Святой праведный Алексий Мечев, известный московский протоиерей, прослуживший всю свою жизнь в сане священника в маленьком храме святителя Николая Чудотворца в Кленниках на улице Маросейке в Москве, прошел свой жизненный путь от детской колыбели до скромной могилки на Лазоревском кладбище в любви назидающей и согревающей.
Праведный Алексий Мечев родился в Москве 17 марта 1859 года в благочестивой семье регента кафедрального чудовского хора Алексея Ивановича Мечева. Начиная от рождения Алексея, жизнь его связалась с именем святителя Филарета, митрополита Московского и Коломенского.
Святитель Филарет спас отца батюшки в детском возрасте от смерти на морозе и впоследствии заботился о нем, о его семье и детях. Роды у матери Алексея были очень тяжелыми. Святитель молясь вместе с отцом будущего ребенка, предсказал рождение сына и посоветовал назвать его Алексием в честь празднуемого в этот день святого Алексия, человека Божиего.
Рождение младенца совпало по времени с совершением Божественной литургии в Алексеевском монастыре, а первые минуты жизни будущего ревностного служителя Церкви и непрестанного молитвенника о страждущих людях сопровождались молитвами великого святителя Русской Православной Церкви.
Праведный Алексий Мечев учился в Заиконоспасском училище, затем в Московской духовной семинарии, собирался стать врачом, но его мать Александра Дмитриевна настоятельно советовала ему стать священником, и он последовал совету горячо любимой матери, за что был ей очень благодарен впоследствии.
По окончании семинарии праведный Алексий Мечев служил псаломщиком в Знаменской церкви Пречистинского сорока, где безропотно сносил суровое отношение к себе и благодарил Бога за столь трудную школу. В 1884 году Алексий Мечев женился по любви на дочери псаломщика Анне Петровне Молчановой.
В том же году был рукоположен во диакона и стал служить в церкви великомученика Георгия в Лубянском проезде. Брак его был счастливым, молодые жили в любви и согласии. Но Анна Петровна страдала тяжелым заболеванием сердца и умерла очень рано, в 1902 году, в день Усекновения главы Иоанна Предтечи, оставив четверых детей.
Праведный Алексий Мечев был рукоположен во священника в 1893 году и направлен в маленькую церковь святителя Николая в Кленниках, где и прослужил до конца своих дней. Приход был настолько мал, что восемь лет отец Алексий служил в своем храме почти в одиночестве, но ввел в храме ежедневное богослужение.
Всецело предав себя воле Божией, праведный Алексий Мечев стал трудиться, положа в основу своего дела молитву и духовное бодрствование. Постепенно болящие и скорбящие потянулись в этот храм, от них и пошла молва о его добром настоятеле. После смерти жены отец Алексий очень горевал, был просто безутешен.
Но однажды у него произошла встреча с ныне прославленным святым праведным Иоанном Кронштадским, который посоветовал ему: «Будь с народом, войди в чужое горе, возьми его на себя — и тогда увидишь, что твое несчастье мало, незначительно в сравнении с общим горем, и легче тебе станет».
Впоследствии отец Алексий скажет о себе: «Господь посещает наше сердце скорбями, чтобы раскрыть нам сердца других людей». Сослужая как-то Всероссийскому пастырю, праведному Иоанну Кронштадскому, он смог воочию лицезреть благодать, почивающую на нем. И это по-новому осветило его жизненный путь — праведный Алексий Мечев вступил на стезю старчества.
К восприятию благодати старчества праведный Алексий Мечев был подготовлен многими годами подвижнической жизни, когда он всего себя отдавал молитве и служению людям. Один из его чад так охарактеризовал его духовный подвиг: «Верным и несменяемым стражем стал батюшка у скорбного сердца человеческого».
Праведный Алексий Мечев был полон милующей любви, имел благодатный дар прозорливости, но по своему глубокому смирению скрывал этот дар. В нижнем жилом этаже храма батюшка открыл церковно-приходскую школу, устроил приют для сирот и неимущих, преподавал Закон Божий в женской гимназии Е. В. Винклер, способствовал возрождению древнерусской иконописи.
Проповеди батюшки были просты, искренни, трогали сердце глубиной веры, правдивостью, пониманием жизни. Молитва его никогда не прекращалась. Смирение его было столь велико, что он никогда не обижался на грубости, сторонился проявления к себе знаков почтения, избегал пышных служб.
В конце 1922 года — начале 1923 батюшку вызывали в ОГПУ, но довольно быстро отпустили, увидев, что он тяжело болен. В последних числах мая отец Алексий уехал в Верею, где уже однажды отдыхал. Он предчувствовал, что уходит навсегда, попрощался со своими духовными чадами, отслужил последнюю литургию в своем храме.
Скончался праведный Алексий Мечев 9 / 22 июня 1923 года. Гроб с телом праведника привезли в его любимый храм святителя Николая на лошади. Церковные общины Москвы до следующего дня пели панихиды, отпевание совершал архиепископ Феодор, настоятель Данилова монастыря, освобожденный из тюрьмы накануне.
Проводить отца Алексия в последний путь прибыл на Лазаревское кладбище Патриарх Тихон, освобожденный в этот день из заключения. Через 10 лет, в связи с закрытием Лазаревского кладбища, останки святого праведного Алексия, на тот момент нетленные, и его жены были перенесены на кладбище «Введенские горы».
Праведный Алексий Мечев был причислен к лику святых Русской Православной Церкви Деянием Юбилейного Архиерейского Собора от 14 августа 2000 года, канонизация его совершилась на Божественной литургии в храме Христа Спасителя 20 августа 2000 года.
Память: 9 / 22 июня, 16 / 29 сентября.
АКАФИСТ СВЯТОМУ ПРАВЕДНОМУ АЛЕКСИЮ МЕЧЕВУ
Не утвержден для общецерковного использования.
Кондак 1
Избранный угодниче Христов и великий в скорбех помощниче, праведный отче Алексие! К тебе яко к теплому предстателю мы грешнии со дерзновением притекаем и умильно взываем: умоли о нас всесильнаго Бога, не попустити нам блуждати по распутиям греховным, но просветити и наша сердца духом твоея любве, да зовем ти: Радуйся, праведный старче Алексие, утешителю благостный.
Икос 1
Ангелов Творец яви в рождении твоем молитвенное заступление святителя Филарета, егда, не могущу матери разродитися тобою, родитель твой притече к нему, и того молитвою явлен был еси в мир сей во время совершения Божественныя Евхаристии, показуя тем, яко будеши великий служитель таинств церковных. Сего ради взываем ти:
Радуйся, святителем Филаретом благословенный и воспитанный;
радуйся, от пелен того подвижническому житию научивыйся.
Радуйся, отрасль родителей пречестных, плод благий принесшая;
радуйся, яко издетска гласом своим Бога прославлял еси.
Радуйся, благоговение и любовь ко службам Божиим от отца унаследовавый;
радуйся, от матери твоея странноприимство и попечение о ближних восприявый.
Радуйся, ушеса своя к пению церковному от рождения приклонивый;
радуйся, во еже не видети суеты, очеса своя в горняя вперивый.
Радуйся, праведный старче Алексие, утешителю благостный.
Кондак 2
Видя человеколюбец Господь широту сердца твоего, готоваго послужити ближним своим, яви в благословении матери твоея волю Свою, да будеши не врач телес, но пастырь Церкви Христовы, врачуяй души притекающих к тебе, тем же вси людие, видяще образ добраго пастырствования твоего, воззовут Богу: Аллилуиа.
Икос 2
Разумом Божественным просвещен, узрел еси путь спасения во отсечении воли своея, егда поставлен был еси причетником во храм Богоматери, с велием терпением восприял еси суровство начальствующего, и тако возрастил еси в сердце твоем плод Христова смирения. Многолетнее твое терпение славяще, возглашаем ти тако:
Радуйся, послушниче усердный;
радуйся, яко Богу работал еси неленостно.
Радуйся, укорения и поругания яко Божие изволение восприявый;
радуйся, осуждати и укоряти других всегда избегавый.
Радуйся, поучавый обличающих нас яко благодетелей почитати;
радуйся, призывавый ради блага ближних своих себе утесняти.
Радуйся, благим супружеством своим и нам образ честнаго брака явивый;
радуйся, в супружнице твоей добраго помощника на пути Христовом обретый.
Радуйся, праведный старче Алексие, утешителю благостный.
Кондак 3
Сила Вышняго обрете в тебе сосуд честен и по посвящении во иерея продолжаше вести тя чрез горнило испытаний. Служил бо еси не в веси дальней, якоже хотяше, но во граде Москве, в церкви малаго прихода, идеже осемь лет богомольцев не имев, николиже возроптал еси. Ныне же предстоиши со дерзновением Престолу Божию, поя песнь: Аллилуиа.
Икос 3
Имея тщание к совершению служб церковных, на кииждо день служение Божественныя Литургии учинил еси и к покрову Богоматери и заступничеству святителя Николая прибегая, весь путь жития твоего молитвою озарил еси. Сего ради воспеваем тя сице:
Радуйся, служителю алтаря ревностный;
радуйся, яко бодрствовал еси в молитвенном подвизе непрестанно.
Радуйся, в Бозе все упование твое полагавый;
радуйся, в долгих испытаниях непоколебим пребывый.
Радуйся, яко крест на перси прияв, сраспинал еси Христу плоть свою со страстьми и похотьми;
радуйся, яко получив епитрахиль на выю свою, Дары Духа Святаго неоскудно источал еси.
Радуйся, яко поясом препоясав чресла своя, заутро на нивы делания Господня изшел еси;
радуйся, яко взявся за рало Христово, не направлял еси вспять стопы твоя.
Радуйся, праведный старче Алексие, утешителю благостный.
Кондак 4
Бурю моря житейскаго, сластолюбием, злобою и гордынею волнуемаго, всем житием твоим научал еси преплывати в кораблеце покаяния, да и мы, являя живую веру и трепетную любовь ко Господу, сподобимся воспевати Ему и на небесех песнь хвалебную: Аллилуиа.
Икос 4
Слыша о богоугоднем житии твоем, начаша прибегати к тебе ищущии спасения, обретая в тебе чадолюбиваго отца и утешителя, ты же неленостно поучал еси я покаянию и служению ближним, самоотреченному. Тем же и нас, якоже и чад твоих, научи истинному деланию на пажитях душ наших, да славим тя благодаряще:
Радуйся, в век оскудения благочестия несокрушимым сосудом веры явивыйся;
радуйся, неленостным проповеданием в обмирщенная сердца семена благих деянии сеявый.
Радуйся, глашатаю любве Божия всем скорбящим и отчаявшимся;
радуйся, ожесточенных злобою любовию своею к покаянию обращал еси.
Радуйся, научивый в живущих с нами образ Божий почитати;
радуйся, призывавый почивших неустанно поминати.
Радуйся, не отревая немощных, им по силе их делание полагавый;
радуйся, в постоянстве малого делания залог духовнаго возрастания указавый.
Радуйся, праведный старче Алексие, утешителю благостный.
Кондак 5
Звезда еси, на небесех святости возсиявшая, светиши светло, в сонме праведных и исповедников российских землю нашу просвещая, тем же, зряще тя, праведный отче Алексие, прославляем прославльшаго тя Господа, зовуще Ему: Аллилуиа.
Икос 5
Видя обильным любовию сердцем своим окрест тебе в нищете живущия, подавал еси им, елико имяше, уповая, яко не оставит Господь и дом твой. Даждь и нам стяжати сердце милосердное и научи ны невозбранно внимати воле Божией, да восхваляюще глаголем ти сицевая:
Радуйся, Христа возлюбив, не прилеплялся еси к сокровищам земным;
радуйся, яко великий купец небесное богатство стяжал еси.
Радуйся, милосердием души наша обогащати научаяй;
радуйся, некрадомое богатство душам верных испрошаяй.
Радуйся, светом трисолнечным сердца человеческия просвещаяй;
радуйся, выну о пользе душевнои пекийся.
Радуйся, рачителю целомудрия;
радуйся, хранителю чистоты.
Радуйся, праведный старче Алексие, утешителю благостный.
Кондак 6
Проповедал еси пастве своей покаяние и вкушение бессмертныя трапезы Агнчи, да не взалчут более страстей, но восприимут мир и любовь Христову и поучаются любити ближних своих с самоотвержением и утеснением себе, да благо им будет, и да взывают радостно: Аллилуиа.
Икос 6
Возсиял еси в первопрестольнем граде Москве глашатаем жизни неветшающия, древним отцем, в пустынех подвизавшимся, равный; людем, в суете пребывающим и различными злоучении прельщаемым, открывал еси любовь, милосердие и правду Божию. Таковому о тебе произволению Божию дивящеся, вопием ти:
Радуйся, неустанный проповедниче любве к Богу и ближним;
радуйся, яко вслед за Апостолом наставлял еси друг друга тяготы носити.
Радуйся, во граде яко в пустыни живый;
радуйся, пустыню града богатством слез твоих оросивый.
Радуйся, яко пожил еси в мире премирно;
радуйся, яко и на земли выну предстоял еси Христу.
Радуйся, ожесточенная сердца теплотою твоея любве возделавый;
радуйся, и ныне помогаеши страждущим душевный покой обретати.
Радуйся, праведный старче Алексие, утешителю благостный.
Кондак 7
Хотя человеколюбец Господь поставити тя в трудную годину утешителем скорбящих и страждущих, посла тебе скорбь великую в тяжкой болезни и смерти супружницы твоей, да ничто уже земное не связует сердце твое, но да приложиши к ревности ревность и приимеши благодать на благодать, научая пети всех: Аллилуиа.
Икос 7
Новый путь духоноснаго старчествования на стогнах града Москвы яви тебе Господь в словесех праведного Иоанна, пресвитера Кронштадтскаго, указуя, да восприимеши всю скорбь человеческую яко свою, молитвою и теплотою любве сию врачуя. Тем же и наша скорби отыми от нас, да радуяся взываем ти:
Радуйся, благодать кронштадтскаго Светильника обильно восприемый;
радуйся, яко врач искусный душ человеческих явивыйся.
Радуйся, вставшии на страже скорбных сердец человеческих;
радуйся, от обращавшихся к тебе именование добраго пастыря стяжавый.
Радуйся, заблудших овец к Пастыреначальнику приводивый;
радуйся, от волков хищных тех неврежденно сохранивый.
Радуйся, яко широтою любве твоея всех объял еси;
радуйся, яко надежду на Бога полагати научал еси.
Радуйся, праведный старче Алексие, утешителю благостный.
Кондак 8
Странноприимная деяния совершати тщашеся, учинил еси при храме приют чадом, не имущим родителей, назидая их словом и житием своим, да возрастая в благом попечении и любве, благодарственно воспевают Богу: Аллилуиа.
Икос 8
Весь еси, праведный отче Алексие, николиже суетою связанный, посреде людей пребывая, выну Богу предстоял и работал еси. И нас, в суету погруженных, научи твоему в мире премирному житию, да усердно тебе воспоим:
Радуйся, детскую младость души твоея сохранивый;
радуйся, тою младая сердца к Богу приводивый.
Радуйся, явивыйся сиротствущим чадолюбивая мати;
радуйся, порождаяй души чад своих духовных для вечнаго живота.
Радуйся, преизряднеиший пастырю;
радуйся, яко от скверн мира сего ограждатися чад своих научал еси.
Радуйся, чтущим тя верный пред Богом ходатаю;
радуйся, призывающим тя непреложное упование.
Радуйся, праведный старче Алексие, утешителю благостный.
Кондак 9
Всем, притекающим к тебе в скорби, наставник изрядный явился еси, отче Алексие, подвизая людей к покаянию и самоукорению, терпению же в скорбех неистощимому, да за сие благодаряще, Богу поют: Аллилуиа.
Икос 9
Витийствующий язык умолча, зря како ты, старче Алексие, служение свое в простоте совершая и мудрость века сего посрамляя, всяку гордыню человеческую яко прах от лица ветра возметал еси. Сего ради похваляем тя сице:
Радуйся, яко не хитросплетением словес, но силою правды Божия души призывал еси;
радуйся, яко вознесенную гордыню века сего смирением сокрушал еси.
Радуйся, словесы своими не крепость человеческую, но силу Божию являвый;
радуйся, яко нестареющую мудрость евангельскую живу и действенну показавый.
Радуйся, исполненный ревности по Бозе Вседержителе;
радуйся, ревнителю уставов церковных.
Радуйся, искусный властителю совести человеческия;
радуйся, всем бе вся, да спасеши души, Богом тебе врученныя.
Радуйся, праведный старче Алексие, утешителю благостный.
Кондак 10
Спасения от временных тягот поучал еси в переселении во слывшия хлебородными земли не искати, егда глад, мор и междуусобныя брани постигоша страну нашу. Заповедал еси жительства своего не оставляти и восприяти трудности яко наказание Божие, за умножение беззакония попущенное, Богу взывая: Аллилуиа.
Икос 10
Стена непоколебимая упования на Господа явился еси, отче Алексие, яко скала крепкая сокрушая треволнение житейское, малодушие и уныние в душах людей, к тебе прибегающих и с любовию зовущих ти:
Радуйся, адаманте веры несокрушимый;
радуйся, узревший с богомольцы храма пред годиною бедствии, ка-ко лияше слезы Богоматерь на чудотворней иконе Ея Феодоровской.
Радуйся, разделивый с народом россииским скорби, Богом низпосланные;
радуйся, глад и хлад приявый яко наказание Божие.
Радуйся, злато в горниле скорбей очищенное;
радуйся, надеждею на милосердие Божие страждущия души врачевавый.
Радуйся, помощниче скорый;
радуйся, призывающим тя в скорбных обстояниях щит и ограждение.
Радуйся, праведный старче Алексие, утешителю благостный.
Кондак 11
Пение всеумиленное приносим ти, отче досточудне, прославляя блаженную кончину и погребение твое, молитвами первосвятителя и исповедника Тихона, Патриарха Всероссийскаго, напутствованное. Веруем, яко предстоиши в свете невечернем Престолу Пресвятыя Троицы, выну поя: Аллилуиа.
Икос 11
Светозарным светильником явился еси, даров Божиих исполнен и умножаяй таланты, яже даде тебе всех Бог, В житии бо твоем являл еси дары прозрения и исцеления, подвизая нас глаголати тебе похвалы сия:
Радуйся, яко от детских лет был еси Господу верен;
радуйся, многих даровании от Него сподобивыйся.
Радуйся, лучу благодати в мире явленный;
радуйся, ризами света Христова одеянный.
Радуйся, помогий обрести сына отчаявшейся матери из града Тобольска, юже к тебе преподобный Серафим направи;
радуйся, и ныне в трудных обстояниях о нас к Богу ходатаеши.
Радуйся, прозорливостию и чудотвореньми люди в вере стояти утвердивый;
радуйся, отеческим попечением и молитвою не имевшия веры души к Богу обративый.
Радуйся, праведный старче Алексие, утешителю благостный.
Кондак 12
Благодати исполнен, яко сосуд Духа Святаго избранный, породил еси духом многая чада твоя, да зряще житие их, окрест живущии уразумеют яко любовь в Бозе к ближнему залог мира и благоденствия есть, и тако благодарственно воззовут Богу: Аллилуиа.
Икос 12
Поюще житие твое и прославление, веруем, яко многомощно есть пред Престолом Владычним твое за ны ходатайство, мощи же твои сокровищем многоценным имуще, к ним припадаем яко к сосуду благодати неистощимому и согласно ублажаем тя:
Радуйся, гражданине Иерусалима небеснаго;
радуйся, благий наставниче, возрастивый в чадех своих преславных отцев.
Радуйся, яко был еси на земли храмом живым, Господу посвященным;
радуйся, яко предстоиши днесь Престолу Вседержителя.
Радуйся, старцев оптинских собеседниче;
радуйся, кронштадтского Светильника сомолитвенниче.
Радуйся, яко община твоя образ бысть купножительства христианскаго;
радуйся, яко чада твоя свидетельством кровей своих Христа испове-даша.
Радуйся, праведный старче Алексие, утешителю благостный.
Кондак 13
О предивный пастырю и теплый о нас к Богу молитвенниче, праведный отче Алексие! Не отрини нас немощных, совершающих похвальное пение сие, и научи волю Божию невозбранно творити, да сподобимся и в будущем веце благодарственно воспевати Творцу и Богу нашему: Аллилуиа.
Сей кондак глаголи трижды и паки икос 1 и кондак 1.
Молитвы святому праведному Алексию, пресвитеру Московскому
Молитва 1
К тебе, о праведный отче Алексие, мы, грешнии и недостоинии, притекаем и со умилением взываем ти: призри ныне милостивно с высоты святыя своея на Отечество наше и нас, тя прославляющих. Приявший в житии своем тяготы людей и сердцем милующим понесый скорби их, приими в молитвенное твое предстательство и нас, грехи многими обремененных и суетою мира сего утружденных.
В тебе, о дивный старче, прославися Господь, явив тя таинником милости Божией. Тя призываем неотступно: буди врач душам и телесем нашим, унывающим — утешитель, малодушным дерзновение низпосли, помраченных злобою всепрощению научи, воздержанию способствуй. Воспламени, благий делателю винограда Христова, хладные сердца наша ревностию служения твоего, научи молитве непрестанной и деятельной любве с утеснением себе ради блага ближних наших. Укрепи молитвами твоими чада Церкви нашея, да поживем в любве и мире, а вне ограды церковныя пребывающии да уразумеют Христову Истину и вкупе с нами прославят Животворящую и Нераздельную Троицу и твое милостивное предстательство во веки веков. Аминь.
Молитва 2
О всечестный и преблаженный отче наш Алексие, дивный старче Московский и всея Церкви Россииския похвало и радование! Велию любовь ко Господу имея, заветы евангельския непреложно исполняя, душу твою за паству полагал еси, милующим сердцем болезнуя о всех, просящих твоея помощи. Приими малое сие моление наше, и яко в земном житии твоем отирал еси всяку слезу, облегчал еси всяку скорбь, так и ныне милосердый молитвенниче и ходатаю наш, возьми тяготы, болезни и скорби наша, исполни страждущая сердца радостию, умоли человеколюбца Бога о прощении безчисленных прегрешений наших, да очистив душу покаянием, к деланию доброму приступим. Ей, старче благий, буди и нам пастырем добрым, наставляя на стезю спасения, да молитвами твоими безпорочно пройдем путь жития нашего и обрящем Отечество Небесное, идеже ты со ангелы и всеми святыми предстоиши Престолу Святыя Троицы, славяще Безначального Отца со Единородным Его Сыном и Пресвятым, и Благим, и Животворящим Его Духом во веки веков. Аминь.
Тропарь святому праведному Алексию, глас 1-й:
Помози в бедах, утеши в скорбех, / пастырю добрый, отче Алексие, / подвигом старчества миру просиявший, / во мраце беззаконий отечеству нашему лучу Света Христова. / Болезнуя сердцем о всех притекающих к тебе, // ныне и о нас усердно Бога моли, любовию чтущих тя.
Кондак, глас 5-й:
Велии труды любве и милосердия в мире подъял еси, / праведный старче Алексие, / от святаго пастыря Кронштадтскаго / благословение на помощь людем страждущим прияв, / беды и скорби людския / яко вериги незримыя на рамо свое возложи. / Мы же ведуще тя яко молитвенника дерзновенна ко Господу, / со умилением зовем ти: / моли Христа Бога // о чтущих святую память твою.
Тропарь священномученику Сергию Мечёву, глас 4-й:
От корене праведнаго прозябл еси, / Православия наставниче и ревнителю, / пред Богом во узах и до смерти предстоя, / гласом немолчным паству наставлял еси, / священномучениче Сергие, / моли Христа Бога // спастися душам нашим.
Молитва священномученику Сергию Мечёву
О всечестный и преславный священномучениче Сергие, святости отеческия наследниче, веру православную во страданиях и до смерти исповедавше, богословия истиннаго действенный поборник и учитель явился еси. Темже велие дерзновение ко Господу имея, испроси и нам подати Благодать и крепость во испытаниях, разумети премудрость велию писаний святоотеческих и божественныя службы премирность. Аминь.
Молитва общая св. прав. Алексию и свщмч. Сергию Мечёвым
О всечестнии и преславнии пастыри наша, праведный Алексие, старче Московский, и священномучениче Сергие! К вам, о чадолюбивыя предстатели и заступницы наша, со умилением припадаем и, величая труды, болезни и страдания ваша, молим: призрите на ны, унывающия, немощныя, и всесильными молитвами вашими вся злая от нас отвратите. Сподобите и нас подражати вере, терпению и любве вашея; испросите, о всеблаженнии, у Всещедраго Бога оживотворити благодатию души наша, да со упованием непреложным на милость Его течем на предлежащий подвиг спасения души, и да сподобимся унаследовати Царствие Небесное и тамо вкупе в радости безконечней воспевати в Троице славимаго Бога во веки веков. Аминь.
