ти тебе́:

Ра́дуйся, вмести́лище все́х сокро́вищ Госпо́дних;

Ра́дуйся, раздая́телю коему́ждо на по́льзу даро́в духо́вных, я́же прия́л еси́ от Го́спода.

Ра́дуйся, я́ко ревну́я по правосла́вию, во оби́тели Ду́бенстей писа́нием кни́г боже́ственных проти́ву у́нии, тогда́ пе́рвее яви́вшейся, богому́дренно упражня́лся еси́;

Ра́дуйся, я́ко сего́ ра́ди и бра́тию свою́ на по́двиг распростране́ния правосла́вных кни́г богому́дренно подвиза́л еси́.

Ра́дуйся, я́ко благослове́нию твоему́ и внуше́нию, е́же от Ду́ха Свята́го, после́дуя, Остро́жский кня́зь первопеча́тную слове́нскую Би́блию во утеше́ние ве́рных тисне́нию предаде́;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 4.

Вре́менныя че́сти, е́юже стужа́ху ти́ мно́зи от правосла́вных, ку́пно же и озлобле́ний многоразли́чных за любо́вь к Правосла́вию от клевре́тов у́нии хотя́ изба́витися, умы́слил еси́ избе́гнути от нача́льства, е́же вя́щши два́десяти ле́т име́л еси́ на о́строве Ду́бенстем. Сего́ ра́ди та́й оста́вил еси́ оби́тель свою́ Кре́стную, и, во е́же сокры́тися от треволне́ний ми́ра сего́ мномяте́жнаго, во о́бразе проста́го и́нока прите́кл еси́ на го́ру Поча́евскую, издре́вле све́тлостию чуде́с премно́гих сия́ющую, зовы́й Бо́гу: Аллилу́ия.

И́кос 4.

Услы́шаша и уразуме́ша се́рдцем и душе́ю и́ноцы Поча́евстии преизбы́точествующий в тебе́ исто́чник благода́ти Бо́жия, о́тче на́ш И́ове, я́ко сицева́го тя́ наста́вника зело́ подви́жна и иску́сна благоволи́ име́ти Пресвята́я Богоро́дица во Свое́й, небеси́ подо́бящейся, оби́тели; те́мже о́бщим моле́нием со слеза́ми а́бие во игу́мена себе́ поста́виша тя́, взыва́я тебе́:

Ра́дуйся, гра́де, верху́ горы́ стоя́й и изоби́луяй вы́шними добро́тами;

Ра́дуйся, сокро́вищнице, богатя́щая на́с духо́вными би́серы.

Ра́дуйся, сто́лпе, указу́яй пу́ть пра́вый хотя́щим обрести́ его́;

Ра́дуйся, свети́ло, на за́паде Росси́и в просвеще́ние на́ше возсия́вшее.

Ра́дуйся, по следа́м всеблаже́ннаго Феодо́сия Ки́ево-Пече́рскаго о́бщих жити́й на горе́ Поча́евстей первонача́льниче;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 5.

Боготе́чной звезде́ уподо́бился еси́, всеблаже́нне, сия́я де́лы благи́ми и богоуго́дными на горе́ Поча́евстей; и́хже ра́ди мно́зи во сле́д тебе́ направля́ху стопы́ своя́ от распу́тий грехо́вных, о́вии у́бо на ну́жды оби́тели твоея́ от име́ний свои́х принося́ще, о́вии же отце́м духо́вным во испове́дание грехо́в свои́х нарочи́то тебе́ избира́юще, я́ко все́м о тебе́ Бо́гу служа́щим и тобо́ю на спасе́ния стези́ наставля́емым, со дерзнове́нием пе́ти Бо́гу: Аллилу́ия.

И́кос 5.

Ви́дев тя́ иеросхимона́х Досифе́й, учени́к тво́й, уго́дниче Бо́жий, дре́вним отце́м в житии́ свое́м после́дующа, начерта́ на́м пресла́вная дела́ и вели́кия по́двиги твои́; и́мже удивля́ющеся, сицевы́м венча́ем тя́ песносло́вием:

Ра́дуйся, я́ко в те́сней и те́мней пеще́ре горы́ Поча́евския та́йно от взо́ров челове́ческих многоле́тне свя́то подвиза́лся еси́;

Ра́дуйся, я́ко иногда́ чрез три́ дни́, овогда́ же чрез це́лую седми́цу еди́н в пеще́ре то́й богомы́слия ра́ди затворе́н бы́л еси́.

Ра́дуйся, я́ко еди́ною моля́щуся ти́ вну́трь ея́, облиста́ тя́ све́т неизрече́нный, на до́лзе не престая́ осиява́ющи сопреде́льную с пеще́рою це́рковь;

Ра́дуйся, я́ко ничи́мже, то́чию слеза́ми, из глубины́ серде́чныя излива́ющимися, во времена́ о́ны пита́выйся.

Ра́дуйся, я́ко необы́чнаго ра́ди изможде́ния пло́ти и до́лгих стоя́ний согни́ на нога́х те́ло твое́ и да́же от косте́й отпада́ше;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 6.

Пропове́дывати Правосла́вие жела́я во страна́х свои́х, всеблаже́нне, я́коже на о́строве Ду́бенстем, си́це и на горе́ Поча́евстей, кни́ги боже́ственныя в поуче́ние ве́рным подава́л еси́, еще́ же и ти́пом печа́тати ты́я во свое́й типогра́фии Поча́евстей повелева́л еси́ и ку́пно с ни́ми посла́ния архиере́йская и моли́твы многоразли́чныя, во е́же все́м, чту́щим и́х и по о́нем моля́щимся, пе́ти Бо́гу нело́жно: Аллилу́ия.

И́кос 6.

Возсия́л еси́, я́ко заря́, не от восто́ка, но от за́пада Росси́йскаго восходя́щая, уго́дниче Бо́жий, егда́ ну́жд ра́ди церко́вных от обдержа́щия у́нии бы́л еси́ в богоспаса́емом гра́де Ки́еве на собо́ре святы́х оте́ц, иде́же во святе́й Ки́ево-Пече́рской Ла́вре, ея́же преподо́бными отца́ми, от зла́го наше́ствия Баты́ева спаса́вшимися, и оби́тель Поча́евская дре́вле основа́ся, кля́твенно обеща́лся еси́ ку́пно со ины́ми в ве́ре правосла́вней, оте́честей кре́пко и неизме́нно стоя́ти, николи́же и ника́коже о отступле́нии в инове́рие не мы́слити и к сему́ всеросси́йский наро́д увещава́ти, да слы́шиши от все́х:

Ра́дуйся, я́сное зерца́ло апо́стольских преда́ний;

Ра́дуйся, живоприи́мный исто́чниче и́стинных кафоли́ческих пра́вил.

Ра́дуйся, ерети́ческих басносло́вий прему́дрый истреби́телю;

Ра́дуйся, глубины́ правосла́вных догма́тов иску́сный изме́рителю.

Ра́дуйся, боже́ственный орга́не, возшуми́вший на́м уче́ние спаси́тельное;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 7.

Хотя́ Христо́с Госпо́дь и Преблага́я, Пречи́стая Ма́терь Его́ яви́ти в тебе́, о́тче, несказа́нное смотре́ние Свое́ о святе́й горе́ Поча́евстей, дарова́ша ти́ си́лу и прему́дрость благопоспе́шно подвиза́тися проти́ву зле́йшаго врага́ оби́тели твоея́, злове́рнаго боля́рина Андре́я; его́же ты́ судо́м пра́вым иму́щество монасты́рское, веле́нием его́ погра́бленное, возврати́ти пону́дил еси́, и сего́ в примире́ние с собо́ю и со и́ноками свои́ми приве́л еси́, поя́ Бо́гу суда́ и пра́вды: Аллилу́ия.

И́кос 7.

Но́вое тобо́ю показа́ Госпо́дь оби́тели Поча́евстей неизсле́димое промышле́ние Свое́, егда́ жела́нию твоему́ после́дуя, имени́тый боля́рин Фео́дор и Е́ва, благоро́дная жена́ его́, иждиве́нием свои́м сооруди́ша верху́ горы́ Поча́евския це́рковь вели́кую и пресла́вную, я́ко вмести́тися в не́й цельбоно́сней стопе́ Бо́жия Ма́тере; иде́же и ико́ну Ея́ чудотво́рную поста́вил еси́, слы́шащи от все́х:

Ра́дуйся, Тро́ицы Живонача́льныя, во Ея́же и́мя но́вый хра́м са́м освяти́л еси́, избра́нный побо́рниче;

Ра́дуйся, Пречи́стыя Богоро́дицы, ра́ди стопы́ Ея́ и ико́ны Поча́евския, преизя́щный покло́нниче.

Ра́дуйся, я́ко ревну́я о благоустрое́нии оби́тели твоея́, свои́ми рука́ми сады́ на горе́ Поча́евстей насажда́л еси́;

Ра́дуйся, я́ко снабже́ния ра́ди оби́тели и всея́ ве́си Поча́евския водо́ю самоли́чне пруды́ у подно́жия горы́ Поча́евския ископа́л еси́.

Ра́дуйся, все́ монасты́рское иму́щество во бде́ниих свои́х, наипа́че же но́щию, многокра́тне от та́тей храни́вый, и си́х тобо́ю уловля́емых на пу́ть и́стинный наставля́яй;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 8.

Стра́нно и чу́дно житие́ твое́, си́це и успе́ние твое́, преподо́бне о́тче, хотя́щу бо ти́ преста́витися от привре́менныя жи́зни сея́, толи́кия прозорли́вости сподо́бился еси́ от Го́спода, я́ко де́нь и ча́с отше́ствия твоего́ пре́жде седми́цы проре́кл еси́. Во урече́нный же де́нь и ча́с, по Боже́ственней литурги́и, тобо́ю же сами́м соверше́нней, а́бие кроме́ вся́кия боле́зни ми́рно отше́л еси́ ко Го́споду, не престая́ пе́ти Ему́: Аллилу́ия.

И́кос 8.

Ве́сь бе́ в стра́хе наро́д Поча́евский и про́чии окре́стнии лю́дие, ви́дяще све́тлость, от гро́ба твоего́ исходя́щую чрез се́дмь ле́т по успе́нии твое́м, уго́дниче Бо́жий; недоумева́ху бо, отку́ду и ко́ея ра́ди вины́ сия́ луча́ исхожда́ше. Тогда́ са́м яви́лся еси́ в со́нном виде́нии митрополи́ту Ки́евскому Диони́сию, известву́я, я́ко хо́щет Бо́г чрез него́ откры́ти святы́я мо́щи твоя́; е́же слы́шав, архиере́й правосла́вный возглаша́ше о тебе́:

Ра́дуйся, де́лателю до́брый, от у́тра до ве́чера столе́тния жи́зни твоея́ де́лавый благоче́стно в вертогра́де духо́внем;

Ра́дуйся, тяготу́ и ва́р многотру́днаго жития́ твоего́ ра́ди Го́спода охо́тно поне́сший.

Ра́дуйся, я́ко сего́ ра́ди душа́ твоя́ не оста́вися во а́де, ниже́ пло́ть твоя́ ви́де истле́ния;

Ра́дуйся, благи́й ра́бе и ве́рный, за безме́рные по́двиги твои́ вше́дый в ра́дость Го́спода своего́.

Ра́дуйся, свети́льниче, о не́мже не восхоте́ Бо́г, да под спу́дом пребыва́ет, но да на све́щнице всенаро́днаго зре́ния и поклоне́ния поста́вится;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 9.

Вся́кое естество́ земно́е превосходя́щия глаго́лы твоя́ слы́шав Диони́сий, а́ще и слага́ше ты́я в се́рдце свое́м, оба́че, я́ко му́дрый и иску́сный богосло́в, уме́дли от де́ла того́, до́ндеже трети́цею яви́лся еси́ ему́, отмще́нием претя́, а́ще бы повеле́ннаго не испо́лнил вско́ре; уразуме́в же от произволе́ния Бо́жия бы́ти де́ло сие́, прите́к а́бие со все́м кли́ром на го́ру Поча́евскую и испыта́вши изве́стно о богоуго́дном житии́ твое́м, повеле́ откры́ти гро́б, в не́мже обре́те честны́я мо́щи твоя́ кроме́ вся́каго тле́ния, благоуха́ния несказа́ннаго испо́лненны; и та́ко внесе́ ты́я в це́рковь Живонача́льныя Тро́ицы, ублажа́юще тя́ и пою́ще Бо́гу: Аллилу́ия.

И́кос 9.

Вити́йство вся́кое не мо́жет изрещи́ вели́чества пресла́вных зна́мений и чуде́с твои́х, я́же нача́л еси́ явля́ти по откры́тии моще́й твои́х, всеблаже́нне о́тче: мно́зи бо от наро́да, разли́чными неду́ги одержи́мии, прите́кши к многоцеле́бней ра́це твое́й, исцеле́ние прия́ша. Я́коже бо в животе́ твое́м вся́кия доброде́тели и благосты́ни испо́лнен бы́л еси́, си́це и по сме́рти добро́ твори́ти не престае́ши все́м, с ве́рою призыва́ющим тя́ и вопию́щим о Бо́зе сицева́я:

Ра́дуйся, зерно́ пшени́чное, по апо́стольскому глаго́лу из земна́го тле́ния произра́стшее, да мно́г пло́д духо́вный тре́бующим принесе́ши;

Ра́дуйся, дре́во, насажде́нное при исто́чнице цельбоно́сныя воды́ от стопы́ Бо́жия Ма́тере, да вси́ жа́ждущии от тебе́ питие́ жи́зни почерпа́ют.

Ра́дуйся, пра́ведниче, по сло́ву псало́мскому, я́ко фи́никс процветы́й от горы́ Поча́евския, да а́лчущих пра́вды и вся́кия благосты́ни и́стинно и благонра́вием напита́еши;

Ра́дуйся, у́зы разруше́ния пе́рстнаго в нетле́нии свое́м благода́тию Бо́жиею расто́ргнувый, да от вся́ких губи́тельных неду́гов стра́ждущим врачевство́ и исцеле́ние подае́ши.

Ра́дуйся, в ми́ре Желе́зом рече́нный, несокруши́мую кре́пость и си́лу немощны́м душе́ю и те́лом свы́ше принося́й;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 10.

Спасти́ хотя́ ученика́ твоего́ Досифе́я от обдержа́щаго его́ смертоно́снаго неду́га, о́тче преподо́бне, а́нгелы во твое́ обще́ние призва́л еси́, с ни́миже и ви́ден бы́л еси́ во све́тлости необы́чней, предстоя́ Бо́жией Ма́тери, но́щию в це́ркви Пресвяты́я Тро́ицы, пла́т, ми́ром целе́бным чуде́сно напое́нный, боля́щему посыла́я, да отре́т и́м те́ло свое́, и а́бие гряде́т в це́рковь на всено́щное бде́ние прилучи́вшагося ра́ди вели́каго пра́здника всеми́рнаго Воздви́жения Креста́ Госпо́дня, поя́ Бо́гу, си́лою кре́стною укрепля́ющему святы́х Свои́х на по́мощь ве́рным: Аллилу́ия.

И́кос 10.

Стена́ еси́ и огражде́ние от враго́в ви́димых и неви́димых достоя́нию твоему́, в не́мже, о́тче, жи́тельствовал еси́ и ны́не пребыва́еши в нетле́ннем телеси́ твое́м. Сего́ ра́ди егда́ нечести́вии исма́илиты обыдо́ша го́ру Поча́евскую во вре́мя бра́ни Зба́ражской, а́бие яви́лся еси́ верху́ ея́ на о́блацех небе́сных, в све́тлости необы́чней предста́тельствующи пред Свято́ю Де́вою Богоро́дицею, да не преда́ст в нево́лю супоста́том оби́тели, иде́же бы́л еси́ игу́меном; е́же ви́девше и́ноцы и лю́дие, во оби́тели обложе́ннии, припа́дающе к ра́це честны́х моще́й твои́х, вопия́ху тебе́:

Ра́дуйся, со а́нгельскими си́лами предстоя́й Цари́це Небе́сной проти́ву полко́м неве́рных ага́рян;

Ра́дуйся, и́хже стрела́ми, на главы́ и́х возвраща́ющимися, я́ко мо́лниею и́х порази́вый.

Ра́дуйся, я́ко сего́ ра́ди врази́ Креста́ Христо́ва спе́шне отбего́ша от оби́тели Поча́евския, дру́г дру́га во у́жасе поража́юще;

Ра́дуйся, я́ко мно́зи от ни́х стра́хом Бо́жиим наставля́еми, христиа́нскую ве́ру прие́мше, на послуша́нии монасты́рстем в Поча́еве да́же до кончи́ны своея́ пребы́ша.

Ра́дуйся, я́ко предста́тельством твои́м к Богоро́дице вся́ блага́я ве́рным во избавле́нии и́х приидо́ша;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 11.

Пе́ние вся́кое не довле́ет к прославле́нию пренебе́снаго вели́чества твоего́ и вла́сти, я́же от Го́спода, всеблаже́нне о́тче; я́ко не то́чию правосла́вным, но и латиноуни́том, егда́ попуще́нием Бо́жиим во вла́сти и́х бя́ше гора́ Поча́евская, неисче́тныя да́ры и благодея́ния ниспосыла́л еси́, о́вых у́бо от духо́в нечи́стых, о́вых от боле́зней и смертоно́сных ра́н исцеля́ющи, о́вых же поуча́ющи судо́м тя́жким и виде́ниями многообра́зными, да чту́т тя́, я́ко и́стиннаго слугу́ Бо́жия; е́же си́и и нача́ша твори́ти, доне́леже честны́я мо́щи твоя́, ку́пно со оби́телию Поча́евскою, не бя́ху па́ки возвраще́ни в одержа́ние правосла́вным, с пе́снию о тебе́ Бо́гу благода́рственною: Аллилу́ия.

И́кос 11.

Я́ко светоприи́мная свеща́, еле́ем благода́ти возже́нная, я́ко све́точ многосве́тлый, на высоте́ стоя́й, светопода́тельне сия́еши все́м конце́м земли́, о́тче на́ш И́ове; сего́ ра́ди и восто́к тя́ ублажа́ет, и се́вер велича́ет, и ю́г восхваля́ет, и за́пад по премно́гу прославля́ет. Мы́ же во све́те лица́ твоего́ теку́ще к све́ту невече́рнему и к ра́зуму боже́ственному наставля́еми, вопие́м ти́ от полноты́ серде́чныя:

Ра́дуйся, преве́чнаго Архиере́я Христа́ ве́рный служи́телю, за благоче́стие свое́ архиере́йскима рука́ма из спу́да земна́го изъя́тый и откры́тый для всенаро́днаго почита́ния;

Ра́дуйся, Царя́ Небе́снаго и Влады́ки непобеди́мый ратобо́рче, благочести́вых же Царе́й на́ших спобо́рниче и утвержде́ние.

Ра́дуйся, моли́твенниче и сопредстоя́телю Пресвяты́я Богоро́дицы непреста́нный, ку́пно с ико́ною Ея́ честно́ю и стопо́ю цельбоно́сною от все́х, на го́ру Поча́евскую притека́ющих, почита́емый;

Ра́дуйся, а́нгелов Бо́жиих и святы́х на небеси́ купножи́телю преизря́дный, во хра́ме, честно́му и́мени твоему́ посвяще́нном на земли́, от приходя́щих к тебе́ ублажа́емый.

Ра́дуйся, сто́лпе ве́ры, про́мыслом Бо́жиим на кра́йнем за́паде Росси́йския земли́ водруже́нный, да все́м от ве́ры и праоте́ческаго благоче́стия заблу́ждшим сыново́м за́пада инозе́мнаго пу́ть до́брый к и́стинному правове́рию, е́же в Це́ркви на́шей Правосла́вней, показу́еши;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 12.

Благода́тию, да́нною ти́ свы́ше, чудоде́йствуя на горе́ Поча́евстей, преподо́бне, не оставля́еши ны́ и во вре́мя сие́; но я́коже дре́вле, си́це и до дне́шняго дне́, не то́чию притека́ющии к ра́це многоцеле́бных моще́й твои́х, но и вси́ отдале́че тебе́ призыва́ющии и на тя́ упова́ющии слепи́и презира́ют, хроми́и хо́дят, разсла́бленнии возстаю́т, бесну́ющиися исцеля́ются, стра́ждущии утеша́ются, угрожа́емии злы́м пове́трием от смертоно́сныя я́звы избавля́ются, земли́ плодоно́сие подае́тся, гра́ды и до́мы от тру́са, пото́па и огня́ спаса́ются, во е́же все́м от тебе́ вспомоществу́емым, и та́ко тобо́ю хва́лящимся, пе́ти Бо́гу в ра́довании се́рдца своего́: Аллилу́ия.

И́кос 12.

Пою́ще пресла́вное о тебе́ смотре́ние Бо́жие и чудеса́ твоя́, преподо́бне о́тче, мо́лим тя́ всеусе́рдно, раби́ твои́, не забу́ди на́с и во вся́ дни́ живота́ на́шего, но всегда́ пребыва́й с на́ми, да твои́м заступле́нием и по́мощию огражда́еми, спаса́еми и избавля́еми от все́х зо́л ви́димых и неви́димых, вопие́м ти́:

Ра́дуйся, ми́лости превели́кия сокро́вище;

Ра́дуйся, Боже́ственнаго проявле́ния о лю́дех прия́телище.

Ра́дуйся, ненаде́жных наде́яние;

Ра́дуйся, са́мых отча́янных спасе́ние.

Ра́дуйся, его́же благопоспе́шными моли́твами от ве́чныя сме́рти свобожда́емся и безконе́чныя жи́зни сподобля́емся;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 13.

О, прехва́льный и пречу́дный о́тче И́ове! Приими́ ны́не сие́ ма́лое моле́ние на́ше, тебе́ от любве́ серде́чныя приноси́мое, и твои́м богоприя́тным хода́тайством испо́лни во благи́х вся́ проше́ния на́ша, к тебе́ бо в ну́ждах прибега́ем и на тебе́ по Бо́зе и Богоро́дице все́ упова́ние на́ше возлага́ем, прославля́ющи тя́, и тобо́ю прославля́емому Пода́телю все́х бла́г, Влады́це жи́зни и сме́рти, поя́ усе́рдно: Аллилу́ия.

Этот конда́к читается трижды, затем и́кос и конда́к.

И́кос 1.

А́нгела земна́го нра́вом и челове́ка небе́снаго житие́м соде́ла тя́ Влады́ка а́нгелов и всея́ ви́димыя и неви́димыя тва́ри; те́мже просла́вив тя́, я́ко сообра́зна я́вльшася предуве́дению Его́, благоволи́л е́сть и на́м яви́ти сла́вное житие́ и пренебе́сное прославле́ние твое́, да воспева́ем ти́ си́це:

Ра́дуйся, от утро́бы ма́терния избра́нный на по́двиг служе́ния Царю́ Небе́сному;

Ра́дуйся, и́менем Иоа́нна, благода́ти тезоимени́таго, и́мже по рожде́нии нарече́н бы́л еси́, я́ко печа́тию благода́ти запечатле́нный.

Ра́дуйся, я́ко прия́л еси́ и́мя Крести́теля Госпо́дня, ему́же пустыннолю́бным житие́м до́бре поревнова́л еси́;

Ра́дуйся, я́ко измла́да услы́шал еси́ вну́тренний гла́с призва́вшаго тя́ Го́спода.

Ра́дуйся, я́ко десятоле́тен сы́й, сему́ гла́су охо́тно после́дуя, уклони́лся еси́ от о́чию люби́мых ти́ роди́телей и во оби́тели Уго́рницкой всели́лся еси́;

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Конда́к 1.

Избра́нный от Го́спода, благи́й ра́бе и ве́рный, уго́дниче Христо́в, преподо́бне о́тче на́ш И́ове, твои́м заступле́нием и предста́тельством огражда́еми, похва́льная воспису́ем ти́, пове́дающе благи́я по́двиги и чудеса́ твоя́, и благода́рственная возсыла́ем моле́ния просла́вльшему тя́ Го́споду и Царю́ сла́вы. Ты́ же, я́ко име́яй дерзнове́ние ко Го́споду и Пречи́стей Его́ Ма́тери, Присноде́ве Богоро́дице, от вся́ких на́с бе́д свободи́, зову́щих ти́:

Ра́дуйся, И́ове, пресла́вный уго́дниче Бо́жий, и оби́тели Поча́евския украше́ние.

Моли́тва преподо́бному отцу́ на́шему И́ову Поча́евскому.

О, всесвяты́й и пресла́вный уго́дниче Бо́жий, преподо́бне о́тче на́ш И́ове, при́сный о на́с ко Го́споду моли́твенниче и те́плый предста́телю о душа́х на́ших! К тебе́ всеумиле́нно ны́не притека́ем, и, помина́юще по́двиги и чудеса́ твоя́, я́же сотвори́л еси́ и твори́ши на земли́, про́сим и мо́лим твою́ благосты́ню: я́коже тве́рдо и неизме́нно потруди́лся еси́ в ве́ре Христа́ Бо́га на́шего, и сию́ до конца́ в себе́ и во все́х при́сных твои́х це́лу и невреди́му сохрани́вый от вся́ких прираже́ний вра́жиих и ересе́й тлетво́рных, си́це и на́с в Правосла́вии и единомы́слии укрепи́, отгоня́ющи моли́твами твои́ми вся́кую тму́ неве́рия и неправомы́слия от серде́ц и помышле́ний на́ших; послужи́вый Го́споду и Бо́гу твоему́ де́лы благи́ми и неизрече́нным самоотверже́нием в труде́х, бде́ниих и поще́ниих, наста́ви на́с на пу́ть вся́кия доброде́тели и благосты́ни, избавля́ющи от искуше́ний и грехо́в, удаля́ющих на́с от Бо́га и поверга́ющих в бе́здну зла́ все́ житие́ на́ше; яви́выйся иногда́ с Пречи́стою Де́вою Богоро́дицею верху́ горы́ Поча́евския во спасе́ние оби́тели твоея́ от наше́ствия и обложе́ния ага́рянскаго, и ны́не ускори́ на по́мощь Благочести́вейшему Госуда́рю на́шему Импера́тору [и́мярек] и всему́ правосла́вному и боголюби́вому Ца́рству на́шему проти́ву все́х враго́в на́ших вне́шних и вну́тренних, утвержда́я ми́р и тишину́ в земли́ на́шей, да твои́ми моли́твами и предста́тельством, ти́хое и безмо́лвное житие́ поживе́м во вся́ком благоче́стии и чистоте́; и все́м, к тебе́ притека́ющим и припа́дающим к ра́це честны́х и многоцеле́бных моще́й твои́х и твоея́ по́мощи и заступле́ния тре́бующим, неоску́дныя ми́лости незави́стно подава́яй, не оста́ви и на́с си́рых и безпо́мощных, тебе́ моля́щихся, избавля́ющи от вся́кия ско́рби, гне́ва и ну́жды, от гла́да, губи́тельства, тру́са, пото́па, огня́, меча́, наше́ствия иноплеме́нник и междоусо́бныя бра́ни. Е́й, уго́дниче Бо́жий, при́зри ми́лостивно от престо́ла Царя́ сла́вы, Ему́же ты́ ны́не предстои́ши со арха́нгелы и а́нгелы и со все́ми святы́ми, на оби́тель твою́ (сию́) Поча́евскую, е́юже ты́ дре́вле му́дро пра́вил еси́, назда́в ю́ всехва́льным и ди́вным житие́м твои́м, и сохрани́ ю́ моли́твами твои́ми, и вся́кий гра́д и страну́, и все́х отовсю́ду, на мо́ри и на су́ши, в пусты́нях и в злоключе́ниих многоразли́чных тебе́ призыва́ющих, от все́х зо́л ви́димых и неви́димых; да та́ко твое́ю по́мощию и хода́тайством спаса́еми, в ве́це се́м и по сконча́нии живота́ на́шего сподо́бимся ку́пно с тобо́ю сла́вити и воспева́ти всечестно́е и́мя Отца́ и Сы́на и Свята́го Ду́ха во ве́ки веко́в. Ами́нь.

 

 

Добавить комментарий

Ваш e-mail не будет опубликован. Обязательные поля помечены *