Преподобный Серафим Вырицкий, иеросхимонах, великий молитвенник и печальник земли Русской, святой подвижник, старец и прозорливец, канонизирован в августе 2000 года Русской Православной Церковью в лике преподобных в сонме Собора новомучеников и исповедников Российских.
Житие: Преподобный Серафим Вырицкий, в миру Василий Николаевич Муравьев, родился 31 марта / 13 апреля 1866 года в деревне Вахромеево Арефинской волости Рыбинского уезда Ярославской губернии в благочестивой крестьянской семье. А уже 1 апреля младенец был крещен.
При крещении мальчик был назван Василием в честь преподобного Василия Нового исповедника. Получив истинно христианское воспитание, он с ранних лет воспылал любовью к Богу. Первыми его книгами стали Евангелие и Псалтирь. Уже тогда открылся для него чудный и таинственный мир, мир молитвы, перед которым померкло все земное.
Когда Василию исполнилось 10 лет неожиданно и скоропостижно умер его отец, будучи 41 года от роду, и отроку пришлось стать кормильцем семьи. Некий благочестивый односельчанин, работавший старшим приказчиком в одной из столичных лавок, пригласил Василия в Санкт-Петербург на заработки.
Работая рассыльным в лавке Гостиного Двора, Василий своим усердием, исполнительностью и старательностью заслужил полное доверие хозяина, который давал ему все более и более ответственные задания. Весь свой заработок юноша отдавал больной матери.
Неугасимое стремление к монашеской жизни владело Василием постоянно, и однажды, будучи 14 лет от роду, он отправился в Александро-Невскую Лавру в горячем порыве стать монахом. Настоятеля в тот день не оказалось, и Василию предложили встретиться с одним из старцев схимников.
Старец ему сказал: «Васенька, тебе суждено еще пройти путь мирской, тернистый, со многими скорбями. Соверши же его перед Богом и совестью. Придет время и Господь вознаградит тебя. » Так была явлена Василию воля Божия. Вся дальнейшая его жизнь в миру была подготовкой к жизни иноческой. Это был подвиг послушания, который длился более 40 лет.
Хозяин Василия был человеком благочестивым и приветствовал его богоугодную жизнь, а также ценил его необычайное трудолюбие, исполнительность и несомненный коммерческий талант. В 16 лет преподобный Серафим Вырицкий стал приказчиком, а через год старшим приказчиком.
По служебным делам преподобный Серафим Вырицкий часто выезжал в Москву и другие города, непременно посещая святые места и монастыри. Часто бывал он в Троице-Сергиевой Лавре, в ее Гефсиманском скиту, где обрел себе духовного наставника в лице любвеобильного старца Варнавы. Около 20 лет продолжалось их духовное общение.
Духовный наставник помогал Василию советами, оберегал от мирских соблазнов, готовил его ко вступлению в будущем на иноческий путь. Пока же ему необходимо было выбрать себе спутницу жизни. Ею стала Ольга Ивановна 1872 года рождения (более подробные сведения о ней отсутствуют) из благочестивой семьи.
По благословению отца Варнавы молодые обвенчались в 1890 году. В 1892 году Василий Николаевич открыл собственное дело, он организовал контору по заготовке и продаже пушнины. Приобретенный опыт и собственные торговые способности помогли ему добиться значительных успехов.
Но преподобный Серафим Вырицкий стремился не к богатству и мирским почестям, а к возможности оказания помощи Церкви и ближним. Василий Николаевич успешно закончил Высшие коммерческие курсы. С 1915 года он получил статус действительного Петроградского 2-ой гильдии купца, стал одним из пяти крупнейших мехоторговцев столицы.
В 1895 году в семье Муравьевых родился сын Николай, а затем дочь Ольга, умершая в младенчестве. После смерти дочери супруги Муравьевы, по обоюдному согласию и по благословению духовного отца, стали жить как брат и сестра. Уже тогда в семье сложился обычай в дни двунадесятых праздников и праздников в честь чудотворных икон Божией Матери после литургии накрывать столы для всех желающих неимущих.
Преподобный Серафим Вырицкий регулярно вносил пожертвования на содержание нескольких богаделен, оказывал помощь всем нуждающимся, принимал в доме на излечение болящих из казенных больниц, помогал храмам и монастырям, неустанно и постоянно совершал дела милосердия.
В 1906 году отец Варнава тяжело занемог и, простившись со своими духовными детьми, почил о Господе. Кроме советов и наставлений Василию Николаевичу досталась в наследство от духовного отца удивительная дружба и духовная близость с архимандритом Феофаном (Быстровым), духовником царской семьи.
Наступил грозный 1917 год. Потеряв торговое дело, преподобный Серафим Вырицкий подытоживает прожитые годы, много молится, готовясь к новому этапу своей жизни. Сначала святой собирался поступать в Троице-Сергиеву Лавру, но Господь судил иначе. Обитель вскоре была закрыта властями.
Преподобный Серафим Вырицкий получил благословение митрополита Петроградского и Гдовского Вениамина на принятие монашеского пострига в Александро-Невской Лавре. Первым монастырским послушанием его было — пономарь. Супруга Василия Николаевича Ольга стала послушницей Воскресенского Новодевичьего монастыря.
29 октября 1920 года архимандрит Лавры Николай (Ярушевич) постриг послушника Василия Муравьева в монашество с наречением ему имени Варнава в честь духовного отца. Тогда же была пострижена Ольга Муравьева с наречением имени Христина. Так исполнилось заветное желание преподобного, к которому ему суждено было идти более 40 лет.
Вскоре брата Варнаву рукоположили в иеродиакона, а 11 сентября 1921 года — в иеромонаха. Преподобный Серафим Вырицкий соединил ангельский чин иночества с благодатию священства в день усекновения главы святого Иоанна Предтечи, в иноческий праздник, в день усиленного церковного поста и сугубого покаяния.
Служение отца Варнавы отличалось неподдельной искренностью, лицо его озарялось духовной радостью, на богослужения с его участием стекалось множество народа, его проповеди отличались простотой и доступностью. Люди тянулись к кроткому иеромонаху, круг его духовных чад стремительно расширялся.
В течение 1926 года архимадрит Сергий (Бирюков) готовил отца Варнаву к принятию послушания духовника. Перед тем, как начать свое старческое служение преподобный Серафим Вырицкий выразил желание облечься в великую схиму. При постриге он был наречен именем Серафим, в честь святого Серафима Саровского.
Молва о благодатном старце разнеслась по северной столице и далеко за ее пределами. Время было трудное, неспокойное. К келии старца стекалось огромное количество людей, ищущих благословения, совета в трудных обстоятельствах, молитвенной помощи, утешения в скорби.
Сочетая в себе высочайшие духовные дарования с богатым практическим жизненным опытом преподобный Серафим Вырицкий был поистине незаменимым наставником. К концу 20-х годов относится одно из первых свидетельств о благодатном даре батюшки исцелять больных. Женщина, одержимая нечистым духом, полностью избавилась от его власти после молитвы старца.
В келии старца перед Казанской иконой Божией Матери, образов святого великомученика Пантелеймона и преподобного Серафима Саровского стоял аналой с Евангелием и крестом, где преподобный Серафим Вырицкий совершал таинство покаяния и исповеди, наставлял людей, укреплял духовно.
На поприще духовника Александро-Невской Лавры преподобный Серафим Вырицкий пребывал почти три года. Неимоверные физические и духовные нагрузки, постоянное переохлаждение (помещения отапливались очень плохо, а старец себя не щадил) постепенно дали о себе знать, и здоровье старца резко ухудшилось.
Настал день, когда преподобный Серафим Вырицкий просто не смог подняться. В качестве климатического курорта была рекомендована медиками Вырица. Старец наотрез отказался ехать. Митрополит Серафим (Чичагов), имевший в миру профессию врача, немедленно благословил переезд, и старец подчинился.
Так начался новый период его жизни, в результате которого он получил прозвание — преподобный Серафим Вырицкий. К лету 1930 года старец покинул город апостола Петра. Вместе с ним в Вырицу, по благословению Владыки, ехала схимонахиня Серафима, в миру Ольга Ивановна Муравьева, и их двенадцатилетняя внучка Маргарита, юная послушница Воскресенского Новодевичьего монастыря.
В это время повсюду прокатилась волна жестоких репрессий, направленных против Церкви. В истории Церкви не раз случалось, что во времена самых жестоких гонений и упадка веры Господь посылал в помощь людям Своих особых избранников — хранителей чистоты Православия.
Таким избранником в России 30-40 годов стал преподобный Серафим Вырицкий. Батюшка тяжело болел, ноги болели нестерпимо и отнимались, но никто никогда не слышал от него стонов и жалоб. Он мужественно переносил страдания, считая, что болезнь — это школа смирения, где воистину познаешь немощь свою.
Преподобный Серафим Вырицкий, будучи тяжело больным, принимал сотни людей в день, несмотря на возражения родных. Старец говорил: «Пока моя рука поднимается для благословения, буду принимать людей». Он был необыкновенно строг к себе, никаких послаблений — пост, бдение, молитва.
Подражая своему небесному учителю преподобный Серафим Вырицкий принял на себя новый подвиг — молитвы на камне перед иконой святого Серафима Саровского. На протяжении 10 лет. Под конец старец сам уже не мог дойти до камня, его почти несли, но молитвы не прекращал. Домашние не знали, когда он спит, да и спал ли он вообще.
Преподобным Антонию Великому и Зосиме повиновались львы, Сергию Радонежскому и Серафиму Саровскому — медведи. Отцу Серафиму Вырицкому повиновались самые лютые звери — звери в человеческом обличье. В январе 1941 года был арестован и расстрелян сын батюшки Николай Муравьев, авиатор. За старцем не раз приходили сотрудники НКВД и… уходили.
Преподобный Серафим Вырицкий предсказал начало Великой Отечественной войны и ее победный конец, а также возрождение Православной Церкви в России. Всю войну не прекращал старец денно и нощно свой молитвенный подвиг, хотя на начало войны ему было уже 76 лет.
В последние годы преподобный Серафим Вырицкий был совершенно прикован к постели. Время земного странствия подвижника подходило к концу. Старцу был открыт час его перехода к Вечности. Он попрощался с родными, причастился Святых Христовых Таин и мирно отошел ко Господу 3 апреля 1949 года, в день празднования воскрешения преподобного Лазаря.
Над могилкой преподобного старца в поселке городского типа Вырица, в 60 километрах от Петербурга, сооружена часовня, куда не зарастает народная тропа. Здесь же похоронена и схимонахиня Серафима, жена старца.
Молитвенная традиция: Преподобному Серафиму Вырицкому молятся о спасении России, о помощи в делах, о своих неверующих родственниках, чтобы они обрели веру, о душевном и телесном здравии и благополучии.
Память: 21 марта / 3 апреля.
Тропарь преподобному Серафиму Вырицкому, глас 4-й.
Яко великаго молитвенника за землю нашу и утешителя теплаго притекающих к тебе, ублажаем тя, вторый русский отче Серафиме, вся вяти в мире красная оставил еси, всем сердцем устремился еси к чертогам сладчайшаго Христа и в годину лютых гонений образ кротости и смирения всем был еси: не престай и ныне молитися за ны, да в терпении обрящем путь покаяния и с тобою выну славим Пресвятую Троицу.
Кондак преподобному Серафиму Вырицкому, глас 5-й.
Подражая богоносному угоднику Саровскому, Духа Святаго благодать обильно стяжал еси: Александро-Невския Лавры крине благоуханный, Вырицкия веси похвало, сего ради и мы тебе зовем: Радуйся, преподобне Серафиме, милостивый наш предстателю пред Господем.
Величание преподобному Серафиму Вырицкому.
Ублажаем тя, преподобне отче Серафиме, и чтим святую память твою, наставниче монахов и собеседниче ангелов.
МОЛИТВА
О богоблаженный и премилосердый отче наш Серафиме! Ведуще тя и по смерти яко жива суща, с верою припадаем ти и вопием: не забуди убогих твоих до конца, но милостивно призри на стадо твое духовное и упаси е, добрый пастырю, благоприятными твоими к Богу молитвами. Испроси нам от Господа время на покаяние и греховныя жизни исправление, веси бо вся немощи наша душевныя: не имамы дел веры и спасения, не имамы ревности ко истинному богоугождению, пленихомся умом в погибельных страстех, растлехом сердца во гнусных похотех. Что убо чаем, и на что надеемся неключимии, разоривше храмины душ наших; Ей, святый отче, простри молитвенно руце твои ко Господу и умоли Спасителя рода человеческаго коснутися благодатию окаменелых сердец наших, омыти нас слезами покаяния, возставити в вере, укрепити во благочестии и вся полезная ко спасению даровати. Не посрами упования нашего, еже по Бозе и Богородице на тя возлагаем, но буди нам скорый помощник, утешитель в скорбех и покровитель во обстояниих, да сподобимся молитвами твоими наследовати Царствие Небесное, идеже вси святии непрестанно славят и воспевают пречестное и великолепое имя Отца, и Сына, и Святаго Духа, ныне и присно, и во веки веков. Аминь.
АКАФИСТ ПРЕПОДОБНОМУ СЕРАФИМУ ВЫРИЦКОМУ
Кондак 1
Избранный угодниче Христов, преподобный отче Серафиме, / веры Православныя светильниче, и земли Российския благодатный заступниче, / чудный образ спасения нам явивый, / деланием сокровенным и смирением Царствие Небесное стяжавый. / К твоему предстательству ныне притекающе, / пение хвалебное приносим ти, любовию зовуще; / радуйся, преподобне Серафиме, Вырицкий чудотворче.
Икос 1
Ангелоподобную красоту души имел еси, преподобне отче, сердцем пламенея ко Господу сил, и Тому Единому служити от юности восхотел еси, послушание истинное Творцу своему явил еси, Темже, промышлению Божию о тебе дивящеся, с верою зовем ти;
Радуйся, благочестивых родителей отроче достойный;
Радуйся, измлада всею душею Господа возлюбивый;
Радуйся, службы церковныя благоговейный ревнителю;
Радуйся, мира духовнаго умиленный созерцателю.
Радуйся, молитвы чистыя усердный совершателю;
Радуйся, сердцем всецело к Богу устремленный.
Радуйся, схимнику лаврскому желание сердца своего поведавый;
Радуйся, от него волю Божию о себе познавый.
Радуйся преподобне Серафиме, Вырицкий чудотворче.
Кондак 2
Видя Господа очесы духовными и на милость его уповая, браком законным сочетался еси, блаженне отче, чистоту душевную и телесную усердно соблюдая. Вкупе же с супружницею своею возрастал еси во всякой добродетели, непрестанно поя Господеви: Аллилуиа.
Икос 2
Разум наш недоумевает, отче Серафиме, како возглаголати во словесех веру и любовь твою ко Господу. Николиже усомнелся еси во благости Отца Небеснаго, и всецелое доверие к Богу в душе своей питал еси. Сего ради глаголем ти сицевая:
Радуйся, образе веры непоколебимыя;
Радуйся, исполненный кротости духовныя.
Радуйся, бояйся Господа и храняй заповеди Его;
Радуйся, на всяк день поучавыйся в правде Его.
Радуйся, душу свою в терпении стяжавый;
Радуйся, Царствия Божия прежде всего искавый.
Радуйся, целомудрия и воздержания супружескаго хранителю;
Радуйся, тихаго нрава любомудрый носителю.
Радуйся, преподобный Серафиме, Вырицкий чудотворче.
Кондак 3
Силою Вышняго укрепляем, поприще мирское с деланием внутренним мудро сочетал еси, праведне отче, и делами милосердия, Христа ради творимыми, благословение Божие снискал еси. Покрый убо и нас, обнаженных всякаго дела блага, любовию твоею, да восхвалим милостиваго Бога, поюще Ему: Аллилуиа.
Икос 3
Имея сострадание, милостиве отче, скорбящих укреплял еси, темже и любовь Христову стяжал еси. Приими и от нас недостойных благодарственную песнь сию:
Радуйся, скорый помощниче в бедах сущим;
Радуйся, щедрый подателю просящим.
Радуйся, храмов и обителей благотворителю;
Радуйся, немощных и убогих попечителю.
Радуйся, яко самому Христу ближнему послуживый;
Радуйся, богатство тленное ни во что же вменивый.
Радуйся, земных пристрастий свободивыйся;
Радуйся, верою и добрыми делами утвердивыйся.
Радуйся, преподобне Серафиме, Вырицкий чудотворче.
Кондак 4
Бури богоборчества в России воздвигнутыя не устрашился еси, богоносне отче, но подвиг исповедничества познав, мужеством вооружился еси, во еже совершенным учеником Господа нарицатися, и Ему всецело себе предав, радостно воспевал еси: Аллилуиа.
Икос 4
Слышав о тяжких страданиих, верными за имя Христово претерпеваемых, со апостолом вопрошал еси: «Кто ны разлучит от любве Божия?» Вемы воистинну, отче, яко любящим Бога вся поспешествуют во благое, молим тя и нам многогрешным, душеполезное от Господа испроси, да согласно поем ти:
Радуйся, веру Православную мужественно исповедавый;
Радуйся, даже до смерти за Христа пострадати возжелевый.
Радуйся, имение свое по слову Господа раздавый;
Радуйся, за Возлюбленным тобою и тя Возлюбившим последовавый.
Радуйся, злато, в горниле искушений очищенное;
Радуйся, древо при источниках вод живых насажденное.
Радуйся, скорби и испытания в богатство духа обративый;
Радуйся, сокровенным подвигом ко иночеству себе приуготовивый.
Радуйся, преподобне Серафиме, Вырицкий чудотворче.
Кондак 5
Богосветлую звезду яви тя Господь в Лавре Александро-Невстей, преподобне отче Серафиме, егда во ангельстем чине благодать священства восприяв, души многих скорбящих и во мраце отчаяния пребывающих укреплял еси, и светом Истины озарял еси, воспевая Господеви: Аллилуиа.
Икос 5
Видевше братия, яко потщався вседушно Богу благоугодити и не вотще потрудился еси, угодниче Христов, паче же смирения глубину, мир и радость о Господе стяжал еси. Темже и мы, зряще духовное восхождение твое от силы в силу, тако с благоговением взываем ти:
Радуйся, плоть свою со страстьми и похотьми распявый;
Радуйся, скверну греховную покаянием омывый.
Радуйся, яко благодатную силу смирения познал еси;
Радуйся, яко деланием заповедей евангельских душу обновил еси.
Радуйся, имя Иисуса Сладчайшаго непрестанно призывавый;
Радуйся, на земли блаженство будущаго века вкусивый.
Радуйся, Жертву безкровную со страхом и трепетом совершавый;
Радуйся, словом мудрым всех притекающих к тебе питавый.
Радуйся, преподобне Серафиме, Вырицкий чудотворче.
Кондак 6
Совершенную любовь яко венец добродетелей и дар Святаго Духа приемый, немощи немощных подъял еси, духоносне отче, и ко спасению мнози души управил еси. Темже предстательством твоим и мы грешнии, недугов многоразличных исцелевше, благодарственно вопием Господу: Аллилуиа.
Икос 6
Возсия в лице твоем Правда Божия и отгнася прелесть бесовская, егда Лавра ига обновленческаго свободися, иноцы же вси возвеселишася. Сего ради просим тя, миротворче, раздоры и нестроения жития нашего утоли, неправды разори, да в единодушии глаголем ти:
Радуйся, храме нерукотворенный Христа Бога нашего;
Радуйся, щедротами Духа Святаго благолепно украшенный.
Радуйся, сердце твое вместилище мира соделавый;
Радуйся, фимиам молитвы Господу непрестанно возносивый.
Радуйся, о заблудших зело душею болезновавый;
Радуйся, всем спастися и в разум истины прийти желавый.
Радуйся, гордость и злобу нечестивых смирением и кротостию победивый;
Радуйся, по заповеди Христовой любити враги своя учивый.
Радуйся, преподобне Серафиме, Вырицкий чудотворче.
Кондак 7
Хотя Человеколюбец Господь явити в тебе новое духовное светило, даде тя братии обители во отца духовного. Темже великую схиму, яко печать совершенства от Бога прияв, душа твоя чистая огнем пламенныя молитвы за весь мир исполнися, благочестию и братолюбию всех наставляя, с трепетом вопияше Богу: Аллилуиа.
Икос 7
В дивном пророчестве, преблаженне, указа Господь путеводителя и покровителя твоего, преподобнаго Серафима Саровскаго, егоже именем в схиме нареченный, ты воистину новым утешителем народу нашему явился еси. Сему благоволению Божию чудящеся, вопием ти:
Радуйся, теплый к Богу о всех молитвенниче;
Радуйся, Преблагословенные Владычицы Державныя угодниче.
Радуйся, Ангелов приятный собеседниче;
Радуйся, духоносных отец сподвижниче.
Радуйся, православных благодатное заступление;
Радуйся, блуждающих во тьме безбожия светозарное наставление.
Радуйся, грешников с Богом искреннее примирение;
Радуйся, источниче радости и умиления.
Радуйся, преподобне Серафиме, Вырицкий чудотворче.
Кондак 8
Странно и неудобоприятельно суетному миру слышати, како молитвами твоими, чудотворче, богатство милосердия Божия изливается на всех, с верою притекающих к твоему небесному покровительству. Мы же, славяще Троицу Святую, даровавшую ти благодать сию, радостно восклицаем: Аллилуиа.
Икос 8
Всего себе на служение Богу и людем предал еси, дивный отче, чадом своим заповедал еси о горнем всегда помышляти и молитву Иисусову усердно творити, еюже всякий грех в душе посекается, и дух человека с Духом Божиим соединяется. Под твое пречудное благословение прибегающе, с любовью величаем тя:
Радуйся, горняго Иерусалима жителю;
Радуйся, неизреченныя славы Спасителя мира зрителю.
Радуйся, молитвы наша к стопам Вседержителя и Богородицы приносяй;
Радуйся, якоже отец чадолюбивый, просящим полезная подаваяй.
Радуйся верный Церкве Христовы служителю;
Радуйся, неизцелимых болезней духовный врачевателю.
Радуйся, грядущих времен чудесное предзрение;
Радуйся, настоящих обстояний скорое избавление.
Радуйся, преподобне Серафиме, Вырицкий чудотворче.
Кондак 9
Все силы небесныя удивишася терпению и смирению твоему, святче, мучительным бо тя недугом зряще пораженнаго, обаче промыслительно от рук гонителей из Лавры восхищеннаго. Людие же вернии видевше тя чудно под кровом Богородицы в Вырицкой веси хранимаго, воспеваху Человеколюбца Господа: Аллилуиа.
Икос 9
Витийство человеческое умолкает пред величием подвигов твоих, преподобне, како убо старец плотию немощен сый, многие труды подъял еси. Темже силе Божией в немощах совершаемой дивящееся, взываем ти:
Радуйся, древних пустынников искусный подражателю;
Радуйся, постническаго жития их изрядный любителю.
Радуйся, молитвенных бдений усердный ревнителю;
Радуйся телесных немощей чудный победителю.
Радуйся, истинным смирением добродетели своя сокрывый;
Радуйся, плачем плоды Божия благодати умноживый.
Радуйся, елей радости трезвением сохранивый;
Радуйся, Христу Богу житием своим благоугодивый.
Радуйся, преподобне Серафиме, Вырицкий чудотворче.
Кондак 10
Спасти Русь Святую от нашествия иноплеменник Господа умолял еси, боголюбче дивный: «Иисусе Христе, Сыне Божий, помилуй страну нашу и мир Твой». Тако со умилением сердечным к Богу взывая, подобне старцу Саровскому, новый подвиг молитвеннаго стояния на камне подъял еси. Темже тя укрепившаго Господа славим, победную песнь Ему поюще: Аллилуиа.
Икос 10
Стена бысть незримая молитва твоя, угодниче Божий, воинству и народу нашему в годину испытаний тяжких. Разумом духовным смысл попущенных Богом скорбей постигая, обратитися ко Христу отступившие люди призывал еси. Темже соблюди и нас от всякия вещи сопротивныя, вопиющих ти таковая:
Радуйся, чашу страданий со отечеством земным до конца испивый;
Радуйся, о помиловании России Господа просивый.
Радуйся, воинству христолюбивому Богом дарованное поможение;
Радуйся, душ и телес наших живительное орошение.
Радуйся, мученичество безкровное волею претерпевый;
Радуйся, немощи естества человеческаго презревый.
Радуйся, земли Российския молитвенное ограждение;
Радуйся, от враг видимых и невидимых досточудное избавление.
Радуйся, преподобне Серафиме, Вырицкий чудотворче.
Кондак 11
Пение умиленное приносим ти, преподобне отче Серафиме, ублажающе многотрудное земное житие твое, ты же не престани молитися за ны ко Господу, да дарует нам грехов оставление, страстей одоление, во всяцей добродетели утверждение и мира душевнаго сохранение, и сподобит нас недостойных вкупе с тобою во Царствии Небеснем благодарственная восклицати: Аллилуиа.
Икос 11
Светозарнаго проповедника сущим во тьме безбожия зрим тя, всеблаженне отче, духовное бо возрождение России провидел еси, и соотечественникам твердо веры Православныя держатися завещал еси. Мы же, словесы твоими просвещаеми, со умилением взываем ти:
Радуйся, славы Предвечнаго Царя причастниче;
Радуйся, Божественнаго Солнца луче.
Радуйся, милосердия светило, согревающее душы;
Радуйся, наставниче, духовно пробуждающий умы.
Радуйся, светильниче, имже мнози человецы просвещаются;
Радуйся молитвенниче, имже козни вражия разрушаются.
Радуйся, чистоты сердечныя хранителю;
Радуйся, совершенства христианскаго учителю.
Радуйся, преподобне Серафиме, Вырицкий чудотворче.
Кондак 12
Блаженную кончину твою, богомудре отче, молением акафистным Богоматери предварил еси. Та бо, явственно посетивши тя, отшествие твое близкое на небо десницею указа ти. Киими похвалами достойно ублажим тя, избранниче Царицы Небесныя, ныне со лики ангельскими поюща: Аллилуиа.
Икос 12
Поюще дивнаго во святых своих Бога, веруем вседушно, яко много может молитва праведнаго ко благосердию Владыки, и сего ради просим тя, преподобный отче, буди о нас ходатаем теплым у Престола Пресвятыя Троицы, вопиющих ти сице:
Радуйся, пламенному серафиму тезоименитый;
Радуйся, старчества восприемниче духоносный.
Радуйся, нивы Христовы неустанный делателю;
Радуйся, мира Божия усердный насадителю.
Радуйся, Православныя Церкве новое украшение;
Радуйся, велие к Богу за Русь многострадальную дерзновение.
Радуйся, рода христианскаго благомощное заступление;
Радуйся, почитающим тя ходатаю вечнаго спасения.
Радуйся, преподобне Серафиме, Вырицкий чудотворче.
Кондак 13
О преславный и досточудный угодниче Божий Серафиме, Вырицкий чудотворче! Приими усердное сие моление наше, с любовью тебе возносимое, умоли Всемилостиваго Господа избавити нас от всякаго зла и напасти, да в нынешнем веце благочестно поживем и блаженства жизни вечныя молитвами твоими сподобимся, о тебе благодарственно Господеви поюще: Аллилуиа.
Сей кондак глаголи трижды,
по сем икос 1: «Ангелоподобную красоту…:»
и кондак 1: «Избранный угодниче Христов…».
