Преподобная Евфросиния Полоцкая

Преподобная  Евфросиния  Полоцкая,  игумения  Полоцкая,  образованнейшая  женщина  своего  времена,  избранница  Божия  для  благих  дел  просвещения  народа,  инокиня  и  просветительница  периода  Полоцкого,  Невеста  Христова.  Ее  образ  созвучен  образу  святой  Ольги,  посвятившей  жизнь  и  обретшей  святость  в деятельном  служении  вверенному  ей  народу.

Как  и  равноапостольная  княгиня  Ольга,  преподобная  Евфросиния  Полоцкая  избрала  путь  духовного  материнства  и  продолжает  его  доныне.  Преподобная  стала  матерью  женского  монашества  и  всех  жен  русских,  избравших  путь  духовного  совершенствования  и  аскетизма.  Истовость,  духовная  ревность  и  внутреннее  горение  преподобной  Евфросинии  сближают  ее  с  апостолом  Павлом.

Духовный  подвиг  первых  из  святых  жен — святой  равноапостольной  Ольги,  преподобной  Анны  Новгородской  и  преподобной  Евфросинии  Полоцкой  связывается  воедино  многими  знаменательными  событиями.  Святые  Ольга  и  Анна  Новгородская  участвовали  в  строительстве  храмов  святой  Софии — Премудрости  Божией,  а  преподобная  Евфросиния  Полоцкая  обитала  в  храме  святой  Софии  в  Полоцке,  обучаясь  здесь  молитвой  премудрости  Божией.

Житие:  Преподобная  Евфросиния  Полоцкая  была  праправнучкой  святого  равноапостольного  князя  Владимира,  дочерью  полоцкого  князя  Георгия  (Святослава)  Всеславича.  Она  получила  хорошее  образование  и  обладала  замечательными  способностями,  удивляя  всех  окружающих  мудростью  суждений  и  обширными  познаниями.

Но  более  всего  Предславу,  такое  имя  носила  она  до  пострига,  привлекало  чтение  Священного  Писания,  Псалтири,  житий  святых  и  других  духовных  книг.  Любовь  к  чтению  сочеталась  в  ней  с  усердной  молитвой,  и  уже  тогда  она  стяжала  «плод  молитвы».  Слава  о  ее  мудрости  разошлась  далеко  за  пределами  Полоцкой  земли.  К  ней  сватались  многие  князья.

Когда  Предслава  узнала,  что  отец  собирается  обручить  ее  с  одним  из  князей,  она  тайно  покинула  родительский  дом  и  ушла  в  монастырь  к  игумении  Романе,  вдове  ее  дяди  Романа  Всеславича,  и  стала  просить  о  пострижении  в  монашество.  Было  ей  на  тот  момент  всего  12  лет.  Ее  юный  возраст  и  необыкновенная  красота  смущали  игуменью,  но  ей  достало  мудрости  совершить  постриг.

После  пострига  Предслава  получила  имя  Евросинии  и  прославила  его  на  века  своими  духовными  подвигами,  подвижничеством  и  благими  делами.  По  благословению  епископа  Илии  юная  инокиня  поселилась,  в  подражание  Пресвятой  Богородице,  как  замечает  святитель  Димитрий  Ростовский  в  ее  житии,  в  каменной  палатке  у  церкви  Святой  Софии,  где  предалась  подвигам  молитвы  и  поста.

Когда  духовные  силы  юной  монахини  укрепились,  ей  явился  Ангел  и  наказал  оставить  затвор.  Преподобная  Евфросиния  Полоцкая  получила  откровение,  что  на  этом  месте  ей  предстоит  основать  обитель,  «ибо  Господь  желает  чрез  тебя  на  сем  месте  наставить  многих  на  путь  спасения».

Ангел  явился  к  епископу,  возгласив  ему  волю  Божию  о  том,  чтобы  там  был  женский  монастырь  и  что  на  Евфросинии  «почивает  Дух  Святый».  Тогда,  в  присутствии  князей  и  множества  народа,  церковь  Святого  Спаса  в  местечке  Сельцо  была  передана  епископом  Полоцким  Евфросинии.  Преподобная  Евфросиния  Полоцкая,  поселившись  при  церкви  Преображения  приблизительно  в  1128  году,  начала  устраивать  Спасо-Преображенский  монастырь.

Сестер  обители  игумения  Евфросиния  обучала  грамоте,  создав  одну  из  первых  на  Руси  женских  школ.  Преподобная  Евфросиния  Полоцкая  имела  такое  духовное  влияние  на  людей,  что  многие  ей  не  решались  противиться,  принимая  ее  слова  как  бы  слова  Самого  Христа,  понимая,  что  она  истинная  раба  Христова  и  вместилище  Святого  Духа.

В  1161  году  усердием  преподобной  был  воздвигнут  новый  каменный  Спасо-Преображенский  собор — одна  из  жемчужин  древне-русского  зодчества.  Преподобная  Евфросиния  Полоцкая  основала  также  Богородицкий  мужской  монастырь,  построила  там  каменную  церковь  в  честь  Пресвятой  Богородицы  и  передала  все  инокам.

Пользуясь  своим  родством  с  византийским  императором  Мануилом  Комнином  (1143-1180 годы),  преподобная  Евфросиния  Полоцкая,  прислав  богатые  дары,  обратилась  к  нему,  а  также  к  Константинопольскому  патриарху  Луке  (1156-1169  годы)  с  просьбой  передать  для  обители  величайшую  святыню  Православного  мира  Ефесскую  икону  Божией  Матери,  написанную,  по  преданию,  святым  евангелистом  Лукой.

Чудотворную  икону  привезли  в  1162  году  на  Русь,  везли  через  Корсунь  (Херсонес),  где  она,  по  просьбе  местных  жителей,  пребывала  около  года,  получив  название  Корсунской  иконы  Божией  Матери.  В  1239  году  дочь  полоцкого  князя  Брячислава — Александра,  выходя  замуж  за  князя  Александра  Невского  взяла  Корсунскую  икону  как  благословение  и  подарила  ее  городу  Торопцу,  где  состоялось  венчание  княгини.    

 В  трудные  для  Руси  годы  раздробленности  и  княжеских  междоусобиц  преподобная  Евфросиния  Полоцкая  молилась  о  единстве  Русской  земли,  о  победе  над  «тьмой  разделения».  Благодатным  словом  наставления,  дарованным  ей  Богом,  она  примиряла  многих  князей,  бояр  и  простых  людей.

Преподобная  Евфросиния  Полоцкая  имела  сильное  желание  окончить  жизнь  в  Святой  Земле.  На  склоне  лет  она,  взяв  с  собой  брата  Давида  и  двоюродную  сестру  Евпраксию,  отправилась  в  Константинополь,  а  оттуда  в  Иерусалим.  Там  она  поселилась  в  русском  монастыре  Пресвятой  Богородицы. 

Величайшей  святыне  Христианства — Гробу  Господнему- преподобная  пожертвовала  драгоценную  золотую  кадильницу,  первый  дар  русских  жен,  и  молила,  чтобы  ей  здесь  окончить  свою  жизнь  и  быть  погребенной  во  Святом  граде.  Дар  преподобной  был  принят  Господом.  Вскоре  преподобная  Евфросиния  Полоцкая  заболела  и,  причастившись  Святых  Христовых  Таин,  23  мая  1173  года  отошла  ко  Господу.

Ее  погребли  в  притворе  церкви  в  монастыре  преподобного  Феодосия.  Брат  святой,  Давид,  и  монахиня  Евпраксия  принесли  на  родину  весть  о  кончине  преподобной  и  Святой  Крест,  который  преподобная  Евфросиния  Полоцкая  повелела  вечно  хранить  в  Полоцкой  обители.  В  1187  году  мощи  святой  были  перенесены  в  Киево-Печерскую  Лавру.  

23  октября  1943  года  мощи  святой  Евфросинии  вернулись  в  Спасо-Преображенский  монастырь  в  Полоцкий  Спасо-Евфросиниевский  собор  и  здесь  была  совершена  первая,  после  25-летнего  перерыва,  Божественная  литургия.

Память:  23  мая  /  5  июня.

АКАФИСТ   ПРЕПОДОБНОЙ   ЕВФРОСИНИИ   ПОЛОЦКОЙ

 

 

Кондак 1

Избранную Христову невесту песньми восхвалим днесь, вернии, Евфросинию. Сия бо княжна, дом отчий оставльши и во иночестве поживши добре, многия управила есть ко спасению, во Иерусалиме плотию преставльшися, во Иерусалим Горний духом преселися и тамо присно за ны молится, ейже тако возопиим:

Радуйся, Евфросиние, невесто Христова всечестная.

Икос 1

Ангельски поживши, преподобная, постническим житием угодила еси Христу и небесныя радости причаститися сподобилася еси по скончании. Темже с горних высот призри на ны, тако тя величающия:

Радуйся, Российския земли похвало;

Радуйся, отрасле славная от рода Владимира равноапостольнаго;

Радуйся, именитых родителей чадо богоизбранное;

Радуйся, голубице непорочная;

Радуйся, девственнице чистая;

Радуйся, инокиням утешение;

Радуйся, ко Иерусалиму Небесному путеводительнице;

Радуйся, благочестия звездо;

Радуйся, заступнице к тебе притекающих;

Радуйся, целительнице недугов незримая;

Радуйся, ходатаице за ны теплая;

Радуйся, Евфросиние, невесто Христова всечестная.

Кондак 2

Видение бе радостное, егда по рождении твоем принесоста тя, преславная, родителя твоя во храм Господень. Тамо бо в купели крещения от первороднаго греха омылася еси погружением, и мира священным помазанием тя, яко отрасль младую, иерей привил есть ко Христу, да поеши Ему выну со избранными Его: Аллилуиа.

Икос 2

Разумом, свыше просвещенным, и чистым сердцем Христови от юности вручила еси себе, Предиславо, почасту во храм притекающи, в горнице во трудех присно пребывала еси, темже тя ублажаем:

Радуйся, Христови обрученная от купели крещения;

Радуйся, миром благодатным запечатленная;

Радуйся, Духа Свята вместилище чистое;

Радуйся, Тем умудренная во спасение;

Радуйся, во благое свыше укрепленная;

Радуйся, разум просветившая молитвою;

Радуйся, совесть стяжавшая крепкую во благом;

Радуйся, от младости уведевшая пути благочестия;

Радуйся, уклонилася бо еси пути гибельнаго;

Радуйся, трудолюбивая отроковице;

Радуйся, юных дев российских красото;

Радуйся, Евфросиние, невесто Христова всечестная.

Кондак 3

Силою Вышняго укрепленная, возлюбила еси, преподобная, научение книжное и тому прилежала еси, мудрость же книжную постигши, паче прочих божественныя книги избрала еси и, яже умудрити могут во спасение всякаго человека, усердно почитала еси, сладце поющи Господеви: Аллилуиа.

Икос 3

Имать днесь обитель твоя отроковицы многи и млады, научению книжному зде вданныя. Сего ради усердно молим тя, всехвальная: призри на тыя и умудри я во спасение, – да тя величаем:

Радуйся, ключ мудрости взыскавшая;

Радуйся, яко художество книжное постигла еси от младости;

Радуйся, тем отверзшая двери богопознания;

Радуйся, Священное почитавшая Писание;

Радуйся, от сего узревшая мира сущаго сотворение;

Радуйся, умиленная неизреченным Христовым снизхождением к падшему роду нашему;

Радуйся, возлюбившая возлюбльшаго нас Господа;

Радуйся, Тому Единому поработати возжелевшая;

Радуйся, последи в чертог славы Его всельшаяся;

Радуйся, девственнице, юным девам незримая споспешнице в научении;

Радуйся, светильниче благочестия и знания;

Радуйся, Евфросиние, невесто Христова всечестная.

Кондак 4

Бури житейских бед и напастей бежавши, преподобная, паче брака честна житие девственное возлюбила еси и от именитых женихов уклонилася еси, отроковице, да единому Жениху Небесному, – Христу поработаеши, поющи Ему: Аллилуиа.

Икос 4

Слышала еси, преподобная, яже апостол рече: глаголю безбрачным и вдовицам: добро им есть, аще пребудут, якоже и аз; аще ли же ни, да посягают: не оженивый бо ся печется, како угодити Господеви, – и сему поревновала еси, темже тя величаем:

Радуйся, девственнице чистая;

Радуйся, путь иноческаго жития избравшая;

Радуйся, яко жребий девства прияти и вместити возмогла еси Божиею благодатию;

Радуйся, мирскаго треволнения избегшая;

Радуйся, тихаго пристанища взыскавшая;

Радуйся, Марии Лазареве подражавшая;

Радуйся, яко во храме, аки при ногу Христову, приметалася еси;

Радуйся, яко лику мучениц и преподобных жен приобщилася еси;

Радуйся, презревшая лепоту мира тленнаго;

Радуйся, неизреченныя радости в мире горнем днесь причастнице;

Радуйся, праведнаго жития образе;

Радуйся, Евфросиние, невесто Христова всечестная.

Кондак 5

Бога точию боящися, не устрашилася еси, Евфросиние, тяготы жития иноческаго, кров же оставльши отчий, во обитель притекла еси, и облещи тя во ангельский образ умильне игумению молила еси, да не обязавшися куплями житейскими, выну пети сподобишися Христови: Аллилуиа.

Икос 5

Врача Небеснаго молила еси, всехвальная, да скорбь, родителема твоима отшествием учиненная, на радость преложится; оставила бо еси я, преподобная, да Христови послужиши и за рождших тя молишися, темже тя хвалим достойно:

Радуйся, избраннице Божия;

Радуйся, тайне из отчаго дома отшедшая;

Радуйся, во обитель всельшаяся княгини Романовы;

Радуйся, возложшая руку на рало делания духовнаго;

Радуйся, брачный венец отложившая;

Радуйся, главу покрывшая кукулем незлобия;

Радуйся, одеждам брачным одежду нищеты предпочетшая;

Радуйся, со приятием вервицы, аки мечем, вооруженная словом Божиим;

Радуйся, крест Христов, аки знамя веры, приимшая;

Радуйся, яко не посрами тя Господь во уповании;

Радуйся, родителя бо, пришедшая тя видети, от Писания тобою утешившася, в радости возвратистася;

Радуйся, Евфросиние, невесто Христова всечестная.

Кондак 6

Проповедника Павла, иже рече: всяк подвизаяйся от всех да воздержится, послушающи, в посте и воздержании неослабно пожила еси, преподобная, во обители: суесловия бо бегала еси, и, песньми псаломскими назидающися молилася еси, и, в добрем изволении утверждающися, выну пела еси: Аллилуиа.

Икос 6

Возсия благодать в подвизех жития твоего, Евфросиние всечестная, по некоем бо времени во град Полотск преселилася еси, и, при храме Святыя Софии в клетце мале подвизающися, книги божественныя преписовала еси, и тако град ти присный полезным учением напаяла еси, слышащи от всех таковая:

Радуйся, Полотское радование;

Радуйся, девам сияние;

Радуйся, звездо благочестия;

Радуйся, смирения исполненная;

Радуйся, послушанием утвержденная;

Радуйся, с молчанием скорби терпевшая;

Радуйся, при храме бо, яко древле Богоотроковица, пожила еси;

Радуйся, мудрая княжно и инокине пречестная;

Радуйся, цвете постничества;

Радуйся, свете кротости;

Радуйся, упования неложнаго исповеднице;

Радуйся, Евфросиние, невесто Христова всечестная.

Кондак 7

Хотяй спасти тобою жены и девы многия во иночестве, Владыка Христос сицеваго видения удостои тя, преподобная: в соннем видении узрела еси себе, Евфросиние, принесену в Сельце к церквице Спасове, и Ангела ти рекшаго: зде ти быти подобает. Ты же абие от сна воставши, радостне пела еси: Аллилуиа.

Икос 7

Новое чудо бысть: тойже бо Ангел явився святителю Илии, повеле ему дати Сельце то на вселение ти и церквицу на молитву, еже и сотвори святитель абие. Сия поминающе, тако тя величаем:

Радуйся, ангельски пожившая;

Радуйся, Ангела Господня узревшая;

Радуйся, сладкия беседы его причастнице;

Радуйся, яко и пред святителем ходатай бе о тебе;

Радуйся, Ангелом и на всех путех твоих храненная;

Радуйся, кровом крил его огражденная;

Радуйся, не преткнувшая ноги твоея о камень гордыни;

Радуйся, сего ради видения зрака ангельскаго удостоенная;

Радуйся, яко явися ти, иже зрит лице Отца нашего Небеснаго;

Радуйся, не прогневльшая хранителя ничимже суетным и греховным;

Радуйся, сего ради радостныя вести удостоенная;

Радуйся, Евфросиние, невесто Христова всечестная.

Кондак 8

Странник, кров узрев, радуется и, пришед, покой си приемлет. И ты, преподобная, радости исполнилася еси, при церквице на Сельце водворившися со единою от инокинь, и ту основание обители твоея сотворила еси, отнюдуже Богови днесь возносится песнь великая, в вышних сугубо песнословимая: Аллилуиа.

Икос 8

Вся весть Господь, и ничтоже тайно, еже не открыется. Ведый же вся, коемуждо от человек изволение дарует: да изберет кийждо путь жития, и якоже кто поживет, по житию коегождо скончавшася судит. Яже памятующе, тако тя хвалим:

Радуйся, благий ярем Христов подъемшая;

Радуйся, по гласу ангельску на место пустынно отшедшая;

Радуйся, точию книги с собою принесшая;

Радуйся, со единем одеянием бывшая;

Радуйся, с треми малыми хлебы всельшаяся:

Радуйся, прочая вся оставльшая;

Радуйся, пустыни украшение;

Радуйся, яко сроднии на подвиг сей благословиша тя;

Радуйся, епископом Илиею утешенная;

Радуйся, яко вскоре к тебе многи инокини стекошася;

Радуйся, яко и обитель славная ту устроися;

Радуйся, Евфросиние, невесто Христова всечестная.

Кондак 9

Всемилостиваго Спаса храм во обители создала еси и честными иконами украсила еси, преподобная, споспешествующей ти благодати Божией; древоделя бо на строение церковное некий глас буждаше, на скончание же храма дивне плинфы многи обретошася, яже зрящи, со умилением пела еси: Аллилуиа.

Икос 9

Ветия мудрая была еси, преподобная, памятовала бо еси слово Христово: иже сотворит едину заповедей сих малых и научит тако человеки, сей велий наречется в Царствии Небеснем. И, поучающи благочестию сестры своя, первее сия творила еси, темже тя величаем:

Радуйся, инокиням правило иноческаго жития;

Радуйся, яко в чистоте и целомудрии блюла еси юныя;

Радуйся, неложно старыя почитавшая;

Радуйся, скорбным споспешнице в терпении;

Радуйся, была бо еси всем образ смирения и благолепнаго хождения;

Радуйся, обличительнице осуждения и многословия;

Радуйся, приятелище дара прозрения сердец;

Радуйся, вопрошающим мудрая советнице;

Радуйся, миротворице сварящихся;

Радуйся, добродетельми преукрашенная;

Радуйся, великая российская дево;

Радуйся, Евфросиние, невесто Христова всечестная.

Кондак 10

Спасения ради и утешения Ефесскую икону Владычицы нашея Богородицы испросила еси из Царяграда, преподобная, во град Полотск. Обитель ину устроивши, тою иконою сию украсила еси, сестру же и две дщери братния, Кирианну и Ольгу, иночества обеты Христови обручила еси и во обителех твоих во спасение управила еси многия, поющи: Аллилуиа.

Икос 10

Стеною крепкою от искушений явися смирение твое: вся бо ти повеленная совершивши, яко рабу неключиму вменила еси себе, преподобная, кротостию и тихостию нрава паче злата и бисера украсила еси душу твою; темже тя величаем:

Радуйся, слуго чистая Девы Пречистыя;

Радуйся, увеселила бо еси Полотск чудным Божия Матере образом;

Радуйся, великое сокровище Российстей земли тако стяжавшая;

Радуйся, многия девы во обитель Божия Матере приведшая;

Радуйся, присныя ти на путь спасения привлекшая;

Радуйся, мудрая управительнице во спасение;

Радуйся, две обители, яко свещи возжегшая;

Радуйся, теми просветившая страну Полотскую;

Радуйся, насадительнице древа иноческаго жития;

Радуйся, смирением утаевавшая высоту твоих подвигов;

Радуйся, строительнице Российския земли;

Радуйся, Евфросиние, невесто Христова всечестная.

Кондак 11

Песньми восхваляюще тя, терпению твоему дивимся, преподобная: всякия бо труды и скорби понесши, последи во Святую Землю странствие прияла еси, идеже, по желанию твоему, и скончатися приведе ти Господь, – тамо бо к Нему в старости маститей преселилася еси, подвиг добрый совершивши, с песнию: Аллилуиа.

Икос 11

Светозарная луча земли Российския! Аще плотию преставилася еси от нас, преподобная, обаче духом с нами присно пребываеши. Во храме, тобою созданнем, молящеся и кресту, от тебе устроену, покланяющеся, молим тя: приими от нас сицевыя хвалы:

Радуйся, древния России сияние;

Радуйся, оныя днесь великия похвало;

Радуйся, славная Земли Святыя от севера пришельнице;

Радуйся, Гробу Христову поклонитися сподобльшаяся;

Радуйся, лампаду ту от земли Российския возжегшая;

Радуйся, у Гроба Христова ко Христу отшедшая;

Радуйся, у онаго крест земнаго жития твоего оставльшая;

Радуйся, Святыми Тайнами при скончании напутствованная;

Радуйся, на небеси от святых угодник радостно сретенная;

Радуйся, венцем славы от Небеснаго Жениха увенчанная;

Радуйся, мудрая дево, вшедшая в чертог Жениха Небеснаго со славою;

Радуйся, Евфросиние, невесто Христова всечестная.

Кондак 12

Благодати причастнице, усердно молим тя, Евфросиние всехвальная: пролий теплую твою молитву ко Всевышнему [за сродный ти дом Царя Российскаго и] за всю землю нашу православную, – да мудростию [царскою] и чистотою жития народнаго, яко дщерь избранная, будет во языцех земля наша, и чада ея да внидут в горняя селения, поюще Богови: Аллилуиа.

Икос 12

Поюще тя, яко заступницу нашу теплую, инокиням же и девам обители твоея покров и утверждение, радуемся о тебе, преподобная, и молитвами твоими просимая приемлюще, с любовию величаем тя сице достойно:

Радуйся, яко мощи твоя, во отечество принесенныя, процветоша нетлением;

Радуйся, всехвальная, равноапостольнаго Владимира правнуко;

Радуйся, собеседнице равноапостольныя Ольги и всего богосветлаго лика праведных жен;

Радуйся, всельшаяся в скинию святых;

Радуйся, незримая о нас ходатаице;

Радуйся, болящих врачевание дивное;

Радуйся, печальных утешение неложное;

Радуйся, отрадо скорбящих;

Радуйся, опоро тя призывающих;

Радуйся, заступнице наша теплая у Христа;

Радуйся, дивная верою чтущих тя путеводительнице ко спасению;

Радуйся, Евфросиние, невесто Христова всечестная.

Кондак 13

О, всехвальная мати наша, Евфросиние всечестная! Моли за ны Господа и Матерь Его Пречистую, да укрепит наша немощныя силы и во спасение управит: юныя в чистоте соблюдет, девствующия укрепит в подвизе, во браце сущия в любви и мире усовершит, уврачует недужныя, просветит омраченныя, умершия простит и вся в чертоги Своя управит, идеже выну Ангели поют песнь хвалебную: Аллилуиа. (Трижды)

И паки чтется икос 1:

Ангельски поживши, преподобная, постническим житием угодила еси Христу и небесныя радости причаститися сподобилася еси по скончании. Темже с горних высот призри на ны, тако тя величающия:

Радуйся, Российския земли похвало;

Радуйся, отрасле славная от рода Владимира равноапостольнаго;

Радуйся, именитых родителей чадо богоизбранное;

Радуйся, голубице непорочная;

Радуйся, девственнице чистая;

Радуйся, инокиням утешение;

Радуйся, ко Иерусалиму Небесному путеводительнице;

Радуйся, благочестия звездо;

Радуйся, заступнице к тебе притекающих;

Радуйся, целительнице недугов незримая;

Радуйся, ходатаице за ны теплая;

Радуйся, Евфросиние, невесто Христова всечестная.

И кондак 1:

Избранную Христову невесту песньми восхвалим днесь, вернии, Евфросинию. Сия бо княжна, дом отчий оставльши и во иночестве поживши добре, многия управила есть ко спасению, во Иерусалиме плотию преставльшися, во Иерусалим Горний духом преселися и тамо присно за ны молится, ейже тако возопиим:

Радуйся, Евфросиние, невесто Христова всечестная.

Молитвы преподобней Евфросинии

Молитва первая

О, преподобная и приснопамятная, всехвальная мати Евфросиние, Ангеле во плоти, богоизбранный сосуде Святаго Духа, Церкве Христовы похвало и украшение, монашествующих славо и утверждение, отечеству, обители твоей и всей стране помоще, покрове и защитнице! Ты еси, яко древо, насажденное при исходищих вод, плоды добродетелей твоих и благодатными даровании Святаго Духа украшенная, наставнице делом и словом, избранная, непорочная и добрая, услыши ны, молящияся тебе и призывающия имя твое: имаши бо дерзновение у Господа. Испроси нам преспеяние в жизни добродетельней, огради сердца наша верою, надеждою, и любовию, и страхом Божиим. Подай нам помощь в трудех и скорбех наших, и якоже попечение имела еси в житии твоем о обители твоей и иночествующих, тако и ныне потщися о нас благопоспешити нам во всем; и обитель твою огради миром и защити от враг видимых и невидимых, да преуспевает и процветает в добродетелех. Изми ны от всякия нужды и тесноты, от лютых болезней и от нечаянныя смерти и приведи ны ко истинному покаянию при исходе из жизни сея. Испроси нам у Господа Бога кончину мирну, безболезненну, непостыдну, Святых Таин причастну и преведи ны чрез мытарства воздушная, да не похитят нас истязателие грознии по грехом нашим, но да твоим заступлением и помощию возможем безбедно проити истязание воздушное, и милость получити, и предстати неосужденно Страшному Престолу, и на Страшнем Судищи сподобитися одесную стати Праведнаго Судии и наследовати праведных часть. Ей, госпоже, всечестная мати, преподобная Евфросиние, помози нам молитвами твоими, огради нас и заступи от всяких козней вражиих, да сподобимся прейти время жизни сея непреткновенно и спасение получити молитвами твоими у Христа Господа, Егоже и сподобимся пети и славословити со Безначальным Отцем и со Святым Духом во веки веков. Аминь.

Молитва вторая

О, преподобная и богоносная мати наша Евфросиние! Предстоящи престолу Пресвятыя Троицы, молися выну о Велицем Господине и отце нашем Кирилле, Святейшем Патриарсе Московстем и всея Руси, и о Господине нашем Высокопреосвященнейшем Филарете, Митрополите Минстем и Слуцтем, Патриаршем Экзарсе всея Беларуси, и о Господине нашем Высокопреосвященнейшем Феодосии, архиепископе Полотстем и Глубокстем, и о всем священнем и иночестем чине, игумении же и сестрах обители твоея, о военачальницех и градоначальницех, и о всех православных христианех: да ходим кийждо достойно звания нашего, в немже звани быхом, и да будет земля наша – земля добрая, и вси живущии на ней – род избран, царское священие, язык свят, людие обновления, ныне, и присно, и во веки веков. Аминь.

Печатается по изданию: Акафист преподобней матери нашей Евфросинии, игумении и княжне Полотстей. Полоцк, 2008.

С  сайта  Полоцкого  Свято-Евфросиниевского  женского  монастыря.