Киево-Печерская икона Успения Пресвятой Богородицы — одна из древнейших икон Божией Матери, явленных на Руси. Это главная святыня Киево-Печерской Лавры, поэтому и украшена она более всех святынь, коих в древнейшей обители Руси немало. Как сообщает предание, ее вручила греческим зодчим Сама Царица Небесная, отправляя их на строительство храма в Киеве.
Утвердившееся в XII веке предание об иконе основано на рассказе из Киево-Печерского Патерика (1-я треть XIII века). В Патерике принесенная из Константинополя икона называется «Богородичной иконой» без какого-либо указания на иконографию, в том числе связанную с Успением. Во 2-ом слове устами зодчих повествуется вся история их появления в Киеве.
История образа: Четворо зодчих были приглашены во Влахернский храм Константинополя с разных концов Греции. Лучезарная Женщина в царских одеждах, Которую они сразу стали именовать Царицей, повелела им взять золота на три года и отправиться в Киев для строительства храма.
Храм, который им надлежало построить, был им показан на воздухе. В Киеве им следовало обратиться к Антонию и Феодосию для получения дальнейших инструкций. Царица Небесная вручила им икону, которая должна быть храмовой («наместной») и частицы мощей семи святых мучеников: Артемия, Полиевкта, Леонтия, Акакия, Арефы, Иакова, Феодора. Их нужно было положить в основание церкви.
Вот с этим они и прибыли в Киев в 1073 году. Нашли там преподобных Антония и Феодосия, которые три дня молились, чтобы Господь им указал место для строительства Успенского собора. Огонь, спадший с неба по молитве преподобного Антония, указал, что Богу угодно начинание. Так было положено начало Божественной церкви.
Преподобные Антоний и Феодосий Печерские поместили икону над Царскими вратами построенного храма в золотом круглом киоте диаметром 15 вершков, щедро украшенном бриллиантами. На круге было чеканное изображение Бога Отца со Святым Духом и двух ангелов, поддерживающих икону. Круг помещался по центру среди расходящихся в стороны серебряных и позолоченных лучей.
Весь этот круг с чудотворной иконой спускался ежедневно, по окончании утрени и литургии, на прочных шелковых шнурах для благоговейного прикладывания к образу богомольцев. Каждую среду перед иконой совершался соборный акафист Успению Пресвятой Богородицы.
В 1800 году киевский ювелир П. Гуртифельд изготовил для чудотворного образа новую ризу взамен старой обветшавшей. Киево-Печерская икона Успения была украшена 1073 бриллиантами, 124 алмазами и 19 яхонтами. Венцы на Спасителе и Богородице были унизаны крупными бриллиантами, а изображение одра было окружено алмазами.
В праздник Успения Пресвятой Богородицы в Лавру стекалось огромное количество паломников со всех уголков Святой Руси на поклонение святому чудотворному образу Божией Матери. Этот престольный праздник всегда был любимым и среди монахов, и среди прихожан монастыря.
Киево-Печерская икона Успения прославилась не только своим чудесным появлением в Киеве, но и множеством исцелений и чудотворений. След Киево-Печерской иконы Успения Пресвятой Богородицы потерялся после взрыва Успенского собора в 1941 году.
Одна из копий древней иконы находится в Крестовоздвиженском храме Киево-Печерской Лавры над Царскими вратами. Она вставлена в такой же круглый киот и оформлена подобно первообразу. Опускается после каждой литургии по прежнему обычаю монастыря.
Иконография: Киево-Печерская икона Успения Пресвятой Богородицы написана на кипарисовой доске греческим письмом. Она совсем небольшая по размеру 9 вершков ширины и 6 высоты (около 40 х 29 см). Иконографический тип — Успение Пресвятой Богородицы. Божия Матерь изображена на иконе почивающей на одре, перед которым стоит Евангелие.
У главы Богородицы стоят пять апостолов, из них святой апостол Петр изображен с кадилом. У ног Богоматери — шесть апостолов, а святой апостол Павел изображен припадающим с левой стороны к ногам Божией Матери, его руки лежат на краю одра.
Позади одра стоит апостол Иоанн Богослов, склонившейся к изголовью Богоматери. Апостол Фома из двенадцати самых близких апостолов опоздал на погребение. Выделяется фигура апостола Андрея с характерным жестом простертой вперед руки. Композицию фланкируют два здания с высокими двускатными крышами.
Посредине с левой стороны изображен Спаситель в мандорле, держащий в пеленах душу Богородицы, а вверху около головы Его изображены два ангела с белыми убрусами, готовые принять душу Божией Матери. Отличительная особенность этого извода — Евангелие, которое покрывало отверстие вглубь доски, где находились частицы семи святых мучеников, положенные храмоздателями в основание церкви.
Чудотворения: Киево-Печерская икона Успения Пресвятой Богородицы не раз защищала страну от нашествия врагов. В 1677 году, когда турки осаждали Чигирин, и Киеву грозила опасность, чудотворный образ почти весь день 27 августа обносили вокруг города. Пресвятая Богородица благословляла в 1709 году русские войска, шедшие на Полтавскую битву.
В 1812 году Киево-Печерская икона Успение опять обносилась вокруг города. Мощи четверых зодчих, построивших Великую церковь Киево-Печерской Лавры, и восьми иконописцев, прибывших десять лет спустя для росписи храма, почивают в Ближних пещерах.
Празднование: 3 / 16 мая и 15 / 28 августа
Тропарь, глас 4
Днесь све́тло торжеству́ет Пече́рская оби́тель, / и ра́дуется явле́нием о́браза Богома́тере / безме́рный лик Пече́рских отце́в, / с ни́миже и мы непреста́нно вопие́м: // ра́дуйся, Благода́тная, Пече́рская похвало́.
Кондак, глас 3
Де́ва днесь неви́димо предстои́т в це́ркви / и с ли́ки Пече́рских отце́в мо́лится о нас, / благогове́йно велича́ющих Ея́ безме́рную ми́лость к ро́ду на́шему, / я́вльшуюся в чу́дном о́бразе Ея́, // оби́тель Пече́рскую украша́ющем.
АКАФИСТ ПРЕСВЯТОЙ БОГОРОДИЦЕ ПЕРЕД ИКОНОЙ КИЕВО-ПЕЧЕРСКОЙ
Кондак 1
Избранной от всех родов Пресвятей Деве Марии Богородице, яко воистину плотию рождшей Иисуса Христа, Спаса и Бога нашего, Владычице всея вселенныя, избравшей вторым земным жребием своим гору Печерскую, и oбитель для иноков на ней создавшую, похвальная приносим пения. Ты же, о, Всечестная наша Мати и Заступница, храни и спаси обитель Твою и всех нас от враг видимых и невидимых, да зовем Ти:
Радуйся, Пресвятая Богородице Дево, Печерская похвало и наше утешение.
Икос 1
Ангел земный и человек небесный преподобный Антоний, прииде в земный жребий Твой на гору Афонскую, хотя спасти душу свою от суеты мира сего и скончати тамо житие свое земное. Ты же, Пресвятая Дево, избравши вторым жребием Своим гору Печерскую в новопросвещенной стране Русской, послала его яко апостола, да устроит обитель на ней, во славу Твою и соберет иноков, и да воспевают Ти тако:
Радуйся, Всечестная наша Мати;
радуйся, дивная наша Игумения.
Радуйся, надеждо нашего спасения;
радуйся, горы Печерския Хранительнице.
Радуйся, живущих на ней иноков Руководительнице;
радуйся, приходящих на ню православных христиан на поклонение Покровительнице.
Радуйся, Пресвятая Богородице Дево, Печерская похвало и наше утешение.
Кондак 2
Видящи скорбный путь спасения для всех иночествовати хотящих, Господь наш Иисус Христос, повеле Матери Своей, да прострет Свой Божественный покров над горою Печерскою, да вси спасающиися на ней видяще сие, с пpeподобными Антонием и Феодосием, вкупе взывают непрестанно Спасителю Богу: Аллилуиа.
Икос 2
Разум имея Божественный преподобный Феодосий, от души возлюбив славу небесную, мир со всеми его прелестями возненавидя, прииде в Киев ко преподобному Антонию в пещере сущу, в нюже вселися, и вкупе со всеми отцы, подвизающимися тамо, воспевая Тя, Честнейшую всех ангел, тако:
Радуйся, нашего спасения главизно;
радуйся, радосте наша в сей и будущей жизни.
Радуйся, отраде Божественная Христовых подвижников;
радуйся, яко Тобою вси святии спасаются.
Радуйся, яко вся вселенная Тобою украшается;
радуйся, яко имя Твое от всех небесных чинов прославляется.
Радуйся, Пресвятая Богородице Дево, Печерская похвало и наше утешение.
Кондак 3
Сила Вышняго осени подвижников Пещерных, егда первый игумен, преподобный Варлаам, устрои храм во имя Твоего славнаго Успения, на верху пещеры и в нем прославляя Тебе, Честнейшую Херувим и Славнейшую без сравнения Серафим и Сыну Твоему вопия: Аллилуиа.
Икос 3
Имуще пламенное желание спасения, преподобный Антоний, егда устройся обитель на холме, в немже пещеры нарицаемыя Дальнии, желая безмолвия, преселися на холм, в немже раскопа пещеры Ближнии, и тамо собра последователи себе, хотящии совершеннаго безмолвия, прославляя Тебе, свою Утешительницу тако:
Радуйся, вселения райская Руководительнице;
радуйся, в подвизех пещерных Укрепительнице.
Радуйся, благое начало и славный конец всех святых жития;
радуйся, святыя радости Божественная струя.
Радуйся, цвете Божественнаго прозябения;
радуйся, православнаго монашества украшение.
Радуйся, Пресвятая Богородице Дево, Печерская похвало и наше утешение.
Кондак 4
Бурю сомнений грехолюбивых оставльше, возлюбиша тернистый путь спасения, стекошася иноцы в пещеру ко преподобному Феодосию. Он же видя в ней тесноту, устрои на верху горы Печерстей храм, и келии сооруди, и оградой огради, и тако устроися обитель во имя Твое, Владычице, в нейже монаси и вернии людие воспеша о Тебе Богу: Аллилуиа.
Икос 4
Слышаша иноцы Печерстии, яко разбойницы хотяще окрасти храм Твой, Пречистая, моляху Тя о спасении его. Ты же, Всемилостивая, сотворила еси чудо: храм Твой показала еси в воздусе висящ, еже видяще разбойницы в ужасе разбегошася, иноцы же воспеша Ти тако:
Радуйся, яко на горе Киевстей духовный сад насадила еси;
радуйся, яко тамо живущим вся потребная подала еси.
Радуйся, собравшая нас от мира греховнаго,
радуйся, приведшая нас во ограду обители Печерския.
Радуйся, защищающая нас от врагов видимых;
радуйся, охраняющая нас от супостат невидимых.
Радуйся, Пресвятая Богородице Дево, Печерская похвало и наше утешение.
Кондак 5
Боготечная звезда мира явилася еси Владычице, егда восхотела устроити Себе в Руси обитель Печерскую. Место, идеже быти имать храм во имя Твое создатися, указала еси огненною дугою, протяженною от ветхаго монастыря, и Ангельно во образе иноков по воздусе тaмo грядуших, eже видящи иноцы Печерстии, воспеша радостную песнь: Аллилуиа.
Икос 5
Видеша гречестии каменоздателие в Царьграде юношей, повелевающих им идти во Влахернский храм к Царице, они же пришедше узреша Тебе тамо седящу во славе, предстоящих с Тобою лики воев и преподобных Антония и Феодосия, и повелеваюшу им идти в Русскую землю во град Киев, и устроити храм во имя Твое, вручившу им икону Твоего славнаго Успения и мощи святых мученик. Они же повеленное слышаша воспеша Ти тако:
Радуйся, Цapицe небеси и земли,
радуйся, истинная Мати нашего Спасителя.
Радуйся, спасшая весь род Адама падшаго;
радуйся, веры православныя Воеводо непобедимая.
Радуйся, покровительнице Царьграда непостыдная;
радуйся, и страны Русския Заступнице усердная.
Радуйся, Пресвятая Богородице Дево, Печерская похвало и наше утешение.
Кондак 6
Проповедницы Твоего чудесного явления во Влахернстей церкви гречестии каменоздателие, приидоша в Киев, ко преподобным Антонию и Феодосию, вручиша им икону Твоего Успения и мощи святых мученик, и поведаша им Твою волю о созидании храма во имя Твое; они же слышаша их глаголы, образу Твоему на иконе изображенну поклонишася, Богу же вопиюще: Аллилуиа.
Икос 6
Возсия яко солнце икона Твоего Успения, Пресвятая Дево юже пpинесоша из Царьграда гречестии каменоздателие во обитель Печерскую, в нейже и до ныне пребывает, подающе исцеления, вопиющим к Тебе тако:
Радуйся, во Успении Твоем нас не оставляющая;
радуйся, чрез икону Твою нам помогающая.
Радуйся, иконою Твоею обитель Печерскую прославившая;
радуйся, иконою Твоею гору Печерскую просветившая.
Радуйся, иконою Твоею град Киев спасающая;
радуйся, тоюже иконою всю Русскую землю охраняющая.
Радуйся, Пресвятая Богородице Дево, Печерская похвало и наше утешение.
Кондак 7
Хотяще устроити новую обитель и в ней храм во имя Твое, Преблагословенная Дево, преподобнии Антоний и Феодосий, молиша Сына Твоего Христа Бога нашего и Тeбе, да познают место, на немже создан быти храм, и указа Господь то место: еже быти по всей земли роса, а тамо суша; и паки повсюду суша, на месте же храма роса, и посла огнь с неба и пожже вся хврастия и росу полиза и долину устрои. Преподобнии же вкупе с верными люди тамо сущими, падоша на землю, со страхом возопиша: Аллилуиа.
Икос 7
Новый храм, небеси подобный, начаша созидати Богоноснии отцы Антоний и Феодосий, по смертном успении их, преподобный Стефан сконча и пресели братию из ветхаго монастыря в новый. Блаженный же Никон иконы, златом и сребром чудно украси; в немже собрашася вернии, прославляху Тя, Богородице, сице:
Радуйся, варяга Симона во обитель Твою чудно призвала еси;
радуйся, принесенным им поясом размер храма Твоего указала еси.
Радуйся, злато на устроение храма Твоего чрез греки подала еси;
радуйся, в созидании храма Твоего невидимо пособствовала еси.
Радуйся, Лавры Печерския строительнице;
радуйся, храмов ея украсительнице.
Радуйся, Пресвятая Богородице Дево, Печерская похвало и наше утешение.
Кондак 8
Странное чудо показася, егда украшаху храм Твой, Пречистая мусиею, тогда во алтаре на стене сам изобразися образ Твой преподобному Алипию со иконописцы ту сущим и просветися он паче солнца. И се из уст образа Твоего, Пресвятая, излете голубь бел, и летяше ко образу Спасителеву, и ко другим образом написанным во храме, паки лете ко образу Спасителеву и влете во уста Его и тамо скрыся. Еже видящи гречестии иконописцы, во обители Твоей и живот свой скончаша, мощи же их в пещерах положени быша, душами же на небеса преселишася, идеже прославляют Тебе со Ангелы, Сыну же Твоему зовут: Аллилуиа.
Икос 8
Весь храм небеси подобный сияя от Твоея иконы Печерския, Богоизбранная Дево, еже видя блаженный Захария, прииде к нему защищения у Тебе прося, егда заимодавец его Сергий не хотяще отдати ему злато и сребро оставленное ему отцем его. Ты же, Владычице, послала Ангела наказати клятвопреступника; еже видя Захарий, остави мир, прииде во обитель Печерскую, поживе в ней до конца дний своих, воспевая Тебе сице:
Радуйся, Честнейшая всея твари Вселенныя;
радуйся, Сладчайшаго Иисуса селение.
Радуйся, святый Покров жизни нашея;
радуйся, благодатное утешение скорби нашея.
Радуйся, вся наша надежда и покой;
радуйся, по Бозе наше упование в жизни земной.
Радуйся, Пресвятая Богородице Дево, Печерская похвало и наше утешение.
Кондак 9
Всякoe мудрование отвергше, удивимся чудесем Твоим, Богородице, егда бо приспе время освящению Церкви Твоей, доска каменна на Престол невидимо принесена бысть Ангелы; имиже во образе юношей созвани быша святители на освящение ея, якоже Апостоли Христовы собрани быша на Погребение Твое. Святитель Иоанн, иноцы Печерскии и вси людие, зряще сия, прославиша Тебе, Пречистая, радостно праздноваше праздник освящения, Богу воспеша песнь: Аллилуиа.
Икос 9
Витии многовещании не могут восхвалити Твоя чудеса, Богородице, соделанныя во обители Печерстей, наипаче при основании, создании и освящении храма в честь славнаго Успения Твоего; и ныне не оставляй нас недостойных чад Твоих, сохраняй обитель Твою, да вопием Ти тако:
Радуйся, яко Сам Бог Отец назнамена сушею место храма;
радуйся, яко Твой Сын, иже сниде яко роса на руно во Твое чрево, на тожде место росу испусти.
Радуйся, яко Дух Святый огнь с неба ниспосла на попаление места для храма;
радуйся, яко Бог Отец образ Твой во алтаре невидимо изобрази.
Радуйся, яко Бог Сын, Солнце правды, сиянием церковь Твою исполни;
радуйся, яко Святый Дух видением голубя, излетевшаго из уст образа, в храме Твоем показася.
Радуйся, Пресвятая Богородице Дево, Печерская похвало и наше утешение.
Кондак 10
Спасти хотя душу свою, преподобный Алипий, прииде во Твою обитель, Богородице, и бысть тамо искусен иконописец, чрез негоже прославилася, Богоневесто; иконы бо им писанныя быша чудодейны, просияша бо паче солнца, неции иконы Ангелы писаша и иными многими чудесы прославишася. От нихже и до ныне неции сохранишася, источающе чудеса прославляющим Тебе и Богу вопиющим: Аллилуиа.
Икос 10
Стена крепкая и заступление явилася еси, Владычице, новой обители Твоей Свенской, егда князь Роман проси иноков Печерских отпустити икону чудотворную, писанную преподобным Алипием, для исцеления от слепоты. Егдаже пловущии с Твоею иконою присташа к берегу, икона Твоя невидимо обретеся на горе на древе; юже обретоша, и князь Роман получил прозрение своим очесем, созда тамо обитель, собра иноки и вкупе с ними возопи к Тебе тако:
радуйся, иконы Твоя чудесы прославившая;
радуйся, Лавру Печерскую ими же прославила еси.
Радуйся, и новую обитель Свенскую возлюбила еси;
радуйся, яко и в ней икону Твою чудотворную показала еси.
Радуйся, дивны и велики чудесы от нея явила еси;
радуйся, всем просящим у Тебе, чрез икону Твою исцеления источила еси.
Радуйся, Пресвятая Богородице Дево, Печерская похвало и наше утешение.
Кондак 11
Пение умиленное приносят пред иконою Твоею Печерскою не токмо во граде Киеве, но и в Свенске, в Москве и Ярославле и в других градех и весех правовернии людие, призывая Тебе на помощь вкупе с преподобными Антонием и Феодосием, и получивше от Тебе, Богородице, помощь и заступление, вопиют Сыну Твоему и Богу: Аллилуиа.
Икос 11
Светоприемную свещу, просвещающую всех Тебе призывающих, имуще мир христианский Тебе, Дево Богородице, наипаче Лавра Печерская, прославляет Тя, свою Покровительницу, юже храниши многи лета от нахождения агарян и всяких враг, и от еретиков и междоусобныя брани, и от нападения иноплеменник. Аще же иногда и попускала ей разорену быти грех ради наших, но паки еще благолепнее воздвизала еси ю, и дарами земными изобиловала насельников ея и дарами благодати обогащала, вопиющих Ти сице:
Радуйся, иконою Успения Твоего нас защищающая;
радуйся, нерукотворенным образом Твоим нас покрывающая.
Радуйся, Печерскою иконою Твоею исцеления нам подающая;
радуйся, свенским образом Твоим нас покрывающая.
Радуйся, стольный град Москву Печерскою иконою посетившая;
радуйся, и град Ярославль Твоею иконою озарившая.
Радуйся, Пресвятая Богородице Дево, Печерская похвало и наше утешение.
Кондак 12
Благодать Божественную, покров и заступление подаждь нам, Владычице наша и Мати, припадающим пред иконою Твоею Печерскою. Воздвигни нас от греховнаго сна, сохрани Лавру Твою и нас недостойных чад Твоих, сподоби нас жительствовати во ограде обители Печерския до конца дней наших, и прославляти Тебе и Сына Твоего, Христа Бога нашего, поя Ему: Аллилуиа.
Икос 12
Поюще Твоя милости и чудеса, явленныя во обители Печерстей от лет древних и до ныне, покланяемся пред образом Твоим, имже спасаеши нас, и всех призывающих Тебе на помощь и вопиющих Ти тако:
Радуйся, торжество веры православныя в Лавре Печерстей являющая;
радуйся, сердца человеческая любови Бозе распаляющая.
Радуйся, гору Печерскую, яко вторый Синай прославившая;
радуйся, иконы Твоя, яко проповедницы спасения показавшая.
Радуйся, с небесных высот на нас призирающая;
радуйся, на благия деяния нас наставляющая.
Радуйся, Пресвятая Богородице Дево, Печерская похвало и наше утешение.
Кондак 13
О Всепетая наша Мати, Преславная Владычице Богородице! Приими сия похвалы и моления, от скверных устен и нечистаго сердца возносимыя; сохрани Твою обитель, нашими грехми оскверненную; собери нас расточенных и сподоби в чине Ангельстем достигнути Небеснаго Царствия, и вкупе с преподобными Антонием и Феодосием, и всеми угодники Печерстими, прославляти вечно Тебе, нашу Матерь и Сына Твоего и Бога, и пети песнь: Аллилуиа.
(Этот кондак читается трижды, затем икос 1 и кондак 1)
Молитва 1-я
О, Пресвятая и Пренепорочная Дево Богородице, наша Печерския похвало и украшение, покрове и заступление, истинная Владычице избраннаго удела Твоего; приими нас, недостойных рабов Твоих, убогое моление с верою и любовию приносящих пред чудным образом Твоим; да посетиши милостивно греховное житие наше, просвещающе его светом покаяния, осени нас, обремененных скорбьми многими, Твоею небесною радостию, и сподоби нас присно славити Тя в мире и благочестии во обители Печерстей, и зде без порока прешедше путь жития нашего, помощию Твоею достигнем вечнаго веселия во светлостех святых и Богоносных отец наших Антония и Феодосия и всех преподобных Печерских, и едиными усты и сердцы воспоем Тя и Предвечнаго Сына Твоего, со Безначальным Его Отцем и Пресвятым, Всеблагим, Животворящим и Единосущным Его Духом во веки веков. Аминь.
Молитва 2-я
О, Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудесы многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстательством угодников Твоих, преподобных Антония и Феодосия Печерских, вонми гласу грешных молений наших, не презри воздыханий от души, виждь скорби и беды нас обышедшии, и яко любвеобильная воистину Мати потщися на помощь нам безпомощным, унылым, во многая и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконии нашими, да явит нам человеколюбивую Свою милость. Испроси, Владычице, у благости Его всем православным христианом здравие и душевное спасение, благочестное и мирное житие, земли плодоносие, воздуха благорастворение, дождие благовременныя, и благословение свыше на вся благая дела и начинания наша; болящия исцели, скорбящия утеши, бедствующим помози; споспеши всем нам носити иго Xристово в терпении и смиренномудрии, и сподоби нас благочестно житие земное скончати, христианскую же непостыдную кончину получити и Небесное Царствие унаследити. О, Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Якоже древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единосущнаго и Святаго Его Духа, и Твое милостивное предстательство во веки веков. Аминь.
